Hoe om vir God te gee wat Hy die graagste wil hê

Transcription

1 AFDELING EEN Hoe om vir God te gee wat Hy die graagste wil hê OORGEGEE AAN GOD ROMEINE 12:1 Die mensdom se hele lewensuitkyk kan verander indien ons almal glo dat ons in n vriendelike wêreld woon, en dat die God van die hemel, al is Hy verhef in mag en glorie, graag vriende met ons wil wees. 1 ~ A.W. Tozer

2 HOOFSTUK EEN Wat wil God regtig van jou hê? Kom na My toe, almal wat uitgeput en oorlaai is, en Ek sal julle rus gee. Jesus van Nasaret (Matteus 11:28) Wel, ek sal graag wil sê dat my lewe heeltemal verander het, dat my probleme verdwyn het en dat my nuwe verhouding met Christus die een oorwinning na die ander was; maar ek kan nie. My lewe het verander. God het radikale werk in my hart gedoen en n nuwe stel begeertes in my laat ont staan. Niemand het vir my gesê ek moet die Bybel lees nie, maar ek kon dit nie neersit nie. Ek het dit in die aand en in die oggend gelees met n gevoel dat die lewende God direk met my praat. Niemand het vir my gesê ek moet ophou om dit of dat te doen nie, maar op n manier het God my begeertes verander... en die sonde wat ek eens op n tyd geniet het, het my nou afgestoot. Ek het vrede in my hart gehad en dikwels n lied op my lippe. Ek was vry. Ek was gemotiveerd en wou die liefde wat ek nou ervaar het met almal deel. Nuwe lewe/nuwe worstelinge My nuwe lewe het ook nuwe worstelinge meegebring. Terwyl sommige son des vinnig verdwyn het, het ander onmoontlik gelyk om te oorkom. Ek was baie gelukkig dat n paar volwasse Christene kort ná my bekering my pad gekruis het, want hulle kon my leer hoe om n Christelike lewe te lei. Ek het stap vir stap geleer hoe om God te leer ken en sy Woord te verstaan sodat Hy daardeur met my kon praat. Daardie vroeë dae was gevul met n vreugde wat ek nog nooit ervaar het nie en is gevolg deur toetse wat ek my nooit kon indink nie.

3 28 HOE OM VIR GOD TE GEE WAT HY DIE GRAAGSTE WIL HÊ Terwyl ek in die oggende deur die Nuwe Testament gelees en met God oor universiteit, basketbal en meisies gepraat het, het ek gou geleer dat sy opinie oor hoe om te lewe effens van myne verskil het. Jesus was beslis my Verlosser, maar Hy was nog nie die Here van my lewe nie. Ek was besig om te groei en was verward. Ek het geweldige vreugde in my nuwe verhouding met Christus ervaar, maar ek wou nie hê enigiemand moes vir my sê wat om te doen nie. In my onderbewuste het ek my geloof in kompartemente begin plaas (net soos ek dit as kind in die kerk ervaar het) en ek het begin kieskeurig raak oor God se opdragte. Dié waarvan ek gehou het en wat redelik geklink het, het ek gehoorsaam; en dié waarvan ek nie gehou het nie en wat onredelik geklink het, het ek geïgnoreer. As ek nou daarna terugkyk, was dit malligheid om so te lewe. Ek het in die oggend my Bybel gelees en n wonderlike tyd saam met God deurgebring, maar dan later in die dag uiterste berou en skuld ervaar wanneer ek dinge gedoen het wat die Heilige Gees in my onteer het. Ek het uitgesien na Donderdagaande se Bybelstudie waar ons kampusbediening in n klein sitkamertjie sou inbondel om te sing, te deel en God se teenwoordigheid op n kragtige wyse te ervaar. Maar op Vrydag- en Saterdagaande sou ek saam met vier of vyf basketbalspelers in die kar klim en dan het ons byna elke kroeg in Wheeling, Wes-Virginië, besoek. Ek was die een met die sosiale vaardighede en daarom is ek afgevaardig om hulle aan die mooi meisies voor te stel. Ek het dikwels in die vroeë oggendure tuisgekom en dan sou ek nie die volgende oggend kerk toe gaan nie. Ek sou skuldig voel, vergifnis vra, dit kry en dan met hierdie skisofreniese Christelike lewe voortgaan. Al het ek dit nie gewys nie, was ek miserabel. Die vreugde van die Here het mettertyd begin vervaag aangesien ek die hele tyd met n skuldige gewete moes saamleef. Selfs die sonde wat ek eens op n tyd geniet het, kon my nie meer bevredig nie, want ek het altyd skuldig en skaam gevoel nou dat ek die Heilige Gees in my gehad het. Na sowat twee en n half jaar van my reis saam met Christus het God my gedwing om hierdie twee belangrike vrae weer te vra: Wat wil God regtig van my hê? En hoe gee ek dit vir Hom? Dit was hierdie twee vrae wat my by n punt gebring het waar ek my verhouding met die lewende God ernstig moes ondersoek.

4 WAT WIL GOD REGTIG VAN JOU HÊ? 29 Gee vir God wat Hy regtig wil hê Terwyl ek eendag saam met n groep ouens van my ouderdom Bybel gelees het, het ek besef dat my dubbele lewe wat in kompartemente verdeel was, nooit God se bedoeling was nie. Hy wou die hele tyd nog net vir mý gehad het. Die ontbrekende krag en die afwesige vreugde kon slegs kom namate ek die waarheid van Romeine 12:1 verstaan en toegepas het... slegs wanneer ek geleer het wat ware oorgawe beteken. God wou hê ek moes alles wat ek is en alles wat ek het aan Hom oorlewer. Hy wou dieselfde plek in my hart hê as wat Hy in die heelal beklee. Hy wou hê ek moes glo dat Hy so goed, liefdevol en goedhartig is dat ek my hele wese aan Hom moes toevertrou met die wete dat Hy net die beste vir my wil hê. Hy wou hê ek moes my drome, my toekoms, my meisie, my basketballoopbaan, my akademiese loopbaan met oop hande na Hom toe bring. Hy wou hê ek moes alles vir Hom bring sodat Hy in my hart kan heers soos Hy in die heelal heers. Ek kan jou nie begin vertel van die omvang en diepte van die stryd en wors teling wat ek ervaar het om tot by hierdie plek van oorgawe te kom nie. My beeld van God was so verwronge dat ek gedink het om my aan Hom oor te gee sou die einde beteken van alles wat vir my kosbaar was. Oorgawe en vrees was een en dieselfde ding in my hart en ver stand. Ek was enkellopend en wou beslis eendag trou. Maar ek het gedink dat as ek my aan God oorgee, Hy dalk sal wil hê ek moet ongetroud bly en dat ek dan my lewe lank miserabel sou wees. Of erger nog, Hy sou vir my sê om met die een of ander lelike meisie te trou met wie ek glad nie wou trou nie. As ek sou oorgee, sou Hy my dalk vra om op te hou basketbal speel en my as n sendeling na n vreemde land stuur. As ek Dit was my wanbegrip van God en die konsep van oorgawe wat van my n kulturele, wêreldse, skyn hei lige volgeling van Jesus ge maak het juis dit wat ek as kind gehaat het. sou oorgee, sou Hy dalk wou hê ek moet my studierigting verander na iets anders wat ek waarskynlik sou haat. Die kwessie van oorgawe het my gedagtes begin oorheers. As ek nou terugkyk, kan ek sien dat dit my wanbegrip van God en die kon sep van oorgawe was wat van my n kulturele, wêreldse, skynheilige vol geling van Jesus gemaak het juis dit wat ek as kind gehaat het. Ek wou ons reis saam begin deur my storie van worsteling met die Chris telike lewe te deel, want volgens die beste navorsing en my persoon-

5 30 HOE OM VIR GOD TE GEE WAT HY DIE GRAAGSTE WIL HÊ like ervaring, leef die meeste Christene in die Verenigde State en oor die hele wêreld in hierdie groot skemergebied. Dit is gelowiges wat God ken en liefhet en tog nie sy vreugde, mag of teenwoordigheid ervaar soos Hy dit vir hulle bedoel het nie. As jy moeg is vir al die reëls, al die formules, al die godsdienstige aktiwiteite en selfs goed bedoelde kerk pro gramme wat verandering be lo we maar dit nie bied nie, nooi ek jou om by my aan te sluit op n reis van genade, geloof en verhou ding wat tot ware verandering lei. Saam sal ons leer wat dit regtig be teken om Chris tus te volg en hoe jy in sy krag en ge nade n nuwe, radika le lewe van oor vloed kan lei. Jy sal egter moet deelneem om dit te laat gebeur. Om bloot die Bybel te lees of selfs saam te stem met dit wat in die Bybel oor geestelike transformasie staan, laat dit nie gebeur nie. Aan die einde van elke hoofstuk sal ek dus vir jou kernvrae, take en hulpmiddels gee om jou te help om dit wat God vir jou sê, te verwerk en toe te pas. Hiermee wil ek jou daaraan herinner dat dit ons geloof is wat God die meeste behaag (Hebreërs 11:6). Jy sal in die versoeking kom om r12 te sien as die maatstaf van dissipelskap wat jy moet bereik, in plaas van die profiel van wat Christus deur sy krag en genade in jou hart en verhouding wil skep. Moenie verplig voel om al die vrae aan die einde van elke hoofstuk te beantwoord of al die opdragte te voltooi nie. Hulle is daar om jou te help om God se stem te hoor, algemene struikelblokke te oorwin en om saam met die Heilige Gees in jou hart te werk. Die belangrikste vraag wat jy aan die einde van elke hoofstuk (en eintlik in alle omstandighede) kan vra, is: Wat beteken dit om op God te vertrou? Wat beteken dit om op God te vertrou na aanleiding van wat ek sopas gelees het? Wat beteken dit om op God te vertrou in my werk, my verhoudings, my toekoms, en so meer? Hierdie vrae en opdragte sal jou deur n genadegerigte proses help om te hoor wat God vir jou wil sê. Kom ons begin met hierdie eerste hoofstuk oor oorgawe. DIS JOU SKUIF Word n -Christen God wil persoonlik met jou praat. Neem twee minute en lees stadig deur die vrae en voorstelle vir geestelike groei. Sit dan vir drie minute stil en vra vir God watter van daardie vrae of dade dalk n weg sal bied wat jou sal versterk en aanmoedig. Moenie verplig voel om al die vrae te beantwoord

6 WAT WIL GOD REGTIG VAN JOU HÊ? 31 of alles te doen wat voorgestel word nie; luister na die Heilige Gees en volg sy leiding. DINK Met watter deel van my worsteling met oorgawe kon jy identifiseer? BESIN Waarom dink jy het daardie aspek van my storie by jou aan klank gevind? VERSTAAN Hoe praat God dalk met jou? Is jy bang? Oortuig? Ver lig dat ander met dieselfde dinge worstel? GEE OOR Neem n oomblik en vertel bloot vir God hoe jy voel. Deel jou vrese, verligting of eerlike worsteling met Hom. Vertel vir Hom jy wil meer leer en het sy hulp nodig om regtig te verstaan waar oor oorgawe gaan. DOEN Besluit wanneer jy die volgende hoofstuk gaan lees om te hoor wat God oor oorgawe sê. MOTIVERING Gaan na die webtuiste (LivingontheEdge.org/r12) en kyk na die video van 14 minute getiteld How to Give God What He Wants the Most. MOEDIG IEMAND AAN Neem een minuut en bid vir iemand wat ook probleme ondervind in hulle reis na ware oorgawe.