Ps.119:89 Parashah 12 Vayechi en hy het geleef. Gen. 47:28-50:26 1 Kon. 2:1-12 Hand.7:9-16; Hebr.11:21-22; 1 Pet.1:3-13; 2:11-17.

Transcription

1 1 Ps.119:89 Parashah 12 Vayechi en hy het geleef. Gen. 47:28-50:26 1 Kon. 2:1-12 Hand.7:9-16; Hebr.11:21-22; 1 Pet.1:3-13; 2: Inleiding: n Nuwe era is in sig! Jakob gaan ons verlaat en dinge gaan drasties verander met hom uit die prentjie. Jakob is die laaste van die Patriargs en wanneer ons begin met Exodus, dan gaan daar n geweldige paradigma skuif plaasvind. Die oomblik wanneer Josef sterf, val daar n doodse stilte op die Torahfamilie en gaan ons vir 400jaar nie een enkele berig oor hulle ontvang nie. Die eerste keer wat ons weer hoor van enige ontmoeting met יהוה gaan by die brandende bos wees. 400jaar is n baie lang tyd! Meet dit aan ons Suid-Afrikaanse geskiedenis. Ons is maar 355 jaar hier in Suid Afrika. Stel jou voor dat daar vir die hele duur van ons geskiedenis geen ontmoeting met יהוה moes wees nie! Parashah Vayechi is die voorbereiding vir hierdie oorgang vanaf Genesis na Exodus. Waar eersgenoemde oor die Patriargs en die Verbond wat gevorm is deur יהוה met Abraham, gaan, sal laasgenoemde gaan oor die uitwerking van hierdie verbond en die gevolge daarvan. Ons wat onsself onderwerp aan יהוה en die krag van Sy Woord, sal ook daardeur beïnvloed word. Net soos wat die onaangename verblyf in Egipte van die nageslag van Jakob vir hulle gelei het tot slawerny, so sal ons uitvind wat die uitwerking van ons Egipte en ons slawerny op ons lewens het. So maak jou klaar daarvoor dat die Woord diep gaan insny en dinge blootlê wat nie aangenaam gaan wees nie. Ons gaan uitvind dat ons ook soos die padda in die louwarm water is en wat nie agterkom dat die water al hoe warmer word nie. Presies wat met die nageslag van Abraham, Isak en Jakob gebeur het in Egipte, gebeur nou nog herhaaldelik met die geestelike nageslagte van die Patriargs totdat daardie wonderlike dag gaan aanbreek wanneer ons Verlosser met die wolke gaan kom om ons te verlos. Alhoewel ons net soos hulle n Paaslam ontvang het, wag ons nog steeds met verwagting vir die dag van Sy koms wanneer Hy ons kom uithaal uit slawerny aan hierdie wêreld.

2 2 Daarom: Laat ons saam die geskiedenis van Abraham, Isak en Jakob omhels en ons eie maak want hierin gaan jy en ek die sleutels vir die ontsluiting van ons eindbestemming vind. Daarom dat יהוה se handboek (Torah) begin met die ellelange beskrywings van die Patriargs se lewensverhale eerder as n lys van moets en moenies. Vayechi: Hy het geleef. Gen. 47:28 In die vorige Parashah het ons geleer wat die omstandighede was wat gelei het daartoe dat Jakob en sy seuns Israel verlaat het en na Egipte gegaan het. Wat het Jakob vir 17jaar daar gedoen? Hoekom het hy besluit om daar af te tree? Dit wil lyk asof die ontmoeting met יהוה by Be er-sheva en die herontmoeting met Josef daar toe gelei het dat Jakob nuwe lewe ontvang het. Gen.46:2-4; Die Hebreeuse verklaring vir Vayechi, afgelei van die wortelwoord chaya is: om te lewe; om te bly lewe; om aangemoedig te word om te lewe; om in oorvloed te lewe; om verfris te word; om te herstel tot n lewe van gesondheid So dit is wat Jakob hier in Egipte ervaar het. Hy het skielik weer lewendig geword. Hy het A new lease on life ontvang. Hy het nie net kom oorleef in n tyd van hongersnood nie, maar hy het gekom om die chai lewe te ontvang. 17 jaar van suiwer chai-lewe lewe van vryheid, voorspoed en vreugde en bo-al shalom vrede! Goshen: (Gosen) Gen.47:25-27 Dit is net mooi hier wat my vorige verwysing na die padda in die louwarm water inkom. Hier sit hulle in Gosen. Dit mag nou wel nie die beloofde land wees nie, maar dit voel so! Die kinders floreer, die vee teël aan en die gewasse groei dat die biesies bewe. Alles voel so reg en lyk so goed! Hulle was vry om terug te gaan na Kanaan, maar wie wil nou hierdie Paradys verlaat? So: skop uit die skoene en bly! Tussen die einde van die vorige Parashah en die begin van hierdie een, verloop 17 jaar van absolute saligheid. Daar word beweer dat Gosen die landstreek in die wêreld is wat gereken word as die vrugbaarste en dat daar geen siektes of peste onder die vee gevind word nie. Ook word daar van Gosen gereken dat die plasentas van dier sowel as vroue so gesond is en die rede is vir hoë vrugbaarheid. Wat meer kan jy vra? Hier onder die versorging van Josef, hulle broer, word Jakob en sy kinders deur יהוה versorg. ;(ג ( Gimel; Goshen is die enigste woord in die hele Bybel wat bestaan uit die letters shin ש) ); nun-sofit ן) ). Die numeriese waarde van Goshen en Messias is dieselfde! Julle kan al klaar sien waartoe hierdie bespreking lei. Meer daaroor later. Jakob se laaste wens:

3 3 In hierdie Parashah het ons die voorreg om om die sterfbed van die laaste van die Patriargs te staan en die laaste seënbede oor sy seuns aan te hoor. Wanneer hierdie Parashah begin, maak ons kennis met die eerste Patriarg wat buite die grense van Israel gaan sterf. Die een wat die voorreg gehad het om die engele op die grond van Israel te sien uit die Hemel kom, gaan nou in Egipte sterf? Die een wie se naam verander is na Israel! Die een wat n hele nag met die engel van יהוה geworstel het op die grondgebied wat aan hom gegee is? Iets klink hier nie reg nie. Ons sien egter in hierdie Patriarg n vuur brand wat nie deur die Nylrivier geblus kan word nie. Die eerste ding wat hy doen is om seker te maak dat hy nie tussen die piramides van Egipte begrawe word nie, maar vir baie goeie redes by sy vader en oupa in Hebron. Hiermee verseël hy die belofte waarmee sy voorouers geseën was, nl. Dat die land aan Abraham, Isak en Jakob en hulle nageslagte tot in ewigheid sou behoort. Gen.47:29-31 Dit is so goed of ons hoor die volgende woorde en durf ons nie: te gemaklik raak in Egipte nie! Moet ons uit Babilon kom. Moet ons nie ons erfenis meet aan ons inkomste nie Of hoeveel land en eiendom ons besit nie. Staan vir n oomblik stil by elke nuwe maan, volmaan en elke nuwe sonsopkoms En elke shabbat en by elke feesdag deur יהוה ingestel En sê vir jouself: My Verlosser is oppad My erflating is nie hier nie. Moet nie toelaat dat hulle jou in Egipte begrawe nie! Hou aan om te klou aan יהוה se beloftes en Hou aan om te glo! Hierdie uitroep weerklink deur die eeue en hoor ons duidelik hierdie woorde in Ps.137:1-6 Hierdie wêreld sal altyd vir ons vreemde aarde bly totdat ons eendag ons ware erflating bereik. Selfs toe sy gesondheid besig was om agter uit te gaan, het Jakob nog steeds sy invloed op die lewens van sy kinders en kleinkinders laat geld. Gen.48:1-2 Ingeënt: Gen.48:3-6 Hier word geskiedenis gemaak. Die twee seuns van Josef by sy Egiptiese vrou word wettiglik aangeneem deur Jakob en so word die eerste mense buite die uitverkore volk ingeënt deur Jakob. Efraim en Menasse, die seuns van Tzafnat-Paneach die Egiptiese prins, word gelyke deelgenote in die Verbond wat יהוה met die natuurlike seuns van Jakob gesluit het!! Die erflating van Josef, wat hy nooit regtig deel aangehad het nie, word nou die erflating van sy twee Egiptiese seuns. Net soos die kinders van die ander seuns, sou hulle ook nou kinders van Israel genoem word kinders deur aanneming met die volste geboortereg as die kinders van Juda, Reuben en Benjamin. Dit is Verbond en die fakkel van die Verbond word aangegee.

4 4 Eers gaan Jakob aan Josef verduidelik hoekom sy geliefde Ragel, die moeder van Josef nie by die ander begrawe is nie, maar in Beth-Lechem Huis van Brood. (Deur haarbloedlyn sou daar later aan die Brood van die Lewe hier in Beth-Lechem die lewe geskenk word) Gen.48:7-8 Efraim en Manasse: Dit mag vir ons na n vreemde vraag van n oupa aan sy kleinseuns wees, maar wanneer ons dieper kyk gaan ons sien dat dit meer profeties is wat die oog sien. Wie was hierdie twee seuns wat hier voor hom staan? Wat het Jakob gesien? Twee Egiptiese prinse wat in die koninklike paleis van die Farao van die tyd groot geword het en nie soos hulle neefs en niggies in Gosen nie? Of sien Jakob wat יהוה sien wanneer hy na Josef se twee seuns kyk:? Generasies wat nog gebore moet word. Stamme wat uit Josef sou volg. Hulle was die twee wortels van die stamboom uit wie Josua, seun van Nun en die dogters van Tzelofechad as ook Gideon gebore sou word. In hulle is die krag van die Verbond opgesluit. Shabbat: Daarom, elke vrydagaand sedert die tyd van die eerste Tempel, wanneer die Shabbat gevier word sal die vader van die huis sy hande op sy seuns lê en die seënwens uitspreek: Mag julle wees soos Efraim en Manasse. Daarna lê hy sy hande op die koppe van sy dogters en sê: Mag julle wees soos Sarah, Rebekka, Rachel en Lea. Hoekom sou dit vir n vader nodig wees om dit te doen? Hoekom is die jeug van die Jode so bereid om Vrydagaande nie na die disco s te gaan nie, maar om tuis te bly vir hulle blessing? Eenvoudig omdat Jakob sy seuns geseën het! Hierdie patroon is baie duidelik vasgelê in die Torah. Asseblief: dit is geen wet of verpligting om jou kinders tydens die Shabbat te seën nie, maar gee vir my een goeie rede hoekom ons dit nie sou wou doen nie. Dit is slegs n wonderlike voorreg en as hierdie patroon soveel seëninge afgewerp het, hoekom wil ons dit nie vir ons kinders hê nie? Sal daar nie dalk net soveel minder probleme wees met die jeug indien hierdie praktyk aan die orde van die dag was nie? Nog n rede hoekom dit vir die Jode vandag nog so belangrik is dat hierdie seën op die Shabbat uitgespreek word en nie op n ander dag nie, is omdat יהוה op die 7e dag gerus het en die 7e dag geseën het. Kom ons doen in navogling van die patroon wat יהוה vasgelê het en rus op die 7e dag en begin die dag deur ons kinders te seën. Jakob seën sy seuns: n Gedeelte van hierdie familieherstelpatroon word in hierdie Parashah gevind. Jakob, oud en amper blind, gaan nou sy seuns seën. Hy spreek n seën uit wat eeue later nog weerklink. Voor hy dit doen, maak hy seker dat Josef se twee seuns ook nou deel is van hierdie familie. Hierdie aangenome twee seuns gaan die eerste blessing ontvang. Die seën wat hulle gaan ontvang is nie as gevolg van enige iets wat hulle gedoen het of verdien het nie. Dit was die soewereine besluit van יהוה self! Gen.48:9

5 5 Hierdie twee seuns was prinse en nie veewagters soos die res van hulle aangenome familie nie. Hulle oupa aan moederskant was niemand anders as Potifar homself nie. Hulle het meer geweet van Potifar se leefwyse as van hulle ander oupa Jakob s n. Aanneming: Wanneer kinders wettiglik aangeneem word, beteken dit dat die natuurlike ouers afstand doen van hulle reg op die kind. Die nuwe ouers ontvang nou daardie seggenskap oor die kind. Wanneer Jakob besluit om hierdie twee kinders as sy eie te neem, moet Josef nou afstand doen van hulle en alle reg oor hulle lewens opgee. Hierdie twee paleisknape gaan nou die kinders word van n veeboer wat hulle nou vir die eerste keer ontmoet en hulle sal in Gosen moet gaan bly. En boonop: Josef stem in! Dit gee n verdere dimensie aan hierdie Vrydagaandseën: Efraim en Menasse was bereid om hulle rykmanslewe op te gee om deel te word van die Verbondsvolk van uitspreek! Bid jy dit nie ook vir jou kinders nie? Dan moet jy dit begin!יהוה Kies die ou paaie: Jer.6:16 Jer.18:15 Net soos Efraim en Menasse het ons ook die keuse om ja te sê wanneer יהוה die begeerte uitspreek om ons aan te neem as Sy kindrs. Dit beteken dat ons, soos Yeshua aan die ryk jong man gesê het: alles verkoop en HOM volg! Matth. 19:21 Elke dag word ons gekonfronteer met keuses vir Hom. In ons doen en late; ons kleredrag; ons woorde! Mag ons inderdaad soos Efraim en Manasse, wat dit reggekry het om nie in die omgewing van die goddelose immorele afgodsdienende Egipte opgeslurp te word nie, die verleiding van die wêreld daar buite teweerstaan, dieselfde doen. Die seën oor Efraim en Manasse: Gen.48:13-16 Merk asseblief dat die seên wat Jakob oor Efraim en Menasse uitspreek heeltemaal verskil van die seën wat oor hom uitgespreek is deur Isak. Gen.27:28-29 Jakob se seën was hoofsaaklik fisies van aard vooruitgang, welvaart, invloed en so voorts. Maar die seën wat Jakob oor Efraim en Menasse uitspreek is baie meer geestelik van aard n verhouding met die Allerhoogste as hulle Herder en hulle Verlosser. Miskien is die vreemdste element van hierdie seën, die ruil van die hande sodat Efraim Manasse se seën ontvang en anders om. Selfs Josef het dit nie verstaan nie. Gen.48: 18 Vir Jakob is dit niks vreemds nie! Ook hy het die seën van sy broer ontvang. Gen.48:19-20

6 6 Hier op die vooraand van sy afsterwe, het Jakob n era van profesie betree. Hy sien ver! Tot vandag is dit di seën waarmee Israel sy seuns seën. Gen.48:21 Die eerste boodskap wat Jakob wil tuisbring by Josef is dat יהוה altyd met hom en sy seuns sal wees, waar hulle ookal in die wêreld gaan rondswerf. Tweedens, wil hy hê dat Josef moet weet dat geen Egipte of enige ander land van ballingskap ooit vir hulle n tuiste sal wees nie, maar dat Israel self daardie tuiste sal wees. Geen Egipte, of land van ballingskap sal vir ewig duur nie! יהוה sal deur die krag van Sy regterhand, hulle weer terug bring na die land wat Hy aan hulle belowe het. Loof יהוה want Hy is besig om dit tot vervulling te bring. Gen.48:22 Dit is baie belangrik om te merk dat geen van die ander seuns teenwoordig was toe Jakob Josef se seuns geseën het nie. Daar kan dus geen verwarring wees oor aan wie hierdie beloftes gemaak is nie. Onmiddellik kom die vraag by ons op: Wanneer het dit gebeur dat Jakob enige iets by die Amoriete afgeneem het wat hy nou aan Josef belowe? Die enigste plek waar ons lees van so n geval is by Shechem tydens die slagting met die Dina-sage en hierdie slagting het sonder die goedkeuring van Jakob plaasgevind. Ons weet ook dat Jakob van sy vader Isak, die grondgebied by Magpela geërf het. Dan het hy ook n stuk grond gekoop by Shechem. Is dit waarna hier verwys word? Vir duisende jare word hierdie stuk inligting as misterieus gesien. Daar is dus n moontlikheid dat Jakob hier profeties verwys na jare vorentoe wanneer die swaard en die boog van sy nageslagte hierdie grondgebied sou afneem en dan aan Josef se nageslag gee. Samaria is die deel wat in die Nuwe Testament hier verwys word na. Interessant wanneer jy nou met hierdie inligting in gedagte lees: Joh.4:5-6 Jakob seën sy seuns: Gen.49:1-2 Nou gaan ons die getuies wees van die profetiese woorde wat Jakob oor sy seuns gaan uitspreek. Woorde wat tot vandag besig is om in vervulling te gaan. As daar ooit n tyd was dat iemand Profesieë nodig gehad het, was dit toe. Hulle staan hier op die vooraand van 400 jaar van slawerny! Alhoewel dit so ver verwyder van voel ons eie wêreld, wil dit tog lyk of daar ook vir ons n les in te leer is. Die Hebreeus vir die woord wat bymekaar kom uitspel, is: Daar is egter twee betekenisse wat aandag moet geniet: 1. Die saad tyd bymekaarmaking: Hebreeus: asaf אסף) ) = om saad bymekaar te maak in n sak vir die doel van saai. (Verwys vorige Parashah). Gen.6:21

7 7 2. Die Oes-tyd bymekaarmaking: qabatz קבץ) ). Dit impliseer n oes aan die einde van n landboujaar. Jakob voorspel wat met hulle gaan gebeur in die b charat ha-yamim (die dae na hierdie tyd). Gen.41:35, 48 Deut.30:3-4 Eers sal ons sien hoe die saad van Israel bymekaargemaak gaan word in n sak om later gesaai te word. (Exodus). Dan aan die einde van die tyd sal die oes ingebring word. ( Openbaring). Tussenin lê die tyd van die Diaspora die tyd van die heidene (gentiles). Dit is die tyd waarin die saad wat יהוה so sorgvuldig versamel het en gehou het op יהוה se tydtafel te strooi oor die wêreld om n oes voort te bring. Hierdie tyd het in 722v.C. begin toe die Noordelike Koninkryk in ballingskap geneem is deur die Assiriërs en deur die hele wêreld verstrooi is. Soos die plae en die Exodus die eerste saadinvordering van Jakob se nageslag was, so was die Assiriërse verstrooiing die eerste strooi van die saad. Die proses het voortgegaa in 586v.C. toe die Suidelike Koninkryk in gevangenisskap geneem is en die mense deur die Babiloniërs verstrooi is sodat hulle nie in opstand kon kom teen Babiloniese outoriteit nie. Herdie was die tweede keer wat die saad gestrooi is. Niemand weet, behalwe יהוה self, waar hierdie saad is nie! Al wat ons weet is dat die laaste een van daardie saad gesaai is en n oes gaan voortbring. Hy sal op die regte tyd tyd bepaal van voor die grondlegging van die wêreld af daardie oes inbring. Die tyd is dalk nader as wat ons besef. En dalk is die tyd van die Diaspora amper verby terwyl ons hier sit! Sommige van daardie saad het op harde klipperige grond geval en sommige op goeie vrugbare grond. Alhoewel sommige vandag nog herken kan word as suiwer Joodse saad, het ander met die nasies geassimileer en ondertrou wat dit moeilik maak om hulle te identifiseer. Daarom dat die DNA van Jakob in sommige versteek sal bly totdat יהוה hulle bekend maak. Een van die dae sal die ware afstammelinge van die stamme van Efraim. Manasse, Zebulon, Gad, Asher, Naftali, Dan, Issakar, Reuben, Simeon en Levi qabatz word deur.יהוה Wanneer die Lord of the harvest Yeshua HaMascheach kom om die finale oes af te haal, sal al die verstrooide saad van Jakob bymekaar geroep word soos hier om Jakob se sterfbed om hulle erfporsies te ontvang. Dan sal Josef en sy broers weer herenig word. In die profesie oor Juda vind ons n sterk verwysing daarna: Gen.49:11 Gen.49:22 (Sommige vertalings sê nie vine nie, maar vrugteboom) n Sterk konnetasie met Es.37 se twee stokke in een hand. Hulle wat as die verlore stamme bekend staan, sal dan hulle ware identiteit ontvang en met Juda verenig word. So sal daar dan ook n oes van uit die heidennasies inkom miljoene van volgelinge van die God van Abraham, Isak en Jakob! Jakob se sterfbed: Wanneer Jakob sy mond oopmaak, dan klink die woorde wat daar uit kom allermins soos die Eindtyd Profesieë waarvan ons in Openbaringe van lees. Dit is beslis nie n afskeidsboodskap van n sterwende vader nie. Dit maak nie eers melding van Farao en die slawerny wat hulle binnekort in die oë staar nie. Vir die moderne leser mag Jakob se woorde baie meer kripties, emosioneel en persoonlik klink as profeties. Die vraag is egter: Deur wie se oë gaan hy kyk wanneer hy sy seuns een vir een deurkyk?

8 8 Hoeveel gaan ons daarvan verstaan, wat nog te sê hulle? Hoe sal ons die profesieë interpreteer? Reuben: Gen.49:3-4 Kan jy jou dit voorstel hoe Reuben gevoel het toe hy daar staan en voor sy broers moes aanhoor wat alles behalwe na n seën geklink het? Die spesifieke gebeure verskyn in Gen.35:22. Maar soos ek altyd sê: What is true in the natural is true in the spiritual! Hierdie spreek van toekomstige gebeure. In Num.16 lees ons van die gebeure met Korach en sy seuns. (Later meer daaroor) Baie beskou Reuben as n verlore stam, maar vir יהוה is geeneen van die afstammelinge van Reuben fisies en geestelik - verlore nie. Hy weet waar elkeen vandag homself bevind en hy ken die toekoms van elkeen. Dit staan alles in die Torah opgeskryf. Simon en Levi: Gen.49:4-7 Beide hierdie seuns is Leah se seuns. Weereens ken ons die historiese gebeure rondom hierdie seuns. Gen.34 vertel vir ons dat hulle wraak geneem het sonder die toestemming van hulle vader, Jakob. Wat sou die Profetiese faktor hier wees? Wanneer ons by die gebeure rondom die goue kalf kom, sal ons weer vir Simon en Levi in aksie sien. As jy vertroud is met die geskiedenis van die Maccabees (Chanukkah) dan sal jy onmiddellik verstaan hoe hierdie uitspraak profeties korrek is. Lees dit en hou in gedagte dat hulle afstammelinge van hierdie stamme was. Geskiedenis is Profesie! Ook in Openbaring en Daniël sien ons hoe hierdie profesie homself ontvou. Simon en Levi gaan weer saamsweer om wraak te neem. So sal geskiedenis homself bly herhaal totdat Messias weer kom! Jer.33:20-26 Juda: Gen.49:8-12 Ps.89:30-38 Die woord Y hudah word afgelei van die wortewoord hoda (hy loof en prys), ook verwant aan die woord yada (Hy ken intimiteit: impliseer ook : hy waardeer; erken). Chiddushei HaRim, n prominente 19e eeuse Chasidikleier, het beweer dat die woord Jood afgelei is van Juda. Die rede wat hy aanvoer is dat die Jode, mense is wat YHWH waardeer en erken vir al sy weldade aan hulle bewys. Leah het dit gedoen toe sy haar seuns vernoem het. Ons sien deurgaans hoe Juda gestand doen aan die betekenis van sy naam: Hy erken: Gen.38:1-30. Toe hy erken dat hy gefouteer het, het sy lewe heeltemaal omgedraai. Dit is toe hy erken dat hy gesondig het, dat hy bokant sy broers uitgestyg het en het hy die doel van die Jode uitgeleef, nl: om יהוה se lig in hierdie wêreld te reflekteer. Y hudah = ( (יהדוה Sien jy wat lê daar

9 9 versteek? Die Naam יהוה + n letter in die middel (dalet: ד = Deur. Onthou jy wie het gesê dat Hy die Deur is? ) Juda (Die Jode) het die Profesie ontvang om eendag die Deur te wees asook die uitdraer van יהוה se Lig. Die Leeu van Juda: Wanneer hy tot Josef se redding kom, sien ons alreeds iets in sy karakter wat profeties lyk. Die septer: 1) Kaleb, die eerste leeu sou uit Juda voortspruit. 2) Dawid, die grootste koning wat Israel sou voortbring, kom uit hierdie stam. 3) Yeshua, die Leeu van die stam van Judah en die Koning van alle Konings! Op.19:16 Totdat Shiloh kom: Self die Jode erken dat dit verwys na die koms van Messias. Hierdie woord is afgelei van die woord Shalom = om veilig te wees; ) שלה) = Shalah om voorspoedig te wees. Die wortel van hierdie woord opwaartse vlamme van vuur wat die manifestasie van YHWH (ש) verteenwoordig en ל) )wat die ox-goad voorsien wat gebruik moet word om ons na ה) ) die venster te lei van openbaring. n Meer raak beskrywing van die funksie van die Jode kan ons nie kry nie. Shiloh kry nog n effense verandering in: In die middel verskyn die letter Yud ( י ), die kleinste lettertjie in die Hebreeuse alfabet en wat beteken Hand van YHWH. Dit is van hierdie lettertjie wat Yeshua sê: Geen jota of titel sal nie vervul word van YHWH se Torah nie. Matth.5:17-18 In hierdie woord, Shiloh, kry ons die perfekte uitbeelding van Yeshua HaMascheach. Tussen die opwaartse beweging van die vlamme van יהוה se manifestasie, verskyn die Hand van יהוה as die instrument wat ons na die venster van openbaring moet lei. Dit stel voor Iemand wat die manifestasie van die teenwoordigheid van יהוה is en in Wie se hand die septer is wat gebruik sal word om ons na openbaring en wysheid te lei. Mag Shiloh spoedig kom! Num.24:17; Ps.45:6; Hebr.1:8 1Petr. 1:3-13 Zebulon: Gen.30:19-20 יהוה: Geboorte ) het my n geskenk gegee) Gen.49:13 Van die laaste seun van Leah, weet ons behalwe vir sy geboorte en sy deelname aan die plundering by Shechem, nie veel nie. Daar is op die oog af geen historiese rede vir Jakob om hierdie uitlating oor sy seun te maak nie. Daarom aanvaar ons dat dit slegs profeties geïnterpreteer kan word. Alleenlik word daar in Jos.19:11 na sy erfporsie as by die see verwys. Ons kan maar net wonder waar het die Saaier die saad van Zebulon gesaai. Jakob voorspel dat ons hulle tussen die seevaarders sal vind. Miskien langs die kuste van die wêreld se oseane of miskien het Jakob in sy geestesoog gesien hoe kom hulle vanaf die eilande en die hawens van die vier windrigtings van die wêreld af. Wie weet?

10 10 Issakar: Gen.30:9-18 יהוה) het my beloon) Gen.49:14-15 Die vyfde seun van Leah, was die produk van die liefdesappels-episode. 1Kron.12:32 Hulle wat so bereid is om ander se jukke te dra, is hulle dalk afstammelinge van Issakar? Wie weet? Al wat ons weet is dat Op.7:7 sê die volle getal uit die stam van Issakar sal inkom! Miskien het Jakob gesien hoe die afstammelinge van Issakar die oorblyfsels (remnant) op hulle skouers dra vanaf die vier hoeke van die aarde na die eindtydoes! Dan: Gen.30:5 Gen.49:16-18 Die presiese woorde waarmee Ragel hierdie seun by Bilha beskryf het, gebruik Jakob weer wanneer hy oor Dan profeteer: Hy sal laat reg geskied. Die beskrywing van die slang in Dan, verwys duidelik na die vervolging van יהוה se mense. In n oomblik van meevoering roep Jakob aan die einde van hierdie profesie uit: Ek wag vir jou Verlosser (Yeshua = salvation)! Hierdie uitroep maak hierdie profesie baie besonders. In die eerste plek, wanneer daar gekyk word na die lys van die stamme in Openbaring, sien ons dat Dan uitgelaat word en dat Josef en Manasse apart genoem word sonder enige verduideliking. Die erkenning van die nodigheid van n Verlosser, veral soos dit hier gebruik word deur die gebruik van die woord: yeshua (tweede persoon in die besitlike vorm )is baie beduidend. Onthou, soos reeds gesê, geskiedenis is profesie. Die gebeure in die lewens van die Patriargs het nie net eenkeer betekenis nie, maar kom soms herhaaldelik voor. Die ware profesieë verwys oor en oor na Yeshua HaMascheach as Verlosser. Dit is wat Yeshua aan sy dissipels verduidelik het in Luk.24:44 Die Hebreeus vir die woord om te wag = is om standvastig te glo in iets en daar volgens voor te lewe in afwagting daarop en om dit te reken asof dit reeds n realiteit is. Dit is om in Verbond te staan. Net so leef ons in hierdie tyd in afwagting vir die wederkoms van dieselfde Verlosser wat Jakob voor gewag het. En alhoewel ons meer van Hom gesien en geleer het as wat Jakob het, wag ons nog net soos hy, vir die volle vervulling van alles wat die Bybel voorspel oor hierdie Verlosser. Ons wag om te sien hoe Hy Homself aan Sy broers, Israel, gaan voorstel en hoe Hy hulle bymekaar gaan maak uit die plekke waar Hy hulle heen gestuur het, hoe Hy hulle gaan skoonmaak van hulle oortredings en hoe Hy Sy koninkryk op die berg Sion hier op die aarde gaan vestig om die nasies te veroordeel wat Sy volk, Israel, onderdruk het en hoe Hy gaan regeer tot in ewigheid. Soveel soos wat Yeshua reeds gedoen het vir ons persoonlike verlossing, so moet Hy nog doen vir die Verlossing van Israel, Sy volk. Rom.11:26. Gad: Gen.30:9-11 Israel wag vir SyYeshua (Verlosser)!

11 11 Gen.49:19 Op.7:5 Leah het hierdie seun Gad genoem = n fortuin is aan die kom. Hy was die seun van Leah se slavin, Zilpah. Dit word ook soms vertaal as troepe. Asher: Gen.30:11-13 Gen.49:20 Op.7:6 Die tweede laaste seun by Zilpah. Met hierdie seun se geboorte het Leah haar vreugde uitgespreek. Hy sou fyn kosse en lekkernye aan die koninklikes verskaf. Waar in die wêreld het יהוה sy nasate heen gestrooi? Naftali: Gen.30:7-8 Gen.49:21 Nog n seun by die byvrou, Bilhah, Ragel se slavin. Dit is duidelik hoe die twee יהוה was, susters gewedywer het om vir Jakob seuns te gee. Wat ookal hulle motiewe kon dit alles gebruik om Sy plan te laat seëvier. Slegs יהוה weet waar ons hierdie nageslag van Naftali sal vind. Josef: Gen.30:22-24 Gen.49:22-26 Josef beteken: Hy sal byvoeg. Ons weet meer van Josef as van enige een van sy ander seuns. Alhoewel gehaat deur sy broers, was hy יהוה se uitverkore instrument waardeer hy sy volk Israel wou verlos. Deur sy wedervarings en verdrukking het YHWH n weg geopen om die familie tydens n hongersnood te versorg. Sy Profesie vertel van hoe יהוה hom gedra en sterk gemaak het tydens die tyd wat hy swaar gekry het. Verder herinner die eerste verse van sy profesie baie sterk aan Ps.1: 1-6 Ook gee Jakob betekenis en realiteit aan die drome wat Josef as jong man gedroom het. (v.26). Van Josef se profesie kan ons leer om nooit die seer wat ander ons toedien te vertroetel nie, maaar om sterker daaruit te kom. Benjamin: Gen.35:16-18 Gen.49:27 Hy was die 12e seun van Jakob, die laaste een by sy geliefde Rebekka en die eerste en enigste kind wat in Israel gebore is. Rebekka het gesterf tydens sy geboorte. Jakob het sy naam verander van Ben oni (kind van my smarte) na ( seun van my regterhand) Benjamin. Hoekom het Jakob dit gedoen? Dit sou wys op die seën wat hy oor hom sou uitspreek. Die seun wat die erfporsie van die eersgeborene sou ontvang, sou aan sy regterhand sit. n Vreemde verskynsel is hier aan die gebeur. Alhoewel Benjamin en Josef die enigste twee seuns van Jakob se geliefde vrou, Rebekka, was, het dit later geblyk dat die stam van Benjamin met Juda assosieer. Sedert hulle uittog na Josef toe in Egipte

12 12 het Juda hom oor Benjamin ontferm het, het die verhouding tussen hierdie twee broers verdiep. Gen.43:8-9 Wanneer die land van Israel tussen die twaalf stamme opgedeel word, ontvang Benjamin die porsie direk langs Juda. Hierdie kombinasie van Benjamin en Juda het groot en belangrike Messiaanse implikasies. Ons sal ook eers later daarna kyk. Gen.49:28 Hiermee word die kragtige profetiese woorde oor die 12 stamme van Israel afgesluit. Jakob blaas sy asem uit en Gen. 50:1-2 Jakob het twee begrafnisse ontvang. Een in Egipte en later weer een in die land van sy vaders. Sy Egiptiese begrafnis: Gen.50:2-3 Sy Israeli begrfnis: Gen.50:7-9 Josef sterf: Gen.50:24-26 Josef sterf, word gebalsem, maar nie begrawe nie! Wat n vreemde verskynsel. Dit lyk asof die boek tot n einde kom, maar nie die verhaal nie! Josef het gesorg dat hulle hom nie begrawe nie sodat hulle en hul nageslag vir die volgende 300 jaar kortkort by daardie kis moes verby beweeg en onthou: Moet my nie in Egipte begrawe nie! Slot: In die boeke wat hierop volg, gaan ons minder en minder leer van die Skeppergod YHWH en gaan ons meer en meer leer van die wonderlike dinge wat יהוה vir ons in pag het. Ons gaan nou aanbeweeg na n ander faset van die Verbond van Abraham na Sinai en gaan in die vier laaste boeke van Torah fokus op die details van die Verbond met Abraham. Ons gaan sien wat die uitwerking van hierdie Verbond op die lewens van hulle wat nog gebore moet word, gaan hê. Daarom het יהוה nie die Torah begin met die 10 gebooie nie! Nee, daar is nog baie voorbereiding nodig voor ons daar kom. Daarom dat יהוה 50 hoofstukke spandeer het op profesieë en om die beginsels van n verhouding binne hierdie Verbond uit te spel. Die mens was nooit bedoel om sy verhouding met יהוה by Sinai te begin nie! Hy was veronderstel om by die begin te begin: By יהוה in Gen.1:1. Daarna kon hy sy verhouding bou gegrond op die Messiaanse waarhede wat vasgelê is in die geografie en die ervarings van die Tuin van Eden, die bloedverspilling van Abel, die merk op Kaïn se voorkop, in Noach se ark, in die reënboog, in die roeping en seën van Abraham se lewe, in die brood en wyn van Melchisedek, in die ram en sy horings op Moria; en die bruid van Isak, en in die hemelse ervarings van Jakob by Beit-El en so voorts. Al hierdie elemente moes vir ons uitgespel word sodat ons ons verhoudings met Hom op dieselfde grondslag kan bou. Hulle geld vandag nog! Hy is

13 13 dieselfde God van toe en van die toekoms. ewigheid wees dwarsdeur ons hede. Soos wat Hy toe was, sal Hy tot in Voordat יהוה nog die eerste opdrag gee, maak Hy eers seker dat ons Verhouding verstaan. Dan sal elke woord van die res van die Torah nie vir jou n wet wees nie, maar eerder liefdevolle instruksies deur n Liefdevolle Bruidegom aan Sy Bruid om haar voor te berei vir haar hoër roeping eendag. Die lewens van Abraham, Isak en Jakob het vir ons gewys dat n verhouding met יהוה nie aan reëls gebonde is nie, maar eerder gebasseer is op wie Hy is en wat Hy in Sy getrouheid vir ons gedoen het. So sal jy agterkom wanneer ons by die mizvot ( leerstellinge) van Numeri en Deutoronomium kom, dat hulle allermins wetties is. Omdat dit ons laaste Parasha van die Boek Genesis is, is dit dalk nodig om net gou n paar dinge weer onder ons aandag te bring: Genesis het ons aan ons Skepper voorgestel en vir ons die patroon en die wonder van die Skepping geskets. Deur die verhale rondom die vloed, die tuin van Eden, Sodom en Gamorra, het ons die konsep van geregtigheid aan die een kant en ongeregtigheid, (sonde) aan die ander kant leer ken. Hiermee saam het ons kennis gemaak met genade en oordeel. Daarom weet ons ook, te danke aan die boek van Genesis, hoe nodig ons n Verlosser het sodat ons kan oorgaan van sonde na geregtigheid deur genade. Deur die lewens van die Patriargs, het die boek van Genesis vir ons die.יהוה fondament gelê en uitgespel vir alle interaksies met Ons het kennis gemaak met terme soos: Ontmoetings met ;יהוה bo-natuurlike lewenservarings; ware aanbidding in Gees en Waarheid; betekenisvolle gebed; profetiese visies en uitinge. יהוה Die Boek van Genesis het ook, bo-alles, die Verbond vasgelê waardeur die Verlossing van hierdie wêreld sal bewerkstellig. n Verbond waarin alle mense soos Efraim en Manasse geroep word en die geleentheid ontvang om as kinders van יהוה aangeneem en ingeënt te word. Die belangrikste les wat hierdie Boek van Torah vir ons geleer het, is dat ons verhouding met יהוה nie afhang van die goeie dade wat ons doen nie, of die dogma s wat ons volg nie maar hoe goed ons sh ma ( luister; aandag gee; mediteer op; praat oor; koester; kleef; glo; gehoorsaam; saamwerk met die instruksies vantorah) wat uit die mond van יהוה kom. Ons het geleer dat die vermoeë om n Torahgebasseerde lewe te voer, nie in ons wil en gedagtes te vinde is nie, maar in n verhouding met,יהוה die Gewer van Torah en Yeshua, die lewende Torah. In die Woorde van Torah lê die krag opgesluit want elke Woord uit die mond van יהוה as ook alle instruksies vir hierdie lewe wat ons verkeerdelik as wette sien, is gelaai met dieselfde profetiese krag as die Yehi Ohr ( Lig! Wees!) Gen.1:2. So kom ons dan aan die einde van die eerste boek van die Torah en sê ons saam met die hele Israel en almal wat die Torah op hierdie weeklikse basis bestudeer: Chazak! Chazak! Ve nitchazek! Be strong, be strong and be strengthened in your pursuit of the depths of Truth in the precious Word of God!