SISTEMATIESE TEOLOGIE II

Transcription

1 SISTEMATIESE TEOLOGIE II DIPLOMA IN PASTORALE LEIERSKAP Module 5 ESKATOLOGIE 101

2 Inhoudsopgawe Bladsy 1. Eskatologie Die Antichris Wanneer word die Antichris openbaar Die teëhouer van die Antichris Die Groot Verdrukking Israel en die Kerk Beloftes aan Israel Beloftes aan die Kerk Wie is Israel of die Jode? Wie is die Bruid? Aantal Opstandings Aantal Oordele "Heiliges" Die Wederkoms van Christus A- millenniumisme Post- millenniumisme Pre- millenniumisme Die Millennium Die Opstanding Die Bestemming van die Regverdiges Die Hel: Die Bestemming van die Goddelose Die Dood en sy Bestemming Die Laaste Oordeel Konklusie Bronnelys Werksopdrag ESKATOLOGIE. Eskatologie is n vertakking van Teologie wat gemoeid is met die finaliteit van die lewe en bespreek onderwerpe soos die Hemel, Hel, Dood, die Eindtyd, die Laaste Oordeel en die Ewige Destinasie van die Mensdom 2

3 ( Alhoewel daar baie verskillende sieninge oor die Eindtyd bestaan, probeer ons in hierdie module die term Eskatologie so bekend te stel dat die student in staat is om sy eie idee omtrent die Eindtyd te kan vorm. Verskillende perspektiewe word behandel ten einde die student in staat te stel om ook sy eie raamwerk van Eindtyd gebeure saam te kan stel. Wanneer dit voorkom asof informasie herhaal word is dit suiwer vir die doel van klarifikasie. Die informasie moet ook verstaan word in die perspektief waarin dit verklaar word om moontlike teenstrydighede te verklaar. Onderwerpe wat bespreking verdien is: 1.1. Die Antichris. Die Antichris is nie die duiwel nie, maar ontvang sy krag van die duiwel (2 Thes. 2:9, Openb. 13:4). Hy is ook nie n gevalle engel, volk of organisasie nie maar n persoon (Openb. 13). n Dier in profesie stel gewoonlik n koning of sy koninkryk voor (Dan. 2-12), maar Dan. 9:25-27 en 2 Thes. 2 stel hom as n enkele mens voor. Sy koms is voorspel deur Daniël (Dan. 11:36), Paulus (2 Thes. 2:3), Johannes (1 Joh. 2:18, 4:3, 2 Joh. 1:7, en Openb. 13). Sy hoof kenmerk sal die ontkenning van die vleeswording en liggaamlike opstanding van Christus wees (1 Joh. 2:18-24, 4:3), en dat Jesus die Messias is. Die koms van die Antichris word gekoppel aan die koms van Christus in (2 Thes. 2). Hier verwys Paulus terug na plekke in die O.T. waar na hom verwys word: Dan. 11:32 - die groot afval, Dan. 11:36 - verhef hom bo God, Dan. 11:31 - ontheiliging van die tempel, en ook na Jes. 14:13, Eseg. 28:2, Daar was ook deur die eeue heen mense wat hom verpersoonlik het soos: Antiochus (iv) Epiphanes, Hitler, die Pous ens. Hy word beskryf as n bedrieër (Matt. 24:5, 2 Thes. 2:10), as een wat wonderwerke verrig deur die krag van die duiwel (2 Thes. 2:9, Openb. 13:13-14), die vervolger van die heiliges (Dan. 7:21, Openb. 13:7), die klein horinkie (Dan 7:8), en hy sal heers oor n konfederasie van state soos byvoorbeeld die Europese gemeenskapsmark en sal poog om die wêreld deur monopolistiese 3

4 bedrywighede te beheer. Uit die beskrywing van Daniël en Openb. 13 moet hy heers oor n gebied wat n samestelling is van die vier diere van Daniel se gesigte en wel die Herstelde Romeinse ryk. Dan. 8:8-9 verklaar verder dat die horinkie uit een van die vier horings van die verdeelde Griekse ryk na Alexander die Grote sal kom waarvan Antiochus Epiphanes n tipe was. Uit die verband van Dan. 8:9-14 en 11:24-12:4 kan ons sien dat Antiochus slegs n tipe was. Hy het wel die offers laat ophou en die tempel ontheilig, maar het gesterf en die offers het weer voortgegaan. Verder word 8:14 later uitgesonder (8:26, 12:4) en aan Daniël gesê om die gesig geheim te hou want dit sien op die verre toekoms. Die Antichris sal net n tyd van 42 Maande totale heerskappy voer (Dan. 7:25, 8:14, 9:27, 12:7 Openb. 12:14, 13:5). Sy regering sal volgens Matt. 24:15-22, Dan. 12:1 n tyd van groot verdrukking wees soos daar nog nooit was nie, of soos Jer. 30:7 dit stel: n tyd van Jakob se benoudheid en wel die tweede helfte van die sewe jaar van Dan. 9:27. Hy word Antichris genoem en sal gevolglik alles m.b.t. Christus probeer naboots. Openb. 13:3 praat van die dodelike wond wat die dier toegedien is ( n moontlike sluipmoord poging of n wond wat in die oorloë om totale heerskappy aan hom toegedien is) en weer genees is, maar vers 14 sê... dat hulle n beeld moet maak vir die dier wat die swaard wond ontvang het en weer lewendig geword het. Openb. 17:8 praat van die die dier wat was en is en uit die afgrond kom. Sy nabootsing van die dood en opstanding van Christus sal dan voltooi wees en daarom gaan die wêreld ook verwonderd agter hom aan en aanbid hom (Openb. 13:3-4). Die Antichris sluit volgens Dan. 9:27 n verbond met Israel vir n tydperk van sewe jaar, waarin Israel toegelaat word om die tempel te herbou en weer die voortdurende offers te bring (Dan. 8:11, 11:31). In die middel van die week verbreek hy sy verbond, skaf die voortdurende offer af gaan sit in die tempel as God en eis aanbidding. Hier gaan die Jode se oë oop en besef hulle dat hy nie die Messias is nie, verwerp hom en dan vind die Groot Verdrukking plaas (Matt. 24:15, en Jer. 30:7). Volgens Dan. 9:27... en wel tot op die einde, wat vas besluit is, sal oor wat woes is uitgestort word. 4

5 Let wel die Skrif sê hier tot op die einde en beteken dus nie tot in die middel van die week. Die vraag kan dan hier gevra word, maar wanneer vind die Groot Verdrukking plaas? Die Skrif moet dit verklaar. Dan. 9:27... en gedurende die helfte van die week sal hy slagoffer en spysoffer laat ophou, en op die vleuel van gruwels sal daar n verwoester wees.... Dan. 11:31... en hulle sal die voortdurende offer afskaf en die onsettende gruwel opstel moet saam gelees word met Matt. 24:15, En wanneer julle dan die gruwel van verwoesting waarvan gespreek is deur die profeet Daniel sien staan in die heiligdom.... Vers 21: Want dan sal daar groot verdrukking wees soos daar van die begin van die wêreld af tot nou toe nog nie gewees het en ook nooit sal wees nie. Volgens hierdie perspektief toon die aangehaalde verse dat die Groot Verdrukking eers in die middel van die week n aanvang neem en dus eers na die eerste drie en n half jaar van Dan. 9:27 se sewe jaar en dan wel tot op die einde. Die hele tydperk van 7 jaar word weer deur ander Bybelstudente gesien as die Groot Verdrukking. Die verwarring by baie kom hier in dat hulle nie n onderskeid maak tussen die Kerk en Israel nie. Dan. 9:24 praat van sewentig sewetalle.... om die goddeloosheid te voleindig.... Hier word verwys na die goddeloosheid van Israel oor die wette wat hulle nie gehou het nie, veral die Sabbatswette (Lev. 26:43), en a.g.v. hulle afdwaling agter die afgode aan. Die heiden se goddeloosheid word voleindig deur die verwerping van die genade oomblikke wat hulle deur Christus aangebied word en die gevolglike oordeel van die Helse Vuur. Israel se oordeel is egter anders en volgens Eseg. 36:24-31, Sag. 12:10, en Rom. 11:25-26, moet daar n massa bekering van Israel plaasvind en wel op die einde van dae. Die Antichris sluit n verbond met baie (Dan. 9:27). Dit is die tyd waarin hy regeer oor die Herstelde Romeinse ryk (Dan. 11:21-45), en met verbonde, en monetêre monopolie die res van die wêreld beheer. Die New Age beweging beweeg nogal ook in so n wêreldwye regeringsstelsel waar alle landbou, vissery, geldsake, leërs, en die Eukemeniese Kerk deur n enkele leier soos bv. Maitreya (Maitreya was n geestelike leier wat bekend gestaan het as 5

6 Christus in die tagtigers) en menigte Bybelstudente hom gesien as die Antichris. ( (Dan. 11:24, 39) en sal hy ook aan die wat hom aanbid vryelik besittings uitdeel. Dit is die tyd waarin die merk van die dier vrywilliglik aangebring sal word volgens Openb. 13:16. n Elektroniese mikroskyfie, waarop alle besonderhede van n mens gestoor kan word, is alreeds in die omloop in Suid Afrika en kan met n naald onder die vel in die hand ingespuit. Volgens Bybelstudente word die duiwel ook in die hierdie tyd, moontlik in die middel van die week, uit die hemel gewerp en het dan geen toegang meer tot die hemel nie (Openb. 12:7-12). Hy neem dan heel waarskynlik ten volle van die Antichris besit, by die genesing van die wond van die dier, waarby die verbond verbreek word en die Joodse volk 42 maande lank vervolg word. Volgens hierdie perspektief moet daar onthou word dat die Bybelse geskiedenis en profesie uitsluitlik te doen het met God se volk en die Kerk is net in n tussen fase in die gebeure. Alle profesie, wat gewoonlik ander volke betrokke maak, word altyd net in die verbygaan genoem, in die Ou Testament en die gelykenisse van Christus het betrekking op Israel. Die profesie van Openb is dan ook n verdere uitbreiding van die van Dan en het ook hoofsaaklik met Israel te doen. Die Kerk is van weinig belang hier. Die taal van Openbaring is die taal van die O.T. Openb. 13:7 se oorlog teen die heiliges stem byvoorbeeld ooreen met die van Dan. 7:18, (waar die Kerk nie by betrokke was nie). Sien ook Openb. 16:6, 18:24 in die verband. Volgens sommige Bybelstudente moet daar verder in gedagte gehou dat daar in die eerste drie en n half jaar van Daniël se week wel mense is wat tot bekering sal kom. Die gedeeltes waarna in Openb. 9:21 verwys word... en hulle het hulle nie bekeer van.... praat hy van die mense wat onder God se toorn in die laaste drie en n half jaar leef. Daar is egter dan bekeerdes onder Israel wat die wet onderhou om daarvolgens regverdig te word en in afwagting leef op die openbaring van die Messias en dus nie die Antichris as hulle Messias aanvaar het nie. Daar is ook die lou Christene wat by die Wegraping van die Bruid agtergebly het. Volgens Matt. 25:13 sal net die maagde wat 6

7 gereed is saamgeneem word en die ander maagde sal agterbly, wat nou alles sal probeer om gereed te wees wanneer Christus kom vir die Slag van Armageddon en gevolglik nie die merk van die dier sal aanvaar nie en ander sal evangeliseer. Die twee groepe word dan in die algemeen die heiliges genoem waar die term dan hoofsaaklik na die Jode verwys, wie weier om die merk van die dier te aanvaar, verdruk word, en by die slag van Armageddon opgewek of verander word om saam met Christus die duisend jaar te regeer. Hulle is egter nie die Bruid nie want sy is reeds voor die aanvang van die verdrukking weggeraap en is in die tyd van die Groot Verdrukking in die hemel waar sy voor die regterstoel van Christus verskyn en daarna die bruilofsfees vier Wanneer word die Antichris openbaar? Die openbaring van Antichris word gekoppel aan die oopmaak van die eerste seël van Openb 6. Die ruiter op die wit perd van Openb. 6:2 is die Antichris en nie Christus soos sommige wil beweer na aanleiding van Openb. 19:11, wat hier in Openb 19:11 wel Christus is, nie. Christus maak dan juis die seëls oop. In Openb. 5:5 en 1 Pet. 5:8 word beide Christus en satan as n leeu voorgestel. Satan is egter n meester nabootser. Hy kom eers met diplomasie, daarom die boog sonder pyle (Dan. 9:27), om die wêreld oorheersing te verkry. Hy voer egter later oorlog met die volke wat nie by hom wil inval nie, tweede seël, en daarop volg die gevolglike rantsoenerings hongersnode en pessiektes, derde seël, en dood, vierde seël. Daar vind dan ook al op hierdie stadium, op klein skaal, vervolgings plaas soos die oopmaak van die vyfde seël aandui. Vir die wat bekend is met die Skrifte word hy openbaar op die oomblik wat hy die verbond met Israel en andere sluit. Dit vind heel moontlik na die oorlog van Eseg plaas, die wapentuig van die oorlog word in sewe jaar verbrand wat ooreenstem met die laaste sewe jaar van Dan. 9:27. 7

8 Alle datums kan in n hoë mate van dié dag af bereken word. Die openbaring moet dan ook saamval met die oopmaak van die seëls in Openbaring. Indien bogenoemde nie geldig is nie dan het die Skrifte waar gepraat word van n koms soos n dief in die nag ook geen waarde nie (Openb. 3:3). As jy weet min of meer wanneer die dief kom kan jy gereed wees vir die oomblik van inbraak, en net so deur die uitwerk van die tye na die sluit van die verbond deur die Antichris, is daar ook geen verrassings element by enige iets wat na die sluiting van die verbond gebeur nie, daarom gee Dan. 9 ook n tydperk wat gebeure aandui, waarop Christus dan voortbou. Indien die Bruid dan voor die openbaring van die Antichris weggeraap word is die verrassings element nog daar aangesien die waarskuwing tot die Kerk waarvan Christus in Matt. 16:18 gepraat het, gerig is. As gevolg van sy diplomasie en lis sal Israel hom as hul messias aanvaar veral deur alles wat hy vir hulle gedoen het; daar is n vrede verbond, hulle tempel word gebou, hulle offer weer ens., en a.g.v. die eukemeniese, humanistiese prediking sal die wêreld ook agter hom aangaan, maar met die afskaffing van die voortdurende offer en die ontheiliging van die tempel deur die Antichris en sy eis vir aanbidding sal baie van die Jode se oë oopgaan. Hulle sal hom verwerp en daarop sal die Groot Verdrukking van die volk Israel volg. Die nasies sal a.g.v. anti-semitisme soos in die Tweede Wêreld Oorlog die Jode ook vervolg. Soos daar vandag baie is wat tevergeefs waarsku teen die merk van die dier, net so sal daar na die sluit van die verbond met Israel ook die wees wat tevergeefs waarsku. Die koms van die Antichris gaan die van Christus vooraf, maar hy sal by die slag van Armageddon deur Christus oorwin en in die hel gewerp word (Dan. 7:11, 2 Thes. 2:8, Openb. 19:20). Probleem Skrifte. Daar is egter sekere Skrifte wat verskillend geïnterpreteer mag word en vereis dat ons dit sal ondersoek. 8

9 Matt. 24: Volgens Bybelkenners beantwoord dié Skrif die tweede gedeelte van die vraag in Matt 24:3.... en wat is die teken van u koms en van die voleinding van die wêreld. Christus koppel dan hier die eind gebeure ook direk aan die gebeure soos in Dan. 9:27 beskryf, waar n week in profesie dan sewe jaar voorstel. In die middel van die week word die tempel ontheilig waarna die grootste ooit verdrukking volg en wel tot op die einde. Die gebeure soos in Openb vind ook in die tydperk plaas. Christus gee ook hier n tyd vir Sy wederkoms, naamlik, vers 29 en dadelik na die verdrukking m.a.w. aan die einde van die drie en n half jaar (die einde van die volle tydperk van sewe jaar) verskyn Hy op die wolke. Ons kyk hier dus na Sy Wederkoms in heerlikheid by die slag van Armageddon en Duisendjarige Vrederyk, die verskyning is dus vir die oes en nie vir Sy Bruid nie. Ons kan dus gevolglik nie elke Skrif wat van wolk, basuin ens. praat met mekaar gelykstel nie, maar moet elkeen in konteks van wat daar geskryf staan ondersoek en verklaar. Openb. 14: As ons nou in die lig van Matt. 24:15-31 en veral verse 29-31, na die gedeelte kyk en dit daarmee vergelyk, sien ons hier weer n ooreenstemming en praat beide gedeeltes oor dieselfde tydperk naamlik n oes aan die einde van die Groot Verdrukking. Dit bring ons weer by die koms in heerlikheid (Wederkoms) en nie die wegraping nie. Matt 13: die oes is die voleinding van die wêreld. Die Basuine. Daar is reeds aangetoon dat Matt. 24 (harde trompetgeluid in vers 31) en Openb. 14 (geen basuin nie) van dieselfde gebeurtenis praat. Die vraag is egter nou of dit ook ooreenstem met 1 Kor. 15:52, 1 Thes. 4:16 en Openb. 20:4-5. 9

10 Daar is by 1 Kor. 15:52 sprake van die laaste basuin en kan dit dus ooreenstem met Matt. 24 en Openb. 14. Hier word egter ook net van n opwekking en verandering na onverganklikheid gepraat, en geen bestemming word vir die mense gegee nie, wat wel in die geval van die laaste basuin n aardse koninkryk behels. By Openb. 20 word gepraat van die eerste opstanding wat hier dan ook wel as die einde van die Groot Verdrukking en dus die begin van die Millennium (Duisendjarige Vrederyk) is, beskryf word. Die drie Skrifgedeeltes verwys dus na n algemene opstanding en wel by die voleinding van die wêreld. As daar egter na die ander twee Skrifte, 1 Thes. 4:16 en Openb. 20:4-5 gekyk word, word daar na twee spesifieke groepe mense verwys. In 1 Thes. 4:13-18 word verwys na diegene wie in Christus in die lewe is en die wat in Hom ontslaap het wat by die geklank van die basuin van God na die Hemel weggevoer word. Of te wel die Wegraping. Hy verwys dus nie na dieselfde gebeurtenis as in Matt. 24 nie, aangesien dit slegs n deel van die oes van die graan uitmaak, ons verstaan dat die eerste opstanding in fases plaasvind. Die gedeelte in Openb. 20 verwys na die gelowiges uit die Groot Verdrukking, die ander gelowiges deur die eeue is hier nie ter sprake nie. Na aanleiding van hierdie perspektief, verloop die gebeure in Openb. 20 dus saam met die in Matt. 24 en verwys dit dan oor die algemeen na die oes se tweede fase, waar die eerste fase die Wegraping van die Bruid van Christus was. Daar word verder ook verwys daarna dat Openb en Matt. 24 profesie is en 1 Kor. 15 en 1 Thes. 4 die antwoorde van Paulus is op sekere vrae wat aan hom gestel was. Paulus se antwoord het dan ook oor die algemeen dieselfde strekking, nl. dat die gelowiges en gestorwenes beide verander sal word en in n onverganklike liggaam sal voortleef. Die Tessalonisense gelowiges het wel geglo in n opstanding maar was bekommerd oor die afgestorwenes, terwyl die in Korintiërs in twyfel was oor die opstanding, moontlik oor redenasies van Sadduseërs wat in die gemeente was en nie in n opstanding geglo het nie Dit wat die openbaring van die Antichris teëhou. 10

11 Daar is verskeie sieninge oor wie die Antichris van 2 Thes. 2:1-13 is. Party Bybelkenners voel dit was dalk die Roomse regering met Nero Ceaser as hoof, en dit wat hom teëhou moontlik die plan van God, die Pous, die menslike regering van die tyd, die magte in die lug, die Heilige Gees of selfs die Bruid (Kerk) kon wees. a. Daar is ook n siening dat die Plan van God die teëhouer is. Die plan van God word vervat in die hele Skrif en verloop alle gebeure volgens die plan wat Hy opgestel het. Hierdie plan maak juis daarvoor voorsiening dat daar n teëhouer moet wees, en nie dit nie maar hy. Die mens van sonde (2 Thes. 2:7) is die teëhouer. As die teëhouer as dit beskryf was kon dit geredeneer word dat dit wel die plan van God is wat die teëhouer is, maar nou word die teëhouer beskryf waar hy dan n enkeling of moontlik volgens andere weer, n groep mense, kan wees. b. Andere voel weer dat die Pous beslis nie as die teëhouer gesien kan word nie, maar die Skrif dui eerder daarop dat hy deel van die Antichris Stelsel uitmaak. c. Menslike regering kon nog nooit sonde in toom hou nie. Wette word wel gemaak, maar wette word nog altyd verbreek. Sommige dink aan die Roomse regering, maar daar is nie die nodige regverdiging vir so 'n siening nie. Paulus wou nie vervolging van die Kerk vererger deur die Roomse regering te noem as die een wat alles deur wette en militêre dwang beheer het nie, en dat daar 'n ander sterker een as Rome is wat wag dat hy uit die weg geruim word sodat die sterker een kan regeer nie. Wanneer die regering dus nie meer in staat is om beheer uit te oefen en dus effektief eenkant toe gestoot word, sal die Antichris openbaar word. d. Die magte in die lug word juis as demonies beskryf in Efes. 6:12 en kwalifiseer nie werklik om die teëhouer te wees nie, maar is eerder n medewerker. 11

12 e. Die Heilige Gees is nie die teëhouer nie. Die meeste mense wat die siening huldig doen dit na aanleiding van n voetnota in die Scofield Reference Bible by Thes. 2:1-8, en na aanleiding van die uitleg van Gen. 24. Die Scoffield Bible gee die volgende kant nota by 2 Thes 2:3: "The removal of that which restrains the mystery of lawlessness. There are various views as to the identity of the restraining influence. The use of the masculine pronoun "he" indicates that it is a person. It seems evident that it is the Holy Spirit; a) in the OT the Holy Spirit acts as a restrainer of iniquity Gen. 6:3 b) the restrainer is referred to by the use of both neuter and masculine genders (what v.6, he v.7) as in John 14:16-17, 16:12-13 concerning the coming of the Holy Spirit and c) it will be when the restrainer is taken out of the way that the man of sin will be revealed; this will be when the church is translated and the Spirit's restraining ministry through it will cease. Observe, however, that it is not said that the restrainer will be "taken away" but "taken out of the way"; thus the Holy Spirit will continue a divine activity to the end-time, though not as a restrainer of evil through the church" As verder na die nota gekyk word huldig hy ook die siening van 'n Wegraping en daarna die Wederkoms punt (4) van sy nota "and the return of Christ to the earth in glory...". Walfoort, op sy beurt, in sy boek "The Church in prophecy" verwys ook na die HG as die teëhouer van sonde (LW die skrif lees "man of sin" en nie net sonde nie). So ook Hal Lindsey in sy boek The Rapture bl Die Skrif sê dan dat ons ook "wat" teëhou en "hy" v 6-7. Sy redenasie is dan dat die Kerk het begin deur die uitstorting van die HG en moet weer eindig met die wegname van die HG. Die Kerk en dus sy lede is gedoop in die Gees word ingewoon deur die Gees, is verseël en het nuwe lewe ontvang deur die HG. Net soos Christus in die O.T. wel teenwoordig was in die N.T. dan liggaamlik hier was en weer nou op O.T. wyse teenwoordig is so sal dit ook gaan met die HG, al was Hy alom teenwoordig deur die ewigheid. Met Sy spesiale taak volbring in die Kerk word Hy dan saam met die Kerk weggeneem en alles keer terug soos dit was voor Pinkster dag. Hy gebruik dan Gen. 6:3 wat sê dat "My Gees sal nie vir ewig in die mens heers (contend or strive- Engels) nie, omdat hy ook vlees is" om aan te dui dat 12

13 die HG sonde teëhou. Die deel in 2 Thes. sê egter... die mens van sonde... vers 3,... die verborgenheid van ongeregtigheid... vers 7,... die ongeregtige... vers 8, is die een wat teëgehou word en nie sonde soos by die genoemde voetnota voorgegee word nie, en Gen. 6 verwys na die Heilige Gees wat met die mens 'n saak aan het omdat hy in sonde leef en hom dus aankla oor die sonde; Hy hou dit dus nie teë nie maar stry met die mens om hom uit die mag van sonde te bevry. As daar gekyk na die benaminge van die Heilige Gees word Hy definitief nie as teëhouer beskryf nie, maar alle beskrywings dui daarop dat Hy daar is vir die gebruik en tot hulp vir die gelowige. Die gawes van die Gees word wel gebruik om sonde te openbaar, maar nog nooit was Hy beskryf as n teëhouer van sonde nie. Die funksie van die HG is egter om die mens te oortuig van die verkeerde, van sonde, om dit te openbaar, en nie om sonde teen te hou nie. Ons moet na die Skrifte oor die belofte van die doping in die HG kyk om te sien of dit so is. Petrus het op die dag van pinkster die beloftes uit Joël aangehaal "En daarna sal Ek my Gees uitgiet op alle vlees, en julle seuns en julle dogters sal profeteer, julle ou mense drome droom, julle jongelinge gesigte sien. En ook op die diensknegte en diensmaagde sal Ek in die dae my Gees uitgiet. En Ek sal wondertekens gee aan die hemel en op die aarde; bloed en vuur en rookpilare. Die son sal verduister word...". Die Skrifte wat volg op die uitstorting van die HG gee duidelik die gebeure tydens die laaste week van Dan. 9:27 aan d.w.s. die gebeure reg op die einde van die huidige dispensasie voor die Wederkoms. Jes 44:3 "Ek sal my Gees op jou kroos giet en my seën op jou nakomelinge". Die Kerk het dus net in die seëninge van Israel gedeel, en daar moet nog 'n uitsonderlike uitstorting oor die volk van Israel plaasvind, wat alleen kan plaasvind na hulle herstel as volk. Die HG sal dus nie weggeneem word nie, ook nie op dieselfde wyse as in die O.T. werk nie, maar op 'n besonderse wyse daar wees vir Israel aan die einde om hulle deur die verdrukking te ondersteun. Die gedeeltes wat praat oor die HG verwys dan ook nie na die tyd van die Milennium nie maar voor die koms van Christus in heerlikheid (Wederkoms). Net soos die HG wêreldwyd teenwoordig is, so is die Kerk dit ook. Deur die werking van die 13

14 HG is die Kerk dus bonatuurlik. In Joh. 14:30 beskryf Christus die duiwel as die heerser van die wêreld en volgens Efes. 2:2 was ons onder sy beheer, maar is dit nie langer meer nie en is in Christus meer as oorwinnaars oor hom (die vyand). Die belofte van Joh. 14:16 is dat die HG met ons sal bly tot in ewigheid. Indien die Gees van die aarde verwyder word sal niemand meer tot bekering kan kom nie, want die Gees vervul die funksies wat tot bekering lei. Openb. 7:9, 14 praat van n menigte wat in die tyd van die Groot Verdrukking gered is (Openb. 11:1-11, 16:6) praat van profete, wie tog moet profeteer deur die Gees, en al bogenoemde gevalle het die Gees nodig vir krag, vertroosting, leiding ens. Daar moet volgens Rom. 11 en O.T. beloftes n massa bekering van die Jode plaasvind, en die beloftes van die uitstorting van die Heilige Gees oor Israel moet nog plaasvind (Joël 2:23-32). Alhoewel Petrus op die dag van Pinkster na die Skrifgedeelte verwys het, het dit nie toe in vervulling gekom nie want net 120 mense was betrokke en die konteks van die Skrif verwys na die eindtyd. f. Die Bruid (Kerk) as teëhouer:- Volgens Luk 9:1... en aan hulle mag en gesag gegee oor al die duiwels..., Luk. 10:19... en oor al die krag van die vyand, en niks sal julle ooit skade doen nie, en Rom. 8: Want ek is verseker dat geen dood of lewe of engele of owerhede of magte of teenwoordige of toekomende dinge... ons sal skei van die liefde van God nie. Efes. 6:12-13 lees (Lewende Bybel) Daar is n oorlog aan die gang en ons veg teen die onsigbare engele van die satan en teen sy magte wat in hierdie donker tyd waarin ons leef die wêreld oorheers. Hulle is bose geeste wat van buite die aarde af kom. Gebruik dan al die wapens wat God ons gegee het sodat julle jul kan verdedig as julle aangeval word, en as die geveg verby is sal julle nog onoorwonne wees. 1 Pet. 5:8 Wees nugter en waaksaam want julle teestander die duiwel, loop rond... Hom moet julle weerstaan. Gebaseer op hierdie verse is die hoof verklaring oor wie die Antichris teëhou om nie geopenbaar te word nie, volgens baie Bybelkenners, wel die geesvervulde, aktiewe Kerk of Bruid van Christus. 14

15 Wanneer die Wegraping dan plaasgevind het sal dit wat hom teëhou uit die weggeruim wees en hy sal kan manifesteer. 2. DIE GROOT VERDRUKKING. Verdrukkings. Die Joodse volk leef amper vanaf hulle ontstaan periodiek onder verdrukkinge. In Egipte (Ex. 1:8-12, Ex. 2:23-25), in die tyd van die Rigters, onder die Konings van die nasies (Rigt. 10:10-14) ens. Daarna van die tye van die ballingskap tot vandag toe, leef hulle steeds onder verdrukking, vervolging en op sommige plekke was hulle byna heeltemal uitgewis. Sien The History of the Jewish people - Max L Margolis en Alexander Marx vir die Joodse geskiedenis vanaf Abraham tot en met Om die wederkoms van Christus te probeer bepaal is daar dan diegene wat die begin van die Babeloniese ballingskap as die begin van die tye van die nasies aanvaar en ander weer gebruik Dan. 9:25-27 se laaste week, deur eers die week in te skakel na jare, dan na dae en dan weer na jare en alle tye dan daarvolgens te bepaal. Die Jode was in geheel in 135 n.c. uit Kanaän verdryf en oor die aarde verstrooi. Die Kerk word ook vanaf sy ontstaan verdruk en vervolg, dink maar aan die eerste 300 n.c. totdat Koning Konstantyn dit n staatskerk gemaak en toe weer in die donker middeleeue. Verdrukkinge en vervolginge wat tot vandag toe nie sy gelyke gehad het nie; hele gesinne wat vermoor was, kinders was gemartel om die ouers van plan te laat verander en tot die onlangse ernstige marteling nog in die Kommunistiese lande. In ons land mag dit ook gebeur dat ons dalk eendag nog ook so sal vervolg word vir ons godsdiens, maar dit sal egter nie die Groot Verdrukking wees waarna die Skrif verwys nie. Hierdie verdrukkinge is alles dinge waarna Christus verwys het Matt. 10:17-22, 24:9, Joh. 15:20, 16:2. Verdrukking is en was nog altyd deel van hulle wat Christus aanbid se lot. Die Bybel verklaar 15

16 trouens dat almal wie godsvrugtig wil leef hulle beskikbaar maak vir vervolging (2 Tim. 3:12). Die Groot Verdrukking. Die Skrif praat dan egter van nog n ander verdrukking naamlik die Groot Verdrukking wat van die hedendaagse of algemene verdrukkinge onderskei moet word. Daar is heelwat sieninge oor die Groot Verdrukking, hoe die Wegraping en Wederkoms daarby inpas, wanneer die Antichris geopenbaar sal word ens. Die algemene uitgangspunt is dat die volgende groot gebeurtenis die Wegraping sal wees. Wanneer die Kerk (Bruid) van Christus dan weg is kan die Antichris geopenbaar word omdat dit wat hom teëhou weggeneem is. Volgens hierdie siening sal daar dan n tydperk van sewe jaar wees van Antichris regering, wat gepaard sal gaan met die Groot Verdrukking in die tweede helfte van die week (Dan. 9:27) en die uitgieting van die wraak van God (oordele) op die aardbewoners. Dit bereik dan klimaks wanneer die volke teen Israel optrek in die vallei van Megiddo en Christus terugkeer met die Wederkoms om die groot Slag van Armageddon te veg. Gedurende hierdie sewe jaar op aarde vind die Bruilofsmaal van die Lam plaas in die hemel. Na die Slag van Armageddon word die duiwel gebind vir n duisend jaar en die Duisendjarige Vrederyk (Millennium) neem aanvang. Na die Millennium word die Satan losgemaak en hy rebelleer, word oorwin en in die Poel van Vuur gewerp. Die ewigheid neem dan aanvang met n nuwe hemel en nuwe aarde. Die meerderheid van die informasie in hierdie module is ook rondom hierdie perspektief gebou. Dit staan ook bekend as die Pre-Tribulistiese siening. Daar is egter n ander sienswyse wat meen dat die Kerk die openbaring van die Antichris sal ervaar en voor die keuse gestel sal word om die merk van die Dier te aanvaar (Openb. 20:4-6). Hulle sal volgens die Bybel deel wees van die Eerste opstanding en as die Eerste opstanding die Wegraping is, soos die notas van die Afrikaanse Naslaan Bybel (bl. 288 d) aandui, sal hulle nog steeds deel daarvan wees alhoewel hulle gekonfronteer was met die merk van die Dier. Volgens hierdie siening is die Groot Verdrukking nie as sulks die intensiteit van die vervolging nie, maar die uitstorting van die wraak van God 16

17 op die aardbewoners. Hierdie siening redeneer dat daar byna niks is wat die Antichris nog kan doen om die vervolging van die verlede te ewenaar nie, terwyl die Skrif verklaar dat die verdrukking die ergste sal wees sedert die begin van die wêreld (Matt. 24:21). Die Kerk word egter voor die oordele van God weggeraap omdat daar vir die wat in Christus is geen veroordeling is nie (Rom. 8:1). Die verdrukking wat die Kerk gedurende die eerste deel van Dan. 9:27 se week deurgaan sal nog nie die Groot Verdrukking wees nie, maar sal die Kerk forseer om ondergronds te gaan. In die helfte van die week begin die Antichris die Jode vervolg en God reageer en Sy Oordele tref die aardbewoners. Die Jode word verseël vir beskerming in hierdie tyd (Openb. 7). Die Jode sal tot bekering kom in die tweede helfte van die sewe jaar. Die Wegraping vind dus plaas na die Openbaring van die Antichris, voor die uitgieting van die oordele van God. Dit wat hom teëhou mag dalk die effektiewe teenwoordigheid van die Kerk wees wat die sout van die aarde is. Met die hewige vervolging bestaan die Kerk ondergronds en die Antichris kan doen wat hy wil. Die res van die program bly soos die ander siening dit vertolk betreffende die Slag van Armageddon, die Millennium, die Wit Troon Oordeel ens. Om hierdie siening beter te verduidelik word die Twee Getuies van Openb. 11 in n geestelike sin vertolk en verwys na die Kerk van Christus sedert haar ontstaan op Pinksterdag. Die Kerk was n wonderwerkende Kerk sedert haar ontstaan (verse 5-7) as gevolg van die Heilige Gees werking (vers 4). Wanneer die Antichris hulle egter vervolg in Dan. 9:27 se week sterf sy (vers 7) in die sin dat haar doel (getuienis) op aarde vervul is (vers 7). Die Kerk sal waarskynlik ondergronds voortgaan maar dan nie meer die verskil maak op aarde wat sy voorheen gemaak het nie en net die oorskotte van hierdie geregtigheid en moraal sal oorbly en orals rondlê soos dooie liggame. In die helfte van Dan. 9:27 se week (drie en n ½ jaar) kom die oproep kom op hierheen (vers 12) met n stem (vgl. 1 Thes. 4:16 & 17) en die Wegraping vind plaas. Die twee Getuies is waarskynlik Moses (verteenwoordigend van die wat in Christus gesterf het en onverganklik opgewek sal word) en Elia, wie dié wat dan nog lewend sal wees op aarde by die Wegraping en met onverganklikheid oorklee 17

18 sal word verteenwoordig. Vers 13 verwys na die aanvang van die oordele van God. Hierdie siening staan bekend as die Mid-Tribulistiese siening. Die Pre-Tribulistiese siening voel dat die Groot Verdrukking soos deur Dan. 12:1. en Matt. 24:21 beskryf as verdrukkings soos daar nog nooit was nie, en Dan 9:27 beskryf dit as... wel tot aan die einde. Jer. 30:7 beskryf dit as n tyd van benoudheid vir Jakob en in Openb. 7:9 word gepraat van die Groot Verdrukking. Die Groot Verdrukking vind op n spesifieke tyd soos deur God bepaal is plaas. Dan. 9:24 Sewentig sewetalle is oor jou volk en jou heilige stad bepaal, om die goddeloosheid te voleindig en om die maat van die sonde (van Israel) vol te maak en ongeregtigheid te versoen en die vors van n volk wat sal kom En hy sal n week lank met baie n verbond sluit en gedurende die middel van die week sal hy slagoffer en spysoffer laat ophou en op die vleuels van gruwels sal daar n verwoester wees, en wel tot aan die einde.... Sien ook Dan 11:31. Matt. 24:15 sê dan Wanneer julle dan die gruwel van verwoesting, waarvan gespreek is deur die profeet Daniël, sien staan in die heiligdom, laat hy wat lees oplet.... Wanneer staan hy daar? In die middel van die week en daarna volg die Groot Verdrukking (Matt 24:21) Want dan sal daar Groot Verdrukking wees soos daar van die begin van die wêreld af tot nou toe nie gewees het en ook nooit sal wees nie. Wat baie mense vergeet is eerstens dat die kerk nie die plek van Israel ingeneem het nie, en dat daar nog volgens Rom. 11:26 n massa bekering van die Jode moet plaasvind, en tweedens dat die O.T. die geskiedenis van God se volk en Sy handelinge met hulle is, en ook hulle verwagtinge uitbeeld. Die tydperk van die kerk of tye van die nasies soos Luk. 21:24 en Rom. 11:25 dit stel, is net n tussenfase in die gebeure tussen die 69 ste en 70 ste week van Dan 9. Daar is n kronologie in Openbaring maar elke vers en hoofstuk volg nie noodwendig kronologies op mekaar nie en daarom kan daar nie n afleiding 18

19 van n vers se posisie in die Openbaring gemaak word om daaraan n uitleg te gee nie. Volgens Dan. 9:27, en Matt. 24:15 vind die verdrukking dus in die tweede helfte van die week of sewe jaar plaas en volgens Openb. 13:16-18, en 20:4-5 wel ook oor hulle wat nie die merk van die Dier het nie. Die tydperk word ook as die uitstorting van God se toorn beskryf en vind die Groot Verdrukking en die Uitstorting van God se oordele gelyktydig plaas. Volgens Openb. 13:16-18 moet daar dan in dié tyd gelowiges op die aarde wees want dit is die enigste mense wat sal weier om die merk te ontvang. Die Kerk - alle ware wedergeborenes - is egter die Bruid van Christus. Israel is die vrou van God, en daar is vir die Bruid beloftes van ontvlugting uit die gevaar soos met Noag en Lot gebeur het. 1 Thes. 1:10... Jesus wat ons van die toekomstige toorn verlos. Rom. 5: deur Hom gered word van die toorn. 1 Thes 5:9... Want God het ons nie bestem vir toorn nie. Luk 21:36... Waak en bid altyd sodat julle waardig geag kan word om al hierdie dinge wat kom te ontvlug en voor die Seun van die mens te staan. Die King James Weergawe en meeste ander vertalings vertaal Openb. 3:10 as... I will also keep thee from the hour of temptation... waar die Grieks teresoo ek dan ook letterlik beteken vashou weg van soos die from (Engels) hierbo en nie in soos die Afrikaanse vertaling dit stel nie. Daar is diegene wat na aanleiding van hulle siening van Openb. 3:10 beweer dat die Kerk in die Groot Verdrukking net so bewaar sal word soos die verseëldes maar die Skrifte wat betrekking het op die Groot Verdrukking bepaal juis dat al die gelowiges van die tydperk deur die Groot Verdrukking moet gaan. Alle Skrifte in Openbaring na Hoofstuk 4 maak geen melding van die gelowiges van vorige eeue nie, maar praat slegs van die verdrukking gelowiges (Openb. 7:9 en 20:4-5. Openb. 20:4-5). Lees dan ook spesifiek in die King James Weergawe en alle ander vertalings nie soos die Ou Afrikaanse vertaling nie maar lees... and I saw the souls of them that were beheaded for the witness of Jesus and for the Word of God and which had not worshipped the beast.... Dit stel dit dan baie duidelik dat hier net van een groep sprake is en nie van 19

20 twee groepe mense (wie dan ook net die gemarteldes en die wat die merk nie ontvang het nie is) soos uit die Ou Vertaling afgelei kan word nie. Net die heiliges uit die Groot Verdrukking word dus hier beskrywe. Daar is dus n tydperk anders as normale verdrukking en vervolging wat die Groot Verdrukking genoem word en wat in die laaste drie en n half jaar voor die 1000 jarige Vrederyk sal plaasvind. Daar is egter ander verdrukkinge tot vandag toe wat ook oor ons kan kom en ons slegs met die genade van God sal kan deurgaan, maar daar is ook die salige hoop (Tit. 3:5) waarna ons uitsien en voor gereed moet wees. Die Bruidegom kan enige oomblik verskyn Israel en die Kerk. Dis belangrik om te verstaan dat die Kerk nie die plek van Israel ingeneem het nie maar slegs deel het aan die voordele van die beloftes aan Israel saam met hulle (Rom. 11:17-18). Daarom is dit nodig dat ons kyk na die beloftes soos aan Israel en dan aan die Kerk gemaak was Beloftes aan Israel. Daar is beloftes wat net aan Israel as volk gemaak is en dit moet nog in die toekoms in vervulling kom. Paulus skryf in Rom oor Israel en haar toekoms en stel dit duidelik dat daar vir Israel 'n tyd voorlê waarin haar beloftes in vervulling moet kom. Rom. 11:25-27, 31 "Want ek wil nie hê, broeders, dat julle hierdie verborgenheid nie moet weet nie, sodat julle nie eiewys mag wees nie; dat die verharding ten dele oor Israel gekom het totdat die volheid van die heidene ingegaan het; (Luk. 21:24) en so sal die hele Israel gered word, soos geskrywe is: Die verlosser sal uit Sion kom en sal die goddelooshede van Jakob afwend (Jes. 59:20-21) ; en dit is my kant van die verbond met hulle as ek hulle sondes wegneem... Want God hulle almal in die ongehoorsaamheid ingesluit om vir almal barmhartig te kan wees". As ons na die beloftes aan Israel kyk sal ons sien dat dit beloftes van 'n aardse koninkryk is. 20

21 O.T. Gen. 12:7; 13:14-15; 15:18-21; 17:8, 26:3; Deut. 30:3-5; 1 Kron. 17:11-14; Ps. 2:1-9; 24:1-10; 50:1-5; Ps. 89:20-37; 96:10-13; 110:1; Jes. 9:7; 11:1-16; 27:13; 61-62; 63:1-6; Jer. 23:5-6; 24:6; 30:3; 31:1-40, Eseg ; 39:28; Dan. 2:44-45; 7:13-14; Hos. 3:4-5; Joël 2:1; Amos 9:14-15; Miga 4:7; Sef. 1:16; Sag. 2:10-12; 6:12-13; 9:14; 12:1-14:21 N.T. Matt. 19:28; 23:39; 24:27-31; 25:6, 31-46; Luk. 1:31-33; 12:35-40; 17:24-36; 18:8; 21:25-28; 24:25-26; Hand. 1:10-11; 15:16-18; Rom. 11:25-26; 2 Thes. 2:8; 1 Tim. 6:14-15; Jak. 5:7-8; 2 Pet. 3:3-4, Jud. 1:14-15; Openb. 1:7-8; 2:25-28; 16:15; 19:11-21; 20:4-6; 22:20. Sag. 12:9-10 "Ook sal Ek in die dag daarna soek om al die nasies wat teen Jerusalem aankom, te verdelg. Maar oor die huis van Dawid en oor die inwoners van Jerusalem sal Ek uitgiet die Gees van genade en smeking; en hulle sal opsien na My vir wie hulle deurboor het...". Hierdie verse word ook aangehaal by die gedeeltes oor die Wederkoms in Matt. 24:30 en Openb. 1:7. Het die struikeling en val van Israel en hulle gevolglike verstrooiing oor die wêreld heen dan veroorsaak dat God hulle nou heeltemal verwerp het en die beloftes wat aan hulle gemaak was dan nou na die Kerk toe oorgegaan. Nee! Hoegenaamd nie. Rom. 11:11-12 "Het hulle miskien gestruikel om te val? Nee stellig nie! Maar deur hulle val het die saligheid tot die heidene gekom om hulle jaloers te maak. En as hulle val die rykdom van die wêreld is en hulle tekort die rykdom van die heidene, hoeveel te meer sal hulle volheid nie wees nie". Hand. 1:6 "Die wat bymekaar gekom het vra Hom toe en sê; Here gaan U in hierdie tyd die koninkryk vir Israel weer oprig?" Hierdie vraag was in die tyd in Sy wandel op die aarde die oorsaak dat die skares Hom as koning oor Israel wou kroon, want hulle het 'n aardse koninkryk verwag. Joh. 1:50 "Natanel antwoord en sê vir Hom; Rabbi, U is die Seun van God, U is die Koning van Israel!" Joh. 6:13-15 "... Hy is waarlik die profeet wat in die wêreld sou kom. En toe Jesus merk dat hulle wou kom en Hom met geweld neem om Hom koning te maak, het Hy weer weggegaan na die berg. Hy alleen". Joh. 12:13, 21

22 15 "... Hosanna! Geseënd is Hy wat kom in die Naam van die Here, die Koning van Israel... Moenie vrees nie, dogter van Sion! Kyk, jou Koning kom en Hy sit op die vul van 'n esel". (Sag 9:9) Mark. 15:2, 9, 12, 18, 32 Jesus - die Koning van die Jode. Sien ook Luk. 19:38, 23:2 Al die verse dui daarop dat die Jode 'n aardse koninkryk met die Messias, Jesus in die geval, as koning verwag het. Wanneer Christus vir die tweede maal op die aarde verskyn dan is dit om die troon van Dawid te bestyg, as die wortel, of Spruit, uit die stam van Isai (Jer. 23:5, Jes. 9:6, Jes. 11:1,10) en regeer oor die aarde. Luk. 1:32-33; Hand. 2:19-20, Openb. 20: Beloftes aan die Kerk. Joh. 13:36 "Simon Petrus sê vir Hom; Here waar gaan U heen? Jesus antwoord hom; Waar Ek heengaan kan jy My nou nie volg nie, maar later sal jy My volg." Joh. 14: "In die huis van My Vader is daar baie wonings, as dit nie so was nie sou Ek dit vir julle gesê het. Ek gaan om vir julle 'n plek te berei. En as Ek gegaan en vir julle 'n plek berei het, kom ek weer en sal julle na My toe neem, sodat julle ook kan wees waar Ek is". Waar gaan Hy wonings berei? - by Sy Vader in die Hemel. Waar is Hy, by Sy Vader in die Hemel. Waar gaan Hy dus Sy bruid heen neem? - Na die wonings wat Hy in die Hemel voorberei. 1 Thes. 4:16-17 "Want die Here self sal van die Hemel neerdaal met 'n geroep, met die stem van 'n aartsengel en met die geklank van die basuin van God; en die wat in Christus gesterf het, sal eerste opstaan. Daarna sal ons wat in die lewe oorbly, saam met hulle in die wolke weggevoer word die Here tegemoet in die lug; en so sal ons altyd by die Here wees". Die tuiste van die Bruid is dan die nuwe Jerusalem wat na alles plaasgevind het van die hemel sal neerdaal Wie is Israel of die Jode? 22

23 Israel van ouds bly nog steeds God se volk en niks wat die mens sê of doen kan dit verander nie. Hulle was wel vir n wyle verstoot maar die laaste sewe jaar van Dan. 9:27 moet nog vir hulle aanbreek en volgens Rom. 11:25 moet daar nog n massa bekering van die Jode plaasvind. Die Messiaanse Jode word huidiglik nie as Jode deur die ander aanvaar nie en daar word dus geweier dat hulle na Israel terugkeer. Daar is egter diegene wat beweer dat die huidige Jode Edomiete is (Herodus was van Joods-Edomitiese afkoms) en dus nie Israel is nie, maar die blankes van Britanje met haar gewese kolonies, Europa en die R.S.A is die verlore tien stamme en Juda respektiewelik. Die Skrif moet dus vir ons n aanduiding gee van wat van Israel geword het. Verder moet ook die hedendaagse gebeure tydens oorloë in gedagte gehou word, naamlik dat die inwoners uit stede en dorpe vlug na veiligheid. Veiligheid is gewoonlik oor die grens na naburige lande. In die geval van Israel was dit oor die grens na Juda en moontlik ook ander lande waar dit veilig sou wees. Dus was daar dan in elk geval 'n groot deel van die bevolking wat nie meer daar was om weggevoer te word nie. Hulle sou, na die gevaar verby was, weer terugkeer, wat dan uit die onderstaande beskrywings afgelei moet word. 2 Kron. 11:13-17 verklaar dat onmiddelik na die skeuring onder Rehabeam het die Leviete en Priesters uit die hele Israel na Juda verhuis. Verse sê ook dat daar verder van die ander inwoners van Israel ook na Juda getrek het, nie net vir n tydperk van drie jaar soos sommige uit vers 17 wil aflei nie, want 2 Kron. 12:1 en 6 sê dat Rehabeam en die hele Israel afvallig geword het maar hulle ook weer verootmoedig het. Verder verhaal die Skrif dat van Israel teen Juda in die oorlog gesneuwel het, dat dele van Israel deur Juda ingeneem is en dat vele Israeliete na Juda toe oorgeloop het (2 Kron. 13:17-19, 15:8-9). Die leër van Juda het in twintig jaar gegroei van na (1 Kon. 12:21) en veertig jaar later het Josafat n leër van gehad (2 Kron. 17:14-18). Waar die woorde van 2 Kron. 15:9 dan ook sê... want uit Israel het hulle in menigte na hom oorgeloop toe hulle sien dat die Here sy God met hom was. 23

24 Daar word deur die voorstaanders van die Brits-Israel teorie gesê dat volgens 2 Kon. 17 is die hele Israel deur die Assiriërs in ballingskap weggevoer. As ons egter na 2 Kron. 30 kyk sien ons dat:- In die sesde jaar van Jehiskia begin Israel se ballingskap (2 Kon. 18:9-13) en in sy veertiende jaar het die volgende Assiriese koning Jerusalem beleër maar beskaamd teruggekeer na Babilon. Net na Israel se ballingskap het Jehiskia boodskappers deur die hele Israel gestuur met die woorde... dat Hy Hom mag wend tot die vrygeraaktes wat vir julle oorgebly het uit die hand van die konings van Assirië (2 Kron. 30:1-11). n Menigte uit Efraim, Manasse, Issaskar, en Sebulon het gekom om die pasga te eet (2 Kron. 30:18, 25, 31:1). In 2 Kron. 35:18 is in die tyd van Josia weer nog n groter Paasfees gehou waar die Priesters, Leviete, Juda en Israel teenwoordig was. Ons kan verstaan dat daar vrygeraaktes moet wees as ons na die ballingskap van Juda kyk. 2 Kon. 24:14... en hy het die hele Jerusalem weggevoer en al die owerstes en al die mense van vermoë, tienduisend ballinge, en al die smede en slotmakers, niemand het oorgebly nie, behalwe die arm mense van die land. (eerste ballingskap) 2 Kon. 25:8-12 En die res van die volk wat in die stad oorgebly het,... in ballingskap weggevoer. Maar uit die armes van die land het die owerste van die lyfwag sommige laat agterbly..... As dit in die een geval gegeld het dan het dit ook in die ander geval gegeld as ons na die voorafgaande bewyse kyk. Esegiël was saam met die groepe van Juda in ballingskap weggevoer (Eseg. 8:1). Hy word in die Gees weggevoer na die Kebarrivier waar die ballinge van Israel 120 jaar vroeër heen weggevoer was om vir hulle te profeteer. (Hulle was dus nog nie verlore nie) Eseg. 2:3, 3:15. Later word hy weer in die Gees na Jerusalem weggevoer (Eseg. 8:3,6,10-12), waar hy weer moet profeteer vir die huis van Israel In Eseg. 9: die ongeregtigheid van die huis van Israel en van Juda is buitengewoon groot en dit waar hy in Jerusalem is d.w.s. hier was nog steeds van die kinders van Israel. 24

25 Verder lees Jer. 50:33-34, die kinders van Israel en die kinders van Juda is saam verdruk en almal wat hulle as gevangenis weggevoer het, hou hulle vas, en weier om hulle te laat trek en dit klink meer na mense wat nog is waar hulle heen weggevoer is, as na sogenaamde verlorenes. 1 Kron. 9:3 noem dat na die terugkeer uit die Babeloniese ballingskap het daar... in Jerusalem gewoon van die seuns van Juda, en van die seuns van Efraim en Manasse Sien ook Esra 2:1, 2 en Neh. 7:73,... en die hele Israel in hulle stede, en Esra 3:1, 6:16-17, 21; 7:7, 13; 8:25, 35 en 10:5 word ook gepraat van Israel. Jeremia was na Jerusalem gestuur om te profeteer vir... huis van Jakob en alle geslagte van die huis van Israel. Volgens Jer. 34:9 word die term Jood gebruik vir alle Hebreërs en dit na die eerste ballingskap van Juda (Israel 120 jaar vroeër). Verder word die hele Israel deur die laaste profeet teenoor Edom gestel (Mal 1:1-2). In aansluiting leer Deut. 4:27-28 dat... die Here sal julle onder die volke verstrooi en n klein klompie van julle sal onder die nasies oorbly waarheen die Here julle sal drywe.... Hy praat dus van verstrooide klein groepies mense wat hy weer aan die einde van tye uit alle nasies sal bymekaar bring en nie van totale volke soos Britanje en haar vroeëre kolonies wat honderde miljoene tel soos die Brits-Israel aanhangers wil voorgee nie. As ons nou na al die voorafgaande Skrifte kyk en ons versoen met die volgende Skrifte uit die N.T. (Luk. 2:36, Joh. 7:35, Hand. 2:5, Rom. 1:16; 2:9-10; 3:1-3; 10:12; 11:25-26, Gal. 3:28, Kol. 3:11, Jak. 1:1, 1 Pet. 1:1) dan moet ons die teorie van die Brits-Israel en Juda-Afrikaner volk verwerp en aanvaar dat Israel van vandag en die terugkerendes die volle twaalf stamme van Israel verteenwoordig. Dit is die enigste nasie wat vir die laaste 2500 jaar suiwer gebly het. Israel van die Skrif is dus Israel van vandag Wie is die Bruid? 25

26 Die vraag wat beantwoord moet word is: Wie is die Bruid? En as daar 'n Bruid is; wie is dan die Gaste? Die Bruidegom is Christus Wie dan ook die belofte gemaak het dat Hy Sy volgelinge sal kom haal soos n bruidegom sy bruid gaan haal (Joh. 14:1-3). Paulus skryf in 2 Kor. 11:2 "... want ek het julle aan een man verbind, om julle as 'n reine maagd aan Christus voor te stel". Verder vergelyk hy die verwantskap tussen Christus en die Kerk met die tussen 'n man en vrou in Efes. 5:22-27, 30, "... sodat Hy die gemeente voor Hom kon stel, verheerlik, sonder vlek of rimpel of iets dergeliks; maar dat dit sonder vlek of rimpel sou wees... want ons is lede van Sy liggaam en vlees van Sy vlees. Hierdie verborgenheid is groot, maar ek sê dit met die oog op Christus en die gemeente". Wie is die "gemeente" waarna Paulus hier verwys. Jesus het vir Sy dissipels gesê; Joh. 13:10 "en julle is rein, maar nie almal nie". Slegs wedergebore kinders van die Here maak die Bruid van Christus uit en nie almal wat hulself Christene noem nie. Matt 22:14 sê tog "Want baie is geroep, maar min uitverkies." Wie is die gaste? Volgens hierdie perspektief is die gaste by die bruilof dan die O.T. heiliges en die uit die Groot Verdrukking Aantal Opstandings. Matt. 13:30 "Laat altwee saam groei tot die oes toe, en in die oestyd sal ek vir die maaiers sê; maak eers die onkruid bymekaar en bind dit in bondels om te verbrand, maar bring die koring bymekaar in my skuur." 13:40-42, 48 "Net soos die onkruid dan bymekaar gemaak en met vuur verbrand word, so sal dit wees in die voleinding van die wêreld...". Matt 24:31 "En Hy sal Sy engele uitstuur met harde 'n trompetgeluid, en hulle sal uitverkorenes versamel uit 26