23-Dag Bybeldagboek oor die Eienskappe van God

Transcription

1 Wanneer jy hierdie gewyde dagboek bestudeer neem sorg om elke Skrifgedeelte te lees en indien moontik, lees die Skrifgedeelte sommer meer as een keer. Dag 1 Dink reg oor God: Die belangrikheid om te verstaan wat God oor Homself in die Skrif sê, is vir gelowiges van die uiterste belang vir elke aspek van die lewe. God het Homself deur Sy skepping en deur die Skrif geopenbaar; daarom kan ons presies weet wie God is. Die blaam vir enige wanopvatting oor God, of enige foutiewe mening oor wie God is, rus op diegene wat die Skrif verkeerd interpreteer. Hierdie verkeerde interpretasie ontstaan tipies deurdat mense nie besef dat hul stel aannames/vooropgestelde idees (wat ons almal in ons interpretasie van die Skrif het) die uitslag van hul interpretasie op n verkeerde wyse beïnvloed nie. Dit is daarom van uiterste belang dat ons opvattings deur die Skrif gevorm word en nie deur ons huidige kultuur, belydenisskrifte, gevoelens, opinies ensovoorts nie. Die een wat God wil verstaan vir wie Hy werklik is, moet n hermeneutiese Bybelstudie-metode volg, sodat die moontlikheid dat vooropgestelde idees die uitslag van die studie sal beïnvloed, uitgeskakel kan word. Dit behoort die voorneme van enige ernstige leser te wees om die Skrywer se bedoeling van sy Boodskap te verstaan, en nie bloot sy eie idees/opinies daarin te probeer inlees en versterk nie. Hemelse Vader, dankie dat U u liefde vir ons wys deur Uself aan ons te openbaar deur u skepping en deur u Woord. Ek bid, Here, dat U ons sal help om die Woord van Waarheid (2 Timoteus 2:15) suiwer te verkondig, sodat ons U kan ken soos U werklik is, en U sal dien volgens u wil. In Jesus Naam bid ek. Amen. 2 Timoteus 2:15 Lê jou daarop toe om jou beproef voor God te stel as n werker wat hom nie hoef te skaam nie, wat die woord van die waarheid reg sny.! 1 van! 27

2 Dag 2 Is God onverstaanbaar? Die vraag Wat is God? is moeilik, maar tog ook maklik om te beantwoord. Dit is moeilik, want God is anders as enigiets wat ons kan begryp deur ons geskape, maar gevalle begrip. Maar ons is soorgelyk aan God, want ons is geskep na Sy beeld (Genesis 1:27; Efesiërs 2:10) en daarom kan ons God in n sekere mate ken (Handelinge 17:27). Ons weet ook dat God n verhouding met ons wil hê (1 Johannes 4:10) en Hy het dit vir ons moontlik gemaak om Hom te ken deur sy Seun, Jesus Christus (Johannes 1:18; Johannes 12:45; Johannes 14:9). Jakobus 4:8 belowe ons dat as ons nader aan God beweeg, Hy ook nader aan ons sal beweeg. Daarom het God sy liefde vir ons bewys deur sy Seun, Jesus Christus, te stuur om vir ons sondes te sterf, sodat ons deur sy Seun weer n verhouding met Hom kan hê, en Hom sodoende kan ken. Eendag, wanneer ons by ons Here in die hemel is, sal ons in staat wees om Hom van aangesig tot aangesig te sien (Openbaring 22:4). Hemelse Vader, dankie dat U ons so lief het dat U u Seun, Jesus Christus, gestuur het om vir ons sondes aan die kruis te sterf, sodat dié wat hul sonde bely en hul geloof net in Jesus Christus plaas vir hul redding, gered sal word. Here, ons dank U dat ons nou n verhouding met U kan hê as gevolg van die offer van u Seun, Jesus Christus. Ons sien uit, Here, na die dag wat ons in staat sal wees om U van aangesig tot aangesig te sien. In Jesus Naam bid ek. Amen. Genesis 1:27 En God het die mens geskape na sy beeld; na die beeld van God het Hy hom geskape; man en vrou het Hy hulle geskape. Efesiërs 2:10 Want ons is sy maaksel, geskape in Christus Jesus tot goeie werke wat God voorberei het, sodat ons daarin kan wandel. Handelinge 17:27 sodat hulle die Here kon soek, of hulle Hom miskien kon aanraak en vind, al is Hy nie ver van elkeen van ons nie 1 Johannes 4:10 Hierin is die liefde: nie dat ons God liefgehad het nie, maar dat Hy ons liefgehad het en sy Seun gestuur het as n versoening vir ons sondes. Johannes 1:18 Niemand het ooit God gesien nie; die eniggebore Seun wat in die boesem van die Vader is, dié het Hom verklaar. Johannes 12:45 En wie My aanskou, aanskou Hom wat My gestuur het. Johannes 14:9 Jesus sê vir hom: Ek is so lankal by julle, en het jy My nie geken nie, Filippus? Hy wat My gesien het, het die Vader gesien. En hoe sê jy: Toon ons die Vader? Jakobus 4:8 Nader tot God, en Hy sal tot julle nader. Reinig die hande, julle sondaars, en suiwer die harte, julle dubbelhartiges! Openbaring 22:4 En hulle sal sy aangesig sien, en sy Naam sal op hulle voorhoofde wees.! 2 van! 27

3 Dag 3 Goddelike eienskappe van God: In Romeine 1:19-21 wys Paulus duidelik, deur die inspirasie van die Heilige Gees, dat die mensdom die eienskappe van God deur die skepping kan verstaan, soveel so dat as die mensdom nie na Jesus Christus as hul persoonlike Verlosser draai nie, hulle geen verskoning het nie. Paulus verduidelik verder dat die rede waarom ons die eienskappe van God kan ken, is omdat God sy eienskappe doelbewus aan ons geopenbaar het deur die natuur. As n persoon Christus as sy of haar Verlosser aanvaar, en dan hom- of haarself toewy aan die studie van God se Woord en dit op n praktiese manier in hul lewens toepas, sal die gelowige meer oor God se eienskappe leer. Alles wat ons oor God en sy eienskappe moet weet, het Ht aan ons beskikbaar gestel om te verstaan. Hemelse Vader, dankie dat U Uself aan ons openbaar. Dankie, dat ons weet as ons U soek, ons U sal vind, en ons U kan ken en n ware verhouding met U kan hê. Here, help ons om u Woord te bestudeer en dit op ons lewens toe te pas, sodat ons meer soos Christus kan wees en U beter kan leer ken en verheerlik. In Jesus Naam bid ek. Amen. Romeine 1: omdat wat van God geken kan word, in hulle openbaar is, want God het dit aan hulle geopenbaar. 20 Want sy onsigbare dinge kan van die skepping van die wêreld af in sy werke verstaan en duidelik gesien word, naamlik sy ewige krag en goddelikheid, sodat hulle geen verontskuldiging het nie; 21 omdat hulle, alhoewel hulle God geken het, Hom nie as God verheerlik of gedank het nie; maar hulle het dwaas geword in hul oorlegginge, en hul onverstandige hart is verduister.! 3 van! 27

4 Dag 4 Die Drie-eenheid: Ek het deur die jare probeer om uit te pluis hoe om die Drie-eenheid aan myself, my kinders en die mense wat ek bedien, te verduidelik. Ek het tot die gevolgtrekking gekom dat ek nie kan nie. Die Drie-eenheid, soos uiteengesit in die Skrif, is nie iets wat deur die logika van die mens verduidelik kan word nie. In gevalle waar iets n Bybelse feit is, maar nie altyd verduidelik kan word nie, volg ek graag die voorbeeld van die Helde van die Geloof en aanvaar hierdie onverklaarbare dinge in geloof (Hebreërs 11:1). Net omdat ek iets nie verstaan nie, en dit nie kan bewys of verduidelik nie, maak dit nie onwaar nie! Eendag, wanneer ons by die Here in die hemel is, glo ek dat hierdie onverklaarbare waarhede duidelik sal word. Hiermee wil ek natuurlik nie sê dat ons moet ophou om te strewe om die Skrif te verstaan nie. In Johannes 4:24 het Jesus duidelik gesê dit is God se wil vir ons lewens dat ons die Here aanbid en dien in kennis en waarheid. Maar as daar iets is wat onverklaarbaar is, stem ek heelhartig saam met die gesegde: As God dit gesê het, glo ek dit; dit is genoeg bewys vir my! Hemelse Vader, dankie vir die verskillende bedieninge wat u Drie-eenheid in ons lewens het. Here, daar is baie aspekte van u Drie-eenheid wat ons nie verstaan nie, maar ten spyte van ons gebrekkige begrip, weet ons dat dit waar is. Help ons om sonder ophou te groei in ons geloof en kennis van u Woord, sodat ons U kan dien en aanbid in kennis en waarheid. In Jesus Naam bid ek. Amen. Hebreërs 11:1 Die geloof dan is n vaste vertroue op die dinge wat ons hoop, n bewys van die dinge wat ons nie sien nie. Johannes 4:24 God is Gees; en die wat Hom aanbid, moet in gees en waarheid aanbid.! 4 van! 27

5 Dag 5 Die Selfbestaan van God: Een van die fundamentele filosofiese vrae oor die eeue heen was: Waarom is daar iets eerder as niks? n Ander manier om hierdie vraag te vra, sou wees: Staan die heelal alleen en sonder ondersteuning, of is sy bestaan afhanklik van iets buite homself? As n mens kyk na hoe die heelal energie gebruik, kan ons sien dat dit afhanklik is van vorige state van(of reeds bestaande) energie, en daarom kan dit nie sonder energie bestaan nie. Daarom sou die heelal ook nooit uit niks kon ontstaan nie. Verder is dit n natuurwet dat entropie met verloop van tyd toeneem; dus kon die heelal nie ewigdurend gewees het nie, aangesien dit n begin moes hê. Die Bybel is in werklikheid die enigste bron wat voldoende antwoorde op hierdie vrae gee. Die Bybel leer ons dat die heelal tot stand gekom het toe God dit uit niks gemaak het (Genesis 1; Jeremia 10:12). Dit is moontlik omdat God selfbestaande is; Hy alleen het nie n begin of einde omdat Hy nog altyd bestaan (Johannes 5:26; Handelinge 17:25) in en deur Homself (Eksodus 3:14). Hemelse Vader, ons dank U, dat U selfbestaande, almagtig, alwetend en alomteenwoordig is. Ons put groot troos uit die wete dat alles onder U beheer is en dat U alles uitwerk vir u heerlikheid. Vergewe ons, Here, vir die kere wat ons onsself nie verneder en ons lewens aan u beheer onderwerp het nie. In Jesus Naam bid ek. Amen. Jeremia 10:12 Hy wat die aarde gemaak het deur sy krag, wat die wêreld gegrond het deur sy wysheid en die hemel uitgespan het deur sy verstand. Johannes 5:26 Want soos die Vader lewe het in Homself, so het Hy aan die Seun ook gegee om lewe in Homself te hê. Handelinge 17:25 Ook word Hy nie deur mensehande gedien asof Hy aan iets behoefte het nie, omdat Hy self aan almal lewe en asem en alles gee. Eksodus 3:14 En God sê vir Moses: EK IS WAT EK IS. Ook sê Hy: So moet jy die kinders van Israel antwoord: EK IS het my na julle gestuur.! 5 van! 27

6 Dag 6 Die selfgenoegsaamheid van God: Die feit dat God selfonderhoudend is, is iets wat die mens sukkel om te begryp. Ons sukkel om die selfgenoegsaamheid van God te verstaan, want ons het self geen vermoë om selfonderhoudend te wees. As mense (soos die res van die skepping) is ons van so baie verskillende dinge vir ons blote bestaan afhanklik. Ons kan byvoorbeeld nie sonder water of lug bestaan nie. Self die kos wat ons eet, is hiervan afhanklik. In teenstelling hiermee is God van niks afhanklik nie. God het niks nodig om te bestaan nie, maar alle ander dinge het God nodig om te bestaan (Hebreërs 1:3). God het niks nodig om Hom te onderhou nie, maar ons is van Hom afhanklik om ons te onderhou. Hemelse Vader, dit is n wonderlike feit wat dikwels vergeet word dat U selfonderhoudend is. Here, as ons oor hierdie feit nadink, vind ons dit n bron van groot aanmoediging dat ons vir elke behoefte op U kan staatmaak. Dit is ongelooflik om te dink, Here, dat u liefdevolle voorsiening nooit teen U wil sal afneem nie, want U is van niks afhanklik nie. Dankie Here, dat U ons op so n wonderlike manier lief het en in al ons behoeftes voorsien. In Jesus Naam bid ek. Amen. Hebreërs 1:3 Hy, wat die afskynsel is van sy heerlikheid en die afdruksel van sy wese en alle dinge dra deur die woord van sy krag, nadat Hy deur Homself die reiniging van ons sondes bewerk het, het gaan sit aan die regterhand van die Majesteit in die hoogte,! 6 van! 27

7 Dag 7 Die ewigheid van God: Psalm 90:2, soos baie ander Skrifgedeeltes, vertel ons dat God ewigdurend is. Ewigdurend kan gedefinieer word as iets wat nie n begin of n einde het nie. Gedagtes oor die ewigheid gaan die menslike verstand te bowe. Dit is iets wat ons sukkel om te kwantifiseer, want alles wat ons tans ken, word deur tyd bepaal. Maar God het ons geskape om vir ewig te lewe, en oorspronklik sou daardie ewigheid bestee word deur vrylik met God te verkeer. Maar toe die mensdom gesondig het, was daardie ongehinderde gemeenskap met God ongelukkig nie meer moontlik nie. As gevolg van sonde staar die mensdom nou twee tipes dood in die gesig, die fisiese dood en die tweede dood ; die ewige skeiding van God in die hel (Openbaring 20:14-15). Let daarop dat die mens steeds vir ewig bestaan. Die idee dat ons ophou bestaan met ons fisiese dood is nie waar nie. Die mens leef vir ewig, net soos God die mens geskape het. God het, uit liefde vir ons, sy Seun, Jesus Christus, gestuur om gewillig aan die kruis vir die ganse mensdom se sondes te sterf. Hy het dit gedoen sodat dié wat hul sonde aan die Here bely, en Jesus Christus deur geloof as hul Verlosser aanvaar, nie meer die tweede dood sal konfronteer nie (Openbaring 2:11; 1 Johannes 5:4-5). Hebreërs 5:9 vertel ons dat Jesus Christus die bron van ons ewige redding is. Hebreërs 9:15 praat van hoe Jesus, deurdat Hy gesterf het, begrawe is en uit die dood opgestaan het, nou vir dié wat glo n ewige erfenis bied. Wat dit alles vir ons wys, is die onmeetbare belangrikheid daarvan om Christus as ons Verlosser te aanvaar. Die gevolge daarvan om jou geloof nie in Christus te stel nie, is nie tydelik nie, maar ewig. Hemelse Vader, baie dankie dat U ons lief het, selfs wanneer ons U nie lief het nie. Dankie Here, dat U ons opsoek, ook wanneer ons U nie opsoek nie. Dankie Here, dat U u Seun gestuur het om gewillig aan die kruis te sterf vir ons sondes, sodat ons met U herenig kan word. Here, u liefde is so wonderbaarlik. Help ons, in die lig van die ewigheid, om doeltreffende getuies van die Goeie Nuus van Jesus Christus te wees, sodat ander gered kan word. In Jesus Naam bid ek. Amen. Psalm 90:2 Voordat die berge gebore was en U die aarde en die wêreld voortgebring het, ja, van ewigheid tot ewigheid is U God. Openbaring 20: En die dood en die doderyk is in die poel van vuur gewerp. Dit is die tweede dood. 15 En as dit bevind is dat iemand nie opgeskryf was in die boek van die lewe nie, is hy in die poel van vuur gewerp. Openbaring 2:11 Wie n oor het, laat hom hoor wat die Gees aan die gemeentes sê. Die wat oorwin, sal deur die tweede dood geen skade ly nie. 1 Johannes 5:4-5 4 Want alles wat uit God gebore is, oorwin die wêreld; en dit is die oorwinning wat die wêreld oorwin het, naamlik ons geloof. 5 Wie anders is dit wat die wêreld oorwin as hy wat glo dat Jesus die Seun van God is? Hebreërs 5:9 en nadat Hy volmaak is, het Hy vir almal wat Hom gehoorsaam is, n bewerker van ewige saligheid geword Hebreërs 9:15 En daarom is Hy Middelaar van n nuwe testament, sodat, terwyl daar n dood plaasgevind het vir die verlossing van die oortredinge onder die eerste testament, die wat geroepe is, die belofte van die ewige erfenis kan ontvang.! 7 van! 27

8 Dag 8 God se oneindigheid: Wanneer dit by die oorweging van God se oneindigheid kom, glo ek dit is die beste om die Skrif te raadpleeg. God se Woord verduidelik hierdie waarheid die beste. Psalm 145:3 vertel ons dat niemand werklik God se grootheid kan meet nie. Jesaja 46:5 verklaar dat niks met God vergelyk kan word nie. Job 36:26 verduidelik dat, omdat God ewig is, dit meer is as wat n mens kan verstaan. Job leer ons verder in Job 9:10 dat selfs God se werke te wonderbaarlik is om te verstaan. Paulus sê vir ons in Romeine 11:33-36 dat God se wysheid en sy kennis verby enige mensgemaakte verduideliking strek. Hy is die oneindige, selfbestaande Een, deur Wie en in Wie alles bestaan en onderhou word! Die profeet Jesaja vertel ons in Jesaja 40:28 dat God onpeilbaar is. Die skrywer van 1 Konings vertel ons in 1 Konings 8:27 dat niks God kan omvat nie. Moses vertel ons in Deuteronomium 3:24 dat niks of niemand kan doen wat God kan doen nie. 1 Johannes 4:8 vertel ons God is liefde. Omdat ons dit weet, kan ons dan verstaan dat sy liefde vir ons oneindig is, want liefde is iets wat God is! Ten slotte sê Efesiërs 2:3-5 vir ons dat God ryk in barmhartigheid is, deur sy genade word ons gered. Watter groot God dien ons nie! Mag ons nooit van sy oneindigheid vergeet nie en hoe ons deur sy oneindigheid ook oneindig geseënd-en geliefd is nie! Hemelse Vader, baie dankie vir u onmeetbare genade, barmhartigheid en liefde. Ek bid, Here, dat U ons sal help om dieselfde genade, barmhartigheid en liefde aan diegene met wie ons in kontak kom, te bewys, sodat hulle Christus in ons kan sien! In Jesus Naam bid ek. Amen. Psalm 145:3 Die HERE is groot en baie lofwaardig, en sy grootheid is ondeurgrondelik. Jesaja 46:5 By wie wil julle My vergelyk en My net so maak en My gelykstel, dat ons eenders kan wees? Job 36:26 Kyk, God is groot en onbegryplik vir ons; die getal van sy jare is onnaspeurlik. Job 9:10 wat groot, ondeurgrondelike dinge doen en wonders sonder getal. Romeine 11: o Diepte van die rykdom en wysheid en kennis van God! Hoe ondeurgrondelik is sy oordele en onnaspeurlik sy weë! 34 Want wie het die gedagte van die Here geken, of wie was sy raadsman gewees? 35 Of wie het eers iets aan Hom gegee, dat dit hom vergeld moet word? 36 Want uit Hom en deur Hom en tot Hom is alle dinge. Syne is die heerlikheid tot in ewigheid. Amen. Jesaja 40:28 Weet jy dit nie? Of het jy dit nie gehoor nie? n Ewige God is die HERE, Skepper van die eindes van die aarde; Hy word nie moeg of mat nie; daar is geen deurgronding van sy verstand nie. 1 Konings 8:27 Maar sou God werklik op die aarde woon? Kyk, die hemel, ja, die hoogste hemel kan U nie bevat nie, hoeveel minder hierdie huis wat ek gebou het. Deuteronomium 3:24 Here, HERE! U het begin om u kneg u grootheid en u sterke hand te laat sien; want watter God is daar in die hemel en op die aarde wat sulke werke en sulke magtige dade kan doen soos U? 1 Johannes 4:8 Hy wat nie liefhet nie, het God nie geken nie, want God is liefde. Efesiërs 2:3-5 3 onder wie ons almal ook vroeër gewandel het in die begeerlikhede van ons vlees toe ons die wil van die vlees en van die sinne gedoen het; en ons was van nature kinders van die toorn net soos ook die ander. 4 Maar God, wat ryk is in barmhartigheid, het ons deur sy grote liefde waarmee Hy ons liefgehad het, 5 ook toe ons dood was deur die misdade, lewend gemaak saam met Christus uit genade is julle gered! 8 van! 27

9 Dag 9 Die onveranderlikheid van God: Om te sê dat God onveranderlik is, is om te sê dat God nooit verander nie. Die belangrikheid, die impak en die seën hiervan vir die mensdom is opmerklik as ons God se onveranderlikheid met dié van die mensdom vergelyk. Byvoorbeeld, verandering is onmoontlik met betrekking tot wie God is. Hy kan nie minder heilig of meer heilig word nie. Hy is volmaak heilig. Maar met die mensdom is verandering gewaarborg. Mense is voortdurend in n toestand van veranderlikheid. Die feit dat God onveranderlik is, beteken egter nie dat God nie verandering gebruik nie; natuurlik gebruik Hy dit. So het Hy byvoorbeeld die Ou Verbond afgeskaf en dit met die Nuwe Verbond vervang. Vir die gelowige wat homself dissiplineer om Bybels te dink, is die wete dat God onveranderlik is n groot bron van troos. Ons weet dan dat, omdat God nooit verander nie, daar nooit n tyd is wat Hy nie beskikbaar is om na ons te luister nie. Daar is nooit n tyd wat Hy ophou om ons lief te hê nie. Watter troos en hoeksteen is dit nie vir die gelowige om te weet dat God nooit verander nie (Jakobus 1:17)! Hemelse Vader, dankie dat U nooit verander nie, en dat ons daarop kan staatmaak dat U altyd getrou bly aan U beloftes. Here, ons verstaan ook dat U nog nooit U siening oor sonde verander het nie, maar, Here, dat U ook nog nooit in u liefde, genade en barmhartigheid teenoor ons verander het nie. Help ons, Here, om u volmaakte voorbeeld te volg in ons daaglikse interaksie met ander mense. In Jesus Naam bid ek. Amen. Jakobus 1:17 Elke goeie gif en elke volmaakte gawe daal van bo af neer, van die Vader van die ligte, by wie daar geen verandering of skaduwee van omkering is nie.! 9 van! 27

10 Dag 10 Die Goddelike Alwetendheid: Dit is n ongelooflike gedagte om te dink en te verstaan dat God alles weet en dus nie nodig het om enigiets te leer nie. Die mensdom is voortdurend besig om nuwe dinge te leer, en hoe meer ons leer, hoe meer besef ons hoe min ons eintlik weet! Dit is egter nie die geval met God nie. Matteus 10:29-30 vertel ons dat God selfs weet hoeveel hare op ons koppe is. Omdat God dus alles volmaak weet, beteken dit dan ook dat Hy nooit iets ontdek nie, Hy is nooit verras deur enigiets nie (Jesaja 46:9-10) en nooit verbaas deur enigiets nie (Psalm 139:4). Dit verstom my! Die besef dat God alles weet, moet as n afskrikmiddel vir die gelowige dien om te sondig, selfs nie in die geheim nie, want as gevolg van God se alwetendheid, word niks ooit regtig in die geheim gedoen nie (Psalm 90:8). Ons moet die Here gevolglik loof vir sy bereidwilligheid om te vergewe (1 Johannes 1:9). En ons moet dankbaar wees vir die feit dat, wanneer ons God vra om ons te vergewe, Hy ons vergewe, en Hy n punt daarvan maak om nooit weer aan ons sondes te dink nie (Psalm 103:11-12; Jesaja 43:25). Hemelse Vader, om te weet dat U alles weet en dat niks U kan verras nie is n bron van groot troos en gerusstelling. Here, help ons om ons lewens te leef volgens u wil, omdat U alles weet en U wil volmaak is.in Jesus Naam bid ek. Amen. Matteus 10: Word twee mossies nie vir n stuiwer verkoop nie? En nie een van hulle sal op die aarde val sonder julle Vader nie. 30 En van julle is selfs die hare van die hoof almal getel. Jesaja 46: Dink aan die dinge wat tevore was, van ouds af, dat Ek God is, en daar is geen ander nie; Ek is God, en daar is niemand soos Ek nie; 10 wat van die begin af verkondig die einde, en van die voortyd af wat nog nie gebeur het nie; wat sê: My raad sal bestaan, en al wat my behaag, sal Ek doen; Psalm 139:4 Want daar is nog geen woord op my tong nie, of U, HERE, U ken dit geheel en al. Psalm 90:8 U stel ons ongeregtighede voor U, ons verborge sondes in die lig van u aangesig. 1 Johannes 1:9 As ons ons sondes bely, Hy is getrou en regverdig om ons die sondes te vergewe en ons van alle ongeregtigheid te reinig. Psalm 103: Want so hoog as die hemel is bo die aarde, so geweldig is sy goedertierenheid oor die wat Hom vrees. 12 So ver as die ooste verwyderd is van die weste, so ver verwyder Hy ons oortredinge van ons. Jesaja 43:25 Ek, Ek is dit wat jou oortredinge uitdelg om My ontwil, en aan jou sondes dink Ek nie.! 10 van! 27

11 Dag 11 Die wysheid van God: As ons voortgaan om God se eienskappe te bestudeer en nou die wysheid van God oorweeg, het ons, op hierdie punt, geen oortuiging nodig dat God se wysheid vêr verhewe is bo wat die mens se wysheid ooit sou of kan wees nie. Die apostel Paulus het in 1 Korintiërs 1:25 dit uitgewys waar hy gesê het: hierdie Goddelike dwaasheid is oneindig wyser as enige menslike wysheid en hierdie Goddelike swakheid is oneindig sterker as enige menslike magsvertoon. Die psalmdigter maak n soortgelyke stelling in Psalm 147:5, waar hy verklaar dat God se wysheid oneindig is. Die profeet Jesaja sê in Jesaja 40:28 dat God se wysheid onpeilbaar is. Dit is n dwase man wat aan die wysheid van God twyfel! Die Bybel sê dat die gelowige toegang tot God se wysheid het; en dit begin, volgens Spreuke 1:7, met eerbied vir die Here. Jakobus vertel ons dat, as ons wysheid vanaf God wil hê, al wat ons moet doen is om daarvoor te vra (Jakobus 1:5). Ten slotte, as ons teruggaan na Spreuke, hoofstuk 1, sien ons dat God se Woord wysheid is. Dan sien ons dat God se wysheid oneindig groter as ons s n is; en dat ons toegang het tot God se wysheid deur net daarvoor te vra; en dat as ons God se Woord bestudeer (2 Timoteus 2:15) ons SY wysheid kan leer ken; dit maak dan sin dat ons alles het wat ons benodig vir die lewe en godsvrug (2 Petrus 1:3; 2 Timoteus 3:16-17). Daarom moet ons God se Woord (Psalm 1:2) met dieselfde dryfkrag bestudeer as ons skoolen werkstudies. Dit beteken natuurlik nie dat ons dit net moet leer om net die feite te ken nie, want boekkennis wat nie toegepas word nie, is nutteloos (Hebreërs 5:12-14). Ons moet probeer om God se Woord op n praktiese, alledaagse wyse toe te pas op ons lewens, waar dit n impak op ons besluite vir ons lewens het. Hemelse Vader, dankie dat U u wysheid tot ons beskikking stel deur u Woord. Here, dit is n groot troos vir ons om te weet dat U ons alles wat ons nodig het in u Woord gegee het om die uitdagings van die lewe te bowe te kom. Help ons, wil ek bid, Here, om ons oordeel te ontwikkel soos wat ons u Woord bestudeer, sodat ons dit op ons lewens kan toepas tot U verheerliking. In Jesus Naam bid ek. Amen. 1 Korintiërs 1:25 Want wat dwaas is by God, is wyser as die mense; en wat swak is by God, is sterker as die mense. Psalm 147:5 Onse Here is groot en ryk aan krag; sy verstand is oneindig. Jesaja 40:28 Weet jy dit nie? Of het jy dit nie gehoor nie? n Ewige God is die HERE, Skepper van die eindes van die aarde; Hy word nie moeg of mat nie; daar is geen deurgronding van sy verstand nie. Spreuke 1:7 Die vrees van die HERE is die beginsel van die kennis; sotte verag wysheid en tug. Jakobus 1:5 En as iemand van julle wysheid kortkom, laat hom dit van God bid, wat aan almal eenvoudig gee sonder om te verwyt, en dit sal aan hom gegee word. 2 Timoteus 2:15 Lê jou daarop toe om jou beproef voor God te stel as n werker wat hom nie hoef te skaam nie, wat die woord van die waarheid reg sny.! 11 van! 27

12 2 Petrus 1:3 Immers, sy goddelike krag het ons alles geskenk wat tot die lewe en godsvrug dien, deur die kennis van Hom wat ons geroep het deur sy heerlikheid en deug, 2 Timoteus 3: Die hele Skrif is deur God ingegee en is nuttig tot lering, tot weerlegging, tot teregwysing, tot onderwysing in die geregtigheid, 17 sodat die mens van God volkome kan wees, vir elke goeie werk volkome toegerus. Psalm 1:2 maar sy behae is in die wet van die HERE, en hy oordink sy wet dag en nag. Hebreërs 5: Want hoewel julle vanweë die tyd leraars behoort te wees, het julle weer nodig dat n mens julle die eerste beginsels van die woorde van God moet leer, en julle het weer behoefte aan melk en nie aan vaste spys nie. 13 Want elkeen wat melk gebruik, is onervare in die woord van geregtigheid, omdat hy n kind is. 14 Maar vaste spys is vir volwassenes, vir die wat geestesvermoëns besit deur die gewoonte geoefen, om goed van kwaad te onderskei.! 12 van! 27

13 Dag 12 Die almagtigheid van God: Die woord almagtig beteken met alle mag. Die psalmdigter het in Psalm 62:12 gesê die mag behoort aan God en Job het gesê dat die mens nie regtig die omvang van die krag van God kan verstaan nie (Job 26:14). Ek vind dit baie vertroostend dat God almagtig is. Dit beteken dat Hy die dinge wat Hy beloof het, kan doen. Hy is nie soos ek wat moeg word nie (Jesaja 40:31), maar uit sy ongelooflike liefde en genade voorsien Hy my met die krag (Efesiërs 6:10) wat ek nodig het om sy wil te doen (Filippense 4:13). As ek bang is, vind ek troos in die feit dat God almagtig is. Ek is sy kind, en as God vir my is, wie kan teen my wees (Romeine 8:31)? Om te dink dat God die Een is wat alles in die heelal bymekaarhou (Kolossense 1:17), is n gedagte wat my verstom! Hemelse Vader, ons put groot troos uit die wete dat U almagtig is. Dankie vir u belofte dat U ons die krag sal gee wat ons nodig het om U te gehoorsaam. Vergewe ons Here, vir die tye wat ons dikwels verskonings gemaak het oor waarom ons u Woord nie kon gehoorsaam nie, en help ons om op en in u krag te vertrou om u Wil te doen. In Jesus Naam bid ek. Amen. Psalm 62:12 Een ding het God gespreek, twee is dit wat ek gehoor het: dat die sterkte aan God behoort, Job 26:14 Kyk, dit is maar die uitlopers van sy weë, en wat n fluisterwoord hoor ons maar van Hom! Wie sou dan die donder van sy magtige dade verstaan? Jesaja 40:31 maar die wat op die HERE wag, kry nuwe krag; hulle vaar op met vleuels soos die arende; hulle hardloop en word nie moeg nie, hulle wandel en word nie mat nie. Efesiërs 6:10 Eindelik, my broeders, word kragtig in die Here en in die krag van sy sterkte. Filippense 4:13 Ek is tot alles in staat deur Christus wat my krag gee. Romeine 8:31 Wat sal ons dan van hierdie dinge sê? As God vír ons is, wie kan teen ons wees? Kolossense 1:17 En Hy is voor alle dinge, en in Hom hou alle dinge stand.! 13 van! 27

14 Dag 13 Die Goddelike Transendensie: Merriam-Webster se definisie van die woord transendent is om verby gewone beperkinge of tot bo die grense van alle moontlike ervaring en kennis uit te styg. Die Bybel sê in Romeine 11:33-36: O, diepte van die rykdom en wysheid en kennis van God! Hoe ondeurgrondelik is sy oordele en onnaspeurlik sy weë! Want wie het die gedagte van die Here geken, of wie was sy raadsman gewees? Of wie het eers iets aan Hom gegee, dat dit hom vergeld moet word? Want uit Hom en deur Hom en tot Hom is alle dinge. Syne is die heerlikheid tot in ewigheid. Omdat God transendent is, is Hy vir die blote mens onkenbaar. Dit is egter ook tot n sekere mate n paradoks, want die Skrif vertel ons dat God Homself voortdurend aan sy skepping openbaar (Romeine 1:19-20). Om die waarheid te sê, God het ons so lief dat Hy Homself aan die mensdom geopenbaar het deur sy Seun, Jesus Christus, (Johannes 14:9). Deur Jesus Christus se offer het God dit vir ons moontlik gemaak om n direkte en persoonlike verhouding met Hom te hê. Alhoewel God transendent is, sien ons ook dat wanneer iemand Jesus Christus as persoonlike Verlosser deur geloof alleen aanvaar, daardie persoon gevul en beseël word met die Heilige Gees om ons te help om Hom beter te leer ken. Jakobus 4:8 gaan voort om ons te vertel dat as ons die Here soek en nader aan Hom beweeg, Hy ook nader aan ons sal beweeg. God wil n noue verhouding met ons hê, en eendag, wanneer die gelowige by die Here in die hemel is, sal hy/sy dan in staat wees om Hom ongehinderd te sien en te ken, soos Hy werklik is (1 Johannes 3:2). Hemelse Vader, baie dankie dat U dit moontlik maak dat ons U ons Hemelse Vader kan noem. Here, u grootheid is bo ons begrip verhewe. U weë is nie ons weë nie en, as gevolg van ons sonde en uit onsself, kan ons U nie ken of nader nie. Maar Here, uit u liefde, het U u Seun, Jesus Christus, gestuur om vir ons sondes gewillig aan die kruis te sterf sodat diegene wat deur geloof u gratis geskenk van verlossing aanvaar, die Heilige Gees as Trooster ontvang. Die Heilige Gees wat in ons woon, ons behoed en ons help, totdat ons U eendag van aangesig tot aangesig sal sien. Dankie Here, vir U ongelooflike liefde! In Jesus Naam bid ek. Amen. Romeine 1: omdat wat van God geken kan word, in hulle openbaar is, want God het dit aan hulle geopenbaar. 20 Want sy onsigbare dinge kan van die skepping van die wêreld af in sy werke verstaan en duidelik gesien word, naamlik sy ewige krag en goddelikheid, sodat hulle geen verontskuldiging het nie; Johannes 14:9 Nog n klein tydjie, en die wêreld sien My nie meer nie; maar julle sien My, omdat Ek lewe en julle sal lewe. Jakobus 4:8 Nader tot God, en Hy sal tot julle nader. Reinig die hande, julle sondaars, en suiwer die harte, julle dubbelhartiges! 1 Johannes 3:2 Geliefdes, nou is ons kinders van God, en dit is nog nie geopenbaar wat ons sal wees nie; maar ons weet dat ons, as Hy verskyn, aan Hom gelyk sal wees, omdat ons Hom sal sien soos Hy is.! 14 van! 27

15 Dag 14 God se alomteenwoordigheid: God is oral teenwoordig. Dit is belangrik om daarop te wys dat hierdie nie panteïsme is wat leer dat God in alles van die skepping teenwoordig is nie, maar eerder dat God te alle tye oral teenwoordig is. God word nie beperk deur tyd of ruimte nie. God is oral en in Hom hou alle dinge stand (Kolossense 1:17). Hierdie wete en waarheid lyk weereens soos n paradoks, want God sê dat diegene wat in die hel is, van Hom geskei is (Matteus 25:41). So, hoe kan God alomteenwoordig wees as die hel n plek is waar God nie is nie? Hierdie paradoks kan beantwoord word deur die feit dat God oral teenwoordig kan wees, omdat Hy alles met sy teenwoordigheid vul en alles handhaaf deur die woord van sy krag (Hebreërs 1:3), maar dit beteken nie dat Hy oral is om te seën nie. Hy weet watter foltering daardie siele wat nou in die hel is, deurgaan; Hy weet in watter angstoestand hulle verkeer. Hy is in elke opsig daar as n herinnering aan hulle, van hul sonde wat n kloof tussen hulle en elke seën veroorsaak het. Hy is daar, maar Hy vertoon geen ander kenmerk as slegs sy toorn nie. Hemelse Vader, ons vind dit n groot troos dat U oral teenwoordig is. Ons is nooit alleen nie, en dit is wonderlik om te weet dat U ons nooit sal versaak of verlaat nie. Here, dit maak ons ook deeglik daarvan bewus dat U ook daar is wanneer ons sonde doen. Here, vergewe ons dat ons teen U sondig, en help ons om die veranderinge te maak wat ons nodig het om te kan groei op n manier wat U sal verbly en verheerlik. In Jesus Naam bid ek. Amen. Kolossense 1:17 En Hy is voor alle dinge, en in Hom hou alle dinge stand. Matteus 25:41 Dan sal Hy ook vir dié aan sy linkerhand sê: Gaan weg van My, julle vervloektes, in die ewige vuur wat berei is vir die duiwel en sy engele. Hebreërs 1:3 Hy, wat die afskynsel is van sy heerlikheid en die afdruksel van sy wese en alle dinge dra deur die woord van sy krag, nadat Hy deur Homself die reiniging van ons sondes bewerk het, het gaan sit aan die regterhand van die Majesteit in die hoogte,! 15 van! 27

16 Dag 15 Die getrouheid van God: God se getrouheid is een van die eienskappe van God wat groot vrede aan die gelowige bring, omdat ons weet dat dit wat God belowe het, Hy sal gee. A.W. Tozer maak die punt dat as n mens na die eienskappe van God kyk, jy sal sien dat al die eienskappe met mekaar verbind is. Byvoorbeeld, God is altyd getrou, want God is ook onveranderlik en almagtig. Wanneer ek aan God se getrouheid dink, herinner dit my aan die bekende lied, Groot is u trou, geskryf deur Thomas Chisolm en getoonset deur William Runyan. George Beverly Shea het hierdie lied alombekend gemaak toe hy dit by die Billy Graham Evangelisasie Kruistogte gesing het. Die lirieke is ongelooflik bemoedigend! Groot is u trou, o Heer, my God en Vader: rotsvas u woorde en blywend u Gees. U trou wyk nooit en u goedheid duur ewig U wat vir altyd dieselfde is. Groot is u trou, o Heer, groot is u trou, o Heer! Daagliks sien ek u genade ontvou. U hand versorg my in nood en in lyding. Ek staan verstom voor u liefde en trou. Hemelse Vader, ons dank U, Here, vir u groot getrouheid. Here, help ons om getrou aan U en aan ander te bly, net soos U aan ons is. In Jesus Naam bid ek. Amen.! 16 van! 27

17 Dag 16 Die goedheid van God: God is liefde; net so is God ook goed! Dit is een van Sy eienskappe, en dus maak dit deel uit van die essensie van wie Hy is. Soos die psalmdigter in Psalm 107:1 sê: Loof die Here, want Hy is goed, want sy goedertierenheid is tot in ewigheid! Volgens Jakobus 1:17 is God ook die bron van alles wat goed is. Ek vind dit irriterend wanneer ek na sport op die televisie kyk, en ek sien n atleet wat op sy bors slaan waneer hy iets goed doen, asof hy sê: Kyk wat ek gedoen het, dit was alles ek! Intussen is dit God wat, uit sy goedheid, aan daardie atleet die vermoë gegee het om te doen wat hy gedoen het! Miskien moet mense God die eer gee vir die goeie dinge wat hulle in staat is om te doen! Maar nog belangriker as dit alles, is wat die apostel Paulus in Romeine 2:4 sê: Of verag jy die rykdom van sy goedertierenheid en verdraagsaamheid en lankmoedigheid, omdat jy nie besef dat die goedertierenheid van God jou tot bekering wil lei nie? Prys die Here, wat uit sy goedheid aan die mensdom genoeg tyd gee om hulle te bekeer en Jesus Christus as Verlosser aan te neem. Hemelse Vader, dankie dat U goed is. Here, dit is n wonderlike gedagte om te weet dat alles wat goed is van U af kom. Uit u goedheid en u liefde gee U ons almal genoeg tyd om na U te draai. Here, help ons om instrumente van u goedheid aan ander te wees, deur die Goeie Nuus, die Evangelie van Jesus Christus, met hulle te deel. In Jesus Naam bid ek. Amen. Jakobus 1:17 Elke goeie gif en elke volmaakte gawe daal van bo af neer, van die Vader van die ligte, by wie daar geen verandering of skaduwee van omkering is nie.! 17 van! 27

18 Dag 17 Die geregtigheid van God: Omdat God volmaak heilig is, is God dan ook volmaak regverdig. Sonde, aan die ander kant, is teenstrydig met God se heiligheid en daarom, omdat God n heilige en regverdige God is, moet Hy die sonde straf. Om die waarheid te sê, God sonder Homself af van sonde. Maar God is ook n liefdevolle en n goeie God, met n oorvloed genade en barmhartigheid. En so het God n oplossing gebied vir die probleem van die mensdom wat van God geskei is deur hul sondigheid, deur sy Seun, Jesus Christus, te stuur om gewillig aan die kruis te sterf en die boete vir ons sondes te betaal, waardeur God se geregtigheid bevredig is (Johannes 3:15-18). Wie berou het oor hul sonde en hul geloof in Jesus Christus alleen plaas vir hul redding, sal gered word (Romeine 10:13; Efesiërs 2:8-9; Romeine 10:9-10). Eendag sal die ganse mensdom geregtigheid in die gesig staar volgens wat hulle gedoen het (Openbaring 20:11-15). So, alhoewel dit mag voorkom dat mense wegkom met hul sonde, sal almal regverdig geoordeel word deur God. Prys die Here dan dat die gelowige, geklee in die geregtigheid van Christus (toegerekende geregtigheid), nie God se oordeel sal hoef te trotseer nie (2 Korintiërs 5:21; Filippense 3:9; Romeine 5:1). Die gelowige moet verstaan dat, terwyl hy hier op aarde lewe, hy die geleentheid het om goeie werke te doen om God te verheerlik. God sal die goeie werke oordeel (gebaseer op die gelowige se motivering om die goeie werke te doen), en die gelowige sal uiteindelik beloning daarvoor ontvang of verloor, wanneer hy in die hemel is (Galasiërs 6:9; 1 Korintiërs 3:12-15; 2 Johannes 8). Hemelse Vader, ons weet uit u Woord dat U genade en barmhartigheid in oorvloed het, maar U is ook regverdig en sal die sonde nie verdra nie. Ons dank U, Here, dat U, uit u groot genade, u Seun, Jesus Christus, gestuur het om gewillig aan die kruis vir ons sondes te sterf, sodat dié wat hul vertroue in Hom plaas, nie u regverdige oordeel, wat verdien word, in die gesig hoef te staar nie. Here, help ons, as gelowiges, om goeie werke te doen, dat ander kan sien U is in ons, tot eer van u Naam. In Jesus Naam bid ek. Amen. Johannes 3: sodat elkeen wat in Hom glo, nie verlore mag gaan nie, maar die ewige lewe kan hê. 16 Want so lief het God die wêreld gehad, dat Hy sy eniggebore Seun gegee het, sodat elkeen wat in Hom glo, nie verlore mag gaan nie, maar die ewige lewe kan hê. 17 Want God het sy Seun in die wêreld gestuur nie om die wêreld te veroordeel nie, maar dat die wêreld deur Hom gered kan word. 18 Hy wat in Hom glo, word nie veroordeel nie; maar hy wat nie glo nie, is alreeds veroordeel omdat hy nie geglo het in die Naam van die eniggebore Seun van God nie. Romeine 10:13 Want: Elkeen wat die Naam van die Here aanroep, sal gered word. Efesiërs 2:8-9 8 Want uit genade is julle gered, deur die geloof, en dit nie uit julleself nie: dit is die gawe van God; 9 nie uit die werke nie, sodat niemand mag roem nie.! 18 van! 27

19 Romeine 10: As jy met jou mond die Here Jesus bely en met jou hart glo dat God Hom uit die dode opgewek het, sal jy gered word; 10 want met die hart glo ons tot geregtigheid en met die mond bely ons tot redding. Openbaring 20: En ek het n groot wit troon gesien en Hom wat daarop sit, voor wie se aangesig die aarde en die hemel weggevlug het; en daar is geen plek vir hulle gevind nie. 12 En ek het die dode, klein en groot, voor God sien staan, en die boeke is geopen; en n ander boek, die boek van die lewe, is geopen. En die dode is geoordeel na wat in die boeke geskryf is, volgens hulle werke. 13 En die see het die dode gegee wat daarin was, en die dood en die doderyk het die dode gegee wat daarin was; en hulle is geoordeel, elkeen volgens sy werke. 14 En die dood en die doderyk is in die poel van vuur gewerp. Dit is die tweede dood. 15 En as dit bevind is dat iemand nie opgeskryf was in die boek van die lewe nie, is hy in die poel van vuur gewerp. 2 Korintiërs 5:21 Want Hy het Hom wat geen sonde geken het nie, sonde vir ons gemaak, sodat ons kan word geregtigheid van God in Hom. Filippense 3:9 en in Hom gevind te word, nie met my geregtigheid wat uit die wet is nie, maar met dié wat deur die geloof in Christus is, die geregtigheid wat uit God is deur die geloof; Romeine 5:1 Omdat ons dan uit die geloof geregverdig is, het ons vrede by God deur onse Here Jesus Christus; Galasiërs 6:9 En laat ons nie moeg word om goed te doen nie, want op die regte tyd sal ons maai as ons nie verslap nie. 1 Korintiërs 3: En as iemand op dié fondament bou goud, silwer, kosbare stene, hout, hooi, stoppels 13 elkeen se werk sal aan die lig kom, want die dag sal dit aanwys, omdat dit deur vuur openbaar gemaak word; en die vuur sal elkeen se werk op die proef stel, hoedanig dit is. 14 As iemand se werk bly staan wat hy daarop gebou het, sal hy loon ontvang; 15 as iemand se werk verbrand word, sal hy skade ly; alhoewel hy self gered sal word, maar soos deur vuur heen. 2 Johannes 8 Wees op julle hoede, dat ons nie verloor wat ons deur arbeid verkry het nie, maar n volle loon ontvang.! 19 van! 27

20 Dag 18 Die barmhartigheid van God: Barmhartigheid of goedertierenheid kan gedefinieer word as wanneer ons nie kry wat ons na regte verdien nie. Wat ons wel verdien as sondaars, is die toorn van God. Barmhartigheid kan geïllustreer word deur die beeld van n regter wat jou skuldig bevind, maar dan die straf weerhou. Paulus spreek God se barmhartigheid in Romeine 2:4 aan, waar hy sê: Of verag jy die rykdom van sy goedertierenheid en verdraagsaamheid en lankmoedigheid, omdat jy nie besef dat die goedertierenheid van God jou tot bekering wil lei nie? Paulus se punt is dat ons moet onthou dat God regverdig is, en Hy ons met reg vir ons sondigheid kan straf, maar uit sy goedertierenheid stel Hy hierdie straf uit, om mense die tyd en geleentheid te bied om hulle van hul sondigheid te bekeer en Jesus Christus, deur geloof alleen, as hul Verlosser te aanvaar (Romeine 3:27-28; Galasiërs 2:16). Petrus sê dieselfde in 2 Petrus 3:9: Die Here vertraag nie die belofte soos sommige dit vertraging ag nie, maar Hy is lankmoedig oor ons en wil nie hê dat sommige moet vergaan nie, maar dat almal tot bekering moet kom. Hemelse Vader, baie dankie vir u barmhartigheid deurdat U ons nie gee wat ons werklik verdien nie. Dankie Here, dat U ons die geleentheid gee om Jesus Christus as ons Verlosser te aanvaar. Ek bid, Here, dat U ons sal help om die tyd wat U aan ons gee te gebruik om die Goeie Nuus te deel met diegene wat U en u ongelooflike barmhartigheid nie ken nie. In Jesus Naam bid ek. Amen. Romeine 3: Waar is dan die roem? Dit is uitgesluit. Deur watter wet? Van die werke? Nee, maar deur die wet van die geloof. 28 Ons neem dus aan dat die mens geregverdig word deur die geloof sonder die werke van die wet. Galasiërs 2:16 terwyl ons weet dat die mens nie geregverdig word uit die werke van die wet nie, maar alleen deur die geloof in Jesus Christus, selfs ons het in Christus Jesus geglo, sodat ons geregverdig kan word uit die geloof in Christus en nie uit die werke van die wet nie; omdat uit die werke van die wet geen vlees geregverdig sal word nie.! 20 van! 27

21 Dag 19 Die genade van God: Genade kan gedefinieer word as waar ons kry wat ons nie verdien nie. Paulus noem genade n geskenk van God. Dit is onverdiend; werke kan dit ook nie verdien nie. As ons God se genade deur werke kon verdien, dan sou ons dit eintlik nie meer genade kon noem nie! Efesiërs 2:8-9 verduidelik dit mooi, waar Paulus sê: Want uit genade is julle gered, deur die geloof, en dit nie uit julleself nie: dit is die gawe van God; nie uit die werke nie, sodat niemand mag roem nie. Romeine 3:24 sê verder vir ons gelowiges word deur sy genade sonder verdienste geregverdig deur die verlossing wat in Christus Jesus is. Om dus hierdie geskenk van genade te ontvang beteken dat ek nie daarvoor kan betaal nie en ek kan dit ook nie verdien nie, want per definisie is die aard van n geskenk dat dit gratis is! Alle gelowiges behoort n hartlike amen te juig op dit wat die apostel Paulus in 2 Korintiërs 9:15 sê: Maar God sy dank vir sy onuitspreeklike gawe. Hemelse Vader, ons dank U vir u onbeskryflike gawe van genade wat U deur u Seun, Jesus Christus, voorsien. Dankie Here, dat U vir ons die onverdiende geleentheid gee om gered te word deur geloof in wat Jesus Christus vir ons aan die kruis gedoen het. Help ons om dieselfde genade aan ander te bewys, dat hulle ook deur ons voorbeeld oortuig kan word om U gratis geskenk van verlossing te aanvaar. In Jesus Naam bid ek. Amen.! 21 van! 27

22 Dag 20 Die liefde van God: Liefde is n kernaspek van God se karakter. Liefde is n kenmerk van God. God se liefde is volmaak en as n mens aan God se ander eienskappe dink, kan ons meer van die onmeetbare diepte van God se liefde leer. Waarskynlik die beste beskrywing van wat liefde is, word in 1 Korintiërs 13:4-8 gevind, waar die apostel Paulus, onder die inspirasie van die Heilige Gees, die verskillende eienskappe van die liefde beskryf. Dit is ongelooflik om te dink dat God ons lief het op hierdie volmaakte manier. Die hoogste uitdrukking van liefde word gevind in Johannes 15:13, waar Jesus sê: Groter liefde het niemand as dit nie, dat iemand sy lewe vir sy vriende gee. Natuurlik is dit presies wat Jesus gedoen het, soos Romeine 5:8 dit ook duidelik stel. Dit herinner my aan die beroemde ou lied, And can it be. Vers een van die lied sê (vrye vertaling): En kan dit wees dat ek n Aandeel in die bloed van die Verlosser kan kry? Het Hy vir my gesterf, vir my wat die oorsaak van sy pyn is? Vir my, wat Hom tot die dood vervolg het? Wonderbaarlike liefde! Hoe kan dit wees Dat U, my God, vir my moes sterf? Wonderbaarlike liefde! Hoe kan dit wees Dat U, my God, vir my moes sterf? Hemelse Vader, ons dank U vir u wonderlike liefde wat u elke dag aan ons bewys. Here, help ons om dieselfde opofferende, onvoorwaardelike liefde aan diegene rondom ons te bewys, sodat ons die heiliges in hul wandel met U kan aanmoedig, en deur die Heilige Gees gebruik kan word om ander na Christus te lei. In Jesus Naam bid ek. Amen. 1 Korintiërs 13:4-8 4 Die liefde is lankmoedig en vriendelik; die liefde is nie jaloers nie; die liefde praat nie groot nie, is nie opgeblase nie, 5 handel nie onwelvoeglik nie, soek nie sy eie belang nie, word nie verbitterd nie, reken die kwaad nie toe nie, 6 is nie bly oor die ongeregtigheid nie, maar is bly saam met die waarheid. 7 Dit bedek alles, glo alles, hoop alles, verdra alles. 8 Die liefde vergaan nimmermeer; maar profesieë hulle sal tot niet gaan; of tale hulle sal ophou; of kennis dit sal tot niet gaan. Romeine 5:8 maar God bewys sy liefde tot ons daarin dat Christus vir ons gesterf het toe ons nog sondaars was.! 22 van! 27

23 Dag 21 Die heiligheid van God: Die woord heilig beteken om af te sonder. Wanneer ons aan God se heiligheid dink, moet ons eerstens verstaan dat dit iets is wat ons waarskynlik nooit heeltemal sal verstaan totdat ons by ons Vader in die hemel is nie. Net soos al God se ander kenmerke, gaan dit die verstand te bowe wanneer ons aan God se heiligheid dink. Soos die profeet Jesaja gesê het toe hy die heiligheid van die Here gesien het: Wee my, ek is verlore! (Jesaja 6:5). Nog n punt wat ons moet inagneem wanneer ons aan God se heiligheid dink, is dat sy heiligheid deel uitmaak van elke enkele een van sy ander eienskappe. Dit is belangrik om te verstaan dat diegene wat Jesus Christus as hul persoonlike Verlosser aangeneem het, weergebore is en dat Jesus se geregtigheid hulle toegereken word (1 Petrus 2:9; 2 Petrus 1:4; Johannes 3:3, 5). Daarom, as gevolg van die bloed van die Lam, wat ons sondes bedek, verklaar God ons regverdig en heilig, nie as gevolg van enigiets wat ons gedoen het nie, maar as gevolg van wat Jesus aan die kruis vir ons gedoen het (2 Korintiërs 5:17, 21). Alhoewel ons posisioneel Heilig is voor God; beveel God ons ook om heilig te wees in ons lewenswandel (1 Petrus 1:15). God vra ons nie om iets te doen wat ontmoontlik is nie. Hy sal ons altyd die krag gee om te doen wat Hy vra (Filippense 4:13). Basta dus met die verskoning dat God se heiligheid onverstaanbaar en dus onuitvoerbaar is! Vir die gelowige om heilig te wees, moet ons dus afgesonder van die wêreld wees, en ons lewens in ooreenstemming met God se Woord leef. Hemelse Vader, ons, soos Jesaja, is verstom deur u heiligheid. Ons dank U Here, dat diegene wat hul geloof in Christus plaas, as gevolg van Jesus Christus se offer aan die kruis, weergebore en nuutgeskep word. Daarsonder sou ons nooit heilig kon wees en in staat wees om in gebondenheid met U te lewe nie. Dankie Here, dat U dit alles vir ons moontlik maak deur u liefde vir ons. Help ons, bid ek Here, om voortdurend te groei in die kennis van u Woord, soos ons dit op n praktiese manier in ons lewens toepas. Vader, laat U verheerlik word en ander bewus raak van U heiligheid soos ons geheilig word, toeberei vir goeie werke (2 Timoteus 2:21). In Jesus Naam bid ek. Amen. Jesaja 6:5 Toe het ek gesê: Wee my, ek is verlore! Want ek is n man onrein van lippe en woon onder n volk wat onrein van lippe is; want my oë het die Koning, die HERE van die leërskare, gesien! 1 Petrus 2:9 Maar julle is n uitverkore geslag, n koninklike priesterdom, n heilige volk, n volk as eiendom verkry, om te verkondig die deugde van Hom wat julle uit die duisternis geroep het tot sy wonderbare lig, 2 Petrus 1:4 waardeur Hy ons die grootste en kosbare beloftes geskenk het, sodat julle daardeur deelgenote kan word van die goddelike natuur, nadat julle die verdorwenheid ontvlug het wat deur begeerlikheid in die wêreld is.! 23 van! 27

24 Johannes 3:3, 5 3 Jesus antwoord en sê vir hom: Voorwaar, voorwaar Ek sê vir jou, as iemand nie weer gebore word nie, kan hy die koninkryk van God nie sien nie. 5 Jesus antwoord: Voorwaar, voorwaar Ek sê vir jou, as iemand nie gebore word uit water en Gees nie, kan hy in die koninkryk van God nie ingaan nie. 2 Korintiërs 5:17, Daarom, as iemand in Christus is, is hy n nuwe skepsel; die ou dinge het verbygegaan, kyk, dit het alles nuut geword. 21 Want Hy het Hom wat geen sonde geken het nie, sonde vir ons gemaak, sodat ons kan word geregtigheid van God in Hom. 1 Petrus 1:15 Maar soos Hy wat julle geroep het, heilig is, moet julle ook in jul hele lewenswandel heilig word, Filippense 4:13 Ek is tot alles in staat deur Christus wat my krag gee. 2 Timoteus 2:21 As iemand hom dus hiervan deeglik reinig, sal hy n voorwerp tot eer wees, geheilig en bruikbaar vir die Here, toeberei vir elke goeie werk.! 24 van! 27