May - August 2016 No. 183 Magazine of the Evangelical Brotherhood Church CHAMPIONS CHRIST WITH
Editorial Dia Pren, / Tok i go paslain Mi tingim yet wanpela de long laip bilong mi, em planti yia i go pinis. Wantaim planti arapela pikinini mi sanap long wanpela lain, wanpela lek i sanap i stap na narapela lek i slip long graun. Mi lukluk long han sut na long han kais na mi skelim mi yet wantaim ol arapela pikinini. Narapela gel i gat gutpela su na mi nogat. Narapela boi i gat tupela longpela lek, tasol mi nogat. Mi save tru olsem mi no inap winim dispela resis, long wanem, ol arapela i winim mi planti taim pinis! Yumi Kristen tu i stap long wanpela kain resis. Na planti taim yumi lukluk long han sut na long han kais na yumi skelim yumi yet wantaim arapela. Tasol yumi mas lukluk we, inap yumi winim dispela resis? I gat wanpela rot tasol long yumi ken win. Yumi mas lukluk i go long sut mak bilong yumi! Yumi mas lukluk i go long Jisas (Hibru 12.1-3)! Tok i stap long dispela nupela Singaut Magazine i laik helpim yu long lusim olgeta kain samting i mekim yu i no inap ran strong, inap yu ken ran strong na winim resis. Tim bilong Singaut Magazine i salim planti griting long yu. Christin Sommer Baibel i tok wanem long spot? Yumi Kristen bratasusa i ken sindaun wantaim insait long hauslain na famili na skelim ol dispela kwesten na mekim wanpela liklik stadi. 1. Yumi save mekim o lukim ol wanem kain spot (gem) long hauslain bilong yumi? Pasin bilong mekim spot i save helpim yumi olsem wanem? Wanem samting i no gutpela? 2. Long tok bilong God yumi ken painim sampela tok stia i laik helpim yumi long laip bilong yumi tude. Skelim ol dispela poin. Lukautim gut bodi bilong yu: Efesus 5.29 Bodi (o bal) i no ken kamap wanpela God: Kisim Bek 20.3-4, Filipai 3.19 Winim resis long spirit laip: 2 Timoti 4.7, 1 Korin 9.24-27, 1 Timoti 6.12, Aposel 20.24, Filipai 3.12-14, Kolosi 1.29, Hibru 12 Spot i no ken pasim yumi long yusim taim gut: Efesus 5.16, Galesia 5.16, Matyu 14.23 Prais i stap redi: 2Timoti 4.8, Filipai 3.14 3. Wanem samting i ken stap? Wanem samting i mas senis long laip bilong mi? Yumi laik givim wanem tok skul long ol yangpela bilong yumi? Contents Champions with Christ 3 Winim resis 4 Nius Long Arapela Kantri _ 6 Sios Nius 8 Testimoni 10 Nius long Israel _ 12 Liklik Baibel Skul 14 Advertisement _ 16 About us Yu ritim Singaut Magazine pinis na sampela askim i kirap? O yu luksave olsem yu nidim helpim long stretim laip bilong yu? Orait, yu ken go lukim wanpela pasto long ples bilong yu o yu ken raitim mipela tim bilong Singaut magazine long dispela adres. EBC Publications Department Markham Road 6-Mile P.O. Box 996 Lae, 411, Morobe Province Papua New Guinea Phone: (675) 7373 4080 Email: ebc_print@hotmail.comcom I have fought the good fight, I have finished the race, I have kept the faith. Now there is in store for me the crown of righteousness, which the Lord, the righteous judge, will reward to me on that day and not only to me, but also to those who have longed for his appearing. 2 Timothy 4:7-8 Sports people all over the world have only one common target or goal and that is winning gold medals and to be exalted as champions. All the champions representing different countries in the world come together and compete in the Olympic Games. They strive to become the World Champions. Sometimes people call them stars in whatever game they are good at. Just a few months ago, Papua New Guinea hosted the 15th South Pacific Games in Port Moresby. In this special event all the sportsmen and women from the Pacific Island countries came together to compete against each other to become champions and win medals for their country. Before the games actually took place, it took the government time, money and effort to prepare people and infrastructure to facilitate the games. Sportsmen and women went through intensive training under close supervision to make sure they met the International Standard of performance in the games. When the games started, Papua New Guinea fought hard for its country and won a lot of gold medals. They made us feel proud and happy. Our champions also received rewards with big sums of money and celebrations. Champions with Christ Christians also ought to become champions with Jesus Christ. The same moment we give our life to God, we are in the big race. The competition is on, not in the Olympic or South Pacific Games but in the battle between the good and the evil as Galatians 5:17 describes : For the sinful nature desires what is contrary to the Spirit, and the Spirit what is contrary to the sinful nature. They are in conflict with each other, so that you do not do what you want. In 2 Timothy 4:7-8 the apostle Paul expressed this great battle as a race. Spiritual Race As Christians we are racing against the spiritual forces, acting on us, from around us and from above us. For our struggle is not against flesh and blood, but against the rulers, against the authorities, against the powers of this dark world and against the spiritual forces of evil in the heavenly realms. (Ephesians 6:12, NIV). Satan, the evil one, does not want us to win the race and be rewarded with eternal life. He knows that we are redeemed by the blood of Christ and that we will reign with Christ in Glory forever as 2 Timothy 2:12 tells us. Spiritual Training As Christians we go through intensive daily training in order to win the spiritual battle. Our captain is Jesus Christ and our trainer is the Holy Spirit. Everyone who competes in the games goes into strict training. They do it to get a crown that will last forever (1 Corinthians 9:25, NIV). He teaches us every day to throw off everything that hinders us spiritually and he gives us the strength to run with perseverance to win the race (Hebrew 12:1). Our prayer is to become more like Christ in our daily life so that others will see Christ in us (2 Corinthians 3:18). When others see Christ's character in our life, then we are the true champions in Christ Jesus. Spiritual Diet Sportsmen and women need to be fed well with the right kind of food in order to maintain and sustain their body functions. They need to be physically fit and energetic to perform better in the game or race. Likewise, we Christians need to feed on the living word of God (Bible) to be spiritually fit to resist temptation from Satan. The more we pray and read the Bible, the more we know about God. God s word gives us strength and helps us to grow every day to be more like him (Matthew 4:4). Christ s power is our strength to excel from heights to heights in this great race (2 Corinthians 12:9). 2 Singaut 183 May - August 2016 Champions with Christ 3
Spiritual Rewards World champions in Olympic Games are well rewarded with gold medals, belts, cups and big amounts of money. Celebrations are also part of their great achievement. For Christians, when this great spiritual battle is over on this earth, all champions (saints), great or small, rich or poor, of all colours and all languages will be raptured into heaven and be seated, with bright and clean clothes, in the chairs of the married supper of the Champion of all champions, Jesus Christ (Revelation 19:7-8). Christ s saints are the real champions with not just a piece of metal, gold, silver or bronze hanging down from the neck, but they will stand, walk, run, jump and rejoice on the streets of gold. The city (New Jerusalem) is built by God the Almighty using gold and other heavenly precious stones (Revelation 21:9-25). Do you want to be a heavenly champion with Christ? Apostle Paul, the great champion of faith, concluded his words of encouragement and said, and not only to me, but also to all who have longed for his appearing (2 Timothy 4:8c). This part of the text gives us the living hope that you too can become a champion with Jesus Christ when he appears with his glory. What a glorious moment it would be for you when you will be clothed with fine, bright and clean linen cloth! Just imagine, how the angels would line up to welcome all the saints with heavenly bodies. You would be carried away by heavenly harmonies with sweet melodies that you wouldn t have time to think back of the difficult times you had gone through on earth like poverty, unemployment, violence, discrimination, war, hunger, criminality, corruption, prostitution and many more. All the past has gone, behold the new has come. God will wipe away the pain and tears of the past. Dear reader, if you are a Christian, ask the Lord Jesus to give you more of his strength to fight the good fight and to finish the race. Hold on firmly to the faith in Jesus Christ in whatever circumstances you may go through. You know, there is in store for you the crown of righteousness, which the Lord, the righteous judge will reward you on that day. If you are still a sinner, then God s love is still ready to save you. Repent from your sins and ask the Lord Jesus to come into your life. Jesus says, and whoever comes to me I will never drive away (John 6:37, NIV). You may think your sins are too big, but nothing is bigger than a drop of the blood of Jesus. You may think it s too late but nothing is too late as long as you are still alive to admit and confess. John Sil, EBC Aropa Winim resis Ol gem bilong spot amamas long sotpela taim Planti manmeri tude i hangre tru long lukim na harim na toktok long ol gem na spot. Planti yangpela na bikpela lain na ol lida bilong yumi tu i wok long yusim planti mani long sapotim ol tim bilong spot. Ol man bilong mekim spot i mas paitim bodi na eksasais planti na taim ol i pilai, wanpela tim i mas win na karim nem bilong kantri i kamap gut. Taim yu stap long dispela kain tim, wanpela tingting tasol yu gat, em yu mas winim resis na kisim prais na amamas. Tru, taim yu win, nem bilong yu bai i stap long niuspepa na long TV na olgeta bai i toktok long dispela man o dispela meri o dispela tim i bin winim prais na bai yu kisim biknem. Tasol amamas bilong yu bai i stap sotpela taim tasol. Bai yu yusim mani gen long trening na bai yu putim olgeta strong bilong yu insait long nupela resis. Bai yu paitim bodi moa yet na bai yu kisim save moa yet na bai yu kisim moa mani na namba na biknem. Ating bai yu inap travel fri long kantri na lukim sampela naispela ples na kisim sampela arapela gutpela samting tu. Tasol wanem, taim dai i bungim yu na amamas bilong winim resis i pinis? Ol prais yu bin win long ol bikpela gem, ol inap long helpim yu yet? Winim wanpela prais i no inap bagarap Yumi ran long wanpela resis long winim wanpela prais bilong i stap gut oltaim oltaim. Planti man long Baibel i soim yumi olsem ol tu i bin ran long dispela resis bilong kisim laip bilong i stap gut oltaim oltaim. Long Nupela Testamen aposel Pol i toktok planti na i skulim ol kongrigesen na ol yangpela man long yumi mas ran Raning Resis strong long dispela resis, God i makim bilong yumi mas ran long en. Yumi mas was gut na sanap strong na holim pas tok bilong God na holim wankain tingting olsem Krais Jisas i bin holim. Olsem wanem mi ken winim dispela resis na winim wanpela prais i no inap bagarap? Olsem wanem mi ken winim dispela resis na winim wanpela prais i no inap bagarap? Mi mas givim baksait long olgeta samting i laik mekim mi i no inap ran strong (1 Timoti 4.7)! Mi mas ran strong inap long winim prais (1 Korin 9.24, 1 Timoti 6.12)! Mi mas lukluk i go long sut mak, em i Jisas, as bilong bilip bilong yumi (Hibru 12.1-3)! Mi prea, bai yu na mi i stap long dispela resis i ken go on long resis na ol arapela manmeri tu i ken joinim yumi long ran insait long spirit na kisim laip. God i ken blesim yu! Konge Las, Yauna Olgeta pikinini i save amamas long wokim ol raning resis. Amamas bai i kamap bikpela moa yet sapos papa na mama na olgeta hauslain i helpim tu long dispela resis. Wokim tupela o moa grup pastaim. Wanpela referi i mas stopim taim. 1. Wanpela baket wantaim wara i stap long wanpela sait bilong fil na tupela arapela emti baket i stap long narapela sait. Nau tupela grup i gat wok mak long pulimapim emti baket bilong ol wantaim wara, tasol wan wan grup i holim wanpela kap tasol na i mas bringim wara i go kam long narapela sait bilong fil. Taim faiv minit i go pinis, ol grup i ken skelim wara i stap long baket. Husat i karim planti wara moa olsem ol arapela na i win? 2. Long olgeta grup tupela tupela poroman i sanap long wanpela lain na wantaim laplap wanpela i pasim lek bilong em long lek bilong narapela. Taim referi i statim taim, tupela bilong olgeta grup i ken kalap na ran i go long narapela sait bilong fil na raunim wanpela stik na kam bek gen. Taim olgeta bilong grup i ran pinis, ol i ken sindaun hariap. Wanem em i namba wan grup i sindaun long graun na i win? 3. Long narapela sait bilong fil ol wan wan tok bilong wanpela Baibelves i stap. Wan wan bilong grup i ken ran i go na karim wanpela tok i kam bek inap olgeta tok i stap pinis na ol i ken putim ol tok long oda stret inap Baibelves i kamap. Wanem em i namba wan grup i pinisim Baibelves? Bihain long raning resis i bin kamap, yut lida o pasto o papa bilong famili i ken mekim wanpela liklik Baibelstadi long dispela topic Winim resis olsem yu lukim long pes 2. 4 Singaut 183 May - August 2016 Champions with Christ 5
Nius Long Kantri Arapela Senegal Insait long las yia ol sekyuriti long Senegal i holim pasim sampela teroris man na meri na ol i painim sampela samting olsem ol bom na ol arapela strongpela samting bilong kilim man i stap aninit long laplap bilong karamapim pes ol teroris meri i bin putim. Gavman long kantri Senegal i tok tambu nau long ol Muslim meri i ken putim ol laplap long pasim pes bilong ol long ol pablik ples. Nau ol Muslim i tok ol Kristen i as bilong dispela samting we gavman i tok nogat na ol i wok long mekim nogut long ol Kristen bilip manmeri. Long sampela ples na hauslain, ol Muslim i bagarapim ol haus na gaden na tu ol i stilim ol samting na paitim ol Kristen nabaut. Tasol insait long dispela hevi, ol Kristen i holimpas bilip, maski ol Muslim i pretim ol na mekim nogut long ol. Long dispela pasin, planti manmeri i kam na i tanim bel na i bilip long Jisas. Prea poin: Tenkyu long papa God i givim strong long ol Kristen long ol i ken sanap strong long dispela taim. Tenkyu long God i kisim bek sampela manmeri long dispela kain taim bilong hevi. Prea long ol Kristen i bin lusim haus na gaden na ol arapela samting bilong ol. Bikpela yet inap long givim bel isi long ol na God i ken lukautim ol. Prea long ol Muslim teroris i wok long bagarapim ol Kristen. Bikpela i ken soim em yet long ol. Naijiria Long wanpela Provins long kantri Naijiria ol Muslim teroris i bin kilim planti Kristen na samting olsem 7000 manmeri i lusim ples bilong ol na i go stap nabaut. Presiden bilong Naijiria i askim ol polis long ol i ken painimaut long ol bikpela bagarap i bin kamap long ol Kristen long dispela hap. Long planti ol arapela Provins long dispela bikpela kantri Naijiria ol Kristen i karim wankain hevi. Insait long 15 yia, ol Muslim teroris i wok long kilim ol Kristen na kidnapim ol yangpela gel na bagarapim ol haus lotu na givim ol planti hevi moa yet long olgeta wik. Presiden bilong Naijiria i kirap nogut long wanem samting i wok long kamap, olsem na em i singaut long olgeta manmeri i mas wanbel na stap isi. Prea poin: Prea long ol Kristen manmeri. Prea long Papa God i ken helpim ol na givim bel isi long dispela taim ol i stap long pen na pret. Prea inap ol i ken painim pes bilong God long dispela kain taim. Prea long God i ken lukautim ol na givim ol wanem samting ol i sot long em. Prea long gavman na presiden bilong kantri Naijiria i ken painim gutpela rot long helpim ol Kristen i karim hevi. Kenia Al Sabab, em ol Muslim teroris, i save pait wantaim ol gavman na bagarapim ol Kristen tu. Ol i kilim pinis 4-pela Kristen long nambis ples long kantri Kenia. Tupela ol i sutim wantaim gan na wanpela ol i katim nek bilong em, na narapela ol i kukim haus bilong em wantaim paia na kilim em i dai. Dispela ol Muslim teroris i wok strong long bagarapim ol Kristen na wok bilong ol. Ol i wok strong long pait wantaim gavman na bagarapim ol Kristen, long wanem, ol i laik lotu Islam tasol i ken stap long dispela hap. Bipo ol dispela Muslim i bagarapim ol Kristen na planti bilong ol i mas lusim haus na hap we ol i stap na ol i mas ranawe. Tasol wanpela lida bilong sios long dispela hap i tok, Yumi ol Kristen i no ken ranawe tasol, yumi mas stap olsem sol na lait bai dispela pasin i toktok planti long ol arapela na bai planti manmeri i ken save long Jisas. Prea poin: Prea long ol famili bilong ol Kristen brata i bin i dai. Bikpela i ken givim bel isi na amamas na ol i ken save tru wanpela taim bai ol i kirap bek (1 Korin 15.51-57). Insait long dispela hevi ol Kristen i no ken pret na ranawe, tasol Holi Spirit i ken strongim ol long stap gutpela piksa long ol arapela. Prea long gavman i ken wok strong long rausim dispela strongpela wok bilong ol Muslim teroris. Laos Dee em i wanpela gel i gat 16 krismas tasol. Planti taim em i save harim olsem, taim wanpela i kamap Kristen ol bai i mekim nogut long dispela man o meri i kamap Kristen. Tasol wanpela de em i kamap Kristen tu long taim em i bin stap long Haiskul. Wanpela skul holide em i ting, i gutpela sapos em i go tokim papamama na famili bilong em long bilip bilong em. Taim em i kamap long haus, em i tokim ol long wanem samting i bin kamap long em. Tasol papamama bilong em i no wanbel long em. Ol i kros nogut tru na ol i tok strong long em i mas lusim bilip bilong em no tok nogat long Jisas. Tasol dispela gel i tok, em i no wari sapos ol lain famili i mekim nogut long em, em i laik bihainim Jisas tasol. Ol famili i rausim em long haus na nau em i no stap olsem pikinini bilong ol moa. Dee i stap nau wantaim ol lida bilong sios na ol i askim inap mipela i ken prea long Dee. Em i wari long wanem samting papamama i bin mekim. Bikpela i ken givim bel isi long em na soim em dispela amamas na bel isi insait long Krais. Dee i askim tu inap mipela i ken prea long papa na mama bilong em inap God i ken senisim laip bilong ol. Manaseh Rumbai 6 Singaut 183 May - August 2016 Champions with Christ 7
God yet i wokim kingdom bilong em Mi laik stori liklik olsem wanem EBC sios i bin kamap long Saut Simbu. Long yia 1962 sampela lain bilong Simbu, em ol Yuri, i go kisim blok long Minj. Samting olsem 600 manmeri i go stap long dispela hap. Ol i no go long dispela ples long harim tok bilong God. Nogat. Ol i go bilong kisim gutpela sindaun, long wanem, ples bilong ol long Simbu em i maunten tumas. Long ples Minj ol Yuri i stat long planim kaikai olsem banana na kopi na marita. Insait long 6-pela yia ol i hatwok gut tru na kamapim gutpela sindaun. Ol pikinini bilong ol i stat long go skul long misin stesin long Kugark na ol papamama tu i save go lotu long Kugark. Long dispela taim papa Erwin Jungen i bin stap misinari long Kugark na em i wok wantaim ol Yuri lain na em i laikim ol tru. Tripela man i kisim tok bilong God na i holim em strong, em i lapun Dingi na lapun Dapaku na Greai Kua. I no go longtaim na ol asples wantaim ol Simbu i stat long pait. Taim ol asples i bringim ripot i go long gavman, ol i rausim ol lain Yuri na hatwok bilong ol long kamapim gutpela sindaun i lus nating. Olsem na long Mas 3, 1969 ol Yuri i mas lusim ples Minj na i go bek long asples bilong ol. Papa Erwin i sori long ol na i kisim sampela long ka bilong em na i draiv isi isi namel long ol man i Sampela taim God i yusim yumi man long sanapim kingdom bilong em.tasol planti taim em i yusim hevi moa yet long kingdom bilong em i ken gro. wokabaut. Em i lusim ol long ples Drewamil. Bipo em i lusim ol gen, em i prea na i tok, Liklik lain Israel bilong PNG mi bin painim na mi putim ol long han bilong yu, God. Sid kaikai mi putim pinis long bel bilong ol. Olsem na God yu ken lukautim ol nau. Nau ol Yuri lain i kam bek long ples mama i bin karim ol long em, tasol ol i no kisim ol samting i kam ol i bin hatwok long kamapim. Taim ol i lusim asples bilong ol, ol i go nating na taim ol i kam bek, ol i kam wantaim tok bilong God. Sid kaikai ol misinari i bin planim, i stat long gro na tok bilong God i stat long go long olgeta hap long Simbu na EBC sios i kamap. Nau moa olsem 45 yia i go pinis na tok bilong God i gro gut tru na 7-pela eria i kamap long seket Saut Simbu. Amamas na biknem na ona God wanpela tasol i kisim! Philip Irai, EBC Saut Simbu PROMIS LONG EBC 2016 I no gat narapela man i inap kisim bek yumi. Nogat. Long nem bilong Jisas wanpela tasol yumi olgeta manmeri bilong graun inap i stap gut. Em wanpela tasol God i bin makim bilong kisim bek yumi. Aposel 4.12 Painim Kingdom bilong God Jisas em i as bilong bilip bilong yumi na em wanpela tasol inap kisim bek yumi. Oltaim yumi laik painim kingdom bilong em na helpim long sanapim dispela kingdom long olgeta hap graun. Long dispela yia 2016 God i givim promis long EBC na long SEBM i tokaut long dispela (Aposel 4.12 na Matyu 6.33). Olsem na ol brata bilong Hetkomiti i makim dispela topik Painim Kingdom bilong God i ken kamap long ol bikpela Konvensen long EBC PNG insait long dispela yia. Morobe na 9 Seket Konvensen i kamap pinis na planti man na meri na pikinini i kisim bikpela blesing na salens pinis. Yumi laik skelim yumi yet. Mi go insait long kingdom bilong God pinis? Husat i stap king bilong mi? Mi givim wanem praioriti long kingdom bilong God? Ansa bilong mi na ansa bilong yu i ken kamap olsem. Papa bilong mi, yu stap long heven, nem bilong yu i mas i stap holi. Kingdom bilong yu i mas i kam. Mi laik stap redi long bihainim laik bilong yu. Ol dia brata na susa bilong EBC PNG, tenkyu long prea bilong yupela long Inlan Misin insait long PNG. Mi laik stori long wanpela autris sampela bilong mipela ol brata na susa bilong Kugark seket i bin mekim. Autris i stat long Jiwaka na i go long Sepik na i kam aut long Madang. Long Disemba 5, 2015 mipela 18-pela lain i go bung long Mt Hagen na bihain mipela i kalap long wanpela PMV bas na i go kamap long Wabag. Long Wabag mipela i go lusim ol bag insait long EBC Stesin na mipela i go painim PMV tasol no gat ka i stap. Em i nait pinis na mipela i ringim wanpela Kristen brata na Bikpela i helpim na rot i op na wanpela Kristen brata i salim ka bilong em i kam pikim mipela na mipela i go kamap long Kompiam na i slip long dispela hap. Sepik Patrol God i wok! Mipela i wokabaut na i autim tok bilong God na i givim ol trekt insait long sampela de. Long namba foa de mipela i go kamap long wara Saluk na sampela i brukim wara pinis, tasol sampela bilong mipela i stap bek, long wanem, God i laik bai mipela i autim tok long ples Saluk we planti man i bin stopim mipela long wokabaut i go. Olsem na mipela i go bek long hauslain na bungim ol Komyuniti na long nait bikpela lotu i kamap long dispela ples. Long narapela moning mipela i lusim Saluk na i go kamap long Yelam insait long Sepik plain. Nau mipela i kalap long boat na i go kamap long ples Asagamut. Long dispela ples mipela i holim wanpela wik lotu na namel long wik 23 manmeri na ol yangpela i tanim bel na i givim laip bilong ol long Bikpela. Stori i goan yet na insait long dispela 23 de mipela i raun long Sepik Patrol, planti samting i bin kamap we mipela i lukim olsem God i wok insait long bus tru namel long planti lain manmeri. Joseph Mokum, EBC Tauki Bengam 8 Singaut 183 May - August 2016 Champions with Christ 9
The Grace of God For I know the plans I have for you, declares the Lord. Plans to prosper you and not to harm you, plans to give you hope and a future. (Jeremiah 29:11) I m happy to share a testimony which happened some years ago. It was on a hot Sunday when my siblings, some friends and I went down to the Jimi River for a swim. I was just a small boy at that time. We enjoyed the cool water, playing and shouting together. Nobody thought that anything bad could happen. A bigger cousin brother came along with a tube and asked me to join him for a ride down the river. I was scared and refused to go. However, he insisted and promised to take care of me. At the end I gave in and we went down the river on his tube. After some meters the tube turned over and we fell into the water. My cousin, being older, managed to swim ashore but I just drifted along with the flow of the water. I couldn t swim and the water was too strong and deep for me, so I just kicked and screamed for help. Nobody noticed it because everyone was playing, shouting and having fun. The current dragged me along and at one point I was crushed against a cliff. I tried to reach out with my hand and grab anything to help me, but I couldn t manage. Suddenly I saw a small tree and I got hold of its roots and just held tightly onto it, screaming for help. Finally a cousin sister saw me and came to rescue me. Without her help I would have been swept down the river and could have drowned. But by the grace of God I was saved that day. Through this testimony I would like to bring across two points. Firstly, Jesus is our Savour. If we are still out there in that strong current of sin, it s time to come to the Lord now. The devil wants us to get on that tube so that we may drown in the current of sin. Therefore, let us grab the tree, which is the cross of Jesus Christ. He is ready to save us because he loves us. Secondly, the Lord is always ready to help us. He will never forsake us. Psalm 91:15 When they call to me, I will answer them, when they are in trouble, I will rescue and honour them. God created us for a purpose and he has plans for us. Let us serve him in good and in bad times and give him the glory. Nickson Taime, EBC Lae Bible College Lainim long ol pikinini Mi laik stori long wanpela Sandeskul boi long Yauna Seket, nem bilong em Sanki. Dispela boi i save waswas na dresap gut na kam long Sandeskul wantaim ol arapela pikinini. Em i save kolim Baibelves na makim ol song na prea tu. Na tu em i save pilai na mekim nois na toktok long taim bilong Sandeskul. Wanpela taim pasto i go visitim dispela bus ples. Em i mekim lotu wantaim ol lain long hap pinis na i laik i go bek long ples bilong em. Sanki i go askim papa bilong em long 2 Kina em i laik givim long pasto, tasol papa i no laik givim. Sanki i krai na papa i givim las 2 Kina tasol em i gat. Em i go givim dispela 2 Kina long pasto na i bel isi na i amamas. Neks moning papa i go long bus na i kilim wanpela wel pik na i salim em na i kisim 202 Kina. God i givim 2 Kina bek na 200 Kina extra moa mani em i kisim. Papa i amamas na i tenkyu long God. Yumi ken lainim long kain pikinini olsem Sanki na stap redi long givim taim God i kirapim yumi long helpim arapela. Sanki i lainim papa bilong em long em i ken bilipim God long taim em i sot tru long ol samting, tasol yet em i givim samting em i holim long God. Tasol yumi mas lainim ol pikinini tu long mekim ol pasin God i laikim. Sampela taim pikinini i krai planti long kisim wanpela samting na yumi ken lainim em long em i no inap kisim olgeta samting long laik bilong em. Ol doti piksa na olkain samting ol i save soim long TV na mobail bai i bagarapim laip bilong pikinini na yumi mas tok nogat long samting kain olsem na lainim pikinini tu long tok nogat. Lukautim gut presen God i givim yu. Matyu Antorifa, EBC Anonantu Jisas i bin senisim mi tru! Mi groap long bilip bilong ol Muslim na long dispela taim mi bilip tru olsem mi stap long gutpela rot. Taim mi kamap wanpela yangpela man, mi maritim Wahida, wanpela meri bilong wanpela bisnis famili. Olsem ol planti arapela man long kantri bilong mi, mi bel hat planti na paitim Wahida na tambuim em long lusim haus. Mi wanpela taxi draiva. Wanpela de, taim mi draivim ka bilong mi, wanpela samting i kamap long mi na mi luksave olsem, Jisas em i God. Olsem na mi givim laip bilong mi long Jisas. Taim mi tokim meri bilong mi, em i no amamas long mi bin lusim bilip bilong ol Muslim. Em i ting olsem nau mi kamap haiden man! Em i ting, bai mi paitim em moa yet. Tasol Jisas i bin senisim mi na mi stat long laikim tumas meri bilong mi na mekim gut long em. Tasol Wahida i tok nogat long mi ken toktok wantaim em long bilip bilong mi. Wanpela de wanpela aksiden i kamap na wanpela ka i krungutim liklik pikinini gel bilong mipela i winim wan krismas tasol. Taim Wahida i karim liklik meri insait long haus, em i prea long Jisas namba wan taim long laip bilong em. Na tru tumas, wanpela mirakel i kamap. Long haus sik ol dokta i no painim wanpela bagarap long liklik gel. Wahida i luksave olsem, Jisas em i God. Tude mipela olgeta famili i bihainim Jisas. Taim mipela i bung wantaim ol arapela Kristen, mipela i mas painim wanpela hait ples long bung wantaim ol. Husat i laik bihainim Jisas long kantri bilong mi, em bai i karim bikpela hevi. Mipela i baim bikpela prais tru long bihainim Jisas. Karim, kantri Afganistan 10 Singaut 183 May - August 2016 Champions with Christ 11
Palestain i tokaut long birua pasin i mas pinis Wanpela Palestain praimeri tisa i winim prais bilong yia (award) long stap gutpela tisa. Taim tisa i kisim prais, em i tokaut long kain kain pasin birua i mas pinis, na ol i mas sindaun gut na i stap wanbel. Brukim strongpela tambu ol Muslim gel i joinim ami bilong Israel Yu ting Israel i save daunim na rabisim ol Muslim, Arab na arapela lain i stap long kantri Israel, a? Bai yu kirap nogut long harim na lukim bikpela namba bilong o Muslim na Arab Kristen gel i joinim ami bilong Israel. Golda i tok olsem. Mi wanpela strongpela Muslim gel i groap na kamap bikpela insait long komyuniti bilong ol Juda na mi joinim ami bilong Israel. Mi laik wok insait long ami na sevim kantri bilong mi. Mi belhat long ol yangpela Muslim man i wok long kilim ol soldia bilong Israel wantaim naip bikos ami i bin helpim mi. Sara i tok olsem. Mi groap na kamap bikpela wantaim ol Juda na mi go skul wantaim ol na nau mi laik joinim ami bilong Israel. Ol gel bilong ol Juda i pren bilong mi na mi no pilim sem long mi stap Muslim insait long ami. Mi gat duti long helpim na lukautim kantri bilong mi, Israel. Miriam i tok olsem. Mi wanpela Arab Kristen gel na wanpela de mi lukim ol gel soldia i wokabaut wantaim masin gan na mi askim ol long wok bilong ol na dispela i kirapim laik bilong mi long joinim ami. Mi joinim ami pinis na raun wantaim yunifom long Arab komyuniti. Planti i lukim mi na ol i no amamas na rausim namba bilong mi long mobail bilong ol. Tasol mi gat ol liklik lain pren i sapotim mi yet na tu mi gat planti pren long ami. Nau mi mekim bikpela samting long kantri bilong mi, Israel. Ol Refuji bilong Israel Ol Israel i pinisim wanpela wok bilong bringim i kam bek ol lain Mi Bikpela, mi tok olsem. Mi bai rausim ol dispela manmeri, tasol bihain bai mi bringim ol i kam bek long dispela graun mi bin givim long ol tumbuna bilong ol. Jeremaia 16.14 Israel i stap long kantri Yemen na 19 Juda i kam bek pinis long Israel. 50 manmeri bilong Israel i laik stap bek long Yemen, long wanem ol i stap gut na i aninit long lukautim bilong ol U.S. Dispela kambek bilong ol manmeri bilong Yemen i bikpela samting stret long histori bilong Israel. Em i wanpela olpela komyuniti bilong Israel i wok long kam bek nau. Deputy minista long Regional Co-operation i tok olsem. Mi amamas tru olsem ol kain brata long kantri Yemen i wok long kam bek long asples bilong ol Israel, na mipela i wok long bringim gut ol manmeri i bin stap aninit long pasin bilong bagarap na birua. Tasol ol Palestain i no amamas long dispela tok na ol i tromoi plak na i apim han na i singaut na i tok. Mipela i no laik kamap pren na sindaun gut wantaim ol Israel. Happy Israel Long dispela yia ol i putim Israel i kamap namba 11 ples namel long 156 arapela kantri taim ol i skelim amamas bilong ol manmeri. Insait long planti hevi ol Israel i stap wanpela amamas kantri! Ol Palestain teroris i bagarapim planti ol turis Wanpela grup bilong ol Palestain teroris i kam kilim wanpela turis man na i bagarapim 12-pela arapela manmeri. Ausait long Lions Gate long Jerusalem ol Palestain i kam tromoi ston na wanpela mama i kisim bagarap long het na ol i karim em i go long haus sik i stap klostu. Pasin bilong kilim man em i kamap bikpela na long taun Jaffa wanpela Palestain Arab i kam wantaim naip na em i kilim wanpela turis man bilong Amerika. Meri bilong en tu i kisim bagarap na namel long dispela hevi narapela meri i gat bel, em tu i kisim bagarap. Ol polis i ranim dispela man na ol i sutim em i dai. Narapela teroris i kam wantaim naip na em i bihainim wanpela ki man long Otodox sios i go insait long wanpela stua na dispela teroris i sutim em wantaim naip. Dispela man Juda i ran i kam ausait long stua wantaim naip i sanap long nek bilong em, na em i pulim naip aut na kilim teroris wantaim naip bilong em yet. Yupela Israel, yupela singaut na mekim song bilong amamas. Yupela Jerusalem, yupela belgut na amamas moa yet. Bikpela, em i king bilong Israel, na em i stap wantaim yupela. Olsem na yupela i no ken pret long wanpela samting. Sefanaia 3.14-15 Ol Inglis klas studen, Bible College Lae, taken from Israel Today (www.israeltoday.co.il) 12 Singaut 183 May - August 2016 Champions with Christ 13
Pas tru wantaim God As bilong kisim Komunion Komunion kisim bret na wain Wanpela apinun Jisas i bungim ol 12-pela disaipel long haus bilong wanpela wantok bilong en long Jerusalem na em i tokim ol olsem, Mi laikim tumas long kaikai wantaim yupela long dispela Bikpela De Bilong Tingim De God I Larim Ol Israel I Stap Gut. Na bihain bai mi karim pen. Mi tokim yupela, mi no ken kaikai dispela kaikai gen inap long taim dispela samting em i kamap tru long kingdom bilong God (Luk 22.15-16). Bihain long ol i kisim kaikai pinis, Jisas i tokim ol long wanem pasin ol i mas mekim bilong tingim em. Jisas i kisim bret, na i tenkyu long God, na i brukim, na i tok, 'Dispela em i bodi bilong mi, mi givim bilong helpim yupela. Yupela i mas mekim olsem bilong tingim mi.' Na taim ol i kaikai pinis, em i kisim kap wain na i mekim wankain pasin long en. Em i tok olsem, 'Dispela kap wain em i nupela kontrak mi mekim long blut bilong mi yet. Olgeta taim yupela i dring long dispela kap, yupela i mas mekim olsem bilong tingim mi' (1 Korin 11.23-25). Long taim bilong kisim Komunion yumi save tingim bikpela pen Jisas i bin karim. Em i dai long diwai kros na i kirap bek tu long matmat (1 Korin 11.24-25). Ol bilip manmeri i save bung long Sande, em de we Jisas i bin kirap bek, ol i save lotu na kaikai bret wantaim (Aposel 20.7). Yumi ken tingim Jisas em i Bikpela na Hetpris bilong yumi, na em i save beten long yumi (Hibru 7.25). Taim bilip manmeri i kisim Komunion, ol i tokaut olsem ol i stap famili bilong God aninit long nupela kontrak Jisas i bin mekim wantaim blut bilong em (Luk 22.20) bilong lusim sin bilong yumi. Dispela kontrak em i bikpela na i winim kontrak bilong Moses long bipo (2 Korin 3.6-18, Hibru 8.6-7). Taim bilong kisim Komunion yumi save tokaut long dai bilong Jisas. Yumi ken tenkyu tu long Jisas long em i bin karim olgeta sin bilong yumi na i dai. Na yumi ken tenkyu long em i bin wasim bel bilong yumi i kamap klin tru. 1 Korin 11.26 i tok olsem long taim bilong kaikai bret na wain, yumi i ken autim dai bilong Jisas inap long em i kam bek. Olsem na long taim yumi kisim Komunion, yumi tu i tokaut long kambek bilong Jisas. Olgeta bilip manmeri i ken kisim Komunion inap long yumi dai o Bikpela bilong yumi i kam bek na i kisim yumi i go long heven. Na yumi olgeta bai i amamas long marit kaikai. Taim yumi kisim Komunion, yumi wanbel wantaim ol bratasusa na wantaim Bikpela Jisas tu. Long 1 Korin 10.16-17 Pol i tok, Dispela kap i gat blesing bilong God, na yumi save tok tenkyu long God long en, taim yumi dring long en, em i save bungim yumi wantaim blut bilong Krais. Na dispela bret yumi save brukim, taim yumi kaikai long en, em i save bungim yumi wantaim bodi bilong Krais. I gat wanpela bret tasol, na yumi olgeta i save kaikai long dispela wanpela bret, olsem na yumi planti manmeri yumi stap wanpela bodi tasol. Blesing bilong Komunion Jisas i laik givim Komunion long ol disaipel, na em i tokim ol olsem. Mi laikim tumas long kaikai wantaim yupela long dispela Bikpela De Bilong Tingim De God I Larim Ol Israel I Stap Gut. Na bihain bai mi karim pen (Luk 22.15). long bung wantaim sios, em meri bilong Krais. long givim bodi na blut bilong en long kaikai na dring (Jon 6.53-58). long mekim orait ol sik, long bodi na spirit wantaim, sapos em i laik bilong God. long blesim yumi moa yet insait long ol wok yumi mekim long nem bilong em. long banisim na lukautim yumi long olgeta traim bilong Satan. Long laik bilong God yet, em i makim yumi long kamap pikinini bilong em na kamap brata na susa bilong Krais. Olsem na yumi ken i go klostu long God, na yumi no ken pret. Em i man bilong marimari. Yumi go long em, na bai yumi lukim em i sori long yumi. Na sapos yumi gat hevi, orait marimari bilong em bai i helpim yumi (Hibru 4.16). Husat bai i kisim Komunion? Husat i tanim bel pinis na i kamap pikinini bilong God. Em tasol i gat rait long sindaun long tebol bilong Jisas na kisim Komunion. Baibel i tok long narapela tebol tu i stap we ol manmeri i no tanim bel ol i save go dring na kaikai long en (1 Korin 10.21). Olsem na long taim bilong kisim Komunion mi mas skelim mi yet gut. Mi kaikai yet long tebol bilong ol spirit nogut na miksim bilip laip bilong mi wantaim animism bilip yet? O mi givim mi yet olgeta long God pinis? Sampela misin i save to k, o l m a n i b i n baptais tasol, ol bai Long dispela taim na i kam inap nau, ol Kristen i save tingim dispela tok na ol i save kisim bret na wain. 14 Jisas i laik givim Komunion Singaut 183 May - August 2016 Champions with Christ i kisim Komunion. Tasol dispela kain tok i no stap long Baibel, em tingting bilong man tasol. Baptais long wara em i olsem mak bilong wanem senis i kamap pinis insait long bel bilong man. Tasol sapos yu bilip long Jisas na kisim em insait long laip bilong yu, orait em i lusim sin bilong yu na i mekim yu kamap nupela tru. Olsem na yu ken kisim Komunion. Bilip long Jisas, em dispela wanpela rot tasol long i go long tebol bilong en long kisim Komunion. I no long ol arapela lo bilong lotu o long baptais. Skelim bel bilong yu Skelim bel bilong yu pastaim na kisim Komunion (1 Korin 11.28, 2 Korin 13.5). Yu mas mekim stretpela pasin na sekim yu yet. I gat sampela sin yu no autim yet na bel i kotim yu? Yu wok long apim nem bilong yu yet tasol? Laik nogut bilong olpela bel i stap yet? Pasin pamuk i stap yet? Sakim tok bilong God i stap yet? Sapos ol dispela samting i stap yet, yu mas tanim bel na tok sori long Bikpela. Sapos yu no skelim gut laip bilong yu na yu kaikai bodi na blut bilong Jisas, em yu mekim dispela bodi na blut i kamap olsem samting nating tasol. 1 Korin 11.29 i tok long man i no tingting gut long bodi bilong Bikpela, na em i kaikai na dring, em i bringim asua i kam long em yet, na God bai i mekim save long en. Long taim bilong kisim Komunion, dispela tok i ken helpim na redim yu gut long kisim Komunion. Na sapos i gat sin, orait bringim sin bilong yu long diwai kros na Jisas bai i lusim olgeta sin bilong yu. Na sapos yu gat bel nogut long brata na susa bilong yu, orait yu mas stretim pastaim. Matyu 5.23-24 i tok long yu mas larim ofa bilong yu na yu go stretim wantaim brata o susa bilong yu na bihain, yu ken givim ofa long God. Sampela kain bilip i wok long kamap insait long ol sios Sampela Kristen i save tok, taim ol i kisim Komunion o go long bikpela taim bilong lotu, ol i kamap klin long sin. Dispela kain tingting em i no tru. Baibel i tok, man i bilip long wok bilong Jisas Krais antap long diwai kros na i autim sin, em tasol bai i kamap klin long sin. Yu laik kamap klin, yu mas mekim olsem. Autim sin bilong yu na givim baksait olgeta long sin. Yu mas bilip long dai bilong Jisas long diwai kros na askim em long lusim sin bilong yu. Sampela misin i tok, ol pris i no save bihainim gut tok bilong God na i mekim ol sin. Tasol sapos ol i mekim ofa ol i save tok, em i gutpela na orait. Tasol olsem wanem na man bilong graun i mekim wanpela ofa i ken inapim bel bilong God? Em bai no inap tru. Tasol Krais i kamap ples klia na i dai long diwai kros wanpela taim bilong olgeta taim long rausim strong bilong sin. Olsem tasol wanpela taim tasol Krais i givim em yet long God olsem ofa, bilong karim hevi bilong ol sin bilong olgeta manmeri (Hibru 9.28). Yumi save kisim tupela samting, em bret na wain. Tupela i makim bodi bilong Jisas i bruk na blut bilong em i kapsait long rausim sin bilong yumi. Dispela bret na wain, yumi save beten na kisim, em i bret na wain nating tasol. Em yet i no gat wanpela kain pawa bilong rausim sin na helpim wanpela man. Nogat tru. Em i olsem mak bilong tingim bodi bilong Jisas i bin bruk na blut i bin kapsait long diwai kros. Yu mas bilip long dispela bikpela wok bilong Jisas tasol i gat bikpela pawa bilong rausim sin. God i ken blesim yu. Michael Robert, taken from Bible Based Teaching 15
gutpela tumas. Krai 3.23 new tract I olsem marimari bilong en i kamap nupela long olgeta de. Bikpela, dispela marimari bilong yu i stap Tingim Marimari bilong God Marimari bilong God na Laip na amamas bilong dispela graun i no wankain wantaim mipela oltaim. Dispela pasin bilong yu i Kamap Kristen Tok skul bilong nupela Kristen 16 Singaut 183 May - August 2016 MICRO SD CARDS For Your Digi PHONES... WITH GUTNIUS SONGS, BAIBELVES SONGS & WARA BILONG LAIP!!! nau K21.00 tasol Yu laik kamap Kristen, em wanpela gutpela disisen yu mekim. Long dispela buk bai yu lukim klia rot bilong kamap Kristen. Em i ken redim yu long sanap long ai bilong God na ol man na kisim baptais. Available at your nearest Singaut Bookstore