*September 3 9. Lees vir hierdie week se studie: Joh. 10:1 5, 16; Lukas 9:2; Op. 14:6, 7; Lukas 19:1 10; Hand. 26:11 27; Op. 3:20.
|
|
- Marybeth Young
- 6 years ago
- Views:
Transcription
1 Les 11 *September 3 9 Jesus Nooi Hulle: Volg My SABBATMIDDAG Lees vir hierdie week se studie: Joh. 10:1 5, 16; Lukas 9:2; Op. 14:6, 7; Lukas 19:1 10; Hand. 26:11 27; Op. 3:20. Geheueteks: Hulle sal n vreemde nooit volg nie, maar van hom wegvlug, omdat hulle die stem van die vreemdes nie ken nie (Joh. 10:5). In 362 N.C. het die Romeinse keiser Julian n veldtog geloods om afgodediens te laat herleef. Die Christendom was besig om vinnig veld in die Romeinse Ryk te wen, en hy en die heidense leiers het bekommerd begin raak. Julian se advies aan die prominente heidense leiers was n uitdrukking van sy besorgdheid, en bied aan ons n wenk waarom die Christendom so vinnig aan die uitbrei was: Ek dink toe die armes verwaarloos en oorgesien is deur die heidense priesters, het die Galilese oortreders [Christene] dit raakgesien en hulleself tot welwillendheid verbind... [Hulle] ondersteun nie slegs hulle eie armes nie, maar selfs ons s n, en elkeen kan sien dat ons mense n gebrek aan hulp van ons het. Aangehaal in Rodney Stark, Cities of God (San Francisco: Harper Collins Publishers, 2006), p. 31 (vry vertaal). Die Romeine het daarop gereken dat die Christendom binnekort sou wegkwyn wanneer hulle leier, Jesus Christus, gesterf het. In stede hiervan het rekordgetal Romeinse inwoners Jesus begin volg. Hoe het hulle hierdie probleem beskryf? Jesus se volgelinge was besig om Sy liefde uit te leef deur aandag te gee aan die behoeftes van diegene rondom hulle. Dit is wat Jesus gedoen het toe Hy hier was, en dit is wat Sy volgelinge ook moet doen. Dis daarom geen wonder nie, dat toe hulle die geleentheid gebied is om Jesus te volg, het baie dit gedoen. *Bestudeer vandeesweek se les ter voorbereiding vir Sabbat, 10 September. 88
2 Sondag September 4 Hulle Ken Sy Stem Lees Joh. 10:1 5, 16. Hoe illustreer hierdie teksverse die belangrikheid waarom ons, as Jesus se verteenwoordigers, positiewe en liefdevolle verhoudings met die mense in ons gemeenskap moet vorm om hulle na Jesus toe te lei? Hoe help ons hulle leer om Sy stem te hoor? n Vriend se fluisterstem is kragtiger om mense na Jesus toe aan te trek, as n harde geskree van n vreemdeling. Wanneer ons vriende maak wat leer om ons te vertrou, kan die Goeie Herder (Joh. 10:11, 14) deur ons werk sodat hulle Sy stem kan hoor, ken, en volg. Dis is egter belangrik dat ons self eerstens Jesus se stem ken, voordat ons poog dat ander dit ook sal ken. Ons het goddelike onderskeiding nodig om die verskil tussen die geslepe stem van Satan en Jesus s n te ken. Inderdaad moet ons nooit die werklikheid van die groot stryd vergeet nie, en dat ons n vyand het wat met groot geslepenheid werk om te verhoed dat mense n reddende verhouding met Jesus aanknoop. Nietemin, ons kan kragdadige medewerkers wees wat mense help om die stem van Jesus te ken. Hy praat deur die natuur (ten spyte van die gevolge van die sondeval), deur voorsienige omstandighede wat saamwerk, en deur die invloed van die Heilige Gees, goddelike mense, en Sy Woord. (Sien Ellen G. White, Skrede na Christus, pp ) Terwyl ons leer om daardie stem te ken en daaraan gehoorsaam te wees, kan ons ook ander mense rig en lei. Die laaste ding wat ons wil wees, soos Jesus een keer gewaarsku het, is om blindes te wees wat ander blindes lei (lees Matt. 15:14). Waarom het Jesus so n kragtige manier gehad om mense na Hom toe aan te trek? Was dit Sy voorbeeld om onselfsugtig van Homself te gee, en wat dit dus moeilik gemaak het om Hom te weerstaan? Wanneer ons, Sy liggaam, selfsugtigheid opsy skuif en die geaardheid van n dienskneg aanneem, en toelaat dat Sy lewe in ons uitgeleef word, sal ander aangetrek word deur die roepstem van Christus in ons. As die Goeie Herder se verteenwoordigers moet ons die karaktereienskappe van Sy bediening weerkaats wanneer ons mense uitnooi om Hom te volg. Wanneer ons opreg in ons woorde en optrede is, om Jesus se opofferende liefde te weerspieël, sal dit die ore van daardie persone aan wie ons diens lewer, oopmaak, en dit sal die skeidsmure tussen die gemeenskap en die kerk afbreek. Op watter tasbare wyses kan jy ander help om die stem van die Herder te hoor? 89
3 Maandag September 5 Ons Moet Soek Lees Lukas 19:10, Markus 1:17, Lukas 9:2, en Openbaring 14:6, 7. Wat is een sleutelpunt wat al hierdie teksverse gemeen het? M.a.w. wat beveel dit ons om te doen? Vir jare lank bid n gemeente van die Sewendedag-Adventistekerk: Here, trek asseblief mense in ons gemeenskap na ons gemeente en na U - asof ons kerk n groot magneet is wat op wonderbaarlike wyse mense sommer self sal intrek. Ja, dikwels stap mense by ons kerke in, op soek na God, sonder enige oënskynlike poging van ons kant af. Maar wat staan jou kerk te doen wanneer daar jare verbygaan en niemand van die gemeenskap by die deure instap nie? Indien jy slegs daarop fokus om te bid dat mense sal inkom, volg jy nie Jesus se metode van sielewinning nie. Hy het met mense gemeng, gesosialiseer, en mense gesoek om te red. Ons moenie wag vir siele om na ons toe te kom nie; ons moet hulle gaan soek waar hulle is... Daar is menigtes wat nooit deur die evangelie bereik sal word nie, tensy dit na hulle toe gebring word. Ellen G. White, Christ s Object Lessons, p. 229 (vry vertaal). Verskeie metafore illustreer hierdie idee van soek: 1. Die herder laat 99 skape agter sodat hy die een verlore skaap kan gaan soek (lees Matt. 18:10 14). Jesus vertel hierdie verhaal in die konteks van Sy vermaning om die kleintjies te versorg en te beskerm van sonde. Die kleintjies kan letterlike kinders wees of onvolwasse Christene. Indien hulle terugloop na die wêreld, moet ons, soos Jesus, hulle gaan soek en op liefdevolle wyse na Hom toe terugbring. Die punt hier, soos in die teksverse hierbo, is dieselfde: ons moet die verlorenes pro-aktief gaan soek. Ons moet werklik n poging aanwend om na hulle uit te reik. Maar, soms by geleentheid gebeur dit dat iemand vanaf die straat by die kerk instap en sê: Leer my oor God, van verlossing, oor die waarheid. Maar dis nie altyd die norm nie, is dit? 2. Christus se metode om die verlorenes te bereik sal of kan nie vrugteloos wees nie. Ellen G. White, Die Helende Hand, p Maar, moet ons egter gefokus bly op die mense wat soos vrugte laaghang, wat alreeds ons Christelike wêreldsiening deel, soos Christene van ander denominasies? Wat doen ons omtrent die vrugte wat onbereikbaar hoog hang - die sekulêre mense, ateïste, Moslems, Jode, Hindoes, Boeddhiste, ensovoorts? Histories vind mense met n Christelike wêreldsiening Adventisme relevant, maar ons moet n beter werk daarvan maak om Jesus met geloofsgroepe te deel wat n ander siening as ons het. 90
4 Dinsdag September 6 Die Brug Kerke het dikwels uitreik-aksies na die gemeenskap op die gebiede van gesondheid, die gesin, persoonlike finansies, konflikbestuur, ensovoorts. Kerke vra dalk: Wat is die brug om mense tot die volgende stap van Volg My te bring? Ons behoort eerder te vra: Wie is die brug? En die antwoord is: Jy! Die sterkste invloed ten gunste van die evangelie is n liefhebbende en lieftallige Christen. Ellen G. White, Die Helende Hand, p Kerke wat suksesvol daarmee is om besoekers te behou met programme en aanbiedings wat gereeld aangebied word, is geseënd met lidmate wat God waarlik liefhet en gretig is om blywende vriendskappe te smee. Maar, aan die ander kant, kerklidmate wat roekeloos in hulle benadering tot besoekers is, of selfs geheel en al laks is, kan n uiters negatiewe impak op jou kerk se uitreikprogramme hê. Die Here werk nie nou om baie siele tot die waarheid te bring nie, weens die kerklidmate wat nog nooit tot bekering gekom het nie, en diegene wat wel bekeer is, het weer teruggeval. Watter invloed sou hierdie ontoegewyde lidmate op nuwe bekeerlinge hê? Sou hulle die Godgegewe boodskap, wat Sy mense moet uitdra, nie totaal oneffektief maak nie? Ellen G. White, Testimonies for the Church, vol. 6, p. 371 (vry vertaal). Lees Lukas 19:1 10. Waarom het Saggeus dit nodig gevind om in n boom te klim om n glimp van Jesus te kry? Watter geestelike lesse kan ons uit hierdie verhaal neem? Wat sou gebeur het indien diegene wat toegang tot Jesus in Jerigo geblokkeer het, aandag gegee het aan Saggeus se intense belangstelling om naby Jesus te kom, en hom, n sondaar, op n liefdevolle wyse nader genooi het om by Jesus se voete te kom sit? Diegene van ons wat deel uitmaak van die skare rondom Jesus moet so geïnfekteer wees met Sy liefde vir sukkelende, sondige mense, dat ons aansteeklike Christene word. Indien ons diepgaande bewus is van God se liefde en genade vir sondaars soos ons, sal ons passievol na diegene buite die skare soek wat kort in geestelike statuur is, en hulle met liefdevolle versorging na Christus begelei. Hoe tree jy op teenoor nuwe gesigte in jou gemeente? Wend jy doelbewus n poging aan om met hulle te praat? Of ignoreer jy hierdie mense, en dink dat iemand anders maar hulle kan bedien? Wat sê jou antwoord van jouself en wat nodig is om te verander? 91
5 Woensdag September 7 Die Oproep Jesus en Sy dissipels het mense gesond gemaak en dan hulle gedagtes op die ewige dinge gerig. (Sien Ellen G. White, Die Helende Hand, p. 20.) Mark Finley herinner ons daaraan dat om te versuim om God aan mense voor te stel, niks anders as geestelike wanpraktyk is nie. Jesus se metode van evangelisasie was om mense aan te raak waar hulle grootste behoefte was. Dit is mediese sendingwerk. Christus was nie daarmee genoë om hulle slegs fisies gesond te maak en dan verder niks te doen nie. Die doel is die ewige lewe in Jesus. Mediese sendingwerk begin dalk nie met n oproep aan diegene wat ons ken om Jesus te volg nie, maar dit moet uiteindelik gebeur. Uit ons liefde vir mense sal ons daarna verlang om hulle alles aan te bied wat Jesus het om te gee. Jy mag dalk sê: Ek sal sorg vir die eerste deel van Jesus se metode, maar ek doen nie die oproep Volg My nie. Dis nie my gawe nie. As jy die eerste deel doen, sal jy jouself verbaas deur vanselfsprekene Jesus ook te deel en dit sal so natuurlik wees, soveel makliker, want jy het reeds die grondwerk in die grond van hulle harte gedoen. Soos jy beter bekend raak met die mense aan wie jy getuig, wees op die uitkyk vir geleenthede om oor geloof te praat en oor wat die Here vir jou beteken. Soek na geleenthede waar jy oor geestelike onderwerpe kan praat. Vra jou nuwe vriende oor hulle gesin, hulle beroep, en hulle godsdiens, wat weer die weg baan om jou persoonlike getuienis te deel. Dis n feit dat persoonlike getuienisse die kragtigste manier van getuig kan wees, aangesien dit ook die mins bedreigendste kan wees. Jy is nie besig om openlik te preek nie; jy vertel doodeenvoudig n storie, en elkeen van ons behoort ons eie persoonlike verhaal te hê oor wat Jesus in ons lewens gedoen het. Lees Handelinge 26:11 27, waar die apostel Paulus sy persoonlike getuienis aan koning Agrippa vertel. Wat kan ons vir onsself leer in ons soeke om aan ander oor Jesus te getuig? Let op na die onderskeie stadiums. Paulus vertel hoe hy aanvanklik was voor hy die Here geken het. Dan vertel hy van sy werklike bekerings-ervaring. Hierna vertel Paulus oor wat God sedertdien in sy lewe gedoen het. Dan maak hy n oproep. Moontlik is ons verhale nie so dramaties soos Paulus s n nie, maar wat is jou eie verhaal met Jesus, en wat kan jy daaruit leer om dit met ander te deel wanneer die tyd reg is? 92
6 Donderdag September 8 Soek en Jy sal Vind Lees Openbaring 3:20, Matteus 7:7, 8, en Johannes 1:12. Op watter wyses is hierdie teksgedeeltes verwant aan mekaar, en wat sê dit oor onsself aangaande die betekenis daarvaan om die Here te soek en Hom te vind? Saam toon hierdie teksgedeeltes aan dat mense moet vra, en soek, en oop wees om Jesus te ontvang. Terselfdertyd skilder Openbaring 3:20 die prentjie van Jesus wat by die deur staan en klop, sodat n persoon die deur sal oopmaak en Hom laat inkom. Hierdie idees weerspreek nie mekaar nie. Die Here werk op die harte van mense deur die krag van die Heilige Gees, Hy trek hulle nader, selfs al is daardie persone nie noodwendig bewus van wat aan die gebeur is nie. Hulle is dikwels op soek na iets wat die lewe self nie vir hulle kan aanbied nie. Wat n voorreg is dit om daar vir hulle te wees en hulle te lei in die regte rigting, en om hulle beter te help verstaan presies wat dit is waarna hulle soek. Die feit is dat Jesus deur jou aan die deur van daardie mense in jou gemeenskap se lewens kan klop, en enigeen wat gewilliglik die deur oopmaak en Hom ontvang, sal die seëninge ontvang wat saam met Hom kom (Op. 3:20, Joh. 1:12). Saam hiermee nooi Hy ook Sy volgelinge uit om te vra, te soek, en aan Sy deur te klop en die goeie gawes van Sy koninkryk te ontvang (Matt. 7:7, 8, 11). Wanneer die Heilige Gees jou beïndruk dat iemand gereed is om vir Christus die deur oop te maak, vra dan: Wil jy graag saam met my bid om Jesus Christus te ontvang en n lid van Sy familie te word? Die volgende gebed is n eenvoudige voorbeeld wat hy/sy kan bid: Dierbare Here Jesus, ek weet dat ek n sondaar is en U vergifnis nodig het. Ek glo dat U vir my sondes gesterf het. Ek wil nie meer sonde doen nie. Ek nooi U nou uit om in my lewe en in my hart in te kom. Ek wil U vertrou en volg as my Here en Verlosser. In Jesus se naam, amen. Ons benodig geestelike onderskeiding om te weet wanneer dit die regte tyd is om n oproep te maak. Terwyl die gevaar altyd bestaan om te agressief te wees, is daar altyd nog erger, die gevaar om nie agressief genoeg te wees nie. Soms het mense slegs n stewige en liefdevolle stootjie nodig om n keuse vir die Here te maak. Wie weet of iemand nie dalk juis op die rand van twee keuses huiwer nie: die ewige lewe in Christus, of ewige verlies? Ons het beslis n heilige verantwoordelikheid. 93
7 Vrydag September 9 Vir verdere studie: Lees Ps. 77:20, Hos. 11:4, 2 Kor. 5: Lees Ellen G. White, Onderrig en Genesing, pp , en Hulp vir die Daaglikse Lewe, pp. 469, 470, in Die Helende Hand; This Man Receiveth Sinners, pp , en Go Into the Highways and Hedges, pp , in Christ s Object Lessons. Daar was n jong man wat die Here liefgehad het en ander van Jesus wou vertel. Hy was n kragtige getuienis, want hy kon goed praat en was charismaties. Mense was mal daaroor om na hom te luister as hy praat. Tog was daar een voortdurende probleem: hy was altyd bang om mense te vra om n oorgawe aan Jesus te maak. Dit het ander kerklidmate verbaas, want op elke ander gebied was hy so vasberade vir die Here, en so gewillig om openlik oor sy geloof te praat. Uiteindelik toe hy daaroor uitgevra word, begin hy met dieselfde argument as wat ons in Woensdag se les gesien het hy het vas geglo dat hierdie nie sy gawe was nie. Hy het daarvan gehou om die saad te saai, maar hy het dit gelos vir die ander om die oes te versamel. Na n ruk het hy egter gebieg dat hy n onsettende groot vrees het om verwerp te word. Hy het nog altyd ietwat onbekwaam gevoel as n getuie vir die Here (wat n goeie ding is), en daarom was hy bang dat mense nie n oorgawe sal maak vir Jesus nadat hy hulle gevra het nie. Ander in die kerk het hom probeer oortuig dat getuienislewering nie oor ons gaan nie, maar oor Jesus. Ons sal altyd die onvolmaakte getuienisse wees. Al kan ons mense met gebed en liefde na Jesus toe lei, kan ons nie die rol van die Heilige Gees vervul nie net Hy kan oortuiging en bekering bewerkstellig. Ons moet egter die menslike kanale vir die liefde van Christus aan ander wees. Vrae vir bespreking: 1. Wat sê mens vir iemand wat sê dat hy/sy te bang is om ander te vra om n oorgawe aan Jesus te maak? 2. Joh. 1:9 sê : Die waaragtige lig wat elke mens verlig, was aan die kom in die wêreld. Hoe laat hierdie vers jou verstaan dat die Here wil hê dat elke mens bereik moet word met die verlossing? 3. Hoe besoekers-vriendelik is jou gemeente? Wat kan julle beter in hierdie verband doen om vreemdelinge te ontvang wat by die deur instap? 4. Wanneer was die laaste keer dat iemand sommer net van die straat af in die kerk ingestap het? Hoe het die kerk gereageer? 5. Vertel in die klas van jou eie bekeringsverhale. Hoe het jy dit gebruik, of hoe kan jy dit gebruik om n getuie vir ander te wees? 94
8 Notas
1. OM JESUS TE VOLG: 2. DTR die verhouding:
1. OM JESUS TE VOLG: Om Jesus te volg is amper soos om blind te word. As jy vandag sou blind word, is hierdie n voorbeeld van van die goed wat gaan moet verander in jou lewe om dit vir jou makliker te
More informationBybel vir Kinders. bied aan. Die vrou by die put
Bybel vir Kinders bied aan Die vrou by die put Geskryf deur: Edward Hughes Ge-illustreer: Lazarus Aangepas deur: Ruth Klassen Vertaal deur: Yvette Brits Vervaardig deur: Bible for Children www.m1914.org
More informationBybel vir Kinders. bied aan. Die Verlore Seun
Bybel vir Kinders bied aan Die Verlore Seun Geskryf deur: Edward Hughes Ge-illustreer: Lazarus Aangepas deur: Ruth Klassen; Sarah S. Vertaal deur: Yvette Brits Vervaardig deur: Bible for Children www.m1914.org
More informationWelkom by ons Aanddiens! Kom geniet n koppie koffie in die saal na die diens!
Welkom by ons Aanddiens! Kom geniet n koppie koffie in die saal na die diens! Strength will rise as we wait upon the Lord We will wait upon the Lord We will wait upon the Lord (repeat) EVERLASTING GOD
More informationBybel vir Kinders bied aan. God Toets Abraham se Liefde
Bybel vir Kinders bied aan God Toets Abraham se Liefde Geskryf deur: Edward Hughes Ge-illustreer: Byron Unger; Lazarus Aangepas deur: M. Maillot; Tammy S. Vertaal deur: Yvonne Kriel Vervaardig deur: Bible
More informationBEGIN BY DIE EINDE: Wat moet met jou gebeur as jy doodgaan?
BEGIN BY DIE EINDE: Wat moet met jou gebeur as jy doodgaan? RAPPORT: Wanneer jy te sterwe kom, wat moet met jou liggaam gebeur? 1. Ek wil veras word. 69% 2. Ek wil begrawe word. 19% 3. My naasbestaandes
More informationGROEIGROEP MATERIAAL BADBOYS OM DIE KRUIS KAJAFAS
GROEIGROEP MATERIAAL BADBOYS OM DIE KRUIS KAJAFAS Opening Het jy al ooit op iets in jou lewe opgegee? Wat? Vertel vir mekaar hoe jy gevoel het daaroor. KOM ONS BEGIN Gesels met mekaar oor die volgende
More informationDit bring ons by ons tweede handvatsel in `n strewe na die leef van die Koninkryk Kultuur nl: Genade pad.
1 Koninkryk kultuur Genadepad Lees Johannes 4:1-30, 39-42 Ons is besig om saam `n reeks te bou genaamd Koninkryk Kultuur. Dit is om vir ons handvatsels te gee van hoe dit lyk om die alternatiewe kultuur
More information"Onse Vader wat in die hemele is, laat u Naam geheilig word; laat u koninkryk kom; laat u wil geskied, soos in die hemel net so ook op die aarde; gee
"Onse Vader wat in die hemele is, laat u Naam geheilig word; laat u koninkryk kom; laat u wil geskied, soos in die hemel net so ook op die aarde; gee ons vandag ons daaglikse brood; en vergeef ons ons
More informationDie wedersydse verhouding tussen geloof en geestesgesondheid. Dr Deon Bruwer
Die wedersydse verhouding tussen geloof en geestesgesondheid Dr Deon Bruwer Wat word van godsdiens as jy aan dementia ly? Wat wòrd van geloof as jy of jou iemand naby aan jou in die intensiewe eenheid
More informationKain vermoor Abel (Genesis 4:8)
Les 1 vir 6 Oktober 2018 Die eenheid en harmonie wat God vir die mensdom beplan het, is deur sonde ontwrig. God het egter Sy liefde vir ons gewys deur 'n plan te ontwerp om eenheid te herstel. Die finale
More informationn Prins word die Skaapwagter
Bybel vir Kinders bied aan n Prins word die Skaapwagter Geskryf deur: Edward Hughes Ge-illustreer: M. Maillot; Lazarus Aangepas deur: E. Frischbutter; Sarah S. Vertaal deur: Yvonne Kriel Vervaardig deur:
More informationPreek Jan Steyn 25 Februaie Teks: Johannes 13:1-35. Tema: Saamwees (op mekaar gerig wees) Inleiding:
Preek Jan Steyn 25 Februaie 2018 Teks: Johannes 13:1-35 Tema: Saamwees (op mekaar gerig wees) Inleiding: Ek gaan gesels eendag met een van die jong outjies in die Gim. Ek vra hom: Jy was dan altyd so goed
More informationTogether moving in unity to fulfill our God-given missional calling! DIE APOSTOLIESE GELOOF SENDING VAN SUID-AFRIKA. Afrikaans AFM - AGS
DIE APOSTOLIESE GELOOF SENDING VAN SUID-AFRIKA Together moving in unity to fulfill our God-given missional calling! AFM - AGS Afrikaans Unity Anniversary BEMAGTIGING Onderrig, lei u lede op en rus hulle
More information(Uit Leef stroom-op! hoofstuk 1)
Sessie 1 n Stroom-op o o persoon o WEB978-1-4316-1018-1_Sessie 1.indd 1 2014/11/04 02:41:57 PM 1 n Stroom-op persoon Vooraf Lees vooraf die eerste 7 hoofstukke van Leef stroom-op! Charles Finney het gesê:
More informationJoin us for a Seminar/Presentation by the author of the book below: When: 9 March 2015 Where: Helderberg High School Chapel Time: 19h00
Join us for a Seminar/Presentation by the author of the book below: When: 9 March 2015 Where: Helderberg High School Chapel Time: 19h00 Refreshments will be served Dear Parent/teacher If you re concerned
More informationLes 6 vir 10 November 2018
BEELDE VAN EENHEID Les 6 vir 10 November 2018 Die Bybel bevat diverse beelde wat geestelike en teologiese waarhede uitbeeld. Byvoorbeeld, water in Johannes 7:38, wind in Johannes 3:8 en n pilaar in 1 Timotheus
More informationn Verduidelijking van die Nuwe Verbond deur Dr. Marc s. Blackwell Sr.
n Verduidelijking van die Nuwe Verbond deur Dr. Marc s. Blackwell Sr. VERBONDE vir HERSTELLING en VERLIGTING van die MENSDOM Edeniese VOOR DIE SONDEVAL Adamiese Noagiese Abrahamiese Sinaïtiese Palestynse
More information10 Woorde wat ons ewige redding en verlossing beskryf
10 Woorde wat ons ewige redding en verlossing beskryf Father God Father God I wonder how I managed to exist without The knowledge of Your parenthood and Your loving care. Now I am Your child I am adopted
More informationDOELSTELLING DANKIE TERUGVOER
NUUSBRIEF NO 2/2014 (Also available in English) DOELSTELLING Ons is n selgroep van NG Elarduspark gemeente wat babas van n groepie behoeftige en meestal werklose ouers wat in Elandspoort woon, van formulemelk
More informationDie ekonomie en die Christen n perspektief. 1 Desember 2010
Die ekonomie en die Christen n perspektief 1 Desember 2010 Ekonomiese realiteite Christene poog om volgens die wil van God te handel in elke aspek van hule lewens en heelwat van hierdie dimensies is inter
More informationBybelskool van Centurion. 27 Maart Welkom
Bybelskool van Centurion 27 Maart 2018 Welkom 10 Woorde wat ons ewige redding en verlossing beskryf 10 x Griekse woorde Biologie palingenesia (wedergeboorte) Militêre soterion (redding) Regspraak dikaiōsis
More informationHoofstuk 1. Eensaamheid: woordverklaring
Inhoudsopgawe Voorwoord... 9 1. Eensaamheid: woordverklaring... 11 2. Die eensaamheid van menswees... 17 3. Die eensaamheid van siekte... 23 4. Die eensaamheid van die dood... 29 5. Die eensaamheid van
More informationHet jy al gehoor van die Vier Geestelike Wette?
Het jy al gehoor van die Vier Geestelike Wette? Have You Heard of the Four Spiritual Laws? Just as there are physical laws that govern the physical universe, so there are spiritual laws which govern your
More informationHOE GROEI BY MENSE PLAASVIND. Enkele Inleidende Opmerkings ter Agtergrond
HOE GROEI BY MENSE PLAASVIND Enkele Inleidende Opmerkings ter Agtergrond SIEN DIE GROOT PRENTJIE Eerste Bedryf: die Skepping God se rol God is die bron God is die Skepper God is in beheer van die wêreld
More informationVan Vervolger tot Prediker
Bybel vir Kinders bied aan Van Vervolger tot Prediker Geskryf deur: Edward Hughes Ge-illustreer: Janie Forest Aangepas deur: Ruth Klassen Vertaal deur: Gert Badenhorst Vervaardig deur: Bible for Children
More informationJan Steyn Preek Sondag 12 Augustus Teks: Lukas 19:1-10. Tema: Genade groter as myself.
Jan Steyn Preek Sondag 12 Augustus Teks: Lukas 19:1-10. Tema: Genade groter as myself. Lewe Saggeus volgens sy naam? Die naam Saggeus beteken skoon of onskuldig. Maar hy het nie volgens hierdie naam geleef
More informationDie betekenis van die kruis (1)
Die betekenis van die kruis (1) Don t pray when you feel like it. Have an appointment with the Lord and keep it. A man is powerful on his knees. Corrie Ten Boom Die betekenis van die kruis (1) Wat is die
More informationRom 14:1-12. Fokus: Rom 14:10-12 Die belangrikheid van Kerk-eenheid en ons hantering van versskille (d)
Rom 14:1-12 Fokus: Rom 14:10-12 Die belangrikheid van Kerk-eenheid en ons hantering van versskille (d) Oktober 2013 Ps-vooraf Ps 97:1, 5 Ontmoetingsdiens. Votum. Ons slaan ons oë op na die berge: waar
More information5. n Ewige toekoms vir my kind Here. Joh.6:40 elkeen wat die seun sien en in Hom glo, die Ewige Lewe sal hê
n Gebed vir my kind vir elke dag van die maand! Being a perfect parent doesn t matter. Being a praying parent does. Why leave your child s life to chance when you can give it to God? Stormie Omartian uit
More informationDIE GODHEID Matt 28:19 veelgodery.
DIE GODHEID Die begrip Drie-eenheid word in die Christelike geloof gebruik vir God. Ons glo dat daar net eengod is, maar dat die Vader en Jesus en die Heilige Gees al drie saam hierdie een God is. Logies
More informationNIE ELKEEN WAT...!! nie die wil van die Vader doen nie sal nie in die koninkryk van die hemele ingaan nie!! en wat die wil van die Vader doen
NIE ELKEEN WAT...!! Nie elkeen wat vir My sê: Meester, Meester! Sal ingaan in die koninkryk van die hemele nie, maar hy wat die wil doen van my Vader wat in die hemele is. Matt. 7:21. Het hierdie woorde
More information28 Oktober 2012 dink aan die Hervorming. Wegdros is Ten tye van die Hervorming het wegdrossery sommer erg plaasgevind
1 28 Oktober 2012 SKRIFLESING: Galasiërs 1: 1 10 TEKS: Galasiërs 1: 6-7 TEMA: Hervorming herinner ons bly by die suiwere Woord. SANG: Ps 84: 1, 6 (OAB); Ps 119: 1, 5, 7 (OAB); Sb 1-1: 3, 6; Ps 145: 1,
More information'n GEMEENTE VAN GOD MET JESUS CHRISTUS AS HOEKSTEEN
Onsis almalhiertesaam Vergader in sy Naam, Verheerlik Hom. Tot die doodwas Hygetrou Endaardeuris onsnousyeiendom. LaatonsmaaksoosHyonsse Mekaarsteeds lieftehe EnHomboalleseer. Loof Hom, Christus die Heer.
More informationHoe verskil die Christelike vryheid waarvan Paulus praat van die samelewing se manier van dink oor vryheid?
Jan Steyn preek 15 Julie 2018 Teks: 1 Korintiers 9: 19-27 Tema: Wat maak ons met ons vryheid? Inleiding: Dit is nie altyd maklik om in ons samelewing vandag as Christen oor vryheid te praat nie. Ek dink
More informationBybel vir Kinders bied aan. Die Hemel God se pragtige huis
Bybel vir Kinders bied aan Die Hemel God se pragtige huis Geskryf deur: Edward Hughes Ge-illustreer: Lazarus Aangepas deur: Sarah S. Vertaal deur: Taschja Hattingh Vervaardig deur: Bible for Children www.m1914.org
More informationDie Hemel God se pragtige huis
Bybel vir Kinders bied aan Die Hemel God se pragtige huis Geskryf deur: Edward Hughes Ge-illustreer: Lazarus Aangepas deur: Sarah S. Vertaal deur: Taschja Hattingh Vervaardig deur: Bible for Children www.m1914.org
More informationDie verheerlikte Jesus se seën en ons. Vandag vier ons die troonsbestyging van die Koning van die konings.
Skriflesing: Luk 24:1 12 en :44-53 Fokusgedeelte: Luk 24:50b 51 en :53 Die verheerlikte Jesus se seën en ons Inleiding / Introduction Vandag vier ons die troonsbestyging van die Koning van die konings.
More informationPreek Jan Steyn Sondag 29 Oktober Teks: Efesiers 2:1-10. Tema: In Christus lewe jy. Inleiding:
Preek Jan Steyn Sondag 29 Oktober 2017 Teks: Efesiers 2:1-10 Tema: In Christus lewe jy Inleiding: Jesus het nie gekom om een of ander godsdiens te hervorm nie. Hy het nie die Joodse geloof van binne probeer
More informationOktober Lees: Mattheus 7:1-12 Fokus: vers 6-11
Mattheus 7:6-11 Dissipels moet net nooit iets anders doen as om radikaal vir God te leef nie. Ons Vader gee dit in sy onveranderlike trou en volmaakte liefde vir elkeen wat vra. Oktober 2018 Ps 123: 1,
More informationHoe lyk dit in mense se lewens as hemel daar deurgebreek het? Hoe lyk dit op aarde as hemel deurbreek Van paradys tot koninkryk van die
Hemel op aarde Inhoudsopgawe Hemel op aarde... 1 Laat U Koninkryk en U wil ook op aarde ʼn werklikheid word... 4 Detoks na gees, siel en liggaam... 4 Rom. 12:1,2... 5 Mat. 4:17... 6 Julle is medewerkers
More informationKleingroepe as Gemeenskappe van Dissipels...
Kleingroepe as Gemeenskappe van Dissipels... n Visie vir kleingroep-leiers. 0 Inhoud: 1. Inleiding 3 Visie: 3 Hoekom kleingroepe? 3 Dit gaan in wese oor: 5 Soorte groepe: 6 Fokusgroepe: 6 Funksie-groepe:
More informationJan Steyn preek 8 Julie Teks: Romeine 5:1-11 (1 Timoteus 1:1) Tema: Christus Jesus ons Hoop
Jan Steyn preek 8 Julie 2018 Teks: Romeine 5:1-11 (1 Timoteus 1:1) Tema: Christus Jesus ons Hoop Inleiding: Hoekom is die Christelike hoop so belangrik? As ek nie kan glo my verlede is deur die Here vergewe,
More informationBrandende Harte! Ontmoet God en word passievolle navolgers van Jesus. Ds. Willem Louw: NG Kerk Miederpark
Brandende Harte! Ontmoet God en word passievolle navolgers van Jesus. Ds. Willem Louw: NG Kerk Miederpark Skriflesing: Luk.24:13-35 Het jy agter gekom, soms koop jy ʼn produk waaroor jy nou nie eintlik
More informationSkriflesing: 1 Johannes 1:1-10 Teks: 1 Johannes 1:4 Sing- Ps. 66:1, Ps. 19:1; Ps. 65:8; Ps. 100:1,4
1 Skriflesing: 1 Johannes 1:1-10 Teks: 1 Johannes 1:4, 1 Johannes 5:19 Sing- Ps. 66:1, Ps. 19:1; Ps. 65:8; Ps. 100:1,4 1 Johannes 1:1-10 1Jn 1:1 Wat van die begin af was, wat ons gehoor het, wat ons met
More informationOEPS! WAAR IS MY GELOOF HEEN?
OEPS! WAAR IS MY GELOOF HEEN? Stephan Bester Agtergrond van waar ek trek... Wanneer die Here ons roep vir iets, beteken dit gewoonlik dat Hy ons ook roep weg van iets af. Die probleem is egter dat daar
More informationDie leuen van die samelewing: Jou toekoms is in jou eie hande en jy is in beheer van jou lewe!
Jan Steyn Preek 6 April 2014. Teks: Romeine 7:14-8:4 Tema: Waarheen vlug ek met myself? Inleiding: Twee seuns van n Engelse koning het op n keer vir hulle pa gevra: Word n ware gentleman gebore of gemaak?
More informationKom ons herinner mekaar aan die toetse wat ons tot nou toe hanteer het:
1 Jakobus 2a Tema: die toets van onpartydigheid Vandag gaan ons voort met die brief van Jakobus. Die brief wat handel oor gelowiges se integriteit (verduidelik). Julle sal onthou dat Jakobus ons waarsku
More informationTwee van die grootste leuens oor sukses wat aan ons en aan ons kinders deur die samelewing vertel word.
Jan Steyn preek Pinkster 2018 Tema: Die afgod van sukses Teks: 2 Konings 5:1-18, Mattheus 5:3-12 Twee van die grootste leuens oor sukses wat aan ons en aan ons kinders deur die samelewing vertel word.
More informationMark 9: Fokus: 9:35-37 By die dienende Christus moet ons dienskneg-dissipels word.
Mark 9:30-37 Fokus: 9:35-37 By die dienende Christus moet ons dienskneg-dissipels word. Januarie 2013 Ps-vooraf Ps 34: 1, 2 Ontmoetingsdiens. Votum. Ons slaan my oë op na die berge: waar sal my hulp vandaan
More informationJy sal lewe deur die onverdeelde trou van die Here. Jesaja 36-37:14, 20, 32
Jy sal lewe deur die onverdeelde trou van die Here Jesaja 36-37:14, 20, 32 #feesmustfall #breekdiestilte #reformpuk wat is die groot vraag? Die laaste paar weke was rof. Die studente-protesaksies regoor
More informationWie is Jesus? Wie is Jesus? KLEINGROEPBEDIENING. Predikant: Wilhelm Leuschner Sel: Epos:
KLEINGROEPBEDIENING Predikant: Wilhelm Leuschner Sel: 084 453 8724 Epos: wilhelm@gkwapadrant.co.za Kleingroepbestuurder: Elmarie Minnaar Tel: 012 991 6596 Epos: kleingroepe@gkwapadrant.co.za Wie is Jesus?
More informationPretoria- 23 Junie 2012
1 Skriflesing: Spreuke 11:1-31 Teks: Spreuke 11:29-30 Sing- Ps. 96: 6,7; Ps. 1:1,2; Ps. 116:4; Ps. 128:2,3 Wie sy huis in beroering bring, sal wind erwe, en 'n dwaas word 'n slaaf van hom wat wys van hart
More informationTema: Die ware besnydenis: Hoe leef ek vandag as Jesus se dissipel?
Preek Sondag 22 Maart 2015 Teks: Filippense 3: 1-21 (veral vers 3) Tema: Die ware besnydenis: Hoe leef ek vandag as Jesus se dissipel? Inleiding: Agtergrond: Twee groepe wat bedreig: In Paulus se brief
More informationOm n omgewing te skep vir gesonde mense om gesonde verhoudings en n dinamiese, lewendige bedieningslewe te kan hê.
WIE IS LCF? Life Christian Foundation (LCF sedert 1999) is n nie-winsgewende organisasie wat in 2001 geregistreer is. LCF word bestuur deur n raad van Direkteure met Dr Sakkie Olivier as Voorsitter van
More informationHoor God deur Drome en Visioene Hear God through Dreams and Visions
Aangebied deur Die Weg Christelike Gemeente Hoor God deur Drome en Visioene Hear God through Dreams and Visions Plek/Venue: NG Kerk Witrivier Datum/Date: 16 17 Oktober 2015 Koste/Price: R150pp Kontak/Contact:
More informationPride gets no pleasure of having something, only having more of it than the next man C. S.
Jesus en gebed Pride gets no pleasure of having something, only having more of it than the next man C. S. Lewis Jesus en gebed Jesus het dikwels gebid. Volgens Leonard Sweet en Frank Viola (Jesus A Theography)
More informationHartbeespoort Christen Gemeenskap : Evangelisasie-Dissipelskap kursusnota s DISSIPELSKAP OPLEIDINGSPROGRAM.
DISSIPELSKAP OPLEIDINGSPROGRAM. 1. Kursusagtergrond: Opleiding vir mense wat Jesus se groot opdrag wil uitvoer. Kursus skool mens om: Evangelie aan kerkmense oor te dra Evangelie aan onverskilliges oor
More information19.20 BESKRYWINGSPUNT STREEKSINODE NOORDWES KATEGISMUS (Art 124) POINT OF DESCRIPTION REGIONAL SYNOD NORTH WEST CATECHISM (Art 124)
19.20 BESKRYWINGSPUNT STREEKSINODE NOORDWES KATEGISMUS (Art 124) 19.20 POINT OF DESCRIPTION REGIONAL SYNOD NORTH WEST CATECHISM (Art 124) A. Die Beskrywingspunt is gestel. The Point of description is tabled.
More informationMattheus 6:9-10 Ons nuwe dissipel-lewe is n lewe waarin ons radikaal breek met self-gesentreerdheid en leef met God-gesentreerdheid.
Mattheus 6:9-10 Ons nuwe dissipel-lewe is n lewe waarin ons radikaal breek met self-gesentreerdheid en leef met God-gesentreerdheid. Augustus 2018 Ps 30: 1, 3 vooraf Ps 97: 1, 6, 7 lofpsalm Ps 34: 5, 6
More information10 Dae van Gebed. Dag 1 Bly in Christus. Johannes 15:1-17
10 Dae van Gebed Januarie 7-17, 2015 Dag 1 Bly in Christus Johannes 15:1-17 Voorstelle vir Bemiddelende Gebed Voel vry om aanspraak te maak op ander beloftes in die Bybel. Onthou, as God u roep, sal hy
More informationGen 17:1-14; Rom 4:1-12; Kol 2:1-12
Oktober 2016 Gen 17:1-14; Rom 4:1-12; Kol 2:1-12 Die doop wat die HERE gee en wat dit vir ons en ons kinders beteken en sê. Ps-vooraf Ps 29: 1, 5; Ps 75: 1, 2 Ontmoetingsdiens. Votum. Ons slaan ons oë
More informationGEHOORSAAMHEID AAN GOD
DIE WEG CHRISTELIKE GEMEENTE GEHOORSAAMHEID AAN GOD DATUM: 17 APRIL 2016 PLEK: NELSPRUIT PREDIKER: PASTOOR JOHAN PUTTER Page 1 of 14 GEHOORSAAMHEID AAN GOD INHOUDSOPGAWE INLEIDING...3 MOET ONS DIE WET
More informationGalasiërs 5:1-12 Valse en ware godsdiens
Galasiërs 5:1-12 Valse en ware godsdiens 1 Staan dan vas in die vryheid waarmee Christus ons vrygemaak het, en laat julle nie weer onder die juk van diensbaarheid bring nie. 2 Kyk, ek, Paulus, sê vir julle
More informationNuwe Wyn/New Wine. Nuwe Wyn/New Wine. Vir kinders/ For kids. Dr Christo Nel
Nuwe Wyn/New Wine Nuwe Wyn/New Wine Vir kinders/ For kids Dr Christo Nel Inhoudsopgawe A. Uiteensetting vir NUWE WYN toerusting materiaal geskik vir kinders... 2 Inleidend... 2 MATERIAAL VIR KINDERS...
More informationTo abandon prayer is to embrace atheism. Alec Motyer
Naäman To abandon prayer is to embrace atheism. Alec Motyer Naäman Ons kry die verhaal van Naäman in 2 Konings 5:1 16. Naäman was n belangrike man. Hy was n groot en trotse man die bekendste generaal in
More informationIs profesie oor Christus in die Ou Testament altyd direk Messiaans?
Is profesie oor Christus in die Ou Testament altyd direk Messiaans? Met besondere aandag vir Psalm 2 By die lees van die Ou Testament is die vraag wat hierbo gevra word, baie belangrik. Hierdie vraag speel
More informationLet it be. Laat dit wees. Monday 18 June 12
Let it be Laat dit wees I have need for such a clearance as the Saviour affected in the temple of Jerusalem. A riddance of the clutter, of what is secondary, that blocks the way to the all important central
More informationDefinition2 - SALWING = GODDELIKE AANSPORING OM TE FUNKTIONEER/ANOINTING = THE UNCTION TO FUNCTION
Boodskap2. SALWING OM MENSE TE GENEES EN TE HERSTEL Hand 10:36-38 Dit is die woord wat Hy gestuur het..met betrekking tot Jesus van Násaret, hoe God Hom gesalf het met die Heilige Gees en met krag. Hy
More information10 gebooie van Genade n Ekspedisie na vryheid
10 gebooie van Genade n Ekspedisie na vryheid Hierdie aflaaibare gids is gratis tensy dit gedruk en gebind aangebied word, en is vir gebruik deur lesers van die boek. Die Skrifgedeeltes kom uit verskeie
More informationGRADE 12 SEPTEMBER 2012 RELIGION STUDIES P2
Province of the EASTERN CAPE EDUCATION NATIONAL SENIOR CERTIFICATE GRADE 12 SEPTEMBER 2012 RELIGION STUDIES P2 MARKS: 150 TIME: 2 hours *RLSDM2* This question paper consists of 4 pages. 2 RELIGION STUDIES
More informationHoe om vir God te gee wat Hy die graagste wil hê
AFDELING EEN Hoe om vir God te gee wat Hy die graagste wil hê OORGEGEE AAN GOD ROMEINE 12:1 Die mensdom se hele lewensuitkyk kan verander indien ons almal glo dat ons in n vriendelike wêreld woon, en dat
More informationDie regering van die Kerk 1Tim 2: Christus se wil dat vroue leerlinge moet wees... maar nie self mag onderrig gee nie.
Die regering van die Kerk 1Tim 2:11-12 Christus se wil dat vroue leerlinge moet wees... maar nie self mag onderrig gee nie. Maart 2012 Ps-vooraf Ps 33:1,2 (sittende) Ontmoetingsdiens. Votum. Ons slaan
More informationSondag, 21 April 2013 Tema: Vat die bal Skriflesing: 2 Korintiërs 12:8-12 Leraar: Ds Attie Steyn
Sondag, 21 April 2013 Tema: Vat die bal Skriflesing: 2 Korintiërs 12:8-12 Leraar: Ds Attie Steyn A. Ons verhaallyne Hoe kom mense nader aan mekaar? Twee mense deel hulle verhale met mekaar. Hoe bly mense
More informationDie eerste is God beskik alles: God het alles vooraf beplan en haarfyn uitgewerk en alles werk presies so uit soos Hy dit beplan het.
Preek Jan Steyn 11 Junie 2017 Teks: Romeine 8: 26-39 Tema: Waaroor is God in beheer? Inleiding: God is in beheer. Hierdie vier woorde is seker van die grootste trooswoorde in Afrikaans. Ons sê dit vir
More informationGOD IN 3D LEIERSGIDS. Uitgawe 2018 Emmaus Sentrum Geen duplisering sonder toestemming. Posbus 111, Paarl, 7620 Dienssentrum Tel:
GOD IN 3D LEIERSGIDS Uitgawe 2018 Emmaus Sentrum Geen duplisering sonder toestemming Posbus 111, Paarl, 7620 Dienssentrum Tel: 082 838 3298 E-pos: emmausinfo@mweb.co.za Webtuiste: www.emmaussentrum.co.za
More informationPreek Jan Steyn 28 April Teks: Johannes 3, 7 en 19 Tema: Is jy nagdissipel of dagdissipel van Jesus?
Preek Jan Steyn 28 April 2013. Teks: Johannes 3, 7 en 19 Tema: Is jy nagdissipel of dagdissipel van Jesus? Inleiding: Ons het verlede week begin met hierdie reeks oor dissipelskap. Iemand skryf baie mooi
More informationAddendum A Consent form
480 Addendum A Consent form Carien Lubbe, PhD-student, University of Pretoria Faculty of Education Department of Educational Psychology 082 857 0137 012 420 2765 carien.lubbe@up.ac.za I hereby consent
More information*19 25 Augustus. Geheueteks: Ek smeek julle, broers: Word soos ek, soos ek my ook met julle vereenselwig het (Galasiërs 4:12).
Les 9 *19 25 Augustus Paulus se pastorale oproep SABATMIDDAG Leesverwysings vir hierdie week se studie: Galasiërs 4:12 20, 1 Korintiërs 11:1, Filippense 3:17, 1 Korintiërs 9:19 23, 2 Korintiërs 4:7 12.
More informationDIE NUWE HEMEL EN DIE NUWE AARDE 1Toe het ek 'n nuwe hemel en 'n nuwe aarde gesien. Die eerste hemel en die eerste aarde het verdwyn, en die see het
Openbaring 21 NUUT DIE NUWE HEMEL EN DIE NUWE AARDE 1Toe het ek 'n nuwe hemel en 'n nuwe aarde gesien. Die eerste hemel en die eerste aarde het verdwyn, en die see het nie meer bestaan nie. 2 En ek het
More informationHoofstuk 2: Hoekom doen ek dit?
Hoofstuk 2: Hoekom doen ek dit? Ander moet julle red deur hulle uit die vuur te ruk (Jud. 1:23) Jan Roos 1 2 Hoofstuk 2: Hoekom doen ek dit? My seun, neem aan wat ek jou sê, maak wat ek jou voorskryf jou
More informationBelowe God regtig dat Hy dit altyd met jou goed wil laat gaan?
Belowe God regtig dat Hy dit altyd met jou goed wil laat gaan? Teksgedeelte: Dan 3 Teksvers: Dan 3: 17 18 Braam Krüger 16 Sadrag, Mesag en Abednego het koning Nebukadnesar geantwoord: Ons hoef u nie hierop
More informationWaar is God as ons swaarkry?
Waar is God as ons swaarkry? Envy is sorrow at another s good Thomas van Acquino Waar is God as ons swaarkry? Philip Yancey se nuwe boek, The Question that Never goes away, het onlangs verskyn. Die vraag
More informationLuister na God. enlewe vir ewig
Luister na God enlewe vir ewig God is soos n liefdevolle vader. 1Petrus5:6,7 God is ons Skepper, en hy is besorg oor ons. Net soos n wyse en liefdevolle vader sy kinders onderrig, leer God mense oor die
More informationHeb. 7,8 10 is vir my vanselfsprekend, maar miskien moet dit in detail in PLAIN Afrikaans verduidelik word.
UIT DIE OUE, IN DIE NUWE Deel 1 Een van julle het so n ruk gelede vir my die volgende geskryf: Daar's soveel onkunde en misinformasie oor die ou en nuwe verbond en wat elkeen behels. Hoekom skryf jy nie
More informationLukas 4: Agtergrond
Lukas 4:21-30 Agtergrond Lukas word soos volg ingedeel: Jesus se bediening in Judea - 1:1-4:13 Jesus se bediening in Galilea 4:14-9:50 Op pad na Jerusalem 9:51-19:27 In Jerusalem 19:28-24:53 Opstanding
More informationSing vooraf staande: Skrifberyming 1-1:1, 2 (24:1, 2)
Sing vooraf staande: Skrifberyming 1-1:1, 2 (24:1, 2) 1 Geseënd sy bo alle dinge / die eewge God en Vader! Hy het in die hemel seëninge / vir ons in Christus toeberei. Na die besluit, uit Hom gebore /
More informationMattheus 5:27-30 Ons nuwe dissipel-lewe volgens die HERE se gebooie begin on ons harte. In vers wys Jesus hierdie waarheid uit die 7de gebod.
Mei 2018 Mattheus 5:27-30 Ons nuwe dissipel-lewe volgens die HERE se gebooie begin on ons harte. In vers 27-30 wys Jesus hierdie waarheid uit die 7de gebod. Ps 7: 1, 7 vooraf Ps 9: 1, 6, 7 lofpsalm Ps
More informationINHOUDSOPGAWE LES LESTEMA WEEK VAN BLADSY. Die Innerlike Dissipline van Gebed 8 Oktober 15. Die Innerlike Dissipline om te Vas 15 Oktober 18
INHOUDSOPGAWE LES LESTEMA WEEK VAN BLADSY 1 Geestelike Dissiplines Deel 1 - Inleiding 17 September 4 2 Geestelike Dissiplines Deel 2 Genade en dissipline 24 September 7 3 Die Innerlike Dissipline van Meditasie
More informationAgteraf is dit natuurlik maklik om so te praat. Hoe sou ons self opgetree het by die opstanding van Jesus? Nie veel beter nie.
If you use this sermon in a service, kindly let the author know at: contact@vanbruggenpreken.nl Gemeente van ons Opgestane Heiland, Die preek handel vandag oor Thomas. Hy lyk nie juis n voorbeeld van n
More informationMattheus 5:3 Salig is die wat arm van gees is, want aan hulle behoort die koninkryk van God.
Mattheus 5:3 Salig is die wat arm van gees is, want aan hulle behoort die koninkryk van God. Januarie 2018 Ps 122: 1, 2 vooraf Ps 138: 1, 3, 4 lofpsalm Ps 51: 8 na wet Ps 34: 8, 9 as antwoord op die Woord
More information*3-9 Maart. Die funksie van rentmeesterskap
Les 10 *3-9 Maart Die funksie van rentmeesterskap SABBATMIDDAG Leesverwysings vir hierdie week se studie: Kolossense 1:16 18; Hebreërs 4:14 16; III Johannes 3; Génesis 6:13 18; Openbaring 14:6 12; I Petrus
More informationREGVERDIGMAKING EN DIE GEVOLGE DAARVAN
1 REGVERDIGMAKING EN DIE GEVOLGE DAARVAN Friedrich De Wet (voel vry om my te kontak by fwdewetjr@gmail.com) 2 Inhoudsopgawe 1. Regverdiging vir regverdigmaking... 4 Leerstellings is belangrik... 7 Leerstellings
More informationCatullus se Carmina in Afrikaans vertaal: n funksionalistiese benadering
Catullus se Carmina in Afrikaans vertaal: n funksionalistiese benadering Annemarie de Kock Tesis ingelewer ter gedeeltelike voldoening aan die vereistes vir die graad van Magister Artium in Klassieke Letterkunde
More informationDIE DOOP VAN GELOWIGES (SG. BEKERINGSDOOP)
1 DIE DOOP VAN GELOWIGES (SG. BEKERINGSDOOP) 1. INLEIDING Die Bybel word onvoorwaardelik deur Ignited in Christ as die Geesgeinspireerde Woord van God aanvaar. Indien die leser van hierdie dokument nie
More informationOggenddiens 19 Augustus Windhoek
Lees: Psalm 23 Teks: Ps. 23: 1 Tema: God se herderskap is en bly uniek! Sing: 1. Ps. 147-2: 1 en 3 2. Sk. 14-1: 1 en 2 3. Ps. 40-1: 4 4. Ps. 65-1: 3 5. Ps. 116-1: 7 en 10 6. Sk. 10-2 Die psalm wat ingebed
More informationGereformeerde Kerk Bellville 31 Januarie 2016 Oggend
Gereformeerde Kerk Bellville 31 Januarie 2016 Oggend Sing vooraf staande: Psalm 42:1, 2 (p. 214) 1 Soos ʼn hert in dorre streke / skreeuend dors na die genot van die helder waterbeke, / skreeu my siel na
More informationTeks: 1 Konings 19:15-21, 2 Konings 2:1-15 en Jesaja 61:1-11. Tema: Die mantel van Elia en die mantel van Christus. Agtergrond: 1 Konings Hoofstuk 18
Teks: 1 Konings 19:15-21, 2 Konings 2:1-15 en Jesaja 61:1-11 Tema: Die mantel van Elia en die mantel van Christus Agtergrond: 1 Konings Hoofstuk 18 Voor dat ons saam lees uit 1 Konings 19, net hierdie
More informationDIE WEG CHRISTELIKE GEMEENTE
DIE WEG CHRISTELIKE GEMEENTE REGVERDIGING DATUM: 15 MEI 2016 PLEK: MBOMBELA PREDIKER: PASTOOR JOHAN PUTTER Page 1 of 11 REGVERDIGING INHOUDSOPGAWE INLEIDING... 3 AGTERGROND OOR DIE VERSKILLENDE TEOLOGIESE
More informationNagmaal is n Tyd van herinnering n Geleentheid om die Here te dank dat Hy aan die kruis gesterf het vir ons sonde.
Wat is Nagmaal Hoekom gebruik die kerk nagmaal? Nagmaal is n Tyd van herinnering n Geleentheid om die Here te dank dat Hy aan die kruis gesterf het vir ons sonde. Die nagmaal was ingestel deur Jesus Christus
More information