ToekomsVenster Aan die anderkant van 2020

Transcription

1

2

3 ToekomsVenster Aan die anderkant van 2020

4 Inleiding ERKENNING Baie dankie aan die volgende persone: Grafiese ontwerp van omslag - Johan Wasserman Bladuitleg - Therésa Low Drukwerk - Edutel Uitgewer: TOEKOMSVENSTER 2015 Kopiereg voorbehou. Afgesien van enige billike handel vir die doel van navorsing, beoordeling of resensie soos toegelaat onder die Wet op Outeursreg, mag geen gedeelte van hierdie boek gereproduseer of versend word in enige vorm of op enige wyse, elektronies of meganies, insluitend fotokopiëring of opname, sonder die skriftelike toestemming van ToekomsVenster nie. Januarie

5 Inleiding INHOUDSOPGAWE Week 1 Week 2 Week 3 Week 4 Week 5 Week 6 Week 7 Week 8 Week 9 Bladsy God het ons geskep... 9 Ons is God se kinders Ons is één met Christus Ons lewe deur die Gees Ons is mense wat luister Ons is mense wat in God tot rus kom Ons is dissipels Ons is mense met eie persoonlikhede Ons is mense wie se tye in God se hand is

6 Inleiding ToekomsVenster Aan die anderkant van 2020 Die tydperk is van strategiese belang vir die kerk en elke gelowige sê Ds Jannie Pelser, organiseerder van die ToekomsVenster inisiatief. Ons leef in n dinamiese en snel veranderende wêreld. Dis noodsaaklik dat gelowiges en gemeentes opnuut nadink oor hul betrokkenheid daarby. ToekomsVenster fokus vanaf 2015 jaarliks op sekere belangrike aspekte van God se komende Ryk. In 2015 die individuele gelowige; 2016 die plaaslike gemeente; Ds Jannie Pelser 2017 die gemeenskap, 2018 Suid Afrika en 2019 die wêreld. Die jaar 2020 is n jaar van toewyding en feesviering. In 2015 word individuele gelowiges twee-maandeliks vanaf Februarie aan die temas Christus-identiteit, emosionele en geestelike heelheid, lewenskeuses, waardes en moraliteit, dissipelskap asook God se uitnemende en opwindende doel met elke gelowige om die beurt bekend gestel. Die omvattende en aanpasbare inisiatief sluit dagstukkies (twaalf minute per dag vyf dae `n week), kleingroep insette op DVD, preeksketse asook n daaglikse interaktiewe blog in. Gemeentes en lidmate word uitgenooi om saam te reis na Die eerste tema Christus-identiteit se materiaal Dr Gerhard Bothma is deur Dr Gerhard Bothma ontwikkel. 4

7 Inleiding Kontak Drienie by om u gemeente aanboord te kry. Individuele lidmate is ook welkom om saam te reis na info@toekomsvenster.co.za Wie, waarheen en waarmee? Identiteit is een van daardie glibberige terme wat lekker sê maar moeiliker verduidelik. Aanverwante begrippe soos selfbeeld, eie waarde, persoonlikheid, karakter en DNA maak dit nie makliker nie. Uiteindelik is die vrae wie is ek, waarom is ek hier, wat moet ek doen, waarmee gaan ek dit bereik en om watter rede belangrike temas om te oorweeg. Dis veral die wie is ek dimensie wat nou ter sake is. Hiermee n paar perspektiewe. n Mens is uniek na die beeld van God geskape. Dit is die bepalende en belangrikste vertrekpunt. Ons is ook deel van ander mense wat dieselfde oorsprong het. Mense is onherhaalbaar, regtig indrukwekkend en merkwaardig gemaak. Jou vingerafdruk is daarvan klinkklare bewys. Sommige dinge is gegee dis intrinsiek deel van ons. Oor jou gender en persoonlikheid kan n mens nie regtig onderhandel nie. Ander kom van buite op ons af. Ons is deel van `n groter geheel soos die plek waar jy bly en dinamika daarvan. Ons wêreldburgers en nie onaangeraak deur wat ver hiervandaan gebeur nie. Ons woon, leef en werk onder mense wat soos ons of anders as ons is. Maar mense bly ook nie onaangeraak deur die lewe nie. Life happens, also to me. Die lewe is nie eenvoudig nie, dis n allegaartjie van soet en suur, mooi en lelik, noem maar op. Die negatiewe goed veroorsaak merke aan n mens se binne- en buitekant. Party plekke is nog baie seer terwyl ander jou dalk herinner aan n tyd en ervaring wat jy dalk liewer wil vergeet. Wat jy maak met hierdie onaangename goed is n belangrike vraag. Pateties vasgevang in jou eie seer soos Vince van Sewende Laan, die toonbeeld van slagoffer wees, of oorwinnaar wat leef uit God se 5

8 Inleiding beloftes. Dis n goeie voorbeeld van n soeke na identiteit. Identiteit is dinamies interessant en bepalend vir die lewenskeuses wat jy maak. Geloofidentiteit is egter van kardinale belang. Met watter geloof of spiritualiteit affilieër jy? Christene affilieër op grond van God se uitverkiesende genade. Dis die unieke van ons geloof. Ons mag nie anders as glo nie. Ons identiteit kan derhalwe as n in Christus identiteit en daarom n Christus identiteit beskryf word. Dit bepaal my perspektief op die lewe. Kom reis saam met ToekomsVenster en kry hierdie balangrike vertrekpunt van die geloofslewe in perspektief. In jou stiltetyd, jou kleingroep, in jul gemeente en eredienste die sosiale media sfeer. Skakel Drienie by

9 Inleiding Sleutel vir ikone Toewydingsmoment Gebed Taak Toegif 7

10 Inleiding NOTAS 8

11 ToekomsVenster: Aan die anderkant van 2020 Dagstukkies 9 Identitiet (wie is ek?)

12 Week 1 10 God het ons geskep

13 Week 1 Week 1 God het ons geskep Bladsy Dag 1: God word sigbaar en werk ín en deur ons Dag 2: Ons wys en verteenwoordig God in ons wêreld Dag 3: Ons is deur God geseën Dag 4: Ons is nie God nie Dag 5: Ons ís ons liggame God het ons geskep 11 Identitiet (wie is ek?)

14 Week 1 12 God het ons geskep

15 Week 1 Week 1 dag 1 Tema: God word sigbaar en werk ín en deur ons God het ons geskep Teks: Genesis 1: Toe het God gesê: Kom Ons maak die mens as ons verteenwoordiger, ons beeld Dis moontlik om te glo dat God die mens gemaak het wanneer ons die mooi in mense raaksien. Dit is egter nie so maklik om dit te aanvaar wanneer ons mense se seer, swaarkry en sukkel of die stukkende in die wêreld raaksien nie. Dis nog moeiliker wanneer mense hulleself, ander mense en die omgewing verniel, breek of bemors. Ná hulle lang stap na vryheid uit ballingskap in Babilonië het die Israeliete hard daaraan gewerk om hulle land en hulleself weer op te bou (Genesis is geskryf in die na-babiloniese tydvak). Alles wat hulle oor hulleself wie hulle was, waar hulle vandaan gekom het en waarom God hulle in daardie deel van die wêreld laat leef en woon het, asook alles wat hulle aangaande God geglo het, het vanweë die ballingskap inmekaar getuimel. Vir dié mense het God n boodskap gehad. Almal saam en elkeen individueel moes dit duidelik hoor. Die twee dele van die boodskap moes soos bene wees waarop hulle stewig en vas kon staan. Hulle moes dit hoor en glo: God het ons gemaak en Ons is God se verteenwoordiger, Sy beeld. In Babilonië het daar nie n dag verbygegaan sonder dat hulle in hulle onderdrukker se koninklike stela s plat klippe waarop konings se name en dade asook die gode aan wie hulle daarvoor hulde bring God het ons geskep 13 Identitiet (wie is ek?)

16 Week 1 aangebring is moes vaskyk nie. Nou hoor hulle dat God nie stela s maak en oprig nie, maar mense. Hulle was die aankondigende herinneringstekens van God en Sy grootse dade. God het nie tussen die bouvalle en rommel van hulle land klippe met huldebetuigings daarop aangebring nie, maar ín en deur mense sigbaar aan t werk geraak. Wanneer hulle gevra het: Wie is ons?, Waar kom ons vandaan? en Wat maak ons hier?, moes hulle antwoord op n stewige fondasie rus: God het ons geskep. God word sigbaar en werk ín en deur ons. Toewydingsmoment Dank God daarvoor dat Hy ín en deur ons sigbaar word en optree. Verklaar dat jy graag met God in n verhouding staan. Gebed Here God, Baie dankie dat U in en deur ons ook in en deur my sigbaar word en dinge doen. Ek stel myself weer tot U beskikking: doen net wat U wil, Here, U wil met my. Amen. 14 God het ons geskep

17 Week 1 Taak Maak n lys van dinge wat jy dink daarop sou staan as God n stela met beskrywings van wie Hy is en wat Hy vermag het, sou oprig, daar waar jy is. Toegif Luister na die lied Doen slegs U wil, Heer of sing dit. God het ons geskep 15 Identitiet (wie is ek?)

18 Week 1 NOTAS 16 God het ons geskep

19 Week 1 Week 1 dag 2 Tema: Ons wys en verteenwoordig God in ons wêreld God het ons geskep Notes Teks: Genesis 1:26-27 Toe het God gesê: Kom Ons maak die mens as ons verteenwoordiger, ons beeld, sodat hy kan heers oor die vis in die see, die voëls in die lug, die mak diere, Net soos wat n skilpad nie vere het nie, is sommer nie n rede nie. Daarom sal niemand jou glo as jy sommer sê wanneer iemand jou vra waarom God mense geskep het nie. Veral nie as hulle wil weet waarom juis mense God se beeld, God se verteenwoordiger is nie. Wat is die eerste gedagtes wat by jou opkom wanneer jy hierdie woorde hoor? Hoe laat dit jou voel? Hoe sou jy aan iemand verduidelik is dit om God in ons wêreld te wys en te verteenwoordig? Hoe ons God in ons wêreld wys en verteenwoordig want dís mos volgens hierdie gedeelte die eerste laag van ons identiteit het te doen met wat hier beskryf word as om te heers. Omdat om te heers met die manier waarop ons werk te doen het en Genesis 1 duidelik na n hoogtepunt waar God op die sewende dag rus op pad is, kan ons sê God word sigbaar in hoe ons werk en in hoe ons tot rus kom. God wys Homself as Iemand wat doen en as Iemand wat rus. Ons verteenwoordig God en wys Hom aan mekaar en ander in die manier waarop en wanneer! ons werk en die wyse waarop en God het ons geskep 17 Identitiet (wie is ek?)

20 Week 1 Notes dat! ons rus en ontspan. Dis baie belangrik. Ons werk omdat ons daartoe geroep word en nie net omdat dit nodig is nie. Ons rus omdat ons daartoe getaak word en nie net omdat ons moeg word van werk nie. Dit is deel van ons identiteit dat ons werkende mense is en dat ons rustende mense is. God word sigbaar terwyl en in hoe ons besig is en terwyl en in hoe ons nie besig is nie. Werk en rus is deel van God se sorg vir ons. Ons het die heerlike roepingsopdrag om vir mekaar en ons wêreld te sorg. Toewydingsmoment Dank God daarvoor dat Hy ons vertrou om vir onsself, mekaar en ons wêreld te sorg. Verklaar dat jy graag vir God se skepping sal sorg dra. Gebed Here God, Baie dankie dat U ons vertrou om vir onsself, mekaar en U handewerk te sorg. Ek wil my daaglikse optrede graag meer as n antwoord op U roepstem beskou. Amen. 18 God het ons geskep

21 Week 1 Taak Dink na oor hoe jy meer versorgend teenoor jouself, die mense met wie jy te doen kry en die omgewing waarin jy beweeg kan wees. Toegif Gee jouself n drukkie. God het ons geskep 19 Identitiet (wie is ek?)

22 Week 1 NOTAS 20 God het ons geskep

23 Week 1 Week 1 dag 3 Tema: Ons is deur God geseën God het ons geskep Teks: Genesis 1: Toe het God gesê: Kom Ons maak die mens as ons verteenwoordiger, ons beeld, sodat hy kan heers God het die mens geskep as sy verteenwoordiger, as beeld van God het Hy die mens geskep Toe het God hulle geseën en vir hulle gesê: Wees vrugbaar, word baie, bewoon die aarde en bewerk dit. Wanneer ons die woord seën hoor dink ons gewoonlik aan iets positief en goed. Ons vereenselwig woorde soos voorspoed, geluk en guns daarmee. Ons hoor die woord waarskynlik die meeste binne die konteks van Numeri 6: Hier word seën omskryf as om iemand te beskerm, tot daardie persoon se redding te verskyn, die persoon genadig te wees, sy/haar gebede aan te hoor en aan die persoon vrede te gee. Het jy in ons teks opgemerk dat God die mense nie net geseën het nie, maar ook direk daarna vir hulle gesê het om vrugbaar te wees, baie te word, en die aarde te bewoon en te bewerk? Dit wys vir ons dat God se seën hier nie iets algemeen is nie, maar spesifiek met die vermoë om vrugbaar te wees, te vermeerder en te sorg verband hou. Jy onthou seker wat die profeet Jeremia aan die ballinge gesê het toe hulle in die vreemde sonder hoop en visie was? Lees gerus Jeremia 29:5-7. God het ons geskep 21 Identitiet (wie is ek?)

24 Week 1 Beeld van God wees beteken om n positiewe ingesteldheid op ons menswees en ons omgewing te hê. Dis om lewe te bevorder en om sorg te dra. Ons bid nie net dat God ons sal seën nie. Ons doen wat nodig is om ons omgewing in n woning met alles wat vir die voortbestaan van lewe nodig is te omskep. Al voel dit vir ons asof ons onsself in ballingskap of n verwoeste stad bevind. Toewydingsmoment Maak jou oë toe en haal rustig asem. Verbeel hoedat jy iewers sit en voel hoe water lawend oor jou vloei. Verbeel hoedat jy van hierdie water drink en hoe dit jou van binne af lawe. Herhaal met elke inaseming die woorde U seën my en elke keer wanneer jy uitasem U seën deur my. Gebed Here God, Ek het nie woorde om vir U dankie te sê dat U my seën nie. Dankie dat U elke oomblik van die dag by my en vír my is. Ek waardeer dit meer as wat ek kan sê. Amen. 22 God het ons geskep

25 Week 1 Taak Lees of sing God bly met U waar U ook mag gaan (Lied 269) totdat jy dit ken. Toegif Maak die woorde van Lied 268 jou eie: Laat Heer, U seën op ons daal, U guns uit Sion ons bestraal. U wat beveel en dit geskied, wil, Heer, U seën oor ons gebied. God het ons geskep 23 Identitiet (wie is ek?)

26 Week 1 Notes NOTAS 24 God het ons geskep

27 Week 1 Week 1 dag 4 Tema: Ons is nie God nie God het ons geskep Teks: Psalm 8:5 Wat is 'n blote mens dat U hom in u gedagtes hou, 'n mensekind dat U soveel aan hom toevertrou? U het hom net minder as 'n god gemaak; U kroon hom met koninklike eer. U laat hom heers oor die werk van U hande, U het alles aan hom ondergeskik gestel As daar iets is om oor opgewonde te raak, is dit die oortuiging dat God ons van alle kante omsluit. Wanneer ons oor God nadink en dít wat die psalmdigter hier sê begryp, sal ons saam met hom uitroep: Here, ons Here, hoe wonderbaar is U Naam oor die hele aarde! Omdat God ons Sy spogbord want dit is wat n destydse koninklike stele eintlik was gemaak het kan ons ego s oorneem en met ons selfbeeld aan t hardloop gaan. Terwyl daar mense is wat sukkel om te besef hoe intens God ons waardeer, weet ons al te goed dat ander weer te veel van hulleself dink. Begrippe soos Godkompleks en Messias-sindroom het met genoeg rede hulle weg in ons woordeskat in gevind. Die psalmdigter besing God en die wonder van God se wese en werke. Terwyl hy dit doen bring hy ons identiteit vanuit God se verhouding met ons in perspektief. Ons lyk soos God, en ons verteenwoordig God. Daar is egter iets wat ons moet weet en onthou: ons is nie self God nie. Dat God aan ons dink, ons vertrou en baie aan ons toevertrou gee ons meer as blote bestaansreg tussen die diere, voëls, visse en ander lewende wesens. Dat God ons met koninklike eer kroon, ons vir die werk van Sy hande laat sorg en alles aan ons ondergeskik God het ons geskep 25 Identitiet (wie is ek?)

28 Week 1 gestel het, sal jou ook waarskynlik laat besef en voel jy is vir God spesiaal. Omdat ons mense is wat glo dat ons gedurig in God se gedagtes is en na wie God omsien, sal ons nie anders nie as om aan ons medemense te dink en sorgsaam met hulle om te gaan. Toewydingsmoment Lees Psalm 8 tweemaal rustig deur. Let op watter dele daarvan die sterkste tot jou spreek. Gebed Here, ons Here, hoe wonderbaar is U Naam oor die hele aarde! Dankie dat U na my omsien. Dankie dat U aan my dink. Ek wíl my medemense in ag neem en sorgsaam met hulle omgaan. Here, ons Here, hoe wonderbaar is U Naam oor die hele aarde! Amen. 26 God het ons geskep

29 Week 1 Taak Lees of sing O Heer, my God (Lied 464). Notes Sê vir die mense na aan jou dat hulle vir jou belangrik is. Vra of daar iets is wat hulle wil hê jy moet weet of waarmee jy hulle kan help. Toegif Luister na die lied As ek die hemel aanskou (FLAM 24). God het ons geskep 27 Identitiet (wie is ek?)

30 Week 1 Notes NOTAS 28 God het ons geskep

31 Week 1 Week 1 dag 5 Tema: Ons ís ons liggame God het ons geskep Teks: Psalm 139:13 U het my gevorm, my aanmekaargeweef in die skoot van my moeder. Ek wil U loof, want U het my op 'n wonderbaarlike wyse geskep. Wat U gedoen het, vervul my met verwondering. Jy ken seker die vertelling oor die seuntjie wat bang geword het toe n donderstorm uitgebreek het? Hy het aanhoudend na sy mamma-hulle se kamer toe gegaan en gesê hy is bang. Mamma het dan elke keer weer saam met hom terug na sy kamer toe gegaan en by hom gesit-lê totdat hy rustiger was. Jy hoef regtig nie bang te wees nie, my kind jy weet mos Jesus is hier by jou, het sy vir hom gesê. Ek weet, Mamma. Maar ek het n Jesus met vleis aan nodig, sê hy toe met n ernstige gesiggie. Dis goed om te weet dat God by ons is, maar soms wil ons God met n liggaam by ons hê. Daar bestaan verskillende teorieë oor presies hoe God se menswording sy inkarnasie en Sy maak van mense met liggame of as liggame werk en lyk. Oor die dat daarvan dat ons liggaamlik mens is, is daar egter min te stry. In Jesus het mense beleef dat God as t ware n liggaam aangetrek het en Homself as n mens aan mede-mense gewys het. So skryf Johannes daaroor: ons het Hom met ons eie oë gesien; ja, ons het Hom gesien en met ons hande aan Hom geraak (1 Johannes 1:1). God het ons geskep 29 Identitiet (wie is ek?)

32 Week 1 Ons elkeen kan sê: Ek lyk soos Hy. Was dit nie dat ons net minder as n god gemaak was nie, sou ons kon sê dat ons elkeen God met vleis aan is. Ons liggame is deel van ons identiteit. Dis deel van ons beeld-van- God-wees. Ek ís my liggaam en my liggaam ís ek. Omdat God in, deur en met ons liggame hande, voete, monde en meer in ons wêreld kry, behoort ons nie met ons liggaamlike voorkoms behep te raak nie. Ons moet wel op die impak wat ons liggaamlikheid op ons omgewing het let. Toewydingsmoment Staan, sit of lê en raak van elke deel van jou liggaam bewus. Maak vir n rukkie jou oë toe en druk jou ore toe. Maak dit dan oop en kyk, ruik, luister na alles rondom jou. Vat aan jou hande, jou hare, jou voete Gebed Vader, Ek wil U loof, want U het my op 'n wonderbaarlike wyse geskep. Wat U gedoen het, vervul my met verwondering. Ek stel myself volledig tot U beskikking. Amen. 30 God het ons geskep

33 Week 1 Taak Hoe beperk ons liggaamlikheid ons denke oor en belewing van God? Hoe kan ons denke oor God ons ons liggaamlikheid meer laat waardeer? Toegif Kyk na die video Fearfully and wonderfully made. God het ons geskep 31 Identitiet (wie is ek?)

34 Week 1 NOTAS 32 God het ons geskep

35 Week 2 Week 2 Ons is God se kinders Bladsy Dag 1: Ons is God se kinders Dag 2: Ons is onvoltooid Dag 3: Ons is met God versoen Dag 4: Ons is nuwe mense Dag 5: Ons is God se veranderingsagente Ons is God se kinders 33

36 Week 2 34 Ons is God se kinders

37 Week 2 Week 2 dag 1 Tema: Ons is God se kinders Ons is God se kinders Teks: Matteus 6:9 So moet julle bid: Ons Vader wat in die hemel is, Hopelik kan jy die prentjie van wie jy is na verlede week se gedagtes al n bietjie duideliker sien. Wanneer iemand jou vra wie jy is kan jy sê: God het ons gemaak. Ons verteenwoordig God. Ons is deur God geseën. Ons is ons liggame. Ons is mense, nie God nie. Wanneer Jesus sê dat God as Ons Vader aangespreek moet word, sê hy dat God ons Vader is en dat ons God se kinders is. Dis n baie belangrike deel van ons identiteit. Wanneer iemand jou vra wie jy is, kan eintlik moet jy sê jy is God se kind. Dis so omdat God ons aangeneem het. Vanuit ons wêreldprentjie sou ons sê ons is God se aanneemkinders, maar vir God is ons Sy eie kinders. Vir die gemeente in Rome skryf Paulus: Ons sien daarna uit dat God sal bekend maak dat Hy ons as sy kinders aangeneem het (Romeine 8:23). Omtrent elke keer wanneer Paulus die mense aan wie hy skryf groet, doen hy dit met die woorde Genade en vrede vir julle van God ons Vader (Romeine 1:7; 1 Korintiërs 1:3). Soos God die Vader is van Jesus, is Hy ook die Vader van elkeen wat in Hom glo. Volgens Paulus is daar baie wat God en baie wat Here genoem word, maar daar is vir ons net een God: die Vader, uit wie alles is en vir wie ons lewe; en net een Here: Jesus Christus, deur wie alles bestaan en deur wie ons lewe (1 Korintiërs 8:5-6). Ons is God se kinders 35

38 Week 2 Toe ons nog geestelik onmondig was, was ons slawe van wettiese godsdienstige reëls. Maar toe die tyd wat God daarvoor bepaal het, aangebreek het, het Hy Sy Seun gestuur. Hy is uit n vrou gebore en van Sy geboorte af was Hy aan die wet onderworpe om ons, wat aan die wet onderworpe was, los te koop sodat ons as kinders van God aangeneem kon word. En omdat ons Sy kinders is, het God die Gees van Sy Seun in ons harte gestuur, en in ons roep Hy uit: Abba! Dit beteken: Vader! Jy is dus nie meer 'n slaaf nie; jy is nou n kind van God. En omdat jy Sy kind is, het God jou ook Sy erfgenaam gemaak (Galasiërs 4:3-7). Toewydingsmoment Doen jou gebed van die hart met die woorde Vader wanneer jy inasem en U kind wanneer jy uitasem. Gebed Vader, Dankie dat ek U Vader mag noem. Dankie dat U my as U eie kind aangeneem het. Amen. 36 Ons is God se kinders

39 Week 2 Taak Lees/sing die Ons Vader -gebed n aantal kere. Toegif Luister na die lied Father God. Ons is God se kinders 37

40 Week 2 NOTAS 38 Ons is God se kinders

41 Week 2 Week 2 dag 2 Tema: Ons is onvoltooid Ons is God se kinders Notes Teks: Filippense 1:6 Ek is veral ook daarvan oortuig dat God, wat die goeie werk in julle begin het, dit end-uit sal voer en dit sal voleindig op die dag wanneer Christus Jesus kom. Toe sy in haar dogtertjie se kamer instap was die kleintjie se gesiggie vol grimering. Jy lyk verskriklik! was al wat sy kon uitkry terwyl sy op haar afgepeil het om die gekleurde wapens af te neem. Maar haar kindjie was te vinnig. Wag Mammie Ek is nog-nie klaar nie, het sy geprotesteer en aan haar kunstenaarskwaste vasgeklou. Wag tot ek klaar is. Dan gaan ek nie verskrikdit lyk nie. Ek gaan mooi lyk. God is nog-nie klaar met ons nie. God het goeie werk in ons begin en is nog besig met ons. Wanneer ons vir onsself of vir ander mense verskriklik lyk of as ons voel ons is duidelik nie God se beste handewerk nie, is dit omdat God nog nie Sy goeie werk in ons afgehandel het nie. God sal dit waarmee Hy in ons besig is voleindig. God is besig met verder as die hier en die nou. God is besig om ons te omvorm soos wat n pottebakker sy klei omvorm om presies dit te word wat Hy wil hê dit moet wees. Vanweë die onvolmaakte van ons wêreld gebeur baie dinge anders as wat ons dit graag sou wou gehad het. Wanneer ons seer het, swaarkry of sukkel kan ons onsself gerus daaraan herinner dat God met ons op pad is. Die laaste sê is nie gesê voordat God Sy werk in ons voleindig nie. Geen oordeel waartoe ons of ander mense oor ons kom is finaal nie. Ons is God se kinders 39

42 Week 2 Notes Klein kindertjies wil graag soos hulle ouers lyk en wees. Daarom trek hulle Pappa en Mamma se klere aan, grimeer hulle hulleself en boots hulle hul ouers se doen, praat en gewoontes na. Net soos wat ons soos God lyk, maar nie God Self is nie, word ons hoe langer hoe meer soos ons Vader en Christus. Wanneer jy vir jouself sê Ons is onvoltooid, moet jy jouself herinner dat God met goeie werk in jou besig is. God het jou gemaak en God maak nie droog nie. Toewydingsmoment Raak stil en dink na oor waarmee God tans in jou lewe besig is. Dink ook aan verandering wat oor die afgelope twee of drie jaar in jou plaasgevind het. Gebed Vader, Dankie dat U goeie werk in my begin het. Dankie dat U dit voortsit en sal voleindig. Amen. 40 Ons is God se kinders

43 Week 2 Taak Watter verandering sal jy graag in jouself wil sien? Neem klei en maak iets wat jou daaraan sal herinner dat God nog met jou besig is. Toegif Luister na Koos du Plessis se Gebed. Ons is God se kinders 41

44 Week 2 NOTAS 42 Ons is God se kinders

45 Week 2 Week 2 dag 3 Tema: Ons is met God versoen Ons is God se kinders Teks: 2 Korintiërs 5:17-21 Iemand wat aan Christus behoort, is n nuwe mens. Die oue is verby, die nuwe het gekom. Dit alles is die werk van God. Hy het ons deur Christus met Homself versoen en aan ons die bediening van die versoening toevertrou. Die boodskap van versoening bestaan daarin dat God deur Christus die wêreld met Homself versoen het en die mense hulle oortredinge nie toereken nie. Ons almal wonder een of ander tyd oor ons identiteit. Van die mense wat die meeste worstel met wie hulle regtig is en waar hulle waarlik inpas, is glo mense wat as babatjies aangeneem is en deur ander mense as hulle biologiese ouers grootgemaak is. Omdat hulle dikwels glo dat hulle biologiese ouers hulle verwerp het, is hulle bang dat hulle aanneem-ouers dit ook een of ander tyd gaan doen. Ons hoef nie bang te wees dat die Vader wat ons as Sy eie kinders aangeneem het ons dalk op n stadium gaan verwerp nie, skryf Paulus. Een van die redes hiervoor is dat dit nie op grond van iets wat ons gedoen het of wie ons is dat God ons aangeneem het nie (lees gerus ook Romeine 3:24 en Efesiërs 2:9). God het ons aangeneem omdat Hy goed is, ons liefhet en Homself oor ons ontferm het (Titus 3:3-5). God het ons deur Christus met Homself versoen (vers 18). Dis kernbelangrik dat ons onthou dat God die versoenwerk doen. Hy het dit gedoen toe ons nog sondaars was (Romeine 5:8). Ons is God se kinders 43

46 Week 2 Anders as ons wat dikwels aan ons eie of ander mense se oortredinge teenoor ons dink, reken God ons ons oortredinge nie toe nie (vers 19). God se verhouding met ons word nie bepaal deur wat ons doen of nie doen nie. Wat God aanbetref is die verhouding tussen Hom en ons reg en sonder probleme wat nog opgelos moet word. Wie is ons? Ons is kinders van God. Ons is mense wat met God versoen is. Ons moet glo en onthou dat God vír ons en aan ons kant is en dat daar níks is wat sy versoening ontdaan kan maak of sy liefde vir ons kan blus nie (Romeine 8:31-39). Toewydingsmoment Lees die teks n paar maal totdat jy dit jou eie gemaak het. Gebed Vader, Dankie dat U Uself met my versoen het. Dankie dat U n verhouding met my het. Dankie dat daar niks is wat dit kan verander nie. Ek wil dit glo en vanuit hierdie verhouding leef. Amen. 44 Ons is God se kinders

47 Week 2 Taak Hoe verstaan jy Dit is alles die werk van God? Hoe sou jy die boodskap van versoening in jou eie woorde aan iemand verduidelik? Toegif Kyk na die videoclip met Romanz se weergawe van Genade, onbeskryflik groot Ons is God se kinders 45

48 Week 2 Notes NOTAS 46 Ons is God se kinders

49 Week 2 Week 2 dag 4 Tema: Ons is nuwe mense Ons is God se kinders Teks: 2 Korintiërs 5:17-18 Iemand wat aan Christus behoort, is 'n nuwe mens. Die oue is verby, die nuwe het gekom. Dit alles is die werk van God. Jy is n nuwe mens. Volgens die Griekse teks is jy n nuwe skepping. God het dit bewerk. God het ons nuut geskep. Die oue is verby. Die nuwe het gekom. God het ons deur Christus aanvaar en goedgekeur. Daar is niks wat nog tussen God en ons uitgeklaar of reggestel moet word nie. Daar is nie uitstaande boetekaartjies of skuldbriewe of so-iets nie. Ons is nuwe mense omdat ons aan Christus behoort en God ons gemaak het wat ons ís. Ons behoort nie aan onsself nie, want Christus het ons vrygekoop Petrus noem dit losgekoop en die prys is betaal (1 Korintiërs 6:19-20; 7:23; 1 Petrus 1:19). God het ons nie gekoop om ons slawe te maak wat vir Hom moet werk nie. God het ons vry - of te wel, los gemaak. God verander en vernuwe ons nie omdat Hy dink dat ons sleg of onaanvaarbaar is nie, maar sodat ons nes Christus volwasse kan word (Efesiërs 4:13) en ons lewens goeie vrug kan dra (Galasiërs 5:22-23). God maak ons, liggaam, siel en gees, nuut. Volgens Esegiël het God belowe om aan ons n nuwe hart en n nuwe gees in ons binneste te gee (Esegiël 11:19). Paulus sê God verander ons deur die vernuwing van ons denke (Romeine 12:2). As nuwe mense is ons ingestel op die wil van God, wat goed en aanneemlik en volmaak is, asook die uitleef daarvan (Romeine 12:3). Ons is God se kinders 47

50 Week 2 Paulus moedig ons daarom aan om te lewe as nuwe mense wat as die beeld van God geskep is: lewe volkome volgens die wil van God en wees heilig (Efesiërs 4:23-24). Ons leef nou die lewe van die nuwe mens, wat al hoe meer vernuwe word na die beeld van sy Skepper en tot die volle kennis van God (Kolossense 3:10). Toewydingsmoment Sê wanneer jy bid: U maak my nuut wanneer jy inasem en nuwe mens wanneer jy jou asem uitblaas. Gebed Vader, Dankie dat U my n nuwe mens gemaak het. Ek wíl elke dag nuut leef. Amen. 48 Ons is God se kinders

51 Week 2 Taak Paulus skryf: trek die nuwe mens aan wat in geregtigheid en ware heiligheid na God se beeld geskep is (Efesiërs 4:24). Notes Wat hoor jy hier? Watter ander beelde as uit- en aantrek kan ons nog gebruik om dit te sê? Toegif Sing Aanskou die Heiland (Lied 396:3-4) n paar maal. Let op die woorde: Sy kruis, Sy liefde onbegrens, ontsluit in my 'n nuwe mens. Maak n kaartjie met dié woorde daarop. Ons is God se kinders 49

52 Week 2 Notes NOTAS 50 Ons is God se kinders

53 Week 2 Week 2 dag 5 Tema: Ons is God se veranderingsagente Ons is God se kinders Teks: 2 Korintiërs 5:17-21 Iemand wat aan Christus behoort, is n nuwe mens. Die oue is verby, die nuwe het gekom. Dit alles is die werk van God. Hy het ons deur Christus met Homself versoen en aan ons die bediening van die versoening toevertrou. Die boodskap van versoening bestaan daarin dat God deur Christus die wêreld met Homself versoen het en die mense hulle oortredinge nie toereken nie. Ons tree dus op as gesante van Christus, en dit is God wat deur ons n beroep op julle doen. God is nie net besig om ons te vernuwe nie, maar om alles nuut te maak. Volgens Johannes het God gesê: Kyk, Ek maak alles nuut (Openbaring 21:5). God het hom ook n voorsmakie van sy nuwe wêreld n nuwe hemel en n nuwe aarde gegee (Openbaring 21:1-4). Totdat alles as t ware splinternuut is, is God soos iemand dit eenvoudig gestel het op n missie. God se missie is om die ganse skepping Sy koninkryk te vernuwe totdat God alles sal wees vir alles (1 Korintiërs 15:28). God betrek ons in hierdie proses. God vertrou die bediening van die versoening aan ons toe. In God se missie die Missio Dei is ons God se gesante, sy ambassadeurs, sy veranderingsagente (vers 20). Jy onthou mos Jesus se woorde: Soos die Vader My gestuur het, stuur Ek julle ook (Johannes 20:21). Ons is net soos die apostels gestuur om die volle boodskap van hierdie nuwe lewe te verkondig (Handelinge 5:20). Ons is God se kinders 51

54 Week 2 God het ons nuutgemaak en vernuwe ons voortdurend en alles ín en deur ons. Uiteindelik, skryf Paulus, sal ons almal kom tot die werklike eenheid in ons geloof en in ons kennis van die Seun van God (Efesiërs 4:13). Al is ons uiterlik besig om te vergaan, word ons innerlik van dag tot dag vernuwe (2 Korintiërs 4:16). God het in Jesus se Naam die Voorspraak, die Heilige Gees, gestuur om ons hiertoe instaat te stel (Johannes14:26). God maak ons gewillig en bekwaam om bedienaars van sy nuwe verbond te wees en sy wil uit te voer (2 Korintiërs 3:5-6; Filippense 2:13). Ons is God se oë, ore en mond en Sy voete en hande op aarde. Toewydingsmoment Wat val jou op in hierdie gedeelte? Watter emosies beleef jy wanneer jy daaraan dink dat God die wêreld veral stukkende verhoudinge deur jou splinternuut wil maak? Gebed Vader, Dankie dat U my bekwaam en gewillig maak om met U te lewe. Ek waardeer dit dat ek een van u veranderingsagente mag wees. Amen. 52 Ons is God se kinders

55 Week 2 Taak Hoe verstaan jy die woorde gesant, ambassadeur en veranderingsagent? Hoe doen God deur ons n beroep op ander mense? Toegif Kyk na hierdie weergawe van Helder skyn U lig (Lied 488). Ons is God se kinders 53

56 Week 2 NOTAS 54 Ons is God se kinders

57 Week 3 Week 3 Ons is één met Christus Bladsy Dag 1: Ons is beeld van Christus Dag 2: Ons is verloste mense Dag 3: Ons is dienende mense Dag 4: Ons is ligdraers Dag 5: Ons is gestuurde mense Ons is één met Christus 55

58 Week 3 56 Ons is één met Christus

59 Week 3 Week 3 dag 1 Tema: Ons is beeld van Christus Ons is één met Christus Teks: 2 Korintiërs 3:18 Ons word al meer verander om aan die beeld van Christus gelyk te word. As beeld van God is ons ook beeld van Christus. Ons word al meer gevorm om te wees soos wat Christus Self sou gewees het as Hy nou hier waar ons is ons plek moes ingeneem het. God Self doen die omvorming. As Heilige Gees vorm God ons om meer en meer soos Jesus te wees. Hy doen dit omdat God ons bestem het om gelykvormig te wees aan die beeld van sy Seun, sodat sy Seun baie broers en natuurlik susters! kan hê van wie Hy die Eerste is (Romeine 8:29). Die kragtigste uitdrukking van die versugting om soos Christus te wees, vind ons seker in Paulus se woorde: Al wat ek wens, is om Christus te ken, die krag van sy opstanding te ondervind en deel te hê aan sy lyding deur aan Hom gelyk te word in Sy dood, in die verwagting dat ek self deel sal hê aan die opstanding uit die dood (Filippense 3:10-11). Hierin sien ons dat beeld van Christus-wees beide die lyding en die dood van Christus, sowel as Sy opstanding en die krag daarvan behels. Dit is ín die lyding dat ons die krag van die opstanding het. Nie daarsonder nie. Die twee gaan hand aan hand. Dit is in die gelyk aan Christus word in Sy dood dat die krag van Sy opstanding ondervind word. So verwoord Paulus dit in Filippense 2:5-8: Dieselfde gesindheid moet in julle wees wat daar ook in Christus Jesus was: Hy wat in die gestalte van God was, het sy bestaan op Godgelyke wyse nie beskou as iets waaraan Hy Hom moes vasklem nie, maar Hy Ons is één met Christus 57

60 Week 3 het Homself verneder deur die gestalte van n slaaf aan te neem en aan mense gelyk te word. En toe Hy as mens verskyn het, het Hy Homself verder verneder. Hy was gehoorsaam tot in die dood, ja, die dood aan die kruis. As beeld van Christus word ons al hoe meer mens en menslik. Net soos wat God in Christus Jesus mens geword het, word ons ook in Christus volkome mens (sien Johannes 14:20). Dit is as beeld van Christus dat ons ten diepste mens kan word en wees. In Jesus wat waarlik mens was sien ons wat ware menswees is. Toewydingsmoment Sien in jou gedagtes hoe God jou vorm om meer soos Christus te word. Gebed Here God, Dankie dat U my al hoe meer na die beeld van Christus vorm. Ek wíl aan die beeld van Christus gelyk word. Amen. 58 Ons is één met Christus

61 Week 3 Taak Voltooi die versugting: Al wat ek wens, is...? Toegif Luister na Leer my u wil, Heer (Lied 528). Ons is één met Christus 59

62 Week 3 NOTAS 60 Ons is één met Christus

63 Week 3 Week 3 dag 2 Tema: Ons is verloste mense Ons is één met Christus Notes Teks: Lukas 1:11 Vandag is daar vir julle in die stad van Dawid die Verlosser gebore, Christus die Here! Paulus beskryf nêrens Jesus se geboorte nie. Hy bring wel Jesus se lewe, sterwe en opstanding direk met die boodskap van versoening in verband. Hy skryf: Dit is 'n betroubare woord en kan sonder voorbehoud aanvaar word: Christus Jesus het in die wêreld gekom om sondaars te verlos (1 Timoteus 1:15). God, skryf hy, het ons uit die mag van die duisternis weggeruk en ons onder die heerskappy gestel van Sy Seun wat Hy liefhet. Deur die Seun het ons die verlossing verkry, die vergewing van ons sondes (Kolossense 1:13-14). Ons is verloste mense. Christus is ons Verlosser en het ons verlos. Die boodskap dat God in mense n welbehae het en vrede op aarde aankondig, is n goeie boodskap en n bron van vreugde (Lukas 1:10-14). Ons kan saam met Maria die Here se grootheid besing en oor ons Verlosser, juig (Lukas 1:1:46-47). In Lukas en Paulus se tyd was Verlosser n algemene titel wat vir enigiemand wat iets gedoen het waarby baie mense gebaat het, gebruik is. Gode soos Zeus, filosowe wat n groot impak gemaak het, leiers en gewone mense (soos Otniël en Ehud in Rigters 3:9 en 15) is verlossers of redders genoem. Aan die keisers Augustus, Tiberius en Trajanus is ook die titels Weldoener en verlosser van die hele wêreld toegeken. Ons is één met Christus 61

64 Week 3 Notes Ons moet verlossing daarom nie tot iets individueel persoonlik of geestelik verskraal nie. In Maria en die priester Sagaria se lofliedere aan die begin van Lukas se evangelie (1:46-55; 68-79) is die sosiale en politieke ondertone duidelik. Ons sien dit ook wanneer God in die Ou Testament Verlosser genoem word. Wanneer God individue soos Dawid of die Israeliete uit n moeilike situasie help, word Hy Verlosser en/of Redder genoem en as sodanig geëer (Psalm 31:6; Jesaja 41:14). Christus breek alle bande van skande, skuld, sonde en wat ook al ons terughou om voluit te leef. Daarom lê onsself met eerbied en ontsag daarop toe om as losgemaakte mense voluit te lewe (Filippense 2:12). Ons word geroep om mense te help loskom van dit wat hulle terughou én om sisteme wat verslaaf teen te gaan. Toewydingsmoment Maak Psalm 31:6 se woorde jou eie: In U hande gee ek my lewe oor, want, Here, troue God, U het my vrygemaak. Gebed Here, troue God, Dankie dat U my vrygemaak het. Ek waardeer dit dat ek verlos en vry kan wees. Amen. 62 Ons is één met Christus

65 Week 3 Taak Wat sê elkeen van die gedeeltes vir jou? Jesaja 44:21-22; 47:4 en 54:5 1 Tessalonisense 5:9-10 Romeine 3:23-24 en 8:1 Kolossense 1:13-14 Ons is één met Christus 63

66 Week 3 2 Timoteus 1:9-10 Johannes 4:41-42 Toegif Kyk na Jannie du Toit se Gee ons vrede Ons is één met Christus

67 Week 3 Week 3 dag 3 Tema: Ons is dienende mense Ons is één met Christus Teks: Johannes 13:3-5 Jesus het geweet dat die Vader alles in Sy hande gegee het en dat Hy van God gekom het en na God teruggaan. Toe het Hy van die tafel af opgestaan, Sy bokleed uitgetrek en 'n handdoek gevat en om Hom vasgemaak. Daarna het Hy water in 'n wasskottel gegooi en begin om Sy dissipels se voete te was en dit dan af te droog... Wat, sou jy sê, is die kern van Jesus se identiteit? Wat dink jy sou Jesus gesê het as ons vir hom gevra het: Wat is die belangrikste aspek van u identiteit? As ons dit vir Johannes gevra het, sou hy dit wat in Johannes 13:1-17 beskryf word as die kern van Jesus se identiteit uitlig. As jy geweet het jy eet vir die laaste maal saam met jou vriende en jy kan nog net een behoorlike gesprek met hulle hê, wat sou jy beklemtoon? Anders as ons wat dikwels mekaar se koppe was, was Jesus sy dissipels se voete. Om seker te maak dat hulle dit wat hy gedoen het nie verkeerd verstaan nie, sê Jesus: As Ek, wat julle Here en julle Leermeester is, dan julle voete gewas het, behoort julle ook mekaar se voete te was. Ek het vir julle 'n voorbeeld gestel, en soos Ek vir julle gedoen het, moet julle ook doen (Johannes 13:14-15).... soos Ek vir julle gedoen het, moet julle ook doen. Onthou jy eergister se woorde uit Filippense 2:5-8? Blaai gerus terug. Christene is dienende mense. Ons is mense wat bereid is om Ons is één met Christus 65

68 Week 3 dit te doen wat niemand anders wil of uit hulle eie uit of sonder vergoeding! sou doen nie. Ons doen dit wat ander mense hulle slawe namens hulle laat doen. Onthou: n slaaf is nie wat n werknemer binne ons konteks is nie. Jesus het Homself verder verneder. As dienende mense onthou ons Jesus se woorde: Dít verseker Ek julle: n Slaaf is nie belangriker as sy eienaar nie, en n gesant ook nie belangriker as die een wat hom gestuur het nie. Julle weet dit nou; gelukkig is julle as julle dit ook doen (Johannes 13:17). As dienende mense doen ons wat nodig is om aan God se nuwe wêreld gestalte te gee en mense Sy hier-wees en liefde te laat beleef. Toewydingsmoment Wat wil jy hieroor vir God vra of sê? Doen dit. Gebed Here, Dankie dat U my nie forseer om goed te doen nie. Ek wíl graag doen wat mense nodig het om nuut te kan leef. Amen. 66 Ons is één met Christus

69 Week 3 Taak Wat is vir n kop-wasser nodig om n voete-wasser te word? Watter praktiese geleenthede vir dien het jy in jou omgewing? Toegif Kyk na die videoclip by Ons is één met Christus 67

70 Week 3 Notes NOTAS 68 Ons is één met Christus

71 Week 3 Week 3 dag 4 Tema: Ons is ligdraers Ons is één met Christus Teks: Matteus 5:14-16 Julle is die lig vir die wêreld.... Laat julle lig so voor die mense skyn, dat hulle julle goeie werke kan sien en julle Vader wat in die hemel is, verheerlik. Van n bekende Engelse skrywer word vertel dat hy as kind gefassineer was deur die eerste straatligte wat toentertyd in Londen aangebring is. Rondom skemer het munisipale amptenare lanterns wat op pale aangebring is aangesteek. Eendag toe sy ma hom aanhoudend geroep het het hy telkens gesê hy is oppad, maar weggebly. Toe sy ma nie meer wou wag nie is sy na hom toe. Toe sy in die kamer aankom het hy opgewonde haar hand gevat, haar na die venster toe getrek en gesê: Kyk, Mamma... die mans maak gate in die donker! Johannes skryf oor Jesus: In Hom was daar lewe, en die lewe was die lig vir die mense. Die lig skyn in die duisternis, die duisternis kon dit nie uitdoof nie (Johannes 1:4-5). Jesus het as t ware n gat in die donker gemaak wat nooit weer deur duisternis gevul sal kan word nie. Jesus het op n keer vir die mense gesê: Ek is die lig vir die wêreld. Wie My volg, sal nooit in die duisternis lewe nie, maar sal die lig hê wat lewe gee (Johannes 8:12). So het hy hulle genooi om hom te volg en om hulleself as sy mede-ligdraers te beskou. Ons is één met Christus 69

72 Week 3 Hy het ook gesê: Julle is die lig vir die wêreld. Laat julle lig só voor die mense skyn, dat hulle julle goeie werke kan sien en julle Vader wat in die hemel is, verheerlik (Matteus 5:14-16). Nes Jesus dra ons lig in die wêreld in. Ons glo God is lig, en daar is geen duisternis in Hom nie (1 Johannes 1:5). Ons glo Sy Woord is die lamp wat my die weg wys, die lig op my pad (Psalm 119:105). As ligdraers doen en praat ons so dat ons mense help om God en dit wat God doen raak te sien en God te verheerlik. Ons doen en praat so dat ons lig gee vir almal in die huis (Matteus 5:16). Toewydingsmoment Sit n klompie kerse neer en steek een aan. Laat dit brand terwyl jy die teks in jou gedagtes herhaal. Gebed Vader, U is lig. In U is daar geen duisternis nie. Ek wíl in U lig lewe en dit oral weerkaats. Amen. 70 Ons is één met Christus

73 Week 3 Taak Steek die ander kerse met die brandende een aan. Watter gedagtes en gevoelens laat die groter wordende ligglans en die wete dat die kers wat jy gebruik het self niks lig verloor het nie by jou opkom? Notes Toegif Luister na Here Jesus, U skyn oor almal. Sleutel F113 in by Ons is één met Christus 71

74 Week 3 Notes NOTAS 72 Ons is één met Christus

75 Week 3 Week 3 dag 5 Tema: Ons is gestuurde mense Ons is één met Christus Teks: Matteus 20:21-22 Vrede vir julle! sê Hy weer vir hulle. Soos die Vader My gestuur het, stuur Ek julle ook. Nadat Hy dit gesê het, blaas Hy oor hulle en sê: Ontvang die Heilige Gees! Een van die bekendste frases in die Bybel, is seker Jesus se uitnodiging: Kom na my toe, almal wat uitgeput en oorlaai is... (Matteus 11:28). As hierdie frase aan die een kant van n muntstuk aangebring moes word, sou Jesus waarskynlik vra dat daar aan die ander kant geplaas word: Soos die Vader My gestuur het, stuur ek julle ook (Johannes 20:21). Omdat ons as beeld van God ook beeld van Christus is en een is met Hom, is ons nie net gered en geroep nie, maar ter gelyke tyd ook gestuur. Ons almal ken Johannes 3:16, maar weet jy wat in die daaropvolgende vers staan? Dit lui: God het nie Sy Seun na die wêreld toe gestuur om die wêreld te veroordeel nie, maar sodat die wêreld deur Hom gered kan word (Johannes 3:17). Jesus het dikwels die woorde Hom wat my gestuur het gebruik (Markus 9:37; Matteus 10:40; Johannes 4:34). Hy was baie daarvan bewus dat hy deur God gestuur is. Met sy intreepreek oor die teks wat ons as Jesaja 61:1-2 met n deel uit 58:6 ken, betrek Jesus die woorde op Homself: Die Gees van die Here is op My omdat Hy My gesalf het om die Evangelie aan armes te verkondig. Hy het My gestuur om vrylating vir gevangenes uit te Ons is één met Christus 73

76 Week 3 roep en herstel van gesig vir blindes, om onderdruktes in vryheid uit te stuur, om die genadejaar van die Here aan te kondig (Lukas 4:18-19). Dis hiervoor dat ons gestuur word: om Jesus se boodskap van vrede te deel (Lukas 10:5), om mense in Jesus se binnekring te laat tuiskom en hulle lewensreis verder saam met hom te onderneem (Matteus 28:18-19) en om mense se nood prakties te verlig (Matteus 25:31-46). Onthou gerus Jesus se woorde: Julle het My nie uitgekies nie, maar Ek het julle uitgekies en julle aangestel om uit te gaan en vrugte te dra, vrugte wat sal hou (Johannes 15:16). Toewydingsmoment Lees die teks weer totdat iets jou dieper raak as die res daarvan. Herhaal die woorde gered, geroep en gestuur n klompie kere na mekaar. Gebed Vader, Dankie dat U my gered, geroep en gestuur het. Soos Jesaja wil ek antwoord: Hier is ek, Here, stuur my. Amen. 74 Ons is één met Christus

77 Week 3 Taak Hoe beïnvloed Jesus se woorde Aan My is alle mag gegee in die hemel en op die aarde... En onthou: Ek is by julle al die dae tot die voleinding van die wêreld die geloof dat ons gestuurde mense is? Toegif Kyk na Missio Dei. Ons is één met Christus 75

78 Week 3 NOTAS 76 Ons is één met Christus

79 Week 4 Week 4 Ons lewe deur die Gees Bladsy Dag 1: Ons is vrugdraers Dag 2: Ons is deel van Christus se liggaam Dag 3: Ons is begaafde mense Dag 4: Ons is óns-mense Dag 5: Ons is mense wat ons laat lei Ons lewe deur die Gees 77

80 Week 4 78 Ons lewe deur die Gees

81 Week 4 Week 4 dag 1 Tema: Ons is vrugdraers Ons lewe deur die Gees Teks: Galasiërs 5:22-26 Die vrug van die Gees... is liefde, vreugde, vrede, geduld, vriendelikheid, goedhartigheid, getrouheid, nederigheid en selfbeheersing. Het jy al liefde, vreugde of vrede beleef of daarna gesmag? Was jy al ooit geduldig of het jy probeer om geduldig te wees? Of vriendelik? Of goedhartig, getrou of nederig? Kon of wou jy al ooit selfbeheersing toepas? Indien jy Ja op enige van hierdie vrae geantwoord het, het jy n konkrete bewys daarvan dat God as Gees al in jou Sy intrek geneem het en in jou is en in en deur jou werk. Paulus skryf: God het Sy liefde in ons harte uitgestort deur die Heilige Gees wat Hy aan ons gegee het (Romeine 5:5). Dit is God die Heilige Gees wat ons laat liefhê, vreugde ervaar en vrede laat beleef. Om geduldig, vriendelik en goedhartig te wees is resultaat van die Heilige Gees se inwoning en werk in ons. Net soos dit alles, is getrouheid, nederigheid en selfbeheersing die vrug van God se betrokkenheid by ons. Die vrede wat daar deur ons Here Jesus Christus is tussen ons en God, is die vrug van die vryspraak wat ons van God ontvang het (Romeine 5:1). Ons is vrygemaak van die sonde en in diens van God gestel, skryf Paulus en sê: en die vrug daarvan is dat julle geheilig word, en die uiteinde is die ewige lewe (Romeine 6:22). Ons lewe deur die Gees 79

82 Week 4 Ons maak n fout indien ons vra watter van die vrug wat genoem word ons by onsself of iemand anders waarneem en watter nie. Ons maak ook n fout indien ons byvoorbeeld op n skaal van een tot tien wil bereken hoeveel van n bepaalde vrug ons beleef. Al die vrug en nog meer word deur God in ons voortgebring. Ons lewe deur die Gees, skryf Paulus en roep ons op: laat die Gees nou ook ons gedrag bepaal (Galasiërs 5:25). Ons moet n vrugbare lewe lei in diens van God (Romeine 7:4) en met ywer en met vrug ons Here Jesus Christus beter leer ken (2 Petrus 1:8). Die evangelie het ons bereik en sal in die hele wêreld vrug voortbring en verder versprei (Kolossense 1:6). Toewydingsmoment Lees die teks in Galasiërs weer en besin oor die betekenis van die begrippe. Ervaar hoe God die Heilige Gees liefde, vreugde, vrede ensovoorts in jou werk. Gebed Here God, Dankie dat U in my ook vrug dra. Ek wíl liefhê, vreugde en vrede bewerk, geduldig, vriendelik, goedhartig, getrou en nederig wees en selfbeheersing toepas. 80 Amen. Ons lewe deur die Gees

83 Week 4 Taak Hoe kan liefde, vreugde, vrede, en so meer ons wêreld beter maak? Wat meer as dit is nodig om ons wêreld as Koninkryk van God te beleef? Toegif Luister na n toonsetting vir Franciskus se gebed. Ons lewe deur die Gees 81

84 Week 4 NOTAS 82 Ons lewe deur die Gees

85 Week 4 Week 4 dag 2 Tema: Ons is deel van Christus se liggaam Ons lewe deur die Gees Notes Teks: Romeine 12:5 Net so is ons, al is ons baie, in Christus een liggaam, en almal afsonderlik lede van mekaar. As beeld van God en beeld van Christus is ons in Christus een liggaam, en almal afsonderlik lede van mekaar (Romeine 12:5). Omdat ons deur Christus aan God behoort is ons onlosmaaklik aan Christus en aan mekaar verbind. Daar is n verband n verbondenheid tussen God en ons, tussen ons met mekaar, asook tussen God, ons en die gemeenskap. Christus is die hoof van Sy liggaam (Efesiërs 1:18-23; 4:15). Uit Christus groei die hele liggaam, ondersteun deur die gewrigte en saamgebind deur die spiere, soos God dit laat groei (Kolossense 2:18-19). Die verskillende liggaamsdele pas by mekaar en vorm saam n eenheid. Elkeen van hulle vervul sy funksie, en so bou die liggaam homself op in liefde (Efesiërs 4:16). Ons groei in alle opsigte na Christus toe en in die proses ter gelyke tyd ook na mekaar en ander mense toe deur in liefde by die waarheid te bly (Efesiërs 4:15). As lede van Christus se liggaam is ons almal met die een Gees gedoop en van die een Gees deurdrenk. Christus se liggaam is n eenheid en al die lede vorm saam een liggaam. Die liggaam bestaan ook nie net uit een lid nie, maar uit baie. God het die lede, elkeen van hulle afsonderlik, in die liggaam gevoeg soos Hy dit wou hê. Al die lede van die liggaam is belangrik én nodig. Geen lid is belangriker of noodsaakliker as n ander nie (1 Korintiërs 12:12-26). Ons lewe deur die Gees 83

86 Week 4 Notes As deel van Christus se liggaam moet ons gelyke sorg vir mekaar dra (1 Korintiërs 12:25) en moet ons nie van onsself meer dink as wat ons behoort te dink nie (Romeine 12:3). Ons moet ook nie minder van n ander dink of enigeen as minderwaardig beskou of behandel nie, maar menswaardig. Toewydingsmoment Kyk in jou gedagtes van kop tot tone na die liggaam van Christus en sien jouself as deel daarvan. Let op die gedagtes wat by jou opkom en ook jou gevoelens. Gebed Vader, Dankie dat ek deel van Christus se liggaam gemaak is en dat Hy my Hoof is. Ek wíl deel wees en al hoe meer in Christus en die res van Sy liggaam in groei. Amen. 84 Ons lewe deur die Gees

87 Week 4 Taak Kyk na jou eie liggaam en sien dit as n be-liggaam-ing van Christus s n. Waar dink jy pas jy in? Is jy voet, oog, hand of wat? Wat kan jou help om nie te veel van jouself te dink nie? Watter waarde hou ons deel van Christus se liggaam wees vir ons selfbeeld en ons daaglikse optrede in? Ons lewe deur die Gees 85

88 Week 4 Toegif Luister na Song of the Body of Christ NOTAS 86 Ons lewe deur die Gees

89 Week 4 Week 4 dag 3 Tema: Ons is begaafde mense Ons lewe deur die Gees Teks: 1 Korintiërs 12:1-11 Maar al hierdie dinge is die werk van een en dieselfde Gees, wat aan elkeen afsonderlik 'n gawe uitdeel soos Hy wil (vers 11). Om die liggaam van Christus op te bou en dit haar funksie te laat vervul, gee God aan ons genadegawes en take (Efesiërs 4:12; 1 Korintiërs 12:28). Met die gawes wat God gee, rus Hy ons as gelowiges toe om te dien en vir die opbou van die liggaam van Christus. Daardeur sal ons uiteindelik almal kom tot die werklike eenheid in ons geloof en in ons kennis van die Seun van God. Dan sal ons, Sy kerk, soos 'n volgroeide mens wees, so volmaak en volwasse soos Christus (Efesiërs 4:12-13). Net soos wat niemand kan sê: Jesus is die Here nie, behalwe deur die Heilige Gees (1 Korintiërs 12:3), kan ons níks sonder die Gees doen nie. Daarom bring God n verskeidenheid van genadegawes, bedieninge en kragtige werkinge in almal tot stand en gee dit deur dieselfde Gees aan ons tot voordeel van almal (1 Korintiërs 12:4-11). Die lewe is n genadegawe (1 Petrus 3:17) en so ook die Heilige Gees (Handelinge 2:38) en ons geloof (1 Korintiërs 12:9; 2 Korintiërs 4:13). Wat die verskeidenheid van genadegawes, bedieninge en kragtige werkinge aanbetref is daar nie net een afgeslote, onveranderlike groep nie. In gedeeltes soos Romeine 12, 1 Korintiërs 12, Efesiërs 4 en 1 Petrus 4 kry ons n baie goeie idee van watter geskenke God deur Sy Gees aan die vroeë christene gegee het om in verskillende Ons lewe deur die Gees 87

90 Week 4 situasies na die eis daarvan te dien. Dis hierin duidelik dat gawes met vaardighede om te dien en/of take te verrig, asook met persone verbandhou. Van die gawes wat in sogenaamde gawelyste gelys word, is diens, kennis, barmhartigheid, voorbidding, lering, bemoediging, gasvryheid, administrasie en skeppende vaardigheid. In Efesiërs 4:11 lees ons: En dít is die gawes wat Hy gegee het : apostels, profete, evangeliste, en herders en leraars. Ons behoort ooreenkomstig ons gawes te dien en ons moenie die genadegawe wat ons het verwaarloos nie, maar soos n vuur weer aanblaas (1 Timoteus 4:14; 2 Timoteus 1:6). Die grootste gawe bly om lief te hê (1 Korintiërs 13). Onthou: As God eenmaal aan mense sy genadegawes geskenk en hulle geroep het, trek Hy dit nooit weer terug nie (Romeine 11:29). Toewydingsmoment Weet jy wat jou gawe(s) is? Dink na oor jou talente en gawes en hoe jy tans daarmee dien. Deur watter klein aanpassings kan jy meer effektief hiermee wees? Gebed Vader, Dankie dat U aan my gawes geskenk het. 88 Ek wil graag my bediening ontdek en ontwikkel. Amen. Ons lewe deur die Gees

91 Week 4 Taak Vul n Ontdek jou gawes -vraelys in en reflekteer daaroor. D&tabid=309 Toegif Luister na Gee jou hart vir Hillbrow. Ons lewe deur die Gees 89

92 Week 4 Notes NOTAS 90 Ons lewe deur die Gees

93 Week 4 Week 4 dag 4 Tema: Ons is óns-mense Ons lewe deur die Gees Teks: Efesiërs 4:3 Lê julle daarop toe om die eenheid wat die Gees tussen julle gesmee het, te handhaaf deur in vrede met mekaar te lewe. Jesus en Paulus is albei baie ernstig daaroor dat ons ons-mense is. Die eenheid tussen God en Sy kinders en die eenheid tussen gelowiges, sowel as die eenheid tussen gelowiges en ander mense is vir hulle kernbelangrik. As kinders van ons Vader is ons broers en susters van mekaar. Ons is God se familie en behoort aan mekaar. In Sy sogenaamde hoëpriesterlike gebed, bid Jesus: Heilige Vader, bewaar hulle in U Naam, die Naam wat U My gegee het, sodat hulle net soos Ons een kan wees (Johannes 17:11). Hy bring die eenheid tussen gelowiges en God se heerlikheid met mekaar in verband en bid dan: Die heerlikheid wat U My gegee het, het Ek ook aan hulle gegee, sodat hulle een kan wees net soos Ons een is: Ek in hulle en U in My, sodat hulle volkome een kan wees, sodat die wêreld kan weet dat U My gestuur het en hulle liefhet net soos U My liefhet (22-23). Sjoe! Het jy besef dat die eenheid tussen gelowiges volgens Jesus so belangrik is? Volgens Jesus is daar n direkte verband tussen of mense dit sal glo dat ons Vader vir Jesus gestuur het en ons net so liefhet as wat Hy vir Jesus liefhet en ons eenheid! Die eenheid onder gelowiges het te make met die geloofwaardigheid van die evangelie. Paulus voel net so sterk hieroor: Lê julle daarop toe om die eenheid wat die Gees tussen julle gesmee het, te handhaaf deur in vrede met mekaar te lewe. Daar is net één liggaam en net één Ons lewe deur die Gees 91

94 Week 4 Gees, soos daar net één hoop is waartoe God julle geroep het. Daar is net één Here, één geloof, één doop, één God en Vader van almal: Hy wat oor almal is, deur almal werk en in almal woon (Efesiërs 4:3-6). Hy skryf ook: Bo dit alles moet julle mekaar liefhê. Dit is die band wat julle tot volmaakte eenheid saambind. En die vrede wat Christus gee, moet in julle lewens die deurslag gee. God het julle immers geroep om as lede van een liggaam in vrede met mekaar te lewe (Kolossense 3:14-15). Toewydingsmoment Fokus in stilte op hoe ek en ons in ons eenheid op mekaar inspeel. Gebed Vader, Dankie dat U my en ons met Uself één maak. Ek wíl meer in terme van ons as ek, my, myne en myself leef. Amen. 92 Ons lewe deur die Gees

95 Week 4 Taak Watter voordele hou groter eenheid tussen gelowiges vir ons in? Notes Watter aanpassings kan jy maak om meer ons -gerig te funksioneer? Toegif Luister na Maak die Heilige Gees ons almal een Ons lewe deur die Gees 93

96 Week 4 Notes NOTAS 94 Ons lewe deur die Gees

97 Week 4 Week 4 dag 5 Tema: Ons is mense wat ons laat lei Ons lewe deur die Gees Teks: Johannes 16:13 Wanneer Hy kom, die Gees van die waarheid, sal Hy julle in die hele waarheid lei. Dit is deel van ons identiteit dat ons mense is wat ons laat lei. Ons is volgelinge. Ons is navolgers. Jesus is die leier wat God aan sy mense gegee het (Matteus 1:6) en word met goeie rede Leidsman genoem (Handelinge 3:15; 5:31 en Hebreërs 2:10; sien Jesaja 33:22). Julle moet julle nie leiers laat noem nie, het Jesus volgens Matteus gesê, want Een is julle Leier: die Christus (Matteus 23:10). Jesus is ons leier en ons laat ons lei. Paulus sê immers: Almal wat hulle deur die Gees laat lei, is kinders van God (Romeine 8:14). As kinders van God laat ons ons lei deur sy Woord en Gees. Ons het Jesus as ons Voorloperleier: Christus het vir ons n voorbeeld gestel, sodat ons in Sy voetspore kan volg (1 Petrus 2:21). Ons het ook die Heilige Gees om ons te lei (Johannes 14:16; 16:13). Jesus noem Hom die Gees van die waarheid en sê dat die Gees ons in die hele waarheid sal lei. Wat Hy van my ontvang, sal Hy aan julle verkondig (Johannes 16:13-15). My skape luister na my stem, het Jesus van sy volgelinge gesê; Ek ken hulle, en hulle volg My (Johannes 10:27). Ons laat ons lei omdat God in Christus met ons in n verhouding is, nie omdat ons n opdrag of n verpligting daartoe het nie. Ons lewe deur die Gees 95

98 Week 4 Dat gelowiges mense is wat hulle laat lei, sien ons ook in die tekste wat in ons Ou Testament saamgebundel is. Ek laat my deur U liefde lei en ek lewe deur U trou, skryf die psalmis (Psalm 26:3). Nog gebede en versugtinge, soos: Laat u waarheid my lei en onderrig my daarin, Leer my u wil, Here, en lei my op n gelyke pad en Stuur u lig en waarheid, dat dié my lei (Psalms 25:5; 27:11 en 43:3) kom gereeld voor. Net soos ons geloofsvoorsate kan ons glo en vertrou God sal ons altyd lei (Psalm 48:15). As mense wat hulle laat lei, kan ons ook oorvertel: Hy lei my op die regte paaie tot die eer van sy Naam (Psalm 23:3). Toewydingsmoment Besin oor dit wat jy glo ons Here vandag hierdeur vir jou wil sê. Verbind jouself weereens daaraan dat jy deur ons Here gelei wíl word. Gebed Here, Dankie dat U my lei en dat ek Jesus mag navolg. Ek wíl deur U gelei word. Amen. 96 Ons lewe deur die Gees

99 Week 4 Taak Kyk na die videoclip Dancing guy. Wat kan gebeur as ons ons met entoesiasme laat lei eerder as om altyd ander te wil lei? Toegif Luister na I will follow Him Ons lewe deur die Gees 97

100 Week 4 NOTAS 98 Ons lewe deur die Gees

101 Week 5 Week 5 Ons is mense wat luister Bladsy Dag 1: Ons is mense wat luister Dag 2: Ons is mense wat leerbaar is Dag 3: Ons is mense wat vertrou Dag 4: Ons is mense wat deernis het Dag 5: Ons is mense met openheid Ons is mense wat luister 99

102 Week Ons is mense wat luister

103 Week 5 Week 5 dag 1 Tema: Ons is mense wat luister Ons is mense wat luister Teks: Deuteronomium 6:4-5 Luister, Israel, die Here is ons God, Hy is die enigste Here. Daarom moet jy die Here jou God liefhê met hart en siel, met al jou krag. Ons laat ons prakties deur God lei veral deur te luister. Daar is n verskil tussen luister en kyk maar nie sien nie, en hoor maar nie luister en verstaan nie (Matteus 13:13). Die Israeliete se kernbelydenis was die een in Deuteronomium 6:4-5. Daarvolgens lei God mense wat hulle laat lei deur na Hom te luister. Die vrug wat hulle dra is liefde vir Hom in en deur hulle totale menswees. So maak Jesus dit prakties: Maar vir julle wat na My luister, sê Ek: Julle moet julle vyande liefhê; doen goed aan die mense deur wie julle gehaat word; seën die mense deur wie julle vervloek word; bid vir die mense deur wie julle sleg behandel word (Lukas 6:27-28). Vir ons wat ons deur God se Woord en Gees wil laat lei, is dit belangrik om na Jesus se woorde te luister. Markus skryf dat God oor Jesus gesê het: Dit is my geliefde Seun. Luister na Hom (Markus 9:7). n Manier wat baie christene gebruik in hulle soeke na die Here se leiding, is om stil te raak nadat die teks en oor die agtergrond daarvan en kommentaar daaroor gelees is. Jy kan dit doen deur rustig te raak en op jou asemhaling te fokus. Luister daarna na die Ons is mense wat luister 101

104 Week 5 teks deur dit in jou gedagtes te herhaal of let bloot op watter woorde of frases jou duideliker as ander opval. Na n rukkie se stilstaan hierby kan jy met jou inaseming op dit wat jy hoor God vir jou deur die teks gee fokus. Met jou uitaseming fokus jy op dit wat jy vir God wil sê, iets waartoe jy jouself wil verbind of iets wat jy wil gee. Wanneer jy dit saam met ander doen, kan elkeen n beurt kry om te sê wat hulle gehoor het en wat hulle gaan doen. Dis goed om vir ander te vra wat hulle dink oor dit wat ons gehoor het. Ons onderskei God se leiding tog duideliker wanneer ons dit saam met ander, eerder as alleen te doen. Toewydingsmoment Herhaal Deuteronomium 6:4-5 n klompie kere en raak daar rondom stil. Gebed U, Here, is ons God, U is die enigste Here. Ek wíl U liefhê met my hart en siel, en met al my krag. Amen. 102 Ons is mense wat luister

105 Week 5 Taak Watter waarde put jy uit Jesaja 50:4-5? Elke môre laat Hy my opnuut weer luister, Hy laat my luister soos 'n leerling moet luister. Die Here my God het my geleer om te luister. Toegif Luister na die Luisterlied Ons is mense wat luister 103

106 Week 5 NOTAS 104 Ons is mense wat luister

107 Week 5 Week 5 dag 2 Tema: Ons is mense wat leerbaar is Ons is mense wat luister Notes Teks: Matteus 11:28-30 Neem my juk op julle en leer van my. Ons almal ken Jesus se uitnodiging in Matteus 11:28-30: Kom na My toe, almal wat uitgeput en oorlaai is, en Ek sal julle rus gee. Wat n heerlike wete! Jesus nooi ons vir jou, my en elkeen! met n ope uitnodiging om na hom toe te kom. Ons weet dat daar geen dieper rus is as dit wat Jesus gee is nie, want hy is sagmoedig en nederig van hart. Sy juk is sag en Sy las ís lig. Jesus se uitnodiging hou nie daar op nie. Hy gaan voort: Neem my juk op en leer van my. Hy nooi ons op n reis van lewenslange leer. Jesus het mense gereeld op die sabbatdag by sinagoges en ook by die tempel en elders geleer (Lukas 4:31; Johannes 7:14; 8:1-3). Waar ook al Jesus mense geleer het, het mense saamgedrom en was die skare verbaas oor sy onderrig, want Hy het hulle geleer soos n man met gesag en nie soos hulle skrifgeleerdes nie (Matteus 7:28-29; 22:33). Jesus is wyd as n leermeester beskou en ook Goeie Leermeester genoem (Markus 10:17). In die tyd waarin die evangelies wat ons in ons Bybel het geskryf is, het mense na die verskillende leermeesters geluister en dan op n stadium besluit by wie hulle verder wil leer. Toe die dissipels wat dit gevra het vir Jesus gevra het: Here, leer ons bid, soos Johannes ook sy volgelinge geleer het (Lukas 11:1), het die dissipel Hom daardeur tot navolging en n lewenslange leerproses verbind. Ons is mense wat luister 105

108 Week 5 Notes Die inhoud van die Onse Vader -gebed (Lukas 11:2-4; Matteus 6:9-15) is n samevatting van dit wat Jesus mense geleer het. Jesus het teen die einde van Sy bediening n duidelike opdrag gegee: leer hulle om alles te onderhou wat ek julle beveel het (Matteus 28:20). In Spreuke 22:17 kry ons goeie raad: Luister goed, luister wat die wyse mense sê; probeer verstaan wat ek jou wil leer uit wat ek weet. Wanneer ons leerbaar is en n gesindheid van lewenslange leer het ontdek ons algaande die diepte en omvang van ons identiteit. Toewydingsmoment Gesels met God oor jou leerbaarheid. Gebed Here, Dankie dat U my leerbaar maak en my lei deur wat ek leer. Ek wil leerbaar wees en aanhou leer. Amen. 106 Ons is mense wat luister

109 Week 5 Taak Memoriseer Totius se beryming van Psalm 25:4-5 en sing dit gereeld. Leer my, Heer, u regte weë, wys die regte pad my aan; maak my hart daartoe geneë, om met lus daarop te gaan. Wil my deur u waarheid leer, lei my dwalende gedagte; want U is my heil, o Heer! U is ek altyd te wagte (Liedboek 25b:2). Toegif Luister na die Gebed vir Leerbaarheid Ons is mense wat luister 107

110 Week 5 NOTAS 108 Ons is mense wat luister

111 Week 5 Week 5 dag 3 Tema: Ons is mense wat vertrou Ons is mense wat luister Teks: 2 Timoteus 1:12 Ek weet op wie ek vertrou, en ek is daarvan oortuig dat Hy magtig is om wat Hy aan my toevertrou het, tot op die dag dat Hy weer kom, in stand te hou. In n wêreld waar ons nie weet wie ons kan vertrou en wie betroubaar is nie, roep God ons om te vertrou en om betroubaar te wees. Die wêreld het betroubare mense nodig. Indien mense nie kan vertrou nie, sal hulle God ook nie vertrou nie. In Psalm 4:6 word gelowiges aangemoedig: Julle moet op die Here vertrou. Die Spreukeskrywer intensiveer dit: Vertrou volkome op die Here (Spreuke 3:5). Gelowiges word regdeur die Bybel aangemoedig om vertroue in God, Sy woord en beloftes, asook Sy gebooie en bepalings te stel (Psalm 119:42-42 en 66). Dis makliker om te sê dat ons moet vertrou as wat dit in die praktyk is. Kyk wat skryf hierdie psalmis: Waarom is ek so in vertwyfeling en waarom kerm ek so? Vertrou op God! Ja, ek sal weer vir Hom 'n loflied sing. Hy is my helper en my God! (Psalm 42:6-7). Van Jesus is gesê: Hy het op God vertrou (Matteus 27:43) en dat Hy betroubaar was. My Vader het alles aan my toevertrou, het Jesus gesê (Matteus 11:27). Sy vertroue op God en die betroubaarheid van mense was vir Jesus belangrik. Daarom leer hy mense: Wie in die kleinste dinge betroubaar is, is ook in die groot dinge betroubaar; en wie in Ons is mense wat luister 109

112 Week 5 die kleinste dinge oneerlik is, is ook in groot dinge oneerlik (Lukas 16:10). Kyk wat sê hy vir die destydse kerkleiers : Ellende wag vir julle, skrifgeleerdes en Fariseërs, huigelaars! Julle gee tiendes van kruisement, anys en koljander, maar wat volgens die wet van God die swaarste weeg, laat julle na: geregtigheid, barmhartigheid en betroubaarheid. Juis hierdie dinge moet 'n mens doen en die ander nie nalaat nie (Matteus 23:23). Alhoewel Paulus geskryf het: Dit staan vas dat God betroubaar is en elke mens n leuenaar (Romeine 3:4), het hy homself beskou as iemand wat deur die genade van die Here betroubaar is (1 Korintiërs 7:25). Deur God se genade word ook ons mense wat betroubaar is. Toewydingsmoment Besin oor die begrippe geregtigheid, barmhartigheid en betroubaarheid. Gesels met God oor jou eie betroubaarheid. Gebed Here, Dankie dat U betroubaar is en vertrou kan word. 110 Ek wíl betroubaar wees en U en die regte mense vertrou. Amen. Ons is mense wat luister

113 Week 5 Taak Wie is daar in jou lewe wie jy verkeerdelik nie genoeg vertrou nie? Wie is daar wie jy te maklik vertrou? Betroubare mense is eerlik... steel nie... doen die regte ding al is dit ongewild... kul nie Wat nog? Toegif Luister weer na die Luisterlied Ons is mense wat luister 111

114 Week 5 Notes NOTAS 112 Ons is mense wat luister

115 Week 5 Week 5 dag 4 Tema: Ons is mense wat deernis het Ons is mense wat luister Teks: Psalm 145:8 Genadig en barmhartig is die Here, lankmoedig en vol liefde. Die Here is vir almal goed en barmhartig oor alles wat Hy geskep het. Die woord deernis kom slegs eenmaal in die Nuwe Afrikaanse Vertaling van die Bybel voor. Dit is wanneer Elifas vir Job vra: Beteken die troos wat van God kom, vir jou niks, die woorde wat met soveel deernis tot jou gerig is? (Job 15:11). Deernis bewoord hier die vriendskapsverhouding tussen God en mens wat God welwillend en tot die welwese van die mens in beweging laat kom en optree. Tussen mense is dit die omhelsing in totale aanvaarding van mekaar se uniekheid en andersheid, sonder enige veroordeling en wedywering. Begrippe soos genadig, barmhartig, lankmoedig, liefde, goedheid en trou word in tekste in die Ou en Nuwe Testament gebruik om na hierdie eienskappe van God te verwys. Wat vir God saam met geregtigheid en betroubaarheid die swaarste weeg, is geregtigheid (Matteus 23:23). Daarom triomfeer barmhartigheid oor die oordeel (Jakobus 2:13). Ons kan glo God is ryk in barmhartigheid en het ons innig lief (Efesiërs 2:4). Ons word aangemoedig om te bly in die liefde van God en steeds ons verwagting op die barmhartigheid van ons Here Jesus Christus wat die ewige lewe aan ons sal gee te vestig (Judas 21). Kom ons gaan dan met vrymoedigheid na die genadetroon, sê die skrywer van Hebreërs, sodat ons Ons is mense wat luister 113

116 Week 5 barmhartigheid en genade ontvang (Hebreërs 4:16). Wanneer Jesus sê: Wees barmhartig soos julle Vader barmhartig is (Lukas 6:36) vra hy ons om God se deernis in en deur ons gesindheid, woorde en optrede sigbaar, beleefbaar en teenwoordig te maak. Omdat ons beeld van God is, kan ons sê dat dit deel van ons identiteit is dat ons mense is wat deernis het. Ons kan van onsself sê Ek is genadig en barmhartig, lankmoedig, vol liefde en ek is goed vir almal wie my pad kruis. Waar daar liefde is, en deernis, daar is God die Heer. Toewydingsmoment Probeer om die deernis wat God vir jou het te beleef. Gesels met God oor jou gesindheid en optrede teenoor mense wat anders as jy is. Doen jy dit sonder enige veroordeling en wedywering? Gebed Liefdevolle Vader, Dankie dat U my aanvaar sonder enige voorbehoud of verwagting. Ek wil deernis in al my verhoudinge uitleef. Amen. 114 Ons is mense wat luister

117 Week 5 Taak Wat is vir ons nodig om 'n sagte hart en deernis te ontwikkel? Notes Besin oor n klompie gedagtes as dade van deernis: Betaal die tolgeld van die motor agter jou. Gee n kompliment aan iemand wat dit nie verwag nie. Vra iemand vir wie jy nog nie iets gedoen het nie opreg wat jy vir hom/haar kan doen. Toegif Luister weer na die Luisterlied Ons is mense wat luister 115

118 Week 5 Notes NOTAS 116 Ons is mense wat luister

119 Week 5 Week 5 dag 5 Tema: Ons is mense met openheid Ons is mense wat luister Teks: Romeine 12:2 Julle moenie aan hierdie sondige wêreld gelyk word nie, maar laat God julle verander deur julle denke te vernuwe. Dan sal julle ook kan onderskei wat die wil van God is, wat vir Hom goed en aanneemlik en volmaak is. In die laaste strofe van die Luisterlied bid ons singend: Gee my, o Here, openheid; Gee my n oor vir die soekstem van ons tyd. God verander ons deur ons denkraamwerke en ons maniere van dink te verander (Romeine 12:2). God maak ons algaande al hoe meer oopkop. God lei ons tot groter openheid en omdat ons ons deur God laat lei, benader ons God, mense, die lewe en gebeure met groter openheid. As mense met openheid behoort ons openheid, verandering en die oorsteek van grense te verwelkom en te omhels. In die vertelling oor Jona en die mense in Nineve word dít bevestig. Alhoewel baie mense God as onveranderlik beskou het, sê die koning: Miskien sal God van plan verander en nie meer kwaad wees nie. Dan sal ons nie omkom nie (Jona 3:9). Wat gebeur dan? Ons lees net daarna: Toe God sien wat hulle doen, en hoe hulle hulle bekeer van hulle verkeerde dade, het Hy afgesien van die ramp wat Hy gesê het Hy oor hulle sal bring. Hy het nie die ramp gestuur nie. En Jona se rede vir sy teensinnigheid? Ek het geweet U is 'n genadige en barmhartige God, lankmoedig en vol liefde. U sien maklik af van die straf wat U aangekondig het (Jona 4:2). Ons is mense wat luister 117

120 Week 5 Met Petrus wat wat nie onrein kos wou eet nie het dit die Here as t ware drie keer se praat gekos om hom tot groter openheid en nuwe insigte te bring (Handelinge 10:9-23). Wanneer ons in gemeenskap, diens en versorging na ander mense uitreik en bereid is om kulturele, etiese, etniese, ekonomiese en ander grense oor te steek, groei mense nader aan mekaar en gee dit sin en betekenis aan ander en ons eie lewe. Toewydingsmoment Laat die gebeure in die vertellings oor Jona en Petrus n paar maal in jou gedagtes afspeel. Probeer hulle gedagtes en emosies beleef. Gesels met ons Vader oor jou openheid. Gebed Here God, Dankie dat U betroubaar is en deernis het. Dankie dat U Uself vir ons oopstel en openheid en leerbaarheid by ons kweek. Ek wíl myself meer oopstel vir U en groter openheid ontwikkel. Amen. 118 Ons is mense wat luister

121 Week 5 Taak Watter gedagtes en gevoelens ontwikkel jy wanneer jy vandag se teks en Daniël 2:20-21 lees? Mag die Naam van God altyd geprys word, Hy aan wie die wysheid en die mag behoort, Hy wat tye en omstandighede verander. Hoe kan ons mekaar help om te groei in openheid? Toegif Sing die Luisterlied. Ons is mense wat luister 119

122 Week 5 NOTAS 120 Ons is mense wat luister

123 Week 6 Week 6 Ons is mense wat in God tot rus kom Bladsy Dag 1: Ons is mense wat in God tot rus kom Dag 2: Ons is mense wat gasvry is Dag 3: Ons is mense wat gee Dag 4: Ons is mense met visie Dag 5: Ons is mense wat impak maak Ons is mense wat in God tot rus kom 121 Identitiet (wie is ek?)

124 Week Ons is mense wat in God tot rus kom

125 Week 6 Week 6 dag 1 Tema: Ons is mense wat in God tot rus kom Ons is mense wat in God tot rus kom Teks: Psalm 131 Ek het rus en kalmte gevind. Om tot rus te kom en kalmte te vind is een van die diepste behoeftes wat mense het. Rustigheid en kalmte is egter nie net n behoefte nie, maar ook n roeping. Laat dit vir julle 'n saak van eer wees om rustig te lewe..., skryf Paulus aan die gemeente in Tessalonika (1 Tessalonisense 4:11). Aan Timoteus skryf hy en sê dat daar vir alle mense veral die wat regeer en gesag uitoefen gebid moet word sodat ons 'n rustige en stil lewe kan lei in volkome toewyding aan God en in alle eerbaarheid (1 Timoteus 2:2). Ook die psalmis skryf: Bid dat Jerusalem vrede mag hê, dat hulle wat hom liefhet, rustig mag woon (Psalm 122:6; sien ook Jeremia 29:4-7). Oor hoe om rus te vind, kry ons goeie raad in Psalm 37:3-5: Vertrou liewer op die Here en doen wat goed is, woon en werk rustig voort. Vind jou vreugde in die Here, en Hy sal jou gee wat jou hart begeer. Laat jou lewe aan die Here oor en vertrou op Hom; Hy sal sorg. Dieselfde geld van Psalm 131: Selfverheffing en hoogmoed is daar nie by my nie, Here. Ek maak my nie besorg oor groot dinge nie, dinge wat bo my vermoë is. Ek het rus en kalmte gevind. Soos 'n kindjie wat by sy moeder tevredenheid gevind het, so het ek tevredenheid gevind. Wag op die Here, Israel, nou en vir altyd. Ons is mense wat in God tot rus kom 123 Identitiet (wie is ek?)

126 Week 6 Vir die Tessalonisense skryf Paulus in verband met sy woorde hierbo dat hulle hulle met hulle eie sake moet besig hou en om self in hulle lewensonderhoud te voorsien (1 Tessalonisense 4:11). Die Here Self gee aan ons wat nodig is: Die Here is my herder, ek kom niks kort nie. Hy laat my rus in groen weivelde. Hy bring my by waters waar daar vrede is. Hy gee my nuwe krag (Psalm 23:1-3). Daarom nooi Jesus ons: Kom na My toe, almal wat uitgeput en oorlaai is, en Ek sal julle rus gee. Neem my juk op julle en leer van My, want Ek is sagmoedig en nederig van hart, en julle sal rus kry vir julle gemoed. My juk is sag en my las is lig (Matteus 11:28-30). Toewydingsmoment Beleef hoedat jy in God tot rus kom en kalmte vind. Gebed Here, Dankie dat U tot rus roep. Dankie dat U my in U tot rus laat kom. Ek wíl by U rus en kalmte vind. 124 Amen. Ons is mense wat in God tot rus kom

127 Week 6 Taak Maak uit die teksgedeeltes hierbo n lysie van dinge wat ons prakties kan doen op ons weg na n rustige en kalm lewe. Toegif Luister na Juanita du Plessis se Kom na My toe Ons is mense wat in God tot rus kom 125 Identitiet (wie is ek?)

128 Week 6 NOTAS 126 Ons is mense wat in God tot rus kom

129 Week 6 Week 6 dag 2 Tema: Ons is mense wat gasvry is Ons is mense wat in God tot rus kom Notes Teks: Romeine 12:13 Help die medegelowiges in hulle nood en lê julle toe op gasvryheid. Ons kom in God tot rus omdat God gasvry is. Een van die sterkste aspekte van ons identiteit en waarin ander ons beeld van Godwees waarskynlik sal beleef is dat ons mense is wat gasvry is. Aan die begin van Psalm 23 lees ons dat God na mense omsien soos n herder na skape. Hy versorg ons, beskerm ons en voorsien in alles wat vir die lewe nodig is. By God is ons veilig. In die laaste twee verse van die psalm word God as n gasvrye Gasheer geskets. Wanneer ons in God tuiskom is dit asof ons by n feesmaal aansit, as eregaste behandel word en met hartlikheid oorlaai word (vers 5). God se goedheid en liefde maak dit moontlik om tot in lengte van dae by Hom tuis te wees (vers 6). As mense wat gasvry is skep ons soos God vir ander mense n veilige ruimte waarin hulle kan tuiskom en hulleself kan wees. Die kern van gasvryheid is om nie op onsself nie, maar op ander mense en hulle behoeftes ingestel te wees. Omdat ons as t ware God se gesig in die wêreld is en mense God in ons gedrag en die manier waarop ons hulle behandel raaksien of nie sien nie bepaal die mense wat ons pad kruis se behoeftes ons agendas. Alhoewel gasvryheid as een van die Gees se gawes aan ons gelys word, is dit nie n gawe wat net sommige christene van God ontvang nie. Alle gelowiges word in die Bybel opgeroep om hierdie aspek van ons identiteit nie af te skeep nie. Wees gasvry teenoor mekaar Ons is mense wat in God tot rus kom 127 Identitiet (wie is ek?)

130 Week 6 Notes... skryf Petrus (1 Petrus 4:9). Ook die skrywer van die Hebreërboek sê: Moenie nalaat om gasvry te wees nie en kort daarna Moenie nalaat om goed te doen en mededeelsaam te wees nie, want dit is die offers wat vir God aanneemlik is (Hebreërs 13:2 en 16). Om gasvry te wees gaan oor meer as om medegelowiges in hulle nood by te staan. Kyk wat skryf Paulus daarmee saam: Seën julle vervolgers, ja, seën hulle (Romeine 12:13-14). Gasvryheid maak ons sensitief teenoor ander mense. Toewydingsmoment Dink aan God as gasvry en hoe God al gasvry teenoor jou was en tans is. Gebed Here, Dankie dat U my rig, krag en leiding gee. Dankie dat U vir my sorg en my versorg. Ek wil graag gasvry wees. Amen. 128 Ons is mense wat in God tot rus kom

131 Week 6 Taak In Matteus 25:34-45 en 1 Timoteus 5:10 word n aantal dinge genoem wat as dade van gasvryheid beskryf kan word. Maak in jou eie woorde n lys daarvan. Wat kan ons hierby voeg? Toegif Luister na Don Francisco se The Steeple Song. Ons is mense wat in God tot rus kom 129 Identitiet (wie is ek?)

132 Week 6 NOTAS 130 Ons is mense wat in God tot rus kom

133 Week 6 Week 6 dag 3 Tema: Ons is mense wat gee Ons is mense wat in God tot rus kom Teks: Romeine 12:1 Gee julleself aan God as lewende en heilige offers wat vir Hom aanneemlik is. Dit is die wesenlike van die godsdiens wat julle moet beoefen. Om gasvry te wees is dikwels baie moeilik. Dit is so omdat gasvryheid iets van ons vra. Gasvry wees vra van ons om te gee. Ons gee van ons tyd. Ons gee ook van ons middele. Gasvryheid wat uit die diepte van ons identiteit as beeld van God spruit is meer as dit. Mense wat gasvry is, is mense wat gee. Paulus wat geweet het dat ons aan God eerbied verskuldig is (Psalm 5:8) het geskryf: Julle moet niemand iets verskuldig wees nie, behalwe om mekaar lief te hê (Romeine 13:8). Ook die skrywer aan die Hebreërs het geweet dat die Here nie diere- of graanoffers of enige ander offers wil hê nie (Hebreërs 10:5). Paulus skryf aan Titus dat Christus Jesus Homself vir ons as offer gegee het om ons van alle ongeregtigheid vry te maak en ons van sonde te reinig, sodat ons Sy eie volk kan wees wat ywerig is om die goeie te doen (2:14). Alhoewel Paulus nie bedoel het dat God nie wou hê dat enige verdere diere offers gegee moes word nie, praat hy in n taal waaraan sy lesers gewoond is wanneer hy skryf dat ons onsself as lewende en heilige offers aan God moet gee (Romeine 12:2; sien ook Hebreërs 10:17-18 hieroor). Hy sinspeel op Jesus se sterwe en dood wanneer hy sê dat ons onsself as lewende offers moet gee. Ons is mense wat in God tot rus kom 131 Identitiet (wie is ek?)

134 Week 6 Jesus sou dit nie van ons vra nie en God sal ook nooit van ons wil hê dat ons vir Hom moet sterf nie. Jesus het gesê dat hy gekom het dat ons die lewe kan hê, en dit in oorvloed (Johannes 10:10). Paulus het ook immers geskryf: stel julle in diens van God as mense wat dood was maar lewend gemaak is, en stel elke deel van julle liggame in diens van God as werktuig om te doen wat God wil (Romeine 6:13). Omdat ons as beeld van Christus in Christus is gee ons onsself deur te lewe en goeie dinge te doen. Toewydingsmoment Let op die tekste hierbo wat ons help om in God tot rus te kom. Herhaal dit n paar maal. Gebed Here, Dankie dat U alles gee wat nodig is om te lewe en om goed te doen. Ek gee myself opnuut aan U en wíl myself volledig aan u diens gee. Amen. 132 Ons is mense wat in God tot rus kom

135 Week 6 Taak Lees Hebreërs 13: Wat sê dit in aansluiting by Romeine 12:1 oor ons identiteit as mense wat gee? Hoe en wat kan ons vandag gee? Toegif Luister na Elvis Blue se weergawe van Gee jou hart vir Hillbrow. Ons is mense wat in God tot rus kom 133 Identitiet (wie is ek?)

136 Week 6 Notes NOTAS 134 Ons is mense wat in God tot rus kom

137 Week 6 Week 6 dag 4 Tema: Ons is mense met visie Ons is mense wat in God tot rus kom Teks: Openbaring 21:1-6 Toe het ek 'n nuwe hemel en 'n nuwe aarde gesien. In verband met ons geloof is visie die duidelike prentjie wat ons in ons gedagtes sien van die toekomstige situasie wat God vir ons en ons omstandighede in gedagte het nog voordat dit finaal werklikheid word. Alhoewel die woord visie nêrens in die Bybel voorkom nie, het omtrent alles daarin met visie te doen. Die Bybel is vir ons die eerste plek om te kyk as ons vra wat God se visie is. Die woorde sien en visie nes visioen word van die Latynse woord visio herlei. Dit wat God mense van wie ons in die Bybel lees wys en laat sien (byvoorbeeld Genesis 13:14-18 en Openbaring 1:1-2) kan met visie in verband gebring word. Visie is as t ware die venster waardeur ons na God se toekoms kyk. Natuurlik kyk ons nie net nie. Ons verbind onsself daaraan en begin daarheen toe beweeg en werk. Dís wat Abraham, Moses, Dawid, Nehemia, Esra en nog baie ander gedoen het. Dít wat ons visualiseer wanneer ons oor God en sy Koninkryk en wil, ons wêreld en ons omstandighede en toekoms droom, besin en verlang, is ons visie. Ons kan dit ook ons geloof noem. Geloof is tog om met visie te leef. Wanneer iemand jou sou vra wat jy visualiseer terwyl jy oor God en geloof praat of dink, of bid of sing, en jy daaroor begin gesels, praat jy oor jou visie. Ons is mense wat in God tot rus kom 135 Identitiet (wie is ek?)

138 Week 6 n Deel van ons identiteit is om met visie te leef. Omdat ons beeld van God is, is dit ons uitdaging om ons eie visie al hoe meer met God s n in ooreenstemming te bring. Daarom is dit ons voortdurende uitdaging om te vra na wat God wil hê ons in die Bybel, geloofsbelydenisse, vertellings of tradisies uit ons geskiedenis en van mense rondom ons, asook ons eie insigte en belewenisse, moet sien. Hoe groter ons gedeelde visie is en hoe sterker ons daarop inkoop, hoe meer effektief kan ons daaraan werk om dit te laat realiseer. Kyk wat wys God in Openbaring 21:1-4: n nuwe hemel en n nuwe aarde, n wêreld sonder boosheid, dood, leed, smart en pyn en God wat bý ons is en ons trane afdroog. Dís waarheen ons visie ons laat werk. Toewydingsmoment Visualiseer dit wat jy gelees het en jou gedagtes en gevoelens hieroor. Gebed Here, Dankie dat U U visie vir U skepping met ons deel. Ek wil my visie op U en U wil instel. Amen. 136 Ons is mense wat in God tot rus kom

139 Week 6 Taak Skryf, teken n prentjie of maak n visuele voorstelling van wat jy sien wanneer jy oor God, geloof en ons pad saam die toekoms in visualiseer. Notes Toegif Luister na I Believe Ons is mense wat in God tot rus kom 137 Identitiet (wie is ek?)

140 Week 6 Notes NOTAS 138 Ons is mense wat in God tot rus kom

141 Week 6 Week 6 dag 5 Tema: Ons is mense wat impak maak Ons is mense wat in God tot rus kom Teks: Johannes 19:30 Dit is volbring! Dit wat Jesus gedoen het en dit wat met hom gebeur het het n onbeskryfbare impak op alles gemaak. Die impak het n uitkringende rimpeleffek gehad wat vandag nog mense se lewens, lewenshoudings en optrede beïnvloed. In Jesus het God se Koninkryk nie net naby gekom nie (Markus 1:15), maar het God se vrede in ons wêreld gerealiseer (Romeine 5:1; Johannes 14:27). Wat Jesus gedoen het, het hy nie vir Homself gedoen nie, maar om God wat hom gestuur het se wil te doen, en om sy werk te voltooi (Johannes 4:34; 5:36). Toe Jesus aan die kruis gehang het, het hy geweet dat hy alles wat hy moes doen gedoen het en afgehandel het (Johannes 19:28). Daarom kon sy laaste woorde voordat hy gesterf het wees: Dit is volbring! (Johannes 19:30). Christus het n ewige verlossing tot stand gebring (Hebreërs 9:12). God het ons saam met Christus lewend gemaak deurdat Hy ons al ons sondes vergewe het en ons skuld vir goed weggeneem (Kolossense 2:13-14). Ons is weergebore, nie uit verganklike saad nie, maar uit onverganklike saad: die lewende en ewige woord van God (1 Petrus 1:23). Ons kan ook weet dat ons klaar uit die dood na die lewe oorgegaan het (1 Johannes 3:14) en vrye toegang tot die Vader het (Efesiërs 2:18). Daar is níks wat gedoen moet word om God se koninkryk nog nader te laat kom of nog vrede of enigiets anders te bewerk nie. Daarom Ons is mense wat in God tot rus kom 139 Identitiet (wie is ek?)

142 Week 6 skryf Petrus: Juis daarom moet julle alle ywer aan die dag lê om by julle geloof uitnemendheid te voeg, by uitnemendheid, insig, by insig, selfbeheersing, by selfbeheersing, volharding, by volharding, 'n toegewyde lewe, by 'n toegewyde lewe, broederliefde, en by broederliefde, liefde vir alle mense (2 Petrus 1:5-7). In God se wêreld is dinge nie van mense afhanklik nie, maar van God. Dís wat Jesus met die gelykenis van die saaier vertel (Markus 4:1-8). Terwyl die werkers slaap, groei die saad van die koninkryk vanself deur die groei wat God gee. In God se koninkryk gaan dit nie om die een wat plant of die een wat natgooi nie, maar om God wat laat groei (1 Korintiërs 3:6-7). Mense wat n impak maak is mense wat in God tot rus kom en as t ware in die uitkringende golwe van God se aktiwiteit opgeneem word. Toewydingsmoment Verbeeld dit vir jouself hoedat jy in God se voortbeweeg opgeneem word. Gebed Vader, Dankie dat U in en deur Jesus alles wat nodig is gedoen het. Ek wíl graag in U rus en n impak maak. Amen. 140 Ons is mense wat in God tot rus kom

143 Week 6 Taak Watter gedagtes en gevoelens wek 2 Petrus 1:5-7 by jou? Toegif Luister na You raise me up deur Celtic Woman. Ons is mense wat in God tot rus kom 141 Identitiet (wie is ek?)

144 Week 6 NOTAS 142 Ons is mense wat in God tot rus kom

145 Week 7 Week 7 Ons is dissipels Bladsy Dag 1: Ons is mense wat geestelike dissipline beoefen Dag 2: Ons is mense wat bid Dag 3: Ons is mense wat glo Dag 4: Ons is mense wat groei Dag 5: Ons is mense wat leiding neem Ons is dissipels 143

146 Week Ons is dissipels

147 Week 7 Week 7 dag 1 Tema: Ons is mense wat geestelike dissipline beoefen Ons is dissipels Teks: 1 Timoteus 4:7-8 Oefen jou liewer om in toewyding aan God te lewe. Om jou liggaam te oefen, het wel n bietjie waarde, maar om in toewyding aan God te lewe, het in alle opsigte groot waarde. Een van die redes waarom ons vir die regering bid, is sodat ons n rustige en stil lewe kan lei in volkome toewyding aan God (1 Timoteus 2:2). n Werklik eerbare lewe in n wêreld waarin alles rondom die waardes van eer en skande gegaan het soos destyds toe die teks geskryf is was om in volkome toewyding aan God te lewe. Ons het by elke dagstukkie n Toewydingsmoment en n gebed daarmee saam. Die rede daarvoor is onder andere om stil te raak, geleentheid te gee dat dit wat ons gelees het eers n bietjie kan insak en om te bid voordat ons verder gaan. Dís n stukkie inoefening. n Dissipline. Ons leef in n wêreld waarin alles nie rondom ons eer of skande wentel nie, maar rondom geld draai. Tyd is geld. Ons weet tog dat as jy nie geld het nie jy nie kan koop nie. Dis een van die redes waarom baie mense glo dat daar n reglynige verband tussen n toegewyde lewe en finansiële welvaart is. Hoe meer welvarend, gesond, mooi en gelukkig iemand is, sê hulle, hoe meer geseënd deur God is die persoon. God wil nie hê dat ons swaarkry nie, sê hulle. Ons is dissipels 145

148 Week 7 Swaarkry, weet ons egter soos Paulus skryf kweek volharding, en volharding kweek egtheid van geloof, en egtheid van geloof kweek hoop; en dié hoop beskaam nie, want God het sy liefde in ons harte uitgestort deur die Heilige Gees wat Hy aan ons gegee het (Romeine 3-6). Om God werklik te ken, skryf Paulus, vra dat ons weet watter hoop sy roeping inhou, en... hoe geweldig groot sy krag is wat Hy uitoefen in ons wat glo (Efesiërs 1:15-20). Waarvoor ons onsself inoefen het duidelik nie met geld en voorspoed te make het nie, maar met die ken van en toewyding aan God. Hoe oefen ons om in toewyding aan God te leef? Deur te glo, te hoop en lief te hê (1 Korintiërs 13:13). Om lief te hê kom nie vanself nie. Dit verg inoefening. God is liefde. As beeld van God is ons mense wat geestelike dissiplines inoefen waarin liefde lê. Ons let hierdie week hierop. Toewydingsmoment Laat dit wat jou opgeval het insink. Fokus dan op jou gedagtes en belewing rondom die woorde God en toewyding. Gebed Here, Dankie dat U u alles gegee het. Ek wíl aan U toegewy aan U leef. 146 Amen. Ons is dissipels

149 Week 7 Taak Besin oor elke begrip in 2 Petrus 1:5-7. Toegif Luister na Jannie du Toit se Die liefde -I3a7JRRNW6e0JtR73gZ4l Ons is dissipels 147

150 Week 7 NOTAS 148 Ons is dissipels

151 Week 7 Week 7 dag 2 Tema: Ons is mense wat bid Ons is dissipels Notes Teks: Matteus 9:6 Só moet julle bid: Ons Vader... Wat doen jy wanneer jy bid?, het n joernalis eenmaal vir n geestelike leier gevra. Ek sit en luister, was die antwoord. En God? Wat doen God?, vra die joernalis daarop in. God luister, antwoord hy toe. Daar word baie oor gebed gepraat en geskryf. Omdat gebed met die verhouding tussen God en ons, ons en onsself en ons en ander te make het, sal gelowiges se bedoeling met gebed en ons manier van bid verskil. Daar is ook verskil tussen private gebed, in die openbaar bid en saam met medegelowiges bid. Hoe en wanneer ons elkeen bid verander ook met die verloop van tyd. Jesus het geleer dat ons: Ons Vader... (Matteus 6:9) moet bid. Gebed gaan nie net oor my en God en God en my nie, maar veral oor God en ons en ons en God. Meer nog: gebed gaan oor dit wat tussen mense en hulle omgewing en onder ons gebeur. Ons en Vader bring mee dat gebed seker die mees intieme en intense ruimte is wat daar is. Dis waar God en ons gefokus ontmoet. Dis waar God so na ons luister en so met ons praat en ons met en na God dat ons werklikwaar nie kan onderskei of dit God of ons was wat aan die woord of aan t luister was nie. Dis waar ons werk, speel of diens lewer. Dis wanneer ons sing en as ons sug. Dis waar ons onsself leer ken. Gebed is om naby God te leef. Om so te leef dat God en God se beeld na aan mekaar is. Ons is dissipels 149

152 Week 7 Notes Kyk wat skryf Paulus: Die Gees staan ons ook in ons swakheid by: ons weet nie wat en hoe ons behoort te bid nie, maar die Gees self pleit vir ons met versugtinge wat nie met woorde gesê word nie. En God, wat die harte deurgrond, weet wat die bedoeling van die Gees is, want Hy pleit, volgens die wil van God, vir die gelowiges (Romeine 8:26-27). Net daarna skryf hy ook Christus Jesus sit aan die regterhand van God, hy pleit vir ons (Romeine 8:34). Het jy dít besef? Ons kan daarom aanhou vra soos wat die dissipel gevra het: Here, leer ons bid... (Lukas 11:1). Bou jou lewe op jou geloof, terwyl julle deur die Heilige Gees bid (Judas 1:20). Toewydingsmoment Wees vir n ruk lank stil. Gebed Ons Vader, Dankie dat U ons U beeld laat wees. Dankie dat U n veilige ruimte bied. Ek wíl uit U, deur U en tot U leef. Amen. 150 Ons is dissipels

153 Week 7 Taak Skryf vir jouself n kort omskrywing van gebed neer. Hoe het jou eie gebedslewe oor die jare verander? Toegif Luister na The Prayer Ons is dissipels 151

154 Week 7 NOTAS 152 Ons is dissipels

155 Week 7 Week 7 dag 3 Tema: Ons is mense wat glo Ons is dissipels Teks: Johannes 20:29 Toe sê Jesus vir hom: Glo jy nou omdat jy My sien? Gelukkig is dié wat nie gesien het nie en tog glo. In Hebreërs 11:1 staan: Om te glo is om seker te wees van die dinge wat ons hoop, om oortuig te wees van die dinge wat ons nie sien nie. Wanneer ons die hele Hebreërs 11 lees, sien ons gou-gou dat geloof oor veel meer gaan as seker wees en/of oortuig wees, of te wel sekerheid en/of bewyse van dinge wat ons nie gesien het nie. Ons sien vanaf vers vier heelwat invalshoeke op die redes waarom daar oor die mense van die ou tyd en hulle geloof met soveel lof getuig is (vers 2). Om te glo was vir húlle om uit te sien na die stad wat vaste fondamente het en waarvan God self die ontwerper en bouer is (11:10); om die belofte uit die verte te sien en daaroor te juig (11:13); om te verlang na n beter, hemelse vaderland (11:16); om regeerders se ongeregtigheid teen te gaan (11:23); om te volhard soos iemand wat die onsienlike God sien (11:27); en om vreemdelinge vriendelik te ontvang (11:31). Geloof is dus veel meer as n sekerheid of oortuigings wat met bewyse van dinge wat ons nie kan sien nie verbandhou. Geloof kan beter beskryf word as n weg wat ons betree en waarop ons al met die reis langs groei in ons begrip en toewyding. Ons is dissipels 153

156 Week 7 In die Ou en Nuwe Testament hou geloof baie sterk verband met die verhouding tussen God en mense. Vandaar die klem op die versoening tussen God deur Christus met ons (byvoorbeeld 2 Korintiërs 5). Ons glo as t ware letterlik al dieper in God in. In Latyn wat deur die Romeine as regs- en administratiewe taal gebruik is hou om te glo meer met geloofwaardigheid en daarom stellings wat as waar of vals bewys kan word verband. Geloof egter gaan veel meer oor die hoop wat in ons lewe (1 Petrus 3:15) as oor stellings oor die inhoud van dit wat ons glo. Geloof is ten diepste n geskenk van God aan ons (Matteus 11:27; Johannes 15:16). Dis ook n reaksie, of n antwoord deur ons (Markus 1:15; 1 Petrus 1:9). Ons moet vir onsself onderskei tussen die redes waarom ons glo byvoorbeeld omdat ons wíl glo, of omdat dit ons help om te cope en die inhoud (die wat ) van ons geloof, soos byvoorbeeld dat ons glo dat God geskep het. Toewydingsmoment Reflekteer op jou eie geloofslewe. Gebed Here, Dankie dat U ook in my geloof gewek het. Ek wil elke dag gelowig leef. Amen. 154 Ons is dissipels

157 Week 7 Taak Wat sê Johannes 20:29 en Filippense 1:6 oor geloof? Toegif Luister na Pelgrimsgebed Ons is dissipels 155

158 Week 7 Notes NOTAS 156 Ons is dissipels

159 Week 7 Week 7 dag 4 Tema: Ons is mense wat groei Ons is dissipels Teks: 2 Korintiërs 13:9 Ons bid ook vir julle geestelike volwassenheid. Ouers droom dat hulle kinders grootword en dat hulle as volwassenes sal floreer. Daarom gee hulle vir hulle kinders dit wat hulle nodig het om deur verskillende lewensfases te groei en vaardighede aan te leer. Ouers gee vir hulle kinders meer as net klere om aan te trek, kos om te eet, sakgeld en opvoeding. Hulle gee vir hulle die toerusting om die storms op die oseaan van die lewe te hanteer. God gee vir ons álles wat ons vir ons lewensreis as gelowiges nodig het. Petrus skryf: Sy Goddelike krag het ons alles geskenk wat ons nodig het om te lewe en Hom te dien en Hy het ons die kosbaarste en allergrootste gawes geskenk wat Hy belowe het (2 Petrus 1:3-4). Die Heilige Gees is die waarborg dat ons ook verder sal ontvang wat God belowe het (Efesiërs 1:14). Jesus is die Begin en Voleinder van die geloof (Hebreërs 12:2). Ons ganse lewens- en geloofsreis van voor die wieg tot na die graf en ons pendel tussen eina en amen word deur God omspan. God is die Alfa en die Omega, die Eerste en die Laaste, die Begin en die Einde (Openbaring 22:13), nie net van ons lewens en geloof nie, maar van alles. Net soos wat Jesus liggaamlik en verstandelik gegroei het (Lukas 2:55) groei ons ook deur verskeie lewensfases tot volwassenheid. Die ideaal is dat ons geloof en ons psigiese en intellektuele ontwikkeling saam deur die verskillende fases ontwikkel. Ons is dissipels 157

160 Week 7 Na ons baba- en kleuterjare, groei ons deur ons kinder- en tienerjare tot jong volwassenheid. Gedurende hierdie jare is die uitdaging vir ons om te leer hoop, selfstandigheid en n eie wil te ontwikkel en lewensdoel en bekwaamheid te ontwikkel, n eie identiteit te vind en om liefde gee en te ontvang. Hierna, deur ons middeljare en latere volwassenheid heen, groei ons deur betrokkenheid, dienslewering en ondersteuning van ander om integriteit aan te kweek en in wysheid te groei. Ons struikel almal in baie opsigte (Jakobus 3:2), maar ons leer algaande om staande te bly totdat ons geestelik volwasse en in alles volkome gehoorsaam aan die wil van God sal wees (Kolossense 4:12-13). Laat ons net nooit so dwaas wees om te vergeet dat ons met die Gees begin het en dan probeer om in eie krag te probeer eindig nie (Galasiërs 3:3). Toewydingsmoment Dink na oor hoe gebalanseerd jy ontwikkel. Gesels met God daaroor. Gebed Vader, Dankie dat U van voor my geboorte tot na my dood met my n pad stap. Ek wíl in alle aspekte van my lewe ontwikkel. 158 Amen. Ons is dissipels

161 Week 7 Taak Skryf n aantal doelwitte vir jouself neer. Notes Toegif Kyk na n videoclip oor ontwikkeling in geloof Ons is dissipels 159

162 Week 7 Notes NOTAS 160 Ons is dissipels

163 Week 7 Week 7 dag 5 Tema: Ons is mense wat leiding neem Ons is dissipels Teks: 1 Petrus 2:21 Christus het vir ons n voorbeeld gestel, sodat ons in Sy voetspore kan volg. Ons het vroeër gelees dat Jesus volgens Matteus 23:10 gesê het Julle moet julle nie leiers laat noem nie, want Een is julle Leier: die Christus. Jssus is ons leier en ons laat ons lei, het ons gesê. Ons het ook ontdek: Almal wat hulle deur die Gees laat lei, is kinders van God (Romeine 8:14). Tog skryf Paulus dat ons onsself ook onder die leiding van ander mense soos Stefanas en sy huishouding, en van elkeen wat saam met hulle werk en arbei, moet stel. (1 Korinthiers 16:15) Hy sê ook: Die ouderlinge wat goeie leiding gee, behoort dubbele erkenning te kry, veral dié wat hard werk deur te preek en onderrig te gee (1 Timoteus 5:17). In die Bybel sien ons dikwels hoedat iemand in die leiding wat hy geneem het ontwikkel het. Net soos wat Moses aanvanklik nie wou aanvaar dat hy die Israeliete uit Egipte moes lei nie, maar later n baie bekwame leier geword het, leer ons ook verantwoordelikheid opneem en ontwikkel soos wat die ons in hierdie rol ingroei. Alhoewel sommige persone soos prins William wat aan n koningshuis verbonde is as leiers gebore word, word leierskap aangeleer en ontwikkel. Om leiding te neem begin die oomblik wanneer iemand besluit om iets aan n situasie te doen en verantwoordelikheid daarvoor neem. Ons is dissipels 161

164 Week 7 Daar word vandag veral drie uitdagings aan mense wat leiding neem gestel. Mense wat leiding neem interpreteer, bou aan en put uit verhoudings en implementeer. Hieruit is dit duidelik dat leierskap in praktiese omstandighede en spesifieke situasies ontwikkel. Om goed te kan interpreteer is dit nodig om baie te lees en te luister. Dis veral belangrik om naas n luister na God, ook na die konteks waarbinne gewerk word te luister. Daar moet goeie verhoudings met mense gesluit word. Daar moet gelet word op watter spesifieke bydraes persone dalk kan maak. Om die persone lus te maak om op n vlak wat vir hulle moontlik is betrokke te raak, is een van ons uitdagings. Persone wat leiding neem doen nie alles self nie. Hulle begelei persone wat diens lewer om dit effektief te doen deur teenwoordig te wees en vir die persone n mentor-afrigter te wees. Christus het vir ons n voorbeeld gestel, sodat ons in sy voetspore kan volg (1 Petrus 2:21). Volg hom na. Toewydingsmoment Reflekteer op jou eie leierskap. Gesels met God oor waarin jy verantwoordelikheid kan opneem. Gebed Here, Dankie dat U my lei op regte paaie tot eer van U Naam. Ek wíl verantwoordelikheid neem en my leierskap ontwikkel. 162 Amen. Ons is dissipels

165 Week 7 Taak Wat kan jy doen om jou luistervaardighede op te skerp? Toegif Kyk na die video TEAM Ons is dissipels 163

166 Week 7 NOTAS 164 Ons is dissipels

167 Week 8 Week 8 Ons is mense met eie persoonlikhede Bladsy Dag 1: Ons is mense met eie persoonlikhede Dag 2: Ons is mense met energie Dag 3: Ons is mense wat waarneem Dag 4: Ons is mense wat besluite neem Dag 5: Ons is mense met n lewensbenadering Ons is mense met eie persoonlikhede 165

168 Week Ons is mense met eie persoonlikhede

169 Week 8 Week 8 dag 1 Tema: Ons is mense met eie persoonlikhede Ons is mense met eie persoonlikhede Teks: Matteus 16:18 En Ek sê vir jou: Jy is Petrus, en op hierdie rots sal Ek my kerk bou. Iemand in die Bybel wie se persoonlikheid sterk uitstaan en ontwikkel, is Petrus. Jesus het die kern van sy persoonlikheid goed raakgevat en uitgelig toe hy vir hom gesê het: Jy is Petrus, en op hierdie rots sal ek my kerk bou (Matteus 16:18). Petrus het n haastige geaardheid gehad. Hy was vinnig om n swaard te gryp en die slaaf van die hoëpriester se oor af te kap toe Jesus gevange geneem is (Matteus 26:51). Hy het ook selfversekerd vir Jesus gesê dat die ander dissipels hom sou verlaat, maar dat hy hom nooit sou verraai nie. En dan verloën hy Jesus driemaal voordat die haan kraai (Markus 14:27-31; 66-72). Dit is moeilik om presies te sê wat persoonlikheid is. Wat ons wel kan sê, is dat persoonlikheid verwys na die spesifieke deel van n individu wat daardie persoon die beste verteenwoordig, wat hom of haar uniek maak en wie die persoon regtig is. Persoonlikheid is dinamies en ontwikkel omdat mense groei en behels dinge soos ons manier van dink, ons voor- en afkeure, gedrag ensovoorts. Ons persoonlikhede bevat elemente wat ons by ons ouers oorgeërf het, sowel as aspekte van gedrag wat ons aangeleer het. Terwyl daar sekere biologiese dinge is wat ons nie kan verander nie, is daar veral wat ons gedrag aanbetref ander dinge wat ons kan verander. Ons is mense met eie persoonlikhede 167

170 Week 8 Daar is al baie boeke geskryf en maniere ontwikkel om ons te help om onsself en ons persoonlikhede beter te verstaan. Twee hiervan, wat op ons natuurlike voorkeure voortbou, is die Myers-Briggs Tipe Indikator (MBTI) en die Keirsey-Analise. Dit is nie n waarde-oordeel wat oor ons gemaak word nie en daar is ook nie n regte of n verkeerde of n beter of slegter persoonlikheidstipe nie. Hierdie instrumente help ons om vas te stel hoe ons energievloeipatrone werk, hoe ons waarneem, hoe ons besluite maak en wat ons benadering tot die lewe is. Op elkeen van hierdie vier vlakke word twee pole onderskei en ons eie voorkeur lê iewers op die lyn tussen die pole. Die vlakke staan met mekaar in verhouding. Ons persoonlikheidstipe kan met vier alfabetletters aangetoon word en sestien persoonlikheidstipes word mekaar onderskei. Ons is mense met eie persoonlikhede. Ons het elkeen n eie unieke identiteit. Toewydingsmoment Dink na oor jou persoonlikheid. Gesels met God oor wie jy werklik ís en wie jy wil wees. Gebed Here, Dankie dat U my gemaak het soos wat ek is. Ek wíl my persoonlikheid geniet en daarin groei. 168 Amen. Ons is mense met eie persoonlikhede

171 Week 8 Taak Voltooi die Keirsey ( of MBTI-vraelys ( 16personalities.com/free-personality-test) en bekom jou eie vier-letter indikator. Toegif Luister na I am special Ons is mense met eie persoonlikhede 169

172 Week 8 NOTAS 170 Ons is mense met eie persoonlikhede

173 Week 8 Week 8 dag 2 Tema: Ons is mense met energie Ons is mense met eie persoonlikhede Notes Teks: Genesis 25:27 Esau was 'n ervare jagter, 'n man van die veld; Jakob was 'n rustige mens, hy het tuis gebly. Kan jy die prentjie sien? Esau wat in die veld rondstap, na geluide luister en alles rondom hom inneem terwyl die adrenalien bruis hoe nader hy aan die bok wat hy wil jag kom, terwyl Jakob rustig by die huis is. Esau tap duidelik energie uit die omgewing rondom hom en Jakob se energie vloei in sy binnewêreld. Esau, die ekstrovert, is nie noodwendig n luidrugtige en uitgaande mens nie. Jakob, die introvert, is nie noodwendig stil en ingetoë nie. Ekstroversie wat in die indikator met n E (vir Ekstrovert) aangedui word dui daarop dat jy ge-energeer word deur dit wat in jou buitewêreld rondom jou gebeur. Introversie wat met n I (vir Introvert) aangedui word dui daarop dat jy jou energie van jou binnekant af kry. Ekstroverte kry hulle energie waar dit besig en bedrywig is. Daar waar dinge gebeur, waar mense kuier en gesels en waar daar aktiwiteit is. Introverte kry hulle energie vanuit hulle eie binneste, idees, gedagtes en gevoelens hulle innerlike bewussyn. Ekstroverte dink hardop, doen en laat baie dinge gebeur. Introverte deurdink alles goed voor hulle praat en oordink een ding op n slag. Ekstroverte word deur onderbrekings gestimuleer en introverte se aandag word daardeur afgelei en vind dit steurend. Ekstroverte sal Ons is mense met eie persoonlikhede 171

174 Week 8 Notes sê Ek is wat ek doen en sal sê wat in hulle binneste aangaan. Introverte sal sê Ek is wat ek dink en hou hulle gedagtes vir hulleself. E s is na buite gefokus, nooi mense binne en sê dikwels te veel. I s is na binne gefokus, wag om ingenooi te word en sê moontlik te min. Wat ons verhouding met God aanbetref, sal E s wat eredienste met baie beweging en interaksie hou. I s sal van stilte retreats en stilgebed hou. E s sal n verskeidenheid van geestelike aktiwiteite hou en I s sal diepte in geestelike ervaringe verkies. E s sal wil gesels en luister, terwyl I s sal verkies om op hulle eie Bybelstudie te doen of oor sielsdinge lees. Ekstroverte sal die buitewêreld as die speelveld van die Gees beskou, terwyl introverte die binnewêreld as die rusplek van die Gees sal beskryf. God het Elia nie in die rukwind, die aardbewing of vuur ontmoet nie, maar in die fluistering, in die windstilte (1 Konings 19:9-12). God het mense wat in skares saamgedrom het ontmoet waar Jesus wonderbaarlike dinge gedoen het (Lukas 13:17). Toewydingsmoment Reflekteer op waar God jou die beste ontmoet. Gebed Here, Dankie dat U ons tussen skares én in n windstilte ontmoet. Ek wíl deur U ge-energeer word. 172 Amen. Ons is mense met eie persoonlikhede

175 Week 8 Taak Watter bydraes lewer Ekstroverte? En Introverte? Toegif Kyk na Extrovert Introvert Ons is mense met eie persoonlikhede 173

176 Week 8 NOTAS 174 Ons is mense met eie persoonlikhede

177 Week 8 Week 8 dag 3 Tema: Ons is mense wat waarneem Ons is mense met eie persoonlikhede Teks: 1 Johannes 1:1 Van die begin af was Hy daar. Ons het Hom self gehoor; ons het Hom met ons eie oë gesien; ja, ons het Hom gesien en met ons hande aan Hom geraak. Hy is die Woord, die Lewe. Mense versamel en verwerk inligting op verskillende maniere. Iemand wat inligting meer Sintuiglik/Sensories as Intuïtief waarneem sal wat die inhoud van ons teksgedeelte betref opgewonde raak daaroor dat die skrywer-hulle self vir Jesus gehoor en gesien het en met hulle eie hande aan hom geraak het. Hulle verkies die tasbare en feitelikheid. Iemand wat meer intuïtief waarneem sal dadelik aangegryp word deur die woorde Van die begin af was hy daar en Hy is die Woord, die Lewe. Dit sal hulle laat begin droom en met die woorde laat speel omdat hulle onmiddellik assosiasies met dié woorde maak. S e se perspektief op die lewe lê gewortel in die verlede en die hede. N s want die I word reeds vir Introverte gebruik het n toekomsperspektief. Hulle dink nie aan hoe dinge ís soos in die S e se geval nie, maar aan hoe dinge kan wees. S e leef met die tasbare, konkrete werklikheid wat sensories met ons sintuie waargeneem kan word. N s leef met ideale. S e is realisties en prakties terwyl N s verbeeldingryk en kreatief is. S e probeer feite insamel en N s oorweeg opsies. Mense sal S e as plat op die grond en verstandig beskryf en N s as kop in die wolke Ons is mense met eie persoonlikhede 175

178 Week 8 en verbeeldingryk. Iemand wat meer sensories/sintuiglik waarneem vra Wat is? en iemand wat meer intuïtief waarneem vra Wat as...? n S sou soos Thomas sê: As ek nie die merke van die spykers in Sy hande sien en my vinger in die merke van die spykers steek en my hand in Sy sy steek nie, sal ek nooit glo nie (Johannes 20:25). n N sou soos Jesus sê: Dít verseker Ek julle: Wie in My glo, sal ook die dinge doen wat Ek doen; en hy sal nog groter dinge as dit doen (Johannes 14:12). S e beleef God deur die konkrete en die spesifieke. Gereelde sistematiese studie en stap-vir-stap metodes vir geestelike groei werk vir S e. Hulle leef hulle spiritualiteit hier en nou in die belofte van die ewigheid. N s beleef God deur paradokse en misterie. Vernuwende geestelike aktiwiteite en innoverende dissiplines werk vir N s. N s leef met n visie na die ewigheid toe en is nou en dan in die hier en die nou. Toewydingsmoment Fokus op waar jy God nou beleef. Gebed Here, Dankie dat U híer en oral is. Ek wíl U beleef. Amen. 176 Ons is mense met eie persoonlikhede

179 Week 8 Taak Watter bydraes lewer S e? En N s? Toegif Kyk na n videoclip oor n S en n N in n museum Ons is mense met eie persoonlikhede 177

180 Week 8 Notes NOTAS 178 Ons is mense met eie persoonlikhede

181 Week 8 Week 8 dag 4 Tema: Ons is mense wat besluite neem Ons is mense met eie persoonlikhede Teks: Filippense 4:7 En die vrede van God wat alle verstand te bowe gaan, sal oor julle harte en gedagtes die wag hou in Christus Jesus. As jy verkies om jou besluite te maak deur onpartydig en logies te redeneer, is jy n Denkende ( Thinking ) besluitnemer. T s heg hoë waarde aan geregtigheid en regverdigheid. Logika oortuig hulle. Indien jou gevoelens, persoonlike waardes en hoe besluite die mense rondom jou gaan beïnvloed n groot rol in jou besluitneming speel, is jy n Gevoelsmatige ( Feeling ) besluitnemer. F s heg hoë waarde aan harmonie en vergifnis en hulle wil ander mense tevrede stel (of hou). Hulle gevoelens en persoonlike oorwegings oortuig hulle. T s gebruik hulle kop en sal sê: Ek dink dit is die logiese ding om te doen terwyl F s hulle hart gebruik en sal sê: Dit voel vir my reg. Wat rég is is vir T s belangrik en F s sal eerder hulle beloftes aan en ooreenkomste met mense wil nakom. F s maak graag uitsonderings op die reëls. T s wil konsekwent wees. T s sien amper vanself tekortkominge in n situasie, standpunt of argument. Hulle word gewoonlik as koelkop beskryf. F s sien gewoonlik die beste in mense raak en word as warm en empaties beskryf. Omdat hulle empaties is, is F s sensitief en neem hulle die meeste dinge persoonlik op. T s sal dinge nie sommer persoonlik opneem nie, en is objektief en analities. F s sal hulleself met warmte en diplomaties uitdruk terwyl T s hulleself direk, eerlik en duidelik sal uitdruk. Waar bekwaamheid vir Ons is mense met eie persoonlikhede 179

182 Week 8 T s belangrik is, is verhoudings vir F s voorop. Daarom sal T s erkenning gee waar bo vereistes uitgestyg is en F s vir persoonlike prestasie lof gee. Dit behoort vir jou duidelik te wees dat T s nie noodwendig slim en F s dom is nie en ook nie dat T s harteloos is of dat F s nie kan dink of redeneer nie. T s beleef God intellektueel en benader geloof intellektueel en skepties. Hulle sal na algemeen geldende beginsels vra en die sterken swakpunte van gebruike en dissiplines teen mekaar opweeg. F s beleef God heelhartiglik en benader geloof persoonlik. Hulle wil in kontak kom met persoonlike waardes wat hulle geloof kan rig. Hulle oorweeg die impak wat geestelike gebruike en dissiplines op mense en die gemeenskap het. In ons besluitneming moet ons dink wat God se vrede vir n situasie vra én ons moet die implikasies daarvan as t ware deurvoel. Toewydingsmoment Waar pas God en vrede in jou besluitneming in? Gebed Here, Dankie dat U u vrede in ons harte en gedagtes laat grondvat. Ek wíl U met my hele hart, my hele verstand en al my kragte liefhê en dien. 180 Amen. Ons is mense met eie persoonlikhede

183 Week 8 Taak Watter bydraes lewer T s? Notes En F s? Toegif Luister na Katedraal (Coenie de Villiers) A&list=PLOCOBLU6XHEVKFPUAKNfbNUMuH6umtSl7 Ons is mense met eie persoonlikhede 181

184 Week 8 Notes NOTAS 182 Ons is mense met eie persoonlikhede

185 Week 8 Week 8 dag 5 Ons is mense met n lewensbenadering Tema: Ons is mense met eie persoonlikhede Teks: Jesaja 14:24 Die Here die Almagtige het 'n eed afgelê: Soos Ek My voorgeneem het, so sal dit wees, wat Ek besluit het, sal gebeur. Ons almal het n voorkeurmanier waarop ons die wêreld na buite onsself benader en hoe ons die onmiddellike omgewing rondom ons organiseer en inrig. J s verkies om geordend te leef en om dinge te beplan, te struktureer en te orden. Hulle wil dinge afhandel. Die J kom uit Judging (in Afrikaans is dit Beoordelend ). P (vir Perceiving ) staan vir n Waarnemende of Aanpasbare lewenshouding en ordening. P s hou daarvan om ín n situasie waar te neem en dan besluite te neem omdat hulle in die oomblik leef en by omstandighede aanpas. Hulle hou van vryheid en wil nie ingeperk word nie. Omdat J s beheer wil hê, beskou en bestuur hulle tyd as vas en onbuigsaam. P s is gemaklik en spontaan en leef in die oomblik. Hulle is gemakliker met verandering en maak sommer in die omstandighede aanpassings. J s orden hulle lewens met reëls. P s doen dit met vryheid en beskou reëls as oorbodig. Omdat dit J s energeer as hulle take afhandel verkies hulle om dinge een vir een aan te pak. P s kry energie wanneer hulle met iets nuuts begin. As iets interessants en nuut oor hulle pad kom, verskuif hulle hulle fokus maklik. Hulle het dikwels onafgehandelde projekte en sukkel om dinge klaar te maak. Ons is mense met eie persoonlikhede 183

186 Week 8 J s ervaar God deur dissipline en P s in die oomblik. J s beplan hulle aktiwiteite en betrokkenheid vooruit en P s reageer na gelang van die eis van omstandighede. Geestelike aktiwiteite herinner J s aan wat ons behoort te doen en vir P s aan dit waarmee ons eintlik besig is. In Jesaja 14:24 lyk dit asof God onbeweegbaar is na aanleiding van sy besluite. In Eksodus 32 sien ons n ander prentjie. In vers 10 sien ons dat God vir Moses gesê het: Moet My nie probeer keer nie. Ek is toornig op my volk en Ek wil hulle vernietig. In vers 11 lees ons dat Moses toe by die Here gepleit het om dit nie te doen nie. Wat doen die Here dan? Hou Hy by sy besluit, of pas Hy aan? Ons lees in vers 14: Toe het die Here daarvan afgesien om die ramp waarvan Hy gepraat het, oor sy volk te bring. As beeld van God laat ons ons identiteit so deur God vorm dat ons iets van die Vaste Rots op Wie ons bou én sy aktueel-wees deur ons persoonlikheidstipes reflekteer. Toewydingsmoment Reflekteer op God as vas en dinamies. Gebed Here, Dankie dat U beslis en plooibaar is. Ek wíl betroubaar en tegemoetkomend wees. Amen. 184 Ons is mense met eie persoonlikhede

187 Week 8 Taak Watter bydraes lewer J e? En P s? Toegif Kyk na n opsommende videoclip. Ons is mense met eie persoonlikhede 185

188 Week 8 NOTAS 186 Ons is mense met eie persoonlikhede

189 Week 9 Week 9 Ons is mense wie se tye in God se hand is Bladsy Dag 1: Ons is mense wie se tye in God se hand is Dag 2: Ons is mense wat op God se teenwoordigheid reageer 193 Dag 3: Ons is mense wat deur God lewe en beweeg Dag 4: Ons is burgers van God se Koninkryk Dag 5: Ons is mense wat eindes nuwe beginne laat word Ons is mense wie se tye in God se hand is 187

190 Week Ons is mense wie se tye in God se hand is

191 Week 9 Week 9 dag 1 Tema: Ons is mense wie se tye in God se hand is Ons is mense wie se tye in God se hand is Teks: Psalm 31:15 My tye is in U hand. Na die terugkeer uit die ballingskap is verkondig dat die hemelliggame nie gode wat elders aanbid is (Deuteronomium 17:3) was nie. Nee, God het die son geskep om ons dagritme te bepaal, die maan om maande te tel en die sterre om jare en hul gang mee te bereken. Ons kan saam met die psalmis bely: Maar ek vertrou op U, Here, ek sê: U is my God. My tye is in u hand (Psalm 31:15-16). Ons verklaar dat ons God vertrou én ons verklaar dat die Here met ons kan maak nét wat Hy wil. Ons gee onsself om deur God gevorm te word om méér te doen as om net iets van God se tye op ons tye af te smeer. In die manier waarop die vroeë Israeliete, die Judeërs van na die ballingskap en die vroeë christene hulle tye ingerig het en hoe hulle hulleself daardeur laat vorm het, sien ons dat die manier waarop ons tyd benader en hanteer sê hoe ons oor God glo en ons verhouding met God inrig. Met die verloop van jare is verskeie feeste en vierings in die mense van wie ons in die Bybel lees se kalender(s) ingebou. Elke fees het iets oor God gesê. Paasfees het gesê God is die Groot Bevryder die Een wat hulle voorsate uit Egipte en die Noorde uit verlos en teruggebring het (Deuteronomium 16:1-8; Jeremia 16:14-16). Met Ons is mense wie se tye in God se hand is 189

192 Week 9 die Fees van die Weke ook genoem die Fees van die Oes en die Pinksterfees is God geprys as besitter van die land en gewer van reën en die vrugbaarheid van die grond (Deuteronomium 16:9-12). Met die Huttefees ook die Oesfees genoem is God gedien as die Een wat die oes voorsien het, asook as die Een wat mét hulle was tydens hulle reis deur die woestyn en in die land in (Deuteronomium 16:13-16). Met die Sabbatdag is God gevier as die Een wat rus gee en in Wie se rus ingegaan sal word (Genesis 2:2-3). Die vroeë christene het van die Bybelse feeste algaande met nuwe inhoud gevul en ook begin om God op die Sondag as die Een wat uit die dood uit opwek te vier en verkondig (Johannes 20:19). As beeld van God vorm God ons soos Hy wil. Met verloop van tyd sal ons God se beeld méér ooreenkomstig sy tye vertoon. Toewydingsmoment Sien as t ware hoedat God jou en jou tye omhels. Gebed Here, Dankie dat ek in U hand te alle tye veilig is. Ek wíl my tyd só vier dat dit u beeld vertoon. Amen. 190 Ons is mense wie se tye in God se hand is

193 Week 9 Taak Watter tye, en hoe rig jy dit in om God te vier? Toegif Luister na Turn, Turn, Turn Ons is mense wie se tye in God se hand is 191

194 Week 9 NOTAS 192 Ons is mense wie se tye in God se hand is

195 Week 9 Week 9 dag 2 Tema: Ons is mense wat op God se teenwoordigheid reageer Ons is mense wie se tye in God se hand is Notes Teks: Markus 9:7 Dit is my geliefde seun. Luister na hom. Die vroeë Christene het vroeg al drie feeste gevier om God te eer en om hulleself aan God se vormingspad met hulle te herinner. Die vierings was die Epifanie-, Paas- en Pinksterfeeste. Mettertyd is nog vieringe bygebring en het van die vieringe in seisoene ontwikkel. Rondom Epifanie het Epifanietyd gegroei en rondom die Paas- en Pinksterfees, Paastyd en Pinkstertyd. Pinkstertyd het later aan Koninkrykstyd geboorte geskenk en Epifanietyd aan Kerstyd. Uit Kerstyd het Adventstyd ontwikkel. In al die vieringe en seisoene van die kerklike jaar sien ons n besonderse aspek van God se Persoon en Sy besig wees met ons en die res van Sy skepping. Ons gaan tot aan die einde van die week dieper ingaan op n aantal hiervan. As beeld van God reageer ons op God se teenwoordigheid. Wanneer ons nie na die verskillende maniere waarop God Homself aan ons bekendmaak kyk nie, kry ons n onvolledige of verwronge beeld van God. Met Epifanie word God die Skepper as Vader van Jesus bekend. Met Paasfees word God as Verlosser bekend. En met Pinkster word God as Lewegewende Gees bekend. Met Epifanie en in Epifanietyd reageer ons op God se teenwoordigheid deur sy bekendwording in Jesus te erken en dieper Ons is mense wie se tye in God se hand is 193

196 Week 9 Notes daarop in te vra. Net soos wat Moses toe hy nie kon verstaan waarom die bos brand, maar nie uitbrand nie nader gegaan het om na aanleiding van sy vraag ondersoek in te stel, roep God ons aan die begin van n kalenderjaar nader en sê as t ware Kom nader... Ek is híér... Kom kyk... Met Jesus se doop wat ons met Epifanie vier maak God Homself bekend deur met n stem uit die hemel vir Jesus te sê: Jy is my geliefde Seun. Oor jou verheug ek my (Markus 1:11). Aan die einde van Epifanietyd, met die verheerliking van Jesus op die berg, wys God as t ware weer gesig. Hierdie keer hoor die dissipels wat daar teenwoordig was: Dit is my geliefde seun. Luister na hom (Markus 9:7). Hoe reageer ons op God se teenwoordigheid? Ons reageer op sy uitnodiging en nader tot God. Soos Moses stel ons ondersoek in ten einde meer van Hom leer. As beeld van God is ons mense wat op God se teenwoordigheid reageer. Ons reageer deur God se bekendmaking te erken en om te luister. Toewydingsmoment Vra hoe God nou hier teenwoordig is. Gebed Vader, Dankie dat U U kinders liefhet en oor hulle bly is. 194 Ek wíl luister en hoor wat U sê. Amen. Ons is mense wie se tye in God se hand is

197 Week 9 Taak Watter aspekte van God se Persoon en werke word in vierings wat jy ken bekend? Toegif Luister na In Verwondering. Ons is mense wie se tye in God se hand is 195

198 Week 9 NOTAS 196 Ons is mense wie se tye in God se hand is

199 Week 9 Week 9 dag 3 Tema: Ons is mense wat deur God lewe en beweeg Ons is mense wie se tye in God se hand is Teks: Markus 10:51 Jesus vra vir hom: Wat wil jy hê moet Ek vir jou doen? Na die verheerliking van Jesus op die berg maak God Homself bekend as die God wat op weg gaan en by mense veral mense in nood betrokke raak. God maak Homself langs hierdie weg bekend as die Een wat nie net aankondig en sê nie, maar as die Een wat vra: Wat wil jy hê moet ek vir jou doen? (Markus 10:51). Jesus het geweet dat Bartimeus blind was. Hy het beslis nes al die omstanders geweet wat Bartimeus gaan vra. Waarom vra Jesus hom dan wat hy wil hê Jesus moet doen? Om vir almal daar en almal wat van die gebeure hoor te sê dat ons maar vir God mag vra. Ons lewe en beweeg deur God deur te luister en te vra. Anders as die destydse kerkleiers het Jesus nie net oor seer, swaarkry en sukkel gepraat nie, maar by die persoon wat ly betrokke geraak. Ons sien dit veral in Johannes 9. Destyds was die geestelike leiers se taak afgehandel wanneer hulle na beredenering tot n uitspraak oor die rede en herkoms van die seer, sukkel of swaar soos hier, die siekte blindheid kon kom. Vandaar die dissipels se vraag aan Jesus (vers 2). Het jy in die formulering van hulle vraag opgemerk dat hulle eintlik alreeds tot n konklusie gekom het? Hulle werk daar was afgehandel. Maar wat doen Jesus ná sy antwoord aan hulle? Hy maak Sy hande vuil. Dis hoe God se werke bekend word: nie in die man se blindheid nie, maar in Jesus se betrokke raak by die persoon (verse 6 en 7). Ons is mense wie se tye in God se hand is 197

200 Week 9 Die vroeë Christene het Paasfees met n nuwe inhoud begin vier. Vir hulle het Jesus die paaslam se plek ingeneem. Paulus skryf: Ons paaslam is immers geslag: dit is Christus en roep ons op: Laat ons dan feesvier (1 Korintiërs 5:7-8). Almal kan weet: Hy is nie ver van enigeen van ons af nie, want deur Hom lewe ons, beweeg ons en bestaan ons (Handelinge 17:27-28). Ons en ons tye is in God se hand. Daarom vorm God ons om aan wie ook al wonder hoe God lyk en is te adverteer: Kyk na Paasfees en vier saam ons fees. Toewydingsmoment Ervaar hoedat God by jou kom staan en vra: Wat wil jy hê moet Ek vir jou doen? Antwoord asof die vraag aan jou gevra is. Gebed Vader, Dankie dat U daar nêrens is waar U nie naby ons is nie. Ek wil deur U lewe, beweeg en bestaan. Amen. 198 Ons is mense wie se tye in God se hand is

201 Week 9 Taak Vir wie kan jy gaan vra: Wat wil jy hê moet ek vir jou doen? Toegif Luister na Kyk na die Lam Ons is mense wie se tye in God se hand is 199

202 Week 9 Notes NOTAS 200 Ons is mense wie se tye in God se hand is

203 Week 9 Week 9 dag 4 Tema: Ons is burgers van God se Koninkryk Ons is mense wie se tye in God se hand is Teks: Openbaring 1:5-6 Uit liefde vir ons het Hy ons deur sy bloed van ons sondes verlos en ons sy koninkryk gemaak, priesters vir God sy Vader. Met die Pinksterfees het die vroeë Christene die uitstorting van die Heilige Gees gevier. God is daarvoor gedank dat Hy Homself volkome en volledig aan ons gegee het. Ons het al vroeër gesê dat God aan ons sy Gees (Johannes 20:22; Handelinge 2:4) en sy gawes (1 Korintiërs 12:4) skenk en ons die vrug van die Gees in ons lewens laat dra (Galasiërs 5:22-26). As beeld van God vorm God ons om hierdie dinge aangaande God verkondigend te adverteer. God is die Een wat gee. God is ook die Een wat beloftes nakom. Jesus het mos belowe dat hy sy Vader sou vra om die Gees te stuur om vir ewig by ons te wees (Johannes 14:16-17)? Voordat Koninkrykstyd n onafhanklike seisoen van die kerklike jaar geword het, was die tydperk deel van n uitgebreide Pinkstertyd. Pinkster is vroeër saam met Hemelvaart as deel van die vrug van Paasfees beskou. Vandag vier baie gelowiges drie korter seisoene as deel van Koninkrykstyd. Die seisoen van Barmhartigheid, seisoen van die Skepping en seisoen van Voleinding word redelik wyd gevier. God maak Homself dus nie net as Koning van die hemel bekend nie, maar ook as die Een met die sagte hart wat vinnig in beweging kom, die Een wat uit níks uit! skep en onderhou en as die Een wat voltooi en volmaak maak wat Hy begin het. Ons is mense wie se tye in God se hand is 201

204 Week 9 Daarom is ons nie meer ver van God af nie, nie bywoners nie, maar medeburgers van die gelowiges en lede van die huisgesin van God (Efesiërs 2:19). Aangesien ons hier oor ons identiteit besin, kan ons sê dat ons ons Identiteitskaarte moet inruil vir die waarop ons burgerskap as burgers van die hemel (Filippense 3:20) aangedui word. Ons het n onwankelbare koninkryk ontvang (Hebreërs 12:28). Die Koninkryk van God is immers nie 'n saak van praatjies nie, maar van krag (1 Korintiërs 4:20). Ons is tot God se Koninkryk gemaak, priesters vir God sy Vader (Openbaring 1:5-6). Die Koninkryk van God is nie 'n saak van eet en drink nie, skryf Paulus, maar van gehoorsaamheid aan God, vrede en vreugde, wat die Heilige Gees ons gee (Romeine 7:14). As beeld van God vorm God ons identiteit as burgers van die hemel. Hierdie is ons primêre, ons eerste identiteit. Toewydingsmoment Fokus daarop dat jy deel van God se koninkryk is. Gebed Here, Dankie dat U ons aan Uself deel gee. Ek wil as burger van U Koninkryk leef. 202 Amen. Ons is mense wie se tye in God se hand is

205 Week 9 Taak Hoe is die Koninkryk die hoogtepunt van God se werk? Notes Toegif Luister na In die hemel is die Heer P8r-hyUmyUIAdXMwH9w9wkYgf&index=24 Ons is mense wie se tye in God se hand is 203

206 Week 9 Notes NOTAS 204 Ons is mense wie se tye in God se hand is

207 Week 9 Week 9 dag 5 Tema: Ons is mense wat eindes nuwe beginne laat word Ons is mense wie se tye in God se hand is Teks: Jeremia 29:11 Ek weet wat Ek vir julle beplan, sê die Here: voorspoed en nie teenspoed nie; Ek wil vir julle 'n toekoms gee, 'n verwagting! Die Israeliete wat in ballingskap in Babilonië was, was al so moedeloos dat hulle hulle liere teen die bome opgehang het. Hulle wou nie meer sing nie en hulle was al sonder enige hoop of drome vir die toekoms. Vir hulle het dit gevoel asof die einde net agter die bult vir hulle lê en loer. Ons kan onsself maar net indink watse praatjies hulle gemaak het wanneer hulle bymekaar was. Toe kom Jeremia met hierdie boodskap na hulle toe. Hy het al te goed verstaan dat God nie weet wat dit is om op te hou nie. Met God leer ons in die Bybel word eindes gou-gou nuwe beginne. As die dood nie meer finaal is nie, hoe kan enigiets anders dan wees? Daar is níks wat God nie in n nuwe begin kan omskep nie. Adventstyd verkondig elke jaar aan die einde daarvan dat God ons tyd vol maak. Omdat God ons tyd vol maak word alles nes God dit bedoel en beplan het! volmaak. Daarom bring Adventstyd vir ons woorde soos in God tot rus kom, hoop, vrede, vreugde en liefde. Saam met hulle kom ook verwagting en afwagting aangestap. Volgens Johannes het die dinge van vroeër verbygegaan en maak God alles nuut (Openbaring 21:6). Is daar n sterker simbool daarvoor dat God alles nuut maak as die geboorte van n baba? Die afwagting en verwagting is verby. Daar Ons is mense wie se tye in God se hand is 205

208 Week 9 hoef nie meer gewag en gehoop te word nie. Wat geglo is gaan gebeur het toe gebeur: die kindjie is gebore. Dis asof die belangrikste belofte wat ooit gemaak kon word gemaak is. En nagekom is. Met Kersfees vier ons nie Jesus se geboorte of soos sommige mense sê, Jesus se verjaardag nie, maar die misterie van God se menswording as Christus in Jesus van Nasaret. Dis God se mens word binne ons wêreld waaroor dit gaan. As beeld van God is ons Advent- en Kersfeesmense. Ons leef in die verwagting dat terwyl die oue sterf, die nuwe alreeds aan t ontluik is. As dit by ons donker en koud is, kan ons weet dat n nuwe, helder dag alreeds elders oopgebreek het. God maak alles nuut. God vernuwe ons ook. Toewydingsmoment Voel hoedat God jou vernuwe. Praat met God oor waar jy nuwe beginne nodig het. Gebed Here, Dankie dat U ontferming elke môre nuut is. Ek wíl graag deel van U nuwe begin wees. 206 Amen. Ons is mense wie se tye in God se hand is

209 Week 9 Taak Wanneer het dit vir jou gevoel asof die einde op jou afkom? Hoe het n nuwe begin vir jou deurgebreek? Toegif Luister na Hot Gates. Ons is mense wie se tye in God se hand is 207

210 Week 9 NOTAS 208 Ons is mense wie se tye in God se hand is

211