Hoofstuk 1: Wie of wat hou ons uit die koninkryk van God?

Transcription

1 Hoofstuk 1: Wie of wat hou ons uit die koninkryk van God? Jan Roos 1

2 2

3 Hoofstuk 1: Wie of wat hou ons uit die koninkryk van God? My seun, neem aan wat ek jou sê, maak wat ek jou voorskryf jou eie, hou jou ore oop vir die wysheid, span jou in om te verstaan. Roep insig by, vra na gesonde begrip. Soek dit soos jy silwer sou soek, spoor dit op soos 'n verborge skat. Dan sal jy weet hoe om die Here te dien, sal jy ontdek wat dit is om God te ken. (Spr. 2:1-5) Jan Roos Posbus Heuwelsig Bloemfontein

4 Baie Suid-Afrikaners is op pad na die hel! Wat moet ek doen? deur dr. J.C. Roos. Eerste uitgawe Geen kopiereg word op hierdie boek voorbehou nie. Die materiaal kan gebruik, gedupliseer en versprei word met die voorwaarde dat erkenning aan die outeur verleen word en geen veranderings aan die teks aangebring word nie. Tensy anders aangedui is skrifaanhalings in die publikasie geneem uit die Bybel in Afrikaans (1983-vertaling): Bybelgenootskap van Suid-Afrika 1983, Gebruik met toestemming. Alle regte voorbehou. Met dank aan die Bybelgenootskap Asook skrifaanhalings uit die 1953-vertaling (OV); Die Boodskap Die Bybel in hedendaagse Afrikaans (2002), uit die King James Version (KJV) Bybel (e-sword) en die New King James Version (NKJV). Hierdie boek (elektroniese weergawe, PDF) kan gratis op die Webblad gelees en afgelaai word by: Dankbetuigings: Aan my vrou (Bertie) vir geduld, kommentaar en liefde. Aan al my broers en susters in die geloof. In besonder vir boeta Martin Taljaard, Johan du Toit en Andrew de Wet wat tegniese en taalversorging gedoen het. Aan God die Heilige Gees vir my entoesiasme, wysheid, insig, kennis, raad, sterkte en eerbied vir die Here. E-pos: Faks: Jan Roos Mei

5 Voorwoord Hierdie boek het op my hart kom lê nadat God Sy lig op my hart laat skyn het en my verlig het met Sy kennis. Ek moet dringend, maar uit liefde, vir my medemens waarsku dat die meeste nie op die regte pad is nie. Ek weet dit want ek was self daar. Baie Suid-Afrikaners dwaal en is mislei, hul prioriteite is nie reg nie en het nie n idee wat hulle in die geestelike sfeer (realm) doen nie. Baie verstaan nie hulle geestelike roeping nie, is verblind, lou, en is op n pad van vernietiging (na die hel), maar baie besef dit nie! Die mense sê: Ons het niks van iemand nodig nie, want kyk net wat het ons alles! Ai, al hierdie gespog maak dat julle heeltemal blind is vir hoe pateties dit regtig met julle gaan. n Mens wil eintlik sommer oor julle aan die huil gaan. Kyk net hoe lyk julle: julle is geestelik brandarm en bankrot. Boonop besef julle dit nie eens nie, want julle is soos blindes. (Openb. 3:17, Die Boodskap). En ons weet wat word van hulle word uitgespoeg! Let wel, ek sê op pad na die hel so, daar is nog kans om n rigtingverandering te doen bekeer! Daarom wil ek, namens God sê: Mense word wakker draai weg van die sonde na God! Kyk wat sê die Woord: Word wakker, word wakker, ruk jou reg, Sion (voeg jou naam hierin). (Jes. 52:1). Word wakker, jy wat slaap, en staan op uit die dood; en Christus sal jou lewe verlig. (Ef. 5:14). En die kerk vertroos ons met woorde soos ons is maar net nietige sondaars en almal oortree, maar as jy net probeer is dit genoeg solank jy net gedoop (baba besprinkeling), voorgestel en aangeneem is! Onthou, jy word nie as n Christen gebore nie, jy word nie n Christen met jou babadoop nie, jy is nie n Christen omdat jy kerk toe gaan nie. As iemand sê hy is n Christen, maak dit hom nie n Christen nie! Ek is nie n filosoof, teoloog, of sielkundige nie, maar n wedergebore Christen wat kan lees en skryf! Ek het n doktorsgraad in die natuurwetenskappe gedoen, maar genadiglik tot die besef gekom ek het nie die ewige LEWE nie! God het Sy goedheid aan my betoon en my uit die duisternis na die lig gebring en ek prys my God wat my gered het. Na wedergeboorte en eenwording met Christus (nuwe lewe), is jy geroepe as gesant (ambassadeur) van Christus en is dit n voorreg en eer om in Sy plek te handel. (2 Kor. 5:20). 5

6 Toe ek uit die duisternis na lig gebring is, was ek verbaas en hartseer om al die dooie bene om my te sien (familie, vriende, mede-kerkgangers wat morsdood is; net soos ek was) soos die volk Israel in Esegiël (Eseg. 37). Maar die goeie nuus is dat God deur Sy Gees weer hieruit n weermag kan bou! Dis eintlik die opdrag wat God ons gee om te doen. Daarom bid ek vir n herlewing in elkeen se hart herlewing vir ons land, Suid-Afrika. Baie Suid-Afrikaners sê en dink hulle is ware Christene; maar is dit in werklikheid nie! Hulle is wêreldse (vleeslike) Christene ( carnal Christians ) wat oppervlakkig in die siel en nie in die gees funksioneer nie. Hulle is nie met Christus verenig nie. Wat bedoel ek? Dit beteken dat n persoon is nog nie wedergebore nie ( n nuwe mens). Jy is nog n sondaar voor God, jy is sonder die Heilige Gees en jy is sonder hoop want die Bybel sê die ongeredde sondaar se toekoms is verdelging. Die satan het geweldige beheer op aarde (Joh. 12:31 & 14:30) en dit sien ons in al die sfere van die samelewing. Daar is baie valse profete (dwaalleraars) en antichriste vandag (2 Pet. 2:1; 1 Joh. 4:1 & 1 Joh. 2:22), mense leef in n leuen, en die wêreld is in vyandskap teen God! Mense leef in vrees, het baie bekommernisse en baie probleme. Mense is opsoek na geluk en wonder oor die geheim van die lewe? Maar Psalm 111:10 in Die Boodskap sê dit mooi: Om gelukkig te wees moet jy die Here dien. Dit is die goue reël van die lewe. As jy dit doen, verstaan jy die geheim van die lewe. Hoeveel Suid-Afrikaners doen dit? Daar is baie gelowe/godsdienste ( religions ) en basies probeer hul almal om die gaping tussen God en die mens te oorbrug. Maar daar is net een, die Evangelie ( gospel ) van Christus, waarin God na die mens uitreik. Godsdiens gaan jou nie red nie; om n goeie lewe te leef, red jou nie jy het n Verlosser (Jesus) nodig. Min Christene verstaan bv. die verlossings proses en wedergeboorte. Jy kan nie verlossing verdien nie, jy kan dit nie koop nie, jy kan dit net deur geloof as n geskenk van God ontvang. Met dié boek wil ek my ervaring deel en die groter prentjie te wys. Baie mense se ken-en-verstaan van die Bybel is piering vlak en dit lei tot hul eie vals redenasies, bv. hul sal sê: Jesus het vir almal se sonde gesterf en sal ons uiteindelik almal weer in n regte verhouding met God gestel word. Maar nee, dis n vals redenasie dis nie wat die Bybel sê nie. Dis waar dat Christus vir almal se sondes gesterf het, maar as jy nie bekeer en Hom nie as jou persoonlike Verlosser aanvaar nie, dan is die vergifnis van sonde nie op jou van toepassing nie en gaan jy in die verderf beland! Die HERE staan gereed om my (jou) te verlos. (Jes. 38:20 OV). 6

7 God het ons n vrye will/keuse gegee: jy kies vir Hom en dan kies jy die ewige lewe (hemel) of jy kies teen Hom en gaan die dood (hel) tegemoet (Deut. 30:19). Dit is n eenvoudig keuse, maar n moeilike besluit! Hoekom? Omdat die satan en al sy demone (die magte van duisternis) jou wil verhoed om die lewe te kies. As jy dus hel toe gaan is dit omdat jy daarvoor gekies het (Jesus verwerp). Jou keuse sal deur God gerespekteer word en jy kry die loon vir die sonde wat die dood is (Rom. 6:23). Die Bybel is een van die grootste geskenke van God aan die mens. Die Bybel is n groot en komplekse boek (66 boeke deur 40 skrywers oor meer as duisend jaar), en dit is n groot uitdaging wat baie tyd en wysheid vereis om dit reg te verstaan. Maar min mense wat ek ken, ken die kern waarhede en begrippe van die Bybel en baie mites word geglo. Algemeen word gesê: Eva het n appel in die tuin van Eden geëet, maar die Bybel sê nie dit was n appel nie dit sê net n vrug. Of daar word gepraat van een paar van elke dier in Noag se ark, maar daar staan sewe pare van die rein diere en voëls (Gen. 7:2-3). Nog n voorbeeld is dat Noag 40 dae in die ark was. Nee, dit het 40 dae gereën; hulle was meer as n jaar lank in die ark (377 dae). Baie Suid-Afrikaners is op n pad van vernietiging die breë weg! (Matt. 7:13). Ons leef volgens die wêreld se valse reëls. My oproep en hartewens is daarom: moet nie verder tyd mors deur om doelloos op die leë, selfsugtige breë weg van die vleeslike lewe te wandel nie, want dit lei na die verderf! Maak jou klaar om voor jou God te kom verskyn! (Amos 4:12). Die eindtyd waarin ons leef, sal gekenmerk word aan bandeloosheid, geweld, chaos; net soos dit vandag alreeds is en dit sal net erger word, want terwyl die gelowiges al hoe meer die heerlikheid van Christus deelagtig sal word, sal diegene wat sonder Hom leef, al meer en meer aan die satan gelykvormig word! Daar is n groot verantwoordelikheid op elke persoon om vas te stel waar hy of sy met die Here staan. Ondersoek opnuut jouself of jy werklik in die geloof is, in liefde leef, en of jy deur n lewe van heiligmaking (transformasie) en geestelike groei, n bruikbare getuie ( n dissipel) vir Jesus Christus is. Is die Heilige Gees jou leidsman? Jou ewige lewe hang hiervan af! Lees die res van die boek. Moet nie dat die godsdienste gees (van die duiwel) jou verhinder om verder te gaan nie. Leer die Waarheid ken, en die Waarheid sal jou vrymaak! (Joh. 8:32). 7

8 Ons as Christene het krag en glorie (heerlikheid) op n manier wat nie beskikbaar was voor die Kerk op Pinksterdag begin het nie. Die Heilige Gees, God self, is nou binne ons! Christene is nie net volgelinge van Christus nie. Ons is deur die Gees met Christus verenig, ons het n identiteit met Hom. Hy het ons sondigheid en swakheid verruil vir Sy sterkte en krag ons is vrygemaak! Die wet van die Gees wat aan jou in Christus Jesus die lewe gee, het jou vrygemaak van die wet van sonde en dood. (Rom. 8:2). En nou as individuele lede van Sy Liggaam (kerk), as mense met Christus in ons, as Sy verteenwoordiger, laat ons ons opnuut verbind om Christus in die wêreld in te bring deur ons. Die wederkoms is baie naby, die oes is groot, maar die arbeiders is min, laat ons inspring en werk. Die wêreld het Christus dringend nodig en Hy kan deur Sy Gees hierheen kom as ons bid en toelaat dat Sy liefde en krag deur ons vloei. Ek hoop, vertrou en bid dat hierdie boek jou sal help om werklik in n geestelik eenheid en harmonie met die Drie-enige God; Vader, Seun en Heilige Gees te kom en in vrede en vreugde te lewe. Liefde in Jesus Christus die Here, Jan Roos 8

9 Hoofstuk 1: Wie of wat hou ons uit die koninkryk van God? 1.1 Verwelkoming: Beste leser, ek is dankbaar dat my pad met joune deur hierdie boek gekruis het. Om die waarheid te sê, ek glo dis n Goddelike ( divine ) afspraak. Bykans twee jaar gelede (April, 2011) het ek n persoonlike ontmoeting met God gehad wat my lewe vir altyd verander het, en ek bid en glo Hy sal dieselfde vir jou doen. Ek beskou dit as n voorreg vir die geleentheid om jou van die waarheid van Sy liefde, lewensveranderende krag en genade te vertel wat ek beleef het. Ek kan nou getuig: Die Here leef! Ek loof Hom wat my rots is. Ek prys my God wat my verlos het. (2 Sam. 22:47). Jesus gee aan die gelowiges n opdrag om Sy Woord aan alle mense te verkondig (deur getuienis, gesprekke, boeke, CDs, ens.) en hulle Sy dissipels te maak (Matt. 28:19-20). Ek wil die evangelie van Jesus Christus ( gospel ), die goeie nuus, aan alle Suid-Afrikaners verkondig deur hierdie boek. Hulle vertel van God se onvoorwaardelike liefde, Jesus se genade en versoeningswerk, die Heilige Gees se krag; die balans tussen genade en geloof, en die heilsweg. Maar veral om mense te waarsku en laat besef dat die meerderheid Suid-Afrikaners nie op pad is na die hemel nie, maar na die hel, want baie van hulle het nie n persoonlike verhouding met God nie, het die wêreld lief en het lou geword! Middelmatige Christenskap was nooit veronderstel om te werk nie! As jy nie doen wat die Woord sê nie, bou jy jou lewe op die sand en kan jy met n dwaas vergelyk word (Matt. 7:26). Onthou: To be almost saved, is to be totally lost! 1.2 Inleiding: Die meeste Suid-Afrikaners wat ek ken, het n baie oppervlakkige geestelike lewe en baie se geloof en persepsies van die Woord en lewe is gebou op valse fondasies. Baie Christene verstaan die basics glad nie die basiese aspekte van Christenskap. Die ses fondasies is: i) Bekering (van n heidense leefwyse), ii) Geloof in God, iii) die leer van die Dope, iv) die Handoplegging ontvang van die Gees, v) die Opstanding van die dooies en vi) die Ewige oordeel (Hebr. 6:1-2). Terwyl Jesus in Lukas 10:21 sê: Ek prys U, Vader, Here van hemel en aarde, dat U hierdie dinge vir slim en geleerde mense verberg het en dit aan eenvoudiges bekend gemaak het. Ja, Vader, so was dit U genadige bedoeling. 9

10 Baie gelowiges bedryf n wêreldse godsdiens ( religion ), d.i. wettiese godsdienstige reëls van hierdie wêreld n mensgemaakte versinsel. God is nie die outeur van vorm godsdiens nie satan is. Hulle dink hulle is op die regte pad, maar is mislei en is op pad na die dood (verderf)! Daar is 'n lewenswyse wat vir 'n mens reg kan lyk, maar die uiteinde daarvan is die dood. (Spr. 14:12 & 16:25). So, as jou Christenskap vir jou n las is, of dit is verwarrend vir jou, dan is dit redelik seker om te sê jou doktrine, jou Christelike filosofie (lewens en wêreldbeskouing) is nie korrek nie. Baie gelowiges is nie waar God hulle wil hê nie en dit is noodsaaklik dat hulle hul verhouding met God, hulself en hul medemens moet regstel. Ek weet want ek was self daar! Daarom treur ek oor my volksgenote en sê soos Paulus: o...dat daar by my groot droefheid en voortdurende hartseer is oor my broers, my eie volksgenote. Ek sou self vervloek wou wees, afgesny van Christus, as dit tot hulle voordeel kon wees. (Rom. 9:2-3). Ons moet nóú hieroor gesels, want die tyd is nou baie min! Ek moet dit net aan die begin duidelik stel dat ek nie veroordeling ( condemnation ) uitspreek of verkondig nie, maar oortuiging ( conviction ) wat onderskeiding vereis. Alle veroordeling is van die duiwel. Alle oortuiging is van God. Beide sê baie dieselfde ding, maar daar is n verkeerde gees (vals) agter die een en n regte Gees (Heilige) agter die ander. As jy onder veroordeling is, probeer jy van die probleem wegkruip of weghardloop soos baie mense doen. As jy onder oortuiging is, hardloop jy na die probleem om dit aan te spreek ( face the problem ) en reg te stel. Dis wat ek wil doen! Ek het ook tot onlangs die balk in my oog gehad en wil nou mense help om die splinter uit hul oog te haal en te genees deur Christus se krag. Ek is nie die boodskap nie, net die boodskapper Agtergrond: Die meeste mense besef nie dat ons by geboorte, geestelik dood ( spiritually dead!) is nie dit is a.g.v. die sonde van Adam en Eva geërf. Ons verhouding met God is na die sondeval verbreek. Ons word as sondaars gebore, daarom sondig ons nie andersom nie! (onthou die deel uit ons geloofsbelydenis in sonde ontvang en gebore ). Ons is sondig van natuur ( Naturally you sin you love sin!). Bewys: Jy hoef nie n kind te leer verkeerde goed doen nie; hy doen dit vanself! n Baba is 100% selfgesentreerd en moet geleer word om medemens en God gesentreerd te raak. 10

11 Dus, jy word nie as n Christen gebore nie! Ons word nie met die Heilige Gees gebore nie! Ons moet die Heilige Gees van God ontvang! Ons ontvang dit nie met ons kinderbesprinkeling ( klein doop ) van die kerk nie! Onthou as iemand sê hy is n Christen, maak dit hom nie n Christen nie! Watter God? Dit is ook net belangrik om hier aan die begin duidelik te stel van watter God praat ek in hierdie boek, want daar is miljoene gode en elke persoon dink hy aanbid die regte God. Die God van die Bybel is die ware, ewige, lewende, die Skepper van hemele en aarde, die almagtige, alwetend, alomteenwoordig, perfekte, waaragtige, Heilige, die God van liefde YHWH; daar is geen ander. Die Bybel beskryf n Drie-enige God. Die Bybel leer ons dat die Vader God is, dat Jesus God is, en dat die Heilige Gees God is. Die Drieeenheid is een God wat uit drie persone bestaan (Vader, Seun en Heilige Gees), maar een doel, een wil, een Goddelike Wese. Die drie ewige, gelyke en mede-self bestaande Persone in die Godheid word ook só deur Johannes beskryf: Daar is drie wat getuig in die hemel: die Vader, die Woord (die Seun) en die Heilige Gees, en hierdie drie is een (1 Joh. 5:7). Kyk Figuur 1.1. n Eenvoudige beskrywing om die Drie-eenheid te probeer verstaan is die beskrywing dat God soos die son is; as jy daarna kyk is dit een son, maar in werklikheid is dit basies drie komponente die son, lig, en warmte (hitte) soos die Drie-eenheid: Die Vader is soos die hele son, Jesus is die lig en die Heilige Gees is die warmte wat jy kan voel (Hinn, 2004). In die Ou Testament het die HERE God (Jahweh Elohim, die Drie-enige God) Homself verklaar as die self bestaande EK IS (Eks. 3:14). In Johannes 8:58 het Jesus Christus verklaar: Voordat Abraham was, is Ek. Hy is die self bestaande God, gelyk aan die ewige-self-bestaande God die Vader en God die Heilige Gees, en moet ook as Here en God aangespreek word (Malan, 2012a). Kyk die 89 bewyse van die Heilige Drie-Eenheid ( Divine Trinity ) en 18 vals interpretasies van die Drie-eenheid in The Dake se Annotated Reference Bible (2010). 11

12 Figuur 1.1: Die Drie-eenheid van God. Die Hebreeuse name van ons Drie-enige God is: 1. Vader God: El ( Ale ) die sterk magtige een; Hy is ook I am Samestellings: El Shaddai [ el shad-dah ee ]: God Almighty; El Elyon: The Most High God; El Olam: The Everlasting God. 2. Jesus Christus die Messias: Yeshua Ha Mashiach; uitspraak: [ Ye-SHOO-a Ham-mah-SHEE-akh ] 3. Heilige Gees: Ruach Ha-Kodesh; [ ROO-akh hak-koh-desh ] Een God 3 name: Elke naam gee ons n duidelike aanduiding van die groot en ontsagwekkende majesteit van ons Heilige en Almagtige God! YHWH ( YaHWeH of YeHoVaH ); I AM die Ewige en oneindige natuur van God, Elohim ( E-lo-HEEM ); die meervoud vorm van God verwys na die Drie-eenheid van God. God as Skepper, onderhouer, sterk en magtig. Adonai ( A-doh-NIGH ); God as Meester en Here ( Lord in die Engelse Bybel) die Een wat ons moet gehoorsaam om gered te word ook n meervoud vorm van God. 12

13 Maar God het baie name wat Sy kenmerke en eienskappe beskryf kyk Bylaag B, Die 365 name van God vertaal van John Paul Jackson (2002) se mooi CD en boek oor die 365 Names of God. 1.3 Wat is die mens se probleem? Met die sondeval is ons verhouding met God verbreek. Die mens het sy heerlikheid verloor. Ons is almal sondaars, verlore en verdien die dood/hel! o Almal het gesondig, en het nie deel aan die heerlikheid van God nie. (Rom. 3:23). o Die loon wat die sonde gee, is die dood. (Rom. 6:23). o Deur een mens het die sonde in die wêreld gekom en deur die sonde die dood, en so het die dood tot al die mense deurgedring, omdat almal gesondig het. (Rom. 5:12). En omdat ons geestelik dood is, moet ons lewendig gemaak word deur verlossing ( salvation ), die wedergeboorte! Dit is n moet vir elke Christen, maar min gelowiges verstaan dit of het dit beleef. Kyk Hoofstuk 8, vir die verduideliking van die heilsweg. Onthou: Jesus did not come into the world to make bad men good. He came into the world to make dead men live. Leonard Ravenhill. Baie van ons mense in die kerk (sogenaamde Christene) is vas aan die slaap en het n onduidelike roeping. Prof. Johan Malan (Malan, 2006) stel dit baie duidelik: As gevolg van oppervlakkige prediking en boeke met flou, afgewaterde boodskappies, ontvang baie mense nie n duidelike roeping om hulle saak met die Here reg te maak nie. Hulle word aan die slaap gesus en onder die indruk gelaat dat hulle Christene is as hulle lede van n Christelike kerk is, n Christelike geloofsbelydenis huldig en ook Nagmaal gebruik. As gevolg hiervan soek hulle nie na n ontmoeting met die Here nie en gaan met n gedaante van godsaligheid deur die lewe dit is n skyn van Christenskap sonder wedergeboorte. o Hulle sal nog die uiterlike skyn van die godsdiens hê, maar die krag van die godsdiens sal hulle nie ken nie. (2 Tim. 3:5). En ons weet wat word van hulle! o Dan sal julle sê: Ons het saam met U geëet en gedrink, en op ons strate het U die mense geleer. Maar Hy sal weer vir julle sê: Ek weet nie waar julle vandaan kom nie. Niemand van julle het gedoen wat reg is nie. Maak dat julle van My af wegkom! (Luk. 13:26-27). 13

14 1.4 Groot geskrik hartseer: Ek is onlangs wedergebore en toe my oë oopgaan (sluier van my gesig af weggeneem is), het ek my byna dood geskrik. Ek het om my gekyk en besef bykans almal (my familie, vriende, kennisse, en meeste Suid Afrikaners) is net soos ek was! onkundig (sluier oor hul verstand), geestelik dood verblind lou vasgevang in die sondige wêreld. n Klomp droë bene, morsdood (soos die volk Israel in Esegiël 37 beskryf word van die vallei met die klomp droë bene) en nie aanneemlik vir God nie dus op pad na die poel van vuur (die tweede dood) die verderf of die hel (gehenna)! Dít het juis die behoefte om die boek te skryf geaktiveer deur die werking van die Heilige Gees. Kyk wat sê Leonard Ravenhill hieronder ek stem nogal saam! My vrou sê: Jy gaan aan asof niemand gered gaan word nie klink of almal op pad na die hel is! Wel, bykans almal want kyk wat vra die Woord: o Maar sal die Seun van die mens by sy koms nog geloof op die aarde vind? (Luk. 18:8). o Van die hemel af kyk die Here die mense deur om te sien of daar één verstandige is, één wat na die wil van God vra. (Ps. 14:2). Die pad na die verderf is breed hoekom? Omdat daar so baie is wat daarop beweeg! o Die poort wat na die verderf lei, is wyd en die pad daarheen breed, en dié wat daardeur ingaan, is baie. (Matt. 7:13). 1.5 My stelling: Minstens 80% van die mense wat sê hulle is Christene het nie n idée wat n Christen is nie, leef glad nie soos een nie; leef in die vlees (sondige natuur) en nie in die Gees nie en dit lei tot die dood! Nie die fisiese dood nie, maar die ewige dood (tweede dood) die poel van vuur die hel. o Die dinge waarmee die sondige natuur van die mens hom besig hou, loop uit op die dood. (Rom. 8:6). 14

15 Ek hoor jy sê: Hoe kan die ou sulke veroordelende stellings maak? Jy weet jy mag nie oordeel nie. Is dit n geval van ek wil God speel en bepaal wie gaan hemel toe en wie gaan hel toe wie dit maak of nie? Nee, dit gaan hier oor die vraag van lewe en dood en ek vertel mense die waarheid (die Woord)! Ek veroordeel nie mense nie, ek vermaan hulle, ek waarsku, wil hul help, teregwys, dwaling bestry (help hul uit hul onkunde), die waarheid verkondig, ek wil mense help om die regte keuse te maak sodat hulle by God die ewige lewe kan uitkom! So, my taak is nie om mense te oordeel nie; want God sal dit self doen (Rom. 12:19), maar om Sy liefde te verkondig en mense uit liefde te help! Sodat die satan nie jou siel wen en jy saam met hom vir altyd in die poel van vuur brand nie. Dit is nie wat God wil hê nie en ek glo geen nugter denkende mens nie! o Besef jy nie dat God jou deur Sy goedheid tot bekering wil lei nie? (Rom. 2:4). Wil help met jou geestelike groei: o Hóm (Christus) verkondig ons deurdat ons alle mense met alle moontlike wysheid onderrig en leer, sodat ons elke mens tot geestelike volwassenheid in Christus kan bring. (Kol. 1:28). En alles kom uit die Woord van God, wat die handleiding van die lewe is! o Die hele Skrif is deur God geïnspireer en het groot waarde om in die waarheid te onderrig, dwaling te bestry, verkeerdhede reg te stel en 'n regte lewenswyse te kweek, sodat die man wat in diens van God staan, volkome voorberei en toegerus sal wees vir elke goeie werk. (2 Tim. 3:16-17). My bekommernis, my hartseer oor die Suid-Afrikaners word baie mooi deur Andrew Murray (2011) opgesom die oorspronklike teks is meer as n 100 jaar gelede geskryf en niks het intussen verander nie! When I think of all the unconverted in our churches, the skeptics, the wayward, and the perishing around us, my heart cries, My God, revive your church; revive your people! However weak some believers may be, if they are children of God, they are brothers and sisters. We must, then, pray for them, helping them out of darkness and out of the prison in which they find themselves. Our omnipotent God will do in us more than we can ask or think. Ek bid daagliks vir verlore siele! 15

16 Verkeerde pad: Let wel, ek sê: op pad na die hel, maar jy hoef nie daar te eindig nie, want terwyl jy leef is daar nog hoop en n kans om die saak met God reg te maak ons leef in die genadetyd. Ek weet want ek was daar! En nou kan ek nie, mag ek nie, stilbly of stilsit en niks daaraan doen nie. Die Bybel sê ook baie is op die pad na die verderf! Min kry die lewe! o Gaan deur die nou poort in. Die poort wat na die verderf lei, is wyd en die pad daarheen breed, en dié wat daardeur ingaan, is baie. Maar die poort wat na die lewe lei, is nou en die pad daarheen smal, en dié wat dit kry, is min. (Matt. 7:13-14). Jesus sê verder self, dat nie net n paar misleide siele wat n valse hoop op die hemel het nie nee hy sê BAIE. Hy praat met mense wat dink hulle is Christene! (Matt. 7 & Luk. 13). Statistiek: My stelling wat ek bo gemaak het, word deur die volgende gesteun: n Studie onder kerklidmate (Besorgde lidmate & leraars, 2010) sê: Statistiek onder kerkmense is dat 70 80% van kerkmense in Suid Afrika (mense wat lidmate van n kerk is) nie sekerheid van geloof het nie. Hulle is onseker of hulle gered is of hulle op pad hemel toe of hel toe is. Dit is n absolute ramp en n geweldige krisis. Ek stem 100% saam! Billy Graham is aangehaal waar hy gesê het dat slegs 15% van al die mense wat verklaar dat hulle Christene is, werklik wedergebore is. Dit beteken dat 85% sal die koninkryk nie sien of daar ingaan nie! Die Boek deur Besorgde lidmate & leraars (2010) stel dit ook baie mooi duidelik: Omdat mense nie geloofsekerheid het nie (party is wel gered) is hulle nie vry nie (hulle is nie seker of hulle vrygespreek is nie). Daarom is hulle nie opgewonde en jubelend en juigend oor Christus nie. Hulle deel nie die evangelie met verlore mense nie, omdat hulle nie n passie en hart vir verlore siele het nie. Hulle ken nie werklik vir God nie, en daarom het hulle Hom nie lief nie en dien hulle Hom nie (voluit met hul hele lewe nie). Hulle het wel kennis oor en van God, Christus en die Bybel, maar verstaan en glo dit nie werklik nie. Sonder n ware wedergeboorte, waar jy n nuwe mens word en die Heilige Gees ontvang, kan jy nie geestelike dinge verstaan nie. 16

17 Daarom ontferm ek my oor dié wat twyfel: o Oor dié wat in twyfel verkeer, moet julle julle ontferm. Ander moet julle red deur hulle uit die vuur te ruk. Oor ander moet julle julle met versigtigheid ontferm. (Jud. 1:22-23). Ek sê soos Andrew Murray (2007): My purpose is to pray for believers and those who do not know God. So, ek het n lang lys van persone wat nog in die duisternis is vir wie ek gereeld bid en ek sal aanhou tot my dood, want God beantwoord jou gebede soms dadelik soms oor n lang tyd. Elisha Goodman (2004) vertel van George Müller, die baie bekende prediker en gebedsvegter ( prayer warrior ) wat deur sy leeftyd gebede neergeskryf het waarvan almal dieselfde dag beantwoord is! Maar hy het 5 vriende gehad wat nie gered was nie en hy het elke dag vir hulle gebid. Na 5 jaar, het een sy lewe vir die Here gegee. Na 10 jaar se gebed het n verdere 2 hul bekeer. Na 35 jaar van gebed, is die 4de gered. Die vyfde is gered kort na Müller se dood langs sy graf! So, moet nooit opgee nie! o Die gebed van 'n gelowige het 'n kragtige uitwerking. (Jak. 5:16). 1.6 Ken God jou? So, baie mense dink en sê hulle ken God, maar God ken hulle nie! Ek dink die hardste woorde in die Bybel is in Mattheus 7:23, waar die Here daardie dag (oordeelsdag) sal sê: o Ek het julle nooit geken nie. Gaan weg van My af. (Matt. 7:23). o Ek weet nie waar julle vandaan kom nie. (Luk. 13:25). o Maak dat julle van My af wegkom. (Luk. 13:27). En let daarop, Hy sê dit vir mense wat dink hulle is Christene, hulle sê: o Here, Here, het ons dan nie in u Naam gepreek nie, deur u Naam bose geeste uitgedryf en deur u Naam baie wonders gedoen nie? (Matt. 7:22). o Dan sal julle sê: Ons het saam met U geëet en gedrink, en op ons strate het U die mense geleer. (Luk. 13:26). So, hulle het selfs nagmaal gebruik! Dit lyk my dit sluit sommige predikante, pastore en ander predikers ook in en ek is oortuig dit sluit ook baie van ons sogenaamde (wêreldse) Christene in en die wat lou was, want hulle word ook uitgespoeg. (Openb. 3:16). 17

18 Hoekom moet hulle gaan? Daar is hoofsaaklik 2 redes hulle was ongehoorsaam (wet oortree; volhard in sonde) en omdat God hulle nie ken nie! o Gaan weg van My af, julle wat die wet van God oortree. (Matt. 7:23). En dan moet jy gaan, trouens jy gaan uitgegooi word in die buitenste duisternis. En dit gaan verskriklik wees; gehuil en gekners van tande en daar is nie n tweede kans nie! En let daarop dat Hy sê: BAIE sal daardie dag vir My sê: Here nie net n paar verdwaalde verlore siele nie! o Nie elkeen wat vir My sê: Here, Here, sal in die koninkryk van die hemel ingaan nie, maar net hy wat die wil doen van my Vader wat in die hemel is. Baie sal daardie dag vir My sê: Here, Here, het ons dan nie in u Naam gepreek nie, deur u Naam bose geeste uitgedryf en deur u Naam baie wonders gedoen nie? (Matt. 7:21-22). Wanneer ken God jou? Hoe is dit moontlik dat God jou nie ken nie? Hy het jou dan gemaak? Ja, Hy het jou gemaak, daarom is jy Sy skepsel, maar nog nie Sy kind nie. Dis eers as jy Jesus as jou Verlosser aangeneem het en Sy Gees ontvang, dat jy Sy kind geword het en in n persoonlike liefdesverhouding met Hom kom, en dan ken God jou. i) Wanneer jy na Hom luister en Hom volg! o My skape luister na my stem; Ek ken hulle, en hulle volg My. (Joh. 10:27). o Die Here moet jou herder wees (Ps. 23). o Die Here ken dié wat aan Hom behoort. (2 Tim. 2:19). ii) Wanneer jy Hom lief het! o Maar as iemand God liefhet, ken God hom. (1 Kor. 8:3). o En dan is Hy ook lief vir jou Ek het dié lief wat my liefhet (Spr. 8:17) o As iemand My (Jesus) liefhet, sal hy my woorde ter harte neem; en my Vader sal hom liefhê, en Ons sal na hom toe kom en by hom woon. (Joh. 14:23). iii) Wanneer jy Jesus aangeneem het en Sy kind is: o Aan almal wat Hom (Jesus) aangeneem het, dié wat in Hom glo, het Hy die reg gegee om kinders van God te word. (Joh. 1:12). o Elkeen wat glo dat Jesus die Christus is, is 'n kind van God. (1 Joh. 5:1). 18

19 iv) Wanneer Sy Gees in jou is: o Almal wat hulle deur die Gees van God laat lei, is kinders van God. (Rom. 8:14) o Sy Gees getuig saam met jou gees dat ons kinders van God is! (Rom. 8:16). Maar onthou, God wil dat almal gered moet word en tot kennis van die Waarheid kom! o So is dit goed en aanneemlik vir God, ons Verlosser, wat wil hê dat alle mense gered word en tot kennis van die waarheid kom. (1 Tim. 2:3-4). En Hy het dit reeds bewys deurdat Hy Sy enigste Seun, uit die hemel, na ons gestuur het om ons weer met Hom te versoen. Maar dit help nie jy weet dit (in die verstand), en jy glo dit nie volledig nie het dit nog nie met jou hart (gees) aanvaar nie! o God het die wêreld so lief gehad dat Hy sy enigste Seun gegee het, sodat dié wat in Hom glo, nie verlore sal gaan nie maar die ewige lewe sal hê. God het nie sy Seun na die wêreld toe gestuur om die wêreld te veroordeel nie, maar sodat die wêreld deur Hom gered kan word. (Joh. 3:16-17). So, daar is net een Middelaar (Deur) tussen God en die mense en dit is Jesus Christus! o Daar is immers net een God, en daar is net een Middelaar tussen God en die mense, die mens Christus Jesus wat Homself as 'n losprys vir almal gegee het. Dit was op die bestemde tyd die bewys van die bedoeling van God. (1 Tim. 2:5-6). Hoekom het Hy dit gedoen? Omdat Hy LIEF is vir ons! Nie omdat ons iets gedoen het wat die moeite werd is nie! o Werklike liefde is dít: nie die liefde wat ons vir God het nie, maar die liefde wat Hy aan ons bewys het deur sy Seun te stuur as versoening vir ons sondes. (1 Joh. 4:10). o Ons het lief omdat God ons eerste liefgehad het. (1 Joh. 4:19) Maar elke persoon moet die Woord (waarheid) glo en die liefde van God deur Jesus Christus aanneem (aanvaar) voor hy gered sal word! En die Woord (= Jesus Christus) is die waarheid! o Laat hulle aan U toegewy wees deur die waarheid. U woord is die waarheid. (Joh. 17:17). o Julle is gered deurdat die Gees julle vir Hom afgesonder het en deurdat julle die waarheid glo. (2 Tess. 2:13). 19

20 As jy dit nie glo nie, sal jy verlore gaan! o En so sal almal wat nie die waarheid geglo het nie, maar die ongeregtigheid verkies het, veroordeel word. (2 Tess. 2:12). o Maar aan almal wat Hom aangeneem het, dié wat in Hom glo, het Hy die reg gegee om kinders van God te word. (Joh. 1:12). Die geskiedenis herhaal homself! Die Bybel sê dat die mense (soos baie van ons vandag) die waarskuwings en tekens sal ignoreer en net soos met vorige veroordelings aangaan met hul gewone goedjies en nie reg sal wees wanneer die wederkoms gaan plaasvind nie! o Soos dit in die dae van Noag was, sal dit ook wees by die koms van die Seun van die mens. In daardie dae voor die sondvloed het hulle soos gewoonlik geëet en gedrink en getrou tot op die dag dat Noag in die ark ingegaan het. Hulle het nie besef wat aan die gang was nie, totdat die sondvloed gekom en hulle almal weggesleur het. Net so sal dit gaan by die koms van die Seun van die mens. (Matt. 24:36-38). Dieselfde was dit met Sodom en Gomorra waar die Here vir Abraham gesê het: al vind jy net 10 wat regverdig is, sal ek dit nie verdelg nie (Gen. 18:32) en ons weet hy kon nie een kry nie en die stad is vernietig! Maar daar is hoop, want as jy berou het en terugdraai (bekeer) sal God jou vergewe soos Hy met die groot stad Nineve gedoen het. (Jona 3:10). Die wederkoms van die Seun van God is onafwendbaar! Is jy gretig en gereed om Hom, die Skepper van die Heelal, met ope arms te ontvang? Kyk Hoofstuk 12 vir n beknopte opsomming van Openbaring en die toekomstige wêreldgebeure. 1.7 Hoekom is jy so hard? Wat sal jy maak as jou kind op die spoorlyn loop en daar kom n trein aan? Jy sal op hom skree en hom uit die pad van die trein ruk! Dis presies hoekom ek nou hierdie waarskuwing wil uitbasuin! Sal jy huiwer en toelaat dat jou vriend voor aankomende verkeer inloop? Waarom is ons dan huiwerig om n vriend te stop wat sonde (hel) binneloop? Daarom wil ek sê: word wakker, word wakker! Draai weg van die sonde na God bekeer julle!!! Ek moet wreed wees om liefde te betoon! Sometimes it s necessary to be cruel in order to be kind. (William Shakespeare). 20

21 Baie gemeentes is ook waar Sardis was en moet ook wakker word: o Word wakker en versterk wat nog by julle oorgebly het, wat op die punt staan om dood te loop. (Openb. 3:2). Die woord slaap dui in die Bybel meermale n toestand van geestelike doodsheid, laksheid en traak-my-nie-agtigheid aan. o Word wakker, jy wat slaap, en staan op uit die dood; en Christus sal jou lewe verlig. (Ef. 5:14). o Die uur is reeds daar dat julle uit die slaap moet wakker word. (Rom. 13:11). Could a mariner sit idle if he heard the drowning cry? Could a doctor sit in comfort and just let his patients die? Could a fireman sit idle, let men burn and give no hand? Can you sit at ease in Zion with the world around you DAMNED? Leonard Ravenhill. Maar ek wil ook met wysheid optree nie net skree word wakker nie, maar wil ook die antwoord gee, sodat jy in die regte verhouding met God kan kom dis net tot jou eie ewige voordeel! o Tree met wysheid op teenoor die mense wat nog buite die gemeente is. Maak die beste gebruik van elke geleentheid. Wat julle sê, moet altyd vriendelik wees en van goeie smaak getuig; en julle moet weet hoe julle elkeen behoort te antwoord. (Kol. 4:5-6). 1.8 Wie gaan hemel toe? Om toegang tot die hemel te kry hang basies af van wie jy ken! As jy die Seun (Jesus Christus) ken en Hom as jou persoonlike Verlosser aangeneem het, kom jy in. As jy Hom nie ken nie of aanvaar nie, kan jy nie ingaan nie! o God het ons die ewige lewe gegee, en dié lewe is deur sy Seun. Wie die Seun het, het die lewe; wie nie die Seun van God het nie, het ook nie die lewe nie. (1 Joh. 5:11-12). o Maar aan almal wat Hom aangeneem het, dié wat in Hom glo, het Hy die reg gegee om kinders van God te word. (Joh. 1:12). Jy moet die uitnodiging aanneem: Ek glo die hemel is ook vir ons (Afrikaners en baie Suid Afrikaners) bedoel, dis vir ons gereed gemaak, maar as ons dit nie aanvaar nie, word dit vir ander mense gegee, dan gaan ander mense gevra word om by die bruilofstafel aan te sit. Presies soos in die gelykenis in Mattheus 22:2-14 en Lukas 14: Hoekom het die mense nie gekom nie lees mooi, hulle was te besig vol verskonings (Luk. 14), net soos vandag! 21

22 Die feessaal gaan vol gaste gemaak word met of sonder jou! Jy moet net ja sê vir die bruidegom (Jesus Christus) om jou plek in te neem! o Jesus het gesê: Met die koninkryk van die hemel gaan dit soos met 'n koning wat vir Sy seun 'n bruilofsfees voorberei het. Hy het Sy slawe uitgestuur om die genooides na die bruilof te roep, maar hulle wou nie kom nie. Toe stuur hy weer ander slawe met die opdrag: Sê vir die genooides: Die maaltyd is reg; my beeste en vetgemaakte vee is geslag, en alles is gereed. Kom na die bruilof toe. Maar die genooides het hulle nie daaraan gesteur nie, en die een het na sy stuk grond en 'n ander een na sy werkplek toe gegaan. Toe sê hy vir sy slawe: Alles staan klaar vir die bruilofsfees, maar die genooides was dit nie werd nie. Gaan nou uit na die straathoeke en nooi soveel mense as wat julle teenkom, na die bruilofsfees toe. Toe het daardie slawe uitgegaan op die strate en almal wat hulle gekry het, bymekaargemaak, slegtes sowel as goeies. So het die feessaal vol gaste geword. (Matt. 22:2-14). Het jy al die uitnodiging aanvaar? Want as jy nie die uitnodiging aanvaar het nie (LW dis n keuse wat jy moet maak), gaan ons dit nie maak nie; gaan in die hel beland! En glo my jy wil nie daar wees nie ons almal weet dis BAIE sleg, onophoudelike pyn, dors en honger, totaal weg van God se teenwoordigheid, ondraaglik daar! Kyk Hoofstuk 11. Jesus sê: o Ek sê vir julle: Baie sal van die ooste en die weste af kom en saam met Abraham, Isak en Jakob aan tafel gaan in die koninkryk van die hemel. Maar mense vir wie die koninkryk bedoel is, sal in die diepste duisternis daarbuite gegooi word, waar hulle sal huil en op hulle tande sal kners. (Matt. 8:11-12). Moordenaars, prostitute, dwelmverslaafdes, diewe dit is maklik om te sien waarom hierdie mense die Evangelie nodig het. Maar wat van die ordentlike mense: dokters, sakemanne, die bure? Hulle lyk so tevrede, so vervuld, so... gaaf! Maar as jy ongehoorsaam is gaan jy gestraf word! o Dan sal Hy die mense straf wat nie vir God ken nie en dié wat die evangelie van ons Here Jesus nie gehoorsaam nie. Die ewige verdoemenis sal hulle straf wees, altyd geban uit die teenwoordigheid van die Here en van Sy wonderbaarlike mag. (2 Tess. 1:8-9). o Wie in die Seun glo, het die ewige lewe; wie egter aan die Seun ongehoorsaam is, sal die lewe nie sien nie, maar die straf van God bly op hom. (Joh. 3:36). Kyk Hoofstuk 11 oor Hemel of Hel dis jou keuse. 22

23 1.9 Hoekom gaan ons (gewone Christene ) dit waarskynlik ook nie maak nie? Wie of wat hou ons uit die koninkryk van God? Daar is honderde redes wat mense verhoed om in die koninkryk in te gaan, maar die fundamentele probleem is sonde, en dan die leuen wat mense mislei sodat hulle nie die regte keuses maak nie. Ek noem n paar wat algemeen voorkom. Hoofstuk 3 brei verder uit oor hoe ons hier beland het. Malan (2006) gee verskeie valse fondamente (leuens) in ons kerke. Hy sê o.a.: Daar bestaan n ernstige gevaar van valse fondamente wat deur die siele vyand (duiwel) en sy medewerkers (demone) aan mense gebied word wanneer hulle na die Here soek. Sy eerste mikpunt is om hulle van redding te weerhou en by vormgodsdiens te laat berus. Indien hy nie daarin kan slaag nie, probeer hy om hulle geestelik op n syspoor te laat beland, moedeloos te maak en deur dwalings en wêreldgesindheid die krag van die Heilige Gees te laat verbeur. Bv. een van die vals fondamente waarop baie mense se lewens gebou is: Alle Christene is met die Gees vervul Op grond van die feit dat die Heilige Gees mense wederbaar, word dikwels beweer dat alle Christene reeds met Hom vervul is. Hierdie stelling is lynreg in stryd met die Bybel en weerhou baie Christene van n Geesvervulde, oorwinnende lewe. Sonder n volle oorgawe kom die ongekruisigde, vleeslike natuur in jou met die inwonende Heilige Gees in botsing (Gal. 5:17). In hierdie toestand sal jy nie vir die satan en sy ryk n groot bedreiging wees nie. Trouens, As iemand die Gees van Christus nie het nie, behoort hy nie aan Christus nie. (Rom. 8:9). Indien jy egter die kruis van selfverloëning opneem en om die vervulling met die Heilige Gees bid (Luk. 9:23; Ef. 5:18), dan neem Hy beheer van jou lewe oor. Wandel deur die Gees, dan sal julle nooit die begeerlikheid van die vlees volbring nie. (Gal. 5:16). Die Bybel leer dat jy deur n proses gaan om die Heilige Gees te ontvang. Bekeer julle en laat elkeen van julle gedoop word in die Naam van Jesus Christus, en God sal julle sondes vergewe en julle sal die Heilige Gees as gawe ontvang. (Hand. 2:38). Die doop hier verwys nie na die kinderbesprinkeling (babadoop) van baie kerke nie! So, vra jouself wanneer en hoe het ek die Heilige Gees ontvang? Kyk Hoofstuk 3 & 8 Hoe ontvang jy die Heilige Gees (3.8.3; 8.5). 23

24 1.9.2 Wêreldse (vleeslike) Christene: Ons kerke sit vol van wêreldse vleeslike ( carnal ) Christene. Hulle gaan nog kerk toe (sommige net om hul gewete te sus), bid so nou en dan n rympie, maar is nie gevul met die Heilige Gees nie. Hul lewe is nie heilig nie, word beheer deur die sondige natuur; oorleef net op geestelike melk; groei nie in die geestelike lewe nie, en is nie geestelik volwasse nie. Dis soos Murray (1953) sê: Is it not a sad thing to see a believer who has been converted five, ten, twenty years, and yet no growth, and no strength, and no joy of holiness? Dit is n skyn van Christenskap hulle leef in die siel (volgens die wêreld) en nie in die gees nie en dit werk nie vir God nie. Dié wat hulle deur hulle sondige natuur laat beheers, kan nie die wil van God doen nie... is immers vyandskap teen God. (Rom. 8:7-8). Die Engels is self nog duideliker: For to be carnally minded is death; but to be spiritually minded is life and peace. (Rom. 8:6). Vleeslike Christene is geen bate vir die kerk van Christus nie. Hulle is in n gemaksone ( comfort zone ) hulle doen nou nie eintlik iets groot verkeerd nie; moor, roof en steel nie is eintlik ordentlike mense. Doen al die gewone dinge: werk hard, woeker met my talente, maak n bydrae tot die gemeenskap, sorg vir vrou en kinders, kuier saam met vriende, kyk sport, braai vleis, maar het n baie oppervlakkige geestelike lewe en geen persoonlike verhouding met God nie en hier val die groot gros Afrikaners in en dis die dodelike een! Jy is nie bewus daarvan dat jy verlore is nie tipies die satan se taktiek! Hy sê vir jou; jy is op Paradise road nog n leuen waarmee hy baie vang. Nee, bekeer en lewe! As julle julle lewe deur die sondige natuur laat beheers, gaan julle die dood tegemoet, maar as julle deur die Gees 'n einde maak aan julle sondige praktyke, sal julle lewe. (Rom. 8:13) Is lou: Baie Suid-Afrikaners (en ek glo baie mense oor die wêreld) het eenvoudig lou geword! Daar is geen geesdrif vir die koninkryk van die hemele nie. En ons weet wat met die lou mense gaan gebeur!? Hoekom is ons lou? Want ons is finansieel onafhanklik en is mos in beheer van ons lewe en het niemand nodig nie! Hoekom bid vir daaglikse brood as ek dit sommer net by Woolies kan gaan koop? Die wêreld vertel ons jy het nie n God nodig nie humanisme ons het alles. Maar die Woord sê: Geseënd is dié wat weet hoe afhanklik hulle van God is, want aan hulle behoort die koninkryk van die hemel. (Matt. 5:3). 24

25 As jy jouself moet vergelyk met die gemiddelde Afrikaan, dan is jy sekerlik n baie ryk persoon. Volgens die aardse reëls het ons meer as genoeg goed. En daarom het ons nie eintlik vir God nodig nie. Ons het nie eintlik geloof in God nodig nie, want ons het genoeg van die ander goed. Julle sê: Ons is ryk, skatryk, en ons het niks meer nodig nie, en julle weet nie dat julle ellendig en beklaenswaardig is nie, arm, blind en kaal. (Openb. 3:17) en daarom deur God uitgespoeg. God sê: Maar nou, omdat julle lou is, nie warm nie en ook nie koud nie, gaan Ek julle uit my mond uitspoeg. (Openb. 3:16). En dit beteken God gaan jou verwerp! met dié lou houding is jy op pad na die verderf! Die ontstellende deel is dat baie mense ook sal erken dat hul lou is, maar niks daaraan doen nie! dis n gemaksone! Nee, moet nie dat die duiwel jou in die gemaksone hou nie, doen dadelik iets daaromtrent! Net Geloof: Baie kerk-mense sê: Ek is n Christen, ek glo in die Here; n mens moet net glo dan sal jy gered word, en ek doen dit daarom sal ek hemel toe gaan. Nee, dis te maklik enige iemand kan dit sê. Die fokus val hier op geloof as sodanig en nie op God nie, gevolglik word geloofsekerheid n suiwer menslike prestasie dis bloot in die verstand (siel) en nie in die hart (gees) nie. Mense dink jy kan maar net glo sonder dat jou lewe verander. Jakobus noem dit dooie geloof. Jou geloof in Jesus moet jou lewe verander, anders glo jy soos die duiwels wat alles oor Jesus glo, maar wie se lewe tog nie verander nie. Die duiwels glo ook aan God Glo jy dat daar net een God is? Dit is reg. Die bose geeste glo dit ook en hulle sidder van angs. (Jak. 2:19). Maar hul glo nie in God nie, met hart (gees) nie en doen nie Sy wil nie. Nee, moet jouself nie fool nie! Dis nog n leuen van die duiwel. Dis n gemaksone waarin jy passief is en dis definitief nie al wat God van jou vra nie! Het jy jou van sonde bekeer? Dien jy die Here? Volg jy Jesus? Jou dwaas, wil jy 'n bewys hê dat geloof sonder dade nutteloos is. (Jak. 2:20) Nie wedergebore nie: Ek sien baie Suid-Afrikaners is nie wedergebore Christene nie. Jesus antwoord en sê vir hom: Voorwaar, voorwaar Ek sê vir jou, as iemand nie weer gebore word nie, kan hy die koninkryk van God nie sien nie. (Joh. 3:3). En jy sal nie daar ingaan nie! Dit verseker Ek jou: As iemand nie uit water en Gees gebore word nie, kan hy nie in die koninkryk van God kom nie. (Joh. 3:5). 25

26 Jesus het vir Nikodemus duidelik laat verstaan dat teologiese kennis en n mooi lewe nie genoeg is om die koninkryk van God te beërf nie hy móét weergebore word. Wat beteken dit om wedergebore te wees? Hoe kan ek seker wees dat ek n wedergebore Christen is? kyk die 10 punt toets aan die einde van hierdie hoofstuk en Hfst. 8 Die verlossingsproses Sondae in die kerk: Soms vertel die kerk die lidmate dat as jy geld vir die kerk gee, en sommer genoeg daarvan, Sondae in die kerk is en nie n te rowwe lewe lei nie, and dan is jy orraait. Mense glo dat ons nie deur ons eie toedoen nie, maar slegs deur die Genade in die hemel kan kom en daarom is jou pad geplavei na die hemel, want God het mos oorvloedige genade (maar hul vergeet dat jy ook moet glo; Julle is inderdaad uit genade gered, deur geloof. (Ef. 2:8). En die lidmate voel goed, maar dit is die kerk (eintlik die satan in die kerk) wat n rat voor hul oë draai. Dit is nie waaroor Christenskap gaan nie. Jy word nie gered omdat jy lid van n kerk is nie. Jy word net gered omdat jy in Jesus Christus glo. Kyk Hoofstuk 3 (3.12; bladsy 108) wat verduidelik wat dit beteken om te GLO. As jy nie wedergebore is nie gaan jy dit nie maak nie! Satan hou ons baie besig Rat race : Baie mense hoor God se stem (via die Woord, preke, boeke, ens), maar hulle is baie besig met die aardse goedjies wêreldse (sekulêre) dinge! Hul harte is verhard van al die gemors wat die wêreld hul daagliks voer en oor hul spoel deur die media, films en boeke. Het nie nou tyd nie; vasgevang in die Rat race. Ons kan nie nou aan die geestelike goed dink en aandag gee nie ek moet net werk want die lewe is duur! en die satan lag lekker! It is a disgrace for the world to be in a rat race. Ons moet weet dat ons minagtende en oneerbiedig teenoor God optree wanneer ons sê dat ons nie tyd kan vind om met Hom te verkeer nie! Trouens hierdie tyd ding is n baie effektiewe metode van die Satan om mense se tyd te steel en hulle weg te hou van God. 'n Ander deel het tussen die onkruid geval, en die onkruid het opgekom en dit laat verstik... Die man by wie daar tussen die onkruid gesaai is, is hy wat die woord hoor, maar die bekommernis van die lewe en die verleidelikheid van rykdom verstik die woord, en dit bly sonder vrug. (Matt. 13: 7, 22). Moet nooit sê: Ek het nie tyd vir God nie! Kyk die SATAN'S MEETING in Bylaag A. 26

27 Sarah (2013) skryf ook dat God oor die wêreld kyk en sê: What I see is that most of My people are not entering My fullness, not entering and walking in My plans for their life because the enemy keeps them busy in the flesh and inactive in the spirit. God se roepstem word verdoof deur die raserige en besige wêreld. Die stem van die Heilige Gees kan nie gehoor word bokant die wêreld se geraas nie tensy ons ons harte draai en ons ore instel op die Gees. Min hoor of reageer op Sy roepstem hierdie boek is n voorbeeld van só n roepstem; Nee, beywer julle allereers vir die koninkryk van God en vir die wil van God, dan sal Hy julle ook al hierdie dinge gee. (Matt. 6:33). Maak jou klaar om voor jou God te kom verskyn! (Amos 4:12). Maak jou saak met God reg en leef daagliks volgens Sy wil. Baie is immers geroep, maar min is uitverkies. (Matt. 22:14) Goedkoop genade: Nog een van die vals fondasies in ons kerke. Goedkoop genade word deur baie predikers as n geskenk aangebied wat onvoorwaardelik deur almal verkry kan word. Hoewel dit n gawe van God is ( n geskenk) is dit nogtans nie goedkoop nie omdat dit aan duidelike voorwaardes gekoppel is. Sonde moet eers met berou bely en laat staan word voordat vergifnis verkry word. Moet nooit jou boodskap van vergifnis op die idee bou dat God ons Vader is en dat Hy ons sal vergewe omdat Hy ons liefhet nie. Ja, Hy het ons baie lief, maar vergifnis van sonde kom deur die kruis, deur geloof in Jesus Christus, en jy moet jou sondes bely. Maar as ons ons sondes bely Hy is getrou en regverdig, Hy vergewe ons ons sondes en reinig ons van alle ongeregtigheid. (1 Joh. 1:9). Dit help nie om net lippediens aan die Christelike verlossingsleer te bewys en te dink dat jou saak met die Here dan reg is nie. Op hierdie maklike wyse sal jy nooit die getuienis van die Heilige Gees in jou hart ontvang, wat saam met jou gees sal getuig dat jy n kind van God is nie (Rom. 8:16). Volg die weg van die Here, en laat sy Gees toe om jou diep onder die indruk van jou sonde en verlorenheid te bring, maar ook van die geregtigheid en genade van die Here Jesus. Dan alleen sal jy op die regte koers vir n grondige en blywende herskepping van jou lewe wees. (Malan, 2006). 27