Septemba - Disemba 2016 N o. 184 Magazine of the Evangelical Brotherhood Church Gutpela Pasin Rot bilong kamapim Gutpela Sindaun
Editorial Dia Pren, Yu pilim olsem wanem taim yu karim wanpela hevipela bek o bilum na wanpela man o meri i kam na i helpim yu long karim dispela kago? O yu pilim olsem wanem taim yu helpim wanpela man o meri long wanpela wok na bihain em i tok tenkyu long yu? O taim yu laik kisim bas na olgeta spes i pulap na wanpela i sanap na i givim spes bilong em long yu, bai yu pilim olsem wanem? Taim yumi stap wantaim ol lain i save mekim ol gutpela pasin long yumi, yumi save pilim bel isi na amamas. Yumi gat laik tru long stap wantaim ol dispela kain lain manmeri. Tasol planti taim em i no olsem. Mi tingim wanpela meri i save tok pait planti wantaim man bilong en. Ating taim dispela meri i pikinini yet, em i no lainim long bosim gut maus bilong en (Jems 3.8-12) na harim tok bilong narapela pastaim, a? wanpela manki i stilim kon long gaden bilong narapela man. Ating em i no bin lainim long dispela tok, Yu no ken stil! (Kisim Bek 20.15), a? wanpela man i repim wanpela meri. Ating taim dispela man i pikinini yet, em i no bin lainim long em i no inap kisim olgeta samting long laik bilong em yet, a? Bihainim Gutpela Pasin i no save kamap nating. Nogat. Em i samting yumi mas lainim long taim yumi stap pikinini yet. Tasol sapos papa na mama i no bin lainim yu gut, i gat wanpela rot tasol long yu ken lainim yet. Givim laip bilong yu long Jisas na em bai i senisim yu. Dispela Singaut Magazine i givim sampela moa tok olsem wanem God i ken senisim laip bilong yumi yet pastaim inap famili na kantri bilong yumi tu i ken kamap gut. Tim bilong Singaut Magazine i salim planti griting long yu. Christin Sommer / Tok i go paslain Olsem wanem mi ken bihainim ol gutpela pasin? Yumi save, God i save wok insait long bel bilong yupela. Em yet i kirapim laik bilong yupela bilong mekim ol pasin em i laikim, na em i givim yupela strong bilong mekim ol dispela pasin. Filipai 2.13 Contents 10 Golden Rules of Good Behaviour _ 3 Gutpela Pasin _ 5 Nius Long Israel 7 Nius Long Arapela Kantri _ 8 Sios Nius _ 10 Testimoni _ 12 Liklik Baibel Skul _ 14 Advertisement 16 About us Yu ritim Singaut Magazine pinis na sampela askim i kirap? O yu luksave olsem yu nidim helpim long stretim laip bilong yu? Orait, yu ken go lukim wanpela pasto long ples bilong yu o yu ken raitim mipela tim bilong Singaut Magazine long dispela adres. EBC Publications Department Markham Road 6-Mile P.O. Box 996 Lae, 411, MP Papua New Guinea Phone: (675) 7373 4080 Email: ebc_print@hotmail.com Yu gat wanpela STORI i stap? Gutpela tru, RAITIM na SALIM i kam long adres i stap antap. 2 Singaut 184 Septemba - Disemba 2016
10 Golden Rules of Good Behaviour A golden rule was laid upon mankind for the first time in the Garden of Eden by the Almighty God. When God created Adam and Eve, He gave them the garden to dwell in it. God then commanded Adam and said, You are free to eat from any tree in the garden; but you must not eat from the tree of the knowledge of good and evil, for when you eat of it you will surely die. (Genesis 2:16-17, NIV). Unfortunately man broke the rule and was driven out of this beautiful garden and God s presence. But finally God gave himself for us to set us free from every kind of lawlessness; he made us new, people, who are truly his, who are eager to do well. In Christ Jesus alone we are able to do good things (Titus 2:14; Ephesians 2:10; 2Corinthians 5:17). Now think about the following golden rules and apply them to your own life. 1. Be a man/woman of self-discipline Living in this challenging and competitive world, many Christian brothers and sisters lack the attitude of being selfdisciplined. The Bible teaches us to read God's word every day, to pray constantly and to spend time in serving God s kingdom. Life can be hard. Sometimes problems can weigh us down, but let s face it. Be disciplined in planning your daily routine! As Christians we can seek God s grace in our everyday life and be spiritually motivated. Let the Holy Spirit silently encourage you to be self-disciplined with the strength of our Lord Jesus. 2. Be honest with love Let s just look at how Joseph reacted towards the wicked wife of his master who tried to force Joseph to sleep with her. We now see that Joseph had a deep love for his master and was honest as well with his words. He was a god-fearing young man. Christ s body, which is the church, grows when we are honest in whatever we may do or say; honest with God s submissive and devoted love that he poured out in our hearts (Ephesians 4: 15-16; Romans 5:5). 3. Don t steal You shall not steal (Exodus 20:15). Yes, stealing is an offence and the Lord Almighty commands us not to steal. Where ever we are on the way, in the village, in town, or may it be in the church, on our working place or in school we must obey and follow this challenging rule. And don t forget: Even if nobody sees you when you re taking something that doesn t belong to you, your sin will show up later (1Timothy 5.24) and God will judge you right. 4. Be friendly For many the question is: How can I become friendly with others? What do I have to do to become friendly with strangers? We may have rude manners and our presentation towards others may also be very poor, but we must ask God to change us, for he is the one who works in us (Philippians 2:13). God has amazing wonders to apply and to groom and use us in whatever way he wishes. 5. Care for your family and relatives This is an important task for nearly every one of us. If you are a father, a mother, a son or a daughter reading this article, please let your mind be focused and ask yourself: What is my responsibility within the family? Imagine yourself, if you were old and just sitting in a broken house, helplessly longing for someone who brings you a container of drinking water and some sweet potatoes The Bible has rules for Christian households (Colossians 3:18-25) and it clearly instructs us to care for the needy in our own near and extended family (1 Timothy 5:3-8). Let the Almighty God control our life and clothe us with compassion, kindness, humility and gentleness. Gutpela Pasin 3
F a i t h f u l n e s s 6. Be faithful in relationships In the same way we are urged to be faithful towards God and human beings. It is certainly clear for us that God expects us to hold together in marriage in good and in bad times. We have to work for it, as marriage is an on-going building project with Jesus, our master builder. He carefully worked out the plans for a successful marriage in his word, the Bible. But are we faithful to our offspring as well? Do we love and accept our children, our own flesh and blood, in good and in bad times too? Fathers and mothers, we are responsible to raise our kids faithfully (Proverbs 22:6) instead of neglecting them when they are disobedient. 7. Don t beat women Let s go back to the beginning and see how, for the first time Adam approached the woman when he said, This is now bone of my bones and flesh o f m y flesh; she shall be called woman, for she was taken out of man (Genesis 2:23). Does this statement not express his overwhelmed feelings about the counterpart God created for him? But how did it come to the fact that today family violence is a very common and socially accepted crime in Papua New Guinea? Earthly human evil desires are the cause of lust, debauchery, drunkenness, orgies and more which leads to bashing wives and other female persons. Fathers, husbands, sons and brothers should be clear-minded to faithfully minister God s principles in homes and in the community. Teach your sons to respect and obey their mother as the first woman in their life! And don t forget: Only the cross of Calvary will empower us to get a good behaviour towards women. 8. Earn your own living In the Melanesian society we have diverse cultures and ways of living. Blessed with beautiful natural resources and fertile land, one has to clear out bushes to plant food gardens for the basic daily needs of the entire family. In towns and cities one has to be employed 8 to 12 hours per day to earn an income. A self-employed person at the market or a roadside stall does the same for his or her living. Let s see what a wise man said, Go to the ant, consider its ways and be wise! It has n o c o m m a n d e r, o r o v e r s e e r o r ruler, yet it stores its provisions in summer and gathers its food at harvest (Proverbs 6:6-8). Life can be hard but let s face it with this golden biblical principle. 9. Have self-control Our behaviour towards others is what we possess. Our perfect plan by the Creator became a mess when man fell from sin. Fellowship between God and man was broken and God withdrew His glory from man. God then laid a curse on man. For this, you and I were born into this world with sin (Romans 5:12). But praise God for His wonder working power on the cross of Calvary where Jesus overcame Satan s power! He defeated Satan with a victorious war cry, It is finished (John 19:30). We can now have selfcontrol over our lives through the directions of the Holy Spirit and the name of Jesus Christ (Acts 4:12). 10. Show respect to opinions of others When words are many, sin is not absent, but he who holds his tongue is wise (Proverbs 10:19). Or as an old poem says, A wise old owl sat in an oak tree. The more he saw the less he spoke. The less he spoke the more he heard. Why can t we all be like the wise old bird? Supposed we would be that old bird, we would probably be wiser in the selection of our own words. Let us not jump into conclusions on someone else s opinion. Lord, help us to use our words not to tear down others or build our own reputation but to seek others first and in so doing to serve you and your kingdom. As followers of Jesus, we bear His name, we strive to walk worthy for Him, reflecting His likeness when we re obedient to the 10 Golden Rules. Charles Kaime, EBC Wabag 4 Singaut 184 Septemba - Disemba 2016
Mi save amamas tru long bungim ol man i gat gutpela pasin. Bai yu pilim gut long stap klostu long ol, long wanem, ol i toktok gut long yu na ol i mekim gutpela pasin long yu. Ol i helpim yu long i stap gut. D i s p e l a i kirapim mi, long mi tu laik mekim g u t p e l a p a s i n. Tasol mi mas mekim wanem na gutpela pasin bai i kamap long laip bilong mi? Na husat bai i tokim mi, gutpela pasin em i wanem samting stret? Sapos yumi opim Baibel bai yumi painim sampela gutpela ansa tru. Gutpela pasin i kam long we? Olgeta gutpela pasin i kam long God. God i pulap tru long gutpela na stretpela pasin na ol dispela gutpela pasin i kamap ples klia long laip bilong Jisas Krais. Pol i tokaut klia stret taim em i raitim olsem, God yet i bin putim yupela i stap wantaim Krais Jisas. Na em i bin putim Krais i stap as bilong gutpela tingting na save bilong yumi. Na long Krais tasol God i mekim yumi i kamap stretpela manmeri na i mekim yumi i wokabaut long pasin bilong em yet. Na long wok bilong Krais tasol God i baim bek yumi na sin i no bosim yumi moa (1 Korin 1.30). God i bin baim bek yumi na senisim yumi long kamap pikinini bilong God. Olsem na em i laik, bai yumi kamapim ol gutpela pasin. Gutpela Pasin Bai yumi kamapim gutpela pasin olsem wanem? Olgeta gutpela pasin i pulap long Krais. God i laik bai yumi ken pas wantaim Krais. Taim yumi lusim pasin bilong bipo na yumi senisim tingting na kamap nupela, God i givim Holi Spirit long yumi. Yumi bilip long Jisas na pas wantaim em, bai yumi gro long Kristen laip na Holi Spirit bai i kamapim ol gutpela pasin long laip bilong yumi. Tasol Holi Spirit i save kirapim yumi long mekim ol gutpela pasin olsem, pasin bilong laikim tru ol arapela na pasin bilong amamas na pasin bilong i stap bel isi n a p a s i n bilong i no belhat kwik n a p a s i n bilong helpim o l m a n na mekim gutpela pasin long ol na pasin bilong wokabaut stret oltaim na pasin bilong i stap isi na pasin bilong daunim laik bilong olpela bel. I no gat wanpela lo i tambuim ol dispela kain pasin (Galesia 5.22-23). Yumi yet i no inap long kamapim ol gutpela pasin long taitim bun na strong bilong yumi yet. Yumi mas larim Holi Spirit i wok insait long laip bilong yumi na wokabaut long pasin bilong Krais olsem Galesia 5.25 i tok. Holi Spirit em i givim laip long yumi, olsem na yumi mas larim Holi Spirit i stiaim olgeta wokabaut bilong yumi. Gutpela pasin i bringim lait bilong God i kam insait long laip bilong yumi. God em i as bilong gutpela pasin. Yumi larim Holi Spirit i wok insait long yumi long kamapim gutpela pasin. God i putim yumi long dispela graun long givim glori long God na long stap blesing long arapela. Gutpela Pasin 5
moa olsem Jisas. Yu ken prea inap tok i stap long 2 Korin 3.18 i ken karim kaikai long laip bilong yu. Gutpela pasin i ken kamap moa na moa Yu lukim gen naispela piksa i stap long frant bilong magazine. Wanpela rot i go long wanpela hap we san i kam antap na lait i wok long kamap strong moa na moa. Em i olsem tok Solomon i mekim, Tasol rot bilong ol stretpela man i lait olsem san i kamap long moningtaim, na lait i wok long kamap strong moa, inap long belo (Gutpela Sindaun 4.18). Taim yumi Kristen i wokabaut long dispela rot, pasin bilong yumi i save senis na kamap moa na moa olsem pasin bilong Krais. Wanpela nupela buk i kamap i gat tok bilong 50 gutpela pasin insait. Ol raita bilong writer's course i bin taitim bun na bungim sampela tok long ol gutpela pasin long dispela buk. I gutpela long yu ritim dispela buk. Yu ritim gut olgeta gutpela pasin na tingim gut. Dispela buk bai i helpim yu long senisim sampela pasin bilong yu inap yu kamap moa na Yusim dispela buk olsem wanem? I gat 50 gutpela pasin long dispela buk. Wan wan gutpela pasin i gat tok i stap i kliaim mining bilong dispela gutpela pasin. Bihain wanpela stori i opim tingting na i kirapim yumi long bihainim gutpela pasin. Sampela tok bilong Baibel tu i stap na olsem wanem ol bilip man na meri i bin bihainim dispela pasin. Bihain, sampela tok i stap long givim sampela tingting olsem wanem yumi ken bihainim gutpela pasin. Long pinisim wan wan sapta, i gat sampela askim i stap. I gutpela long tingim gut ansa na raitim sampela tok. Yu ken yusim dispela buk long praivet stadi bilong yu yet. Sapos yu wokmanmeri bilong sios olsem Sandeskultisa o pasto, yu ken yusim long helpim yu long redim na autim tok. Ol papa na mama i ken yusim gut long ritim wanpela gutpela pasin long wanpela wik na kirapim famili long bihainim. Ol skul tu i ken yusim wanpela gutpela pasin long wanpela wik na kirapim tingting bilong ol studen long bihainim. Ol gutpela pasin bai inapim wanpela yia olgeta. God i ken blesim yu long bihainim gutpela pasin! Torsten Kugler, EBC Lae 6 Singaut 184 Septemba - Disemba 2016
Iran i tok gen long redim ol samting bilong pait long pinisim hevi bilong Israel na Juda Sapos ol Saion i mekim kranki pasin o samting i no stret, ol hap graun i stap aninit long Israel bai i paia long han bilong ol nambawan soldia bilong mipela na wantaim strong bilong Allah, wanpela lida bilong ami i tok. Long inapim dispela sut mak, dispela lida i tok, Iran wantaim ol pren bilong en, ol Hezbollah, i redim pinis 100 000 roketbom long bagarapim Israel. Em i tok long ol roket i stap pinis long Sauten Lebanon, we UN i tok long stopim pait o kros, bihain long las Lebanon woa, 2006. Gavman bilong Israel i amamasim wanpela mesianik grup insait long kantri Be ad Chaim em i wanpela Kristen mesianik grup husat i save helpim ol meri i gat hevi insait long kantri. Gavman bilong Israel i luksave long gutpela wok bilong ol na ol i givim prais bilong onaim na amamasim gutpela wok bilong ol. Ol i save wok strong long daunim pasin bilong ol meri i save kilim pikinini insait long bel na ol i save helpim ol meri i gat pikinini long bel tu. I gat moa olsem 1'500 bebi na pikinini we ol i bin helpim long ol i ken stap laip na ol i helpim ol yangpela famili na i prea wantaim ol tu. Spirit bilong Islam Ol manmeri i ritim na i bihainim tok bilong buk Koran i kisim strongpela tingting long pait na long kros na long daunim tru arapela. Buk Koran em i spirit bilong dai. Long bilip Islam ol man i save amamas tasol taim dai i kamap. Taim ol i kilim birua bilong ol, ol i amamas na i singaut Allah u Akbar!, long wanem, ol i kilim wanpela Haiden i dai. Sapos wanpela bilong ol yet i dai, ol i singaut tu Allah u Akbar na ol i amamas tru, long wanem, wanpela bilong ol yet i dai olsem martir. Olsem na namba wan sut mak insait long bilip Islam, sapos yu wanpela Muslim i laik bihainim tru bilip bilong en, em long kilim arapela o arapela i kilim yu. Adnan, Kristen Arap bilong kantri Siria Islam Bilip bilong ol Muslim. Buk Koran Holi buk bilong ol. Allah God bilong ol Muslim. Allah u Akbar Allah em i Bikpela. Martir Man o meri i dai taim em i kilim ol arapela manmeri long nem bilong Allah. Palestain teroris boi i kilim gel na mama bilong em i amamas tru Wanpela teroris boi i kisim wanpela naip na em i go insait long haus bilong wanpela famili Israel na i kilim i dai wanpela gel i gat 13-pela krismas tasol. Ol polis i stap klostu na ol i harim krai bilong gel, na ol i ran i go insait na sutim dispela teroris na em tu i dai. Mama bilong Palestain boi i amamas tru taim pikinini boi bilong en i dai long han bilong ol polis bilong Israel. Em i dai olsem martir, mama i tok, na em i litimapim nem bilong Allah. Tasol ol niusman bilong ol Palestain i sutim tok long ol Israel na i tok, ol polis long Israel i kilim nating wanpela boi bilong ol. Bihain wanpela teroris meri i laik sutim ami bilong Israel taim ol i was long matmat. Tasol ol ami i kilim em na i painimaut olsem em i susa bilong dispela teroris boi i bin kilim gel Israel. Ol Inglis klas studen, Bible College Lae, taken from Israel Today (www.israeltoday.co.il) Gutpela Pasin 7
Nius Long Arapela Kantri Iran Ebrahim Firouzi em wanpela Kristen man long kantri Iran. Long Ogas 2013, ol polis i holim em wantaim tripela pren bilong en. Ol i tok ol i mekim rong, long wanem, ol i bilip long Jisas na long gutpela pasin ol i mekim. Bihain long sampela mun, ol i rausim tupela pren bilong en gen. Long Ogas 2014, ol i salim Ebrahim i go long narapela kalabus long narapela hap long dispela kantri. Ol i tok long rausim em long kalabus long stat bilong 2015 tasol ol i no rausim em na ol i tok long em i mas go kalabus 5-pela yia olgeta. Ebrahim i askim nau inap ol Kristen manmeri i ken helpim em long prea inap em i ken sanap strong na karim dispela hevi. Em i tok Jisas yet i bin soim mipela long wok bilong em antap long diwai kros na em i kisim bek yumi. Yumi mas lusim laip bilong yumi sapos yumi laikim tru God bilong yumi. Prea poin: Prea inap Bikpela i ken strongim Ebrahim long karim dispela bikpela hevi maski ol i mekim nogut long em. Prea Bikpela i ken lukautim na strongim bodi bilong em long ol kain kain sik. Prea inap Bikpela i ken opim wanpela rot long em i ken tokaut long bilip bilong en long ol arapela kalabus lain. Uganda Nasif i gat 9-pela krismas na em i wanpela boi bilong kantri Uganda insait long Afrika. Nasif i bilip long wok bilong Jisas na em i kisim Jisas long laip bilong em. Papamama na ol lain famili i no bin save taim sampela pren bilong em i kisim em long go lotu wantaim ol na long dispela taim em i tanim bel. Papa i painimaut olsem em i kamap Kristen olsem na em i taitim em long as bilong banana diwai na em i kukim em wantaim dispela banana diwai. Sori tru, dispela liklik boi i paia olgeta tasol Bikpela i holim yet laip bilong em. Sampela lain i stap klostu i helpim na em i kisim helpim long wanpela haus sik. Ol famili bilong em i no amamas tru long em, long wanem, em i lusim lotu Islam. Famili bilong Nasif i pretim ol pren bilong Nasif long bagarapim ol, long wanem, ol i tokaut long ol i mekim na Nasif i kamap Kristen. Prea poin: Prea long Nasif inap em i ken save klia olsem God i holim laip bilong em. Prea tu long em i ken kamap orait long dispela pen na sua em i gat na prea inap God i ken lukautim em, bai samting nogut i no ken bagarapim em. Prea long Papa bilong Nasif inap Bikpela i ken toktok long laip bilong en. Prea tu long ol arapela Muslim i save mekim nogut long ol Kristen long dispela hap. 8 Singaut 184 Septemba - Disemba 2016
Iran Saina Banglades Uganda Banglades Wanpela grup bilong ol Muslim lida i bagarapim sampela haus lotu na ol manmeri long kantri Banglades. Lidia, wanpela Kristen meri, i bin yusim wanpela wel wara we ol Muslim i tok nogat long ol Kristen i ken pulimapim wara. Lidia i no gat narapela hap long em i ken kisim wara, olsem em i mas kisim dispela wara ol Muslim i tok nogat long em. Bihain ol i kilim Lidia na i bagarapim haus bilong em na i bagarapim 12-pela arapela famili na haus lotu bilong ol tu. Tasol gavman i no mekim save long ol dispela lain long ol dispela pasin nogut ol i bin mekim. Prea poin: Prea long pasto bilong Lidia inap em i ken sanap strong na karim dispela hevi. Prea inap ol Kristen i ken kisim strong long tokaut long nem bilong Jisas namel long ol Muslim Prea inap man i kilim Lidia i ken kisim Jisas long laip bilong en. Long planti hap long dispela graun nau ol Kristen i karim planti hevi tru na ol i singaut strong long Jisas i mas kam hariap. Saina Gavman bilong kantri Saina i kalabusim Pasto Yang Hua, long wanem, em i bin tokaut long sampela pasin nogut i stap hait we gavman bilong Saina i save mekim. Em i stap moa olsem 6-pela mun nau long kalabus. Em i tok olsem, ol lain i kalabusim em i mekim nogut long em, taim em i stap insait long kalabus. Na tu ol i tokim em olsem, ol bai mekim nogut long famili bilong en, sapos em i no laik harim tok bilong ol. Pasto Yang i raitim wanpela pas long meri na pikinini bilong en na i strongim ol long bilip strong long plen bilong God. Em i strongim meri bilong em tu long holimpas bilip na sanap strong na go on long lukautim famili bilong ol. Ol loya bilong em i traim long painim sampela rot long helpim em. Prea poin: Prea long God i ken lukautim Pasto Yang wantaim famili bilong em na ol arapela husat i laik helpim em. Prea long ol woda na long avman. Bikpela i ken senisim tingting bilong ol na ol i ken marimari long em. Tenkyu long strong God i givim long dispela taim. Dispela strong na pawa bilong God i ken toktok planti long ol arapela kalabus lain. Manaseh Rumbai Gutpela Pasin 9
God i wok long Enga provins Ol man i wok long krai na planim kaikai, bai ol i ken amamas na kisim ol kaikai i mau. Tru tumas, ol man i krai na karim pikinini kaikai i go bilong planim, bihain bai ol i singim song bilong amamas, na kisim ol kaikai i mau na i kam. Buk Song 126.5-6 Lailam em i wanpela ples insait long Kompiam distrik long Enga Province. Long yia 2013 wanpela brata, nem bilong en Maku, i lusim dispela ples bilong em na i bung wantaim brata Yuants long Jiwaka Province. Yuants i tokim em olsem, Mi laik bringim Gutnius bilong dai na kirap bek bilong Jisas Krais long ples Lailam. Brata Maku i amamas tru na em i wanbel long tingting bilong brata Yuants. Ol i kirapim sios long dispela ples long 2014. Long 2015, wanpela pasto famili i kisim posting long Rum, insait long Lailam na ol i stat long autim Gutnius namel long ol manmeri bilong dispela hap. Inap long dispela taim ol manmeri i no kisim lait bilong Gutnius yet na em i kamap wanpela nupela samting tru long ol. Long dispela ples ol manmeri i no klia tumas long tok pisin na brata Maku yet i mas tanim tok inap ol manmeri i ken kisim gut ol tok bilong Baibel taim pasto i autim. Olsem tok i stap long Hagai 1.14a, Bikpela yet i kirapim tingting bilong ol manmeri na ol i wokim haus bilong ol i ken lotu long God long ples Rum. Long Jun 18, 2016 wanpela opening i bin kamap na planti manmeri long dispela veli i kam bung long dispela ples. Ol pasto i autim tok i stap long Matyu 11.28 na long 1 King 9.3 na i katim ribon long nupela haus lotu. Ol manmeri i amamas tru na i paitim han. Krai bilong amamas tu i pulap long ai bilong olgeta. Wanpela pikinini blesing tu i kamap na 30 pikinini i kisim blesing. Bikpela i helpim na sampela brata na susa i tanim bel tu long dispela taim. Yes, God i kisim biknem tru! Yumi laik tingim dispela ples long prea inap planti moa dua i ken op na Gutnius i ken karamapim olgeta hap long Enga Province. Charles Kaime, EBC Wabag (Mondomil Seket) Kikori Wok Misin (Gulf Provins) God i bin statim gutpela wok long Kikori long Gulf Provins na em bai wok i go i go na pinisim dispela wok long De bilong Bikpela Krais Jisas (Filipai 1.6). Sampela brata i planim tok bilong God long Kikori inap long 8-pela yia. Mipela wokman i planim sid tasol na God yet bai i givim ren na san na i mekim kaikai i kamap. Mipela i soim Jisas long ol manmeri bikos em yet i rot, tok tru na laip (Jon 14.6). Olsem na namba wan sut mak long Kikori i no long putim sainbot bilong EBC, em long soim Jisas long ol man i stap long tudak yet. Tasol long taim stret God i makim, long Oktoba 2015, ol brata i kam long eria visit na i bringim wanpela EBC sainbot we Jon 10.7 i stap long en. Long Sande Oktoba 4, 2015 wanpela bikpela lotu i kamap na ol brata i prea na i planim sainbot na i autim tok bilong God. TEE Greduesen tu i kamap long dispela lotu. 13-pela lain i greduet na i kisim setifiket. Sampela i tanim bel na i givim laip bilong ol long God. Yumi laik tingim ol na prea inap tok bilong God i ken kisim strong long laip bilong ol. Long dispela lotu sampela pablik sevent na kaunsil tu i kam na i tok olsem, em i namba wan taim ol i harim tok tru olsem Baibel i tok. God i ken kisim biknem na ona long dispela na em i ken wok yet namel long ol manmeri long Kikori inap ol i luksave long dai na kirap bek bilong Jisas. Yupela i ken go on yet na prea inap wok long Kikori i ken gro yet. Siune Kagl, EBC Kikori 10 Singaut 184 Septemba - Disemba 2016
Lainim Gutpela pasin Yumi papa na mama i mas tokaut klia long ol pikinini wanem pasin ol inap mekim na wanem pasin ol i no inap mekim. Yumi ken sindaun wantaim ol pikinini bilong yumi na wokim sampela rul na raitim ol long wanpela pepa na hangamapim pepa long wol inap olgeta i ken lukim na bihainim. Wanem em i sut mak bilong ol dispela rul? Sapos pikinini i lainim long bihainim ol gutpela pasin, bai famili i stap gut na pikinini bai i stap gut long bihain taim tu. Yumi ken tingim tu wanem panismen i mas kamap sapos wanpela bilong ol pikinini i brukim ol rul na i sakim tok. Tasol taim yumi stretim pikinini, yumi laik stretim em wantaim gutpela tingting na wantaim laikim bilong yumi. Ol famili rul 1. No ken giamanim arapela 2. Yu no inap kisim samting i no bilong yu yet 3. No ken pait 4. No ken kisim kaikai nating, askim pastaim 5. Klinim tit long moning na long apinun 6. Kam bek hariap taim skul i pinis 7. ------- 8. ------- 9. ------- Olgeta memba bilong dispela famili i tokaut long wanpela rul. Yu inap painimaut husat i tokaut long wanem rul i mas stap long famili? Mi inap mekim Gutpela Pasin? Gutpela mi laik mekim, em mi no save mekim. Na nogut mi no laik mekim, em mi save mekim. Rom 7.19 Olsek na ki kas senisik tingting nogut bilong ki, na tanik bel, na bai God i rausik ol sin bilong ki. Aposel 3.19 Rausim olgeta K na putim M Gutpela Pasin 11
Testimoni Mi kamap fri long kalabus bilong Satan Mi wanpela boi i save go kam long lotu, Sandeskul, yut felosip na mi save joinim ol rivaivel tim long go autris. Tasol pasin nogut i bagarapim tru laip bilong mi. Wanpela Sande Kristen tasol Kain kain pasin nogut bilong dispela graun i holimpas laip bilong mi na bikpela tudak i raunim mi tru. Pasin bilong tok giaman long arapela bel na kisim Bikpela Jisas Krais long laip bilong mi. Mi bin tokaut long olgeta sin bilong mi na pasto i bin prea wantaim mi na i ritim tok i stap long 1 Jon 1.9, Tasol sapos yumi autim sin bilong yumi, orait God bai i mekim olsem em i bin tok. Em bai i mekim stretpela pasin na lusim sin bilong yumi. Na em bai i rausim olgeta pasin nogut i stap long yumi na mekim yumi God i save long yu na mi Buk Song 51.5 na 40.2 na Rom 3.23 i tokaut gut long bak graun bilong mi. Yes mi bin stap wanpela lus boi stret! Long ai bilong ol man mi no gutpela Mi no bin go skul gut, long wanem, long ai bilong ol man mi no gutpela. Tasol tude mi save, Papa God i laikim mi moa yet na mi dia tru long ai bilong en. Tru, mi bin go Sandeskul planti taim, tasol tok bilong God i no klia long bel na tingting bilong mi. na stilim samting bilong arapela na tok nogut na singsing nogut na ol arapela pasin tu i kalabusim mi tru. Oltaim mi save mekim ol dispela kain pasin na bihain long Sande mi save kamap olsem klinpela boi tru na go long Sandeskul na lotu, tasol nogat senis long laip bilong mi i kamap. Mi hangamap long bilip bilong papamama na ol bratasusa bilong mi. Tok bilong God i sutim mi stret! Wanpela taim long Krismas long 2004 wanpela pasto i autim wanpela tok i bin sutim mi stret. Long dispela taim mi tingim laip bilong mi. Na long dispela nait stret mi bin tanim i kamap klin. Olsem na nau mi amamas na tok tenkyu long bikpela marimari na sori bilong Papa God na Jisas Krais long laip bilong mi. Jisas i rausim kalabus bilong mi pinis na em i laik mekim wankain long yu tu. Nogat taim ya! Kam long Jisas nau! Joel John, EBC Tau (Sepik) Kristen laip em bai amamas tasol? Long 1997 Papa God i soim mi long Hibru 9.27 long wanpela taim bai mi dai na bai mi sanap long kot bilong God. Bai mi givim wanem ripot long em? Olsem na long yangpela laip bilong mi, mi givim mi yet olgeta long God na mi stat long bihainim em. Mi bin ting bel isi na amamas tasol bai i stap. Tasol hevi bilong graun tu i stap. Tasol mi tenkyu long Papa God long helpim bilong mi i stap (Matyu 28.20 na 1Jon 2.1). Taim mi karim hevi na wari wantaim aiwara i go long Jisas, em i redi long helpim mi. God i soim mi olsem, em i no inap lusim mi. Yangpela gel na boi, mi laik tokim yu olsem. Maski ol man i lukim yu o nogat. Dispela God i bin singautim yu, em i save tru long yu! Tromoi hevi na wari bilong yu long em wanpela tasol na stap bel isi. Philip Irai, South Chimbu 12 Singaut 184 Septemba - Disemba 2016
Mi bai was long ol pikinini gel bilong yu! Taim mi marit, man bilong mi i stat long paitim mi na em i wok long daunim mi tru! Tasol mi bin stap wanpela gutpela Muslim meri, olsem na mi bilip, man bilong mi i gat rait long mekim ol dispela pasin nogut. Long dispela taim mi gat sampela Kristen pren na mi save stap planti taim wantaim ol. Mi prea long Allah, God bilong ol Muslim, inap em i kisim bek ol. Tasol em i luk olsem Allah i no harim ol prea bilong mi. Wanpela de mi prea long God bilong ol Kristen na mi tok, Sapos yu stap laip, plis senisim man bilong mi inap em i lusim pasin bilong paitim mi! Long dispela taim stret man bilong mi i no paitim mi wanpela taim moa. Go long haus lotu bilong ol Kristen! Olsem na mi stat long painim dispela God i bin harim prea bilong mi. Wanpela taim mi driman long wanpela man i gat ol waitpela klos i sain tru. Insait long driman dispela man i tokim mi long painim em. Em i soim mi wanpela Kristen TV progrem na mi stat long lukim. Liklik taim bihain dispela man i kamap long mi gen na i tokim mi long go long wanpela Kristen haus lotu. Tasol mi kirap nogut. Mi, wanpela Muslim meri? Nogat tru! Tasol dispela tingting i kamap strong long mi na wanpela de mi go insait long wanpela haus lotu bilong ol Kristen. Long hap mi askim wanpela pasto long givim mi wanpela Baibel. Dispela pasto i pret, long wanem, em i tambu tru long ol Kristen i autim tok long ol Muslim. Tasol em i givim mi wanpela Baibel na mi stat long ritim na skelim wanem tok mi ritim wantaim ol tok i stap long buk Koran. Na tu mi prea planti inap taim i kamap na mi givim laip bilong mi long Jisas. Yu redi long bihainim mi olgeta? Planti yia mi inap haitim Kristen bilip bilong mi. Tasol wanpela de, Bikpela i askim mi, Yu redi long bihainim mi olgeta? Na mi tokim em, Yes, Jisas, mi bihainim yu pinis. Tasol bihain em i askim mi wanpela hatpela kwesten, Yu redi long lusim tupela pikinini gel bilong yu long nem bilong mi? Wanpela bikpela pen i brukim bel bilong mi stret. Tude yet, taim mi tingim dispela samting, aiwara i wok long kamap. Tasol mi bin i gat laik tru long bihainim Jisas olgeta. Olsem na mi tok, Bikpela, mi givim yu olgeta samting, ol pikinini gel bilong mi tu. Bihain mi tokaut long man bilong mi long mi bin kamap Kristen. Man i rausim mi na i tambuim mi long lukim ol pikinini gel bilong mi gen. Papamama bilong mi i rausim mi tu na mi wan i stap. Insait long dispela taim wanpela Kristen meri i bin stap klostu long mi na i helpim mi. Wanpela promis God i givim mi Insait long Jisas mi luksave olsem, mi dia tumas long ai bilong God. Long spirit mi stap fri. Tasol dispela pen long lusim ol gel bilong mi i stap strong tru yet na planti taim mi wok long krai. Tasol wanpela de God i toktok long mi na em i promisim mi long lukautim tupela pikinini bilong mi na em i tok, Mi bai singautim ol na ol bai kam long mi tu. Laip bilong mi i no sef. Long kantri bilong mi, ol man inap kilim wanpela meri olsem mi, long wanem, mi bin givim baksait long Muslim bilip. Tasol mi stap long strongpela han bilong God na marimari bilong em i raunim mi. Anna, kantri Isip Gutpela Pasin 13
Liklik Baibel Skul Baptais long Wara Baptais long wara i gat wanem kain mining? Long Baibel i gat planti tok bilong baptais, tasol nau yumi laik lukim baptais bilong ol bilip manmeri long wara. Em i mak o piksa tasol long gutpela senis i kamap insait long bel. Taim man o meri i go insait long wara na i kam aut gen, em i tokaut long dispela senis Jisas i bin mekim insait long bel bilong em. Husat i ken kisim baptais? Ol manmeri i laik baptais, ol i mas dai long pasin bilong sin na olpela pasin, na holim strong dispela tingting long ol i no stap moa aninit long strong bilong sin (Rom 6.2-11, Efesus 2.1). ol i mas redi long autim sin, na amamas olsem sin bilong ol, Bikpela i lusim pinis (1 Jon 1.9). ol i mas amamas olsem Holi Spirit i givim nupela laip long ol na ol i kamap pikinini bilong God. Wanwan de wokabaut bilong ol i kamapim kaikai bilong tanim bel (Matyu 3.8). Na insait long nupela wokabaut bilong ol, ol i save bihainim tok bilong God long stap tru long marit na bisnis laip. Laikim tru God i gro long bel bilong ol, olsem na ol i no laikim moa pasin nogut. Tasol ol i amamas long bihainim tok tru bilong God (1 Korin 13.6). Ol bilip manmeri i testimoni na i tokaut Ol bilip manmeri ol i laik kisim baptais, ol i save tokaut long ai bilong ol manmeri na long ol samting bilong heven na long ai bilong olgeta samting i stap hait olsem. Mi bin hangamap wantaim Jisas long diwai Kros. Mi bin dai wantaim Jisas. Ol i bin putim mi long matmat wantaim Jisas. Dispela em 14 Singaut 184 Septemba - Disemba 2016
i trupela mak bilong baptais long wara i kamap ples klia (Rom 6.3-4). Mi bin kirap bek wantaim Krais long matmat (Rom 6.4b). Mi no moa stap wokboi bilong sin na Satan (Rom 6.6). Mi stap wokboi bilong Jisas insait long banis bilong em (Rom 6.18). Mi stap memba bilong bodi bilong Krais. Em sios bilong God (1 Korin 12.13). Long nem bilong Jisas, mi tok nogat long bihainim kain kain bilip bilong man na tu long bihainim pasin nogut bilong ol. Nau mi tokaut olsem laip bilong mi em i bilong Jisas Krais, em i Bikpela na king bilong mi. Mi pasim tingting pinis long bihainim em inap long em i kam na kisim mi i go antap na stap wantaim em long gutpela ples bilong em. Baptais i no inap givim nupela laip I gat sampela as olsem na mipela i no kolim wara baptais olsem holi sakrament. Bilong wanem? Ol man i save tok, baptais em i wanpela holi sakrament, ol i save ting olsem God i givim nupela laip long taim bilong baptais stret. Tasol wara bilong baptais i no inap klinim bel bilong ol man. Nogat. Em blut bilong Jisas tasol i save wasim bel bilong man (1 Jon 1.7). Olsem na wara baptais bai i no inap givim nupela laip long ol man. Nogat. Holi Spirit na tok bilong God tasol i save givim nupela laip long husat i bilip long Jisas (Taitus 3.5). Yumi ken skelim na tingim dispela tok. Sampela i save tok, taim wanpela pikinini i liklik yet na i kisim baptais long wara, sin bilong dispela pikinini i pinis, na em i kamap pikinini bilong God. Sapos dispela pikinini i dai, em bai i go stret long heven. Tasol Baibel i tok, olgeta man i bin mekim sin (Rom 5.12). I gat wanpela rot tasol long yumi ken kamap pikinini bilong God, em long rot bilong bilip long Jisas tasol (Jon 1.12). Olsem na yumi mas skulim gut ol pikinini bilong yumi long rot bilong bilip na olsem wanem ol i ken kamap pikinini bilong God na ol i no ken bilip long narapela rot. Givim blesing long ol pikinini Long taim bilong Jisas ol i kisim ol pikinini i kam long em na em i givim blesing long ol (Mak 10.16). Na em i holim ol pikinini long han bilong en, na i putim han antap long ol, na em i askim God long mekim gut long ol. Long dispela as mipela i no save baptaisim ol pikinini, tasol mipela i save bringim ol long God na ol pasto i save putim han antap na prea long ol long God i ken lukautim ol inap long ol i kamap bikpela insait long marimari bilong God. Taim ol i bikpela pinis, ol yet i ken kisim singaut bilong God na tanim bel long kamap pikinini bilong God na redi long go long heven tu. God i ken blesim yu. Michael Robert, taken from Bible Based Teaching Sampela moa tok i stap long buk Kamap Kristen ol Singaut Kristen Bukstua i save salim. Gutpela Pasin 15
50 Gutpela Pasin MOKS I MAS LAINIM LONG TOK YES O NOGAT Rot bilong kamapim Gutpela Sindaun Yumi olgeta i save amamas long stap wantaim ol man i gat gutpela pasin. Ol i save toktok gut long yumi na ol i save mekim gutpela pasin long yumi. Dispela i kirapim laik long yumi tu i mas i gat gutpela pasin. Tasol, long wanem rot stret bai gutpela pasin i kamap long laip bilong yumi? Na God i laikim wanem kain gutpela pasin i kamap long yumi? Buk i stap long Singaut Christian Bookstore Klostu long yu! nupela buk Position Vacant for Elementary Teacher Yumi laik helpim ol pikinini bilong yumi long wokim ol gutpela disesen. Ol yet i ken lainim long tok NOGAT long ol pasin nogut na tok YES long ol gutpela pasin. Are you: a registered Elementary Teacher a born again Christian interested in working with children so full of God's word that you want to share it with the kids willing to use your skills and energy for God's work? Yes? Send a letter of interest and attach your Teaching Certificate and School Certificate to the following address... 6 Mile Elementary School P.O. Box 996 Lae, 411, Morobe Province Contact Number: 72076034 16 Singaut 184 Septemba - Disemba 2016