*31 Oktober 6 November. Gen. 4:3 7, Num. 21:1 9, Jes. 29:16, Rom. 9:18 21, Jeremia 19, Heb. 5:14, Jer. 13:1 11.

Transcription

1 Les 6 *31 Oktober 6 November Simboliese Dade SABBATMIDDAG Lees vir Vandeesweek se Studie: Gen. 4:3 7, Num. 21:1 9, Jes. 29:16, Rom. 9:18 21, Jeremia 19, Heb. 5:14, Jer. 13:1 11. Geheueteks: Of het die pottebakker nie mag oor die klei, om uit dieselfde klomp die een voorwerp tot eer en die ander tot oneer te maak nie? (Rom. 9:21). Alle Bybelstudente weet dat die Bybel vol simbole is, dinge wat ander konsepte en idees as hulleself verteenwoordig. Die hele aardse heiligdomsdiens was byvoorbeeld n simboliese profesie van die verlossingsplan. Die beduidendheid van die Joodse ekonomie word nog nie ten volle begryp nie. Groot en diepgaande waarhede word weerskadu in sy rituele en simbole. Die evangelie is die sleutel wat daardie verborgenhede ontsluit. Deur n kennis van die verlossingsplan word die waarhede ontbloot sodat dit verstaan en begryp kan word. Ellen G. White, Christ s Object Lessons, p (Vrye vertaling) Deur die simboliek van die aardse heiligdom, of die simbole van profetiese boeke (soos: Daniël 2, 7, 8, en Openbaring), en deur ander talle maniere ook, het die Here hierdie simboliek gebruik om die waarheid oor te dra. Intussen het Jesusself ook met Sy gelykenisse en aanskouingslesse simbole gebruik om diepgaande waarhede te verduidelik. Die boek van Jeremia is self ook ryk aan simbolisme en beeldspraak. Hierdie week kyk ons na n paar van hierdie simbole, wat hulle was, wat hulle betekenis was, en watter lesse ons daaruit vir onsself kan neem. *Studeer hierdie week se les om voor te berei vir Sabbat, 7 November. 158

2 SONDAG November 1 Waarheid in Simbole Die Skrif is baie ryk aan simbole. Allerhande soorte kom voor, en in die meeste gevalle verteenwoordig dit waarhede wat groter as hulleself is. Lees Genesis 4:3 7. Wat simboliseer hulle twee verskillende offerandes? Reeds vroeg in die Bybel sien ons die verskil tussen die mens se poging om sy plek na die hemel te verdien (in die offerande van Kain) en die besef dat verlossing alleen deur genade verkry word, en dat dit slegs aan ons beskikbaar gestel word deur die verdienste van n gekruisigde Verlosser (die offer van Abel). Lees Numeri 21:4 9. Wat was die simboliek van die koperslang wat bo-op die paal geplaas is? (Sien ook Joh. 12:32.) Die Israeliete het hulle lewens gered deur na die verhoogde slang te kyk. Daardie blik het van geloof gespreek. Hulle het geleef omdat hulle Gods woord geglo en op die middel vertrou het wat vir hulle genesing voorsien is. Ellen G. White, Patriarge en Profete, p Dwarsdeur die Ou Testament het die aardse heiligdomsdiens gedien as die mees gedetailleerde simboliese verteenwoordiging van die verlossingsplan. Hoeveel die Israeliete van die betekenis van al die rituele verstaan het, was deur al die eeue nog n onbeantwoorde vraag, maar daar bestaan ook geen twyfel nie dat sommige van hulle wel die belangrikste van al die waarhede wat hier geleer word, begryp het: plaasvervangende versoening, die idee dat, vir hulle sondes om vergewe te word, n plaasvervanger in hulle plek moes sterf (sien 1 Kor. 5:7). Die feit is, dat deur die heiligdomsdiens het ons talle simbole ontvang; nie net oor die dood van Jesus nie, maar ook oor Sy bediening as Hoëpriester in die hemel, die pre-adventoordeel, en die finale vernietiging van sonde aan die einde van tyd. Aan watter ander Bybelse simbole van die verlossingsplan kan jy dink? Watter een spreek veral tot jou hart oor die reddende genade van God en die hoop wat ons daaruit kan verkry? 159

3 MAANDAG November 2 Die Pottebakker se Klei Watter lewensbelangrike waarhede word in hierdie verse, en die simboliek daarin, geleer? (Sien Gen. 2:7.) Jer. 18:1 10 Jes. 29:16 Jes. 45:9 Jes. 64:8 Rom. 9:18 21 Weens die voortdurende verwerping en vervolging wat hom in die gesig gestaar het, is daar geen twyfel nie dat Jeremia handdoek wou ingooi. Was dit ooit die moeite werd om so te stoei en veg vir daardie volk? Met tye het hy beslis gevoel die antwoord was Nee! Daar was egter geen kwessie nie; terwyl hy die pottebakker se hand dopgehou het, het hy n beeld ontvang, n simbool van hoe die Here met menseklei werk. Watter ander waarhede ookal in die beeld van die pottebakker en die klei gevind word, leer dit hier van die uiteindelike heerskappy van God. Al blyk n situasie ook hoe hopeloos te wees vanuit Jeremia se gesigspunt, het die simboliek van die pottebakker en die klei aan hom getoon dat, ten spyte van die verkeerde, selfs moedswillig verkeerde besluite wat mense neem, is die Here nog steeds in beheer van die wêreld. Hy is die absolute kragbron en outoriteit, en uiteindelik sal Hy seëvier, ongeag hoe dinge nou daar uitsien. Paulus, in Romeine 9, tel weer die drade op eeue na hierdie Ou Testamentiese beeld in Jeremia. Hy gaan voort met hierdie beeldspraak en gebruik dit om basies dieselfde les tuis te bring as wat dit Jeremia geleer het. Dit kan selfs so wees dat Paulus direk na Jeremia 18:6 (in Rom. 9:21) verwys. Ons kan daarin berus dat, ten spyte van die realiteit van die vrye menslike wil en vrye keuses, en dikwels die gevolglik rampspoedige konsekwensies van daardie vrye besluite, kan ons uiteindelik hoop op die absolute heerskappy (soewereiniteit) van ons liefdevolle en selfopofferende God wie se liefde aan die kruis geopenbaar is. Boosheid sal nie oorwin nie. God en Sy liefde sal. Wat n wonderlike hoop het ons! Hoe kan ons leer om in die les van die pottebakker en die klei te vertrou, ongeag huidige omstandighede? Watter ander Bybelteksverse wys aan ons die werklikheid van God se alleenheerskappy? 160

4 DINSDAG November 3 Die Aftakeling van n Volk Omdat hulle My verlaat het en hierdie plek onherkenbaar gemaak het en vir ander gode, wat hulle nie geken het nie, daarin rook laat opgaan het hulle en hulle vaders en die konings van Juda; en hulle het hierdie plek gevul met die bloed van onskuldiges (Jer. 19:4). In hierdie teksverse word n paar voorbeelde aan ons gegee van die booshede wat besit geneem het van Juda. Behalwe dat hulle die Here versaak het, wierook aan ander gode geoffer het, en onskuldige bloed vergiet het, het hulle ook hierdie plek onherkenbaar gemaak (Ander Hebreeuse betekenisse sluit in: AFR83 - verontreinig, DB - hierdie plek vuil gemaak ). Of hierdie plek die tempel self was, word nie in die teks aangedui nie. Die belangrike punt hier is dat die volk veronderstel was om heilig te wees, en spesiaal vir die Here (sien Eksodus. 19:5, 6). Hulle moes dus iets anders as en verskillend van die volke rondom hulle wees. Maar dit het toe nie so gebeur nie. Hulle het hul unieke karakter verloor, asook hul eiesoortigheid wat sou meebring dat hulle getuies aan die wêreld was. Maar hulle het egter net soos die ander geword. Watter les leer ons uit hierdie gedeelte? Hulle het selfs plekke gebou waar hulle vir die god Baäl offers gebring het. Hulle het hulle eie kinders mer vuur verbrand om in Baäl se goeie boekies te kom. Dit is nie iets wat Ek hulle sou beveel het om te doen nie. Om die waarheid te sê, dit het nie eens in my gedagtes opgekom om iets so verskriklik te beveel nie! (Jer. 19:5, DB). Alhoewel die konsep van menslike brandoffers bekend was in die antieke wêreld, was dit n vervloeking vir die Here, wat hierdie praktyke vir die Israeliete verbied het (Deut. 18:10). Die frase wat vertaal word as nie eens in my gedagtegang opgekom nie, lees in die Hebreeus: dit het nooit in my hart opgekom nie (AFR53). Hierdie is n idiomatiese uitdrukking wat aantoon hoe ver verwyderd en vervreem hierdie praktyk van die wil van God was. Indien ons, deur sonde verhard en gevalle wesens, dit afskuwelik vind, stel jouself voor hoe erg dit vir ons Heilige God moes wees! Nietemin, met die verloop van tyd het die krag van korrupsie en kultuur Sy mense so oorweldig, dat hulle in hierdie afgryslike ritueel verval het. Dit behoort vir ons almal n kosbare les te wees dat ons nie maklik verblind moet word deur die heersende kultuur waartoe ons instem of selfs deel aan het nie daardie praktyke, dat indien ons sterk verbind met die Here was en in harmonie met Sy Woord leef soos dit veronderstel is om te wees, behoort nie iets te wees wat ons moet aankou nie, maar iets waardeur ons eerder geskok moet staan. (Sien Heb. 5:14). 161

5 WOENSDAG November 4 Verbrysel die Kruik Ons het gister gesien dat die volk in diep afvalligheid weggesink het. Nog steeds kry hulle nie die boodskap nie. Jeremia word deur God gebruik om n kragtige simboliese daad te doen wat, ideaal gesproke, sou meehelp om hulle wakker te skud uit die gevaar waarin hulle hulself bevind het. Lees Jeremia 19:1 15. Wat anders kon Jeremia doen en wat was die betekenis van hierdie daad? Jeremia moes weer besoek aflê by die pottebakker se huis. Maar hierdie keer egter wou die Here seker maak dat hy getuies met hom saambring om presies te sien wat hy sou doen. Die getuies saam met hom was ouderlinge en priesters van Juda (Jer. 19:1). As leiers was hulle verantwoordelik vir dit wat in die nasie gebeur het, en daarom was dit noodsaaklik dat hulle die boodskap moes kry wat Jeremia deur die krag van sy simboliese daad sou doen. Die Potskerwepoort (Jer. 19:2), waar hy die kruik moes breek, was waarskynlik naby aan die plek waar die pottebakkers gewerk het. En die plek net buite die poort waar hy die kruik moes stukkend gooi, was die ashoop waar hulle die skerwe van hulle gebreekte kruike weggegooi het. Daarom het die simboliek juis meer betekenis gekry. Watter nut het n stukkende kleipot? As die pot gekraak was, kon mens dit dalk nog gebruik het, al was dit vir iets heeltemal anders as sy oorspronklike doel. Maar Jeremia moes dit nie net bloot kraak nie. Trouens, hy moes dit breek, sodat dit geheel en al onbruikbaar was. Tussen die daad self en die woorde wat daarna volg, is dit moeilik om jouself in te dink waarom die mense nie hierdie boodskap van waarskuwing kon begryp nie. Maar natuurlik is daar n wêreldse verskil tussen die hoor en verstaan van n waarskuwing, en om daarop te reageer. Wat egter meer vreesaanjaend is, is die oënskynlike finaliteit van hierdie daad. Wie kan n gebreekte kruik herstel? Al het die Here die volk hoop vir die toekoms gebied, was die Judeërs, saam met hulle kinders, op daardie tydstip nog verdoem, tensy hulle n ommekeer maak. Al die plekke wat hulle verontreinig het met hulle afskuwelikhede en sondige dade sou binnekort besoedel wees met hulle lyke. Die diepte van hulle verdorwenheid kan die beste begryp word deur die diepte van die straf wat hulle verdorwenheid op hulle gebring het. Dink aan iets wat onherstelbaar beskadig is. Waarvoor was dit oorspronklik gemaak? Hoe het dit gebeur dat dit nou onbruikbaar geword het? Hoe waaksaam moet ons wees dat so iets nie met ons gebeur nie! 162

6 DONDERDAG November 5 Die Linnegordel Lees Jeremia 13:1 11. Wat was die opdrag van die simboliese daad aan Jeremia, en watter belangrike les leer dit? Hierdie simboliese daad het heelwat kopbrekens vir interpretasie meegebring, aangesien die Eufraatrivier ( n algemene interpretasie van die Hebreeus, maar nie noodwendig die enigste een nie) honderde kilometers vanaf Jerusalem was. Esra het sowat vier maande nodig gehad om soontoe, net in een rigting, te reis (Esra 7:9). Om die boodskap beter te verstaan, het God Jeremia dit vier keer laat doen. As gevolg hiervan het sommige studente gemeen dat n ander geografiese ligging bedoel was. Maar aan die ander kant meen sommige dat die lang afstande wat hy moes reis, juis van waarde was om hom te laat begryp hoe ver die kinders van Israel geneem sou word. Meer nog, met sy terugkeer na so n lang reis, kon Jeremia die vreugde van die terugkeer na 70 jaar in ballingskap verstaan. Hoe dit ookal is, die gordel simboliseer Jerusalem met die tempel; suiwer en onverbloemd ten tyde van die roeping. Die man met die gordel is God Self. Onder andere toon dit juis aan hoe heg verbind God met Sy mense was. Sommige kommentare sien n betekenis in die feit dat die gordel van linne gemaak is, dieselfde materiaal as die priesterlike klede (Lev. 16:4); trouens, Juda moes juis n priesterlike nasie wees (Eksodus 19:6). Net soos wat die gordel beskadig is, so sal dit ook met die trots van die volk wees. Soos n gordel om n man se middellyf vasgedraai is, so het hierdie mense ook eens die Here aangehang, en hulle was Sy bron van lof en heerlikheid. Maar hulle is verdorwe en geskaad deur hulle kontak met die omliggende kulture. Lees Jeremia 13:11 en vergelyk dit met Deuteronomium 4:5-8. Hoe toon hierdie verse gesamentlik aan wat met die volk gebeur het? Wat behoort hierdie teksverse ook vir ons te sê? 163

7 VRYDAG November 6 Verdere Studie: Die beeld van die pottebakker en die klei, veral soos uitgebeeld in Romeine 9, bring die belangrike vraag na vore van ons soeke na die verstaan van God se optrede. Die feit is natuurlik dat ons dit heel dikwels glad nie begryp nie. Dit behoort nie as n verrassing te kom nie, sou dit? Lees Jesaja 55:8. As mense is ons eenvoudig net te beperk in dit wat ons van enigiets kan weet. Soveel te meer oor al die weë van God. Hierdie punt, die beperkte menslike kennis, word geopenbaar deur iets wat bekend staan as die self-verwysende probleem. Kyk na hierdie sin: Die barbier van Seville skeer elkeen wat hom nie self skeer nie. Skeer die barbier van Seville homself? As hy homself skeer, kan hy homself nie skeer nie want hy skeer elkeen wat hom nie skeer nie. Maar as hy homself nie skeer nie, dan moet hy homself skeer om dieselfde rede want hy skeer elkeen wat hom nie skeer nie. Die antwoord vorm n onoplosbare paradoks wat die beperkinge van die rede openbaar. Daarom, indien die rede in homself verstrengel raak oor iets so aards as wie die barbier van Seville skeer, hoeveel te meer iets so diepgaande soos die aard en omvangrykheid van God se handelinge in die wêreld? Wat ons wel het, is die Kruis, wat ons n oorvloedige rede gee om op Hom en Sy liefde te vertrou, selfs al maak al die dinge wat in Sy wêreld gebeur geen sin vir ons nie. Vir vele is die oorsprong van die sonde en die bestaan daarvan iets wat baie moeilikhede oplewer. Hulle sien die boosheid, met die vreeslike gevolge van ellende en verwoesting, en die vraag ontstaan by hulle hoe al hierdie dinge kan bestaan onder die soewereiniteit van een wat alwys, almagtig, en oneindig in liefde is. Hier het hulle te doen met n verborgenheid waarvoor hulle geen verklaring kan vind nie. In hulle onsekerheid en vertwyfeling word hulle verblind vir die waarhede wat so duidelik in Gods woord geopenbaar is, en wat so nodig is vir die saligheid. Ellen G. White, Die Groot Stryd, p Vrae vir Bespreking: 1. Watter uitdagings bied die idee van God se absolute soewereiniteit aan ons aangaande die kwessie van boosheid? Hoe help die toneel van die groot stryd ons om deur die moeilike vrae te werk, al is dit tans net gedeeltelik? 2. Watter ander simbole kan jy in die Bybel vind? Waarom sou God in elk geval simbole gebruik? Wat is die voordele verbonde aan simbole? 164

8 Notas

9 Journey Through the Bible will help you not miss any directions God has for you. The series is a study of the history, significance, and meaning of each book of the Bible from Genesis through Revelation. These three volumes, Journey Through the Bible From Genesis to Job, Journey Through the Bible From Psalms to Malachi, and Journey Through the Bible From Matthew to Revelation, will help you to grasp the central message of each book and encourage you to persevere through the portions that may seem obscure or difficult. Read it and be blessed in your journey toward the kingdom. $14.99 each Pacific Press Publishing Association Please contact your ABC for pricing in Canada

10 Because of You This quarter your Thirteenth Sabbath Offering could have an eternal impact on: Children in Botswana, who will be attending the new Gateway Adventist Primary School. People of all ages in Zimbabwe, who may live longer and better lives because of their contact with the new Gweru Adventist health center. Students at Solusi University in Zimbabwe, who will be able to eat together because of a dining hall expansion. All because of your generosity. Thank you for remembering your brothers and sisters in the Southern Africa-Indian Ocean Division as you give generously to the Thirteenth Sabbath Offering on December 26, Or give anytime online at /giving. photos: istockphoto.com 167