(S1)Verwelkoming: Moenie dat die lewe met jou weghardloop nie; wees in die oomblik en hou jou prioriteite duidelik!

Transcription

1 22 Julie 2018 Efesiërs 2:11-22 Kan mense in vrede leef? (S1)Verwelkoming: Moenie dat die lewe met jou weghardloop nie; wees in die oomblik en hou jou prioriteite duidelik! Doopouer Leriene Verjaarsdae en huwelike: (S2)Oueroomblik: (Ek leer dit uit die goed wat ek verkeerd doen!) Ons is haastig en meer ingestel op effektiwiteit as op ons kinders se ontwikkeling. Pasop om iets vir hulle te doen wat hulle self kan doen (al is dit nie soos jy dit sou kon doen nie). En as jy iets uit hulle hande neem om te doen of iets regdoen of oordoen wat hulle gedoen het bevestig jy dat hulle poging nie goed genoeg was nie Kom ons help ons kinders om gevoelens van selfvertroue en probleemoplossing te ontwikkel! Aankondiginge: Omgeegroepe vir die kwartaal: lekker geleentheid om aktueel saam oor die Bybel en geloof te gesels Revolusie vanaand saam met Hendri Viljoen Sakkie nog net tot volgende Sondag Graad 3 ouergeleentheid volgende Sondag Schalk op verlof Geleentheid met Pieter van Jaarsveld 13 Oktober (S3)Dankoomblik vir reën: Kort video oor water Daar is n gesegde wat sê: Water is lewe! Elke plantjie, elke diertjie en elke mens het water nodig om te lewe. Toe dit nog nou die dag so droog was by ons, het ons dit so duidelik gesien hoe alles sukkel, hoe plante en diere doodgaan omdat hulle nie water het nie; en ons was baie bekommerd dat ons damme heeltemal leeg sou word en dat ons huise sonder enige water sal wees. Ons het die Here gevra om ons te help. Want water is so basies en eenvoudig, en ons as mens kan al baie dinge maak, maar ons kan dit nie een ding maak wat ons (fisies) die nodigste het nie; water; ons het nodig dat die Here vir ons reën stuur. En baie mense het vir baie lank gevra dat Hy ons sal help. Ons moes leer wag en vertrou op Hom. En Hy het ons gehelp. Ons het wonderlike reën gekry. Ons kon sien hoe alles weer lewe kry. Dit is n teken van die oorvloed van sy seën! Water is wonderlik! Water gee lewe, was ons skoon, water koel ons af.. Daarom gebruik ons ook water by die doop. (Ons doop vanoggend later hierdie pragtige dogtertjie, Leah) God gee ook vir ons die ware lewe; Hy gee ons liefde; net soos ons lywe nie sonder water kan lewe nie, kan ons siele (binnekante; gevoelens) nie sonder liefde nie. God was ook ons binnekant skoon van alles wat sleg en lelik is.

2 Gebed (koormusiek: Ukhutula speel): Onthou hoe die droog dit was en hoe dit nou lyk Dink aan jou lekkerste herinnering met water Sê vir die Here dankie vir geskenk van water; en vir die reën. Dink aan jou doop en aan God wat goed is en vir meer as genoeg gee Seëngroet: Jesus sê Hy is sagmoedig en nederig van hart. Daarom kan almal wat moeg en gestres is na Hom toe kom, en hulle sal rus kry vir hulle gemoed. Lof en aanbidding: Liewe Vader ek sê dankie, Lied 552 (orrel) Ons is almal hier tesaam Op vaste fondamente Wat n liefde (S4)Gebed: Kinders verlaat die kerk Skriflesing: Ef 2:11-22 Preek: (S5)Die brief aan die gelowiges in Efese, gaan uit as n boodskap van hoop vir mense wat op verskillende maniere en om verskillende rede, uitgesluit gevoel het. Dikwels doen mense net wat hulle dink reg is, sonder kwade bedoelens, maar dit kan nog steeds ander mense baie seermaak. Ek is seker dit was in hierdie geval ook so. In al die vroeë Christelike gemeentes was daar probleme in die verhouding tussen Joodse en nie-joodse Christene. Voor die evangelie of die kerk nog na stede rondom die Middelandse see, soos Efese, gekom het, was daar reeds Sinagoges (Joodse kerke) daar. En daar was reeds nie-jode wat die Joodse geloof aangeneem het. Sommige van hulle was voluit in; hulle het ook al die Joodse wette (besnydenis en kos) onderhou. Ander het wel die Joodse geloof aangeneem, sonder al hierdie tradisionele gebruike. En die drie groepe was amper soos trappe van vergelyking. Gelowig, amper-jood, regte Jood. Toe mense die evangelie van Jesus gehoor en aangeneem het, het hierdie onderskeid ongelukkig ook in die kerk voortgeduur, maar mens kan verstaan hoekom: die Jode kom nou al n lang pad saam met die enigste, ware God. Hy het hulle lank terug gekies en n verbond met hulle gesluit; en die wet, veral die besnydenis, die sabbat en die eetgebruike was die teken dat hulle God se uitverkorenes is. En van hierdie diep oortuiging en identiteit, stap n mens nie sommer in dag of twee weg nie. Baie Jode het Jesus aangeneem, maar hulle het voortgegaan met hulle onderhoud van die wet (wat ook nie verkeerd was noodwendig nie). En daarom het die Joodse Christene voortgegaan om druk te sit op nie-joodse Christene om hulle te laat besny en om die wet te onderhou, dan kan hulle ook volwaardige Christene wees, maar as jy dit nie doen nie, is jy gedoem tot tweede-klas gelowige. Mens kan jouself goed indink hoe sterk die nie-joodse Christene hierdie boodskap van minderwaardigheid vir hulleself aangetrek het. Hulle Voorvader is nie Abraham nie. Hulle

3 was nie deel van hierdie pad met God deur die eeue nie. Hulle het nie vir hulle rein gehou soos die Jode nie. Hulle nie voorbeeldig gelewe soos die Jode nie. Hulle het kos geëet wat aan afgode geoffer is. Hulle het wilde partytjies gehou met die tempelprostitute. Dit moes n pynlike deel van die nuwe gelowiges se ideniteit gewees het wat hulle nou eerder sou vergeet. Tog begin Paulus hierdie gedeelte met die aanmoediging: Hou dan in gedagte wat julle vroeër was. En dan al daardie pynlike dinge wat so diep deel geword het van hierdie gevoel van tweederangs wees en jou soos n gevangene laat voel: onbesnede, uitgesluit uit die burgerskap van Israel, ver van God, sonder deel aan die verbond, sonder hoop en sonder God so asof Paulus dit wil invryf. (S6)Maar dit is nie sy bedoeling nie. Juis die teenoorgestelde. Hy wil hulle nooi om juis die radikale ommekeer wat Jesus in hulle identiteit maak raak te sien: dat Jesus hulle vry maak van hierdie verlede van minderwaardig wees en van uitgesluit wees. Maar hoe kry Hy dit reg? Hoe verander Jesus hierdie diep programmering wat oor eeue plaasgevind het in mense se lewens? Hy begin oor; Hy skep iets nuuts wat ook die fondament is van God se nuwe skepping, die prototipe van hoe alles uiteindelik gaan werk. En dit is die kerk. n Nuwe mensheid. n Nuwe manier van hoe mense in vrede met mekaar kan lewe; n radikale alternatief vir die wêreld met sy pole, en konflik en tweespalt. (S7)En om te begin verduidelik hoe die prakties gebeur, gaan Paulus in diep dinge in wat nie altyd so maklik is om te verstaan en te lewe nie. Maar wat ons kan sien is dat Paulus hierdie ding oor uitsluiting en minderwaardigheid uit die hart van die evangelie aanspreek. Christus self is ons vrede. Ons het vrede omdat ons een geword het met Hom. En dit het moontlik geword omdat Hy sy liggaam vir ons gegee het aan die kruis. Daar by die kruis is die ou wette, die ou patrone, die ou wêreld gebreek en geboorte is gegee (ook in die opstanding) aan n nuwe wêreld, aan nuwe patrone en n nuwe lewensoriëntering en waardes. Die vyandskap, wat vroeër soos n muur skeiding gemaak het tussen mense is aan die kruis, in sy liggaam afgebreek. En deel van daardie vyandskap, deel van daardie skeiding, was die wet. Die wet van Moses, met al sy gebooie en bepalings het Hy opgehef en so het hy die twee partye van daardie tyd se kerk verenig tot een nuwe mensheid, een nuwe liggaam. Dit is versoening. Dit is vrede. (S8)Ek dink ons sukkel om n greep te kry op die wonder en die omvang hiervan. En ons is nog te bang om die volle implikasies hiervan uit te lewe. Godsdiens wat bestaan uit wetsvervulling, uit die nakoming van reëls is vernietig. Want wette en reëls en n ideniteit wat daarop gebou is, sal altyd skeiding bring, sal altyd vir mense meerder- en minderwaardig laat voel. God haal die wet en die middel uit en sit vir Jesus daar. Ons is nie verbind aan iets nie, maar aan Iemand. Nie onder die wet se gesag of gehoorsaam daaraan nie, maar onder Jesus se gesag, gehoorsaam aan Hom, soos wat Hy ons lei in n nuwe verhouding met God en met mekaar. En ek hoop julle het teen hierdie tyd al begin dink aan my en jou eie situasie; in die kleiner wêreldjie van ons gesinne, ons families, ons gemeente en ons kerk, maar ook aan die groter wêreld: aan ons land en aan globale tendense. Julle het seker al gehoor dat mense sê ons is nou weer in n fase van identiteitspolitiek. Van Brexit tot Rusland, van Trump tot Zuma, van Steve Hofmeyer tot Julias Malema kan jy

4 in terme daarvan verstaan. Mense het vertroue verloor in die droom dat almal oor die weg kan kom. Ons verskil net te veel, sê hulle. En die beste wat ek kan doen (lyk dit of mense besluit het) is om sterker bande te bou met my groep, met die mense wat soos ek is, en om dan saam te baklei vir ons plekkie in die son. En die enigste manier om dit te regverdig is om redes te soek hoekom ons spesiaal is, hoekom ons beter is as ander. En dan begin hierdie maniere hoe ons ons identiteit probeer beskerm mure word tussen ons en ander mense. Ek is wit. Witmense het alles uitgevind: ons is beter. Ek is swart. Ons het ook n ryk verlede. Afrika behoort eintlik aan ons. Ek is Afrikaans ek is Zulu en so kan ons aangaan. Wie en wat vorm jou diepste identiteit? Want ek en jy is ook n Christen. Maar die probleem is dat die kerk ook ingetrek geraak het by hierdie speletjie van identiteitspolitiek. Van die kruisvaarders, die koöptering van wit evangelicals deur die Republikeine in Amerika, deur apartheid tot by verskille oor die rol van die man en die vrou by die huis en die bakleiery oor homoseksualiteit was en is die kerk nie die gestalte van die nuwe mensheid in Christus nie. (S9)Want die ou wêreld, die ou reëls, die ou gewoontes, die ou mens sal eers saam met Jesus moet dood gaan. Wat ons wêreld nodig het, wat SA nodig het, is mense, Christene, wat saam met Paulus sal kan sê (in Fil 3) dat om Jesus as sy Here te ken, oortref alles in waarde. En daarom is hy bereid om alles prys te gee wat eers vir hom alles was: sy besnydenis, dat hy n rasgegte Israeliet is met al die pedigree, die regte wetsopvatting, die regte opleiding. Alles. Want waarvoor Jesus sy liggaam aan die kruis gegee het, is n nuwe mensheid wat in God se omvattende vrede leef. Mense wat n nuwe identiteit het, burgers van n nuwe koninkryk, gesinslede van God met n nuwe tuiste. Dit is ons diepste en enigste vaste identiteit. Dit is die enigste pad na vrede. Die pad om die valse sekuriteit op te gee. Al die dinge wat jou ego opblaas en jou afskerm van ander mense. Miskien vra jy: Is dit dan verkeerd om trots te wees op my herkoms, op Afrikaans en my kultuur en my voorouers? CS Lewis het hierdie wonderlike perspektief op oorgawe: Hy sê: Anything you have not given away will never truly be yours. As jy klou aan valse sekuriteit om jou menswees daarin te probeer vind, gaan jy juis jou menswees verloor, want dit lê in verhoudings, in God se omvattende vrede tussen alle mense; in versoening. Maar as jy bereid is om alles weg te gee, sal God dit op wonderlike nuwe maniere aan jou teruggee as jy die wonder ontdek dat jy, juis as iemand wat nie kan loskom van jou wortels nie, tog in die diepste, geestelike gemeenskap met iemand kan wees, ten spyte van julle verskille, want die nuwe mensheid in die liggaam van Christus is groter. Amen. Nadenke: Stilword: vertroue op die werk van die Heilige Gees Verken gevoelens van minderwaardigheid Hoe gee God aan jou nuwe waarde? Hoe sal n kerk lyk wat die nuwe mensheid in Jesus uitleef? Vra God om jou n prentjie te gee? Wat is jy bereid om op te gee sodat God se nuwe visie van menswees in jou hoekie van die wêreld kan realiseer? (S10)Doop: The biggest question about meaning is certainly this Question: What does it mean to be truly human? How can I flourish as a person in the context of the current state of affairs? Our world is not all doom and gloom; what people can do, the accomplishments of science and technology amazes and sometimes makes a big difference in the quality of life of people. While some things look like they are getting better, some things seems to be

5 going backwards; there is still an awful lot of human suffering and pain inflicted by humans on each other. Our worlds problems can t be fixed. We can only be saved. We need a Saviour. And not one out of the pages of one of Marvel s comic books. The only paradigm that can help us make sense of our lifes and the real world that we are living in in an honest way, is the reality of Jesus death and resurrection. It symbolizes not fixing (the sickness runs to deep) but salvation: a fresh start. a New creation, where the old has to die for the new to rise. And while we are waiting for the fullness of this promise to be realized, we are living our lives in the tension of this paradox: we will feel real pain, real death, but when we do, that is not the end, it is the start of something new, of life, of resurrection: because we are in Christ. And that is the meaning of baptism: that in Christ, we become part of a new humanity. May today become for always the symbol of that hope for Leah, for you and your family. Leah Marie Brotherston (Leriene en Dion) Dankoffers: Jesus be the centre Slotlied: 464: 1, 3, 4 Seën: Amen en uitstap: band