Vrydagnuus 21 April 2017

Transcription

1 Vrydagnuus 21 April 2017 Alec Ryrie begin sy boek: Protestant: the faith that made the modern world met `n aanhaling uit Erasmus van Rotterdam se kritiek (1524) op die nuwe fanatiese kultus wat soos `n veldbrand oor noord Europa versprei het. Hierdie mense maak aanspraak daarop dat hulle die Bybel suiwer verkondig, maar sê hy hulle gebruik die Bybel net, verdraai dit om te pas by wat hulle glo: They are like young men who love a girl so immoderately that they imagine they see their beloved where they turn, or, a much better example, like two combatants who in the heat of a quarrel, turn whatever is at hand into a missile, whether it be a jug or a dish. Ryrie gee toe dat Erasmus reg is: Protestante is vegters en verliefdes. Hulle stry met enigeen oor bykans enigiets dink maar aan al die ideologiese gevegte van die afgelope 500 jaar teen slawerny, imperialisme, fascisme, kommunisme telkens was daar aan beide kante van die gesty Protestante. Maar Protestante is ook verliefdes. Van die begin af is die liefdesverhouding met God in die hart van hulle geloof. Die Bybel lê Protestante baie naby aan die hart. (Dit is een van die dinge waarvan ons hou om oor te stry oor wat dit beteken, en hoe dit verstaan moet word.) Om te sê dat die Protestantse geloof net oor die Bybel gaan, is egter nie so eenvoudig nie. Want dit gaan oor die liefdesverhouding. Wat Protenstante met mekaar deel is nie `n leer oor die gesag van die Bybel nie, maar veral die ervaring van God se genade. Luther se lewe is omgekeer deur God se genade, voordat hy besluit het dat geen ander gesag oor hom seggenskap het as die Woord nie. Anders as ander gelowe wie se Heilige Geskrifte, heilig gesag het omdat daar `n verhaal is waar God self dit aan hulle leier/stigter gegee het, hetsy gedikteer of as `n goue plaat (of op klip tablette), glo Protestante in die Bybel net omdat die Heilige Gees ons daarvan oortuig. Ons glo dat in ons lees van die Skrif oortuig die Heilige Gees ons van die waarheid daarvan. Dit is die Woord vir mense in `n liefdesverhouding met God. Die Bybel se gesag word nie op argumente gebaseer nie. Hierdie jaar vier ons Reformasie 500. Die regte manier is om dit te vier as mense in `n liefdesverhouding met God. Wat glo dat in ons lees van die Bybel, oortuig die Heilige Gees ons van die waarheid daarvan, en word ons lewens nuut gemaak om te lewe onder die heerskappy van Christus Jesus. Ons leef as mense wie se hele lewe bepaal word deur die Opgestane Jesus se verklaring: Vrede vir julle! Ons dissipelskap word gebaseer op die liefdesverhouding tussen Jesus en sy Vader. Hy stuur ons met die opdrag: Soos die Vader my gestuur het, stuur Ek julle ook. Rousseau Malan

2 Gebed NASIONALE GEBEDSINISIATIEF geïnisieer deur INTERSESSORS VIR SUID-AFRIKA ( n forum van gebedsnetwerke en gebedsgroepe in Suid-Afrika) Ons het jou verlede week genooi om deel te wees van die oproep vir 50 dae van gebed van Paasfees tot Pinkster, wanneer ons baie spesiaal gaan fokus op gebed vir ons land en vir herlewing. Hier is nog n gedeelte uit Jerigo Mure en Intercessors For South Africa se gebedsgids vir die 50 dae. BEREI SUID-AFRIKA VOOR VIR N SEËN Beide seën en vloek is kanale waardeur geestelike krag vrygestel word. Ons hemelse Vader is die enigste Bron van Seëninge wat voordelig is vir mense. Bose magte en goddelose mense spreek vloeke uit wat geweldig skadelik is vir mense. n Seën of n vloek word uitgespreek of geskryf, of selfs net gedink. Lewenskeuses kan ook n seën of n vloek tot gevolg hê. n Seën of n vloek kan vir geslagte voortduur totdat iemand dit met n gebed van skuldbelydenis of n veranderde lewenskeuse herroep. Ons woorde dra geweldige krag om mense en omstandighede ten goede of ten kwade te beïnvloed. Die tong het mag oor dood en lewe. (Spr.18:21 Afr. NV) " maar geen mens kan die tong tem nie. Dit is 'n rustelose kwaad, vol dodelike gif. Met die tong loof ons die Here en Vader, en met die tong vloek ons die mense wat as die beeld van God gemaak is. Uit dieselfde mond kom lof en vloek. My broers, so moet dit nie wees nie." (Jak.3:8-10 Afr. NV). In die Ou Testament was dit die priester se taak om mense te seën: "Sê vir Aäron en sy seuns: So moet julle sê wanneer julle die Israeliete seën: Die Here sal julle seën en julle beskerm; die Here sal tot julle redding verskyn en julle genadig wees; die Here sal julle gebede verhoor en aan julle vrede gee! So moet die priesters my Naam oor die Israeliete uitroep, en Ek sal hulle seën." (Num.6:23-27 Afr. NV). In die Nuwe Testament is elke gelowige n priester: "Julle, daarenteen, is 'n uitverkore volk, 'n koninklike priesterdom, 'n nasie wat vir God afgesonder is, die eiendomsvolk van God, die volk wat die verlossingsdade moet verkondig van Hom wat julle uit die duisternis geroep het na sy wonderbare lig." (1Pet.2:9 Afr. NV). Jesus het ons beveel om mense te seën: "Maar Ek sê vir julle: Julle moet jul vyande liefhê; seën dié wat vir julle vervloek, doen goed aan dié wat vir julle haat, en bid vir dié wat julle beledig en julle vervolg;" (Mat.5:44 Afr. OV). BEWAAR JOU HART EN SIT N WAG VOOR JOU MOND "Wees veral versigtig met wat in jou hart omgaan, want dit bepaal jou hele lewe."; "Sit 'n wag voor my mond, Here, hou tog wag oor wat ek sê." (Spr.4:23; Ps.141:3 Afr. NV) n Seën of n vloek ontstaan in ons harte. As ons harte gevul is met bitterheid, woede, haat of wraak, kan ons nie seën nie. "Maar wat by die mond uitkom, kom uit die hart, en dít is die dinge wat die mense onrein maak. Uit die hart kom slegte gedagtes: moord, owerspel, onkuisheid, diefstal, vals getuienis, kwaadpratery." (Mat.15:18-19 Afr. NV). Jesus het gesê dat strome Lewende Water uit ons sal vloei: "Met die een wat in My glo, is dit soos die Skrif sê: Strome Lewende Water sal uit sy binneste vloei." (Joh.7:38 Afr. NV). n Seën is nie goedkeuring van sonde nie. Dit plaas sondaars in God se hande. Hy sal regverdig oordeel en namens ons geregtigheid laat geskied. Christene, as ambassadeurs van Jesus Christus se Koninkryk, word deur God se Gees in staat gestel om sonde, versoeking en natuurlike drange te oorwin. Christene se liefde vir God, vir mekaar, vir hul vyande, hul gehoorsaamheid aan God se Opdragte en n radikale heilige leefstyl, is die vereistes vir Goddelike seën. In die Nuwe Testament beteken God se seën nie noodwendig voorspoed, rykdom of beskerming nie, dit gee ons eerder die vermoë om lief te hê, ten spyte van vervolging, en krag om onreg te kan verduur, sodat mense gered kan word en God die Vader verheerlik word. Sulke gedrag behaag God verseker en maak n pad oop vir God se Guns op n land. Die tyd het gekom om die Heilige Gees toe te laat om ons as Christene se harte en lippe te reinig. Ons nooi jou om deel te hê aan die 50 dae om Suid-Afrika te seën. (Kyk asb. na die gebedspunte in die aankondigings van die volgende paar Sondae vir Seëngebede wat jy vir jouself, jou gesin, familie en vriende, ons gemeente, Worcester, SA kan bid.)

3 Jeug Klub 13 se datums vir tweede kwartaal 24 April by tannie Irma se huis. Tyd: 18:00-19:00 Plek: Hoek van Kerk- en Sutherlandstr 8 en 22 Mei en 26 Junie 2017 Tannie Irma van Dijk Kleuterkerk Alle kleuters vanaf 2jaar tot 5jaar word uitgenooi om die kleuterkerk by te woon. Die kindertjies verdaag na die kindertyd na die kleuterlokaal. Tannie Danelle Botes het aangebied om saam met verskillende mammas verantwoordelik te wees vir die kleuterkerk. Baie dankie aan elkeen wat bereid is om ons kleuters van Jesus se liefde te leer. Indien jy betrokke wil raak kontak vir Danelle by Kleuterkerk

4 Gemeentes Fondsinsamelings Basaar fondsinsameling Worcester-Vallei Datum: 13 Mei 2017 Tyd: 08:00 tot 10:30 Plek: Kerksaal Prys: R40-00 Heerlike ontbyt: Wors/spek/ twee gebakte eiers/brood/kaas/koffie/sap Kaartjies is by Kleingroepleiers en kerkkantoor beskikbaar. Kom koop joune na die erediens by die kerkkantoor. Indien jy n tafel vir agt persone wil bespreek, kontak asb die kerkkantoor. Daar sal ook heerlike basaarpoeding en pannekoek te koop wees om weg te neem. Ondersteun asb die fondsinsameling van die gemeente. As jy nie kan kom nie borg kaartjies. Die kerkkantoor sal dit versprei. NG Kerk Worcester Brandwag Kerksaal Vrydag, 5 Mei 2017 Wegneem ete Kerrie Vetkoeke met R40,00 per porsie Kerrie R30,00 per porsie R15,00 per porsie Vrydag, 2 Junie 2017 Wegneem ete Hamburger & Chips met kaassous R40,00 per R15 per porsie Kos kan tussen tussen 18:00 en 20:00 gekry word

5 Vir aandag!!! Alle stalletjie eienaars!! Die kerkraad van De la Batgemeente nooi u uit om tydens ons Ougoedskou u handewerk, kuns, snuisterye te kom verkoop. Stalletjie oppervlakte is 3m x 3m. R250 huurgeld per stalletjie. As u belangstel, kontak skriba by skriba@nid.org.za of Kerkkantoor (soggens) (x237) Jesus sê ons moet weet dat ons aan Hom verbind is, al kan ons Hom nie sien nie. Dit is tog waar die vrugte wat ons dra vandaan kom! Zane Meas