10 Dae van Gebed. Dag 10 Selfbeheersing Mattheus 4:1-11

Transcription

1 10 Dae van Gebed Januarie 7-17, 2015 Dag 10 Selfbeheersing Mattheus 4:1-11 Voorstelle vir Bemiddelende Gebed Voel vry om ook aanspraak te maak op ander beloftes in die Bybel. Onthou, as God u roep, sal Hy aan u die vermoë skenk om Sy wil te doen! Loof God dat Hy u die krag skenk vir selfbeheersing. Prys God vir die wyses waarop Hy u al bemagtig het om selfbeheersing in spesifike omstandighede aan die dag te lê. God is dit wat my met krag omgord en my weg volkome maak. Ps. 18:32 Loof God dat Sy krag perfek word in ons swakheid. En Hy het vir my gesê: My genade is vir jou genoeg, want my krag word in swakheid volbring. Baie liewer sal ek dus in my swakhede roem, sodat die krag van Christus in my kan woon. 2 Kor. 12:9 Loof God dat Hy die Een is wie ons gewillig maak - en help om selfbeheersing aan te leer. want dit is God wat in julle werk om te wil sowel as om te werk na sy welbehae. Fil. 2:13 MAAR God sy dank wat ons altyd laat triomfeer in Christus en wat die reuk van sy kennis deur ons oral versprei. 2 Kor. 2:14 Vra God om u nog meer gewillig te maak tot selfbeheersing. EK vermaan julle dan, broeders, by die ontferminge van God, dat julle jul liggame stel as n lewende, heilige en aan God welgevallige offer dit is julle redelike godsdiens. En word nie aan hierdie wêreld gelykvormig nie, maar word verander deur die vernuwing van julle gemoed, sodat julle kan beproef wat die goeie en welgevallige en volmaakte wil van God is. Rom. 12:1, 2 Vra God om u te help om die dinge van die wêreld te haat en om u die liefde vir Hom, en Hom alleen, te skenk. Vertel vir Hom van die dinge wat u moet leer om te haat. Moenie die wêreld liefhê of die dinge wat in die wêreld is nie. As iemand die wêreld liefhet, dan is die liefde van die Vader nie in hom nie. Want alles wat in die wêreld is die begeerlikheid van die vlees en die begeerlikheid van die oë en die grootsheid van die lewe is nie uit die Vader nie, maar is uit die wêreld. En die wêreld gaan verby en sy begeerlikheid, maar hy wat die wil van God doen, bly vir ewig. 1 Joh.2:

2 Vra God om u midde-in elke oomblik van versoeking daaraan te herinner dat u liggaam die tempel van die Heilige Gees is. Of weet julle nie dat julle liggaam n tempel is van die Heilige Gees wat in julle is, wat julle van God het, en dat julle nie aan julself behoort nie? Want julle is duur gekoop. Verheerlik God dan in julle liggaam en in julle gees wat aan God behoort. 1 Kor. 6:19, 20 IMMERS, sy goddelike krag het ons alles geskenk wat tot die lewe en godsvrug dien, deur die kennis van Hom wat on geroep het deur sy heerlikheid en deug, waardeur Hy ons die grootste en kosbare beloftes geskenk het, sodat julle daardeur deelgenote kan word van die goddelike natuur, nadat julle die verdorwenheid ontvlug het wat deur begeerlikheid in die wêreld is. 2 Pet. 1:3, 4 Vra God om u te help om alles tot Sy eer te doen. Of julle dan eet of drink of enigiets doen, doen alles tot verheerliking van God. 1 Kor. 10:31 Vra God om u te help om in Hom geborge te leef. Ek is met Christus gekruisig, en ék leef nie meer nie, maar Christus leef in my. En wat ek nou in die vlees lewe, leef ek deur die geloof in die Seun van God wat my liefgehad het en Homself vir my oorgegee het. Gal. 2:20 Bid vir die verenigde evangelisasie - en getuienis aktiwiteite van elke Sewende Dag Adventiste man, vrou en kind wêreldwyd. Bid dat ons deur die Heilige Gees bemagtig sal wees soos ons oorgee aan God om ons te lei. Maar die HERE het vir my gesê: Moenie sê: Ek is jonk nie; want na wie Ek jou ook al stuur, moet jy gaan; en wat Ek jou ook al beveel, moet jy spreek. Wees vir hulle nie bevrees nie, want Ek is met jou om jou uit te red, spreek die HERE. Jer. 1:7, 8 Bid dat God goddelike, onderrigbare en nederige leiers na vore sal laat tree vir die toekoms. Leiers wie Christus-sentriese leierskap sal bied algaande Sy kerk sy hemelse mandaat in die wêreld vervul. en laat julle ook soos lewende stene opbou, tot n geestelike huis, n heilige priesterdom, om geestlike offers te bring wat aan God welgevallig is deur Jesus Christus. 1 Pet. 2:5 Bid dat Christus vrede en liefde in Sewende Dag Adventiste families en huise sal inbring. Bid dat Sy teenwoordigheid misbruik en stres sal uitdryf deur die heiligmakende krag van Sy geregtigheid. En beklee julle bo dit alles met die liefde wat die band van die volmaaktheid is. En laat die vrede van God, waartoe julle ook in een liggaam geroep is, in julle harte heers, en wees dankbaar. Kol. 3:14, 15 2

3 Sendingwerk in ons stede - Bid vir die Wes-Sentraal Afrika Divisie en die stede waarin hulle uitreik vir Christus: Lagos in Nigerië, Douala in Kameroen, Calabar in Nigerië, Accra in Ghana, Abuja in Nigerië en Lome in Togo. Bid dat hierdie volke hulle diepe behoefte aan Christus sal agterkom en tot Hom sal roep. Want: Elkeen wat die Naam van die Here aanroep, sal gered word. Rom. 10:13 Bid vir enige persoonlike behoeftes en vir enigiets wat u op die hart het. En my God sal elke behoefte van julle vervul na sy rykdom in heerlikheid deur Christus Jesus. Fil. 4:19 Loof God dat Hy u gebede verhoor en geantwoord het en dat, met Hom, niks onmoontlik is nie. want die HERE - sy oë deurloop die hele aarde om diegene kragtig te steun wie se hart onverdeeld op Hom gerig is; 2 Kron. 16:9a Aan die einde van u gebedstyd, kan u dalk groepies van twee of drie vorm, en vir die sewe mense wie op u lys is, bid. Bid dat hulle hul liggame sal behandel soos die tempel van die Heilige Gees en dat hulle selfbeheersing sal hê. Maak vir hulle aanspraak op 1 Kor. 10:13: Geen versoeking het julle aangegryp behalwe n menslike nie; maar God is getrou, wat nie sal toelaat dat julle bo julle kragte versoek word nie; maar Hy sal saam met die versoeking ook die uitkoms gee, sodat julle dit sal kan verdra. As u n persoonlike gebedsversoek het waaroor u nie gemaklik voel om in n groot groep te bid nie, voel vry om dit met n vriend te deel, en bid dan saam daaroor. Voorgestelde Liedere I Love You Lord ; Jesus Loves Me (SDA Hymnal #190); A Child of The King (SDA Hymnal #468); I Will Sing Of Jesus Love (SDA Hymnal #183); Stand Up! Stand Up For Jesus (SDA Hymnal #618); Onward, Christen Soldiers! (SDA Hymnal #612). 3

4 Wat Ellen White sê oor Selfbeheersing Maar die vrug van die Gees is selfbeheersing. - Gal. 5:22, 23 God vereis van die mens om hul liggame aan Hom oor te gee as lewende offers, nie n dooie of sterwende offer nie, nie n offer waarvan die eie gang van aksie tot verkruppeling lei nie, wat besig is om op te vul met onreinheid en siekte nie. God vra vir n lewende offer. Die liggaam, so vertel God ons, is die tempel van die Heilige Gees, die woning van Sy Gees en Hy vereis dat almal wie Sy beeld dra sal sorg vir hul liggame, sodat hul liggame in diens van God en Sy glorie kan wees en bly. Julle behoort nie aan julleself nie spreek die begeesterde apostel, julle is duur gekoop. ; daarom, Verheerlik God dan in julle liggaam en in julle gees wat aan God behoort. (1 Kor. 6:19, 20). Om dit te kan doen, moet by die deugsaamheid, kennis gevoeg word en by die kennis, selfbeheersing en by selfbeheersing, lankmoedigheid. Dit is verpligtend om te weet hoe om die liggaam te bewaar in die beste van die beste gesondheidstoestand en dit is n heilige plig om te leef en streef na die lig wat God so genadiglik aan ons skenk. As ons ons oë sluit uit vrees dat ons ons eie ongeregtigheid sal raaksien die ongeregtighede wat ons nie bereid is om te verloën nie, word ons sondelas nie ligter nie, maar swaarder. As daar in een geval van die lig af weggedraai word, sal dit ook in n ander geval verontagsaam word. Dit is net so sondig om die wette van ons wese te breek soos wat dit is om die Tien Gebooie te oortree, want ons kan nie een van die twee oortredings begaan sonder om God se Wet te oortree nie. Ons kan eenvoudig nie die Heer liefhê met ons hele hart, verstand en siel en krag, terwyl ons ons hongertes, ons smaak-voorkeure enigsins meer liefhet as die Heer nie. Ons is daagliks besig om ons krag tot Godsprysing te verminder wyl Hy al ons krag en verstand vereis. Deur ons slegte gewoontes verswak ons ons greep op die lewe, terwyl ons bevestig dat ons volgers van Christus is wie voorberei vir die afronding van onsterflikheid (Ye Shall Receive Power, p. 79). Streng gehoorsaamheid aan die Bybel se vereistes sal tot seën wees nie net vir die siel nie, maar ook vir die liggaam. Die vrug van die Gees is nie net liefde, vreugde en vrede nie, maar ook selfbeheersing. Ons is verbind om ons liggame, as tempels van die Heilige Gees, nie te besoedel nie. Die geval van Daniël wys ons dat, deur godsdienstige beginsels, jong manne kan triomfeer oor die belustiging van die vlees en getrou kan bly aan God se vereistes, selfs al kos dit n groot opoffering. Wat as hy n kompromie aangegaan het met die heiden offisiere en toegegee het aan die druk van die geleentheid 4

5 deur te eet en te drink soos dit die gebruik was in Babilon? Daardie een verkeerde stap sou heel waarskynlik gelei het tot nog verkeerde stappe, totdat sy verbintenis met die hemel geskeur het en hy weggesleep sou wees deur versoeking. Maar, terwyl hy vasgeklou het aan God met onwrikbare vertroue, het die gees van profetiese krag oor hom gekom. Terwyl hy opgelei was deur die mens in die take van die koninklike hoflewe, was hy onderrig deur God om die geheimenisse van eeue wat nog kom, te lees (Testimonies for the Church, vol. 4, p. 570). Ondersoek u eie hart uiters noukeurig en boots die onfeilbare Patroon na in u lewe en alles sal wel wees met u. Bewaar n skoon gewete voor God. In alles wat u doen, verhoog sy Naam in glorie. Weerhou uself van selfsug en selfsugtige liefde (Testimonies for the Church, vol. 2, p. 71). Vrae vir Persoonlike Oordenking 1. In watter areas van die lewe benodig u meer selfbeheersing? Maak aanspraak op God se beloftes vir oorwinning en prys Hom nou al vir die oorwinning wat Hy u gaan skenk. 2. Ken u enigiemand anders wie ook meer selfbeheersing kort? Neem die tyd om te bid en maak aanspraak op God se beloftes ook vir daardie persoon. 5