UIT DIE OUE, IN DIE NUWE Deel 1 Een van julle het so n ruk gelede vir my die volgende geskryf: Daar's soveel onkunde en misinformasie oor die ou en nuwe verbond en wat elkeen behels. Hoekom skryf jy nie 'n kort reeks oor die verskille van die twee nie? Heb. 7,8 10 is vir my vanselfsprekend, maar miskien moet dit in detail in PLAIN Afrikaans verduidelik word. Jy kan nie glo in die genade en nog vashou aan die groot 10 nie (bedoelende die Tien Gebooie nie)!! Jesus het immers gekom om die wet te vervul,dit na te kom en op te hef ten einde 'n beter verbond in werking te stel wat die oue tot niet gemaak het. Jak 2:10 is duidelik; as jy een van die wette oortree, is jy skuldig aan almal. Maar die krisis is, dit is vir ons as mens ONMOONTLIK om al die wette na te kom. Dit is juis hoekom Jesus gekom het omdat Hy geweet het die mens kan dit nie nakom nie. Ek dink daar's baie christene wat baie verwarring beleef oor die 2 verbonde. Ek was een van hulle tot die Here my oë kom oop maak het in die jaar. Tot sover haar skrywe. Daarom gaan ek die volgende weke met jou gesels oor UIT DIE OU, IN DIE NUWE. En dit plek waar ek wil begin is in jou Bybel. Vat n slag daardie Bybel van jou en maak dit oop waar die Ou-Testamentiese boeke eindig en die Nuwe Terstamentiese boeke begin. Daar kry jy n bladsy waarop staan: Nuwe Testament. En miskien is daardie bladsy baie mense se probleem, want eintlik staan hierdie bladsy op die verkeerde plek. Dit moes nie hier voor die vier Evangelies verskyn het nie. Dit moes eers na die vier Evangelies, net voor die boek, Handelinge, in derwaarheid verskyn het. Want sien, voordat die Ou Testament of Ou Verbond, met n Nuwe vervang kon word, moes iemand eers sterf. Eers as iemand sterf, word n Testament van krag. Jesus Christus moes mens word en eers die Ou Verbond en die Ou Testament met al sy bepalings in die Tora vir en namens ons almal volkome vervul en gehoorsaam. Daarna moes Hy in ons plek sterf, omdat ons nie in staat is en was om daardie Ou Testament, met Tora volkome te gehoorsaam nie. So het Hy dan ook die straf wat op ons gerus het as gevolg daarvan, ten volle vir en namens ons gedra. Eers na Sy dood het die Nuwe Testament en NUWE VERBOND - wat God soewerein daargestel het - in die plek van die OUE,van krag geword. Dit is mos wat Hy belowe het eeue van te vore, profeties deur die profeet Jeremia en die profeet Esegiël toe ons hulle hoor sê het: Jer. 31:31-34: Daar kom n tyd, sê die Here, dat Ek met Israel en Juda n nuwe verbond sal sluit.
Dit sal nie wees soos die verbond wat Ek met hulle voorvaders gesluit het toe Ek hulle aan die hand gevat en uit Egipte laat trek het nie. Hulle het daardie verbond wat Ek met hulle gesluit het, verbreek al was Ek getrou aan hulle, sê die Here. Dit is die verbond wat Ek in die toekoms met Israel sal sluit, sê die Here: Ek sal my woord op hulle harte skryf en dit in hulle gedagte vaslê. Ek sal hulle God wees en hulle sal my volk wees. n Man sal nie meer vir sy buurman of vir sy broer voorhou: Jy moet die Here dien nie, want almal sal My dien, klein en groot, sê die Here. Ek sal hulle oortredings vergewe en nie meer aan hulle sondes dink nie. In Eseg. 11:19 en 20 belowe God oor hierdie nuwe era: Ek sal hulle n ander hart gee en n nuwe gees onder hulle laat posvat, Ek sal die kliphart uit hulle liggaam verwyder en hulle n hart van vleis gee. Dan sal hulle volgens my voorskrifte leef en my bepalings nakom en daarvolgens optree. Hulle sal my volk wees, en Ek sal hulle God wees. In Eseg. 36:26 e.v belowe Hy profeties: Ek sal reinigingswater oor julle uitgooi sodat julle rein kan word. Ek sal julle reinig van al julle onreinheid en van al julle afgodery. Ek sal julle n nuwe hart en n nuwe gees gee, Ek sal die kliphart uit julle liggaam uithaal en julle n hart van vleis gee. Ek sal my Gees in julle gee en Ek sal maak dat julle volgens my voorskrifte leef en my bepalings gehoorsaam en nakom. Daarom hoor ons hoe Jesus by die instelling van die liefdesmaal Sy volgelinge leer dat wanneer hulle die beker drink, moet dink aan Sy bloed wat vir hulle gestort is. "Hierdie beker is die nuwe verbond, beseël deur my bloed, wat vir julle vergiet word. (Luk. 22:20) Die oomblik toe Jesus Christus gesterf het, het die Ou Verbond en Tora verval en het n NUWE VERBOND met n nuwe wet, volgens die bepalings van n Nuwe Testament, van krag geword. God self het dit so beplan. Van die begin af, voor die Skepping reeds, was dit deel van Sy Meesterplan vir ons verlossing, ons totale transformasie en ons verheerliking.
UIT DIE OUE, IN DIE NUWE Deel 2 As gelowige volgelinge van Jesus, glo ons dat Jesus die Ou Verbond met Sy Wet volkome namens en vir ons volkome vervul en gehoorsaam het. Ons hoor Hom daarom gedurig tydens Sy lewe op aarde sê: Laat dit nou toe, want só pas dit ons om alle geregtigheid te vervul. (Mat. 3:15) Daardie ou pad, deur die wet te gehoorsaam, is nie meer ons weg tot geregtigheid nie. Nee, dit was die ou pad. Ons het nou n nuwe pad, naamlik die pad van geloof dat Christus Jesus dit namens ons volkome vervul en gehoorsaam het. So hoor ons hoe Paulus praat oor mense wat steeds dink dit is die pad as hy daar in Rom. 10:1 tot 4 die volgende skryf: Broeders, die verlange van my hart en die gebed wat ek tot God vir Israel doen, is tot hulle redding. Want ek getuig van hulle dat hulle n ywer vir God het, maar sonder kennis. Want omdat hulle die geregtigheid van God nie ken nie en hulle eie geregtigheid probeer oprig, het hulle hul aan die geregtigheid van God nie onderwerp nie. Want Christus is die einde van die wet tot geregtigheid vir elkeen wat glo. Waarvan praat Paulus as hy hier praat van hulle eie geregtigheid? Hy verwys na niks anders as dat hierdie Jode steeds probeer om gehoorsaam te wees aan die bepalinge van die Tora en so God se guns te probeer verwerf nie. As volgelinge van Jesus Christus, wat in Hom glo, leef ons nou onder die bepalings van n Nuwe Testament en n Nuwe Verbond. Die reëls, wette en bepalings wat onder die Ou Testament en Ou Verbond gegeld het, geld nie meer vir ons in hierdie nuwe era nie. Ek weet jy wil my dadelik vra: Maar beteken dit dat ons nou maar kan doen wat ons wil? Dat ons maar kan moor en lieg ens.? Natuurlik nie. Maar daardie vrae beantwoord ons later. Kom ons gesels net eers hieroor: oor waarom Christus Jesus gekom het en hoe dit die ou wet en ou verbond se plek in ons lewens verander het. Al plek wat die ou Wet, of Tora, nog het, is om vir mense wat nie volgelinge van Jesus is nie, bewus te maak dat hulle nie God uit hulle eie krag en vermoëns ooit tevrede kan stel nie. Die Tora of wette van die Ou Verbond, en dit sluit ook die Groot Tien, of Tien Gebooie in, is nou juis daar om mense bewus te maak van sonde in hulle lewe en sonde in hulle are. Dit is nou juis daar om hulle bewus te maak dat hulle n Verlosser nodig het. Daardie Verlosser is Jesus, die Christus. Dit is waarom Hy juis na hierdie Aarde toe moes kom. Hy het juis gekom om mense soos ons, wat nie in staat is om God se wette volkome te gehoorsaam nie, te kom verlos. Dit is wat Paulus onder die inspirasie van die Gees aan ons verduidelikk as hy die volgende in Gal. 3:24,25 skryf: Die wet was dus ons tugmeester na Christus toe, sodat ons geregverdig kan word uit die geloof. Maar nou dat die geloof gekom het, is ons nie meer onder n tugmeester nie. As gelowige volgelinge van Jesus Christus, is ons nou onder n nuwe verbond, wat deur die genade van God gereguleer word en nie meer deur die Wet van Moses nie. Die reëls en regulasies wat ons die Ou Verbond daargestel is, was net bedoel om vir die mense te wys dat hulle n Verlosser nodig het. Maar nou, onder die Nuwe Verbond, belowe God om Sy wette op die harte te skryf van almal wat in Christus glo. Dit is mos wat Hy deur die profeet Jeremia aan ons belowe het, eeue voordat dit gebeur het. Luister na God se belofte, volgelinge van Jesus, en glo Hom nou eens en vir altyd:
Jer. 31:31-34: Daar kom n tyd, sê die Here, dat Ek met Israel en Juda n nuwe verbond sal sluit. Dit sal nie wees soos die verbond wat Ek met hulle voorvaders gesluit het toe Ek hulle aan die hand gevat en uit Egipte laat trek het nie. Hulle het daardie verbond wat Ek met hulle gesluit het, verbreek al was Ek getrou aan hulle, sê die Here. Dit is die verbond wat Ek in die toekoms met Israel sal sluit, sê die Here: Ek sal my woord op hulle harte skryf en dit in hulle gedagte vaslê. Ek sal hulle God wees en hulle sal my volk wees. n Man sal nie meer vir sy buurman of vir sy broer voorhou: Jy moet die Here dien nie, want almal sal My dien, klein en groot, sê die Here. Ek sal hulle oortredings vergewe en nie meer aan hulle sondes dink nie. Soveel van die volgelinge van Christus Jesus vandag lewe steeds vasgevang in skuld en veroordeling omdat hulle nie werklik dit glo en daarom ook nie mooi die nuwe verbond wat met die bloedoffer van Jesus Christus 31 n.c. daargestel is, verstaan nie. Daarom sit hulle nog vasgevang in n sondebewussyn omdat hulle steeds hulleself onderwerp aan die Tora, die Wet van die Ou Verbond, eerder as om die vryheid vas te gryp wat kom van n wete dat jou sondes vergewe is deur die bloed van Christus Jesus wat reeds in 31 n.c. vir en namens jou gestort is. Omdat Hy gesterf het, geld die bepalings van n ander, nuwe testament nou. Volgens die bepalings van daardie nuwe testament, leef ons nie meer onder die ou Wet nie, maar onder die bedeling van genade, wat Christus Jesus deur Sy dood en opstanding vir ons oopgebreek het. Dit beteken prakties dat ons nie meer onderworpe is aan die Wet wat Moses daargestel het nie. Hoor jy, volgeling van Jesus? Om dit te besef is absoluut krities om n suksesvolle, vreugdevolle, Christelike lewe bevry van skuldgevoelens en gevoelens van veroordeling te leef. Hoor jy, jy is vry van die Wet, selfs die Groot Tien, die Tien Gebooie! Selfs onder die Ou Verbond en Ou Testament was die Tien Gebooie deel van die riglyne wat in plek gesit om die mensdom bewus te maak dat hy n Verlosser nodig het, n Verlosser wat nog op pad was, die Messias wat God die Vader belowe het Hy sou stuur. Daarom het God onder die Ou Verbond, voor die finale Verlosser sou kom om die finale offer te bring, die mens beveel om bloedoffers aan Hom te offer sodat Hy hulle sondes kon vergewe. Net bloed, met ander woorde die dood van n onskuldige vir die skuldiges, kon die weg voorberei dat God hulle sondes kon bedek en vergewe en die mens steeds bly seën. Maar dit was onder die Ou Verbond die manier. Goddank, ons is nou in n ander, nuwer, beter bedeling. n Nuwe Testament se bepalings geld nou vir ons, want Christus Jesus het deur Sy Lewe te gee die finale volkome offer vir sonde gebring. Ons moet dit net glo. Ons moet kies om te glo dat Hy dit ook vir my en jou gedoen het en dat dit eens en vir altyd genoeg en voldoende was sodat God ons ook genadig kan wees. Glo jy dit werklik?
UIT DIE OUE, IN DIE NUWE Deel 3 Die Jode in die Ou Testament moes aanhoudend die een diere-offer na die ander aan God offer sodat God hulle genadig kon wees. Dit was die enigste manier hoe die mens van destyds in n regte verhouding met God kon staan, naamlik om hierdie gedurige brand- en bloedoffers aan God te wy. Daar was geen ander manier nie, want om God se Tora te gehoorsaam, selfs net die Tien Gebooie, was nie moontlik nie. As gevolg van die sonde wat letterlik in sy are gevloei het van voor sy geboorte af, kon geen mens die wet volkome vervul en gehoorsaam nie. Daarom het al die mens se pogings om hierdie Tora en ander wette te gehoorsaam net hierdie geweldige sonde-bewustheid en skuldgevoelens by die mens meegebring. Omdat hulle nie wedergebore was nie, was hulle heeltyd so bewus van hulle sonde en die krisis was dat daar net mooi niks was wat hulle daaraan kon doen om dit te verander of weg te neem nie. Sonde was heeldag in hulle gedagtes. En die hele tyd het hulle net aan maniere gedink om dit te laat ophou of dit kon weg neem. Verstaan mooi, daar was niks fout met die Wet nie. Die Wet was heilig en goed. Maar die probleem was dat geen mens dit perfek kon hou of gehoorsaam nie. Maar deur aanmekaar offers te bring, oor en oor, diere-offers wat in hulle plek onskuldig hulle lewe en hulle bloed in hulle plek gegee het, was die manier wat God aangetoon het waardeur Hy as n heilige God hulle kon bly seën en kon bly vergewe ten spyte van die feit dat hulle nie die wet volkome gehoorsaam het nie. Die wonderlike goeie nuus van die Evangelie egter is dat God die Vader van die begin af natuurlik geweet het dat die mens daarom n meer permanente Verlosser nodig het. Iemand wat die nodige finale offer sou bring om God die Vader as die Regverdige, maar tog ook Heilige God, finaal die reg sou gee om ons vir een en altyd vry te kon spreek en ons sondes te vergewe. Hy het daarom, voor die grondlegging van die wêreld, as deel van Sy finale Verlossingsplan, ook bepaal dat elkeen wat sou glo dat Jesus Christus, Sy Seun, juis na hierdie wêreld gekom het om hierdie finale, volkome offer te bring, deur Sy lewe en Sy bloed te gee as n perfekte, onskuldige Sonde- en Skuldoffer; geregtigheid as genadegeskenk sou ontvang. En net aan hulle. Hulle sou vrygespreek word asof dit hulleself was wat met hulle eie lewe en hulle eie bloed versoening gedoen het vir daardie sondes in hulle lewe en verlede. In Sy oë sou hulle as t ware sonder sonde wees, want Hy sou hulle sondes en sondeskuld sover van hulle verwyder soos die Ooste van die Weste af is en self sou Hy nooit weer daaraan dink nie. Hoor hoe sê Paulus dit onder die inspirasie van God se Gees aan die gelowige volgelinge van Jesus, wat juis gekies het om hierdie Goeie Nuus te glo, daar in 2 Kor. 5:17 tot 21 (en ek haal uit die Ou Afrikaanse Vertaling aan omdat die woord geregtigheid daar voorkom, soos dit in die Grieks oorspronklik verskyn: Daarom, as iemand in Christus is, is hy n nuwe skepsel; die ou dinge het verbygegaan, kyk, dit het alles nuut geword. En dit alles is uit God wat ons met Homself versoen het deur Jesus Christus en ons die bediening van die versoening gegee het, naamlik dat God in Christus die wêreld met Homself versoen het deur hulle hul misdade nie toe te reken nie en die woord van die versoening aan ons toe te vertrou.
Ons tree dan op as gesante om Christus wil, asof God deur ons vermaan. Ons bid julle om Christus wil: Laat julle met God versoen. Want Hy het Hom wat geen sonde geken het nie, sonde vir ons gemaak, sodat ons kan word geregtigheid van God in Hom. Die Nuwe Vertaling het hierdie begrip geregtigheid feitelik deurgaans gaan vertaal met vrygespreek, God het ons vrygespreek. Daarom hoor ons Paulus daar in Hand. 13:38 aan die skare hierdie Evangelieboodskap verkondig as hy vir hulle sê: "Daarom, broers, moet julle goed weet dat wat aan julle verkondig word, die vergewing van sondes deur Hóm is, en dat elkeen wat glo, deur Hom vrygespreek word van alle sondes. Die wet van Moses kon julle nie vryspreek nie. Hoor jy, gelowige volgeling van Jesus? As jy werklik glo dat Jesus Christus gekom het om die finale volkome sonde- en skuldoffer ook namens en vir jou te bring, kan jy werklik glo is jy vir altyd vry van die Wet wat gegeld het onder die Ou Bedeling. Die oomblik wat jy Hom aanvaar het as Here en Verlosser, het jy n nuwe verbondsverhouding met God binne gestap, wat nou gebaseer is op God se genade. God kan jou nou genadig wees. God die Vader kan as Regverdige, Heilige God jou totaal vryspreek, omdat Jesus Christus reeds alles gedoen het sodat Sy Vader jou genadig kan wees. Jy hoef niks meer te doen sodat Hy jou genadig kan wees nie. Daarom kon die Vader jou uit genade red. Daarom kon die Vader jou uit genade vryspreek van al jou sondes van die verlede, in die hede en selfs in die toekoms. Daarom kon die Vader jou die volkome geregtigheidsposisie wat Christus Jesus, Sy Seun, voor Hom het, ook aan jou skenk. Daarom kyk Hy met dieselfde bril en oë na jou as wat Hy na Sy Seun kyk. Daarom is jy in Sy oë net so heilig soos Jesus. Daarom is jy in Sy oë net so n seun en net so n kind soos wat Jesus Christus Sy Seun en Sy Kind is. Daarom kon Hy aan jou dieselfde Lewe wat in Sy Seun Jesus Christus was, ook aan jou gee wat dit glo. Daarom kon Hy selfs Sy Gees, dieselfde Gees wat in Sy Seun was en gewoon het, ook aan jou gee wat in Jesus Christus as Verlosser glo. Alles, alles uit genade. Net omdat jy in Christus Jesus glo. Dit is die boodskap van die Evangelie. Dit is die boodskap en bepalings van die Nuwe Testament wat van krag geword het die dag toe Christus Jesus daar aan die kruis gesterf het. Vir elkeen wat dit glo.
UIT DIE OUE, IN DIE NUWE Deel 4 Onder die inspirasie van die Heilige Gees verseker Paulus elke gelowige volgeling van Jesus daar in Rom. 8:1-4: Daar is dus nou geen veroordeling vir dié wat in Christus Jesus is nie. Die wet van die Gees wat aan jou in Christus Jesus die lewe gee, het jou vrygemaak van die wet van sonde en dood. Wat die wet nie by magte was om te doen nie, omdat dit weens ons ou sondige natuur te swak was, dit het God gedoen. Hy het met die sonde afgereken deur sy eie Seun in dieselfde gestalte as die sondige mens te stuur; so het Hy die sonde in die ou sondige bestaan van die mens veroordeel. Nou kan ons aan die eise van die wet voldoen, óns wat ons lewe nie deur ons ou sondige natuur laat beheers nie, maar deur die Gees. Met ander woorde, onder die Nuwe Verbond, woon God se Gees nou self in elkeen van ons se lywe en onder Sy beheer en leiding kan ons lewe soos God wil hê ons moet lewe. Heb. 8:6-13 teken vir ons n pragtige prentjie oor hierdie nuwe verbond en nuwe verhouding met God waarin ons nou as volgelinge van Christus Jesus deel as hy dit so beskryf: Maar nou het Jesus n voortrefliker priesterdiens gekry deurdat Hy Middelaar is van n beter verbond wat op uitnemender beloftes gegrond is. As daar aan die eerste verbond niks kortgekom het nie, sou n tweede nie nodig gewees het nie. Maar God bestraf die volk oor hulle tekortkoming deur te sê: "Kyk, daar kom n tyd, sê die Here, dat Ek met Israel en Juda n nuwe verbond sal sluit. Die nuwe verbond sal nie wees soos dié wat Ek met hulle voorvaders gemaak het op die dag toe Ek hulle aan die hand gevat het om hulle uit Egipte uit te lei nie, want hulle het nie my verbond gehou nie, en Ek het hulle verwerp, sê die Here. Dít is nou die verbond wat Ek met Israel na daardie dae sal sluit, sê die Here: Ek sal hulle my wette in die verstand gee, op hulle harte sal Ek dit skrywe; Ek sal hulle God wees, en hulle sal my volk wees. Dan hoef niemand meer sy medeburger te leer en vir sy broer te sê: Jy moet die Here ken nie. Hulle almal, klein en groot, sal My ken. Oor hulle ongeregtighede sal Ek genadig wees en aan hulle sondes nooit meer dink nie. Deur van n nuwe verbond te praat, het God die eerste oud verklaar, en wat oud word en uitgedien raak, sal gou verdwyn. Hoor jy, die Ou Verbond, met die Tora en sy sowat 613 wette of wettiese bepalinge, is uitgedien en geld nie meer nie! Iets nuuts het in die plek daarvan gekom. Vir elke wedergebore gelowige volgeling van Jesus geld die bepalings van die Nuwe Testament wat n nuwe verhouding tussen God en mens moontlik maak. Ons is, volgens die bepalings van hierdie Nuwe Testament, erfgename van n nuwe bedeling, n nuwe realiteit, n nuwe era, soos wat hier in Hebreërs so treffend beskryf word.
In hierdie nuwe bedeling het God belowe gaan Hy Sy Gees gee om in ons te kom woon om n nuwe, intieme liefdesverhouding met Hom in Christus Jesus moontlik te maak. Deur Sy Gees, self ook God, wat in ons woon, kan ons nou God se hart ken en kan ons Hom intiem leer ken en leer liefkry. Ons gaan ook so weet wat Hom werklik gelukkig en tevrede gaan maak. Deur Sy Gees wat in ons woon, gaan Hy ons heeltyd, midde hierdie stukkende wêreld waarin ons woon, met al die stukkende mense om ons en midde ons eie stukkendheid, terwyl die vyand boonop nog rondloop soos n brullende leeu op soek na iemand om te verslind, kom herinner daaraan dat ons werklik God se eie kinders is. Ons is Sy familie, Sy oogappels. As iemand aan ons karring of met ons sukkel, karring en sukkel hulle met die kinders van die Koning van alle konings en Here van alle here! Hoor hoe Paulus onder die inspirasie van die Gees dit daar in Rom. 8:14 tot 17: Almal wat hulle deur die Gees van God laat lei, is kinders van God. Die Gees wat aan julle gegee is, maak julle nie tot slawe nie en laat julle nie weer in vrees lewe nie; nee, julle het die Gees ontvang wat julle tot kinders van God maak en wat ons tot God laat roep: "Abba!" Dit beteken Vader. Hierdie Gees getuig saam met ons gees dat ons kinders van God is. En omdat ons kinders is, is ons ook erfgename. Ons is erfgename van God, erfgename saam met Christus. Aangesien ons deel het aan sy lyding, sal ons ook deel hê aan sy heerlikheid. Hoor jy? God wil ons as Sy erfgename seën met die volle spektrum seën en heerlikheid waarmee Hy Jesus Christus, Sy Seun mee geseën het. Besef jy wat dit werklik impliseer? Dit is asof God vir ons hierdie hemelse stoorkamer wys, propvol genadegeskenke wat spesifiek bedoel is vir Sy nuwe generasie kinders. Deur Sy Gees in ons lywe, wil Hy dag vir dag, midde al die uitdagings, vir my en jou sê: My kind, dit is alles joune. Dit is altyd, enige tyd daar as jy dit mag nodig kry.
UIT DIE OUE, IN DIE NUWE Deel 5 Die Here belowe Sy nuwe generasie volgelinge volgens die bepalings aan die Nuwe Testament en die Nuwe Verbond wat nou geld: Ek sal julle lei deur My Gees. Dit is immers wat God se Gees Paulus inspireer om te skryf in Rom. 8. Hoor die Woord van die Here hieroor: Die wet van die Gees wat aan jou in Christus Jesus die lewe gee, het jou vrygemaak van die wet van sonde en dood. Wat die wet nie by magte was om te doen nie, omdat dit weens ons ou sondige natuur te swak was, dit het God gedoen. Hy het met die sonde afgereken deur sy eie Seun in dieselfde gestalte as die sondige mens te stuur; so het Hy die sonde in die sondige bestaan van die mens veroordeel. Nou kan ons aan die eise van die wet voldoen, óns wat ons lewe nie deur ons ou sondige natuur laat beheers nie, maar deur die Gees. Dié wat hulle deur hulle sondige natuur laat beheers, hou hulle besig met die dinge van die ou sondige natuur, maar dié wat hulle deur die Gees laat beheers, hou hulle besig met die dinge van die Gees. Die dinge waarmee die ou sondige natuur van die mens hom besig hou, loop uit op die dood, maar die dinge waarmee die Gees Hom besig hou, bring lewe en vrede. Die dinge waarmee die ou sondige natuur van die mens hom besig hou, is immers vyandskap teen God. Die ou sondige natuur onderwerp hom nie aan die wet van God nie, dit kan trouens ook nie. Dié wat hulle deur hulle ou sondige natuur laat beheers, kan nie die wil van God doen nie. Julle word egter nie deur julle ou sondige natuur beheers nie, maar deur die Gees, want die Gees van God woon in julle. As iemand die Gees van Christus nie het nie, behoort hy nie aan Christus nie. Omdat Christus in julle is, gee die Gees aan julle die lewe op grond van God se vryspraak, hoewel die liggaam vir die dood bestem is as gevolg van die sonde. Omdat die Gees van Hom deur wie Jesus uit die dood opgewek is, in julle woon, sal Hy deur wie Christus uit die dood opgewek is, ook julle sterflike liggame lewend maak deur sy Gees wat in julle woon. Daarom dan, broers, staan ons onder n verpligting, maar nie teenoor ons ou sondige natuur om daarvolgens te lewe nie. As julle julle lewe deur die ou sondige natuur laat beheers, gaan julle die dood tegemoet, maar as julle deur die Gees n einde maak aan julle sondige praktyke, sal julle lewe. Almal wat hulle deur die Gees van God laat lei, is kinders van God. Die Gees wat aan julle gegee is, maak julle nie tot slawe nie en laat julle nie weer in vrees lewe nie; nee, julle het die Gees ontvang wat julle tot kinders van God maak en wat ons tot God laat roep: "Abba!" Dit beteken Vader. Hierdie Gees getuig saam met ons gees dat ons kinders van God is.
En omdat ons kinders is, is ons ook erfgename. Ons is erfgename van God, erfgename saam met Christus. Aangesien ons deel het aan sy lyding, sal ons ook deel hê aan sy heerlikheid. G n wonder Heb. 7:22 sê daarom aan ons: So het Jesus ook van n beter verbond borg geword. En Heb. 9:15 beklemtoon dan dat Jesus Christus met Sy dood ons vrygemaak het van die bepalings van die eerste, Ou Verbond en daarmee ons toegang gegee het tot die ewige erfenis en stapel beloftes wat nou ons s n is in Christus Jesus. Alles rus nou op wat Christus Jesus reeds kant en klaar vir ons bewerk het. Alles rus op Sy gehoorsaamheid tot die einde toe; rus op Sy getrouheid tot die einde toe. Daarom praat 1 Kor. 8:6 van Jesus Christus as die Een deur wie alles bestaan en deur wie ons lewe. Gal. 2:20 gaan voort en sê: en nou is dit nie meer ek wat lewe nie, maar Christus wat in my lewe. Die lewe wat ek nou nog hier lewe, leef ek in die geloof in die Seun van God wat sy liefde vir my bewys het deur sy lewe vir my af te lê. Gal. 5:16 e.v. verduidelik hoe dit gebeur, naamlik deur God se Gees wat nou in ons woon. Die Heilige Gees vir nou totaal in beheer van ons hele lewe wees, sodat Hy self ons optrede en gedrag kan bepaal. As ons ons ou vlees (wat maar ons siel is wat ons siel en liggaam wil beheer sodat ons doen wat ons wil) sou toelaat om die beheer te neem, is dit nag! Maar waar God se Gees in ons die beheer het, bedien Hy lewe aan ons en dit in oorvloed. Dit is dan wat ons belewe hoe God se Gees ons lei en leer van situasie tot situasie hoe om werklik lief te hê (sê Gal. 5:22 en 23 dan). Sien, dan het ons nie God boweal lief en ons naaste soos ons self omdat die wet van die Ou Verbond dit so vir ons voorskryf om te doen nie. Uit ons self, uit ons vlees, was dit nie moontlik nie. Maar nou, met God se Gees in ons, wat die lewe van Jesus in ons bewerk en uitleef as ons Hom die beheer en ruimte gee, nou kom dit natuurlik. Of moet ek eerder sê: bonatuurlik, want dit is die Gees van God se bonatuurlike werking in ons! Daarom kan ons net sê: Dankie, Here Jesus! Dankie, vir die Nuwe Lewe en die Nuwe Weg na n lewe van oorvloed wat voorheen nie moontlik was nie!
UIT DIE OUE, IN DIE NUWE Deel 6 Die Latynse woord, religio, wat in Afrikaans vertaal kan word met godsdiens of godsdienstige gebruike of gewoontes, beskryf dus inderwaarheid n godsdienstigheid wat bestaan uit n sekere klompie godsdienstige gebruike en gewoontes wat mense probeer navolg omdat hulle glo dat dit God of hulle god tevrede kan stel. n Mens kan dus nooit hierdie begrip godsdiens gebruik om te probeer beskryf wat die Bybel sê nou tussen Christus Jesus en Sy nuwe generasie volgelinge bestaan nie. Ons het glad nie hier te make met godsdiens, of godsdienstigheid, of godsdienstige gewoontes of gebruike nie. Nee, die beste beskrywing is eerder n intieme liefdesverhouding met die lewende God wat leer ken het in Jesus Christus. Daardie dag wat ons die boodskap oor Jesus Christus gehoor en begin glo het, was ook ons persoonlike ontmoeting met God en die dag wat ons gekies het om n lewende Jesus Christus vir die res van ons lewe te volg en te vertrou. Alles wat vir ons lewe bewerk en lewe belowe, berus op Hom, gee Hy aan ons en belowe Hy aan ons. Daarom is die lewe wat ons nou elke dag lewe en ons optrede van situasie tot situasie, nie n klompie godsdienstige wette wat ons probeer nakom of rituele wat ons probeer gehoorsaam nie. Dit is eerder n agterna-stap agter n lewende Jesus aan wat ons lei deur Sy stem en Sy Gees wat nou binne-in ons lyf woon. Volgens die beloftes van die Nuwe Testament onder die Nuwe Verbond belowe die Here ons dat Hyself die manier hoe Hy wil hê ons moet optree, as t ware in ons verstand/brein en in ons harte gaan inskrywe. Sodat dit as t ware outomaties kan kom en begin gebeur wanneer ons Sy Gees, wat nou in ons is, die beheer in ons lewe gee. Sy Gees, hierbinne in ons, gaan ons as t ware voorsê en raadgee hoe om so op te tree dat mense werklik beleef ons het hulle lief, maar ook dat dit duidelik kan blyk dat ons God liefhet en aan Hom behoort. Luister wat daar in Heb. 8:10 en 11 hieroor staan: Dít is nou die verbond wat Ek met Israel na daardie dae sal sluit, sê die Here: Ek sal hulle my wette in die verstand gee, op hulle harte sal Ek dit skrywe; Ek sal hulle God wees, en hulle sal my volk wees. Dan hoef niemand meer sy medeburger te leer en vir sy broer te sê: Jy moet die Here ken nie. Hulle almal, klein en groot, sal My ken. Die nuwe wet wat in ons hart en verstand ingeskryf is, is n wet van geloof, n wet van liefde en die perfekte wet na vryheid toe, sê Jak. 1:25 en Jak. 2:8 en 12 vir ons. Kom ek sê dit anders. Vir die mens van God om werklik gelukkig te wees, vrede en vreugde te beleef soos God dit bedoel het, is daar sekere dinge wat werk en ander dinge wat nie werk nie. Dit geld vir al ons verhoudinge waarin ons as mens is. Bv. vir my huwelik om te werk en gelukkig en vervullend te wees soos God dit bedoel het, gaan God se Gees hier in my my leer wat werk en wat werk nie. Bv. dat om romatiese of seksuele verhoudinge te hê met ander vroue as met die vrou met wie ek getroud is, gaan net hartseer en pyn in my lewe en ander se lewens veroorsaak. Of om ander te beskinder of hulle eiendom wederregtelik te neem, gaan dit piknagdonker in my lewe maak op die een of ander stadium. Dit is nie God se wil vir my lewe as Sy kind nie en Sy Gees in my gaan my dit aanmekaar sê. 1 Joh. 3:23 en 24 en Joh. 14:15 beskryf dit as Jesus self wat vir ons vertel wat in Sy hart vir ons is. Deur Sy Gees in ons vertel Hyself aan ons wat Sy bevele en wil vir ons lewe is. Omdat Hy self Sy lewe en dus Homself aan ons bedien het, is Hy self nou in ons deur Sy Gees om Sy wil en dit wat Sy hart vir ons is self uit te leef. Daarom is dit nie meer wette wat ons moet gehoorsaam nie, maar Sy
genade wat self die beweegkrag en dryfkrag agter alles is, wat alles self bewerk as ons daarvoor ruimte maak. Heb. 7:12-14 en vers 22 beskryf daarom hierdie nuwe lewenswyse van die nuwe generasie volgelinge van Jesus, onder die Nuwe Verbond, as dat ons nou nie meer onder die wet is nie. Dit wat onder die Ou Verbond en die Ou Testament vir ons totaal onmoontlik was om te doen en na te volg, as gevolg van die sonde wat in ons are gevloei het en wat ons hele lewe beheer het, is nou moontlik as gevolg van hierdie genade wat God in Christus Jesus aan ons bedien het. Nou het ons as die nuwe generasie volgelinge van Jesus, God se Gees wat in ons lyf woon wat self ons hiermee help (Heb. 11:39,40). n Mens het amper nie woorde om hierdie nuwe genadige verhouding waarin ons nou teenoor God staan, te beskryf nie. As ons dit moet probeer vergelyk met wat mense voorheen onder die Ou Testament gehad het, kan ons dit so probeer doen, sê die Hebreërskrywer: Onder die Ou Testament was daar hierdie godsdienstige stelsel met sy 613 wette en reëls wat ons tevergeefs probeer gehoorsaam het. Met n Hoëpriester en n tempel waarheen ons kon gaan tydens die voorgeskrewe feestye en waar ons die voorgeskrewe offers kon bring. Omdat ons nie by magte was om God se wil te gehoorsaam nie. Dit is nie dat daar fout was met die feeste of die offers of die ander wette nie. Die fout was by ons, in ons. Daarom het al hierdie wonderlike goeie goed, wat ons heeltyd eintlik aan God en Sy genade behoort te herinner, ons die hele tyd net aan ons sonde en sondigheid herinner. Dit is mos wat godsdiens en blote godsdienstigheid doen. Dit bevredig nooit nie. Dit maak jou nooit gelukkig of gee jou vrede nie. Want dit maak jou die hele tyd bewus van die feit dat jy nooit goed genoeg is nie; dat jy dit nooit heeltemal reg kan doen nie. Dit is waarom Christus Jesus moes kom. Om in ons plek hierdie ou wet perfek na te kom en te gehoorsaam. Hy het Sy lewe gegee as die perfekte offer, eens en vir altyd, vir ons onvolmaaktheid en sonde. Sodat God aan ons Sy genade kan gee wat al ons onvolmaaktheid en sondigheid kan bedek. Wat sal maak dat ons nou goed genoeg is, reg kan lewe en Sy wil perfek kan gehoorsaam. God het letterlik die lewe van Jesus aan elkeen van ons wat glo bedien. Hy het letterlik met elkeen wat glo n ruil aangegaan: Hy het by ons ons ou onvolmaaktheid en totaal in sonde vasgevange-wees geneem en aan ons die volmaakte Lewe en gehoorsaamheid, heiligheid en heerlikheid van Jesus Christus inruil teruggegee. Boonop het Hy nog aan ons Sy Gees gegee om in ons lywe te kom woon om dit in ons te kom uitwerk as ons vir Hom ruimte maak. Hy belowe verder vir ons dat dit wat by ons wedergeboorte en aanvanklike bekering begin het, net die begin hiervan was. Daardie werk wat Hy daar begin het, gaan Hy aanhou en klaarmaak, sê Hy daar in Fil. 1:6 en Kol. 2:19, tot en met ons dood, of tot en met Christus Jesus weer kom (afhangende van wat eerste gaan gebeur). Selfs ons geestelike groei is dus gewaarborg. Die Gees van God wat in ons woon, is die waarborg daarvan. Wow! Wow! Wow! Wat n merkwaardig wonderlike bevrydende boodskap is dit nie!
UIT DIE OUE, IN DIE NUWE Deel 7 Ek en jy, as getuies en volgelinge van Jesus, sê Paulus, is nou bedienaars van n nuwe verbond nie van die letter nie, maar van die Gees. Die letter maak dood, die Gees maak lewend. Die wet wat in letters op klip gegraveer is (CN en hier herinner Paulus ons aan die Tien Gebooie wat op kliptafels geskryf is), het in heerlikheid gekom. Hierdie heerlikheid, wat tog gou sou verdwyn, het op die gesig van Moses so geskitter dat die Israeliete nie na hom kon bly kyk nie. As die bediening wat tot die dood lei, met soveel heerlikheid gekom het, hoeveel groter sal die heerlikheid van die bediening wat deur die Gees geskied, dan nie wees nie? Die bediening waardeur die mense veroordeel word, het met heerlikheid gekom, maar die bediening waardeur die mense vrygespreek word, oortref dit verreweg in heerlikheid. Ons kan sê dat die heerlikheid van vroeër nie te vergelyk is met die alles oortreffende heerlikheid van nou nie. As wat aan die verbygaan was, van heerlikheid gestraal het, veel meer nog sal die blywende van heerlikheid skitter. Omdat ons hoop hierop gevestig is, tree ons met groot vrymoedigheid op. Ons is nie soos Moses wat sy gesig met n sluier toegemaak het nie. Dit moes hy doen om te verhinder dat die volk van Israel sou sien dat die ligglans aan die verdwyn was. Hulle verstand was ook toe, en vandag nog bly hulle verstand met dieselfde sluier toegemaak as hulle die Ou Testament lees, maar die sluier word deur Christus weggeneem vir iemand wat in Hom glo. Maar vandag nog, elke keer as die wet van Moses voorgelees word, is daar n sluier oor hulle verstand. Ons almal weerspieël die heerlikheid van die Here, want die sluier is van ons gesig af weggeneem. Ons word al meer verander om aan die beeld van Christus gelyk te word. Die heerlikheid wat van ons uitstraal, neem steeds toe. Dit doen die Here wat die Gees is. (2 Kor. 3:6-18) Met ander woorde, wat God se Gees self hier deur hierdie gedeelte vir ons sê is dat die Tora, of Wet, soos Moses dit ontvang het, nie meer ons morele kompas is nie. As wedergebore, nuutgemaakte volgelinge van Jesus het die kruisiging, dood en opstanding van Jesus Christus n nuwe morele kompas in ons lewe gegee as deel van die nuwe verbondsverhouding waarin ons nou met God staan. God het self in ons kom woon deur Sy Gees om nou self ons Wet te wees; om self ons morele kompas te wees. Hy wil ons nie meer deur wette lei en leer nie. Hy wil ons nou self kom leer en lei deur Sy stem. En hoe gaan Hy dit doen? Natuurlik gaan Hy self, wat nou in ons lyf woon, ons lei met Sy stem. Maar Hy gaan veral hierdie Nuwe Testament en dit wat die Gees Paulus en ander geinspireer het om te skryf in Sy Woord, gebruik as die norm en toets vir ware liefdevolle optrede wat pas by nuutgemaakte kinders van die lewende God. Ons word nou deur die Gees van God self gelei, nie meer deur wette en reëls nie.
Daarom hoor ons hoe God deur Sy Gees-geinspireerde Woord aanhoudend vir ons sê: Ons is dood vir die wet (Rom. 7:4; Gal. 2:19) Ons is nie meer onder die wet se gesag nie (Rom. 6:14) Ons is vry van die wet (Rom. 6:7) Ons staan nie meer onder die sorg van die wet nie (Gal. 3:25) Ons dien nie meer God op die ou manier deur die wet te probeer gehoorsaam nie (Rom. 7:6) Ons belewe nou iets nuuts, die nuwe lewe en vryheid wat God se Gees ons laat belewe (Gal. 5:13; Rom. 7:6). God se Gees gaan ons leer dat ons die ware God werklik begin liefkry het die oomblik toe ons Sy Seun, Jesus Christus, herken het as die Weg, die Waarheid en die Lewe, wat moes kom om ons te verlos en lewe aan ons te bedien omdat God ons so liefhet. Die oomblik wat ons Hom aangeneem het in geloof as ons Verlosser en Hom begin gehoorsaam het as ons Koning, het die lewende God beleef dat ons Hom liefhet. Sy Gees in ons gaan dan voort om ons te leer dat as ons werklik Hom liefhet boweal, gaan ons, onder die beheer van Sy Gees, ook nie anders kan as om die ander volgelinge van Jesus lief te hê nie. Sy Gees gaan ons herinner dat ons nie net ons naaste gaan liefhê soos ons onsself liefhet nie. Nee, met die Gees van Christus in ons, gaan dit nie meer genoeg of die normale wees nie. Nee, ons gaan ons naaste liefhê soos wat Christus Jesus ons liefhet (Joh. 13:34; 1 Joh. 3:23) Daar waar ons God se Gees in ons gaan toelaat om ons lewe en ons optrede te rig en te beheer, daar gaan iets van die karakter en die liefde van Jesus ons optrede kenmerk (Gal. 5:16-26). Daar gaan ons daagliks beleef hoe God se Gees in ons ons leer om op n nuwe manier te dink en op te tree. Ja, om te lewe as nuwe mense wat as die beeld van God geskep is: lewe volkome volgens die wil van God (Ef. 4:23,24)
UIT DIE OUE, IN DIE NUWE Deel 8 n Mens besef nie altyd hoe dramaties die verhouding waarin ons nou met God staan onder die Nuwe Verbond van die Ou Verbond verskil nie. Veral nie as jy uit n tipiese Gereformeerde agtergrond uitkom soos die meeste van ons nie. Daar word die Tien gebooie tot heel onlangs nog elke Sondag in die erediens gelees en voorgehou as ons Reël van Dankbaarheid. Dinge begin eers verander as jy mooi begin luister na wat God se Gees deur n Paulus, wat voorheen, voor sy bekering, n wetsgeleerde was wat die 613 wette van die ou Tora in detail elke oomblik van sy lewe probeer onderhou het, aan ons sê. Luister na wat daar in Rom. 10:4 byvoorbeeld staan: Christus is tog die einde van die wet, sodat elkeen wat glo, vrygespreek kan word. Daar waar ek en jy die boodskap van die Evangelie begin verstaan en glo, breek hierdie lig deur. Daar begin ons verstaan dat om in Christus Jesus as Verlosser en Here te glo, beteken ook om te glo dat Hy die ou wet volkome namens ons en vir ons vervul het. Christus Jesus het die gesag van die ou wet oor ons lewens beeindig. Hy is werklik die Einde van die ou wet in ons lewens. In die Grieks word die woord telos gebruik om dit te beskryf, wat as n mens dit moet vertaal, iets soos einde of eindbestemming beteken. In Hom en wat Hy gedoen het, het elke detail van die wet in vervulling getree en is elke detail vervul, gehoorsaam en afgehandel. Die oomblik toe Christus Jesus gesterf het, het met Sy dood Sy Nuwe Testament, met nuwe bepalinge, inwerking getree. En volgens die nuwe bepalinge van die Nuwe Testament wat inwerking getree het, moet Sy volgelinge nou lewe volgens die Wet van Christus (en nie meer die wet van Moses nie). Wat behels hierdie nuwe wet of gebod wat Christus ons gegee het? (Waarvan Hy gepraat het daar in Joh. 13:34 en 35 toe Hy vir Sy volgelinge gesê het: Ek gee julle n nuwe gebod: julle moet mekaar liefhê. Soos Ek julle liefhet, moet julle mekaar ook liefhê. As julle mekaar liefhet, sal almal weet dat julle dissipels van My is.") Dit is daardie opdragte wat Hy aan hulle persoonlik geleer het toe Hy as mens nog tussen Sy dissipels was. Maar ook wat Hy aan ons begin leer het deur Sy apostels, onder die inspirasie van Sy Gees, in die verskillende briewe en geskrifte van die Nuwe Testament. Dit is daardie wet waarvan Paulus onder die inspirasie van die Gees in Rom. 8:2 praat as die wet van die Gees van die lewe in Christus Jesus het my vrygemaak van die wet van die sonde en die dood. Dit is daardie wet waarvan Paulus praat as hy daar in 1 Kor. 9:21-23 skryf: Hoewel ek nie sonder die wet van God is nie, maar onder die wet van Christus, het ek vir dié wat sonder die wet is, geword soos een sonder die wet om hulle te wen. Vir die swakkes het ek swak geword om die swakkes te wen. Vir almal het ek alles geword om in elk geval sommige te red. Dit alles doen ek ter wille van die evangelie, sodat ek aan die vrug daarvan deel kan hê. Het jy raakgelees daar waar hy praat van die wet van Christus?
In Gal. 6:2 praat hy weer daarvan as hy onder die inspirasie van die Gees skryf: Dra mekaar se laste, en gee op dié manier uitvoering aan die wet van Christus. Dit is daardie wet waarvan n Jakobus praat as hy dit die volmaakte wet van vryheid noem. Luister hoe sê hy dit in Jak. 1:25-27: Maar hy wat diep insien in die volmaakte wet van die vryheid en daarby bly, hy sal, omdat hy nie n vergeetagtige hoorder is nie, maar n dader van die werk, gelukkig wees in wat hy doen. As iemand onder julle meen dat hy godsdienstig is en sy tong nie in toom hou nie, maar sy hart mislei, die godsdiens van hierdie man is tevergeefs. Reine en onbesmette godsdiens voor God en die Vader is dít: om wese en weduwees in hulle verdrukking te besoek en jouself vlekkeloos te bewaar van die wêreld. Wie nie dit verstaan nie, sit nog vasgevang onder die Ou Verbond met sy ou wet. Dit maak dat bv. Jode wat hulle uiterste probeer om die Tora en Tien Gebooie in detail te gehoorsaam, nooit God op die manier kan tevrede stel of gelukkig maak nie. Die tyd van daardie wet is verby. Om dit nou te probeer gehoorsaam of dit nou aan mense voor te hou as die weg, is soos om n doek oor mense se kop en verstand te trek wat hulle net verder verblind en vêrder van die waarheid af wegneem. As ek en jy nie verstaan dat Christus Jesus die volkome vervulling en eindbestemming van daardie wet was nie, het die boodskap van die Evangelie by ons verbygegaan. Dit is eers as ons die Ou Testament en die inhoud van die Tora, met al sy feeste, sabbatte en ander wette en reëls lees deur die bril van Christus Jesus en dit wat Hy gedoen het, wat dit begin sinmaak en erens inpas in n groter prentjie. Sonder hierdie bril is die Tora en sy wette net godsdienstige reëls wat nou geen lewe kan bring aan enigiemand nie. Maar as ons dit lees deur die bril van Christus en die bril van die Nuwe Testament, ontdek ons God, Sy hart en Sy plan waarmee Hy deurentyd besig was, daaragter. Dit is dan wat dit ons help om meer te verstaan van die genade wat nou ons erfenis is in Christus Jesus. n Genade wat nie meer net vir die Jode bedoel is nie, maar, soos God eintlik van die begin af beplan het, vir die hele wereld en al sy nasies bedoel is. Deur Christus Jesus het ons toegang gekry tot genade wat volgeling-wees van Jesus baie meer maak as net nog n godsdiens waar mense n paar wette en godsdienstige reëls probeer gehoorsaam. Volgeling-wees van Jesus Christus, maak die deure oop na n liefdesverhouding met die enigste, ware God wat ons elke dag self lei deur Sy Gees in ons wat die wet van Christus op ons harte en verstand skryf, sodat ons so kan liefhê dat mense ons kan herken as Sy volgelinge.
UIT DIE OUE, IN DIE NUWE Deel 9 Met die dood van Jesus Christus is n Ou Verbond met al sy wette volkome vervul en afgesluit en het n Nuwe Testament inwerking getree wat n Nuwe Verbondsverhouding tussen God en Sy mense moontlik maak. Luister hoe staan dit daar in Heb. 8:6-10: Maar nou het Jesus n voortrefliker priesterdiens gekry deurdat Hy Middelaar is van n beter verbond wat op uitnemender beloftes gegrond is. As daar aan die eerste verbond niks kortgekom het nie, sou n tweede nie nodig gewees het nie. Maar God bestraf die volk oor hulle tekortkoming deur te sê: Kyk, daar kom n tyd, sê die Here, dat Ek met Israel en Juda n nuwe verbond sal sluit. Die nuwe verbond sal nie wees soos dié wat Ek met hulle voorvaders gemaak het op die dag toe Ek hulle aan die hand gevat het om hulle uit Egipte uit te lei nie, want hulle het nie my verbond gehou nie, en Ek het hulle verwerp, sê die Here. Dít is nou die verbond wat Ek met Israel na daardie dae sal sluit, sê die Here: Ek sal hulle my wette in die verstand gee, op hulle harte sal Ek dit skrywe; Ek sal hulle God wees, en hulle sal my volk wees. Beteken dit dan nou dat die Ou Verbond n fout was wat God gemaak het, of dat die Tora en wette dan nie van God afgekom het nie, of deur Moses uitgedink was? Natuurlik nie. Die Ou Verbond met al sy wette, priesters, tabernakel/tempel, diereoffers, ens. was alles n volledige prentjie van wat Jesus Christus kom doen. Dit was ook nie n geval dat God kortsigtig was om nie die tekorte van die Ou Verbond te besef nie, of dat Hy nou n nuwe plan moes maak om dinge reg te maak nie. Jesus Christus, Sy koms, Sy lewe op aarde, Sy kruisiging, Sy dood en opstanding was nie n noodplan of na-gedagte nie. Nee, alles, alles, was van die begin af deel van die oorspronklike Verlossingsplan wat God in detail beplan het voor die skepping reeds. Dit was ook die Plan wat Hy reeds oor gepraat het met Sy eerste mense, Adam en Eva, daar in Gen. 3:15. Jesus Christus se koms was die bedoeling van voor die sondeval van die mens, en die belofte van Sy koms as die beloofde Messias was wat hoop gebring het aan n Israel midde die Ou Verbond. Jesus Christus het die een ding bewerk wat die Ou Verbond nie kon bewerk nie, naamlik om sonde se mag en houvas oor die mens en die skepping te breek en dit volkome te oorwin. Die Ou Verbond het aan ons gewys watter houvas sonde in die lewe van die mens gehad het. Die oomblik wat daar n wet was onder die Ou Verbond wat gesê het: Jy mag nie het sonde en sy mag oorgeneem in die mens en begeertes en versoekinge in die mens wakker gemaak waarteen die mens geen weerstand gehad het nie. Dit het geopenbaar hoe totaal verslaaf die mens aan sonde was. Hy/sy kon nie anders as om te sondig nie. Daarom moes Jesus, die Christus, kom as Verlosser om die mag en houvas van sonde op die mens finaal te kom breek en om die mens uit hierdie slawerny onder die mag en heerskappy van sonde (wat in sy are vloei en heers) te kom verlos. Onder die Ou Verbond was dit die Wet se rol om hierdie verslawende mag van sonde in die mens te openbaar. Jesus se bedoeling onder die Nuwe Verbond is, om hierdie mag van sonde finaal te breek en ons uit sy tronk te kom bevry.
Telkens as die Ou Verbond en sy wette verbreek is, moes die mens n onskuldige dier neem en doodmaak. Daardie offerdier se bloed moes vloei sodat dit n heilige God die reg kon gee om die skuldige mens se sonde te vergewe en hom vry te spreek. As die Een wat die Ou Verbond en sy bepalinge volkome moes vervul, moes Jesus Christus, as die Onskuldige Lam, Sy lewe en Sy bloed gee om die volkome offer eens en vir altyd te wees sodat God Sy mense hulle sondes kan vergewe en hulle volkome kan vryspreek. So kom maak Hy ons vry en maak Hy vir ons die deure oop na die stoorkamers in die hemel en gee Hy ons toegang tot Sy Koninkryk. Kom ons noem dit sommer net alles GENADE. Daarom hoor ons Johannes bely in Joh. 1:12-14: Maar aan almal wat Hom aangeneem het, dié wat in Hom glo, het Hy die reg gegee om kinders van God te word. Hulle is dit nie van nature nie, nie deur die drang van n mens of die besluit van n man nie, maar hulle is uit God gebore. En dan weer in verse 16 tot 18: Uit sy oorvloed het ons almal genade op genade ontvang. God het die wet deur Moses gegee; die genade en die waarheid het deur Jesus Christus gekom. Niemand het God ooit gesien nie. Sy enigste Seun, self God, wat die naaste aan die Vader is, dié het Hom bekend gemaak.die Woord het mens geword en onder ons kom woon. Ons het sy heerlikheid gesien, die heerlikheid wat Hy as die enigste Seun van die Vader het, vol genade en waarheid.
UIT DIE OUE, IN DIE NUWE Deel 10 Ons is besig om met mekaar oor die inhoud van die Nuwe Verbond te gesels wat na die dood en die opstanding van Jesus Christus geld vir ons as God se nuwe generasie. Vandag wil ek vir jou n wonderlike ander dimensie daarvan wys. Kom ons lees net eers 2 Kor. 5:21 saam voor ons daaroor gesels: Christus was sonder sonde, maar God het Hom in ons plek as sondaar behandel sodat ons, deur ons eenheid met Christus, deur God vrygespreek kan wees. Iemand beskryf dit soos volg: Alles wat Jesus is en was voor God, is ek en jy ook nou. Toe n Israeliet destyds, onder die Ou verbond, n dier aangebied het as sondeoffer, het hy sy hand op die dier gesit voordat die priester dit doodgemaak het (Lev. 4:1-4). Deur hierdie aksie is geillustreer hoe sy sonde as t ware op hierdie onskuldige dier neergekom het en dan is daardie dier vir daardie mens se sondes doodgemaak sodat hy/sy vry en vergewe kon wegstap. In kontras hiermee, tydens die brandoffer, wanneer die Israeliet sy hand op die dier gesit het (Lev. 1:3-4), vind daar weer hierdie ruil plaas waarin die waardigheid en perfeksie van hierdie onskuldige dier die mens se deel word. God aanvaar dus as t ware hierdie dier se onskuldige perfekte lewe namens die sondige en skuldige mens, as voldoende offer om weer die gebroke verhouding tussen Hom en die mens te restoreer en te herstel. So word die sondige mens en die heilige God deur hierdie offer weer versoen met mekaar en kan die mens voor God staan en nie sterf nie. Ek weet nie of jy geweet het nie, maar dit is na hierdie twee offers waarna Jesus verwys as Hy vir Sy dissipels verduidelik wat aan die kruis gaan gebeur. Hy gaan daar hang as ons sondeoffer maar ook as ons brandoffer. En dit is waarna Paulus, onder die inspirasie van die Gees, daar in 2 Kor. 5:21 verwys as daar staan: Christus was sonder sonde, maar God het Hom in ons plek as sondaar behandel (soos met die dier gebeur wat as sondeoffer aangebied is) sodat ons, deur ons eenheid met Christus, deur God vrygespreek kan wees (soos in die geval van die brandoffer). Die oomblik toe jy jou geloof in Jesus Christus geplaas het, het hierdie ruil plaasgevind. Deur Sy een offer het Hy jou sondes by jou geneem en aan jou Sy geregtigheid inruil teruggegee. So het God jou begenadig. As ons Sondeoffer, het Hy Homself aangebied as Sondeoffer eens en vir altyd (Rom. 6:10). Geliefde, onder die Nuwe Verbond, kan jy daagliks na God toe kom, selfs as jy gesondig het. Luister wat sê 1 Joh. 1:9 hieroor: Maar as ons ons sondes bely-hy is getrou en regverdig, Hy vergewe ons ons sondes en reinig ons van alle ongeregtigheid. Maar ons moet daarmee saam onthou om ook Hom te dank dat Hy ons brandoffer eens en vir altyd was. Sê vir Hom: Vader, dankie dat Jesus Christus ook my brandoffer was. Alles wat Jesus voor U is en het Sy regverdigheid, onskuld, volmaaktheid, skoonheid, heerlikheid alles het ek ook inruil ontvang toe ek Hom aangeneem het as my Verlosser. Jesus het U onvoorwaardelike guns en seën, wat dan ook nou my deel is. Jesus staan voor U in n posisie van totale geregtigheid. Dankie, dat dit dan ook nou my posisie en stand voor U is.