Projekti i USAID-it për Përmirësimin e Veprimtarisë të Gjykatave Drejtësi për të gjithë THIRRJE PËR APLIKIME (RFA-JAG )

Transcription

1 Projekti i USAID-it për Përmirësimin e Veprimtarisë të Gjykatave Drejtësi për të gjithë THIRRJE PËR APLIKIME (RFA-JAG ) Projekti i USAID-it në Shqipëri Drejtësi për të gjithë fton Organizatat e Shoqërisë Civile (OSHC-të) të aplikojnë për: Grantin Nisma për të adresuar korrupsionin dhe transparencën në sektorin e drejtësisë ose institucione/shërbime të tjera publike I. PËRSHKRIMI I PROJEKTIT Projekti i USAID-it Drejtësi për të gjithë është një projekt pesëvjeçar ( ), i cili ka synim të përmirësojë veprimtarinë e gjykatave shqiptare përmes zbatimit të standardeve gjyqësore gjithëpërfshirëse në drejtim të efikasitetit, transparencës, aksesit dhe përgjegjshmërisë. Gjithashtu, projekti i ofron ndihmë organizatave të shoqërisë civile, gazetarisë investigative dhe medias për të përforcuar rolin e tyre si aktorë të rëndësishëm në procesin e reformës në drejtësi dhe si rojtarë të zbatimit të reformave. Objektivi parësor i projektit është rritja e besimit të publikut te sistemi gjyqësor shqiptar. II. PЁRSHKRIMI I MUNDЁSISЁ PЁR FINANCIM Synimet dhe objektivat e grantit Transparency International publikoi më datë 27 janar 2016 Indeksin e 21-të Vjetor të Perceptimit të Korrupsionit. Indeksi bën një renditje të 168 shteteve/territoreve, sipas nivelit përkatës të perceptimit të korrupsionit në sektorin publik. Shqipëria u radhit në vendin e 88- të, me 36 pikë 1. Rezultatet e Sistemit të Monitorimit të Korrupsionit për Shqipërinë në vitin tregojnë se afro një në dy qytetarë shqiptarë në moshë madhore e pranon se i është kërkuar në mënyrë të drejtpërdrejtë ose jo, që t i japë ryshfet një zyrtari publik (49.6 %). Një gjë e tillë tregon për një rritje me afro 5 pikë përqindjeje të presionit korruptiv nga ana e zyrtarëve publikë kundrejt qytetarëve, krahasuar me vitin Grupet e perceptuara nga qytetarët si më të korruptuarit janë gjyqtarët, punonjësit e doganave, zyrtarët publikë, partitë politike dhe drejtuesit politikë. Programi i USAID-it Drejtësi për të gjithë synon t i ofrojë grante organizatave shqiptare të shoqërisë civile (OSHC-ve), që punojnë më vete ose në partneritet domethënës të krijuar me OSHC të tjera ose gazetarë investigativë, me qëllim promovimin e mirëqeverisjes dhe luftës kundër korrupsionit. Nxitja e një bashkëpunimi më të gjerë ndërmjet OSHC-ve në rang gjeografik dhe tematik, si dhe e bashkëpunimit të tyre me gazetarinë investigative përbën çelësin për promovimin e ndërgjegjësimit qytetar dhe për të kërkuar ndryshime pozitive në GRANT i Projektit të USAID-it Drejtësi për të gjithë - RFA-JAG FAQJA 1 NGA 7

2 sektorin e drejtësisë dhe në institucione apo shërbime të tjera publike. Projekti i USAID-it Drejtësi për të gjithë pret aplikime kreative, novatore dhe bashkëpunuese, të cilat përmbajnë aktivitete që synojnë rritjen e efikasitetit, transparencës dhe përgjegjshmërisë në sektorin e drejtësisë, si dhe aktivitete që ekspozojnë praktikat e këqija, shërbimet e paefektshme dhe shpërdorimin e detyrës në institucionet shtetërore, veçanërisht në sektorin e drejtësisë. Objektivat e kësaj thirrjeje për aplikime janë, si vijon: Të mbështesë OSHC-të që të rrisin me më shumë sukses dhe efikasitet ndërgjegjësimin publik lidhur me rëndësinë që ka adresimi në mënyrë aktive i procesit të reformës në drejtësi, duke shërbyer si rojtarë gjatë implementimit të reformave, por edhe për të kuptuar se si praktikat korruptive specifike në sektorë publikë specifikë dëmtojnë, si shoqërinë në përgjithësi, ashtu edhe individët në veçanti; Të promovojë pjesëmarrjen qytetare në ekspozimin e praktikave korruptive dhe/ose në zbatimin e nismave për parandalimin e korrupsionit ose uljen e mundësive për korrupsion në sistemin e drejtësisë, si prioritet, por edhe brenda institucioneve të qeverisjes vendore apo qendrore, si dhe në dhënien e shërbimeve publike; Të inkurajojë OSHC-të që të punojnë në partneritet gjeografik por edhe tematik, si dhe të nxisë bashkëpunimin me organizata të tjera, përfshirë edhe median, për të adresuar dhe promovuar në këtë mënyrë praktika e shërbime gjyqësore transparente, të përgjegjshme dhe efikase, si dhe për të ekspozuar korrupsionin brenda çdo institucioni qeveritar (vendor ose qendror); Të ekspozojë praktikat joefikase dhe të paefektshme, mungesën e transparencës dhe/ose papërgjegjshmërinë, si dhe të ekspozojë korrupsionin në sektorin e drejtësisë, por edhe në institucione të ndryshme vendore dhe qendrore, apo agjenci të tjera; Të promovojë rritjen e aksesit për të gjithë qytetarët në sektorin e drejtësisë, përmirësimin e shërbimeve nga të gjithë aktorët e sistemit të drejtësisë dhe të inkurajojë përmirësime në fushat e mësipërme edhe brenda institucioneve të tjera qeverisëse; Të monitorojë procesin e implementimit të reformës në sistemin e drejtësisë, së bashku me organet përkatëse qeverisëse dhe zbatuese, si prioritet, por gjithashtu, të monitorojë edhe aktivitetet dhe performancën e institucioneve të tjera qeverisëse, për të përmirësuar kështu cilësinë e shërbimeve publike; Të rrisë aksesin e publikut në proceset vendimmarrëse dhe të rrisë transparencën, llogaridhënien dhe integritetin e shërbimeve publike; Të ndërtojë marrëdhënie besimi ndërmjet qytetarëve dhe gjyqësorit, si dhe aktorëve të tjerë të sistemit të drejtësisë. Aplikimet duhet të adresojnë në mënyrë specifike një ose më shumë nga objektivat e lartpërmendur. Gjithashtu, në mënyrë që të konsiderohen, të gjitha propozimet duhet të përfshijnë elementet e kërkuara në Aneksin A: Formulari i Aplikimit për Grant dhe duhet të propozojnë strategji për realizimin e suksesshëm të aktiviteteve të kërkuara si pjesë e këtij granti, duke përfshirë edhe prezantimin e risive që i përshtaten pikave të forta të secilës organizatë. GRANT i Projektit të USAID-it Drejtësi për të gjithë - RFA-JAG FAQJA 2 NGA 7

3 III. DHËNIA E GRANTIT Projekti i USAID-it Drejtësi për të gjithë planifikon të japë një sërë grantesh për projekte që shtrihen nga 3 deri në 12 (dymbëdhjetë) muaj. Fondet e grantit mund të përdoren vetëm për aktivitetet që lidhen drejtpërdrejt me zbatimin e projektit. Grantet do të jepen sipas kategorive të mëposhtme: Aktivitete të grantit të vogël: Deri në 10,000.00$ Aktivitete të grantit mesatar: 10,001.00$ deri në 25,000.00$ Aktivitete të grantit të madh: 25, $ e lart Projekti i USAID-it Drejtësi për të gjithë gëzon të drejtën të japë disa ose asnjë grant, në përgjigje të aplikimeve të paraqitura. Aplikantët duhet të marrin përsipër të gjitha kostot dhe risqet që lidhen me përgatitjen e propozimeve të dorëzuara në përgjigje të kësaj thirrjeje për aplikime. Për më tepër, Projekti i USAID-it Drejtësi për të gjithë rezervon të drejtën që të pranojë apo refuzojë ndonjë ose të gjitha aplikimet e paraqitura, si dhe ka të drejtë t u kërkojë aplikantëve sqarime të mëtejshme. IV. SHTRIRJA KOHORE Të gjitha propozimet duhet të përmbajnë një kalendar kohor të aktiviteteve, në pajtim me afatet e përcaktuara më poshtë: Del ftesa për propozime: 7 tetor 2016 Afati i fundit për kërkim sqarimesh: 21 tetor2016 -mbyllja e orarit të punës Përgjigjet e kërkesave për sqarim: 28 tetor 2016 Afati i fundit për dorëzim: 7 nëntor 2016-mbyllja e orarit të punës Shqyrtimi i propozimeve: 8 nëntor 2016 deri në 1 dhjetor 2015 Shpallja e vendimit përfundimtar për grantin: Jo më vonë se 2 dhjetor 2016 Ju lutemi, kini parasysh se datat e vlerësimit dhe shpalljes së fituesit mund të ndryshojnë. V. KRITERET E PRANIMIT Vetëm OSHC-të e regjistruara ligjërisht në Shqipëri kanë të drejtë të aplikojnë për këtë thirrje për aplikime. Secila nga organizatat aplikante duhet të përmbushë edhe kriteret e mëposhtme: Të ketë së paku një vit përvojë operacionale. Si rregull, Projekti i USAID-it Drejtësi për të gjithë nuk do të ofrojë fonde që do të shërbejnë për fillimin e veprimtarisë së një organizate të re, edhe pse Projekti i USAID-it Drejtësi për të gjithë mund të bëjë një përjashtim në ndonjë rast të rrallë, nëse janë paraqitur prova të mjaftueshme që tregojnë se drejtuesit e organizatës kanë përvojë të mëparshme të mjaftueshme dhe se organizata është e aftë të plotësojë një mangësi, e cila, deri më sot ka qenë e paplotësuar; Të ketë një strukturë qeverisëse që siguron rotacionin e duhur të udhëheqjes dhe delegimit të pushtetit, duke përfshirë të paktën një Bord Drejtues, një Kryetar dhe një Drejtor Ekzekutiv. Nuk është e mundur që i njëjti individ të mbajë edhe postin e Kryetarit të Bordit, edhe atë të Drejtorit Ekzekutiv, me përjashtim të rasteve kur madhësia e organizatës nuk e mundëson këtë ndarje. Nëse kriteret e mësipërme nuk përmbushen, aplikanti duhet të paraqesë një propozim me procesin reformues që do të ndërmarrë për përmbushjen e këtyre standardeve; GRANT i Projektit të USAID-it Drejtësi për të gjithë - RFA-JAG FAQJA 3 NGA 7

4 Të ketë një sistem kontabiliteti transparent, i cili pajtohet me legjislacionin shqiptar dhe Standardet Ndërkombëtare të Kontabilitetit (IAS). Nëse një sistem i tillë nuk ekziston, fituesi i grantit duhet të punojë ngushtë me zyrën e Projektit të USAID-it Drejtësi për të gjithë për të siguruar ngritjen e sistemeve të menaxhimit të saktë financiar dhe të një sistemi transparent kontabiliteti; Nuk duhet të jetë debitor dhe duhet të ketë shlyer çdo borxh ndaj shtetit, ose të ketë marrë masa për shlyerjen e plotë të borxhit para lëvrimit të parë të fondeve të grantit nga Projekti i USAID-it Drejtësi për të gjithë ; Duhet të veprojë si një organizatë e pavarur dhe jo e lidhur politikisht; Nuk duhet të jetë e ndaluar, e pezulluar, e përjashtuar apo e cilësuar si e papërshtatshme për të përftuar fonde federale nga SHBA-ja; Nëpunësit civilë, të emëruarit politikë, anëtarët e parlamentit aktual, stafi i kompanive publike të transmetimit, dhe/ose drejtuesit e partive politike nuk mund të marrin pjesë në një projekt granti si drejtorë apo si pjesëmarrës që shpërblehen nga granti. Aplikanti i përzgjedhur për të marrë grantin do t i nënshtrohet një vlerësimi risku, i cili do të realizohet nga Projekti i USAID-it Drejtësi për të gjithë para dhënies së grantit, për të konstatuar nëse aplikanti i zotëron kapacitetet minimale të menaxhimit, që janë të nevojshëm për të menaxhuar fondet e qeverisë amerikane. Rrjedhimisht, para marrjes së vendimit përfundimtar, Projekti i USAID-it Drejtësi për të gjithë mund të kërkojë dokumentacion shtesë, si më poshtë, por pa u kufizuar vetëm te kjo listë: Një kopje të dokumentit më të fundit të regjistrimit të organizatës; Raportin e auditimit; Pasqyrat financiare (bilanci, fitimi dhe humbja, likuiditeti); dhe Politikat e organizatës. Shënim: Inkurajohet aplikimi si partneritet ndërmjet 2 (dy) ose më shumë OSHC-ve të kualifikuara. Çdo anëtar individual i një partneriteti të tillë duhet të plotësojë kërkesat minimale të kualifikimit, të përmendura më lart. Megjithatë, dokumentacioni shtesë për vlerësimin e riskut para dhënies së grantit do t i kërkohet vetëm organizatës së autorizuar ose organizatën lider që përfaqëson partneritetin e OSHC-ve. Gjithashtu, OSHC-të individuale në përbërje të partneritetit duhet të paraqesin një letër bashkëpunimi ose një Memorandum Mirëkuptimi (MM) të firmosur. VI. PROCESI DHE KRITERET E VLERËSIMIT Procesi i përzgjedhjes do të administrohet nga Komisioni i Vlerësimit të Granteve (KVG), i ngritur nga Projekti i USAID-it Drejtësi për të gjithë posaçërisht për këtë Thirrje për Aplikime. Nëse një aplikim është përzgjedhur për financim të mundshëm, atëherë aplikantit përkatës mund t i kërkohet që të dorëzojë informacion shtesë. Projekti i USAID-it Drejtësi për të gjithë do t i vlerësojë propozimet, mbështetur në kriteret e bazuara në meritë, si më poshtë: Kategoria e Vlerësimit Realizueshmëria e Planit dhe Qasja Teknike (përfshin 5 pikë, të cilat do të vlerësohen veçmas për aspektin e njohur si Qëndrim Bashkëpunues i cili do të konsiderohet vetëm kur aplikimi vjen nga një partneritet OSHC-sh të kualifikuara) Pikët e Vlerësimit 45 GRANT i Projektit të USAID-it Drejtësi për të gjithë - RFA-JAG FAQJA 4 NGA 7

5 Kapaciteti teknik dhe menaxherial 20 Veprimtaria e mëparshme 15 Aftësitë organizative 15 Efektiviteti i kostove 5 Totali 100 Këto kritere vlerësuese, të bazuara në meritat e secilës organizatë, përshkruhen më saktësisht në vijim. 1. Qasja teknike a. Realizueshmëria e planit dhe qasja teknike Vlerësohet se në ç masë aplikimi i përgjigjet thirrjes për aplikime dhe nëse i adreson si duhet objektivat dhe synimet e përgjithshme të Projektit të USAID-it Drejtësi për të gjithë ; Vlerësohet nëse janë kuptuar problemet/çështjet që synon të adresojë kjo thirrje; Vlerësohet potenciali i projektit për të përmbushur me sukses dhe efikasitet objektivat e përcaktuara në Seksionin II më sipër; Vlerësohet se në ç masë projekti prezanton qasje që përbëjnë risi dhe nëse ato janë potencialisht të mundshme për t u përsëritur. b. Qëndrimi bashkëpunues (vetëm nëse aplikanti është paraqitur si partneritet i formuar nga disa OSHC të kualifikuara) Vlerësohet niveli i bashkëpunimit ndërmjet OSHC-ve shqiptare në ndarjen e ekspertizës dhe burimeve për t iu përmbajtur qasjeve të propozuara për përmbushjen e objektivave të projektit, i cili duhet të jetë i përcaktuar qartazi, duke shpjeguar edhe rolin e secilës OSHC, si edhe pjesëmarrjen dhe kontributet e saj. 2. Aftësia organizative, kapaciteti teknik e menaxherial dhe veprimtaria e mëparshme a. Kapaciteti teknik dhe menaxherial Kapaciteti teknik dhe menaxherial i aplikantit/aplikantëve për të zbatuar me sukses dhe në kohën e duhur projektin, si dhe për të arritur rezultatet e synuara. Kjo përfshin një vlerësim të: Nivelit të burimeve (njerëzore dhe kapitale), që duhet të jetë i mjaftueshëm për të përmbushur objektivat e përgjithshme të projektit; Veprimtarisë së mëparshme dhe angazhimit të aplikantit për të zbatuar aktivitetet e propozuara dhe aftësisë së tij të demonstruar për të bashkëpunuar me organizata dhe partnerë të tjerë; Përvojës dhe ekspertizës së ekipit drejtues dhe të personelit të propozuar në projekt; Masave të marra për mekanizma dhe personel të përshtatshëm për një monitorimin, vlerësimin dhe raportimin e duhur të projektit. b. Veprimtaria e mëparshme Veprimtaria e mëparshme në arritjen e rezultateve pozitive gjatë zbatimit të aktiviteteve të ngjashme me aktivitetet e propozuara; Përvoja e punës me fonde të donatorëve, si USAID-i apo të tjerë, si dhe aftësia për të përmbushur kërkesat e raportimit dhe llogaridhënies; GRANT i Projektit të USAID-it Drejtësi për të gjithë - RFA-JAG FAQJA 5 NGA 7

6 VII. Aftësia për të mbledhur dhe analizuar të dhëna për rezultatet e projektit. c. Kapaciteti organizativ Stabiliteti i përgjithshëm financiar i aplikantit; Struktura organizative dhe praktikat e mirëqeverisjes së aplikantit; 3. Efektiviteti i kostove Buxheti duhet të jetë (i) i plotë dhe i dokumentuar plotësisht, (ii) i arsyeshëm, si dhe (iii) i ndarë sipas kategorive përkatëse buxhetore; Buxheti duhet të tregojë një marrëdhënie të qartë dhe të drejtpërdrejtë ndërmjet aktiviteteve të propozuara dhe përdorimit të propozuar të fondeve; Shpenzimet e propozuara duhet të jenë të lejueshme dhe të përcaktuara për projektin. AUTORITETI/RREGULLAT QEVERISЁSE Grantet që u jepen organizatave joamerikane do t u përmbahen udhëzimeve të parashikuara në Kapitullin 303 të ADS-së, Grantet dhe Marrëveshjet e Bashkëpunimit me Organizatat Joqeveritare dhe do t i përmbahen kushteve të dispozitave standarde të USAID-it për organizatat joamerikane dhe joqeveritare, si dhe procedurave në manualin e titulluar Grantet me Kontratë të Projektit të USAID-it Drejtësi për të gjithë. Gjithashtu, ADS 303 i referohet edhe dokumentave të tjerë rregullatorë të nxjerrë nga Zyra e Menaxhimit dhe Buxhetit të Qeverisë së SHBA-së dhe Agjencisë së SHBA-së për Zhvillim Ndërkombëtar: 2 CFR Kërkesat Uniforme Administrative, Parimet e Kostove dhe Kërkesat e Auditimit për Grantet Federale, Nënpjesa E; dhe 2 CFR Zbatimi nga USAID-i i 2CFR200. Projekti i USAID-it Drejtësi për të gjithë duhet të sigurohet që të gjitha organizatat që marrin fonde prej granteve të USAID-it pajtohen me udhëzimet që gjenden në rregulloret e përmendura më lart, të zbatueshme sipas kushteve përkatëse të granteve të tyre. VIII. PROCEDURAT E DORËZIMIT TË APLIKIMIT Projekti i USAID-it Drejtësi për të gjithë do të pranojë vetëm propozimet e dorëzuara në gjuhën angleze. Në anekset A- E gjenden formularët model për t u përdorur në përgatitjen e aplikimit. Aplikantët duhet të paraqesin aplikimin e tyre teknik dhe buxhetin në formatet e parashikuara dhe duhet të ndjekin udhëzimet e përshkruara në këto anekse. Aplikimet mund të dërgohen me postë, me postë elektronike ( ), ose të dorëzohen dorazi në zyrën e Projektit të USAID-it Drejtësi për të gjithë, në Tiranë, duke përdorur informacionin e kontaktit që jepet më poshtë. Aplikimet e dërguara me faks nuk do të pranohen. Paketa e Aplikimit: Për të shkarkuar paketën e aplikimit, ju lutemi të shihni njoftimin në adresën Përndryshe, ju lutemi të kontaktoni Projektin e USAID-it Drejtësi për të gjithë në adresën grants_icpp@ewmi.org për t u pajisur me një formular aplikimi. Ju lutemi të përmendni referencën RFA-JAG në kërkesën tuaj. Sqarimet: Aplikantët duhet të dorëzojnë kërkesat për sqarim brenda afatit të përcaktuar në Seksionin IV më lart, nëpërmjet it drejtuar te Projekti i USAID-it Drejtësi për të gjithë në adresën grants_icpp@ewmi.org. Projekti i USAID-it Drejtësi për të gjithë do t u shpërndajë të gjitha organizatave të interesuara sqarime përmes it. GRANT i Projektit të USAID-it Drejtësi për të gjithë - RFA-JAG FAQJA 6 NGA 7

7 Propozimet: Aplikantët duhet të dërgojnë propozimet e tyre nëpërmjet it drejtuar Projektit të USAID-it Drejtësi për të gjithë në adresën grants_icpp@ewmi.org. Këto e- maile duhet të përmbajnë referencën RFA-JAG si subjekt të tyre. Përndryshe, aplikimet mund të dorëzohen brenda një zarfi të mbyllur në adresën e mëposhtme dhe brenda orarit normal të punës: USAID Justice for All Rr. Skënderbej, Pallati nr. 8, Shkalla 2, Apartamenti 823 Tiranë, Shqipëri Aplikimet nuk do të pranohen pas datës 7 nëntor 2016, ora 17:00 sipas orës lokale në Tiranë. Aplikimet e dorëzuara me vonesë dhe ato të cilat nuk i përgjigjen kritereve të përcaktuara nuk do të shqyrtohen. Propozimet e paraqitura duhet të jenë një punë origjinale e organizatës aplikuese. Plagjiatura do të sjellë skualifikimin nga konkursi për grantin. Projekti i USAID-it Drejtësi për të gjithë do të mbajë të gjitha materialet dhe dokumentet e paraqitura nga aplikantët. Ai nuk do ta përdorë këtë informacion për qëllime të tjera, përveç shqyrtimit të propozimit dhe nuk do ta ndajë atë me persona apo institucione të tjera, duke përjashtuar rastet kur një gjë e tillë kërkohet nga ligji shqiptar, apo nga USAID-i. Ju lutemi vini re se, në përputhje me përpjekjet tona për koordinimin e donatorëve, do të ndajmë emrat e aplikantëve dhe një përshkrim të shkurtër të projekteve përkatëse me programet e tjera shqiptare dhe ndërkombëtare, që mbështesin OSHC-të në Shqipëri. IX. LISTA E ANEKSEVE Në vijim gjendet lista e anekseve që janë pjesë përbërëse e kësaj Thirrjeje për Aplikime: Aneksi A Formulari i aplikimit për grant Aneksi B Aktivitetet e projektit Aneksi C Plani kohor i zbatimit të projektit Aneksi D Udhëzime për buxhetin e projektit Ky grant është bërë i mundur me mbështetjen e popullit amerikan përmes Agjencisë së Shteteve të Bashkuara për Zhvillim Ndërkombëtar (USAID). Përmbajtja e kësaj Thirrjeje për Aplikime është vetëm përgjegjësi e East- West Management Institute dhe nuk pasqyron domosdoshmërisht pikëpamjet e USAID-it apo të Qeverisë së Shteteve të Bashkuara. GRANT i Projektit të USAID-it Drejtësi për të gjithë - RFA-JAG FAQJA 7 NGA 7