Parashah 16 B shalach: Om te laat gaan Exodus 13:17-17:16 Rigters 3:31-5:31 Luk.2:22-24; Joh.6:25-35;19:31-37; 1Cor.10:1-13; 2Cor.8:1-15;Op.

Transcription

1 1 P2.119:89 Parashah 16 B shalach: Om te laat gaan Exodus 13:17-17:16 Rigters 3:31-5:31 Luk.2:22-24; Joh.6:25-35;19:31-37; 1Cor.10:1-13; 2Cor.8:1-15;Op.15:1-4 Ons kom nou by die mees dramatiese Parashah van die Skrif die uiteindelike uittog uit Egipte! Dit is n meesterstuk van opwinding, afwagting, spanning en verwondering. Alles wat nodig is vir n volledige verhaal. Maar, helaas, sal ons agterkom dat dit nie die einde van die storie is nie. Elke keer wanneer ons die Torah op Shabbat begin studier, laat ons altyd onthou dat Yeshua die Lewende Torah is. Hy is die Weg, die Waarheid en die lewe.! B shalach:gaan weg! Ex.13:17 In die lig van wat ons nou gaan sien, is die ware betekenis van hierdie woord: B shaelach, in die begin van hierdie vers, uiters interessant. B schalach בשלאך) ) word vertaal as om te laat gaan maar die Hebreeuse woord beteken eintlik gaan weg! Gee pad! Om weg te jaag! Dit was n forsvolle bevel aan die Israeliete om pad te gee. Soortgelyke bevele is al deur die eeue gehoor deur leiers wat van die Jode wou ontslae raak. Met die voorbereiding van hierdie Parashah het my hart werklike n slag gemis, toe ek besef dat daar weer sulke bevele in die toekoms gehoor gaan word. יהוה se volk het sedert hulle Egipte die eerste keer verlaat het, nog nie werklik n rusplek gekry vir hulle voete nie en kan hulle enige tyd weer so n bevel hoor: kumutse u!(rise up, get out) Lechu!(Go!) V lechu!(and be gone). Ex.12:31-32 Deur die geskiedenis van hierdie wêreld is hulle nog oral waar hulle n tuiste gevind het, weggejaag soos hier in Exodus: Engeland: 1290 C; Spanje: 1492nC; Duitsland en Poland: 1938 nc; Rusland: toe kom Stalin aan bewind. Mag ons oë oop wees vir die tekens van die geboortepyne wat hier om ons afspeel! Laat ons leer uit die geskiedenis! Selfs Yeshua het Sy dissipels gewaarsku: Matth: 24:1-51 Dit wat ons op die oomblik sien gebeur in die Midde-Ooste, betreffende Israel, is die begin van die geboortepyne van die wederkoms. Daarom is יהוה besig om Sy kinders terug te roep na n Torahgefundeerde lewe sodat ons gereed kan wees om ons Bruidegom tegemoet te gaan! Die Bruid is besig om haarself voor te berei en gereed te maak! Yeshua is die Torah wat vlees geword het en wanneer ons nie Torah ken nie, loop ons die gevaar om die valse Jesusse aan te hang. Net soos in die tyd toe Hy Sy volk uitgelei het uit Egipte, eenkant geneem het en hulle geleer het hoe om heilig te lewe,

2 2 WANT HY IS HEILIG, So doen Hy weer dieselfde. Hy is besig om vir Hom n volk (Christus se Bruid) voor te berei, uit te neem uit all verkeerde leringe, eenkant te neem en hulle op te rig in n Torah-lewe sodat ons Hom kan dien, volgens die afsprake op Sy kalender, soos wat Hy begeer om gedien te word. Wat is vryheid: Miskien moet ons net hier vir mekaar herinner daaraan wat dit beteken om vry te wees, soos wat die Israeliete op hierdie stadium van die verhaal, bevry is uit Egipte. Soos ons nou al by herhaling gesê het, beteken ons bekering vir ons om vry te wees van slawerny en dat alle bande met die ou vrot lewe gesny moet wees. Baie sien dit as n vryheid sonder grense, maar soos ons vandag gaan leer, was daar baie duidelike riglyne deur יהוה vasgelê. Vryheid beteken ook om onder nuwe bestuur in te beweeg. Soos in die geval van Israel, is die losprys betaal en die slaaf verkoop aan n nuwe.יהוה: meester Alhoewel hy nou vry is van sy vorige meester, word hy nou die eiendom van die nuwe een en sal sy lewe nou binne nuwe grense beweeg. Israel word nou losgesny uit die boeie van die slawerny aan Egipte en is nou vry om יהוה ten volle met oorgawe te aanbid, maar op Sy voorwaardes en op Sy voorgestelde manier. Verbondsslaaf. Die verskil is egter dat hy nou n Verbondsslaaf is. Wat beteken dit? Die vryheid is gegee en die volle losprys is betaal. Nou het die vrygekoopte slaaf n keuse. Om daardie vryheid uit te leef soos hy dit wil of om vrywilliglik en uit eie keuse jouself te verbind aan n nuwe meester. Jy word nou Sy slaaf en beweeg in onder Sy jurisdiksie uit vrye keuse. Jy gaan nou vrywilliglik jou wil neerlê en Sy wil volg! Wanneer ons by daardie deel van die Torah kom, sal ons meer daaroor sê. Die pad: Ex.13:17-18 Wat hulle in werklikheid 11dae moes neem, sou hulle 40 jaar neem! Rede? Ons onvermoeë om so gou!יהוה van ons slawementaliteit ontslae te raak. Ons is NIE geskape as slawe nie, maar in die beeld van Ps. 68: יה Yah: Hy is Wanneer Hy aan Moses sê: Nou gaan Ek Myself aan julle openbaar as יהוה sê Hy inderdaad Ek gaan aan julle wys dat Ek nie alleen staan nie, maar dat daar aan My Iemand verbind ו) is ), wat dieselfde openbaringe ontvang het (.(ה =Dus: יהוה Naam: Die Aan die begin sê Hy: Laat ONS mense maak in ONS BEELD. Yeshua het vir ons daardie plek langs die Vader duur gekoop met Sy lewe en ons wat in Yeshua is, is langs die Vader geplaas. Dit beteken dat ons langs Hom staan en vanuit daardie posisie moet regeer hier op aarde. Die Skrif lê dit baie duidelik uit. יהוה kies die kronkelpad deur die mees onbegaanbare deel van die woestyn waar niemand nog ooit gereis het nie, en nie die Highway na die beloofde land nie. Dit is asof Hy nie haastig was om by die bestemming uit te kom nie! Daar is soveel redes hiervoor en ons sal algaande, soos die verhaal homself ontplooi, meer van die karakter van יהוה agterkom. Die Lover of our souls is nie so behep soos ons met die bestemming nie, maar stel eerder belang in die reis daarnatoe. Vir Hom is die bestemming van sekondêre belang. Dit is die reis na die bestemming en die lesse gedurende hierdie reis, wat tel en wat van belang is! Ons wil net Hemel toe, en vergeet dat die reis na die bestemming die tyd is wat ons moet geniet en wat gaan tel en waarvoor ons op hierdie aarde geplaas is.

3 3 het n lewenslange reis vir jou en my uitgewerk, waarin Hy ons die hof wil maak en vir ons die יהוה doel van ons lewe hier op aarde wil wys. Ook wil Hy hierdie tye gebruik om ons voor te berei vir daardie eindbestemming. Onthou: Toe hulle in die beloofde land aangekom het, het die manna en die kwartels wat hulle genadiglik elke dag uit die Hemel ontvang het, verdwyn en moes hulle werk vir hulle kos. Ook was daar reuse en vyandige nasies wat hulle moes beveg. Vir die res van die geskiedenis van hierdie volk, tot vandag nog, veg hulle vir hulle voortbestaan en is hulle oppad na hierdie eindbestemming en roep hulle uit in die strate van Jerusalem: Mascheach! Mascheach!. Op hierdie stadium, die dag nadat hulle hul veilige vestings in Gosen verlaat het, het hulle seker ook soos ons gewens: Ag, was daar maar n wegraping uit Egipte sodat ons sommer in n oogwink binne in hierdie land van oorvloed (Deut.8:7-8) wat יהוה aan ons belowe het, kon wees! deernis: se יהוה Ex.13:17-18: Ons sien hier iets van die deernis van יהוה teenoor hierdie volk. n Mens wil amper wonder of daar n vergadering in die Hemel tussen Hom en Yeshua plaasgevind het om die roete te beplan wat hulle in plaas van direk na die beloofde land, op n ompad sou neem. Sodoende sou die kans dat die Israeliete sou bang word vir al die nasies wat hulle sou teëkom op die pad, die Via Maris, - n baie besige pad al langs die Meditireense See-, kleiner wees. Hierdie was n onbekende pad vir die vyand; n pad nog nooit van te vore bewandel nie! Op hierdie pad kon יהוה liefdevol na hulle omsien deur vir hulle kos en skuiling te voorsien; en hulle as t ware, ook wegsteek vir hulle fiesiese sowel as geestelike vyand. Ek het eenkeer die voorreg gehad om op n dagvlug Israel toe, oor hierdie deel te vlieg en was ek verbaas om te sien hoe die tipografie so ideaal was vir so n reis deur hierdie deel van Egipte. In hierdie kilometers van onherbergsame woestyn, was daar duisende berge met sandstrate verbind. Dit was die mees ongelooflike gesig! Kompleet soos n maize met sandstrate wat in en deur mekaar vleg. Ek kon so duidelik in my geestesoog sien hoe hierdie duisende Israeliete hierdie pad loop en het ek verstaan dat niemand hulle sou kon volg of vind nie. Sonder n wolk by dag en n n vuurkolom by nag, sou dit nie menslik moontlik gewees het nie. Wat n wonderlike prentjie van die wonderlik God, wat ons aanbid: Die God van Abraham, Isak en Jacob: Die God van Israel. Met Hom, kan jy die onmoontlikste pad aanpak. Hy sal jou veilig anderkant uitbring. Ook is dit n prentjie van ons lewenspad wat Hy fyn uitwerk en beplan vir elke individu; n pad wat deur niemand anders nog ooit bewandel is, behalwe deur jou! Wat meer is, Hy wou dubbeld seker maak dat hulle nie terugkeer na Egipte toe nie. יהוה het geweet dat die liefde vir Egipte nie sommer in een dag uitgewis kon word nie, wat ons inderdaad sal sien gaan gebeur. Net sodra dit te swaar gegaan het met hulle, wou hulle boedel oorgee en terugkeer na waar hulle vandaan kom. Klink dit nie vir jou ook bekend nie? Hoe moeilik vind ons dit nie om nie gelyk te word aan hierdie wêreld nie? Regvoor Faro se neus! Hoekom? Ex.13:20-14:10 Van Sukkot na Etam ( = met hulle) Vir my is daar soveel simboliek in die feit dat nadat hulle by Sukkot fees gevier het met die ongesuurde brode, hulle nou oppad is na die plek wat letterlik sê: Ek is met julle in die vorm van n wolk en n vuurkolom! Uiteindelik het יהוה Sy volk vir Homself. Ook wou Hy Egipte uit hulle neem! HY HET LETTERLIK EGIPTE VOOR HULLE NEUSE GESWAAI SOOS N WORTEL. Hulle moes kies wie hulle wou dien! se volk moes deurbeweeg (Pesach) na die woestyn, oppad na Sinai (Shavuot) en onmiddellik begin יהוה om Hom te dien en Sy Naam te verheerlik. Hierin het יהוה met Israel as instrumente Sy begeerte an die wêreld bekend gemaak. Uit Egipte na Sinai, waar Hy n huwelikskontrak met hulle wou sluit. Vandag nog is daar vir ons waarheid ingebou in hierdie siklus: Pesach (Pass over) bied ons die geleentheid om weer met areas in ons lewens te deel waar ons nog vassit in slawerny. Yeshua het ons van ons sondige natuur losgekoop en uit slawerny gelei. Wanneer Shavuot aanbreek verlustig ons ons in ons vryheid en ontvang ons Sy Torah (Yeshua) gratis en vrywilliglik weereens opnuut in ons harte.

4 4 Ex.13:18 Ten volle gewapen. Met watse wapens was hulle sodanig gewapen? Het ons nie gelees hoe hulle slegs die skoene aan hulle voete gehad het, die belde om hulle lywe en die ongesuurde brode nie!? Klink dit asof hulle enige vyand kon aandurf? Die Hebreeuse Woord vir hierdie is Chumash ( mv. chamush im) = vyf (vingers?) of dalk geligte arm! So ons weet dat hulle nie van Farao enige wapens ontvang het nie en seersekerlik sou hy nie toegelaat het dat hulle met wapenrusting daaruit trek nie. So: Dit lyk op hierdie stadium dat hulle net hulle kniebakke vir hulle ongesuurde brode hier gehad het! Wel, ons sal later in die Bybel met nog vreemder wapentuig kennis maak as kniebakke;- ramshorings wat mure laat val; stukkende kruike met olielampe binne; om net n paar te noem! Ek vind dit ook baie interessant dat die Jode hulle Bybel die Chumash noem! Hulle wapen! High Five! So miskien, was hierdie tog maar net weereens een van daardie situasies waar ons moet weet: Met die God van Israel aan jou kant, lig net jou arm op en met jou vyf vingers in die lug uitgestrek soos in n posisie van aanbidding,(oorgawe, worship) is jy chumash! (Ten volle gewapen). Hier moet ek bysê dat daar wel ook gevegte met fisiese wapens geveg sou word. Dit is nie altyd moontlik om n geveg net in die geestelike realm te veg nie, maar soms is dit ook nodig om fisies die vyand by te kom. Ons sal sien wanneer ons by die geveg teen Amalek kom, wat ek hier bedoel. Ef.6:10-17: Ons waperusting wat vir ons gegee is deur Paulus. v.13: Neem elke wapen wat יהוה voorsien( al is dit net jou kniebak of jou arms met 5 vingers aan) v.14: Staan! (Nie aanval of weghardloop nie tensy dit die bevel is) v.15: v.16: v.17: Beld: Waarheid soos gevind in Sy Torah; Sy Woord wat vlees geword het: Yeshua! Borsplaat: Geregtigheid: Hy het jou n regverdige persoon verklaar, deurdat jy reageer het op Sy redding wat Hy bewerkstellig het en nie omdat jy Hom nader genooi het nie! n Geregtigheid wat jy nou joue kan maak op grond van die Verbond wat Hy met Abraham gemaak het en met die bloed van Yeshua verseël het. Sy geregtigheid het nou ons s n geword. Inderdaad kanons sing soos in Ps.18:35-50 Skoene: The readinees that comes from the Good News of Shalom (Complete Jewish Bible) GEEN NIKS VAN MY BEREIDHEID OM UIT TE GAAN EN ALMAL TE GAAN BEKEER NIE!! Maar eerder met n gesindheid van vrede en bereidheid om Hom te volg, al is dit 40 jaar deur die woestyn!! Skild van die geloof: Die moeilikste wapentuig op hierdie stadium vir die Israeliete was seker geloof. Ons sal sien hoe geloof soos n spier is wat geoefen moet word en wat nie van self in jou hand beland nie. Dit is vir my die uitbeelding van daardie kniebak in jou linker hand: Ongesuurde brode sou hulle herinner om sonde uit hulle lewens te verban. Wanneer daar sonde in jou lewe is, vind jy dit moeilik om in geloof te wandel. Net met behulp van geloof in wat יהוה kan doen, kan jy die vuurpyle van die vyand afweer. Helm van verlossing: Bedek jou hoof met die wete dat jy onder die beskerming van die stipulasies van die Verbond staan. Die Bloed van die Lam beskerm jou! Swaard van die Gees: Die Woord! Die Waarheid! Wat is die waarheid? Torah! Die Woord waarmee יהוה geskape het en wat Hy op die kliptafels neergeskryf het vir Sy uitverkorenes. Die wete dat ek en jy vir ewig verseël is deur die bloed van Yeshua wat die Woord is wat waar geword het, en wat die vleesgeworde Verbond is, is die waarheid: Dit is die waarheid waarmee ek na die vyand gaan en vir hom sê: Laat my mense gaan! Ek het geen ander wapens nodig nie, want die stryd is voltooi! Al wat ek en jy moet doen, is deur die lewe loop en mense uitroep uit hulle gevangenis en vir hulle die waarheid vertel dat hulle nie nodig het om in Egipte (sonde) te bly sit nie, want יהוה het klaar met Farao afgespeel! Roep hulle uit en

5 5 beveel die vyand om hulle te laat gaan. Maar daar is ook ander vyande wat wag en wat op ander maniere beveg gaan word! Ex.14:4: Tot Sy Eer! Alles tot Eer van die Naam van!יהוה Die Verbond met Abraham was tot Sy eer! Die Uittog uit Egipte was tot Sy Eer! Hulle verlossing uit Farao se hand sal ook nou tot eer van die Naam van Yaweh wees! Maar eers speel daar groot drama af. Hulle het skaars hulle Fees van ongesuurde brode in Sukkot voltooi, of Farao sit hulle agterna en die Israeliete is nou so verskrik dat hulle begin om Moses te verwyt. Die naam van die plek waar hulle kamp: Pi ha-chirot=gate letterlik beteken mond van die putte/ gate/ grot/ Sheol (onderwêreld). Ex.14:11 Dit is een ding om in ons gerieflike lewe te kyk na die gebeure van toe; en n ander ding om letterlik daarin te lewe. Onthou: Hierdie is mense soos jy en ek! Stel jou vir n oomblik in hulle plek en kyk hoeveel geloof jy oor het! En skielik is die partytjie verby! Vergete is die beloftes aan Jacob en vergete is die bene van Josef wat hulle saam met hulle dra. Gen.50:24-25 Ex.13:19 bruid. se יהוה Miskien het hulle ook op hierdie stadium soos ons dikwels, gedink: Maar ons is dan gered, waarom gebeur hierdie slegte dinge met ons? Wat hulle egter nog nie besef het op hierdie stadium nie, is dat hulle die Bride-to-be van יהוה is! En die bruid moet voorberei word. Maar die eerste ding wat die bruid moet doen, is deur die ritueel van n mikveh (bad) gaan. Mikveh n Mikveh is n poel van water, min of meer soos n klein swembadjie. In die gedagtes van die Israeliete sou die redes vir n mikveh reeds gevestig gewees het. 1.Onder mikveh verstaan hulle eerstens graf: so om deur die mikveh te gaan, simboliseer dood van n persoon. Die Rooi See, sou inderdaad dit wees vir die Egiptenare en Israel sou simbolies sterf aan hulle vlees: slawerny aan Egipte. 2.Dan verstaan hulle ook dat nadat jy deur die mikveh gegaan het, jy opstaan in n nuwe lewe. Al hierdie simboliek word in die nuwe Testament as simbole van die doop onderskryf. Rom.6:4; Kol.2:12; 1Pet.3:21. 3.Dan was daar ook die mikveh waardeur die toekomstige bruid moet gaan as simbool van haar ou lewe wat sy aflê, en wat sy nou gaan verruil vir n getroude lewe. Ons sal vir eers hiermee volstaan, alhoewel daar nog gebruike is. Rooi See: Die regte naam is eintlik The Read Sea. Maar wanneer n mens die bloed wat daar gevloei het daardie dag in ag neem, sou ek dink hierdie is n beter naam daarvoor. Yeshua se bruid: Dieselfde geld vir die bruid van Christus. Die dag wanneer jy ja sê, is jy nog nie getroud nie. Nou moet jou voorbereiding begin (heiligmaking) en die eerste ding wat jy moet doen, is deur die mikveh (doop) gaan. Ons het net soos Israel, nodig om gedeprogrammeer te word sodat ons Egipte uit ons kan haal en sodat ons verstand hernu kan word. NB: ALHOEWEL DIE DOOP NODIG IS VIR HEILIGMAKING EN VOLLE BESKERMING ONDER DIE VERBOND, IS DIT NIE JOU REDDING NIE! Jy is nou klaar gered en gaan nou deur die mikveh!! Ook is dit nie noodwendig n eenmalige gebeurtenis nie. Bekeer julle EN laat julle doop.

6 6 Op hierdie oomblik, wanneer Israel deur die Rooi see moet gaan, is hulle klaar gered uit slawerny, maar die proses is nog nie voltooi nie. Nou moet hulle ook deur die water gaan. Moses verklaar oorwinning in die gesig van die vyand: Ex.14:13-14 Hierdie is die mees ingrypendste bevel wat Israel tot nog toe ontvang het: Staan vas! Wees nie bevrees nie en aanskou die verlossing van die Here wat Hy vandag vir julle sal bewerk; want die Egiptenare wat julle vandag sien sal julle nie weer sien tot in ewigheid nie. Die Here sal vir julle veg en julle moet net kalm bly. Ps.18:1-21 Kyk hoe het Dawid יהוה se oorwinning oor sy vyande besing: Ex.14:15-16: Onmiddellik wys יהוה Moses daarop dat hy tot aksie moet oorgaan en ophou om יהוה se hulp in te roep : Sê vir die kinders van Israel dat hulle moet trek! En jy,(moses) hef jou staf (outoriteit wat יהוה al vir hom by die brandende bos gegee het) op en steek jou hand uit (Onthou jy nog wat die uitgestrekte hand impliseer?) oor die see en kloof dit, sodat die kinders van Israel dwarsdeur die see op droë grond kan trek. Hierdie vermaning van יהוה weerklink deur die eeue nog steeds tot in die tyd wat ons lewe voort. Hoe dikwels roep ons uit na Hom, terwyl Hy lankal vir ons die outoriteit gegee het om op slange te trap, duiwels uit te dryf en siekes gesond te maak. Luk.9:1 Geen wonder die wêrld is in so n gemors en in so n nood nie! Ons sit met die outoriteit ( die staf van Moses) en doen niks daarmee nie! Soos bo angedui: Yeshua het daardie plek langs Yah (יה) vir ons met Sy bloed gekoop en verseël en die outoriteit aan ons oorgegee! Matth.8:9; 20:5; Luk. 10:9; 19:11-28 Ex.14:17-18 Toe stap die Egiptenare agter hulle aan en beland in die put van Sheol! Die Israeliete, wat n paar minute gelede nog so gekla het, stap droogvoets deur. Die hele simboliek van die doop (onderdompeling) is om daardie sonde wat jou tot nog toe so vasgehou het, in die doop water te sien sterf (jou ou mens), en jy stap uit as n nuwe mens. want die Egiptenare wat julle vandag sien sal julle nie weer sien tot in ewigheid nie (Ex.14:13) So doen die Israeliete ook daardie dag! Hulle is gered! En wat is die Hebreeuse woord? Hulle is ge- Yeshua! So staan dit geskyf in die Jewish Bible: Stand firm and you will see HaShem s yeshua. (Ex.14:14) Jy kan maar sê: hulle het Yeshua gesien! יהוה in aksie = Manifestasie van Yeshua! Tyd vir stilwees en kyk! het gepraat. En nou is dit nie meer n tyd vir terugpraat, preek, duiwels bestraf of Skrif te kwoteer יהוה nie! Nou is dit net n tyd om stil te wees en te sien wat יהוה gaan doen. Openbaring 8:1 Daar was stilte in die Hemel vir n half uur Die Engel van die Here en die wolk gaan neem posisie in tussen Israel en Egipte.!! En weer sien ons dat duisternis op Egipte toesak en Israel loop in die Lig! Dit was weereens dieselfde duisternis van Gen.1:2 en die duisternis wat op die vooraand van hulle vertrek uit Egipte oor die Egiptenare gehang het. Dayenu! Tydens die Paasmaaltyd, word daar n lied gesing Dayenu! (Dit sou genoeg gewees het).

7 7 As U ons net uit Egipte gelei het, En nie die Egiptenare gestraf het nie, Dayenu! (Dit sou genoeg gewees het) As U slegs die Egiptenare gestraf het En selfs nie hulle afgode verbrysel het nie, Dayenu! As U slegs net hulle afgode verbrysel het, En nie hulle eersgeborenes laat sterf het nie, Dayenu! Of as U slegs hulle eersgeborenes laat sterf het En nie hulle rykdom gegee het nie, Dayenu! As U ons slegs hulle rykdom gegee het En nie die See oopgekloof het nie, Dayenu! As U slegs die see oopgekloof het nie, en nie eers ons deur gelei jet nie, Dayenu! As U ons net deur die see laat gaan het nie en nie eers ons vyand verdrink het nie, Dayenu! Sou dit regtig genoeg gewees het? Dit sou meer gewees het as wat hulle verdien het of gevra het! Maar vir יהוה sou dit nie genoeg gewees het nie. Hy wou hulle nie net uit slawerny lei nie, Hy wou vir Homself n Bruid neem en seker maak dat die brûe tussen hulle en Egipte finaal gebrand is.!יהוה Hierdie Parashah vul ons met soveel verwondering oor die liefde van ons Rom.8: : Geen dood of lewe of engele of owerhede of magte of teenwoordige of toekomende dinge of hoogte of diepte of enige ander skepsel kan ons skei van die liefde van God wat daar in Yeshua Ha Mascheach is nie..יהוה Die Engel van Ex.14:19 Wie is hierdie Engel van?יהוה Die hebreeus: מלאך) Malach ) = profeties kan hierdie n verwysing wees na die Messias. Hos.12:3-5 Gen.48:16 Ex.3:2 1 Kor.10:1-5 Veral uit die laaste Skrif is dit duidelik dat die Redding van,יהוה Yeshua ha mascheach, in baie vorme saam met hulle gegaan het uit Egipte. Yeshua Ha Mascheach: Die Redder van God. Die Yeshua (redding ) vind in 5 dele plaas. Dit is nodig vir ons om hierna te kyk, want wat toe waar was, is vandag nog waar vir ons wat in n Verbondsverhouding met יהוה staan. Let veral op na die Verbondstaal en probeer alles wat jy tot dusver oor Verbond geleer het raaksien.dit is die sesde dag en die son is aan die ondergaan; Vooraand van Shabbat: 1. Ex.14:19 wolk). plaas Yeshua tussen Israel en Egipte (Die Engel en die יהוה Nou sal enige iemand wat hulle bedreig met Hom te doen kry. ( Ex.14:19) Hy trek n leërskare om hulle. Geeneen van die Egiptenare se wapens sou hierdie ring van beskerming kon deurboor nie. No weapon formed against you shall prosper. Die duisternis wat oor Egipte hang en die Lig oor Israel is behoorlik Hy wat Sy rug na Egipte keer en Sy teenwoordigheid aan Israel openbaar. Hy sonder Sy volk af en keer hulle weg van die vyand

8 8 Ex.14:20 2. Ex.14:21 Laat die Wind waai. Versinnebeelding van die Heilige Gees wat oor die duisternis broei net soos aan die begin van die Skepping toe Sy Heilige Gees oor die chaos gebroei het. Hebreeus: Ruach Kadim. Letterlik vertaal: Die asem van die Een wat van die begin af daar was. Van die Torah beskrywing kan ons aflei dat eers het יהוה die grond onder die see gedroog en toe het hy die waters gekloof. Hoe is dit moontlik, mag jy vra. Dink terug aan die Skeppingsverhaal. Wat het op die derde dag gebeur? Gen1:9. Dit wil voorkom dat יהוה hier dieselfde proses herhaal en dan breek Hy die waters oop. Ex.14: Ex.14:23-26 Verwarring in die kamp van die Egiptenare. Op n gegewe oomblik in die middel van die nag, beweeg die Engel uit die pad en laat Farao sien wat daar aan die gebeur is. Ex.14:23 vertel die verhaal verder. Op hierdie oomblik moes hulle geweet het dat,יהוה die een wat al die plae laat gebeur het, weereens die Een is wat hier יהוה aan die beweeg is. Dit wat hier gebeur is seer sekerlik bonatuurlik.! Net die neerkyk van uit die wolk was kragtig genoeg om die hele Egiptiese weermag in n paniek te laat uitslaan. 4. Ex.14:27-28: Die vyand is oorwin. Al wat ons van die tydduur weet, is dat dit tot dagbreek aangehou het. Die magtige weermag van Farao is nie meer nie.! 5. Ex.14:29. n Veilige reis. Deur die see. Net soos in Egipte, het יהוה gesorg dat die teenoorgestelde as wat met Egipte gebeur het, met Sy volk gebeur. יהוה beskerm Sy hulpelose, pasuitgeleide volk sonder enige fisiese wapens teen die magtige opgeleide weermag van Farao. Ex.15:16: until Your people pass over, Adonai; till the people You purchased pass over. Eers het יהוה ge- pass over hulle huise weens die bloed van die paaslam, nou maak Hy dit vir hulle moontlik om te pass over (deur die Rooi See). Laat ons nooit die krag en mag van ons Verbondsvennoot,,יהוה onderskat wanneer Hy teen ons vyand veg nie. Hy is besig om Sy Bruid te neem na Sinai vir die verseëling van Sy verbond. Ook vir ons belowe Hy n veilige reis na die Bruilofsfees. Dit is nie noodwendig n maklike reis nie, maar wel veilig. Matth.14:22-23; Hand.27; Op. 12:1-6 Shabbatrus: Hebr.3:15-4:11 Ek gaan nie nou meer daaroor sê nie. Ons praat van tyd tot tyd hieroor. AND THEY LIVED HAPPILY EVER AFTER? Nie so vinnig nie! Maar wat ons wel op hierdie stadium weet, is dat Israel het die magtige dade gesien wat יהוה voor die Egiptenare gedoen het. Toe het die volk יהוה gevrees en geglo יהוה aan Moses, sy kneg.. Ex.14:31. Dit sou n wonderlike einde gewees het vir hierdie liefdesverhaal, maar wat sou dit vir ons beteken het? Net soos wat dit daar in Ex.14:31 geskryf staan, was ons ook al by daardie punt waar ons gesien het hoe יהוה vir ons met magtige dade uit situasies gelei het, en was daar tye wat ons geloof so onwrikbaar was dat ons kon dink ons het arrive. Maar dan weet ons ook dat die werklikheid is, dat ons weer afdwaal en ons liefde vir Hom verflou. So, sou daar vir ons hoop gewees het sonder die res van die verhaal? Soos ek vroeër gesê het, יהוה stel nie so baie belang in die einde van die verhaal nie, - díe ken Hy alreeds maar Hy stel wel belang in die reis na die einde toe.

9 9 Verhouding is vir Hom belangrik, want dit verseker dat Hy daagliks met ons kan kontak hou. So, indien julle gehoop het dat dit die opskrif van die volgende hoofstuk is, moet ek jou egter teleurstel. Maar ek verseker jou ook dat jy nie teleurgesteld sal wees in die ontplooïng van die res van die verhaal nie, want sien daarin lê die hoop vir jou en my. Net soos fisiese Israel, het ons ook geen geregtigheid in onsself nie. Net soos hulle val, val ons ook in die slaggate waarin hulle geval het en stel ons ook ons Skepper teleur. Daarom het ons, soos hulle, n kontrak nodig wat ons sal verseker dat al is ons hoe ontrou, HY BLY GETROU. En dit is waarheen hierdie verhaal oppad is. So, hang in there, de einde is het nog niet!! Die Loflied van alle liedere! Ozi ve zimrat Yah, va yehi-li li yeshuah. Zeh Eli ve anveh hu. psalm, is my krag en my יהוה. En Hy het my tot heil geword. HY IS MY GOD, Hom sal ek roem Ex.15:2 Ex.15:1-19 Shira Shabbat (Shabbat van die lied) Verlede Vrydag was dit die Shabbat van die Lied. Die lied waarna verwys word, is die lied wat hier in Exodus 15 opgeskryf staan. n Lied wat spontaan deur mense gekomponeer is wat met soveel dankbaarheid en verwondering en liefde gevul was op n oomblik wat dit vir hulle gevoel het, hulle loop oor daarvan. Hierdie loflied oortref al ons mensgemaakte lofliedere. Jy sien, hierdie lied is n loflied oor יהוה en Sy magtige dade en genade en liefde wat soos n sambreel oor al die eeue hang. Dit is nie rerig daarop uit om ons hoendervleis te gee en te laat lekker voel nie. Want, dit gaan nie oor jou en my nie, maar oor Hom.! Hier op die oewer van die Rooi (Read) See, waar vrees en vreugde met mekaar verstrengel is en waar hulle die vernietiging van Egipte gesien het, asook vir die eerste keer die vreugde van vryheid ervaar het, word Die Lied vsn Moses gebore Die Lied wat ons in die millinium gaan sing. Net hier word hulle in n liefdesverhouding met Hom getrek. Inderdaad kan hulle uitroep: Zeh Eli! (Hy is my God). Hulle het Hom as t ware van aangesig tot aangesig gesien. Ex.15:11 Mi ka mocha? Wie is soos U, O God Die bitterheid van die verlede is vergete al is dit net vir die oomblik en hulle kan spontaan dans en sing voor hulle Verlosser. ewig! regeer vir ewig en יהוה Ex.15:18 Skielik weet hulled at daar n ewige koninkryk is en hulle toekoms daarin verseël is. Van Exodus 15 tot Openbaring 15! Hierdie lied sou deur die eeue weerklink! Die lied wat die oorwinning, nie net oor die Egiptenare sou bevestig nie, maar wat tot in ewigheid gesing sou word, ook deur jou en my en wat opgeteken staan in Openbaring 15 as die Lied van Moses en die Lied van die Lam. Want sien, hier in Ex.15 op die walle van die Rooi see, het hulle in werklikheid alreeds die lied van die Lam profeties gesing. Hulle het gekyk tot in die Hemel en die Lam van God gesien waarvan die bloed aan die deurkosyne van hulle skamele tente in Egipte gesmeer was en skielik het hulle geen twyfel meer gehad oor die bindende krag van die Verbond met hulle voorvader Abraham nie. Hulle was gevul met verwondering oor hierdie God van hulle. Indien jy ooit gewens het om agter die crux van ware lof en aanbidding te kom, bid ek vandag dat יהוה deur Sy Gees vir jou hierdie lied sal oopbreek vir wat dit werklik is. Die oomblik toe Hemel en aarde ontmoet het. Hierdie was meer as net n oorwinningslied oor die vyand; dit was n liefdesdans van lovers in a warm embrace. Met die inspirasie van die Heilige Gees, het die woorde soos lewende water gestroom. Hulle het binne in n vakuum gestaan wat deur die Heilige Gees geskep was en hulle het kontak gehad met

10 10 die Geestelike realm, want anders kon daar nooit sulke diep waarhede uitgeborrel het nie. Hulle kon hulle Geliefde sien aangehardloop kom na hulle oor die heuwels van die geskiedenis van die wêreld en kon hulle tot aan die einde van die tyd sien. Ex.15:11-18 Wie is soos U,,יהוה onder die gode van hierdie wêreld? Wie is soos U, verheerlik in Heiligheid, gedug in roemryke dade, Een wat wonders doen? Israeliete in die omhelsing van hulle God,! Vir eeue al vul die Profetiese waarhede van hierdie lied die Skrifgeleerdes met verwondering. Voorwaar n Joël 2:26 29 oomblik. Jy sien, toegevou in die arms van,יהוה was al die swaarkry en onsekerheid oor die toekoms vergete. Laat dit vir ons n les wees. Hulle kon self met oortuiging sê: Deur U liefde lei U U volk wat U uitgelei het, en met mag sal U hulle na U Heilige woonplek neem. (Ex.15:13) Wonderlike Profeties! Selfs die daaropvolgende verse, vertel van die res van die geskiedenis wat homself hier op die aarde gaan afspeel. Ex.15:17-18 Op.15:2-4. Volgens Openbaring sal diegene, wat oorwinning behaal het oor die dier en sy merk en die Woorde wat Moses ontvang het by Sinai (Torah) gehoorsaam het, hierdie lied eendag sing. Hulle sal hierdie lied sing as n dankoffer aan.יהוה Hoekom? Want hierdie lied gaan oor die verlossingskrag van יהוה en Hierdie lied het vir eeue lank al die digters gaande. Dit is n liriek, gesing as n psalm, wat die grootheid van יהוה vertel oor die vyand. Nie net vertel dit van wat gebeur het nie, maar hulle kyk ook ver die toekoms in wat vir ons sê dat hierdie lied uit יהוה se Gees gebore is. Vir n paar uur was hulle in volle sinkronisasie met hulle Skepper en God. Ons kan bladsye skryf oor die poëtiese waaarde van hierdie lied. Maar ter wille van ons studie wil ek net n paar hoogtepunte uitlig. Baie ander Skrif onderskryf dit wat hier besing word, nl. יהוה se beheer oor die aarde en die see, gevolg deur die voorspelling van die Bou van Sy Heiligdom en die verklaring oor Sy Koningskap. Ps.74:12-16; Ps.89:10-14; Ps.93 In Judaïsme word die hele Ex.15 elke more gelees as deel van hulle oggendgebede. En verse 11 en 18 word na die Shema gekwoteer. Ex.15:11 en 18 Ex.15:2 Die aanvang van die lied vind ook weerklank elders in die Skrif. Jes.12:2 Ps.118:14 Die eerste deel van die Lied doen n beroep op die leser om die Naam van יהוה te verheerlik en in ere te herstel. Hoe doen ons dit? Gerrit Nel het vir ons so mooi kom verduidelik dat alleenlik wanneer jy jou regmatige plek langs יהוה inneem, jy Sy Naam weer in ere hersel. Daar word so baie skade gedoen aan hierdie Naam en ek bid dat ons geslag weer sal begin om hierdie Naam te verheerllik! Ex.15:17 Hierdie is die eerste profetiese verwysing na die Beloofde land op die lippe van hierdie volk. I hul geestesoog het hulle hul eindbetstemmiing gesien: Tempelberg! Deut.3:25; Jes. 2:3; 11:9; 57:13 Ps.78:54 Es.20:40 Sagg.8:3 Ps.24:3

11 11 Nog n Lied: Rigters 3:31-5:31 Die lied van die see versus die lied Van Deborah: Op hierdie hoë noot begin die reis na die onbekende! Die nuutgebore volk beweeg nou in die wildernis in. Die wonderwerk van hulle vrymaking begin stelselmatig te vervaag en onvergenoegdheid beweeg in. Die eerste ding wat hulle gaan moet leer, is dat יהוה vir hulle wonderlike praktiese lesse gaan leer. Mara Ex.15:22-25 Hoe lyk dit of daar nog n saak is wat onafgehandel is? Bitterheid! יהוה laat nooit iets onafgehandel nie, ook nie in die lewe van die wat Hy reeds uitgelei het nie. Bitterheid is n kanker van die siel. Dit is nie net waar in die natuurlike nie, maar ook waar in die geestelike. Die bitter water wys ons onmiddellik dat hier op n rooi knoppie gedruk word. יהוה gaan nie een tree verder loop met hierdie kinders van Hom voordat Hy nie met die bitterheid gedeel het nie. Hoekom is dit so belangrik? Het hulle nie nou net vir Hom die wonderlikste lofsang gesing wat Sy hart so bly gemaak het nie? Jy sien, kyk diep in hulle harte en Hy sien hierdie sluimerende kanker daar en omdat Hy n suiwer יהוה verhouding met hulle wou hê, besluit Hy om nou eers van hierdie kanker ontslae te raak. Die van julle wat al vertroud is met die gebruike by die Paasmaaltyd, sal onmiddellik die konnotasie maak met die bitter kruie wat geëet word saam met die matzah. n Aanduiding van die bitterheid van die dwangarbeid as slawe. Om vry te wees van Egipte en in verwondering oor יהוה te wees, was maar net die begin. Hulle moes nou leer om te eet wat Hy hulle voer. Daar lê nou n lang pad van onderrig vir hulle voor. Hoe doen Hy dit? Na drie dae se reis en dreigende dors, bring Hy hulle by n plek waar hulle dors geles gaan word. Maar nie sonder om eers weer Sy liefde aan hulle te demonstreer nie! Ex.15:25 Die Boom van die lewe Ja, jy het reg gelees! Op hierdie oomblik bring יהוה weer hierdie Boom wat Hy in die paradys geplaas het terug in hulle lewens in en vestig Hy dit weer in hulle midde! Wie anders as Yeshua is die Boom van die lewe? Soos julle kan onthou, in Gen.3:24, het יהוה n engel geplaas tussen die mens en die יהוה Boom van die lewe en het Hy hulle verbied om weer naby dit te kom. Nou, na die Verbond, is dit se voorneme om hulle weer terug te bring na die lewe toe. Jy sien, wanneer jy gered is, het jy weer toegang tot die ewige lewe deur Yeshua, die Boom van die lewe en mag jy van Sy vrugte eet. Sommige vertalings sê dit is n stuk hout, maar ander sê weer: boom! Die Hebreeus verseker ons dat dit boom is עץ) etz ) = boom. Waar kom hierdie boom vandaan? Watse soort boom maak bitter waters soet? Seker dieselfde boom van Openbaring wat genesing aan die nasies bring! Op.2:7 Op22:2 Op.22:14 (lees sommer die hele Op.22) So die les van Mara was dat bitterheid genees word deur die Boom van die lewe, Yeshua Ha Mascheach! Weereens sien ons n manifestasie van Yeshua. Hy was altyd daar! Gooi die kruis (boom) in die bitter waters om jou en sien hoe dit soet word. Maar daar is meer as die les oor die bitter water wat soet word. Hier by Mara, het יהוה hulle ook begin leer wat n Torahgebaseerde lewe beteken en die gevolge daarvan. Ex.15:26 Hy gee vir hulle n paar instrumente wat hulle sal help om die wildernis te oorleef. Oorlewingstegnieke. Ex..15:26 (Laat ons hulle maar ook in ons harte bewaar)

12 12 1. Shema! As jy getrou na die stem van die Here jou God luister en 2. Doen wat reg is in Sy oë en 3. Gehoorsaam is aan Sy gebooie(torah) Dan sal Ek geeneen van die siektes op jou lê wat ek op Egipteland gelê het nie; want Ek is die Here jou God Elim Van Mara af vertrek hulle na Elim, die perfekte oasis: 12 waterfonteine en 70 palms. Beide hierdie getalle word gesien as יהוה se perfekte voorsiening. Wat meer kan jy vra? Met die wolk bokant jou en die vuurkolom gedurende die nag, wat bly oor? Elim word die vakansie, die rustyd voordat die wolkkolom beweeg na die woesyn van Sin, waar daar vir hulle nuwe hoogtes wag. Die 12 fonteine dui op die 12 stammme. Uit hulle sal daar n fontein van lewende water na die nasies (70 palmbome) vloei. Die lewende water van die Torah sal genesing bring vir die nasies. Op.22:2 Wanneer die 12 stamme terugkeer na Torah, word ons soos n Fontein van lewende water vir die nasies. Joh.4:22-24 Die Lewende Torah die Fontein van lewe Yeshua Ha Mascheach. Aan die woord! Eerste Toets Hulle het maar die 15e dag van die tweede maand bereik toe murmureer hulle alweer. Tot nou toe is Egipte en die kospotte van Egipte nog so vars in hulle geheue, dat dit nie moontlik is om dadelik te vergeet hoe die heerlike vetvleis geproe het nie. Hulle sê dat dit 21 dae neem vir jou liggaamsselle om te vergeet hoe dinge geproe het en daarom is dit so moeilik om slegte eetgewoontes te breek. Nou moet יהוה vir hulle n nuwe diëet uitwerk wat hierdie vrot gewoontes gaan afbreek en hulle terselfdertyd so voed dat hulle nie weer sal terug verlang nie. (Sommer net hier en dan word die Torah weer vir my daardie praktiese handboek vir my lewe nou. Hoe lyk ons diëte? Dalk is dit nou tyd om daardie skadelike eetgewoontes af te breek.) se grootste begeerte is dat Israel en ons, sal weet dat ons nie sonder Hom kan lewe nie. Hy wil nie יהוה net die magtige God wees wat groot dinge doen soos die See oopkloof en die Nyl in bloed verander nie! Nee, Hy wil ook die daaglikse Voorsiener wees van ons allerdaagse behoeftes. Hy wil geken wees in al die kleinste besonderhede. Hy wil sien hoe ons aan Hom erkenning gee vir alles! Hy is ons lewe! Hy is die brood van die lewe! Deur vas te klou aan die beloftes van die Verbond wat Hy met Abraham gemaak het, is ons enigste kans om te oorleef, ons lewensdoel te vervul en ons einddoel te bereik. Gaan lees weer die 7 briewe aan die gemeentes, en sien wat word belowe aan hulle wat Shema wat die Gees vir die 7 gemeentes sê. (Op.1-3) het goed geweet dit gaan gebeur, maar Hy moes vir hulle wys hoeveel van Egipte nog daar in יהוה hulle sit. Trouens, Hy het die omstandighede so ge-organiseer dat dit moes gebeur, sodat hulle n kykie in hulself kon kry. Manna, kwartels en Shabbat. Man hu = wat is dit? Ex.16:4-5 Joh. 6:31-32 Gee ons vandag ons daaglikse brood EN Lei ons nie in die versoeking ( om te kla nie) Saam met dit, kom die eerste demonstrasie van יהוה se erns oor Shabbat. Vir ses dae sal daar manna wees, maar op die 7e dag geen en moes hulle dubbeld soveel optel as die vorige ses dae. Die

13 13 wonderwork wat hier gebeur is dat ander dae kon die manna nie oorstaan nie, maar op die Shabbat het die nie sleg geword nie! Ex.16:22 Hierdie verskyning van die manna het in die 4e week van hulle uittog uit Egipte gebeur. Daar is diegene wat sê dat omdat elke letter in die Woord betekenis het, hierdie kan wys na die 4000e jaar na die uittog toe die Messias Sy verskyning gemaak het. Joh.6:31-35 Shabbat: Ex.16:23-26 Ons weet al sedert Gen. 1 dat die Shabbat reeds aan die begin van die Skepping deur יהוה geskep is met n doel en geheilig is met n doel, nog lank voordat manna gemaak is. Nie alleen het יהוה gerus nie, maar Hy het die Shabbat geheilig )set apart). Gen.2:3 Die Shabbat is n ewige profetiese opdrag. Profeties vertel dit wie Yeshua is. Hebreeus vir Rus is Sabbath. Verder is dit die trouring van die Bruid. het. wil ons heilig (set apart) vir Sy doel. Net soos Hy met die 7e dag gedoen יהוה Terselftertyd weet ons dat die Shabbat net so n integrale deel van die Skepping uitmaak as die Skepping self. Net soos die Hemel geskape is, is die Shabbat geskape. יהוה wou seker maak dat ons sal kennis neem van die belangrikheid van die Shabbat. Die Shabbat is dus gegee met n doel. Ons sien dus dat die Shabbat nie so gewoon soos die ander dae is nie, maar deurdrenk is met יהוה se aura van heiligheid en seen ( blessing ). Dit is n dag wat aan Hom behoort en waarin Hy teenwoordig wil wees. Anders as die res van die week waar Hy wil hê dat ons die Skepping moet bewerk en vrymaak van die vloeke wat deur satan daarop geplaas is en weer by n plek van totale restorasie moet bring. Deurdat יהוה die Shabbat geseën het en dit geheilig het, het Hy n eiland geskep in tyd waar die Hemel en die aarde ontmoet op n besondere wyse. Dis n periode van tyd van Vrydag sonsondergang tot Saterdag sonsondergang waaroor die bonatuurlike, skeppende, profetiese blessing van יהוה broei, in afwagting vir iemand waaroor Hy Sy Lig, Yeshua, kan laat skyn. Hy wag (rus) vir ons om deur die natuurlike in die bo-natuurlike te beweeg en Hom te ontmoet. Elke woord wat ons praat, elke gedagte wat ons dink, elke druppel water wat ons drink of kos wat ons eet, moet deur hierdie sfeer van heiligmaking beweeg en blootgestel word aan die Blessing wat Hy so liefdevol uitgespreek het oor die Shabbat toe Hy dit geskep het. Dit is die dag aan ons gegee om inderwaarheid uit te tree uit tyd uit, en iets van die ewige lewe te ervaar asook om na die Skepping te kyk vanaf יהוה se perspektief.. Hierdie is Sy dag! I am the Lord of the Sabbath Matth.12:8 Verder is ons ook aangesê om nie ons huise te verlaat en kos bymekaar te maak nie. Weer word hier klem gelê op die belangrikheid van familie-wees! Onthou net dat baie van die tradisies rondom Shabbat mensgemaak is en dat dit altyd veilig is om terug te keer na die Woord. Al wat die Woord ons leer van Shabbat, is dat dit heilig is, n rusdag is en veral om die familie moet sentreer. Shabbat: n Toets vir gehoorsaamheid. Jes.58:13-14 Ex.17:1-3 Refidim. Hier weer was die kwessie: water. Maar hierdie keer sal Hy nie weer vir hulle wys hoe om bitter water soet te maak nie, maar om water uit n rots te kry wanneer daar geen water is nie. Alles deel van die opleiding vir oorlewing. Ek kan nie help om te dink hoe in baie opsigte ons net soos die Israeliete is nie. In plaas daarvan dat ons situasies veral situasies wat van ons iets vra- sal evalueer in terme van uit. se genade om ons iets te leer, sien ons dit onmiddellik in n negatiewe lig en wil ons net daar יהוה Alhoewel Moses vir hulle kwaad geword het, was יהוה voorbedag daarop. Hy wou juis vir hulle leer

14 14 wat om te doen wanneer hulle weer in so n situasie beland. Ons sien dan in die latere verloop (nie vandag se Parashah nie) dat daar weer n situasie gaan ontstaan waar Moses moes water uit die rots laat kom en dan in sy woede die rots twee keer slaan. Het jy dan nie geleer nie, Moses,? Sal later meer hieroor sê. Alhoewel Egipte nou begrawe lê onder op die bodem van die Rooi See, is Egiptiese denke binne in hulle nog spring lewendig. Hoe kan ons nie hiermee identifiseer nie! Alhoewel ons gered is, wil ons denkpatrone nie sommer verander nie! Daarom dat Rom. 12:2 ons waarsku om gedurig ons gedagtes te hernu en nie aan hierdie wêreld gelyk te word nie. (Onthou Egipte is die skadubeeld van die wêreld.) Hulle mag nou wel Egipte verlaat het oorlaai met goud en silwer, maar hulle is ook daaruit oorlaai met afgodsgedagtes. Net-so moet ons daarteen waak om te dink dat wanneer jy die dag jou lewe vir die Here gegee het en gedoop is, dat alles nou verby is en dat jy nou heilig is. Nou het jy, soos ons dit duidelik uit hierdie verlossingsprentjie kan sien, aangemeld vir boot-camp. Nou begin die opleiding eers. Die inlywing van die Israeliete is baie basies. Dit gaan oor kos en water. Enige soldaat sal vir jou sê dat wanneer hulle die eerste keer aanmeld, dan is hulle grootste vrees of hulle gaan oorleef in die veld. Soos enige goeie bevelvoerder kom יהוה en wys hulle dadelik hoe om water te kry en hoe hy vir hulle sal laat eet uit die veld: manna en kwartels. Dit sal enige soldaat- in-opleiding se droom wees om kos uit die Engele se hande te ontvang! So die eerste vyand wat hulle teëkom, is die vyand binne in hulle. Sodra hierdie vyand verower is, kan gebruik. hulle יהוה Hoe dikwels wil ons nie in יהוה se weermag wees nie, maar voordat die vyand binne in jou nie verower is nie, is jy nie instaat om die oorlog daar buite te oorwin nie. Hierdie is n ernstige saak en ek bid regtig dat יהוה vir ons vandag sal wys watter vyand binne in jou en my verower moet word. Humeur? Onvergewensgesindheid? Kritiese Gees? Wantroue? Gaan kyk maar weer na Gal.5: Tot nou toe het hulle geleer om na Egipte te kyk vir kos, klere, geld, water ens. Nou moes hulle leer om na hulle nuwe Voorsiener te kyk, en sommer hier aan die begin van hulle pad gaan Hy vir hulle die lewende water wys. Net hier word hulle van die Egiptiese kospatrone gespeen. Mayim Chaim( Lewende Water) Ex.17:3-6 Verstaan julle nou waarna Yeshua verwys het toe Hy op die laaste dag van die Loofhutte Fees gesê het: Ek is die lewende water, Mayim Chaim, wie dors het kom na My toe en ek sal julle dors les. Joh.7:37. (Daar is soveel wat ons hier kan byvoeg, maar sal meer hieroor leer wanneer ons die ander feeste behandel). Hy het verstaan van n ander soort dors. n Dors wat nie deur fisiese water geles kan word nie, maar net deur die lewende water. Rock! is alive! Blessed is my יהוה Exalted be the God of my salvation Ps.18:46(47) Amalek., vyand het besluit dat dit tyd geword het om nou die volk bloot te stel aan hulle eerste fisiese יהוה Amalek. Hulle opleiding het gevorder tot op die punt waar hulle weerstand kan bied. Nou gaan Hy nie die vyand in hulle spore stop soos in die geval met die Egiptenare nie. Nee, nou moet Hy hulle n bietjie oorlogstegnieke leer. Dit was nie n baie magtige weermag waarteen hulle te staan gekom het nie, maar baie goeie oefening. Daarna sal hulle die sterker nasies kon aanvat en selfs die reuse wat vir hulle in die beloofde land wag. Hulle moet nou leer dat hulle nie net kan terug sit en wag dat יהוה al יהוה die tyd vir hulle n vinnige wegraping uit die situasie moet reël nie. Maar dit beteken nie dat afwesig sou wees nie. Hy reël dat Moses letterlik in die gaping gaan staan en terwyl sy arms opgehef word, is dit weereens יהוה wat vir hulle veg. Let op die rol wat AaRon en Kur(Hur) hier speel. Laat

15 15 ons leer om mekaar se arms op te hou, want hierdie is n duidelike uitbeelding dat ons geveg nie teen vlees en bloed is nie, maar teen die bose geeste in die lug. Amalek verteenwoordig hulle wat die vernietiging van Israel soek. Hulle strategie is om die swakkes van agter te bekruip. Weereens demonstreer יהוה Sy beskerming, maar beeld ook hier uit dat Hy wil hê dat hulle wat in die voorste linies staan, hulp nodig het.. Ex.17:8-16 Deel van ons opleiding as kinders van יהוה en soldate in Sy weermag is om ons oorlogsskoene aan te trek en die swaard op te neem. (Verwys na wapensrusting bo). Hiervan lei ons af, dat יהוה van ons verwag om ons deel te doen. Ons moet voorberei word op geestelike oorlogvoering wat ook in die fisiese manifesteer. Ons wapentuig moet gereeld nagegaan word. Ons moet vasstaan teen die vyand, wat rondloop soos n brullende leeu en kyk wie hy kan verslind. Ons moet selfs bereid wees om soms gewond te word en selfs om ander te wond in die proses om van die vyand van ons siel ontslae te raak. Dan moet ons die van ons wat gewond is versorg en die wat gedood is met eer begrawe. Ex.17:14 Hierdie was die eerste les wat aangeteken moes word! Ex.17:8-16 Ons Parashah sluit af met die eerste altaar wat gebou word deur יהוה se volk, Israel. Ek glo dat die geheim van wat יהוה wou doen gedurende die reis vanaf die Rooi See tot by Sinai lê in twee kort verse opgesluit: Ex.15:26; n Mens lewe nie net van brood alleen nie,( en later sou Moses byvoeg) maar van elke Woord wat uit die mond van יהוה kom. Ex.16:4. Die verlostes moes leef na aanleiding van Sy stem wat hulle (ons) hoor en Sy instruksies en voorsiening en nie na aanleiding van hulle ( ons) aptyt nie. Nissi יהוה Ex.17:15 se Volk, Israel en יהוה is ons banier! Onder hierdie banier, begin die res van die geskiedenis van יהוה is hulle oppad na Sinai waar Hy die huwelikskontrak aan hulle gaan voorlê. Wat van jou en my? Kom ons loop ook saam onder hierdie banier, wetende dat ons deel uitmaak van hierdie volk deur die bloed van die Paaslam, Yeshua Ha Mascheach en van die Verbond waaronder ons al die voorsiening het wat ons op ons lewenspad sal nodig kry. Kom ons verklaar onsself bereid om al die lesse wat hulle leer, ook te leer en aan ons kinders te leer. n Kosbare les wat on shier aan die begin van hulle uittog uit Egipte leer is dat die nuwe Volk, wat bestaan uit vrygekoopte slawe, nog nie in staat is om enigsins te kwalifiseer om as woonplek van die Heilige God van Hemel en aarde op te tree nie. Hulle kan dit slegs word deur hul samewerking met Hom en hulle bereidwilligheid om deur Hom sodanig verander te word. Wonderwerke is nie genoeg nie! Innerlike vryheid en ransformasie vereis konstante opleiding en lering asook die nodige dissipline. Wanneer hulle leer om in gemeenskap met hulle יהוה, God, en die gemeenskap te lewe, sal hulle gereed wees om Sy teenwoordigheid op n daaglikse basis te ervaar. Maar Hy weet dit alles! Hy word nie van stryk gebring deur hulle tekortkominge nie. Hy wag daar by Sinai vir hulle met die grootste geskenk ooit: SY TORAH (Huwelikskontrak).

16 16