2011 PNG Sastenabiliti Ripot. Mekim senis

Transcription

1 2011 PNG Sastenabiliti Ripot Bungim Tok Mekim senis

2 STORI BILONG DISPELA RIPOT Dispela ripot i karamapim wok bilong Oil Search Limited (Oil Search) na ol wok eksploresen na prodaksen i go het long Papua Niugini (PNG) we Oil Search yet i bosim insait long yia i pinis long 31 Desemba PNG LNG Projek i no stap insait long en, bikos olgeta wok-bosim bilong en i stap wantaim Esso Highlands Limited Tasol ol arapela wok long ges aninit long PNG LNG, i stap hia. Olgeta mani-mak insait long dispela ripot i stap long PNG Kina. Olgeta mani-mak insait long dispela ripot em i stap long PNG Kina, na i senis bihainim ret PGK 1:00 = US$ SKELIM MAK BILONG DISPELA RIPOT Olgeta samting long dispela ripot i kam long 2011 Sastenabiliti Ripot bilong Oil Search, olsem na ol bikpela luksave i wankain. Tasol insait long dispela ripot, moa luksave i go long strongim ol bikpela hap bilong sastenabiliti wok bilong mipela, we mipela i ting i sut moa long ol PNG stekholda bilong mipela. WE BILONG TOKTOK LONG MIPELA Mipela i orait long kisim ol askim na bekim long dispela ripot. Plis toktok long Koporet Sastenabiliti tim bilong mipela long sustainability@oilsearch.com SASTENABILITI RIPOTING WOK-ROT BILONG MIPELA Dispela yia, mipela i kamapim wanpela rot long ol print na onlain samting bilong toksave long sastenabiliti wok bilong mipela long ol bikpela stekholda bilong mipela. Dispela ripot em bilong givim wok-mak stori bilong ol PNG wokmanmeri na komyuniti memba. Olgeta pepa insait long 2011 sastenabiliti ripoting wok-rot bilong mipela i stap long Oil Search 2011 Enual Ripot Oil Search 2011 Sastenabiliti Ripot Oil Search 2011 PNG Sastenabiliti Ripot Bungim Tok (TokPisin) Oil Search 2011 Kes Stadi Buk Connections Oil Search 2011 Sastenabiliti Data Buk Long pepa na onlain tu Long pepa na onlain tu Long pepa na onlain tu Long pepa na onlain tu Onlain

3 Oil Search 2011 PNG Sastenabiliti Ripot Bungim Tok 1 OL SAMTING INSAIT 2 Toktok i kam long Menesing Dairektar 4 Bungim Tok long ol Bikpela Wok-mak 6 Bungim tok long ol Wok 8 Sastenabiliti Luksaveh 11 Sosol Divelopment 12 Komyuniti Helt 14 Komyuniti Divelopmen 18 Ol Oil Search Wokmanmeri 22 Busgraun na Wara 25 Mining bilong ol tok

4 TOKTOK I KAM LONG MENESING DAIREKTA Peter Botten, Menesing Dairekta 2011 em i bin yia i lukluk moa long bildim Oil Search bilong bihain taim. Bikpela wok konstraksen bilong PNG LND Projek i bin kirap, na ol arapela wok i sut moa long sanapim ol bilding blok bilong narapela wok groim bilong Kampani. Antap long strongpela wel prodaksen, Oil Search nau em i wok go het wantaim namba wan bikpela wok drilim long histori bilong em. Ol dispela nupela rot i strongim nid bilong wanpela strongpela sastenabiliti pletfom, na Oil Search i wok long redim ol wok bilong bungim strong na save bilong em long dispela yia, bilong karimaut wok we i ken stap longpela taim bihain.

5 Oil Search 2011 PNG Sastenabiliti Ripot Bungim Tok 3 STRONGIM OL BIKPELA WOK SASTENABILITI Stratejik wok Riviu long 2010 i bin makim ol bikpela samting bilong lukautim olsem bikpela hap bilong lukautim na groim bisnis bilong mipela, na tu, ol rot bilong strongim Oil Search i stap narakain long ol arapela wanbisnis bilong mipela. Taim mipela i sainim ol astingting bilong Yunaitet Nesens Global Kompek (UNGC) long yia i soim bilip bilong mipela long bihainim ol bikpela sastenabol astingting insait long wok bisnis bilong mipela. Ol dispela astingting i lukluk moa long ol humen rait, ol rait bilong ol wokmanmeri, busgraun na wara, na wok agensim pasin korapsen. Mipela i go het long strongim tok na tingting agensim ol korap pasin we i sut long PNG wel na ges indastri, na long strongim wanpela gutpela rot bilong tilim ol winmani, bai olgeta pipel bilong PNG i ken kisim wankain se long ol winmani bilong kantri bilong ol we i pulap long kain kain risos. Dispela em i wanpela salens i wok long go yet, long wanem sindaun bilong politiks i no klia yet. STRONGIM OL KOMYUNITI HELT SEVIS NA GIVIM MOA ROT BILONG DIVELOPMEN Ol wok invesmen long komyuniti i wok long karim ol gutpela kaikai, na mipela i wok lukluk moa long bildim ol savemak na strong bilong ol asples bai ol i ken strongim sindaun bilong komyuniti i go inap long bihain long laip bilong ol wel na ges projek. Bikpela wok kamap long 2011 em sanapim bilong Oil Search Helt Faundesen. Senis long ol komyuniti helt progrem bilong mipela i go long Faundesen, i bin klostu pinis long namel bilong yia yet. PROMOTIM WOKFOS I KAM LONG KAIN KAIN PLES, NA SEFTI Oil Search i go het long lukluk long trening na strongim ol PNG wok manmeri bilong en bai ol i ken bosim ol bikpela lidasip wok insait long bisnis. Bilip bilong mipela i stap klia insait long Daivesiti Polisi bilong mipela. Wok sefti i bin sanap strong long 2011, na sefti trening na awenes bai stap yet olsem bikpela wok long 2012, taim ol bikpela wok konstraksen long projek i pulim ol kain kain rot bilong birua long wok bilong mipela. ROT I GO LONG BIHAIN Wok bilong mipela long 2012 bai sanap long strong bilong faundesen mipela i silipim long holim strong wok sastenabiliti bilong mipela. Olsem na ol sastenabiliti aswok bilong mipela long 2012 i lukluk long strongim ol sastenabiliti data, ol sistem na proses, makim ol longpela taim sastenabiliti wokmak, na strongim komyunikesen o toksave long ol wok bilong mipela insait long kampani na ausait long en tu.

6 BUNGIM TOK LONG OL BIKPELA WOK-MAK BIKPELA MANI-MAK BILONG OL PNG KOMYUNITI HELT PROGREM BILONG OIL SEARCH Pablik Helt progrem invesmen i dabolim sais bilong en bihain long 2010 long sanap long K14 milian, we i makim wok-mak Oil Search Helt Faundesen. Prinsipal Resipien sanap bilong ol Raun 10 (HIV) na Raun 8 (Malaria) grent i kam long Global Fund long paitim AIDS, sik TB (Tubakulosis) na Malaraia i minim olsem Oil Search Faundesen bai skelim moa long K141 milian long ol yia i kam. TOTAL K$18,345 Mani-mak i kam long Oil Search K$13,606 Mani-mak i kam long Dona K$4,739 Kina( 000) OLGETA OILSEARCH KOMYUNITI DIVELOPMEN INVESMEN Klostu 65% long olgeta mani-mak mipela i givim long komyuniti divelopmen em long ol edukesen na trening progrem, long soim bikpela bilip bilong mipela long longpela taim divelopmen. CDI Faundesen i wok wantaim mipela long givim trening long ol wok agrikalsa na pablik helt. TOTAL K$3,967 Kina( 000) Oil Search dairek edukesen invesmen K$645 Oil Search indairek edukesen invesmen CDI Faundesen K$1,883 Ol Fil Donesen K$59 Spots K$71 Agrikalsa na kaikai saplai K$118 Infrastraksa K$193 Komyuniti na baiodaivesiti risets K$998

7 Oil Search 2011 PNG Sastenabiliti Ripot Bungim Tok 5 TOTOL REKODABOL INJARI RET O MAK BILONG OLGETA BIRUA OL I RIPOTIM TRIR i orait liklik long 2011 long 1.96 long 2010 i go long Dispela i kamap maski i gat bikpela kalap long kontrakta wokfos, we planti long ol i nupela long sefti fes kalsa bilong PNG na Oil Search. OL GRINHAUS GES EMISEN Bihainim slekim long wok prodaksen, ol grinhaus ges emisen bilong 2011 i bin go daun inap long 11% long mak bilong 1,157 long 2010 na 1,034. Stori na namba bilong 2009 i no gat bikos em i no bihainim wankin kaunim olsem long 2010 na (CO 2 e-kt ) 1,157 1, OLGETA NET ENUAL PRODAKSEN Prodaksen bilong 2011 i bin sindaun antap liklik long 6.69 milian barel oil ikwivalen. Em i daunbilo moa long mak bilong 2010, tasol dispela mak i kamap maski i bin gat wanpela pasim bilong wok ples inap tupela wik, na slekim long mak i bin lukim balensim bilong gutpela fil-wok. DAIVESITI LONG PNG WOK FOS Strongim asples save na givim sans long ol bikpela wok wantaim kampani em i hap bilong plen bilong mipela long groim PNG. Maski namba bilong ol PNG lokol wokmanmeri i bin go antap long 705 long 2010 i go inap 743 long 2011, pesentes bilong ol PNG asples wokmanmeri i bin sleek bikos i bin gat moa ausait manmeri i kisim luksave long ol sotpela taim wok kontrak we i bihainim stret wanwan ol wok long projek. Milian barel bilong oil ikwivalen % ol meri 85 % ol PNG asples (%)

8 BUNGIM TOK LONG OL WOK Hides Fektori bilong tanim ges i go long pawa, kem, helt senta Kutubu (Rij) Sentral Prosesing Ples, kem, bakstoa, woksap, rifaineri, haus sik Kutubu (Moro) Ples balus, kem, bakstoa na ledaun eria, medikal senta PAPUA NIUGINI HIDES Kutubu (Agogo) Agogo Prosesing ples AGOGO KUTUBU Gobe Gobe Prosesing ples, ples balus, kem, bakstoa, medikal senta Kopi Kem, Kumul teminal, lojistiks bes, wel spil rispons tim bes, medikal senta GOBE KOPI KUMUL TEMINAL Pot Mosbi Wok opis, medikal senta LNG paiplain Wel paiplain GALP BILONG P APUA KM

9 Oil Search 2011 PNG Sastenabiliti Ripot Bungim Tok 7 BISMAK SI STORI BILONG OIL SEARCH Oil Search Limited i lukautim olgeta oil na ges fil bilong PNG we nau i sanap, na em i wanpela long ol bikpela kampani long PNG we i save baim bikpela takis. Long PNG, mipela i gat wok bisnis insait long moa long 40 laisens, na wanpela tim i gat 895 wokmanmeri (85% long ol em ol PNG asples stret). Long 2011, net profit bihain long takis i bin K$477 milian, na net prodaksen bilong yia em 6.69 mmboe. Indipenden Stet bilong PNG em i namba wan bikpela seaholda bilong mipela, wantaim wanpela 15% intares. Moa long het opis bilong mipela long Pot Mosbi, mipela i gat ol opis long Sidni, Brisben, Dubai, Sana a (Yemen) na Kurdistan Rijen bilong Irak. Long 2012 Oil Search i redi long karimaut namba wan bikpela driling progrem long histori bilong en, wantaim ges apresal na ol divelopmen wel long Haids (Hides) na P nyang, ges ekploresen wok long Trapia, na oil apresal na eksploresen long ol Kutubu fil. PNG PRODAKSEN KLOSTU LONG OL FIL OIL EKSPLORESEN Wok-driling klostu long fil eksploresen na divelopmen i painim tupela nupela haidrokabon eria em Hedinia 10 na Agogo 6 we i stap insait long ol fil eria we i wok long mekim wok i stap nau. LNG FEKTORI POT MOSBI PNG LNG NA OL ARAPELA GES PROJEK PNG LNG Projek i stap tupela yia nau long foapela-yia konstraksen wok progrem bilong en, na i go he yet long lukim namba wan LNG sels o salim long Moa long 8400 PNG manmeri i wok nau long PNG LNG Projek (em i 60% bilong olgeta wokmanmeri). Wanpela bikpela wok-pasim i bin pinis gut long dispela yia long mekim ol wok apgredim (AGRP na PL 2 Laip Ekstensen Projek) we i kamap long sampela ol aset i stap pinis, bai ol i ken prosesim ol ges strim likwit bilong LNG Projek. WOK BILONG STRONGIM GROA BILONG GES LONG PNG Luksave long ol wok bilong groim ges em long strongim ol risos bilong sapotim wanpela opim-wok bilong PNG LNG Projek long 2-pela i go long 3-pela LNG tren. Glasim bilong data o stori na namba i kam long Gulf ov Papua projek bilong mipela i strongim tingting mipela i gat olsem Gulf eria i gat inap ges bilong sapotim wanpela LNG tren, em yet. Wanpela integretet saismik na driling progrem long ol non-projek laisens eria long Hailans i go het pinis, na Oil Search i go yet long wok bilong sekim ges-mak insait long ol arapela ges fil bilong en.

10 SASTENABILITI LUKSAVE O LUKAUTIM BILONG BIHAIN Raun wara blong ol pis long Kutubu Sastenabiliti luksave bilong mipela: Oil Search bai kamap wanpela lida long givim sastenabiliti, antap long integriti, inovesen na patnasip wantaim ol gavman na komyuniti mipela i wok wantaim.

11 Oil Search 2011 PNG Sastenabiliti Ripot Bungim Tok 9 Long Oil Search, sastenabiliti i karamapim: pasin pren mipela i gat wantaim ol bikpela stekholda, ol wokmanmeri, gavman, ol kontrakta, na ol komyuniti; helt, komyuniti na lokol ekonomik divelopmen; wokfos daivesiti o luksave long wokmanmeri bilong kain kain ples; promotim transparensi o klia wok pasin, anti-korapsen na akauntabiliti; na banisim na lukautim busgraun na wara. Oil Search i gat wanpela longpela taim komitmen o bilip long pipel bilong PNG long oltaim mekim gut wok; na mipela i luksave long strong bilong strongim wok na groa bilong bisnis bilong mipela bilong bihain taim. BUNGIM WOK LUKSAVE BILONG MIPELA LONG SASTENABILITI Stratejik Riviu bilong mipela long 2010 i painim olsem wanpela strongpela moa luksave long sastenabiliti i ken strongim Oil Search long toksave gut na strongim wok sastenabiliti bilong mipela long nau. Dispela i lukim sampela ol wok-kamap long 2011 olsem: Oraitim menesmen o wok lukautim bilong sastenabiliti kamapim wanpela koporet sastenabiliti wok. Tok oraitim namba wan fomal sastenabiliti strateji o wok-plen bilong Oil Search tok-strongim sastenabiliti luksave bilong mipela na ol bikpela sottpela taim wok-mak na strateji. Kamapim wanpela nupela sastenabiliti gavanens straksa na tu senisim Bod Satan a kamapim tripela nupela stia grup i lukluk long sastenabiliti tasol. Kamap wanpela siknitri long Yunaitet Nesens Globol Kompek (UNGC) wanpela volanteri sastenabiliti progrem bilong ol bisnis i bilip long ol astingting bilong humen raits, leba o wok, envaironmen o busgraun na agensim pasin korapsen. Kamapim Oil Search Helt Faundesen bilong mobeta givim bilong ol helt sevis bilong mipela. PAIT AGENSIM KORAPSEN Oil Search i bilip long halivim long kamapim ol gutpela rot bilong givim na promotim gutpela pasin bilong ol PNG Gavman wok, rot bilong mekim wok, na ol institusen o opis. Dispela em ol bikpela samting bilong kamapim sef na gutpela wok bilong Oil Search long PNG. Mipela i luksave long bikpela wok bilong strongim gutpela pasin na indipendens insait long ol wok mipela i mekim wantaim gavman bilong yumi, na mipela i save traim long go pas long sait bilong klia wok pasin na sanapim ol banis agensim frod o stil pasin,

12 SASTENABILITI LUKSAVE O LUKAUTIM BILONG BIHAIN na korapsen. Kain kain sindaun bilong politiks long PNG i bin daunim liklik wok bilong mipela long 2011, tasol mipela bai go het yet wantaim wok bilong mipela long autim tok na strongim stretpela pasin insait long ol dispela eria. STRONGIM OL ROT BILONG DAUNIM FROD NA KORAPSEN Long 2011, mipela i glasim gen Koud ov Kondak bilong mipela long sait bilong internal na ekstenal frod na korapsen luksave, na wok-pasin long indastri. Mipela i wok kamapim wanpela fremwok long daunim frod na korapsen moa yet na bai autim long Mipela i kisim wanwan ol liklik namba bilong frod o stil pasin na mipela i mekim wok painim long ol long 2011, tasol planti em ol liklik samting tasol na mipela i stretim mipela yet. Ol wok painim i go insait long pasin bilong tupela wokman bilong mipela long PNG i lukim mipela i pinisim kontrak bilong ol. I no bin gat ripot bilong pasin korapsen stret o traim long mekim pasin korapsen insait long dispela yia. STRONGIM KLIA LUKSAVE LONG OL PEMEN MIPELA I MEKIM Transperensi o klia pasin na luksave em i wanpela bikpela samting long paitim pasin korapsen. Tokaut long olgeta pemen bilong mipela i go long gavman i save strongim transparensi na larim ol manmeri bilong PNG long sekim bihainim wok bilong gavman. Long strongim klia pasin long ol pe i go long PNG, mipela i sapotim luksave PNG Gavman i givim long Ekstrektiv Indastris Transparensi Inisativ (EITI) na i wok wantaim ol arapela bikpela stekholda olsem: Gavman Tresari Diaptmen, Semba bilong Mains na Petrolium, Wol Benk na Transparensi Intanesenel PNG. Maski EITI i no kisim olgeta tok orait bilong PNG Gavman yet, dispela yia, mipela i lukluk moa long apim ol level bilong mipela yet long tokaut, na long kamapim ol rot bilong strongim pasin tokaut long kantri level, insait yet long PNG. Namba wan Benefits Pemen Ripot bilong Oil Search bai go aut long namel bilong K$( 000) 29,411 35,481 38,613 OL BENEFIT PEMEN MIPELA I PEIM I GO LONG PNG DIPATMEN BILONG PETROLIUM NA ENEJI Ol Royalti na Divelopmen Levi mipela i peim, i save bihainim oil prais na mak bilong prodaksen. Apim bilong 9% long ol benefit mipela i peim long 2011 em i bihainim ol wol oil prais. Dispela apim i pulim daunim long veliu bilong US dola agensim Kina.

13 SOSOL DIVELOPMEN Oil Search i gat bikpela luksave long PNG kalsa, we i mekim mipela i narakain long ol arapela wanwok bilong mipela na i tokaut long luksave bilong mipela long sastenabel divelopmen na komyuniti wok-poroman menesmen. Sosol divelopmen em i wanpela long ol namba wan bikpela samting long Oil Search. Mipela i luksave long pasin-pren namel long ol gutpela wok-kamap bilong mipela, na divelopmen bilong ol pipel na komyuniti bilong PNG.

14 SOSOL DIVELOPMEN KOMYUNITI HELT Long 2011 moa long K$18 milian i bin go long ol komyuniti helt progrem bilong Oil Search. Bilip na luksave bilong mipela i sanap long wanpela strongpela luksave long go pas na mekim wok insait long longpela taim divelopmen na sindaun bilong pipel bilong PNG. Peter Botten, Menesing Dairekta. OIL SEARCH HELT FAUNDESEN I SANAP Opim na groa bilong helt progrem bilong mipela long 2011 i lukim sanapim bilong Oil Search Helt Faundesen, wanpela not-for-profit sariti tras. Faundesen nau em i opis bilong Oil Search husat bai wok wantaim PNG Gavman, ol non-gavman na dona patna long disainim na karimaut ol pablik helt wok. Bikpela wok bilong Faundesen em long menesim na givim ol bikpela pablik helt progrem bilong mipela: em HIV, malaria na helt bilong ol mama na pikinini. Long 2011, Oil Search na ol arapela dona i givim K$18 milian i goo insait long ol komyuniti helt progrem bilong Oil Search. Long bihain, ol progrem bilong Faundsen bai halivim ol komyuniti long Sauten Hailans, Galf, Milen Be, Morobe, Hela, na ol arapela provins. OPOIM BILONG OL MAMA NA PIKININI HELT PROGREM Dispela yia, mipela i opim mak bilong ol mama na pikinini helt progrem i go autsait long mak bilong eria Oil Search i mekim wok long en, long Kutubu na Kikori, i go long ol arapela provins olsem Milen Be. I bin gat bikpela groa long ol meri i kisim helt sevis long haus sik long 384 long 2010 i go antap long 1300 long Long 2011 mipela i: Karimaut imejensi obstetrik kea trening, na givim on-sait tok stia na lukautim, na givim saplai long ol marasin na masin. Dispela em i nupela samting long Tari, na Kikori na Galf provins long 2011, na i bin go moa yet long Kutubu. Stap insait long wanpela bikpela progrem bilong imunaisesen o banis sut we mipela i givim sapot bilong menesim o skelim gut ol banis sut, trenspot na ol wokmanmeri bilong ol autris klinik na bungim ol namba na stori. Ol Sevei risal i soim olsem banis sut progrem mak i go antap long 52% long 2010, i goo long 77% long 2011.

15 Oil Search 2011 PNG Sastenabiliti Ripot Bungim Tok 13 BANIS LONG HIV, TRITMEN NA SAPOT HIV Privensen na Kontrol Rural Divelopmen Onklev projek i bin pinis long pinis bilong Ol HIV progrem bilong mipela nau bai ron olsem hap bilong wok bilong Oil Search Faundesen wok long 2012 na i go. Bungim tok long ol HIV progrem wok kamap i olsem: Moa namba wokmanmeri i stap bilong givim HIV tes, tritmen na sapot, na tu strongim bilong 17 helt sevis haus sik bai ol i ken givim gut sevis. Givim bikpela trening progrem insait long foapela yia, wantaim onsait sapot supavisin na stia i kam long Oil Search helt tim. Long 2011, HIV progrem bilong mipela kamap wantaim: moa long 5,000 HIV tes, long ol ples we Oil Search i sapotim. groa long sait bilong ol HIV positive mama i bel i kisim tritmen long banisim sik HIV i kalap long mama i go long bebi, long mak 33% long 2010, i go long 100% long Nogat bebi i bin kamap HIV positive long 2010 o Wokman ikisim blut long mekim wok painim aut long sik malaria long ples Tamadigi Malaria Stoa Kipa

16 SOSOL DIVELOPMEN WOK I GO HET LONG KOMYUNITI-BES MALARIA MENESMEN Mipela i wokbung wantaim Evanjelikal Sios bilong PNG helt sevis long karimaut Marasin Stoa Kipa (MSK) progrem na kamapim ol rot bilong apim mak na strongim kwolati bilong sevis. Ol bikpela wok-kamap em: Mak bilong sik malaria bilong olgeta yia long olgeta 1,000 manmeri insait long projek eria i go daun long 315 long 2010, i go long 120 long Long strongim MSK sels long taim sik malaria i go long arapela i go daun, tupela komyuniti stoa mipela i lukautim i traim wanpela insentiv skim we ol i givim ol helt na haijin o klinpela na helti pasin prodak long ol pipel. Mipela bai opim dispela wok i go long olgeta MSK sait long Kutubu long KOMYUNITI DIVELOPMEN Astingting bilong mipela em long kamapim ol wok-mak we bai lusim wanpela longpela taim gutpela komyuniti na sosol divelopmen wok we bai gutpela bilong yumi olgeta. Long 2011, Oil Search i givim K$4 milian long wok komyuniti divelopmen. Mipela i strongim luksasve long ektiv komyuniti wokbung na promotim wok lukautim insait long ol wok divelopmen. Dispela em i bikpela samting bai ol lain bilong bihain i ken painim gutpela sindaun taim ol oil na ges projek i pinis wok. KAMAPIM OL KOMYUNITI BISNIS I SANAP LONG WOK AGRIKALSA Wantaim halivim mipela i givim, 5-pela bisnis koporetiv i bin kirap, na larim ol memba long salim ol gaden samting olsem (kopi, rais na pis). Mipela givim tok stia long we bilong sanapim ol koporetiv na menesmen, na we bilong raitim ol buk. Ol koporetiv i sanap dispela yia em: Hela-Hides Wimens; Kutube Foe Wimens; Kutubu Fasu Wimens; Benaria Wimens; na Kikori Koporetiv Sosaiti. Ol bikpela aswok bilong ol em long: Givim ol meri kaikai we i no nidim bikpela wok long mekim, moa long saksak, bai ol i ken mekim ol arapela wok bisnis na larim ol meri i ken go skul;

17 Oil Search 2011 PNG Sastenabiliti Ripot Bungim Tok 15 Strongim ol komyuniti wantaim save bilong kamapim gutpela rot bilong kisim winmani we bai stap yet bihain oil projek i pinis; na Strongim gutpela kaikai taim miela i givim ol nupela, mobeta gaden kaikai na rot bilong kisim abus. KOMYUNITI ERIA PLENING (CAP) PROGREM Bihainim aplikesen i kam long ol komyuniti, ol CAP progrem projek i save pinis wantaim sampela ol samting na mani Oil Search i givim, na sapot i kam long komyuniti olsem leba o wok, na graun. Ol kontribusen bilong mipela em ol samting we i no stap long asples (olsem simen o ol samting bilong bildim haus), na ol saveman tred wokman. Dispela yia, ol dispela ol projek i bin pinis: sikspela wara bungim ples na war a tenk projek long olgeta hap bilong projek impek eria, long ol skul, sios na helt ke senta long Kutubu, Gobe na Moro; na nainpela komyuniti bilding, wantaim tu ol sios na haus silip bilong ol wokmanmeri, i bin sanap o kisim wok stretim long Kutubu, Gobe, Kikori na Moro.

18 SOSOL DIVELOPMEN KOMYUNITI DONESEN PROGREM Astingting bilong Komyuniti Donesen Progrem bilong Oil Search, em long halivim ol asples komyuniti progrem long strongim wok bilong ol. Mipela save lukluk long komyuniti helt na edukesen na mekim ol donesen bihainim wanem samting ol i nidim insait long projek eria. Long 2011, Oil Search i donetim K$57,890 i go long ol lokol institusen bilong baim skul steseneri, ol desk, spots ikwipmen, masin bilong somap, na ol wilbero. STRONGIM KWOLATI NA STAP BILONG OL ROT BILONG KISIM EDUKESEN Long 2011, 21 nupela sumatin i bin statim edukesen sponsasip progrem bilong mipela, na 14 sumatin i bin pinisim ol kos ol yet i makim, na ol i graduet. Oil Search i yet i skelim ol apliken long givim inap luksave long manmeri wantaim, na ples ol i kam long en. Na moa luksave i go long ol apliken husat i laik pinisim ol kos bilong halivim ol long ples. Ol apliken em Projek Impek Eria Komiti yet i makim ol. Dispela komiti i gat ol mausmanmeri long ol lokol komyuniti, na ol wokmanmeri bilong Oil Search. Insait long wanpela wokbung wantaim CDI Faundesen, Oil Search i halivim long givim ol dispela trening progrem long 2011: Diploma long Edukesen Praimeri In-Sevis (DEPI) trening bilong ol tisa husat i no moa gat inap luksave bilong go het na tis, bihain long senis long regulesen bilong ol tisa. Wok agrikalsa i karamapim rais faming, kopi nesari, trensplen na pruning, groim gaden kumu, digim ol pis raunwara, na faming. Komyuniti helt wantaim mama na pikinini helt progrem, imunaisesen o banis sut, nutrisen o gutpela kaikai na kol sen menesmen bilong ol medikal saplai. SKELIM NA LUKAUTIM GAVMAN MANI Mipela i bin lukautim nainpela projek bilong Gavman aninit long PNG Takis Kredit Skim (TCS) long Ol TCS projek, ol i disainim long strongim trenspot, helt, edukesen, ekonomik divelopmen na loan a oda infrastraksa insait long Sauten Hailans Provins. Insait long dispela yia, tupela projek i pinis: 1. apgredim bilong Kumin Komyuniti Helt Wokas Trening Senta mobeta ol opis bilong strongim namba bilong ol sumatin na strong bilong trening. 2. apgredim long ol bilding na rot bilong kisim skul long Erave Hai Skul dispela i strongim skul long inapim gut ol nesenel edukesen askim bilong wanpela hai skul bilong PNG Gavman.

19 Oil Search 2011 PNG Sastenabiliti Ripot Bungim Tok 17 SAPOTIM OL PAPAGRAUN KAMPANI (LANCOS) Oil Search i bilip strong long divelopim ol asples papagraun kampani taim em i givim ol rot bilong ol saplaia na bisnis divelopmen stia. Long 2011, Oil Search i peim ol kontrakta bilong ol papagraun kampani, K$151 milian, moa inap long K$143 milian long Yusim ol lokol bisnis i save givim moa samting long ol lokol komyuniti taim em i kamapim moa wok na moa rot bilong kisim winmani long ol dividen i go long komyuniti. OL PEMEN I GO LONG OL PAPAGRAUN KAMPANI LONG 2011 Nem bilong Papagraun Kampani Manimak (PGK ) Bikpela manimak Maka Investment Corporation Kutubu Security Services (KSS) 5.85 Kawaso Limited 8.79 Yasuku Oil & Gas Investment 0.25 Trans Wonder Land Limited Kutubu Catering MUJV 2.33 Gobe Field Engineering 6.54 Gobe Freight Services Gobe Catering 4.42 Gigira Development Corporation 3.51 EurestGigira Camp 2.85 Kikori Oil Investments 9.04 Moran Ina Naga Limited 0.43 Ol Lokol Bisnis Divelopmen Opisa bilong Oil Search i save halivim wanwan ol papagraun kampani long menesim gut ol bisnis bilong ol, bai ol i wok gut na mekim gutpela winmani. Ol i save halivim ol wantaim stetutori na kontrak komplaiens; givim stia long wok gavanens; givim tok stia long ol bod bilong ol; na wok olsem ol namel man taim i gat ol indastrial kros. Ol papagraun kampani kontrak bilong mipela nau i gat ketaring na mentenens sevis long olgeta kem, sekyuriti, trak na trenspot sevis, na sivil infrastraksa sapot.

20 OL OIL SEARCH WOKMANMERI Arnold Abaik wanpla wokman husait igo pas long ol wokman na meri long CPF Long Oil Search, mipela i bilip long stretpela na gutpela luksave kampani pasin. Mipela save wok bilong kamapim wanpela wokples we i bungim olgeta, i op, i gat bilip na i save long wok. Bikpela astingting bilong mipela em long gat sef wok ples we i save strongim pasin akauntabiliti na daivesiti na i save oltaim wok bilong inapim bikpela wokmak.

21 Oil Search 2011 PNG Sastenabiliti Ripot Bungim Tok 19 GIVIM LUKSAVE LONG OL DAIVESITI WOK BILIP NA ASTINGTING Mipela save strongim na luksave long wanpela gutpela wokfos we i soim klia ol ples mipela i wok long en. Long 2011, mipela i kamapim wanpela Daivesiti Polisi we i makim klia ol bikpela astingting we i mas stap long olgeta level bilong kampani, bai em i ken rausim ol banis long kisim wokman long sait bilong ples ol i kam long en, sapos ol i man o meri, krismas bilong ol, na kalsa bilong ol. Long Desemba 31, 2011, ol wokmanmeri bilong mipela i bin gat 83% ol PNG manmeri yet, na 17% ol meri. Ol daivesiti astingting bilong mipela bilong 2012 i karamapim: apim mak bilong ol PNG manmeri long ol lidasip wok; na apim mak bilong ol meri long ekseketiv tim na Bod. Wanpela sut tok tasol long pasin diskriminisen o rabisim ol asples i bin go long Australia Anti-Diskriminesen Bod (ADB) long Long mun Epril, 2012, ADB i rausim dispela sut tok, na dispela hevi i nogat moa. DAIVESITI LONG SINIA MENESMEN* Pesentes bilong ol PNG manmeri insait long sinia menesmen i bin go antap long 56% long 2010 i go long 58% long Long las tripela yia, namba bilong ol PNG manmeri insait long Menesa o Teknikal Spesolis level (pastaim long ol sinia menesmen wok) i go antap 15%. (%) * Sinia Menesmen em olgeta sinia menesa, teknikal savemanmeri na ol ekseketiv (ol bikpela menesmen wokmanmeri) % long ol meri insait long Sinia Menesmen Tim long PNG % long ol PNG manmeri insait long Sinia Menesmen Tim long PNG OL WOKMANMERI DIVELOPMEN ROT Oil Search i gat longpela taim bilip long divelopim na holim ol PNG wokmanmeri na givim ol sans bilong inapim olgeta wok driman bilong ol. Divelopim lokol save na givim sans long wok long ol bikpela posisen insait long Kampani em i hap bilong PNG groim rot bilong mipela. Mipela i gat wanpela PNG sitisen ritensen plen i stap long 2010 yet na i kam.

22 OL OIL SEARCH WOKMANMERI DEVELOPIM OL PNG GRADUET NA APRENTIS Ol wokmanmeri i stap insait long tupela aprentis progrem bilong Oil Search: em Prodaksen na Mentenens, husat i pinisim foapela yia progrem bilong ol i save kisim wanpela Proses Teknisen Tred Setifiket o wanpela Mekanikel, Ilektrikal o Masinis Tred Setifiket. Long 2011, wanpela long ol namba 4 yia Prodaksen aprentis, Raymond Amos, i winim PNG Aprentis bilong Yia Awod. Dispela nesenel PNG inisativ i luksave long ol aprentis husat i soim spesolis save insait long fil na awenes bilong ol nesenel isiu. Oil Search i gat etpela PNG graduet, husat bai go het long wanpela nupela graduet divelopmen progrem long DIVELOPIM OL LIDASIP SKIL O SAVE Long 2011, mipela i go het long ofaim Leading the Oil Search Way progrem. I kam inap nau, 180 supavaisa i pinisim dispela progrem, we i save strongim ol supavaisari skil, na we bilong yusim. Moa long en, samting olsem 150 PNG wokmanmeri i stap insait long wanpela strongpela divelopmen progrem long opim savemak bilong ol. Sampela long dispela bai kisim sapot long wanpela wasmanmeri taim ol i mekim ol stretch asainmen o wok. YUSIM GUT PE NA BENEFIT Antap long potnait pe, ol dispela benefit i stap bilong ol PNG wokmanmeri: Kontribusenn i go long suparenuesen; halivim long ol hausing kos; ol pikinini skul kos; na stap insait long ol wokman sea plen. Long lukim ol wokman i kisim olgeta gutpela bilong ol pen a benefit, mipela i statim wanpela Fainensal Edukesen Progrem bilong ol PNG wokmanmeri bilong mipela long Dispela ol sesen i save lukluk long kain kain ol topik olsem: save moa long takis na suparenuesen, na save long ridim ol pe slip. SEFTI WOKMAK Wantaim sampela ol bikpela projek i stap nau na wanpela bikpela passim bilong Kutubu prodaksen fasiliti long mun Ogas, i gat bikpela groa long namba bilong ol kontrakta long dispela yia, na ol bikpela senis long ol PNG wok progrem bilong mipela. Totol rekodabel insiden frikwensi ret long 2011 i bin sanpa long 1.85 pe milian wokman awa we i bin go daun long mak bilong 1.96 long 2010.

23 Oil Search 2011 PNG Sastenabiliti Ripot Bungim Tok 21 APIM MAK BILONG SEFTI AWENES NA SAVE Long strongim ol hai level bilong sefti awenes, mipela i sanapim sampela ol rot we bai lukluk moa long ol papagraun kampani na kontrakta sefti awenes, trening, na pafomens. Ol sefti wok i kamap em: Tupela Sefti Lidasip Woksop, wanpela bilong Oil Search menesa na ol arapela kontrakta, long paitim tok long ol strateji bilong mitim ol sefti na envaironmen objektiv o astingting; Sanapim ol nupela on-sait Sefti Trening Fasiliti na givim wanpela tupela de on-sait wok redi indaksen long tok Inglis na Tok Pisin, bilong olgeta treni; Kamapim nupela sefti advaisa na opisa wok bilong sapotim kontrakta sefti.

24 BUSGRAUN NA WARA Ol kanu long wara Mubi, klostu long Pimaga Mekim wok long PNG, wanpela long ol namba wan nupela na bikpela rijen long wol i givim mipela sans na wok bilong soim gutpela envaironmen menesmen pasin.

25 Oil Search 2011 PNG Sastenabiliti Ripot Bungim Tok 23 MENESIM HEVI MIPELA I GIVIM LONG BUSGRAUN LONG OLGETA STES BILONG WOK Olgeta ol bikpela eria bilong operesen long PNG i gat wanpela envairomen menesmen sistem we i bihainim ISO 14001; Envaironmental Menesmen Stendat. Dispela i kamapim wanpela strongpela na gutpela luksave long skelim gut ol envaironmen risk na i soim bilip bilong mipela long strongim gutpela wok pasin. Long 2011, olgeta likwit haidrokabon na kemikal spil o kapsait, i kisim klasifikesen olsem i no givim bikpela hevi long busgraun. Envaironmental menesmen long Oil Search i karamapim: eneji konsamsen; ol arapela pipia i go aut; yusim wara na tromoi; pipia; holim na yusim ol kemikal; baiodaivesiti; na sait riabilitesen. Insait long yia, lukluk bilong mipela i stap long strongim mak bilong ol busgraun namba na stori bilong mipela. Long 2012 mipela bai plenim o karimaut sampela ol wok bilong strongim wara bilong mipela, pipia na ol grinhaus ges (GHG) emisin namba na stori na ol rot bilong wok. SAVE LONG OL KOMYUNITI NA KONSAVESEN WOK RAUNIM LEK KUTUBU Mipela i save olsem wok bilong mipela i gat planti ol dairek na indairek hevi long laip bilong ol asples PNG komyuniti, na mipela i bilip strong long mekim gutpela senis. Long kamapim wanpela mobeta luksave long bikpela bilong ol impek, long 2011 mipela karimaut wanpela risets projek raunim Lek Kutubu kesmen long save long ol hevi i kam long oil projek long laip na sindaun bilong ol asples komyuniti na pasin ol i gat wantaim konsavesen menesmen bilong Lek Kutubu. Ol painimaut bilong dispela wok risets bai strongim ol senis bilong mipela long Lek Kutubu Konsavesen Menesmen Plen na ol lokol komyuniti divelopmen progrem. STRONGIM LUKSAVE LONG BUSGRAUN NA WARA Pot Mosbi Grin Opis Grup (GOG) bilong mipela i lukluk long trenspot bilong Kampani bilong daunim mak bilong piul, karimaut nupela rot bilong ol risaikol rot, na ol arapela wokman awenes wok ISO odit i rekomenim GOG olsem wanpela model bilong ol arapela operesen eria. YUSIM ENEJI NA OL PIPIA WIN Ol pipia win i go aut long 2011 em 1,034 CO 2 e kt; wanpela daunim bihainim go daun long prodaksen. Long 2011, mipela i painim moa wok strongim rot we bai givim mipela sans bilong daunim mak bilong ol pipia i go aut.

26 BUSGRAUN NA WARA Taget: Daunim ol GHG emisin mak long olgeta operesen bilong mipela inap long 12% pastaim long Mipela i makim long givim wanpela nupela kabon ridaksen strateji bipo long pinis bilong yia 2014, taim ol emisen impek bilong pulim LNG i kam long potfolio bilong mipela, i klia moa. Long 2011 mipela i go het long sekim ol arapela riniuabel eneji rot bilong PNG na global ekspot na go het long narapela wokabaut long aplikesen bilong mipela long stap insait long intanesenel emisin ridaksen o daunim insentiv skim. 1 Daunim bilong mak bilong tromoi pipia i go aut bai kamap bihainim wanpela 2009 beslain. Bikpla wara kalap ol kolim long Biva Fols insait long Sauten Hailans Photography by Mike Armstrong Designed and produced by ArmstrongQ Ol i prinim dispela ripot long Monza Risaikol pepa, we em i gutpela long busgraun na wara, bikos 55% bilong en, em ol i mekim long risaikol pepa. Em i kam long diwai ol i planim long plantesen, na em i nogat elemental klorin long en o em i elemental klorin fri (ECF)

27 MINING BILONG OL TOK AGRP Asosietet Ges Riletet Projek (Associated Gas Related Project) BBL/BARREL Em stendat yunit bilong kaunim olgeta prodaksen na salim wan barel em i wankain olsem 159 lita o 35 Imperial Galon BOE Barrels of oil equivalent em i yunit bilong kaunim long soim bikpela mak bilong ol kain kain prodak ol i mekim. Senis ret ol i save yusim em 6,000 kubik fit ges = 1 barel oil. CDI FOUNDATION Komyuniti Divelopmen Inisativ Faundesen, wanpela lokol Non-Gavman Ogenaisesen DEC PNG Dipatmen ov Envaironmen na Konsavesen DPE PNG Dipatmen ov Petrolium na Eneji GHG Ol Grinhaus Ges (GHG) em meten (methane), ol kloroflurokabon (chlorofluorocarbons) na kabon daioksait (carbon dioxide). Ol dispela ges i olsem wanpela banis we i save holim pasim hot insait long win raunim ples-graun. Ol i save kaunim ol long kilo tan bilong ol kabon daioksait ikwivalen (CO 2 e kt). GLOBAL FUND Global Fund to Fight AIDS, Tuberculosis (sik TB) na Malaria, i bin kamap bilong brungim ol risos bilong pait agensim dispela tripela bikpela sik long wol. Wanpela wol pletfom we i bungim wantaim ol kampani wantaim ol ejensi bilong UN (Yunaitet Nesens), leba na sivil sosaiti bilong sapotim ol bikpela astingting long ol eria bilong humen raits, leba, envaironmen na anti-korapsen. HSES Helt Sefti Envairomen na Sekyuriti. ISO Intanesenel Ogenaisesen bilong Stendataisesen LANCOS Ol Lenona o Papagraun Kampani MMBOE Milian barel wel ikwivalen NGO Non Gavman Ogenaisesen PL2 LE Paiplain Laip Ekstensen Projek PNG Papua Niugini OL STEKHOLDA Ol grup o wanwan manmeri husat i : ken karim bikpela hevi bihainim wok bilong kampani; o husat i ken mekim samting bilong pasim kampani long inapim ol wokmak bilong en. SASTENABEL DIVELOPMEN Divelopmen we i inapim ol nid bilong nau na we i no bagarapim strong bilong ol lain long bihain long inapim ol nid bilong ol. TAKIS KREDIT SKIM 0.75% bilong takis winmani Oil Search i save peim i ken go long ol community divelopmen projek. Olsem Opereta, Oil Search i save bosim skim makim ol takis olgeta join vensa i save baim. TRIFR Total Rekodabol Insiden Frikwensi Ret ol i kauim olsem total rekodabel ijuri o birua long olgeta milian awa bilong wokman. YUNAITET NESENS GLOBOL KOMPEK Wanpela wol pletfom we i bungim wantaim ol kampani wantaim ol ejensi bilong UN (Yunaitet Nesens), leba na sivil sosaiti bilong sapotim ol bikpela astingting long ol eria bilong humen raits, leba, envaironmen na anti-korapsen.

28