September - December 2018 No. 190 Magazine of the Evangelical Brotherhood Church Jisas Krais Tewel o Samting Tru? Blut bilong sipsip, Hauslotu Sel, Wok Pris Sabat Kaikai slotu Sel, Wok Pris
Editorial / Tok i go paslain Dia pren, Tok bilong Sabat, lo na Sande i laik kamapim bikpela hevi long tingting bilong yumi. Bilong wanem, planti giaman tising ol man wok long autim long strit, taun na long redio... Sabat God i givim ol Israel long ol i ken tingim God long rot bilong lotu long em, autim tok na mekim gutpela pasin long helpim ol man. Tasol ol Israel i mekim de Sabat olsem spesol de, na ol i putim sampela lo bilong ol man i no ken mekim wanpela wok o karim samting long de Sabat. Tasol Jisas i tok long Mak 2.27, God i no putim ol manmeri bilong helpim de Sabat. Nogat. Em i putim de Sabat bilong helpim ol manmeri. Jisas wantaim ol disaipel bilong en i wokabaut long gaden na kisim wit long Sabat. Ol Farisi i lukim na ol i kam askim Jisas long dispela pasin bilong kisim kaikai long Sabat em i tambu. Tasol Jisas i tok, Pikinini Bilong Man em i bosim de Sabat. Yu ken ritim Matyu 12.1-8. Aposel Pol, em i wanpela man i kam aut long pasin bilong lotu bilong ol Israel, i tok long pasin bilong kamap stretpela em long rot bilong bilip. Yumi save, Krais em inapim pinis lo bilong Moses, bai olgeta manmeri i bilip long Krais, ol i ken kamap stretpela manmeri long ai bilong God. Rom 10.4 Pol i tok tu long rot bilong kisim Holi Spirit. Mi laik askim yupela long wanpela samting tasol. Yupela i kisim Holi Spirit long wanem rot tru? Long rot bilong bihainim lo? O long rot bilong harim gutnius na bilip? Galesia 3.2 Yumi ken ritim gut Baibel, em bai soim yumi laik bilong God we Jisas i kam na soim yumi. Tim bilong Singaut Magazine i salim planti griting long yu. Michael Robert Contents Tewel o samting tru?.....3-5 Shadow o reality?...6 Nius Long Israel...7 Nius Long Arapela Kantri. 8-9 Sios Nius... 10-11 Testimoni... 12-13 Liklik Baibel Skul... 14-15 Advertisement...16 About us Yu ritim Singaut Magazine pinis na sampela askim i kirap? O yu luksave olsem yu nidim helpim long stretim laip bilong yu? Orait, yu ken go lukim wanpela pasto long ples bilong yu o yu ken rait long mipela tim bilong Singaut Magazine long dispela adres. EBC Publications Department Markham Road 6-Mile P.O. Box 996 Lae, 411, MP Papua New Guinea Phone: (675) 7373 4080 Email: ebc_print@hotmail.com 2
TEWEL O SAMTING TRU? GOD I GIVIM BAIBEL LONG YUMI Long gutpela tingting na save bilong em God i bin givim yumi wanpela buk yumi ken ritim na luksave long laik na plen na tingting bilong en long laip bilong yumi ol manmeri. OLPELA NA NUPELA TESTAMEN Yumi save brukim Baibel long tupela hap Olpela Testamen (OT) na Nupela Testamen (NT). Long OT God i skulim yumi long sampela ol ki poin olsem. God i mekim olgeta samting i kamap Sin i kamap long dispela graun God i kirapim ol lain pipel bilong en na givim lo long ol Wanem samting i kamap long kantri Israel God i toktok long ol lain Israel long maus bilong ol profet God i yusim dispela taim bilong OT long redim na makim na soim rot bilong pikinini bilong em Jisas Krais bai i kam long dispela graun bilong kisim bek yumi. Olpela Testamen em i piksa buk bilong Nupela Testamen. Nupela Testamen em i hait insait long Olpela Testamen. Olpela Testamen i kamap ples klia long Nupela Testamen. OT Ausait Bodi Tewel Long NT God i skulim yumi long sampela ol ki poin olsem. Jisas Krais, pikinini bilong God i kamap man Jisas Krais i skulim ol manmeri long pasin bilong God Jisas Krais i dai na kirap bek bilong bringim yumi manmeri i go long God Holi Spirit i kam i stap wantaim ol manmeri i bilip na sios i kamap Ol aposel i givim tok skul long sios na laip na wokabaut bilong ol Kristen God i soim yumi wanem samting bai i kamap long las taim Wanem samting God i bin redim na promis long taim bilong OT i kamap tru long taim bilong NT. I no gat narapela man i inap kisim bek yumi. Nogat. Long nem bilong Jisas wanpela tasol yumi olgeta manmeri bilong graun inap i stap gut. Em wanpela tasol God i bin makim bilong kisim bek yumi. Aposel 4.12 NT Insait Spirit Samting tru OLPELA KONTRAK NA NUPELA KONTRAK Olpela Testamen na Nupela Testamen tu i minim Olpela na Nupela Kontrak. God i bin wokim kontrak wantaim ol tumbuna papa olsem Noa, Abraham na Moses. Em i bin givim ol 10-pela lo na ol arapela lo bilong stiaim laip na wokabaut bilong ol. Em i bin givim ol tok stia bilong wokim tempel na kilim ol abus olsem ofa bilong tekewe sin. Ol lain Israel i bin stap aninit long dispela kontrak na tok stia. Long taim Jisas Krais i bin kam, God i wokim nupela kontrak wantaim yumi. Baibel i tok long Luk 22.20b olsem, Jisas i tok, Dispela kap wain em i nupela kontrak mi mekim long blut bilong mi, em mi kapsaitim bilong helpim yupela. Jisas Krais yet i bin skulim ol manmeri long pasin na laik bilong God. Em i bin inapim olgeta laik bilong God long laip bilong em. Moa yet em i bin bungim olgeta sin bilong yumi long bodi bilong en na dai long 3
diwai kros na inapim belhat bilong God long sin bilong yumi. God i bin kirapim Jisas bek na long dispela rot em inap long givim nupela laip long ol manmeri i aninit na bilip long em. Dispela nupela kontrak bilong Jisas Krais i kisim ples bilong olpela kontrak. Tingim wanpela tok piksa. Inap long 1975 kantri Papua Niugini i bin i stap aninit long lo na konstitusen bilong kantri Australia. Tasol long 16 Septemba long 1975 Papua Niugini i bin kisim indipendens na i kamapim konstitusen na lo bilong em yet. Nau yumi olgeta Dispela ol samting ol i olsem ol piksa nating bilong ol samting i laik kamap bihain. Tasol Krais em i samting tru. manmeri bilong Papua Niugini i stap aninit long dispela nupela lo na konstitusen. Wankain long Baibel. Tude yumi stap aninit long nupela lo na kontrak bilong Jisas Krais. TEWEL NA SAMTING TRU God yet i tokim yumi insait long Baibel olsem, ol samting bilong Olpela Testamen i stap olsem tewel bilong samting tru. Olsem na yupela i no ken larim wanpela man i sutim tok long yupela, na tok yupela i no bihainim ol lo bilong kaikai na dring na ol lo bilong ol bikpela de bilong lotu na bilong ol lotu bilong nupela mun na bilong de Sabat. Kolosi 2.16-17 Dispela ol samting ol i olsem ol piksa nating bilong ol samting i laik kamap bihain. Tasol Krais em i samting tru. Long taim bilong Olpela Testamen planti samting i bin kamap long sait long bodi bilong soim na makim samting tru bai i kamap long sait long spirit long taim bilong Nupela Testamen. (Lukim lista long tok Inglis aninit long SHADOW or REALITY ). Olsem na oltaim yumi mas ritim tok bilong Olpela Testamen wantaim aiglas bilong nupela Testamen. OLSEM WANEM LONG DE SABAT? Long namba 4 lo God i bin tokim ol lain Israel olsem ol i mas tingim gut de Sabat. Long Kisim Bek 31.17 yumi lukim olsem, em i bin givim ol Israel dispela de olsem wanpela mak bilong kontrak. Long taim Jisas i bin kam long dispela graun, em i bin skulim ol manmeri na i tok, as bilong lo em i pasin bilong laikim God na laikim ol arapela manmeri (Matyu 22.37-40). Em i bin tok long husat manmeri i ken amamas. Em ol manmeri i krai i stap na ol manmeri i save daunim nem bilong ol yet na ol manmeri bel bilong ol i klin (Matyu 5.2-12). Tasol em i no bin tok long ol manmeri i bihainim lo bilong namba seven de Sabat, ol i ken amamas, nogat. 4
Em i bin tokaut long sampela lo bilong Moses na em i bin skruim mining bilong ol. Tingim namba 7 lo. God i bin tokim ol lain Israel olsem, Yupela ol marit, yupela i no ken mekim pasin pamuk. Kisim Bek 20.14 Na Jisas yet i bin tok wanem? Tasol mi tokim yupela olsem, sapos wanpela man i lukim wanpela meri na i gat mangal nogut long em, dispela man i mekim pasin pamuk pinis long bel bilong em. Matyu 5.28 Sampela moa lo olsem em i bin skruim mining bilong ol. Tasol em i no bin skulim lo bilong de Sabat. Jisas i bin tok, Pikinini Bilong Man em i bosim de Sabat. Matyu 12.8 Moa yet Jisas i bin tok long wanpela malolo ol manmeri i ken kisim, husat ol i kam long em na pas wantaim em na kisim save long em (Matyu 11.28 / Hibru 4.1-13). Olsem na long wok bilong Jisas Krais long diwai kros yumi ken kisim malolo tru. Em dispela malolo long hatwok bilong stap aninit na bihainim man nogut Satan. Em i no malolo bilong wanpela de tasol, nogat. Em i malolo bilong oltaim oltaim. Long sait long bodi tu yumi save malolo long wanpela de bilong wik, bikos God i bin plenim olsem long taim bilong kriesen. Yumi stap aninit long nupela kontrak na yumi gat fridom long malolo long Sarere o Sande o arapela de bilong wik. Tasol em tu i gutpela long yumi inapim stia bilong gavman na yumi malolo long wanem de gavman i makim. Nogut wanwan man i malolo long wanpela de long laik bilong em yet. Stat long taim Jisas Krais i bin go bek long heven, planti taim ol disaipel i save bung na lotu long namba wan de bilong wik, bikos em i dispela de Jisas Krais i bin kirap bek long matmat (Aposel 20.7). Br Christoph Nyffenegger EBC Goroka 5
SHADOW OR REALITY? As we study the Old Testament (OT) and New Testament (NT) we realize that very often the OT talks about things with an outward and physical appearance which has an inward and spiritual meaning in the NT. Or as the Bible puts it: Shadow and reality! Following there are seven examples. In order to get the full picture, please also read the respective verses from the Bible! Example OT Outward Physical Shadow Blessing of Abraham To be fruitful and increase in number; take possession of the land Canaan. (Genesis 28:3-4) NT Inward Spiritual Reality Redemption and reception of the Holy Spirit through Jesus Christ that s the real blessing of Abraham! (Galatians 3:14) Circumcision A physical sign of the covenant between God and Abraham. (Genesis 17:9-14) Putting off the sinful nature that s the real circumcision done by Jesus Christ! (Colossians 2:11) Blood of Passover lamb Manna in the desert Water from the rock Tabernacle / Temple Rest Through the blood of the Passover lamb the Israelites were delivered from slavery in Egypt. (Exodus 12 13) The Israelites were fed with Manna during the desert wandering. (Exodus 16) Moses struck the rock in the desert and water came out for the Israelites to drink. (Exodus 17:1-7) The Israelites had to build the tabernacle / temple and to look after it. (Exodus 25 40) The Israelites were told to keep the Sabbath the rest on that particular day. (Exodus 20:8-11) Redemption and forgiveness of sins through Jesus Christ that s the real freedom believers experience from the bondage of sin and Satan! (Ephesians 1:7 / Hebrews 9:12) Jesus Christ is the living bread that came down from heaven. Whoever eats of this bread will live forever that s the real Manna! (John 6:51) Jesus Christ is the rock (1 Corinthians 10:4). He was struck (Isaiah 53:5). Jesus gives living water and eternal life (John 4:10+14). The Christian community is God s temple (1 Corinthians 3:16 / Ephesians 2:21-22). The Christian s body is the temple of the Holy Spirit (1 Corinthians 6:19). Jesus Christ came to lead us into the true Sabbath-rest and to release us from the burden of sin. (Matthew 11:28 / Hebrews 4:9-10) A GOOD IMPRESSION OR NEW CREATION? Those who want to make a good impression outwardly are trying to compel you to be circumcised. The only reason they do this is to avoid being persecuted for the cross of Christ. Not even those who are circumcised obey the law, yet they want you to be circumcised that they may boast about your flesh. May I never boast except in the cross of our Lord Jesus Christ, through which the world has been crucified to me, and I to the world. Neither circumcised nor uncircumcised means anything; what counts is a new creation. Peace and mercy to all who follow this rule, even to the Israel of God. (Galatians 6:11-16) Ps Francis Gimifeh, EBC Goroka 6
OL HAMAS: MIPELA BAI I KISIM JERUSALEM BEK Ol lain Hamas i tok olsem: Namba wan samting long tok pait namel long ol lain Israel na ol Hamas em i olsem. Ol Hamas i mas kisim olgeta hap graun, we i holi na bikpela long ol Muslim na ol Kristen wantaim. Tupela samting we ol i laik kisim em i taun Jerusalem na Al-Aksa-Mosk. Dispela mosk (haus lotu bilong ol Muslim) em i stap long Jerusalem, long hap we Tempel i bin stap bipo. Ol Hamas i bin tok olsem ol i wok wantaim ol lain Palestain. Tupela i laik pait wantaim ol lain Israel inap ol i kisim ol dispela hap graun. Bihain ol i laik wokim kantri Palestain wantaim biktaun Jerusalem. HOLIDE KEM BILONG OL PIKININI Mun Ogas em i taim we ol pikinini bilong Israel i gat skul holide na em i gat planti kem bilong ol pikinini we ol i ken amamas na pilai wantaim. Ol lain Hamas tu bai i wokim ol kem bilong ol pikinini. Tasol long kem bilong ol lain Hamas ol bai i lainim ol pikinini long pait na kamap wanpela gutpela soldia long pait wantaim ol Israel. Ol pikinini bai i yusim ol samting tru long pait. ISRAEL I MAS BAIM «BIKPELA PRAIS TRU» Donald Trump, presiden bilong USA, i bin mekim disisen olsem, Jerusalem em i biktaun bilong kantri Israel. Embassy bilong USA i bin stap long Tel Aviv inap long mun Me long dispela yia, na nau em i stap long Jerusalem. Tasol nau tok i kamap pinis olsem Jerusalem em i wanpela presen long ol lain Israel na long taim bilong neks miting wantaim ol lain Palestain ol lain Israel i mas baim prais long dispela presen. Sapos ol lain Israel i laik pait wantaim ol lain Palestain na pinisim hevi, ol i mas givim ol gutpela samting nau long ol lain Palestain. Ol minista bilong Israel i wari planti nau long ol lukluk na tingting bilong ol arapela kantri insait long dispela hevi. Margit Hausammann, EBC Orobiga, taken from Israel Today (www.israeltoday.co.il) 7
Nius Long Kantri Arapela ERITREA Planti yangpela Kristen manmeri i kam aut long haus kalabus bihain long 4-pela yia olgeta. Ol i sainim wanpela pepa na i tok ol i no inap i stap insait long wanpela lotu i no regista long en. Ol i no save wanem as stret na ol i rausim ol tasol ol i prea yet bai planti Kristen i ken kam aut na stap wantaim ol famili gen. Planti Kristen i stap yet long kalabus na haus kalabus i no gutpela. Planti manmeri i save dai na sampela i save kisim kain kain sik long bodi bilong ol tu (disability). Tenkyu long Papa God long ol i rausim ol Kristen long kalabus na prea bai God i strongim ol moa yet long bilip. Prea bai planti Kristen i stap long haus kalabus bai luksave olsem God i stap wantaim ol. Prea bai God i ken wok yet long bel bilong ol lida bilong kantri inap ol i ken luksave long stretpela pasin na pasin bilong belgut long narapela. TEKI Presiden bilong Teki i putim sampela lo long kantri we em bai stopim ol Kristen long ol i no mas bung na lotu. Wanpela pasto i tok ol Kristen i save bung long wanwan haus bilong ol bai i no kamap moa bikos long ol dispela lo. Sampela lotu i gat ol sampela polis man i save stap ausait na was long ol long taim bilong bung. Tasol yet planti Kristen i pret long kam long ol lotu bikos long ol lo presiden bilong Teki i putim. Prea inap Holi Spirit i ken rausim ol pret long laip bilong ol na kirapim ol long go on na lotu wantaim gen. Prea long presiden na ol lain bilong em bai ol tu i ken kam long Jisas. 8
IRAN Ol polis i bin paitim Pasto Yousef na pikinini boi bilong en Daniel. Long ai bilong ol famili ol i kisim Pasto Yousef i go long Evin haus kalabus. Bihain ol i bin baim fi long em i kam bek long haus. Ol polis i bin holim gen ol 4-pela Kristen na putim ol tu long kalabus. Ol polis i no wanbel long sampela pasin ol dispela Kristen i bin mekim long ol sekuriti taim pasto i stap long haus kalabus. Bai ol kisim 10-pela yia olgeta long slip long haus kalabus. Pasto Yousef i bin slip long kalabus sampela yia i go pinis. Prea bai God yet i ken strongim Pasto Yousef na famili. Prea tu long ol lain i stap long haus kalabus inap ol i ken trastim God na tingim ol promis bilong God long kain taim olsem. SAINA Ol lotu long Saina i no amamas wantaim gavman bilong ol na ol i raitim 3-pela bikpela poin long ol olsem: 1. Lo bilong kantri i tok gavman i mas rispektim na lukautim ol rait (protect rights) bilong ol manmeri. Olsem na yumi no ken toktok long husat i lotu na husat i no lotu o yumi i ken lotu long wanem kain lotu. 2. Kain kain lotu i stap tasol yumi olgeta i stap wanpela bodi bilong Krais. Long taim bilong hevi yumi mas karim hevi bilong narapela. 3. Yumi mas sanap long tok tru wanpela tasol. Prea God i ken stiaim ol sios lida na givim gutpela tingting long ol. Prea gavman i ken rispektim ol rait bilong ol manmeri long Saina. Prea bai ol Kristen long Saina i ken i gat paia bilong Jisas long bel bilong ol. Matthew Kumiye 9
TEE Greduesen Pepik Olo man! Planti ka i save lain ap, ol minister wantaim memba bilong palamen na planti manmeri i save bung long witnesim greduesen bilong ol bikpela kolis long PNG. Ol manmeri i save amamas long lukim husat i stadi hat na i laik kisim setifiket. Tasol planti i gat wari tu long painim ol wok bihain. Dispela em i driman na sutmak bilong ol manmeri tude. Aiy oh! Ol TEE studen bilong Banzpe, Injkak na Mise i amamas tru long lain ap na singim ol welkam song. Ol Kristen wantaim arapela manmeri i singsing wantaim na i go sindaun insait long haus lotu. Man, amamas tru i pulap insait long bel. Dispela em i kaikai na blesing tru bilong stadi ol i wokim long kos Lotu Tru Long God. Bipo planti Kristen i ting, lotu em i taim ol i bung long Sande na wanpela i bosim lotu na narapela i autim tok bilong God. Ol i kam bilong lukim na harim tasol. Dispela kranki tingting i pasim ol long lotu tru long God. Long Olpela Testamen ol manmeri i bung long tempel long Jerusalem bilong lotuim God. Tasol taim Jisas i dai long diwai kros, em i opim nupela rot long yumi kam long God na lotuim em. Long nem bilong Jisas, yumi lotuim God long olgeta de na long olgeta ples (Jon 4.21). Lotu i no long Sande na long taim bilong bung tasol. Nogat. Lotu tru i kamap taim yumi givim biknem long God na amamas long em oltaim. Taim yumi lotuim God long strong bilong Holi Spirit na long pasin i tru God i amamas na kisim biknem (Jon 4.24). Pasin tru bilong lotu i no stap nambawan long laip bilong planti Kristen na long sios tude. Ol kain kain samting i stap nambawan long laip na i kisim ples bilong God. Ol kain samting olsem mani, kago, spot o famili i kamap olsem giaman god. Ol Kristen i gat dispela hevi na i mas was gut. Dispela i mekim na tingting na bel bilong ol Kristen i stap longwe long God taim ol i go long lotu. God i tokim ol Israel long Aisaia 29.13, Ol dispela lain manmeri i save litimapim nem bilong mi long maus bilong ol, tasol bel na tingting bilong ol i stap longwe tru long mi. Ol i no save lotu tru long mi. 10
Taim bel na tingting i stap longwe, God i no amamas long dispela lotu. Yes ol studen i kisim bikpela helpim na blesing long dispela kos Lotu tru long God. Long ol faivpela haus lotu brata Robert Tora i lukautim 103 manmeri na yangpela i mekim dispela kos. Na 52 studen bilong Banzpe, Injkak na Mise i greduet long 15 Julai. Na long de 29 bilong Julai narapela 51 studen bilong Pepik na Korkor i greduet. Ol brata susa, yumi tu i laik mekim planti kos. Dispela bai helpim yumi long stap disaipel tru bilong Jisas. Na Bikpela Jisas bai kapsaitim planti blesing long spirit bilong yumi. Sapos yu laik mekim wanpela kos, rait i go long EBC Pablikesen Dipatmen Lae. Ol bai i helpim yu. Jon Nombril, EBC Kundjmung Kugark Seket Hauslotu opening long Yauna Stesin God i kirapim ol brata susa long Yauna na ol i bin wokim bikpela hauslotu. Opening bilong dispela hauslotu ol i bungim wantaim 13 Rivaivel Aniveseri Konvensen. Opening i kamap long Sarere 8 Septemba 2018. Ol tripela brata long Het Komiti i bin openim wantaim dispela tok long Efesus 2.20-21, Yupela i olsem haus God i wokim. Em i bin planim mipela aposel wantaim ol profet olsem pos bilong dispela haus. Na Krais Jisas em i namba wan pos tru. Ol manmeri i kam long Lae na i go inap long Jiwaka long witnesim Rivaivel Aniveseri Konvensen wantaim opening tu. God i bin strongim ol kongrigesen long Yauna Seket na ol i redim bikpela kaikai tru long opening tu. God i bin blesim lotu na ol manmeri i kisim nupela strong gen long pasin bilong lotu long God wantaim planti gutpela song. God i ken kisim biknem long olgeta gutpela wok em i bin mekim long Yauna Seket. Michael Robert, Bible College Lae 11
TESTIMONI Dia ol bratasusa. Long nem bilong Bikpela Jisas Krais mi laik autim testimoni bilong mi. Mi lukluk long pundaun b long mi planti taim na i gat sem. Mi sindaun na skelim pundaun long traim o hevi bilong mi wantaim ol arapela Kristen i no wankain. Ol i strong tasol mi nogat. Mi bagarapim kontrak b long God bikos Jisas em dai wanpela taim tasol. Ol arapela man i stori long dispela pasin bilong mi na mi ting olsem, Olgeta pasin bilong mi i bagarap olgeta na maski, bai mi raun raun na dai. Mi tingting planti na bel i hevi, tasol mi go lukim pasto na stori long dispela hevi bilong mi. Na em i ritim Aisaia 1.18, Harim. Bai yumi mas bung na stretim tok. Maski yupela i gat planti sin, na yupela i stap olsem waitpela laplap em retpela pen i bagarapim pinis, mi Bikpela, mi tok, bai yupela inap kamap waitpela gen olsem ais, na olsem waitpela gras bilong sipsip. Mi tenkyu long wok Jisas i mekim long diwai kros. Dispela tok i givim bel isi na amamas long mi. Pren! As Jisas i kam long graun em b long sevim laip bilong yumi sinman. Sapos yu ting sin bilong yu i bikpela, God i tok, Bai yu kamap waitpela gen olsem ais. Jones Morgen, Sepik Seket Dia ol pren, long nem bilong Bikpela Jisas mi gat bikpela amamas long tokaut long laip bilong mi, olsem wanem God i bin singautim mi. Tru mi bin groap insait long Kristen famili. Mi bin ting bilip bilong papamama bai kisim mi i go long heven na mi no bin i gat wanpela tingting long tanim bel. Tasol bel na tingting bilong mi i stap longwe tru long God. Kolosi 1.21 i tok, Bipo yupela i stap longwe long Krais. Long tingting bilong yupela, yupela i birua long em na mekim ol pasin nogut. Mi wanpela yangpela gel i bin stap insait long ol dispela pasin nogut bilong Satan long dispela graun. Tasol marimari bilong God long laip bilong mi i no lusim mi, na insait long yia 1998 wanpela Konvensen i bin kamap long Munduku Stesin. Long dispela taim stret Holi Spirit i bin soim sin bilong mi wantaim Aisaia 1.18. Dispela tok i bin sutim bel bilong mi na mi givim laip bilong mi long God. Na mi lukim bikpela senis i kamap long laip bilong mi, na bikpela strong bilong God tu i wok long laip bilong mi long kain kain taim. Jenister Tengonep, EBC Simbut Sepik Seket 12
Dia ol pren long nem bilong Bikpela Jisas Krais. Mi gat bikpela amamas long tokaut long wanpela traim bin kamap long mi. Long yia 2015 sampela Kristen susa i bin mekim sampela tok i bin bagarapim bel na tingting bilong mi. Taim mi harim dispela tok, mi lusim lotu na mi stap long haus tasol. Olgeta Sande mi wantaim famili bilong bikpela brata, mipela i save bihainim wara long painim pis. Wanpela taim wanpela pikinini i tokim mi, Yu Sande Skul tisa tasol yu kisim mipela raun long wara bilong painim pis em i no stret. Dispela tok i sutim tru bel bilong mi. Mi save tru olsem God i yusim dispela pikinini long tokim mi. Mi daunim mi yet na kam long Jisas. Taim yumi lukim Blakbokis i hangamap long diwai, em bai i stap olsem tasol. Sapos em i plai i go em bai raun na kam bek gen long dispela diwai em i save hangamap long en. Ol pren, taim yumi hangamap long Jisas, no gat man inap rausim yumi, bai yumi stap gut tru long han bilong en (Jon 10.28-29). Salome Kumbos, EBC Mabiuk, Madang Seket YUMI KEN BIHAINIM LAIK BILONG GOD GEN NA GEN LONG LAIP BILONG YUMI Wanpela famili i bin lukautim pik long wanpela wok ples. Long nait sampela stil lain i bin kam na stilim pik bilong ol. Taim ol famili i harim dispela tok, bel bilong ol i pulap long bel isi, na ol i prea na tokim God long lusim rong bilong ol stilman. God i putim sori long bel bilong wanpela Kristen famili na ol i bin baim wanpela gutpela pik na i kam givim ol. Na ol famili i bin lukautim tasol dispela pik i no laik gro gut. Ol i bin givim gut kaikai na mekim gut tasol em i les long gro na bihain em i dai. Ol famili i tok dispela i no laik bilong God long yumi lukautim pik. Long wanem ol i lukim, pasin bilong i go i kam long lukautim pik i kaikaim taim. Dispela taim ol inap yusim long painim sol bilong man na mekim arapela gutpela wok long kingdom bilong God. Taim pik i dai ol i gat bikpela bel isi na tenkyu long God. Jisas em i man bilong bihainim laik bilong God. Jon 4.34 i tok, Na Jisas i tokim ol olsem, God i bin salim mi na mi kam, na kaikai bilong mi, em long bihainim laik bilong em na long pinisim wok em i bin givim mi. Sampela samting yumi mekim na sapos em i no laik kamap gut yumi no laik mekim yet. Yumi ken painim laik bilong God. Dispela bai helpim yumi long stap long gutpela rot. Flejohn Robert, Bible College Lae 13
SIOS NA PASTO BILONG EN SIOS Tok i go pas. Nau em i de bilong Bikpela. Ol manmeri i sanap na singim song na litimapim God wantaim song bilong bipo. Graun we sios i sanap long en em Jisas Krais, Bikpela bilong yumi. Long narapela kantri ol manmeri i save bung aninit long as bilong diwai na autim marimari bilong God Bikpela long narapela, ol i no bihainim stretpela rot bilong bung long taim bilong lotu. Tasol sampela hap ol manmeri i save karim hevi long nem bilong Jisas, tupela o tripela i save bung long ol hait ples na ol i save autim tok na amamas long bilip ol i gat long Mesaia. Ol dispela manmeri wantaim arapela lain ol i gat wanpela tingting tasol. Ol dispela lain husat i bin tanim bel na kamap Kristen. Husat i bin kamap fri pinis long blut bilong Jisas na Holi Spirit i bringim senis long laip. Baibel em i tok olsem Sios em i bodi bilong Krais. Liklik hap bilong sios i stap long graun. Bikpela lain bilip manmeri ol i go stap wantaim Bikpela long heven. Olsem na sios long graun i wok long resis na taitim bun olsem Efesus 6.12 i tok, na Sios long heven i amamas. Het bilong Sios yumi no lukim wantaim ai long graun tasol em i stap long heven em Krais. Bikpela wok bilong God Triwan long dispela taim em long kisim ol man i kam insait long Sios. MINING BILONG SIOS Kristen Sios em i nupela ogenaisesen i bin stat long taim bilong Pentikos, na em bai pinis long taim bilong repsa. Sios em i olsem meri bilong Krais i wetim man bilong en bai kam na kisim em i go antap long klaut olsem 1 Tesalonaika 4.13-18 i tok. 14
ROT BILONG I STAP MEMBA BILONG BODI BILONG SIOS Tanim bel (Aposel 2.38). Bilip long Jisas olsem Bikpela na man bilong kisim bek yumi (Matyu 16.16-18 na Rom 5.1). Kamap fri na kamap nupela (Aposel 4.27) Holim strong tok ol aposel i autim (Aposel 2.42) MAK BILONG SIOS OLSEM BAIBEL I TOK Bodi: Krais em i het bilong bodi na ol bilip manmeri ol i memba bilong bodi (Efesus 1.22-23) Tempel: Em i haus we Spirit bilong God i save stap (Efesus 2.20-22) Meri bilong Krais: (2 Korin 11.2) Krais em i man bilong meri (Jon 3.29) Marit bai kamap long heven (KTH 19.7) WOK MAK BILONG SIOS Sios i ken litimapim nem bilong God na lotu long em (Efesus 1.4-6) Sios i ken autim gutnus long olgeta hap bilong graun (Matyu 28.19-20, Efesus 3.8) Sios i ken skulim na helpim ol Kristen (Efesus 4.11-15) Autim gutnius oltaim (Aposel 1.8) JISAS I PREA LONG WANBEL PASIN INSAIT LONG SIOS Jisas i mekim prea bilong bikpris long Jon 17. As tingting long ol disaipel i ken stap wanbel. Yumi lotu long wanpela Papa (v1-5) Ol lain i givim baksait long pasin nogut ol i stap lain bilong Pikinini (v6-10) Holi Spirit i stap insait long bel bilong ol manmeri i bilip. (v11a, Jon 16.7, Rom 8.16) Papa na Pikinini i stap wan olsem tasol em i singautim yumi long i stap wan olsem brata na susa insait long Krais. (v11b) Yumi kisim strong long wanpela Tok tasol (v14-17) Wanbel bilong yumi bai mekim ol haiden i bilip long Jisas (v21,23) Yumi olgeta bai stap wantaim God long heven (v24) PINISIM TOK Nau i gat kain kain lotu i stap long olgeta hap bilong graun. Ol kain kain manmeri i save lotu tru long God bai yu skelim ol na lukim, olsem kumu gaden i gat kainkain kumu i stap. O olsem wil bilong ka i spid i gat kain kain samting insait long wil i helpim na wil i ron. Laik bilong Jisas long Sios (meri bilong en) em i olsem, Sios i ken stap klin, stret na holi (Efesus 5.27). Michael Robert, Taken from Bible Based Teaching 15
K1.50 Item no: 36J605 K1.90 Item no: 36K300 1 TIC position and 2 teachers K1.50 Item no: 36P300 K1.90 Item no: 36J300 Position Vacant for Elementary Teachers Are you: a registered Elementary Teacher a born again Christian interested in working with children so full of God's word that you want to share it with the kids willing to use your skills and energy for God's work? Yes? Send a letter of interest and attach your Teaching Certificate and School Certificate to the following address... 6 Mile Elementary School P.O. Box 996 Lae, 411, Morobe Province Contact Number: 72076034 K4.40 Item no: 73H320 K1.20 Item no: 73M600 New Book Buk bilong ol yut lida. Kisim klia tingting long redim ol leson bilong ol yut. Bai yu save tu long kirapim interes bilong ol yangpela long kam long yut felosip. Available at the EBC Publications & Singaut Christian Bookstores Yut Nait Sampela tok long skulim ol yut wantaim ol topik na stadi long ol yut nait K2.50 Item no: 14Y900 Half price!!