Vrees van die Here Kennis is Verstand

Transcription

1 Ons bring die Evangelie van Jesus Christus na elke huis in Suid-Afrika d.m.v. netwerking met die breër Liggaam van Christus, om transformasie in die lewe van die individu te bewerkstellig, sodat veranderings in gemeenskappe, streke, vastelande en die res van die wêreld kan plaasvind. (Hand 1 :8) Vrees van die Here Kennis is Verstand Spreuke 9 vers 10 (1953 vertaling) sê, Die beginsel van die wysheid is die vrees van die Here en kennis van die Heilige is verstand. (1983 vetaling sê: Wysheid begin met die dien van die Here; wie die Heilige ken, het werklik insig.) Hierdie vers leer vir ons dat die vrees van die Here die grondslag is vir ware wysheid; alle ander kennis is waardeloos tensy dit op die kennis van die Here Homself gebou is. Ander verse praat ook van die vrees van die Here (Psalm ; Spreuke 1:7; 14:27; 15:33). Voordat ons kan verstaan hoe die vrees van die Here tot wysheid lei, is dit noodsaaklik om te bepaal wat die Bybel bedoel by vrees in hierdie konteks. Die woord vrees in die Bybel kan verskeie betekenisse hê: Dit kan verwys na vrees wat iemand beleef in n skrikwekkende situasie (Deuteronomium 2:25). Dit kan respek beteken net soos wat n dienskneg sy meester vrees en hom getrou dien (Josua 24:14). Vrees kan ook dui op die eerbied en ontsag wat n persoon voel in die teenwoordigheid van iemand met aansien en status (Jesaja 6:5). Die vrees van die Here is n kombinasie van al die bogenoemde.

2 Die vrees van die Here kan gedefinieër word as die voortdurende bewustheid dat ons liefdevolle hemelse Vader oor ons waak en bewus is van alles wat ons dink, sê of doen" (Matteus 12:36; Psalm 139:2; Jeremia 12:3). Ons lees ook wat Jesus vir elkeen van die sewe kerke in Openbaring 1 en 2 vertel het, Ek weet alles wat julle doen. Niks ontsnap sy aandag nie. Om te groei in die vrees van die Here moet ons eers erkenning gee vir wie God is. In ons geestesoog moet ons die krag, mag, skoonheid, en wonderbaarheid van die Here God Almagtig waarneem (Openbaring 11:17; Hosea 12:5; Jesaja 6:1-5). Diegene wat die Here vrees het n voortdurende bewustheid van Hom; n diepe eerbied vir Hom; en n opregte toewyding om Hom te gehoorsaam. Spreuke 1:7 sê, (1953 vertaling) Die vrees van die Here is die beginsel van die kennis; sotte verag wysheid en tug. Daar is n groot verskil tussen n wyse lewe en n dwase lewe. n Wyse persoon vrees/eerbiedig/gehoorsaam die Here; n dwaas verag God se opdragte en laat hom nie voorskryf wat om te doen nie. Die wyse persoon het insig omdat hy uit die staanspoor gehoorsaam is en doen wat God vra; die dwase persoon het geen fondasie waarop hy met wysheid kan bou nie. Romeine 1:21 and 22 praat dat hulle Hom nie as God eer en dank nie, maar met hulle redenasies bereik hulle niks nie, en deur hulle gebrek aan insig bly hulle in die duister. Hulle gee voor dat hulle verstandig is, maar hulle is dwaas. Dis die beskrywing van mense wat probeer om wysheid te bekom terwyl hulle God ignoreer dit kan nie gedoen word nie omdat God die bron van wyshed is. Die verband tussen die vrees van die Here en wysheid beteken dat ons nie wysheid besit as ons, in die plek van die heerlikheid van die onverganklike God beelde stel wat lyk soos n verganklike mens of soos voëls of diere of slange (Romeine 1:23). Te veel mense wil vir God afgradeer na n nie-bedreigende iets of iemand. Wanneer ons die Here her-definieer as n god wat ons gemaklik laat voel; van Hom n toegeeflike vriend maak wat bloot daar is om ons te seën; en vir ons te gee wat ons

3 graag wil hê, sal ons Hom nie vrees en eerbiedig soos wat Hy verdien om gevrees en gerespekteer te word nie. Die Here God Almagtig is veel groter as dit, en die vrees van die Here begin wanneer ons Hom sien in Sy majesteit en krag (Openbaring 4:11; Job 42:1-2). Die Here gee vir Job (en ons) n kykie van Sy krag in Job 38 tot 41 waar Hy sy totale sowereiniteit oor alles beskryf. Wanneer die realiteit van God se ware aard veroorsaak dat ons neerbuig in aanbidding, is ons in die regte posisie om wysheid te bekom: Wysheid is bloot om die lewe te sien van God se perspektief en om daarvolgens te leef. Wysheid is n prioriteit, en ons word gevra om dit bo alles te bekom (Spreuke 3:13; 16:16). Spreuke is bekend as die boek van wysheid, en die hele tweede hoofstuk gee n volledige verduideliking oor die waarde wat dit het om wysheid te bekom. Totdat ons harte in die regte verhouding met God is, is ons nie instaat om wysheid wat van Bo kom te verkry nie (Jakobus 3:17). Sonder die vrees van die Here sal ons dalk kennis van alledaagse dinge inwin en n paar praktiese keuses vir hierdie lewe maak, maar ons sal een bestanddeel kortkom wat ons as n wyse mens definieer (Psalm 14:1; Eksodus 20:3; 34:14; Jeremia 25:6; Matteus 22:37). In die gelykenis van die ryk boer, het die man n sogenaamde wyse en praktiese plan vir sy winste gehad, maar God het vir hom gesê, Jou dwaas! Die boer het planne gemaak sonder om gedagte te gee aan God en die ewigheid (Lukas 12:16-21). Sonder die vrees van die Here neem ons besluite wat gebaseer is op foutiewe menslike kennis en begrip (Spreuke 3:5-6). Wanneer ons die vrees van die Here insluit in elke oomblik van ons lewe, sal ons besluite neem wat gebaseer is op Sy goedkeuring. Ons leef met die kennis dat die Skepper van die heelal intiem betrokke is by elke beweging van ons bestaan. Hy sien, weet en evalueer al ons keuses, en ons sal aan hom verantwoording moet doen. (Psalm 139:1-4) Ons respek vir God se majesteit veroorsaak dat ons Hom eer (Psalm 29:2). Ons dankbaarheid is die rede dat ons Hom voluit dien (Psalm 2:11; 107:15).

4 Die begrip dat ons liefdevolle God ook n God van wraak is, inspireer genoeg ontsag om weg te bly van die kwaad (Romeine 1:18; Spreuke 8:13). Sonde is dwaas; geregtigheid is wys. Wanneer ons regverdig leef, is ons op pad na wysheid, en almal in ons lewe geniet die voordeel daarvan (Spreuke 13:20; 19:8). S. Michael Houdmann President, GotQuestions.org (Voorgelê deur Robert Moffat. Pr. Eng. mc@tiscali.co.za)

5 Redaksioneel PITKOS Om die Bybel te lees sal jou help om die woord te ken, maar dit is wanneer jy dit neersit en jou lewe leef dat jy die Skrywer van die Bybel leer ken. (Steve Maraboli) Al die antwoorde vir die mens se probleme word gekry binne die omslag van die Bybel. (Ronald Reagan) Uit 100 mense, sal een die Bybel lees; die ander 99 sal die Christen lees. (Dwight Moody) Om die Bybel te lees sonder om daaroor na te dink is soos probeer eet sonder om te sluk. (Anoniem) Vicky Benson, WMP Direkteur vir Gebeds-Mobilisasie skryf die volgende: Die daaglikse oorweldiging van slegte nuus van regoor die wêreld is genoeg om van te huil. Dit is presies wat Nehemia gedoen het toe hy die nuus ontvang van die toestand waarin Jerusalem in daardie dae was. Hy het gehuil en gevas en gebid. Hy het eerstens God se grootheid en getrouheid erken. Lees sy gebed in Nehemia 1 as n voorbeeld vir ons in hierdie moeilike tye. Prys Ek het gesê: Ag, Here, God van die hemel, groot en ontsagwekkende God wat u verbond en u troue liefde handhaaf teenoor die wat vir U liefhet en u gebooie gehoorsaam (vers 5). en wat op Hom vertrou. Gee aan hulle vrede en voorspoed Here, want hulle het hulle vertroue op U gestel (Jesaja 26:3). Berou

6 Onthou EHCS A se Dae van Vas en Gebed (Maandae) 3 Oktober 7 November 5 Desember Belangrike Kennisgewing EHCSA se Nuusbrief, Forum, is nou in elektroniese formaat beskikbaar. Indien jy die Nuusbrief wil ontvang via jou selfoon of e-pos, voorsien ons asseblief met jou kontak details. Kontak Rozanne weeksdae by (Kantoor-ure 8:00 tot 13:00 uur) Nehemia het opregte berou gewys vir die sondes van sy volk, sy gesin, en homself. Ons het U nie geëer nie, ons was ongehoorsaam aan die gebooie, die voorskrifte, die bepalings wat U aan u dienaar Moses gegee het (vers 7). Maar as ons ons sondes bely Hy is getrou en regverdig, Hy vergewe ons ons sondes en reinig ons van alle ongeregtigheid (1 Johannes 1:9). Deur God se krag sal ons wegdraai van sonde. Beloftes Nehemia het God herinner aan wat Hy gesê het, en hy het geglo dat spesifieke beloftes vir God se mense waar is, u volk vir wie U met u groot mag en krag gered het (verse 8-10). Watter beloftes van God sal jy in jou situasie toeȉen en opeis? Versoeke Nehemia het vrymoedig en spesifiek gevra (vers 11). Kom ons gaan dan met vrymoedigheid na die genadetroon, sodat ons barmhartigheid en genade ontvang en so op die regte tyd gered kan word (Hebrews 4:16).

7 ISLAM SEMINAR WITH DR MARK DURIE On the 6th of October, SATS is proud to host a seminar entitled "Understanding Islam and Sharing Jesus with Muslims," presented by Dr Mark Durie. Dr Durie is an evangelist and world leader in scholarship on Islam, and will be addressing several topics, including: Understanding Islam Do we worship the same God? Muhammad and Jesus The cross and freedom The seminar will be held from 09h00 to 15h00 at Lonehill Village Church, Crestwood Drive, Lonehill, Gauteng. The cost of R200

8 per person includes refreshments and lunch. To make a booking, please contact Lonel Fisher at lonel@sats.edu.za or Het jy geweet? Jesus maak die stelling dat Hy God is, Joh 8:24; 8:56-59 (sien Eks 3:14); Joh 10:30-33 Jesus word God genoem, Joh 1:1, 14; 20:28; Kol. 2:9; Titus 2:13; Heb. 1:8 Jesus is die ewebeeld van die wese van God, Heb. 1:3 Jesus bly vir ewig, Heb. 7:24 Jesus het alles geskape, Joh 1:1-3; Kol. 1:15-17 Jesus is voor alle dinge reeds daar, Joh 1:1-3; Kol. 1:17; Jesus is ewig, Joh 1:1, 14; 8:58; Miga 5:1-2 Jesus word geëer net soos die Vader geëer word, Joh 5:23 Jesus word aanbid, Matt. 2:2, 11; 14:33; Joh 9:35-38; Heb. 1:6 Jesus is alomteenwoordig, Matt. 18:20; 28:20 Jesus is altyd met ons, Matt. 28:20 Jesus is ons enigste bemiddelaar tussen God en onsself, 1 Tim. 2:5 Jesus is die waarborg vir n beter verbond, Heb. 7:22; 8:6 Daar word tot Jesus gebid, Hand 7:55-60; 1 Kor. 1:2 met Psalm 116:4; (Joh 14:14)

9 BELANGRIKE KENNISGEWING VIR DONASIES GEMAAK AAN EHCSA GEBRUIK ASSEBLIEF DIE VOLGENDE ADRES: DIE ADMINISTRATEUR POSBUS 7256 CENTURION 0046 Leer om erkenning te gee aan God se grootheid en getrouheid - Aléta Reyneke Uitreik in Moretele, Noordwes Provinsie n Uitreik het plaasgevind onder die Bahwaduba Stam, in Moretele, Noorwes Provinsie. Hierdie is n village met ongeveer inwoners in Matibestadt en die hoofmanskap val onder die jurisdiksie van Hoofman Mathibe.

10 Die uitreik het plaasgevind onder die beskerming van pastor Lulu Nakana, MTCkoördineerder vir Noordwes Provinsie. Die bedienings en kerke wat saamgewerk het is: Maranatha Ministries Biskop P. Sehonyane Spirit Ministries Biskop Steven Magagula Moretele Christian Church Ds. Mbatha Die leierskap-lede van Maranatha Ministries: Biskop Sehonyane Ouderling Moremi Ouderling Motsei Ouderling Seagamotse Die leierskap-lede van Spirit Ministries: Biskop Magagula Pastoor Modiri Pastoor Lethlogonolo Diaken Setshaba Setshedi Pastoor Leago Die leierskap-lede van Moretele Christian Church: Ds. Mbatha Pastoor Mokoena Mev. Tsatsi Beginsels vir Geestelike Oorlogvoering Dr Bennie Mostert Jerigo Mure Internasionale Gebedsnetwerk Beginsel 1: Die belangrikste waarheid wat die gelowige moet ken en kan hanteer, is die gesagsposisie of troonposisie. Onkunde hieroor maak die gelowige geestelik magteloos. Die Christen moet weet wie hy in Christus is en dat hy in Christus gesag het oor alle bose magte (Efes 1:19-22 en Efes 2:6). Beginsel 2:

11 Die Christen moet weet van die sleutelmag wat God aan ons gegee het en moet weet hoe ons dit elke dag en in elke situasie waar dit nodig is, te gebruik. Vanuit ons gesagsposisie moet ons die werke van die Satan bind en hulle wat deur die Satan gebind word, in Jesus se Naam ontbind. Beginsel 3: Ons moenie die duiwel en sy demone vrees nie. Ons moet hom weerstaan (Jak 4:7) en hom bestraf waar nodig. Moenie onnodig aandag gee aan die magte van die Bose nie, maar daar waar ons hulle sien werk, moet ons hulle weerstaan en bestraf. Beginsel 4: Ons moet die volle wapenrusting van God aantrek sodat ons staande kan bly teen die aanvalle van die Bose (Efes 6:10-18). Elke stukkie van hierdie wapenrusting is belangrik. Daarsonder kan ons nie staande bly nie. Beginsel 5: Ons moet ons vyand ken, ons moet weet wie hy is, wat hy kan doen, hoe hy werk en wanneer hy werk. Baie dikwels word die regte vyand nooit geïdentifiseer nie en kan hy daarom ook nie effektief beveg word nie. Beginsel 6: Die kruis van Jesus staan sentraal in die hele stryd teen die Bose, want dit is aan die kruis waar die Satan oorwin is. Maar meer nog, die Christen moet gekruisig wees, dood vir die self, anders sal hy nie staande kan bly teen die listige aanvalle van die Bose nie. Beginsel 7: Ons moet die Woord van God ken. Matt 22:29 sê dat ons dwaal omdat ons nie die Skrif en ook nie die krag van God ken nie. Baie Christene bly geestelik oneffektief en deel nie in die lewe van oorwinning nie, omdat hulle nie die Woord

12 van God ken nie. Dit het tot gevolg dat hulle nie die waarheid ken nie en die duiwel hulle maklik kan mislei. Beginsel 8: Toets die wapens in die geveg. Wanneer ons in n geveg met die Bose betrokke is, het ons nie altyd dieselfde wapens nodig nie. Soms het ons Efes 6:13-17 nodig, soms Open 12:11, soms die bloed van Jesus Christus, ander kere weer Joh 15 en ander kere Romeine 6 of Rom 8:37. Afhangende van die situasie, het ons verskillende wapens" nodig. Dikwels is dit nie genoeg om die Satan net te bind en te weerstaan nie; daar kan onbelyde sonde wees, dit kan n aanval op die ou natuur wees, dit kan leuens oor ons verhouding met Jesus wees. Dus is daar telkens ander wapens nodig. Beginsel 9: Iemand het gesê dat 97% van geestelike oorlogvoering is wag op die Here. Vir ons as mense wat graag dinge wil sien gebeur, is dit moeilik om op die Here te wag. Oorhaastigheid is dikwels die begin van geestelike neerlaag en mislukking. Beginsel 10: Dit is God se geveg. Jy as Christen is n medestryder, maar onthou dit is God se geveg. Dit is God wat bepaal waar, teen wie en wanneer daar geveg moet word. In die finale instansie is dit God en sy engele wat veg. Ons veg saam met God, nie God saam met ons nie. Hy is die Here, Hy weet wat Hy doen, daarom moet ons Hom vertrou en nie vir Hom probeer voorskryf wat Hy moet doen nie. Beginsel 11:

13 Gebruik die bloed van Jesus in die stryd teen die Bose. Die bloed is van die uiterste belang. Die bloed moet gebruik word vir reiniging, versoening, beskerming en regverdigmaking. Die Bybel is duidelik daaroor dat die Satan deur die bloed van die Lam oorwin moet word (Open 12:11). Beginsel 12: Behou n rein hart. Sonder n rein hart is n gelowige grootliks oneffektief in sy stryd teen die Bose. Sorg dat alle bewuste onbelyde sonde bely is en dat jy sover moontlik volledig restitusie doen oor jou verlede. Met n rein hart het die Satan geen houvas op die kind van God nie. Beginsel 13: Toets alle dinge. Die Woord sê duidelik dat ons alle dinge moet toets, veral alle bonatuurlike gebeure. Toets aan die vrug. 1 Joh 4:1 sê dat ons alle geeste moet toets. Beginsel 14: Die wil van God is van kardinale belang in geestelike oorlogvoering. Dit is ook alleen wanneer ons binne die wil van God beweeg dat ons werklik op sy beskerming kan staatmaak. Dit is nie belangrik wat jy dink moet gebeur nie, maar wat God se plan en wil is. God verleen geen beskerming aan ons eie planne nie. Ek kan met my wil kies of ek God wil dien of nie, of ek aan Hom gehoorsaam gaan wees of nie. Na dié mate wat ek kies vir die wil van God, kan God my as medewerker in sy koninkryk gebruik. Beginsel 15:

14 Veg vanuit die oorwinning. In Jesus Christus het ons reeds die oorwinning; ons hoef nie nog eers die oorwinning te behaal nie. Ons is meer as oorwinnaars deur Christus wat ons krag gee. Die Satan sal alles in sy vermoë doen sodat jy hierdie Goddelike waarheid nie sal glo of raaksien nie. Proklameer hierdie oorwinning en moenie probeer opklim tot in die oorwinning nie. Beginsel 16: Gehoorsaamheid aan God is onontbeerlik as jy enigsins n lewe van oorwinning wil voer en staande wil bly in die stryd teen die Bose. Niks kan gehoorsaamheid vervang nie, nie opoffering of goeie werke of wat ook al nie. Jesus is die Leidsman en Voleinder van ons geloof. Hy moet sonder teëspraak, opstand, ongeloof of twyfel gevolg word. In n sekere sin kan ons die boodskap van die Bybel saamvat as die eis van God aan die mens om gehoorsaam te wees aan die wil van God die Vader. Beginsel 17: Ons moet ons denke/rede beskerm. Naas die emosies van die mens, konsentreer die Bose veral ook op die denke van die mens. Daarom moet die Christen sy denke ("mind") beskerm. Die duiwel kom met allerhande redenasies en planne na ons. Gedagtes kan basies van drie plekke af kom: uit die mens self, van Satan; of van God. 2 Kor 10:5-6 sê dat ons elke gedagte gevange moet neem en dit aan Christus gehoorsaam moet maak. Elke gedagte wat nie van God af kom nie, moet ons weerstaan. Ons moet bid vir onderskeidingsvermoë en ook ons denke onder die bloed van Jesus hou. Beginsel 18: Ons moet offensief optree en nie net defensief nie. Ons moet tot die aanval oorgaan en die sterkman se goed van hom afneem sodat dit onder beheer van die koninkryk van God kan kom. Een van die belangrikste beginsels in oorlogvoering is om nie net aanhoudend te verdedig nie, maar tot die aanval

15 oor te gaan; om die inisiatief te neem en die geveg te dikteer. Geen oorlog word met n defensiewe gesindheid gewen nie. Beginsel 19: Engele speel n baie belangrike rol in die stryd teen die Bose. Telkens in die Bybel word ons aandag gevestig op die werkinge van die engele (2 Kon 6:16-17; Heb 1:14; Dan 6:22; Hand 12:8-11; Ps 91:11-12). Ons moet weet dat daar engele is wat ons help en ons kan ook bid dat die Vader sy engele sal stuur om ons te beskerm en te bewaar. Ons kan en mag egter nooit tot die engele bid nie. Ons moet ook nie van ons kant af met hulle probeer kontak maak nie. Beginsel 20: Kry medegelowiges om saam met jou te staan in die stryd teen die Bose. Skakel in by n gebedsgroep, of bou vir jou n gebedsgroep op wat saam met jou geestelike oorlogvoering kan toepas. Daar is groter krag in gesamentlike gebed. Dit is ook goed om broers en susters te hê wat jou hande kan vat wanneer jy begin moedeloos en moeg voel en wanneer die stryd hewig en die weerstand groot is. Beginsel 21: Konsentrasie van magte is n uiters belangrike beginsel by oorlogvoering. Ons moet ons kragte konsentreer en ons aanvalle toespits op die mees strategiese punte. Bid tot God dat Hy deur die Heilige Gees vir jou die mees strategiese persone en vestings van die Bose sal uitwys en konsentreer jou geestelike offensief daarop. Kry ander gelowiges (individuele voorbidders en gebedsgroepe) om saam met jou te werk en deur gebed en geestelike oorlogvoering te konsentreer op daardie spesifieke terreine wat in die geestelike sfeer die belangrikste is. n Groot deel van geestelike leiers se krag lê in getroue medewerkers, medestryders.

16 Beginsel 22: Dit is van die uiterste belang dat wanneer daar n oorwinning in die geestelike sfeer behaal is, ons nie moet verslap nie. Nee, ons moet volhard, oftewel die beginsel van agtervolging toepas. Ons is geneig om te verslap die oomblik wanneer daar n deurbraak vir Christus behaal is. Dit is altyd gevaarlik, want dit is die tyd wanneer n teenaanval van die vyand gewoonlik baie effektief is. Ons moet die vyand (die Bose) agtervolg, totdat alle teenstand uitgewis en in volkome oorwinning behaal is. Die geveg tussen Gideon en die Midianiete (Rigters 7 en 8) illustreer hierdie beginsel baie goed. Beginsel 23: n Volgende beginsel is dié van kommunikasie. Baie oorloë in die geskiedenis sal verloor omdat die kommunikasie tussen die generaal en die troepe op die grond skipbreuk gely het. Die Christen moet in kontak met sy Opperbevelhebber, Jesus Christus, wees. Enige sonde of ongehoorsaamheid verhinder hierdie kommunikasie tussen God en mens. As ons nie kan hoor wat God sê nie, weet ons ook nie wat sy wil is nie en kan ons ook nie effektief optree nie. Sondebelydenis is die enigste manier waarop kommunikasie herstel kan word. Beginsel 24: n Ander beginsel van geestelike oorlogvoering is samewerking. Satan sal alles in sy vermoë doen om verdeeldheid en onenigheid tussen Christene te bewerk. Howard Guinness sê die volgende in sy boek Total Christian War: Gemeenskap is die sleutel van hierdie geloof, só in diepe gemeenskap met God, deur Christus, dat dit onafwendbaar tot innige samehorigheid met sy ander kinders lei. Herlewing in die Christelike kerk sal sonder twyfel slegs kom wanneer toegewyde Christene gedissiplineerd en skeppend met mekaar omgaan. So n eenheid van gelowiges in Christus is God se sterkste wapen in die evangelisering van die wêreld (1 Joh 1:5-7; Joh 17:22-23). Die geïsoleerde Christen is besonder kwesbaar."

17 Beginsel 25: Sonder persoonlike veiligheid en beskerming kan ons nie by geestelike oorlogvoering betrokke raak nie. Clauswitz het gesê: Die kuns van verskansing help nie die verdediger om homself beter te verskans nie, maar wel om die vyand met groter sukses aan te val." Dit is n groot waarheid en jy moet dit nie geringskat nie. Dit is nie verniet dat Efes 6:10 sê dat ons kragtig in die Here moet word en in die krag van sy sterkte, sodat ons staande kan bly teen die liste van die duiwel nie. Hierdie vers beteken onder andere dat ons, ons met die Here moet beklee. In Hom is ons veilig. Die Christen moet van sy wapenrusting en wapens gebruik maak om homself buite bereik van die vyand te stel. Beginsel 26: Iemand het gesê: lf you aim at nothing, you will hit it every time." Geestelik is dit ook waar. Ons moet weet waarheen ons op pad is, ons moet n doel hê. In hierdie geestelike oorlog moet ons weet wie die vyand is, waar sy vestings is en watter van daardie vestings ons in Jesus se Naam wil neerwerp. Ons moet geestelik planmatig en doelgerig te werk gaan. Wanneer ons bv. vir n persoon bid wat ongered is, moet ons onder andere vasstel watter vestings van die Bose daar in sy lewe is en watter van daardie vestings die oorheersende is. Dan sal ons weet hoe om te bid. Beginsel 27: Lofprysing is onontbeerlik in geestelike oorlogvoering. Sonder lofprysing raak n mens neerslagtig en word die Bose en sy werk so n oorweldigende werklikheid dat ons van God vergeet. Lofprysing verdryf die vyand, dit verdryf twyfel, vrees en n oormatige vaskyk teen die Bose. Ons moet ons oë op Jesus hou en Hom loof en Prys - ons moet God verheerlik. Lofprysing maak die gees vry en bring ons opnuut in kontak met die grootheid en majesteit van God. Beginsel 28:

18 In alle oorlogvoering is daar iets soos beplande onttrekking. Dit beteken nie om die aftog te blaas nie. Daar word om baie goeie redes uit die gevegsituasie onttrek. Dit is nodig dat die gelowige homself van tyd tot tyd sal onttrek om te rus, om vakansie te gaan hou, om gemeenskap met die Here te hê (stiltetyd, tye van gebed of vas en bid), om tyd te neem om na liggaam en gees te herstel sodat die geveg daarna weer opnuut aangepak kan word. Uitputting en moegheid maak n mens abnormaal kwesbaar vir Satan se versoekings en aanslae. Wie die reël van beplande onttrekking verontagsaam, probeer bomenslik wees en is gewoon dwaas (Mark 6:31; 6:46; Luk 5:16; 6:12; Jes 40:31). Beginsel 29: Die Heilige Gees, sy krag, vervulling, gawes, vrug, verseëling, leiding, oortuiging van sonde, verklaring van die Skrif en intrede by die Vader met onuitspreeklike sugtinge is, onontbeerlik in geestelike oorlogvoering. Sonder die krag, leiding en medewerking van die Heilige Gees is die gelowige magteloos teen die Bose. Beginsel 30: Gebed is ongetwyfeld een van die belangrikste pilare in geestelike oorlogvoering. Hier praat ons van gebed in al sy vorme: aanbidding, lofprysing, danksegging, sondebelydenis, voorbidding en gebedsoorlogvoering (om vanuit die gesagsposisie die vestings van die Bose te vernietig en sy planne te verbreek)

19 ELKE HUIS VIR CHRISTUS SA Tel: (012) Faks: (012) e- pos: KANTOORURE: Weeksdae 08:00 13:00 POSADRES: Posbus 7256, CENTURION 0046, Suid-Afrika Toestemming word hiermee verleen aan enige kerk, sendingaksie, tydskrif of nuusbrief om gedeeltes van hierdie EHC-nuusbrief te herdruk of daaruit aan te haal op voorwaarde dat: die gedeelte binne konteks aangehaal en dat erkenning aan die bron gegee word. Stuur asseblief aan ons n afskrif van die artikel wat gebruik is. Ontwerp en uitleg deur Msomi Africa (Pty) Ltd Tel:

20