10 Dae van Gebed. Dag 1 Bly in Christus. Johannes 15:1-17

Transcription

1 10 Dae van Gebed Januarie 7-17, 2015 Dag 1 Bly in Christus Johannes 15:1-17 Voorstelle vir Bemiddelende Gebed Voel vry om aanspraak te maak op ander beloftes in die Bybel. Onthou, as God u roep, sal hy vir u die vermoë gee om Sy wil te doen! Loof God dat dit Christus is wat vrugte in ons dra. Bly in My, soos Ek in julle. Net soos die loot geen vrug kan dra van homself as dit nie in die wynstok bly nie, so julle ook nie as julle nie in My bly nie. Johannes 15:4. Loof God vir die maniere waaroop Hy u leer om in Hom te bly. Soos julle dan Christus Jesus, die Here, aangeneem het, wandel so in Hom, gewortel en opgebou in Hom en bevestig in die geloof, soos julle geleer is, terwyl julle daarin oorvloedig is in danksegging. Kollosense 2: 6, 7. Bid dat God u sal leer hoe om in Hom te bly. Toe antwoord hy en sê vir my: Dit is die woord van die HERE aan Serubbábel, naamlik: Nie deur krag of deur geweld nie, maar deur my Gees, sê die HERE van die leërskare. Sagaria 4:6. Julle het My nie uitverkies nie, maar Ek het julle uitverkies en julle aangestel om vrug te gaan dra en dat julle vrug kan bly, sodat wat julle die Vader ook al in my Naam vra, Hy julle dit kan gee. Johannes 15:16. Bid dat die Heilige Gees oor u uitgestort mag word sodat u die vrug van die Gees kan dra. En daarna sal Ek my Gees uitgiet op alle vlees, en julle seuns en julle dogters sal profeteer, julle ou mense drome droom, julle jongelinge gesigte sien. En ook op die diensknegte en op die diensmaagde sal Ek in dié dae my Gees uitgiet. Joel 2:28, 29. Sodat julle waardiglik voor die Here mag wandel om Hom in alles te behaag en julle in elke goeie werk vrug mag dra en in die kennis van God mag groei, en met alle krag bekragtig word volgens die mag van sy heerlikheid tot lydsaamheid en lankmoedigheid met blydskap. Kollosense 1:10, 11. Bid dat God u sal help om u behoefte te verstaan, en u die begeerte sal gee om in Hom te bly. Bly in My, soos Ek in julle. Net soos die loot geen vrug kan dra van homself as dit nie in die wynstok bly nie, so julle ook nie as julle nie in My bly nie. Johannes 15:4. 1

2 En word nie aan hierdie wêreld gelykvormig nie, maar word verander deur die vernuwing van julle gemoed, sodat julle kan beproef wat die goeie en welgevallige en volmaakte wil van God is. Romeine 12:2. Bid dat familie en vriende die begeerte sal hê en sal leer hoe om in Hom te bly. En Ek sal hulle een hart gee, en n nuwe gees in julle binneste gee; en Ek sal die hart van klip uit hulle vlees verwyder en hulle n hart van vlees gee. Eségiël 11:19. Want die wat vleeslik is, bedink vleeslike dinge, maar die wat geeslik is, geeslike dinge. Romeine 8:5. Bid vir die eenheid van die kerk in die waarheid. Maar Ek bid nie vir hulle alleen nie, maar ook vir die wat deur hulle woord in My sal glo dat almal een mag wees net soos U, Vader, in My en Ek in U; dat húlle ook in Ons een mag wees, sodat die wêreld kan glo dat U My gestuur het. Johannes 17:20, 21. Maar ek vermaan julle, broeders, in die Naam van onse Here Jesus Christus, om almal eenstemmig te wees, en dat daar geen skeuringe onder julle moet wees nie, maar dat julle verenig moet wees in dieselfde gesindheid en in dieselfde mening. 1 Korinthiërs 1:10. Bid vir die 60ste Wêreldkonferensie Sessie in San Antonio, vir die afgevaardigdes en vir die keuses wat daar gemaak sal word. Bid dat die afgevaardigdes in Christus sal bly, dat hulle heeltemal aan Hom sal oorgee en dat die Heilige Gees hulle sal lei in elke besluit. En as iemand van julle wysheid kortkom, laat hom dit van God bid, wat aan almal eenvoudig gee sonder om te verwyt, en dit sal aan hom gegee word. Jakobus 1:5. Ek is met Christus gekruisig, en ék leef nie meer nie, maar Christus leef in my. En wat ek nou in die vlees lewe, leef ek deur die geloof in die Seun van God wat my liefgehad het en Homself vir my oorgegee het. Galásiërs 2:20. En Ek sal die Vader bid, en Hy sal julle n ander Trooster gee om by julle te bly tot in ewigheid: die Gees van die waarheid wat die wêreld nie kan ontvang nie, omdat dit Hom nie sien en Hom nie ken nie; maar julle ken Hom omdat Hy by julle bly en in julle sal wees. Johannes 14:16, 17. Bid vir die kerkleiers (u lokale predikant, Konferensie, Unie, Divisie en die Wêreldkonferensieleiers), sodat hulle gevul sal wees met die Heilige Gees en in Christus sal bly. En word nie aan hierdie wêreld gelykvormig nie, maar word verander deur die vernuwing van julle gemoed, sodat julle kan beproef wat die goeie en welgevallige en volmaakte wil van God is. Romeine 12:2. Want ons is sy maaksel, geskape in Christus Jeus tot goeie werke wat God voorberei het, sodat ons daarin kan wandel. Efésiërs 2:10. 2

3 Ek is met Christus gekruisig, en ék leef nie meer nie, maar Christus leef in my. En wat ek nou in die vlees lewe, leef ek deur die geloof in die Seun van God wat my liefgehad het en Homself vir my oorgegee het. Galásiërs 2:20. Bid vir uitgebreide beklemtoning van die Herlewing en Hervorming tema vir lede, Konferensies, Unies, institusies, Divisies en die Wêreldkonferensie. Onthou die 777 gebedsinisiatief vir die uitstorting van die Heilige Gees se laatreëns. En daarna sal Ek my Gees uitgiet op alle vlees, en julle seuns en julle dogters sal profeteer, julle ou mense drome droom, julle jongelinge gesigte sien. En ook op die diensknegte en op die diensmaagde sal Ek in dié dae my Gees uitgiet. Joel 2:28, 29. Bid vir n wonderlike oes van siele, wat die resultaat is van saad wat tydens die verspreiding van die Groot Stryd geplant is, in al sy verkeie vorme. Maar dink daaraan: Wie spaarsaamlik saai, sal ook spaarsaamlik maai; en wie volop saai, sal ook volop maai. 2 Korinthiërs 9:6. Bid vir elke lid om n verantwoordelikheid te kweek vir die wen van siele, en om te besef dat die hemel almal van ons vra om in Christus se voetspore te volg deur ons persoonlike geloof deur God se leiding te deel. Toe sê Hy vir sy dissipels: Die oes is wel groot, maar die arbeiders min. Bid dan die Here van die oes, dat Hy arbeiders in sy oes mag uitstuur. Matthéüs 8:37, 38. Sending vir die Stede Bid vir die Oos-Sentraal Afrika Divisie en die stede wat gekies is om in te werk: Kinshasa, Demokratiese Republiek van die Kongo; Dar-es-Salaam, Tanzanië; Addis Ababa, Ethiopië; Kampala, Uganda; Kananga, Wes-Kongo; Lodwar, Kenya; Kigali, Rwanda; Lubumbashi, Oos-Kongo; Goma, Noordoos-Kongo; Magara, Burundi; en Juba, Suid-Sudan. Bid dat Satan se sterk greep gebreek sal word, en dat verhoudings met Christus mag ontwikkel. Hoe kan hulle Hom dan aanroep in wie hulle nie geglo het nie? En hoe kan hulle in Hom glo van wie hulle nie gehoor het nie? En hoe kan hulle hoor sonder een wat preek? En hoe kan hulle preek as hulle nie gestuur word nie? Soos geskrywe is: Hoe lieflik is die voete van die wat die evangelie van vrede verkondig, van die wat die evangelie van die goeie verkondig! Romeine 10:14, 15. Bid vir enige persoonlike behoeftes op u hart. Vertrou op die Here met jou hele hart en steun nie op jou eie insig nie. Ken Hom in al jou weë, dan sal Hý jou paaie gelyk maak. Spreuke 3:5, 6. Loof God vir die verskillende maniere waarop Jesus vir ons n voorbeeld stel van hoe om in Christus te bly. Jesus sê vir hulle: My voedsel is om die wil te doen van Hom wat My gestuur het en om sy werk te volbring. Johannes 4:34. 3

4 Loof God by voorbaat vir hoe Hy gaan werk om u gebede te beantwoord. As julle in My bly en my woorde in julle, sal julle vra net wat julle wil hê, en julle sal dit verkry. Johannes 15:7. Maar God sy dank, wat ons die oorwinning gee deur onse Here Jesus Christus. 1 Korinthiërs 15:57. En aan Hom wat mag het om te doen ver bo alles wat ons bid of dink volgens die krag wat in ons werk. Efésiërs 3:20. Aan die einde van die gebedstyd, kan u dalk groepies van twee of drie vorm, en vir die sewe mense wat op u lys is, bid. Bid dat hulle n blywende verhouding met Jesus Christus sal hê. Maak aanspraak op Johannes 14:23 vir hulle: Jesus antwoord en sê vir hom: As iemand My liefhet, sal hy my woord bewaar, en my Vader sal hom liefhê, en Ons sal na hom toe kom en by hom woning maak. As u n persoonlike gebedsversoek het waarooru nie gemaklik voel om in n groot groep te bid nie, voel vry om dit met n vriend te deel, en bid dan saam daaroor. Voorgestelde Liede Live Out Thy Life Within Me (SDA Hymnal #316); Yes, Lord, I Give My Life to You ; I Need Thee Every Hour (SDA Hymnal #483); Seek Ye First ; Draw Me Nearer (SDA Hymnal #306); I Surrender All (SDA Hymnal #309). 4

5 Wat Ellen White sê oor om in Christus te bly Bly in my, soos Ek in julle. Net soos die loot geen vrug kan dra van homself as dit nie in die wynstok bly nie, so julle ook nie as julle in My nie bly nie. Ek is die wynstok, julle die lote. Wie in My bly, en Ek in hom, hy dra veel vrug; want sonder My kan julle niks doen nie.- Johannes 15:4, 5. Bly in my is woorde van groot belang. Om in Christus te bly beteken n lewende, ernstig, verfrissende geloof, wat werk deur liefde en die siel reinig. Dit beteken n konstante ontvangs van die gees van Christus, n lewe van onverdeelde oorgawe tot Sy diens. Waar hierdie eenheid bestaan, sal goeie werke verskyn. Die lewe van die wynstok sal homself in die geurige vrugte van die lote manifisteer. Die voordurende voorraad van Christus se genade sal jou seën en van jou n seëning maak, totdat jy saam met Paulus kan sê, Ek is met Christus gekruisig, en ék leef nie meer nie, maar Christus leef in my. (Galasiërs 2:20) (Our Father Cares, bl. 124). Dit is nie n terloopse aanraking met Christus wat nodig is nie, maar om in Hom te bly. Hy het jou geroep om in Hom te bly. Hy bied nie aan jou n seëning wat net n kort tyd hou en net per geleentheid raakgesien word en weer verbygaan wanneer jy in die algemene verantwoordelikhede van die lewe betrokke raak nie. Om in Christus te bly maak elke verantwoordelikheid lig, want Hy dra jou las. Hy het voorberei sodat jy in Hom kan bly. Dit beteken dat jy bewus is van n blywende Christus, dat jy gedurig in Hom is, waar jou verstand aangemoedig en versterk word Moenie buite Christus staan, soos baie oënskynlike Christene van vandag nie. Om in my te bly, soos ek in julle, is n bereikbare doel, en die uitnodiging sou nie aan ons gerig geword as ons dit nie kon doen nie. Jesus ons Redder is aanhoudend besig om jou nader te trek deur Sy Heilige Gees, terwyl Hy deur jou verstand werk, sodat jy in Christus sal bly Die seëninge wat Hy uitstort, is almal in verbinding met jou eie individuele optrede. Sal Christus geweier word? Hy sê, Al wat die Vader My gee, sal na My toe kom; en Ek sal hom wat na My toe kom, nooit uitwerp nie. (Johannes 6:37). Hy sê omtrent n ander klas ook, En julle wil nie na My kom om die lewe te hê nie. (Johannes 5:40) (In Heavenly Places, bl. 55). Die Here kort manne en vroue wat die lig van n goddelike voorbeeld saam met hulle in hulle daaglikse lewens neem, manne en vroue wie se woorde en dade wys dat Christus in hulle harte bly, hulle leer en lei. Hy kort manne en vroue van gebed, wat, deur alleen met God te worstel, oorwinning verkry oor hulself en dan vorentoe beweeg om dan met ander dit wat hulle van die Bron van krag ontvang het te deel. (To Be Like Jesus, bl. 262). So sal julle hulle dan aan hul vrugte ken. (Matthéüs 7:20), het die Redder verklaar. Al die ware volgelinge van Christus dra die vrugte tot Sy verheerliking. Hulle lewens getuig dat n goeie werk in hulle verwek is deur die Gees van God, en hulle vrugte sal heilig wees. Hulle lewens is verhewe en rein. Die regverdige dade is die onmiskenbare vrugte van ware goddelikheid, en diegene wat nie sulke vrugte dra nie, bewys dat hulle geen ervaring het in die dinge van God nie. Hulle is nie in die Wynstok nie. Jesus het 5

6 gesê, Bly in my, soos Ek in julle. Net soos die loot geen vrug kan dra van homself as dit nie in die wynstok bly nie, so julle ook nie as julle in My nie bly nie. Ek is die wynstok, julle die lote. Wie in My bly, en Ek in hom, hy dra veel vrug; want sonder My kan julle niks doen nie. (Johannes 15:4, 5.) (Cousels to Parents, Teachers, and Students, bl. 329). As die lote in die wynstok moet bly om die nodige sap te verkry wat dit laat floreer, so ook sal diegene wat God liefhet en al Sy woorde behou in Sy liefde bly. Sonder Christus kan ons nie ontslae raak van n enkele sonde of n versoeking weerstaan nie. Baie benodig die Gees van Christus en Sy krag om hulle begrip te verlig, soveel as wat blinde Bartlemeus sy natuurlike sig benodig het. Net soos die loot geen vrug kan dra van homself as dit nie in die wynstok bly nie, so julle ook nie as julle in My nie bly nie. Almal wie werklik in Christus is sal die voordele uit hierdie eenheid ervaar. Die Vader aanvaar hulle in die Geliefde, en hulle word voorwerpe van Sy besorgdheid en teer, liefdevolle sorg. Hierdie verbintenis met Christus sal lei tot die reiniging van die hart en n omsigtige lewe en foutlose karakter. Die vrugte wat gedra word op die Christenboom is liefde, blydskap, vrede, lankmoedigheid, vriendelikheid, goedheid, getrouheid, sagmoedigheid, selfbeheersing. (Testimonies for the Church, bl. 355). 6

7 Vrae vir Persoonlike Oordenking 1. Hoe graag wil u in Christus bly en seker maak dat Hy in u bly? Vra vir God op n spesiale wyse dat Hy vir u n diepe begeerte sal gee om in Hom te bly. 2. Is daar enige iets in u lewe wat die Heilige Gees kan verhinder om n verskil te maak in u lewe? Neem daardie dinge in gebed na God en gee dit aan hom oor. 7